Te Wharekura o Te Kaokaoroa o Patetere

Ngā Whakaaturanga

E tū ana Te Wharekura o Te Kaokaoroa o Pātetere ki Pūtāruru, ki te tonga o Waikato. Ka kitea te piki ake o te māramatanga o ngā uri ki tō rātou rangatiratanga. E ako ana ngā uri i ō rātou tūranga me ā rātou kawenga hei uri o Ngāti Raukawa, ā, ka noho maioha ki te mana o te reo Māori. Ka whakapuaki te poari, te tumuaki, me ngā kaiārahi o ngā ohu i ō rātou mōhiotanga, ō rātou pūkenga, me ō rātou wheako, hei hāpai i te waiora ā-whatumanawa, ā-tinana hoki o ngā uri, me tā rātou eke angitu i roto i te mātauranga.

Tērā ka whakahaeretia e Te Tari Arotake Mātauranga te arotake whai muri o Te Wharekura o Te Kaokaoroa o Pātetere i roto i ngā tau e toru. 

1 Te Horopaki

E tū ana Te Wharekura o Te Kaokaoroa o Pātetere ki Pūtāruru, ki te tonga o Waikato. Kua toru kē ngā wā kua whai wāhi ētahi o ngā kaitiaki tokomaha ki te poari. Kua mahi ngātahi te poari, te tumuaki, me ngā kaiārahi matua ki te hāpai i ngā ākonga, te whānau, me te hapori, hei hiki ake i te taumahatanga o te wā i pā ai i te tau 2014. I whāia tētahi tukanga mārama hei whakapai ake i te hauora me te haumaru, inā koa, ko te waiora ā-tinana, ā-whatumanawa tonu o ngā ākonga.

Ko Raukawa te iwi, ko Ngāti Āhuru me Ngāti Mahana ngā hapū.

Ka hāngai ‘Te Whare Wairua o Raukawa’ ki ngā pūmanawa o Raukawa. Ka whai pānga matua ngā uaratanga o te whakaute, te kawea, te hiranga, te atawhai, me te pono ki te marautanga.

Kua whakaritea ētahi ohu hei hāpai i te whakapuakitanga o te marautanga. Ko te Ohu Tēina mō te kura tuatahi, ko te Ohu Tuākana mō te kura takawaenga, ā, ko te Ohu Wharekura mō te haikura. He rite tonu tā ngā kaiarahi me ngā kaimahi pūrongo ki te poari me te whānau mō ngā paetae ākonga, te whakawhanaketanga i te hōtaka, me ngā whakatutukitanga angitu.

Mai i te arotake o mua a Te Tari Arotake Mātauranga, kua riro i te kura te whakahoutanga ake o ngā whare, ā, kua tino piki ake te tatauranga o ngā ākonga ki te rārangi ingoa. Ka hāngai ngā whare hou ki te taiao ako moroki. Ka whakarato te kura i ngā pahi e whakawhiti ana ki te kura i Te Awamutu me Tokoroa. Ka tautoko, ka ārahi hoki Te Wharekura o Te Kaokaoroa o Pātetere i tētahi kura teina ki Rotorua.

He pēhea rawa tā ngā uri whakaatu i tō rātou rangatiratanga?

Kei te whakatinana ngā uri i tō rātou māramatanga ake ki tō rātou rangatiratanga. 

2 Ngā Putanga ki ngā Uri

E whanake ana te tino aronga toi whenuatanga, te tino tuakiri anō hoki o ngā uri. Ka hāngai ngā hōtaka akoranga ki te Raukawatanga, ā, he tino aronga ki te whakapūmau i ngā hononga ā-iwi. Ka akiaki i ngā uri ki te kawe ake i ā rātou akoranga, me te tiaki i ā rātou tikanga tuku iho me ngā hītori. Ka whakarato ngā pouako i te whānuitanga o ngā tūmomo whai wāhitanga mō ngā uri ki te whakawhanake hei kaiārahi mō tō rātou whānau, tō rātou hapū, me tō rātou iwi. Whai wāhi ai ngā uri i ia te wā ki ngā tūmomo huihuinga ā-tau, puta noa i te rohe o Waikato-Tainui. He manawa whakahī tō rātou hei uri o Ngāti Raukawa.

Ka whakatairanga ngā uri i te whakamahinga o te reo me ngā tikanga Māori. Ka whakatauira ngā kaumātua me ngā poumahi i ngā tikanga me ngā kawa hei āta whakawhanake i te māramatanga hōhonu, i te whakatinanatanga anō hoki o ngā uri i aua whakaritenga. Puta noa i te kura, ka noho whakahirahira ngā uaratanga o te aroha me te whakaute, me te manaaki a tētahi ki tētahi, te tiaki hoki i ngā manuhiri. Ka hāpai ngā poumahi i te whai wāhi atu a ngā uri ki ngā whakataetae Manu Kōrero, ki ngā hui Kapa Haka hoki o te rohe me te motu, ā, he tino huarahi tēnei mō ngā uri ki te whakapuaki i ō rātou whakaaro mā te reo Māori. Kōrero Māori ai ngā uri i ngā wā katoa, ā, ka tū pakari rātou ki te whānuitanga o ngā tūmomo horopaki Māori.

He ngana te ako a ngā uri. He pakari te reo matatini me te pāngarau, ā, koia nei te tūāpapa mō te katoa o ngā hōtaka akoranga. Ka tāutuhia ngā matea ako o ia tamaiti, nā runga i ngā hōtuku aromatawai ka whakaemihia, ka whakapuakihia anō hoki ki ia ohu. Ka whakamahia aua mōhiohio hei whakatinana i ngā mahere mā ngā hōtaka o te ohu me te akomanga. Kua toka tētahi hōtaka hōrapa i te kura hei whakapiki i te angitū a ngā uri. He pārekareka ki ngā uri te ako.

E tīmata ana ngā uri ki te kōkiri i ā rātou ake akoranga. E ako ana rātou ki te aroturuki i tā rātou ake ahu whakamua. Ka ākina te whakaaro kaikini o ngā uri, mā te tautoko o ngā poumahi e whakamahi ana i te whānuitanga o ngā tūmomo rautaki ka whakawhānui i ō rātou māramatanga. He whai wāhitanga mō ngā uri ki te whakapuaki i ō rātou ake whakaaro e pā ana ki ō rātou wheako akoranga ki te kura. Ka whakamahi ngā poumahi i ngā hua o te patapātai hei ārahi i te whakamaheretanga o te marau me te whakatutuki i ngā matea o ngā uri. Ka ākina ngā uri o te wharekura kia whakapā atu ki ā rātou ake paetae mā Te Mana Tohu Mātauranga o Aotearoa, hei aroturuki, hei whakamahere hoki i ā rātou ake huarahi ako. He pakari ngā uri ki te whakamahi i ngā taputapu matihiko i a rātou e mahi takitahi ana, e mahi takirōpū ana rānei ki te taha o ō rātou hoa me ngā poumahi, hei whakatairanga ake i tā rātou ako. He ākonga ngana ngā uri.

Ka rongo ngā uri i te angitu ki te whānuitanga o ngā tūmomo horopaki. He whai wāhitanga mō ngā uri ki te ārahi me te tautoko i ō rātou hoa me ō rātou tēina, ā, ka āta poipoi tēnei i te whakawhanaungatanga. Ka whakanuia ngā pūmanawa hākinakina me ō rātou whakatutukitanga. Kua tuituia te kai hauora me te kori tinana ki te hōtaka hākinakina o te kura, hei whakatairanga i te oranga tangata. Ka mahi ngātahi te whānau me ngā poumahi ki te hāpai i te whai wāhi a ngā uri ki ngā whakataetae ā-rohe, ā-motu, me te ao. Kua whakaritea te tautoko tonutanga hei whakapakari ake i ngā pūkenga ake o ia tamaiti me ngā rautaki ki te whakahaere i a ia anō. E whakawhanake ana te āheinga o ngā uri ki te kōkiri i a rātou anō, i tō rātou tino rangatiratanga anō hoki.

Ko te waiora ā-whatumanawa o ngā uri tētahi kaupapa matua. He aronga ā-kura ki te whakarato i tētahi taiao ako pai. Kua whakapau kaha te poari, te tumuaki me ngā kaiārahi matua ki te whakapai ake i ngā whakaritenga, puta noa i te kura. Kua tuitui i ngā hōtaka haumaru ki te marautanga. Ka whakatinanatia ngātahitia ngā mātāpono o te angamahi e kīia nei ko Positive Behaviour for Learning (PB4L) me ngā uaratanga matua o te kura, ā, whai pānga pai ēnei ki ngā paetae o ngā uri. He ratonga tākuta, he ratonga pāpori anō hoki ki te kura i ia wiki, hei hāpai i te waiora ā-whatumanawa, ā-tinana hoki o ngā uri me te whānau. Ka whakatauira ngā poumahi i ngā hononga māhaki, whakaute anō hoki ki waenga i a rātou, ki ngā uri, ā, ki te whānau hoki. Nā te pai o ngā wāhi akoranga i āta waihangatia ai me ngā wehenga karaehe, ka hāpai ngā poumahi i ngā uri ki te kōkiri i ā rātou ake akoranga. He pakari ngā uri ki te āta whakapuaki i ō rātou whakaaro me ō rātou kare ā-roto.

Ngā wāhanga i tāutuhia ai e te kura hei whakawhanake ake

Kei te āta mārama ngā kaiārahi me te poari o te kura ki ngā wero e whai pānga ana ki ā rātou whakatutukitanga, ā, kei te ahu whakamua rātou ki te whakapai ake i ngā putanga mō ngā uri. He hou tonu ngā pūnaha e pā ana ki te aromatawai, te tātari, te pūrongo, me te aroturuki nahanaha i ngā paetae ākonga, ā, kei te tīmatanga tonu o te whakatinanatanga i ēnei.

3 Te Ārahitanga

Ka whai pānga nui te ārahitanga ki ngā akoranga ōkawa me ngā akoranga ōpaki, puta noa i te kura. Ka āta whakamahi te tumuaki me ngā kaiārahi o ngā ohu i ō rātou pūmanawa, ō rātou pūkenga, me ō rātou mōhiotanga hei hāpai i te whakawhanaketanga o te kura. Ka hāpai ngā rangatira o te iwi me te hapori i te aronga o te kura me āna whakataunga. Kei ngā kaiārahi o ia ohu te kawenga ki te whakatinana i ngā pūnaha ka hāngai pū ki ngā putanga mātauranga mō ngā uri. Ko te mātāpono ‘Ngā rangatira mō āpōpō’ e kōkiri ana i ngā whai wāhitanga mō ngā uri, ngā poumahi, me te whānau ki te ārahi. E ako ana ngā uri i tō rātou tūnga hei kaiārahi.

4 Te arotake whaiaro

Ko te ako me ngā paetae ākonga a ngā uri e ārahi ana i te arotake whaiaro. Kua whakaritea ētahi tukanga aromātai e whai hua ana. Ka hui ngā poumahi ki te whakaaro huritao, te whakawhiti kōrero, me te whakawhiti whakaaro, hei whakapai ake i ngā putanga mō ngā uri. Ka whakamahia te whānuitanga o ngā tūmomo rautaki hei akiaki i te whai wāhi mai o te whānau ki te aromātai o roto. Ka whakamahi te poari i ngā mōhiohio i whakaemihia ai hei arotake, hei aroturuki i tā rātou aronga rautaki. Ko te angitu o ngā uri tētahi kaupapa matua.

5 Te Whakatau a Te Poumarumaru ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a Te Poumarumaru mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a Te Poumarumaru
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā pouako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura.

6 Ngā Taunakitanga

Kia whakapai ake te poari, te tumuaki, me ngā kaiārahi o ngā ohu i te whakamahinga o ngā paetae ākonga, hei whakapai ake anō hoki i ngā putanga mō ngā uri.

Te Whakarāpopototanga

E tū ana Te Wharekura o Te Kaokaoroa o Pātetere ki Pūtāruru, ki te tonga o Waikato. Ka kitea te piki ake o te māramatanga o ngā uri ki tō rātou rangatiratanga. E ako ana ngā uri i ō rātou tūranga me ā rātou kawenga hei uri o Ngāti Raukawa, ā, ka noho maioha ki te mana o te reo Māori. Ka whakapuaki te poari, te tumuaki, me ngā kaiārahi o ngā ohu i ō rātou mōhiotanga, ō rātou pūkenga, me ō rātou wheako, hei hāpai i te waiora ā-whatumanawa, ā-tinana hoki o ngā uri, me tā rātou eke angitu i roto i te mātauranga.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Wharekura o Te Kaokaoroa o Pātetere i roto i ngā tau e toru. 

Lynda Pura-Watson

Kaiurungi Whakaturuki Arotake Māori 

12 Here-turi-kōkā, 2016 

Purpose

The purpose of ERO’s reviews is to give whānau and the wider school community information about the quality of education that the school provides and their children receive. ERO’s reports are intended to be clear, concise, constructive and evaluative. An ERO report answers an evaluative question that is developed with the school and whānau. Under the overarching question ERO reports on the quality of education and learning outcomes for children. ERO also reports on self review processes and practices.

Ngā Kōrero e pā ana ki te kura 

Findings

E tū ana Te Wharekura o Te Kaokaoroa o Pātetere ki Pūtāruru, ki te tonga o Waikato. Ka kitea te piki ake o te māramatanga o ngā uri ki tō rātou rangatiratanga. E ako ana ngā uri i ō rātou tūranga me ā rātou kawenga hei uri o Ngāti Raukawa, ā, ka noho maioha ki te mana o te reo Māori. Ka whakapuaki te poari, te tumuaki, me ngā kaiārahi o ngā ohu i ō rātou mōhiotanga, ō rātou pūkenga, me ō rātou wheako, hei hāpai i te waiora ā-whatumanawa, ā-tinana hoki o ngā uri, me tā rātou eke angitu i roto i te mātauranga.

Tērā ka whakahaeretia e Te Tari Arotake Mātauranga te arotake whai muri o Te Wharekura o Te Kaokaoroa o Pātetere i roto i ngā tau e toru. 

1 Context

Te Wharekura o Te Kaokaoroa o Pātetere is located in Putaruru, South Waikato. Many trustees are in their third term on the board. The board, tumuaki and senior leaders have worked together to assist students, whānau and the community to overcome a traumatic period in 2014. A clear process was followed to improve health and safety, particularly the physical and emotional wellbeing of students.

Ko Raukawa te iwi, ko Ngāti Ahuru me Ngāti Mahana ngā hapū.

‘Te Whare Wairua o Raukawa’ is based on the qualities of Raukawa. The values of whakaute, kawea, hiranga, atawhai and pono are an integral to the curriculum.

‘Ohu’ groups have been established to support delivery of the curriculum. These are the Ohu Teina (primary), Ohu Tuakana (intermediate) and Ohu Wharekura (secondary). Syndicate leaders and staff report regularly to the board of trustees and whānau about student achievement, programme development and success stories.

Since the previous ERO review the kura has received building upgrades and there has been a significant growth in the roll. The new buildings reflect a modern learning environment. The kura provides a bus service from Te Awamutu and Tokoroa. Te Kaokaoroa o Pātetere provide support and guidance for a satellite kura in Rotorua.

How well do uri demonstrate their rangatiratanga?

Uri demonstrate an increasing understanding of their rangatiratanga.

2 Uri Outcomes

Uri are developing a strong sense of belonging and identity. Learning programmes are based on Raukawatanga and there is a strong focus on maintaining iwi connections. Uri are encouraged to take responsibility for learning about and protecting their traditions and history. Pouako provide uri a range of opportunities to develop as leaders for their whānau, hapū, iwi. Uri regularly participate in annual events throughout the Waikato-Tainui region. Uri are proud to be Ngāti Raukawa.

Uri promote the use of te reo and tikanga Māori. Kaumātua and poumahi model tikanga and kawa to ensure that uri to develop a deep understanding and are able to practice these appropriately. The values of aroha, respect and care for each other and manuhiri are important throughout out the kura. Poumahi support uri to participate in local and national Manu Kōrero and Kapa Haka events which provide a meaningful way for uri to express themselves in te reo Māori. Uri speak te reo Māori consistently and are confident in a range of Māori contexts.

Uri are motivated learners. Strong literacy and numeracy are the foundation for all learning programmes. Individual learning needs are identified based on assessment data that is collated and shared with each ohu. This information is used to inform planning for the ohu and classroom programmes. A school-wide programme is in place to increase uri achievement. Uri enjoy learning.

Uri are becoming independent learners. They are learning to monitor their own progress. Uri are encouraged to be critical thinkers with the support of poumahi who use a range of strategies to extend their understanding. Uri have opportunities to share their opinions about their learning experiences in the school. Poumahi use the results of this survey to guide curriculum planning and respond to uri needs. Uri in the wharekura are encouraged to access their own achievement records through NZQA, to monitor and plan their individual learning pathways. Uri confidently use digital tools to work independently or co-operatively with their peers and poumahi to enhance their learning. Uri are engaged learners.

Uri experience success in a range of contexts. Uri have opportunities to lead and mentor their peers and teina which fosters positive relationships. Sporting talents and achievements are celebrated. Nutrition and exercise are integrated into the school-wide physical education programme to promote healthy lifestyle choices. Whānau and poumahi work together to support uri to participate in regional, national and international competitions. Ongoing support is in place to build individual skills and self-management strategies. Uri are developing high levels of independence and autonomy.

The emotional wellbeing of uri is a priority. There is a school-wide focus on providing a positive learning environment. The board, tumuaki and senior leaders have worked hard to improve school-wide practices. Safety programmes are incorporated into the curriculum. Positive Behaviour for Learning (PB4L) principles in conjunction with the kura core values are practiced and impact positively on uri achievement. External medical and social agencies are on-site each week to support uri and whānau emotional and physical wellbeing. Poumahi model open and respectful relationships with each other, uri and whānau. The well designed learning spaces and glass partitions enable poumahi to encourage uri to be independent learners. Uri confidently share and express their thoughts and feelings.

Kura-identified areas of development

Kura leaders and the board have a good understanding of their achievement challenges and are working towards improved outcomes for students. Systems for assessing, analysing, reporting and systematic monitoring of achievement information are still new and at the early stages of implementation.

3 Leadership

Leadership is an important part of formal and informal learning throughout the kura. The tumuaki and ohu leaders use their strengths, skills and knowledge to support kura development. Iwi and community leaders support the kura direction and decision making. Ohu leaders are responsible for implementing systems that are focused on educational outcomes for uri. The principle of ‘Ngā rangatira mō āpōpō’ drives leadership opportunities for uri, poumahi and whānau. Uri are learning about their role as leaders.

4 Internal evaluation

Uri learning and achievement information guides internal evaluation. Some useful internal evaluation processes are in place. Poumahi meet to reflect, discuss and share ideas to improve outcomes for uri. A range of strategies are used to encourage parent participation in internal evaluation. The board of trustees use the information gathered to review and monitor their strategic direction. Uri success is a priority.

5 Te Poumarumaru assurance on legal requirements

Before the review, the board of trustees and principal of the school completed the ERO Board Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on students' achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance.

6 Recommendation

The board of trustees, tumuaki and ohu leaders improve the use achievement data to improve outcomes for uri.

Conclusion

Te Wharekura o Te Kaokaoroa o Pātetere is in Putaruru, South Waikato. Uri demonstrate an increasing understanding of their rangatiratanga. Uri are learning about their roles and responsibilities as citizens of Ngāti Raukawa and appreciate the value of te reo Māori. The board, tumuaki and ohu leaders share their knowledge, skills and experiences to support the emotional and physical wellbeing and academic success of uri. 

When is ERO likely to review the kura again?

The next ERO review of Te Wharekura o Te Kaokaoroa o Pātetere will be three years. 

Lynda Pura-Watson
Deputy Chief Review Officer Māori 

12 August 2016 

Information about the School