Summary
Submissions on the ERO’s Long-Term Insights Briefing topic consultation document have now closed.
Thank you to everyone who made a submission.
We are currently working through the submissions and plan to publish a final decision on the subject matter (together with a summary of submissions) later this month.
If you have any questions or would like to receive updates on the Briefing please email us at LTIB@ero.govt.nz
This document is also available in English - Responding to Diverse Cultures: Schools’ Practice
This document is also available to download in the following languages:
We invite your thoughts on the topic and scope of ERO’s Long-Term Insights Briefing: “Responding to Diverse Cultures: Schools’ Practice” to be published by the end of the 2022.
The Long-Term Insights Briefing is a think piece that identifies and explores ‘Responding to Diverse Cultures: Schools’ Practice”.
Our focus is on issues that matter for the future wellbeing of the people of New Zealand and provide information about medium and long-term trends, risks and opportunities, and explore options on how best to respond. They are not government policy.
DEADLINE EXTENDED - The deadline for submissions is Friday 1 April 2022.
Next steps
The dates may change and is an estimation
Friday 1 April 2022 5pm – consultation closes
April 2022: Publish a summary of your feedback
April 2022: Decide the subject matter of our Long-Term Insights Briefing
August/early September 2022: Draft briefing seeking feedback from the public
November 2022: Final Briefing made available on this page.
How to provide feedback
Let us know what you think:
-
Do you agree with the topic and proposed scope of the Long-Term Insights Briefing?
-
Are there any other questions/focus areas you think we should consider?
-
Would you like to participate in this work?
How to submit
Two ways to make a submission:
-
Email your submission to: LTIB@ero.govt.nz
-
Send a written submission by mail to
LTIB – for attention Te Ihuwaka
ERO — National Office
PO Box 2799
Wellington
Whole article:
Te Urupare ki ngā Ahurea Kanorau: Ngā Ritenga Mahi o ngā KuraWāhanga Tuatahi: Ko wai mātou, ā, me te kaupapa o tētahi Whakamāramatanga Tirohanga Pae Tawhiti
Ko te Tamaiti te Pūtake o te Kaupapa | The Child – the Heart of the Matter
Tā mātou mahi
Ko Te Tari Arotake Mātauranga (ERO) te tari arotake mātauranga a Te Kāwanatanga o Aotearoa.
Ka mahi tahi mātou me ngā ratonga ako kōhungahunga, ngā kōhanga reo me ngā kura ki te āwhina i a rātou me ā rātou ākonga, kia pāhautea ai. E kaingākau ana mātou ki ngā mahi e pai ana te haere, ā, me ngā mea hei whakapai ake.
Ka whakahaere rangahau mātou i runga i mahi a te pūnaha mātauranga, te whaihua o ngā hōtaka me ngā wawaonga, ā, me te whakapūaho i ngā tikanga mahi pai.
Ko tā mātou kaupapa he tuku i ngā tirohanga arotake e noho ana hei take whakahoi i ngā panonitanga, e angitu ai ia tamaiti. Ko tā mātou aronga ko ngā putanga mana ōrite, hiranga hoki mā ngā ākonga katoa, ā, ko tā mātou huarahi e kōkiritia ana e tā mātou whakataukī: Ko te Tamaiti te Pūtake o te Kaupapa | The Child – the Heart of the Matter.
Te kaupapa o tētahi Whakamāramatanga Tirohanga Pae Tawhiti
Ko ngā Whakamāramatanga Tirohanga Pae Tawhiti he tuhinga e tautuhi ana, e tūhura ana hoki i ngā take nui mō te oranga tau koroī o ngā tāngata o Aotearoa. Ko tā ngā whakamāramatanga nei he tuku mōhiotanga mō ngā ia pae wawaenga, pae tawhiti hoki, ngā mōrearea me ngā āheinga, me te tūhura i ngā kōwhiringa me pēhea e urupare pai rawa ai. Ehara i te kaupapahere kāwanatanga.
Te kaupapa o tēnei tuhinga whiriwhiri
He wāhanga nui te whakawhiti kōrero ki te iwi tūmatanui o ngā Whakamāramatanga Tirohanga Pae Tawhiti, i te mea ka āwhina i a tātou katoa hei whenua ki te whai whakaaro, me te whakamahere mō te anamata.
E whakatakoto ana tēnei tuhinga whiriwhiri i te kaupapa kōrero e marohitia ana mō te kaupapa o te Whakamāramatanga Tirohanga Pae Tawhiti a ERO – “Te Urupare ki ngā Ahurea Kanorau: Ngā Ritenga Mahi o ngā Kura”. E whakamārama ana he aha mātou i kōwhiri ai i tēnei kaupapa kōrero, e whakatakoto ana i ētahi o ngā pātai e hiahia ana mātou ki te whakautu, me te tuku tirohanga whānui o ngā huarahi ka whāia e mātou. Ko te painga atu mēnā ka rongo kōrero mātou mō te ngako me te hōkaitanga o te kaupapa e marohitia nei.
Wāhanga Rua: E hiahia ana mātou ki te rongo i ō whakaaro mō tā mātou kaupapa e marohitia ana
E panoni haere ana te porihanga o Aotearoa. Nā te panonitanga o te hangapori me ngā manene, e piki haere ana te kanorau ā-mātāwaka, ā-ahurea hoki. E mātua whakarite ai i te tutukitanga e te pūnaha mātauranga o ngā matea o ngā tamariki katoa o Aotearoa, me urupare rawa ngā ritenga mahi o ngā kura o Aotearoa ki te pikinga o te kanorautanga.
E mōhio ana mātou ehara i te mea he kotahi tonu te āhua o te mātauranga pai rawa. E whakaū ana, e whakapakari ana hoki ngā mahi whakaako urupare ā-ahurea i ngā ahurea o ngā tamariki, tō rātou tuakiri me ō rātou reo, e tutuki ai ngā whāinga ako angitu. Engari he aha ake te whakatinanatanga o te whakaako urupare ā-ahurea, ā, ka pēhea te mahi o ngā kura ki te tautoko i ngā ritenga mahi papai?
Te kaupapa e marohitia ana e mātou
Te Urupare ki ngā Ahurea Kanorau: Ngā Ritenga Mahi o ngā Kura
E whai ana te Whakamāramatanga Tirohanga Pae Tawhiti a ERO ki te whakarato i tētahi tirohanga mārama o te pikinga o te kanorautanga i ngā kura, kia mārama ki ngā wheako mātauranga o ngā ākonga me ō rātou whānau mai i ngā takenga kanorau, me te tūhura me pēhea e urupare pai ake ai ngā kura ki te pikinga o te kanorautanga.
E whakaaro ana mātou ki te mahi i tēnei mahi mā te tiro ki ētahi pātai matua e whā:
- Kua pēhea i panoni ai te kanorautanga i ngā kura, ā, ka pēhea e panoni ai āpōpō?
- He aha ngā wheako mātauranga o ngā ākonga kanorau me ō rātou whānau?
- He aha ngā ritenga mahi papai mō te whakatutuki i ngā matea o ngā ākonga nō ngā takenga kanorau?
- Me pēhea e taea ai e ngā kura te whakariterite mō tētahi anamata kanorau ake, ā, me pēhea te tautoko i a rātou?
Ko tēhea momo kanorautanga?
He nui ngā momo kanorautanga pēnei i te kanorau mātāwaka, ahurea, reo, tuakiri me te whakapono.
He mea nui tonu te mahara ake ka urupare te mātauranga ki ngā momo kanorautanga katoa. Mō tēnei kaupapa e whai ana mātou ki te aro ki te kanorau ā-mātāwaka me te kanorau ā-reo, ā-ahurea, ā-whakapono hoki e whai pānga ana.
E tiro kē atu ana mātou ki ētahi atu momo kanorautanga, hei tauira, ā mātou mahi i runga i te mātauranga mō ngā ākonga hauā.
Ko ēhea mātāwaka?
E whai ana mātou ki te aro ki ngā hapori mātāwaka i runga anō i te whakamārama a Te Tari Mātāwaka:
“Ka uru ki ngā hapori mātāwaka o Aotearoa te tangata e kī ana ko tōna mātāwaka he:
- Āwherika
- Āhia
- Uropi
- Amerikana-Rātini
- Rāwhiti-Waenga
I runga anō i Te Tatauranga 2018, ko ngā hapori mātāwaka he āhua kotahi haurima o te taupori o Aotearoa, otirā he tata ki te miriona tāngata. Ka uru ki tēnei ngā manene hou, taupua rānei, ngā rerenga o mua, ngā kairapu whakaruru, ngā kainoho mauroa me ngā mea i whānau mai i Aotearoa.
He rōpū tino kanorau tēnei, e whakakanohi ana i te neke atu i te 200 mātāwaka me te kōrero i ngā reo neke atu i te 170.”
https://www.ethniccommunities.govt.nz/community-directory/
Te horopaki ahurea kanorau o Aotearoa
Ko tā mātou whakamārama o ngā hapori kanorau ko tērā kua whakamāramatia e Te Tari Mātāwaka. Ka noho te aronga ki ēnei hapori i te taha o tō mātou takohanga matua ki Te Tiriti o Waitangi, me te whakarite anō e kaha tautokona ana ngā tamariki me ngā Rangatahi Māori ki te ako, ā, kia puāwai ai rātou i tō rātou ake ahurea, reo me te tuakiri.
Ka kīnaki tēnei rangahau i ngā rangahau me ngā rauemi hora whānui a ERO mō ngā ritenga urupare ā-ahurea pai mō ngā ākonga Māori. Ka tiro mātou ki ngā wheako o ngā ākonga Māori, Pasifika hoki nō ngā hapori kanorau matatini. Ka nanao hoki mātou ki ngā akoako mai i ngā ritenga urupare ā-ahurea angitu mō ngā ākonga Māori me ngā hapori Pasifika, ā, me te āhua o tā rātou āwhina pea ki te tautoko i te huhua o ngā momo ākonga kanorau.
Ētahi tauira o ngā rauemi whaihua mō te urupare ki ngā tamariki me ngā whānau Māori:
- Tātaiako: Ngā matatau ā-ahurea mō ngā kaiako o ngā ākonga Māori
- Ka hikitia – Ka hāpaitia | Te rautaki mātauranga Māori
- Te whatu pōkeka: Aromatawai Kaupapa Māori mō te ako
- Ngā rangapūtanga ki ngā whānau Māori i roto i ngā ratonga ako kōhungahunga
Ētahi tauira o ngā rauemi hei tautoko i te mātauranga mō ngā ākonga me ngā whānau Pasifika:
- Tapasā: He anga matatau ā-ahurea mā ngā kaiako o ngā ākonga Pasifika
- Me Mahere Mahi mō te Mātauranga Pasifika
Ko ēhea putanga?
I te wā e tiro ana ki ngā wheako mātauranga a ngā ākonga kanorau me ō rātou whānau, e marohi ana mātou ki te whakakapi i te huhua noa atu o ngā whāinga ako:
- Te ako me ngā paetae – Kei te pēhea ā rātou mahi? E whiwhi ana rātou i ngā tohu, ngā paetae rānei e whaikiko ana ki a rātou? E kuhu atu ana rātou ki ngā huarahi ako whaikiko ka mutu ana te kura?
- Te oranga me te tūrangawaewae – E puāwai ana ngā ākonga i te kura? E tangata whenua ana te noho i te kura? E manawanui ana i tō rātou ake tuakiri?
- Te whakaurunga – E pārekareka ana ki ngā ākonga ā rātou mahi ako? E whakauru ana ki ā rātou mahi ako? E taetae atu ana rātou ki te kura?
He hononga kaha tō te oranga, te whakaurunga, te ako me te tūrangawaewae. Hei tauira, he hononga pakari rawa i waenga i te oranga me te ako. He pānga nui rawa tō te pai o te wairua o te rangatahi i te kura, ki tōna manawanui, me te pai o te mahi ako.
He aha i whāia ai tēnei kaupapa?
E whakaatu ana ngā matapae hangapori i te pikinga o te kanorautanga
E matapaetia ana ka tipu te kanorau ā-mātāwaka o te taupori o Aotearoa ā ngā rua tekau tau e tū mai nei. I te wā ka kanorau ake ngā mātāwaka o ngā hapori, ka pērā anō hoki te taupori ākonga.
Kua rua tekau tau e tipu haere ana te kanorau ā-mātāwaka o te taupori whānui. Hei tauira, i te wā o ngā Tatauranga 2006-18, kua tipu haere ngā mātāwaka Hainamana, Īnia, Piripīno, Whitinamu, Hapanihi, Hirāka, Kamapōtia, Rāwhiti-Waenga, Amerikana-Rātini, me te Āwherika, hei pānga o te taupori katoa (Hoahoa 1).
Hoahoa 1: Te pikinga o te kanorau ā-mātāwaka (%)
A bar graph titled "Increasing Ethnic Diversity, Censuses 2006-18"
2006
Chinese 3.6637%
Indian 2.5964%
Korean 0.7645%
Filipino 0.4205%
Other SE Asian 0.3733%
Japanese 0.2956%
Other Asian 0.2179%
Sri Lankan 0.2064%
Cambodian 0.1718%
Vietnamese 0.1184%
Asian, not further defined 0.0537%
Southeast Asian, not further defined 0.0117%
Middle Eastern 0.4348%
African 0.2643%
Latin American 0.1652%
2013
Chinese 4.0408%
Indian 3.6581%
Korean 0.7112%
Filipino 0.9512%
Other SE Asian 0.4972%
Japanese 0.3328%
Other Asian 0.2950%
Sri Lankan 0.2658%
Cambodian 0.2028%
Vietnamese 0.1570%
Asian, not further defined 0.1090%
Southeast Asian, not further defined 0.0301%
Middle Eastern 0.4810%
African 0.3174%
Latin American 0.3107%
2018
Chinese 5.2720%
Indian 5.0895%
Korean 0.7588%
Filipino 1.5450%
Other SE Asian 0.5712%
Japanese 0.3860%
Other Asian 0.4295%
Sri Lankan 0.3581%
Cambodian 0.2058%
Vietnamese 0.2146%
Asian, not further defined 0.2513%
Southeast Asian, not further defined 0.1323%
Middle Eastern 0.5956%
African 0.3594%
Latin American 0.5475%
Mātāpuna Tatauranga Aotearoa, Ngā whakarāpopoto o ngā rōpū mātāwaka e ai ki te Tatauranga (i whakahoutia i te 14 Hereturikōkā 2020)
Huihuinga raraunga rōpū mātāwaka o te Tatauranga 2018 | Tatauranga Aotearoa
Tuhipoka: Ngā mātāwaka Taumata 3 i Kōwhiria
Hei te 2043, e matapaetia ana he 27% o te hunga rangatahi (0-14 tau te pakeke) ka tautohu hei Āhia (he pikinga mai i te 16%), ā, he 4% ka tautohu hei Rāwhiti Waenga/Amerika Rātini/Āwherika (he pikinga mai i te 2%). I roto i tēnei, hei te roanga o ngā rua tekau tau e tū mai nei, ka piki te ōrau o ngā rangatahi e tautohu ana hei Hainamana mai i te 5% ki te 7%, ā, me ngā rangatahi e tautohu ana hei Īnia ka piki mai i te 5% ki te 10%.
Te mātāpono kanorau i Te Marautanga o Aotearoa
I te taha o te tipunga o te taupori kanorau, ka tipu hoki te āhukahuka i ngā rangahau mātauranga e mea ana he raru tō te mātauranga huarahi kotahi mā ngā tamariki. He horopaki ahurei tō ia tamaiti, i runga i te āhua noho i te ahurea ahurei o tōna whānau, hapori hoki. Ko ngā ritenga mahi urupare ā-ahurea he wāhanga o te whakaako kounga, ehara i te mea tapiri noa.
E whakatakoto ana Te Marautanga o Aotearoa i ngā kawatau mō te mātauranga whakauruuru, urupare anō hoki. Ka kitea nga tohutoro ki te ahurea me te reo e rarangatia ana i roto katoa i ōna mātāpono. Hei tauira, e mea ana te mātāpono kanorau ahurea, me tuku ngā kura me ngā kaiako i te marautanga e:
- whakaatu ana i tō tātou iwi kanorau ā-reo, ā-ahurea hoki
- whakaū ana i ngā tuakiri kanorau rerekē o ngā ākonga
- whakauru ana i ngā horopaki ahurea o ngā ākonga ki roto i ngā hōtaka ako
- urupare ana ki te kanorautanga i waenga i ngā rōpū mātāwaka
- āwhina ana i ngā ākonga kia mārama, kia whakaute hoki i ngā tirohanga, ngā uara, ngā tikanga me ngā reo kanorau.
Te āhua o tā mātou whai i tēnei kaupapa
Ka nanao atu te Whakamāramatanga Tirohanga Pae Tawhiti a ERO ki ngā raraunga haumako o te wā nei o te kanorautanga i Aotearoa, tae atu ki te Tatauranga 2018, ngā rangahau o te wā nei, ngā mōhiohio mō ngā taunga ākonga me ngā matapae taupori a Tatauranga Aotearoa.
E uaratia ana e ERO te reo motuhenga o te ākonga. E hiahia ana mātou ki te rongo hāngai tonu i ngā ākonga kanorau ā-mātāwaka me ō rātou whānau mō ō rātou wheako, ina koa ngā ākonga nō ngā rōpū māngai iti, kāore āno ō rātou reo kia rangona. Kia tutuki ai tēnei, ka whakahaeretia ētahi hui arotahi me te whakahaere uiui.
Nō ngā kaiārahi me ngā kaiako te takohanga mō ngā ritenga ako urupare ā-ahurea i ō rātou kura. Ki te rapu he aha te āhua o te “mahi urupare ā-ahurea” ka kōrero mātou ki ngā kaiako me ngā kaiārahi kura me te toro atu ki ngā kura.
Ko ngā mātanga o te ahurea o te tamaiti ko ō rātou whānau. Ka whakahaeretia ētahi hui arotahi ki ngā whānau ki te rongo mō ō rātou wheako me ngā wawata mō te mātauranga o ā rātou tamariki, me te rapu he aha te tikanga o te whakaako urupare ā-ahurea ki a rātou. Ka uiui hoki mātou i ngā mātanga tohunga rawa.
Me whaihua ngā mahi
Mā te whai māramatanga ki te kanorautanga, mā tēnei whakamāramatanga e tuku ngā kura me te pūnaha mātauranga kia pai ake ai te whakarite me te whakamahere mō ngā taiao kura kanorau ake.
Mā te mārama ki ngā wheako o ngā tamariki kanorau ā-mātāwaka me te miramira i ngā ritenga papai, mā tēnei whakamāramatanga e tuku ngā kura ki te whakatinana pai ake i ngā ritenga mahi urupare ā-ahurea.
Ko te mea nui rawa, mā ngā ritenga mahi pai ake, e pai ake ai te oranga, te whai wāhi, te taetaenga, te ako me ngā paetae o ngā ākonga kanorau, ā, me te whakaputa i te wairua toi whenua.
Wāhanga Tuatoru: Me pēhea tō whai wāhi ake
Te rapu i tō tautoko
E hiahia ana mātou kia rongo i ō whakaaro mō te kaupapa Whakamāramatanga Tirohanga Pae Tawhiti e marohitia ana e mātou.
- E tautoko ana koe i te kaupapa, ā, me te hōkaitanga e marohitia ana mō te Whakamāramatanga Tirohanga Pae Tawhiti?
- He pātai/wāhanga arotahi atu anō hei whakaarotanga mā mātou i ō whakaaro?
- E hiahia ana koe ki te whakauru mai ki tēnei mahi?
Me pēhea te tuku tono
E rua ngā huarahi ki te tuku tono:
- Īmērahia tō tono ki: LTIB@ero.govt.nz
- Tukuna he tono ā-tuhi mā te mēra ki:
LTIB
ERO - National Office
PO Box 2799
Wellington
Ko te rā kati o ngā tono ko te Rāmere 1 o Paengawhāwhā 2022.
Privacy and the Official Information Act
Kia tau te noho i runga i te mōhio ka noho tapu tonu ngā whakahokinga kōrero ka tukuna mai e koe, ki te hunga e tātari ana i ngā raraunga whakawhiti kōrero. E kore mātou e tautuhi i ngā tāngata takitahi i roto i te pūrongo tātari whakamutunga, māna, kua tukuna mai e koe te whakaaetanga kia pēnā mātou. Engari ko ngā tono, tae atu ki ngā ingoa o ngā kaitono me ngā tuhinga e whai pānga ana ki te tukanga whakawhiti kōrero, ka taea tonu te tono ake i raro i te Official Information Act 1982. I a mātou e kohi ana i ō mōhiohio whaiaro, e kore e tiria ō taipitopito whakapā whaiaro.
Wāhanga Tuawhā: Ngā mahi ka whai ake
- Ka whakaputaina e mātou he whakarāpopototanga o ngā whakahoki kōrero i whiwhi mātou e pā ana ki te kaupapa kua marohitia hei te Paengawhāwhā 2022.
- Ka whakaputaina e mātou he whakatau whakamutunga o ngā kohinga kōrero mō te kaupapa o tā mātou Whakamāramatanga Tirohanga Pae Tawhiti hei te Paengawhāwhā 2022.
- Ka whakaputaina e mātou he tuhinga hukihuki o te Whakamāramatanga, ā, me te rapu whakahoki kōrero mai i te iwi tūmatanui hei te mutunga o Hereturikōkā/tīmatanga o Mahuru. Tērā anō tētahi āheinga mōu ki te whai wāhi ki tā mātou Whakamāramatanga Tirohanga Pae Tawhiti.
- Ka whakaputaina e mātou he Whakamāramatanga whakamutunga hei te Whiringa-ā-rangi 2022.