Te Kura Kaupapa Maori o Horouta Wananga

Ngā Whakaaturanga

E tū ana Te Kura Kaupapa Māori o Horouta Wānanga ki Tūranga-nui-a-Kiwa. He pakari ngā ākonga ki te whakatutuki me te whakatinana i ngā tūmanako me ngā wawata o tō rātou iwi. Ka tū tangata rātou mā te whakaute me te māhaki. He mātātoa tā rātou whai wāhi atu ki ā rātou akoranga. Ko te waiora o ngā ākonga me ā rātou whakatutukitanga kei te pūtake o ngā whakataunga katoa. 

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Horouta Wānanga i roto i ngā tau e toru, arā, ko Te Rākeitanga.

1 Te Horopaki

Horouta wānanga, Horouta whanaunga, Horouta tangata, Horouta waka. 

I whakatūngia Te Kura Kaupapa Māori o Horouta Wānanga ki te marae o Te Poho o Rāwiri, ki Kaitī, i Tūranga-nui-a-Kiwa. I tōna whakatūnga, i raro te kura i te maru o Te Kura Kaupapa Māori o Te Waiū o Ngāti Porou. Nō te Kohi-tātea o 2016 i whakatutuki e te kura i tōna tūnga hei kura hiato i raro i te wāhanga 155 o te Ture Mātauranga. E whakarato ana te kura i te mātauranga e ahu mai ana i ngā tikanga whakaaro o Te Aho Matua, ki ngā ākonga o ngā tau 1 ki te 13. Koia nei te arotake mātauranga tuatahi, whai muri i tōna whakatūnga. I tēnei wā e tū ana te kura ki tētahi wāhi taupua e pā tata atu ana ki te pokapū o te tāone o Tūranga-nui-a-Kiwa. He pakari te tautoko o te whānau, ā, ko tētahi o ō rātou wawata ko te hanga i tētahi kura hou mō ā rātou tamariki.

2 Te Tino Uaratanga

He pēhea rawa ngā ākonga e whakatutuki ana, e whakatinana ana hoki i ngā tūmanako me ngā wawata o tō rātou iwi?

He pakari ngā ākonga ki te whakatutuki me te whakatinana i ngā tūmanako me ngā wawata o tō rātou iwi.

Te Ira Tangata

Whakaiti kia iti.

E poipoia ana ngā ākonga ki ētahi taiao e rite ana ki te whare wānanga, ā, e ahu mai ana hoki i ngā uara me ngā whakapono i tuku iho ai. Ka tū tangata rātou mā te whakaute me te māhaki. Ka whakamahia ētahi tino rautaki e whakatairanga ake ai i te mana o ngā ākonga me te whānau. Ka whakakoikoiatia, ka whakamihia hoki ia ākonga mō ōna ake pūmanawa. Kua whakaarohia e te whānau tā rātou tirohanga ki ngā akoranga o Horouta Wānanga, mā Te Aho Matua, mā Te Marautanga o Aotearoa hoki, ā, e whakariterite ana rātou i ngā huarahi ako e tuitui ngātahi ana i aua tū āhuatanga nui. Ko ngā kaimahi o te kura e kīia ana he kaiārahi, ā, e poipoi ana rātou i ngā hononga tauutuutu o te manaaki me te ārahitanga ki ngā ākonga. E pou here ana te tūmanako, te whakapono, me te aroha i ā rātou taunekeneke. Ka whakarato ngā kaiārahi i ngā whai wāhitanga mō ngā ākonga ki te whakawhanake i ō rātou ake ngākau titikaha whaiaro me te tū hei kaiārahi puta noa i ngā tūmomo kaupapa o ia rā. Ka tīmata ake taua tūāhuatanga i te kura teina, ā, e hāpaitia ana te kawe ake a ngā ākonga i ā rātou ake akoranga. He mātātoa te whai wāhi atu a te whānau ki te tautoko i ā rātou tamariki. Kei te mauritau, kei te harikoa hoki ngā ākonga.

Te Reo

Tuku i te ngāwari, kawea te aroha.

E rumakina ana ngā ākonga ki te reo o Ngāti Porou. Ka rangona, ka whakamahia hoki te reo ā-iwi ki ngā horopaki ōkawa me ngā horopaki ōpaki. Ka taunekeneke ngā ākonga ki ngā mātanga o te reo Māori e noho motuhake ana ki te Tai Rāwhiti. E whai hua ana te whakamahinga o ngā pao hei whakaako i ngā kupu hou me ngā ariā hou ki ngā ākonga. Ko ngā mahi ā-ringa e whai pānga ana ki aua kaupapa, me te aronga nui anō hoki ki te ngahau e āta whakapūmau ana i te ako wawe me te pupuri a ngā tamariki i ngā kupu hou. Ko ngā kōrero paki tētahi atu huarahi e āta whakamahia ana hei whakatairanga ake i te whai pūtaketanga me te whai hononga o ngā tikanga tuku iho mā te reo Māori. E whakamahia ana hoki te whānuitanga o ngā tūmomo waiata hei whakapūmau i ngā āhuatanga nunui o te ako reo me te whakawhanaketanga reo. Kua tohaina ētahi atu rauemi ki ngā akomanga tēina hei hāpai i te kōkiritanga ake o ngā pūkenga reo. Ka whakapuakihia te reo Pākehā hei kaupapa ako i te Tau 7, ā, e hāpai ana taua tūāhuatanga i te tūmāia haere, te matatau haere anō hoki o ngā ākonga ki te reo Māori me te reo Pākehā i roto i te roanga o te wā. E whanake ana te ngākau titikaha o ngā ākonga ki te kōrero i te reo o Ngāti Porou.

Ngā Iwi

Tauawhi kura i te tangata.

He pai te māramatanga o ngā ākonga ki ngā tikanga me ngā kawa o ngā marae i te Tai Rāwhiti. Koia nei te tūāpapa me te horopaki tūturu o ngā akoranga i Horouta Wānanga. Ka ako ngā ākonga i te hōhonutanga o aua tikanga kia pakari haere ai tō rātou tū tangata mā tō rātou mōhio ki ō rātou tuakiri me ō rātou tūrangawaewae. He whai wāhitanga i ia te wā mō ngā ākonga ki te ako me te whakawhanake i ngā tū pūkenga e tika ana ki te noho ki te paepae, ā, ki te mahi anō hoki i te wharekai o te marae. Kei te mārama ki a rātou te pūtake me te whai huatanga o ō rātou tūranga me ā rātou kawenga mahi hei tangata whenua. E hāpai ana te kura i ngā tūmomo huihuinga kaupapa Māori e whakatairangatia ana i te rohe. Ka whakahonohono ngā ākonga ki waenga i a rātou anō, ā, ki te hapori Māori whānui tonu. Ki tō ngā whakaaro o te hapū, te iwi, me te hapori, kei te tū ngā ākonga hei tino kanohi mō tō rātou kura. Ka kitea te manawa whakahī o ngā ākonga ki a rātou anō, ā, ki tō rātou tūrangawaewae hoki.

Te Ao

Kia māhuri ai te tau.

He mātātoa te tūhura haere o ngā ākonga i tō rātou taiao ake, ā, i ngā wāhi anō hoki ki tua atu kē. Hei āhuatanga tonu o te aronga ki ngā akoranga i Horouta Wānanga, e ākina ana te whakahāngai a ngā ākonga i ngā ariā o te whare wānanga ki ētahi o ngā wāhanga o ō rātou ake tinana. Kātahi rātou ka ako ki te whakapuaki i aua ariā puta noa i ā rātou mahi, ā, i ō rātou hononga hoki ki ētahi atu. I te wharekura, ka āta aro atu ki ngā tūmomo huarahi me ngā tūmomo umanga hoki ka whāia pea e ngā ākonga i tō rātou ekenga hei raukura. He aronga nahanaha e āta whakarite ai i te whai wāhi atu a ngā ākonga ki te whakatakoto me te para i ō rātou huarahi mō te paetawhiti. Ka āta whakarite anō hoki te whānau kia tautokona te whai atu a ngā ākonga i ō rātou ngākau nuitanga me ō rātou pūkenga. Ka whai wāhi nui ngā ākonga ki te hapori whānui, ā, he mātātoa tō rātou tautoko i ngā kōkiritanga me ngā kaupapa i te hapori. Ka kitea e ngā ākonga ngā hononga ki waenga i a rātou anō, me ō rātou hononga anō hoki ki tō rātou hapori me te ao whānui.

Āhuatanga Ako

Kia ū, kia tau, kia tūturu.

E ako ana ngā ākonga ki tētahi taiao whakaongaonga. Ka hāngai ngā mahere ki te tirohanga o te kura, ā, ka whakapūmau anō hoki i ngā tūmanako nui kia whai wāhi atu ngā ākonga ki ngā wheako akoranga e whai pūtake ana. Ka kōkiri ngā kaiārahi i ngā akoranga tūturu e ahu mai ana i ngā mōhiotanga me ngā hītori o te hapori. Ka tāutu rātou i ngā pūmanawa me ngā matea o ia ākonga, ā, ka whakaarohia anō hoki ngā huarahi ka whakapakari ake i aua tūāhuatanga. He pai te ahu whakamua a ngā ākonga hei hāpai ake i roto i ngā akoranga. I ngā wā e tika ana ka whakapā atu ki ngā mātanga o waho hei hāpai i ngā whakaakoranga me ngā akoranga. Ka aroturukitia, ka arumia te ahu whakamua me ngā whakatutukitanga o ngā ākonga. E mōhio ana te whānau ki te āhua o te ahu whakamua o ā rātou tamariki, ki ngā tū reanga katoa. He mātātoa te whai wāhi atu a ngā ākonga ki ngā akoranga.

He pai ngā whakatutukitanga o ngā ākonga i te wharekura. I te tau 2017, i riro i ngā ākonga katoa o te Tau 13 te Taumata 3 o Te Taumata Mātauranga ā-Motu kua Taea, me te Tiwhikete Whakauru Whare Wānanga. I whiwhi anō hoki rātou i te Taumata 3 o Te Taumata Mātauranga ā-Motu kua Taea i roto i te Reo Rangatira me te Reo Pākehā. Ka kitea ki ngā kaiārahi tō rātou noho pūmau ki te hāpai i ngā ākonga me tā rātou eke angitu tonu i roto i te mātauranga o te wharekura. He ngākau titikaha ō ngā ākonga ki te ako.

3 Te Arotake Whaiaro me te Ārahitanga

Whakatinana, Whakatika, Whakatau, Whakaora
Kia ū ki te reo. Kia tau te wairua. Kia tūturu ki tōna ake wānanga.

E whai pūtake ana ngā whakaritenga arotake whaiaro, ā, e hāpai ana i te whakapai tonutanga. Ka aroturukitia ngā whāinga rautaki, ā, ka whai kiko anō hoki ngā pūrongo. Ka whakatakotohia e te poari ngā meneti e noho mārama ana, e whai kiko ana hoki, ā, e tohu ana i te aroturuki tonutanga o ngā kawenga kāwana. Ka anga whakamua te titiro i roto i ā rātou mahi ki te whakapakari ake i te āheinga me ngā pūkenga o te whānau. Ko tētahi āhuatanga o taua aronga, ko te mārama ngātahi ki te tirohanga o te kura, me te whakapai nahanaha hoki i ngā pūnaha me ngā whakaritenga i roto i te roanga o te wā. Ko te pakari o te arotake whaiaro i āta whakarite ai anō hoki i te ū pūmau o tō rātou tirohanga me tā rātou kaupapa. Arotake ai ngā kaiārahi i ngā hōtaka akoranga i ia te wā, ā, ka aroturuki hoki i ngā putanga ki ngā ākonga. Ko te waiora me ngā whakatutukitanga o ngā ākonga e pou here ana i ngā tukanga e pā ana ki te arotake whaiaro.

E whai ngātahi ana te ārahitanga o te kura i ngā whāinga me te tirohanga i whakatakotohia ai e te whānau. Kua whai hua rātou ki te whai pātuitanga ki ngā tū wāhanga o te hapori. E tino tautoko ana te tumuaki i ngā kaiārahi. Ka mahi ngātahi ia ki te taha o ētahi atu, hei āta whakarite i te whakawhanaketanga tika o te marautanga motuhake o Horouta Wāhanga. He hōhonu ngā mōhiotanga o te kaiārahi reo ki te hītori, ngā kōrero tuku iho, ngā tikanga, me ngā kawa e āta whai pānga nui ana ki te āhua o te ako a ngā ākonga me te whānau. Ka whakatōngia e te katoa o ngā kaiārahi me ngā ākonga aua tūāhuatanga i roto i ngā whakaritenga. Ka whakarite te ārahitanga o te kura i ngā whakataunga hei painga mō ngā ākonga.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura.

5 Te Taunakitanga

E taunaki ana Te Tari Arotake Mātauranga kia:

• whakatōpū tonu te whānau, ngā kaiārahi, me te ārahitanga o te kura i ā rātou tukanga arotake whaiaro, i runga anō i te āhua o te tirohanga me ngā wawata i tāutuhia ai mō ngā ākonga o Horouta Wānanga.

Te Whakarāpopototanga

E tū ana Te Kura Kaupapa Māori o Horouta Wānanga ki Tūranga-nui-a-Kiwa. He pakari ngā ākonga ki te whakatutuki me te whakatinana i ngā tūmanako me ngā wawata o tō rātou iwi. Ka tū tangata rātou mā te whakaute me te māhaki. He mātātoa tā rātou whai wāhi atu ki ā rātou akoranga. Ko te waiora o ngā ākonga me ā rātou whakatutukitanga kei te pūtake o ngā whakataunga katoa. 

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Horouta Wānanga i roto i ngā tau e toru, arā, ko Te Rākeitanga.

Lynda Pura-Watson

Kaiurungi Whakaturuki Arotake Māori 

10 Whiringa ā-nuku, 2018 

Ngā Kōrero e pā ana ki te kura 

Findings

Te Kura Kaupapa Māori o Horouta Wānanga is located in Gisborne. Students confidently achieve and exemplify the hopes and aspirations of their people. They conduct themselves with respect and humility. They are actively engaged in their learning. Student well-being and achievement is the basis of all decisions.

The next ERO review of Te Kura Kaupapa Māori o Horouta Wananga will be in three years – Te Rākeitanga – Expansive Evaluation.

1 Context

Horouta wānanga, Horouta whanaunga, Horouta tangata, Horouta waka.

Te Kura Kaupapa Māori o Horouta Wānanga was established at Te Poho o Rāwiri Marae in Kaitī, Gisborne. During its establishment, the kura was a satellite to Te Kura Kaupapa Māori o Te Waiū o Ngāti Porou. In January 2016, the kura achieved its own composite status under section 155 of the Education Act. The kura provides education based on the philosophy of Te Aho Matua for Years 1 to 13 students. This is the first full education review since its establishment. The kura is presently located at a temporary site near the Gisborne town centre. Whānau support is strong and their aspirations include building a new kura for their children.

2 Te Tino Uaratanga

How well do students achieve and exemplify the hopes and aspirations of their people?

Students confidently achieve and exemplify the hopes and aspirations of their people.

Te Ira Tangata

Whakaiti kia iti.

Students are nurtured in an environment akin to whare wānanga and based on the traditional values and beliefs. They conduct themselves with respect and humility. Deliberate strategies are used to enhance the mana of students and whānau. They are affirmed and acknowledged for their individual strengths. The whānau have considered their vision for learning within Horouta Wānanga alongside Te Aho Matua and Te Marautanga o Aotearoa and are establishing ways of learning that weave together those important elements. Staff are known as kaiārahi and foster reciprocal relationships of care and guidance with students. Tumanako, whakapono and aroha underpin their interactions. Kaiārahi provide opportunities for students to develop self-confidence and become leaders across daily activities. Beginning in the kura teina, students are supported to take responsibility for their own learning. Whānau are actively involved in supporting their children. Students are settled and happy. 

Te Reo

Tuku i te ngāwari, kawea te aroha.

Students are immersed in the language of Ngāti Porou. Local dialect is heard and used in both formal and informal situations. Students interact with strong models of te reo Māori that is unique to Te Tairāwhiti. Pao are used effectively to teach students new language and concepts. Relative hand actions and an emphasis on fun ensure that children learn quickly and retain vocabulary. Storytelling is a common practice that enhances meaningfulness and connectedness to traditions through te reo Māori. A range of waiata are used to reinforce important aspects of language learning and development. Additional resourcing has been allocated to junior classrooms to support the acceleration of language skills. English is introduced as a learning area from Year 7 which enables students to build confidence and fluency over time in both te reo Māori and English. Students are developing as confident speakers of Ngāti Porou reo.

Ngā Iwi

Tauawhi kura i te tangata.

Students have a good understanding of the tikanga and kawa of marae in Te Tairāwhiti. This provides the foundation and authentic context for learning in Horouta Wānanga. Students learn about these tikanga in depth so that they grow confidence in who they are and where they belong. Students have regular opportunities to learn and develop the skills required to work both the paepae and the kitchen of the marae. They understand the purpose and value of their roles and responsibilities as tangata whenua. The kura supports kaupapa Māori events promoted within the area. Students can make connections between themselves and the wider Māori community. The hapū, iwi and community consider students to be exemplary ambassadors for the kura. Students show pride in who they are and where they come from.

Te Ao

Kia mahuru ai te tau.

Students actively explore their immediate surroundings and those beyond. As part of the approach to learning in Horouta Wānanga, students are encouraged to associate the concepts of whare wānanga with specific parts of their own bodies. Students then learn to apply these concepts throughout their work and relationships with others. In the wharekura, careful attention is given to possible pathways and careers for students following graduation. There is a deliberate approach to ensure that students are involved in designing and planning their future. Whānau also ensure that students are well supported to pursue their interests and skills. Students are prominent in the wider community and actively support local initiatives and events. Students see the connections between themselves, their community and the wider world.

Āhuatanga Ako

Kia ū, kia tau, kia tūturu.

Students learn in a stimulating environment. Planning aligns to the vision of the kura and reinforces the high expectations for students to be engaged in meaningful learning experiences. Kaiārahi facilitate authentic learning based on local knowledge and history. They identify the strengths and needs of individual students and consider how they can build upon those. Students requiring additional learning support are progressing well. External expertise for teaching and learning is accessed where required. Student progress and achievement is monitored and tracked. The whānau know how their children are progressing at all levels. Students are actively engaged in learning.

Wharekura students are achieving well. In 2017, all Year 13 students attained NCEA Level 3 and University Entrance. They also achieved NCEA Level 3 in Reo Rangatira and English. Kaiārahi demonstrate a commitment to students and their ongoing success in education at the senior levels within the kura. Students in the wharekura are confident learners.

3 Self Review and Leadership

Whakatinana, Whakatika, Whakatau, Whakaora
Kia ū ki te reo. Kia tau te wairua. Kia tūturu ki tōna ake wānanga.

Self review practices are purposeful and support ongoing improvement. Strategic goals are monitored and reported in detail. The board of trustees keep clear and detailed minutes that show ongoing monitoring of governance responsibilities. There is a future-focussed approach to building capacity and capability of whānau. This has included ensuring a shared understanding of the kura vision, and strategically improving systems and practices over time. The strength of self review has ensured that the integrity of their vision and kaupapa is not compromised. Kaiārahi regularly review learning programmes and monitor student outcomes. Student well-being and achievement underpins self-review processes.

The leadership of the kura collaboratively pursues the goals and vision set by the whānau. They have been successful in building relational trust at varying levels of the community. The tumuaki is very supportive of kaiārahi. She works collaboratively with others to ensure the unique curriculum of Horouta Wānanga is developing as it should be. The kaiārahi reo has in-depth knowledge of history, traditions, tikanga and kawa which positively influence the way in which learning occurs for students and whānau. These are embedded into practice by all kaiārahi and students. Leadership makes decisions in the best interest of the students.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration 
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on student achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance.

5 Recommendation

ERO recommends:

• that whānau, kaiārahi and leaders continue to consolidate their self review processes in line with the defined vision and aspirations for students of Horouta Wānanga.

Conclusion

Te Kura Kaupapa Māori o Horouta Wānanga is located in Gisborne. Students confidently achieve and exemplify the hopes and aspirations of their people. They conduct themselves with respect and humility. They are actively engaged in their learning. Student well-being and achievement is the basis of all decisions.

When is ERO likely to evaluate the kura again?

The next ERO review of Te Kura Kaupapa Māori o Horouta Wananga will be in three years – Te Rākeitanga – Expansive Evaluation.

Lynda Pura-Watson

Deputy Chief Review Officer Māori 

10 October 2018 

Information about the Kura