402 Lavenham Road, Patutahi
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
Ko Ōkahuatiu te maunga
Ko Waikākāriki te awa
Ko Tākitimu te waka
Ko Repongaere te repo
Ko Pākōwhai te marae
E tū ana Te Kōhanga Reo o Pākōwhai ki Waituhi, i Tūranga-nui-a-Kiwa. Nō te tau 1987 te kōhanga reo i whakatūngia ai, i te wharekai o te marae o Pākōwhai. Ko hāngai ngā wawata o te whānau ki te whakariterite i ngā mokopuna ki te haere ki te kura, ki tua atu hoki, ā, kia tautāwhitia ngā mokopuna ki te whakapapa me te ao Māori. I tēnei wā, e ārahi ana te tari ā-rohe o Te Poari Matua o Ngā Kōhanga Reo i ngā mahi whakahaere matua a te whānau.
Ka kitea ki ngā mokopuna te tino māramatanga ki ngā tikanga Māori, ā, e whanake ana tō rātou tūmāia ki te whakamahi i te reo Māori.
Ka whai wāhi atu ngā mokopuna ki ngā akoranga e aro nui ana ki te reo Māori. Ka whakamahia e ngā kaimahi ngā taumahi ako whakahihiri o ia rā me ngā rautaki reo māmā, rautaki reo whai hua hoki, ki te whakatairanga i te reo Māori o ngā mokopuna. E āta hāpaitia ana te whakawhanaketanga reo, ā, kua whakatūngia tētahi kaiako ki te whakapakari i te taumata me te kounga o te reo Māori. Ka tūmāia ngā tuākana ki te ārahi i Taku Whare Kōrero me Ngā Wāhanga o te Marae, ā, ka tātaki tēnā me tēnā i ngā haka. Ka whakawhitiwhiti whakaaro ngā pēpi me ngā tēina mā ngā oro, mā te āhua o ō rātou kanohi, me ngā tohu ā-ringa. Ko te toro atu ki ngā karakia, ngā pao, ngā mōteatea, me ngā waiata, e hāpai ana i te ako a mokopuna i ngā atua Māori, me tō rātou maioha anō hoki ki a rātou. Ka whakapuaki ngā mokopuna i ō rātou whakaaro i a rātou e whai wāhi atu ana ki ngā tākaro pohewa. E ai ki ngā whānau, ka whakawhiti atu ngā mokopuna i aua akoranga ki ō rātou kāinga. E whanake ana te ngākau titikaha o ngā mokopuna ki te whakamahi i te reo Māori.
Ko ngā taunekeneke ki waenga i ngā kaimahi me ngā mokopuna e whakawhanake ana i ngā mōhiotanga o ngā mokopuna ki ngā tikanga. E mōhio ana ngā mokopuna ki ngā tūmanako i tō rātou kōhanga reo, nā te whakatakotoranga papai o ngā mahinga me ngā tikanga. Whai muri i te tākaro, ka whakapai rātou i te whare. Ka whakamahi ngā kaimahi i te tangongitanga o ngā rautaki, pērā i ngā waiata, hei hāpai te whakawhiti haere a ngā mokopuna i ngā mahinga. Kei te whai māramatanga ake ngā mokopuna ki ngā tikanga e hāpai ai i tā rātou whakawhiti haere, puta noa i tō rātou kōhanga reo.
E tino tautokona ana te ako a ngā mokopuna i ō rātou hononga ki a rātou anō. Kei te whai pūtake ngā hononga whakawhirinaki a ngā mokopuna ki ngā pakeke me ō rātou hoa. Ka ako ngā mokopuna i tō rātou tuakiri me tō rātou tūrangawaewae. Kei te tākare rātou ki te taki i ō rātou pepeha, me te tū ki te waiata i ngā waiata o Pākōwhai ki mua i ētahi atu. Ko te toro atu ki te marae i ia te wā, e hāpai ana i ngā mokopuna ki te tūhonohono i tēnā e ako ana rātou, ki tō rātou tūrangawaewae. E whakamanatia ana ngā hononga me te tuakiritanga o ngā mokopuna.
E ārahi ana ngā ngākau nuitanga o ngā mokopuna i te whakamahere hōtaka. E whai kiko ana ngā mahere, ā, ka hāngai ki te ao Māori, ka hono anō hoki ki Te Whāriki a Te Kōhanga Reo me Te Korowai. He maha ngā whai wāhitanga mō te whānau ki te whakapuaki i ō rātou whakaaro e pā ana ki te hōtaka akoranga. Ka whakatakotohia ngā mōhiohio aromatawai ki ngā pūkete a ngā mokopuna, ā, e wātea ana ki te whānau. He pai te āhua o ngā pūkete e whakaatu ai i ngā akoranga mā ngā huarahi maha. He paki kōrero, he mahi toi, he whakaahua anō hoki o ngā mokopuna e ako ā-rōpū ana. Ka aromātai ngā kaimahi i te hōtaka akoranga me ngā wāhanga hei whakapai ake, mā ngā whakawhitinga kōrero o ia rā me ngā hui o ia wiki. Ko te aronga pū ki ngā tukanga whakamahere e āta whakatau ana i te tangongitanga o ngā wheako ako e pā ana ki te ao Māori mō ngā mokopuna. Ka ngākau nui ngā mokopuna ki ā rātou akoranga.
E arotahi ana te whakahaeretanga a te whānau ki te hāpai i ngā mokopuna mā te reo Māori me ngā tikanga Māori. Kua whakamōhiotia ngā mahere rautaki ki Te Ara Tūāpae, ā, ka arotahi ki te tupu me te whakatairanga mō ngā mokopuna i roto i te reo Māori me ngā tikanga Māori. Ko ētahi o ngā kaupapa matua o te pae tawhiti, ko te whakawhānui ake i te kōhanga reo hei poipoi i te tupu haere o ngā hiahia o te hapori. Ka whakamōhiotia te whānau ki ngā take e pā ana ki te kōhanga reo. Kei te auau ngā hui ā-whānau, he kaha hoki te taetae atu, ā, e whakapakari ana i ngā wheako o ngā mokopuna me te whānau mā ngā whakawhitiwhiti i ngā kōrero me ngā mōhiohio. Kua tuhia ngā rēhita matua o te hauora me te haumaru, ngā arowhai, me ngā tukanga hōneatanga. Ka whai hua ngā mokopuna nā te whakatau ngātahi a te whānau i ngā whakaritenga.
E whanake ana te whakahaeretanga o ngā whakaritenga ki te kōhanga reo. Kua toro atu te whānau ki te tautoko o te tari ā-rohe o Te Poari Matua o Ngā Kōhanga Reo, ki te whakatupu ake i ngā tūranga o te whānau, i ā rātou kawenga mahi hoki i roto i ngā whakahaeretanga. Ko ngā whakaritenga matua ka whai ake, ko te:
Ka whai hua ngā mokopuna i te wā kua whakatakotohia te papai o ngā pūnaha whakahaere, pūnaha aroturuki hoki.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
Kia tutuki i te whānau ngā herenga ā-ture, me tahuri rātou ki te:
E taunaki ana Te Tari Arotake Mātauranga kia mahi te whānau ki te taha o te tari ā-rohe o Te Poari Matua o Ngā Kōhanga Reo ki te whakatutuki i ngā wāhanga i tautuhia ai ki tēnei pūrongo.
Darcy Te Hau
Toka ā Nuku
Te Uepū-a-Motu – Māori Services
30 Haratua 2024
| Te tūwāhi | Kei Waituhi, ki Tūranga-nui-a-aKiwa |
| Te tau a te Tāhuhu o te Mātauranga | 55117 |
| Te tau tohu o Te Kōhanga Reo | 06B050 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 14 ngā tamariki, kia tokowhā kei raro i te rua o ngā tau |
| Te tokomaha kei runga i te rārangi ingoa | 14 ngā tamariki, tokotoru kei raro i te rua o ngā tau |
| Ngā hononga ā-iwi | Māori 14 |
| Te wā i te kōhanga reo te rōpū arotake | Poutū-te-rangi 2024 |
| Te wā o tēnei pūrongo | 30 Haratua 2024 |
| Ngā pūrongo o mua a Te Tari Arotake Mātauranga | Arotake Mātauranga, Kohi-tātea 2020; Arotake Mātauranga, Hōngongoi 2016; Arotake Mātauranga, Paenga-whāwhā 2013 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Ko Okahuatiu te maunga
Ko Waikakariki te awa
Ko Tākitimu te waka
Ko Repongaere te repo
Ko Pākōwhai te marae
Te Kōhanga Reo o Pākōwhai is in Waituhi, Gisborne. The kōhanga reo was established in 1987, in the wharekai at Pākōwhai Marae. Whānau aspirations include mokopuna preparation for kura and beyond and for mokopuna to be embraced by whakapapa and te ao Māori. Te Tari-ā-Rohe currently provides guidance in key whānau whakahaere roles.
Mokopuna show good understanding of tikanga Māori and are developing confidence as they use te reo Māori.
Mokopuna participate in learning that prioritises te reo Māori. Engaging daily activities for learning, and simple and effective language strategies are used by kaimahi to promote mokopuna use of te reo Māori. Language development is well supported and there is a kaiako appointed specifically to strengthen the level and quality of te reo Māori. Tuākana stand confidently to lead taku whare korero, wahanga o te marae and to take turns leading the haka. Pēpi and tēina communicate through sounds, facial expressions, and hand gestures. The use of karakia, pao, mōteatea and waiata support mokopuna learning and appreciation for atua Māori. Mokopuna express their thoughts and ideas, as they engage in imaginative play. Whānau share that mokopuna transfer this learning into their homes. Mokopuna are developing confidence to use te reo Māori.
Interactions between kaimahi and mokopuna build mokopuna knowledge of tikanga. Mokopuna know the expectations in their kōhanga reo, as routines and tikanga are well established. After play, they whakapai the whare. Kaimahi a range of strategies including waiata, to support the transition of mokopuna between routines. Mokopuna are developing a greater awareness of tikanga to inform the way they move throughout their kōhanga reo.
Mokopuna are well supported to learn about their connections to one another. They have formed meaningful and trusting relationships with adults and their peers. Mokopuna learn about their identity, who they are, and where they come from. They are eager to recite their pepeha and perform waiata of Pākōwhai in front of others. Regular visits to the marae assist mokopuna to make connections between what they are learning and their tūrangawaewae. Mokopuna relationships and sense of identity are affirmed.
Mokopuna interests guide programme planning. Detailed planning aligns to te ao Māori and is linked to Te Whāriki ā te Kōhanga Reo and Te Korowai. Whānau have many opportunties to contribute their ideas to the learning programme. Assessment information is presented in mokopuna portfolios and available for whānau. Portfolios are well presented and learning is shown in a range of ways. This includes stories, artwork and photographs of mokopuna learning in group based settings. Kaimahi evaluate the learning programme and areas of improvement through daily conversations and weekly hui. A focused approach to planning processes ensure mokopuna are provided a range of learning experiences about te ao Māori. Mokopuna enjoy their learning.
Whānau management is focused on supporting mokopuna through te reo Māori and tikanga Māori. Strategic planning is informed by Te Ara Tūāpae and focused on specific growth and improvement for mokopuna in te reo and tikanga Māori. Long-term priorities include expanding the kōhanga reo to cater to the growing needs of the local community. Whānau are informed on kōhanga reo matters. Regular, well attended whānau hui strengthen mokopuna and whānau experience through discussion and information sharing. Key health and safety registers, checks and evacuation procedures are documented. Mokopuna benefit from collective whānau decision making.
The management of kōhanga reo operations is developing. Whānau have sought support from Te Tari-ā-Rohe to grow whānau whakahaere roles and responsibilities. The key next steps are:
safety checking of kaimahi. Whānau must ensure that policies and procedures align with current safety checking requirements and legislation, including Children’s Act 2014.
Improving whānau knowledge of their governance and management roles and responsibilities. This is needed to support the newly filled roles of kaiwhakarite, chairperson and kaimahi.
Mokopuna benefit when effective management and monitoring systems are in place.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
To meet compliance requirements they must:
ERO recommends that whānau work alongside Te Tari-ā-Rohe to address areas in this report.
Darcy Te Hau
Toka-ā-Nuku – Director
Te Uepū ā-Motu – Māori Review Services
30 May 2024
| Location | Waituhi, Gisborne |
| Ministry of Education profile number | 55117 |
| Kōhanga Reo Identification Number | 06B050 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 14 children, including up to 4 aged under 2 |
| Service roll | 14 children, including up to 3 aged under 2 |
| Ethnic composition | Māori 14 |
| Review team on site | March 2024 |
| Date of this report | 30 May 2024 |
| Most recent ERO report(s) | Education Review, January 2020; Education Review, July 2016; Education Review, April 2013 |
E tū ana Te Kōhanga Reo o Pākōwhai ki te marae o Pākōwhai, ki Tūranga-nui-a-Kiwa. Kua noho pūmau te rārangi ingoa o te kōhanga reo whai muri i te arotake o mua a Te Tari Arotake Mātauranga i tū ai i te marama o Hōngongoi, i te tau 2016. Kua roa nei ngā tau e whai wāhi atu ai te nuinga o ngā mema o te whānau ki te kōhanga reo. E aro ana ngā kaupapa matua a te whānau ki te whakapaitanga ake me te tupu tonutanga hoki o te kaupapa o te kōhanga reo.
He mātātoa te whai hononga o ngā tamariki ki tō rātou taiao, ā, kei te whakaongaongatia hoki rātou.
E ako ana ngā tamariki i ngā tūnga o te tangata whenua. Ka whakamihi rātou i a rātou anō i ia rā i ngā mihimihi o te ata. Ko tētahi akoranga o ia rā mā ngā tamariki, ko ngā pepeha. He mātātoa tā rātou whai wāhi atu ki ngā tūmomo huihuinga i te marae, ki te taha o te whānau. E whakamahi ana ngā kaimahi i ngā rautaki o te ao Māori e whai hua ana ki te whakahono i ngā ākonga ki te taiao. Ka kitea te tūmāia me ngā pūkenga o ngā tamariki ki te whakatutuki i ngā tūnga ārahi. E whanake ana tō rātou mōhiotanga ki te kaitiakitanga.
E whiwhi ana ngā tamariki i ngā taunekeneke me ngā hononga o te aroha me te manaaki. Ka whakanui ngā kaimahi i ngā tamariki mō ā rātou whakamātau me tā rātou whai wāhi atu ki ngā mahi. Ka āta poipoia ngā matea ake o ia tamaiti. Ka whakapuakihia te hononga o te tuakana me te teina ki waenga i ngā tamariki, ā, ka whakatauirahia e ngā pakeke. He pārekareka ki ngā tamariki ngā taunekeneke harikoakoa puta noa i te rā, i a rātou e tūhura ana, e ako ana hoki ki te taha o ō rātou hoa. Kei te mauritau, kei te whai hononga hoki rātou.
E whai pūtake ana ngā hononga o ngā tamariki ki tō rātou taiao māoriori, taiao tūturu hoki. Ka whakarato ngā kaimahi i ngā hōtaka taumahi e akiaki ana i te tūhura me te whakahura. Ka tāutu ngā tamariki i ngā tino atua Māori e whai pānga ana ki ngā kaupapa ako. He pai ki ia tamaiti te whai i ōna ake manawa reka mō te ao e noho nei rātou. Ka kitea, ka kapohia aua ngākau nuitanga e ngā kaimahi, hei whai wāhitanga ki te whakawhānui me te wero i ngā whakaaro o ngā tamariki. He mātātoa te taunekeneke atu a ngā tamariki ki tō rātou taiao māoriori, taiao tūturu hoki.
Ka rongo ngā tamariki i te reo Māori puta noa i te whānuitanga o ngā tūmomo horopaki. Ka rongo rātou i te reo ōkawa, te reo tikanga hoki ki ngā tūmomo wāhi, pērā i te marae. Ka ako ngā tamariki i te reo mā ngā waiata, ngā rotarota, ngā pao, ngā karakia, me ngā pae tukutuku. Ka whakamahi ngā kaiako i te reo Māori i ngā wā katoa, mā ngā whakawhitinga kōrero ako. E whanake ana te mōhiotanga o ngā tamariki ki te reo Māori e whakamahia ai e rātou ki tō rātou taiao.
Ko ngā matea me ngā ngākau nuitanga o ngā tamariki tētahi aronga a te whānau whakahaere i ia te wā. He mātātoa te whai wāhi atu a ngā mema ki te whakahaeretanga o te kōhanga reo. He pai te taetae atu ki ngā hui o ia marama. Ka whakatau ngātahi i ngā whakaritenga. Ko te ū ki ngā mahi e tika ana mō te hauora me te haumaru e aroturukitia ana ki ngā hui ā-whānau hei painga mō ngā tamariki. He pai te whai hononga ki te tari ā-rohe o te Poari Matua o Ngā Kōhanga Reo. He mārama ngā meneti o ngā hui ā-whānau, ā, he mōhiohio anō hoki o roto mā te whānau i a rātou e whakariterite ana i te tupu tonu o tō rātou kōhanga reo.
E arotahi ana ngā mahere o Te Whāriki ki te tūhuratanga o ngā tamariki i tō rātou taiao. Ka whakapuaki te whānau i ō rātou whakaaro ki te waihanga o ngā mahere ako. Ka whakaarohia ngā tūmomo rōpū o ngā ākonga, tae atu hoki ki ngā pēpi. He pai te aronga o ngā mahere mā ngā kaimahi. Tuhia ai te ako a ngā tamariki me ō rātou whakawhanaketanga i ia te wā. E tohu ana ngā mōhiohio i tā rātou ako me tā rātou ahu whakamua i roto i te roanga o te wā. Ko ngā huarahi aromatawai o Te Mātai Tamaiti, e āta kapo atu ana i te ako a ngā tamariki, puta noa i te whānuitanga o ngā tūmomo horopaki o te ao Māori.
Ka whai hua anō hoki ngā tamariki me te whānau mā ngā mahi whakawhanaketanga tonu a te whānau whakahaere. Ko tētahi o aua whakawhanaketanga, ko tētahi mahere rautaki e tohu ana i ā rātou whāinga, ā rātou mahi, me te wātaka hoki e tika ana mō tō rātou whare. E kōkiri ana rātou i ngā mahi ki te whakapakari i ētahi āhuatanga o te whakahaere kaimahi, tae atu hoki ki te arohaehae. E tika ana kia whakatairangatia ngā putanga ki ngā tamariki me te whānau.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Pākōwhai i roto i te toru o ngā tau.
Gloria Takuira
Acting Toka ā-nuku
21 Kohitātea, 2020
Te tūwāhi | Kei Pātūtahi, ki Tūranga-nui-a-Kiwa | ||
Te tau a te Tāhuhu o te Mātauranga | 55117 | ||
Te tau tohu o Te Kōhanga Reo | 06B050 | ||
Te tūmomo whare | He kōhanga reo | ||
Te raihana | Ngā Ture Mātauranga (Ratonga Kōhungahunga) 2008 | ||
Te tokomaha mō te raihana | 14, kia tokotoru ki raro i te rua o ngā tau | ||
Te tokomaha kei runga i te rārangi ingoa | 10, tokorua kei raro i te rua o ngā tau | ||
Te ira tangata | Kōtiro 5 Tama tāne 5 | ||
Ngā hononga ā-iwi | Māori | 100% | |
Te wā i te kōhanga reo te rōpū arotake | Hakihea 2019 | ||
Te wā o tēnei pūrongo | 21 Kohitātea, 2020 | ||
Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Tāpiri | Hōngongoi 2016 Paenga-whāwhā 2013 Paenga-whāwhā 2009 | |
Te Kōhanga Reo o Pākōwhai is based at Pākowhai marae, Gisborne. Since the last ERO review, July 2016 the roll has remained steady. Most whānau members have been at the kōhanga reo for some years. Whānau priorities focus on improvement and growth of the kōhanga reo kaupapa.
Children are actively connected and stimulated in their environment.
Children learn about the roles of tangata whenua. They acknowledge each other daily through morning mihimihi. Pepeha is a daily learning routine for children. They actively participate alongside marae whānau for different events held at the marae. Kaimahi use effective te ao Māori strategies to connect learners to te taiao. Children show confidence and ability to carry out lead roles. Their awareness of kaitiaki is developing.
Children experience interactions and relationships of aroha and manaaki. Kaimahi praise children for their efforts and contributions. Individuals needs are responded to well. Tuakana and teina relationships are formed amongst children and modelled by adults. Children enjoy the happy interactions throughout the day as they explore and learn alongside each other. They are settled and connected.
Children make meaningful connections to their natural and physical environment. Kaimahi provide programmes of activities that encourage exploration and discovery. Children identify specific atua Māori during kaupapa learning. Individuals like to follow their curiosities about the world around them. Kaimahi recognise these interests and use these opportunities to extend and challenge children’s thinking. Children actively interact in their natural and physical environment.
Children hear te reo Māori across a range of contexts. They hear the language used in formal and traditional settings, including the marae. Children learn the language through waiata, rotarota, pao, karakia and pae tukutuku. Kaiako use te reo Māori constantly, in learning conversations. Children are developing knowledge of te reo Māori that they can use in their taiao.
Children’s needs and interests are an ongoing focus of whānau whakahaere. Members actively contribute to the management of the kōhanga reo. There is good attendance at monthly hui. Decision making is shared. Health and safety practice standards are monitored at whānau for children. Good relationships are maintained with the local Te Kohanga Reo National Trust (TKRNT). Whānau minutes kept provide transparency and provide a source of review information that members can draw on as they plan to grow their kōhanga reo.
Te Whāriki plans are focused on children’s exploration of their environment. Whānau contribute their ideas to the design of learning plans. The different groups of learners are considered, including babies. Plans provide good direction for kaimahi. Children’s learning and development is documented regularly. Information shows their learning and progress overtime. Mātai tamaiti assessment methods capture well children’s learning across a range of te ao Māori contexts.
Children and whānau will benefit from further developments of the whānau whakahaere. These include the development of a strategic plan with their property goals, actions and timeframes. They are working to strengthen aspects of personnel management, including appraisal. Outcomes for children and whānau can be enhanced.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendation:
The next ERO evaluation of Te Kōhanga Reo o Pākōwhai will be in three years.
Gloria Takuira
Acting Toka ā-nuku
21 January 2020
| Location | Patutahi, Gisborne | ||
| Ministry of Education profile number | 55117 | ||
| Kōhanga Reo Identification Number | 06B050 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 14 children, including up to 3 aged under 2 | ||
| Kōhanga Reo roll | 10 children, including up to 2 aged under 2 | ||
| Gender composition | Girls 5 Boys 5 | ||
| Ethnic composition | Māori | 100% | |
| Review team on site | December 2019 | ||
| Date of this report | 21 January 2020 | ||
| Most recent ERO report(s) | Education Review Education Review Supplementary Review | July 2016 April 2013 April 2009 | |
He kōhanga reo noho marae Te Kōhanga Reo o Pākōwhai ki te hapori tuawhenua o Patutahi, e pā tata atu ana ki Tūranga-nui-a-Kiwa. Kei te mārama ki ngā tamariki tō rātou tūnga ki te kōhanga reo. E whanake ana tō rātou maioha mō te marae. He harikoa, he haumaru, he tau hoki ngā tamariki, ā, e tautokona ana tō rātou whakawhanaketanga reo. E mōhio ana te whānau, ka whai pānga nui te whakapapa me te whanaungatanga ki ngā akoranga a ngā tamariki.
Ka arotake anō Te Tari Arotake Mātauranga i Te Kōhanga Reo o Pākōwhai i roto i te toru o ngā tau.
He kōhanga reo noho marae Te Kōhanga Reo o Pākōwhai ki te hapori tuawhenua o Patutahi, e pā tata atu ana ki Tūranga-nui-a-Kiwa. Ko Te Whānau-ā-Kai te iwi. Ka noho whakahirahira te reo Māori, te whakapapa me te whanaungatanga ki ngā whānau me ā rātou tamariki.
He nui ngā rerekētanga kua pā ki te kōhanga reo, whai muri i te pūrongo o mua a Te Tari Arotake Mātauranga i te tau 2013, pērā i te whakatū kaiako i te marama o Hui-tanguru i tēnei tau, me te whakatū i te kaiwhakahaere i te marama o Mahuru i te tau 2015. Kua pā ki te whānau te hekenga nui o te tatauranga tamariki ki te kōhanga reo. He hou te nuinga o te whānau, ā, he poto noa te wā kua whai wāhi rātou ki te kōhanga reo.
Kei te mārama ngā tamariki i tō rātou tūnga ki te kōhanga reo.
Ka ako ngā tamariki i ō rātou hononga ki te marae. Ka whakamahi ngā kaimahi i te marae hei āhuatanga matua o te hōtaka o ia rā. Ka waia haere ngā tamariki ki te marae ātea me te whare karakia nā ngā tūmomo kaupapa taumahi. Ka tuituia ngā tikanga o te marae ki ngā mahinga me ngā tūmanako o ia rā ki te kōhanga reo. E whakawhanake ana te maioha o ngā tamariki ki te marae.
Ko te whakawhanaketanga i te katoa o te tamaiti tētahi aronga matua. Ka tautāwhi ngā kaimahi i ngā tamariki, ā, ka poipoi, ka whakatutuki hoki rātou i ngā matea ake o ia tamaiti. Kua whakaritea ngā taumahi hei poipoi i ngā hononga o ngā tamariki ki a rātou anō i roto i te hōtaka akoranga. Ka akiaki ngā kaimahi i ngā tamariki ki te ārahi i ētahi wāhanga o te hōtaka akoranga, hei whakawhanake i ngā pūkenga ārahi. He harikoa, he haumaru, he tau hoki ngā tamariki.
Kei te whanake te reo Māori o ngā tamariki. Ka whakamahi ngā kaimahi i te whānuitanga o ngā tūmomo rautaki hopu reo hei hāpai i te reo o ngā tamariki. Ko ētahi o ngā rautaki ko te tāruarua, te patapatai, me te akiaki anō hoki i ngā whakaaro o ngā tamariki. Ka hāpai ngā mihi me ngā waiata i te mōhio haere o ngā tamariki ki ngā hanganga reo. Ka whakaratohia ngā akoranga te reo Māori hei hāpai i te whakawhanaketanga reo o ngā whānau. E tino tautokona ana ngā tamariki hei ākonga o te reo Māori.
Ka āta whakamaheretia ngā hōtaka akoranga a ngā tamariki. Ka whakamahia ngā angamahi a Te Poari Matua o Ngā Kōhanga Reo hei hāpai i ngā whakaritenga a ngā kaimahi. Kua tāutuhia ngā whāinga ako mō ia rōpū reanga. Ka whakarato ngā kaimahi i ngā taumahi ka poipoi i ngā ngākau nuitanga o ia tamaiti. Ka whakamaheretia ngā kaupapa ako hei hāpai i te māramatanga o ngā tamariki ki ō rātou whakapapa, me ō rātou hononga ki tō rātou hapū a Te Whānau-ā-Kai, me tō rātou iwi a Te Aitanga-ā-Māhaki. Ka āta whakaarohia ngā matea ako o ia tamaiti.
Ka whakamōhio ngā akoranga a ngā tamariki i ngā whakaritenga e pā ana ki te aromātai o roto. Ko te māramatanga ngātahi o te whānau ki te kaupapa o te kōhanga reo e hāpai ana i te whakaaro huritao me te whakamahere mō meāke nei. Ko ngā pūrongo ka whakapuakihia i ngā hui, ka arotahi ki ngā akoranga a ngā tamariki. Ka hāpaitia ngā akoranga a ngā tamariki.
E whanake ana te kounga o ngā akoranga a ngā tamariki. E ako ana ngā kaimahi i ā rātou kawenga mahi ki te whakahono i ngā mahere hōtaka, te aromatawai, me te aromātai hōtaka. Me toro atu ki te tautoko o waho, hei hāpai i ngā kaimahi ki te whakapai ake i ā rātou whakaritenga.
Kāhore ngā matea ako o ngā tamariki e whakamahia ana hei ārahi i ngā whakahaeretanga a te whānau. Mā te whakatutuki i ngā mahi e whai ake nei, ka pai ake te whakawhanaketanga o te kōhanga reo me ngā whakaritenga a te whānau:
I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I tāutuhia e Te Tari Arotake Mātauranga ngā wāhanga e whai ake nei, kāhore e tutuki ana i ngā herenga ā-ture:
3.1 me whakarite i te whakatinanatanga o tētahi pūnaha arohaehae auau[R 47) Ture Mātauranga (Kōhungahunga) 2008; GMA7]
3.2 me arotake, me whakahou ake hoki i ngā kaupapa here me ngā tukanga katoa e pā ana ki te hauora me te haumaru, hei āta whakarite i te whakatutukitanga me te whakapūmautanga o te katoa o ngā tikanga e pā ana ki te hauora me te haumaru mō ngā akoako hōneatanga ohorere me te ārai i ngā tamariki.[R 46 Ture Mātauranga (Kōhungahunga) 2008; HS8, 9, 28, 31 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
toro atu ngā kaimahi me te whānau ki te tautoko o waho hei whakatutuki i ngā wāhanga i tāutuhia ai ki ngā whakaritenga matua ka whai ake.
He kōhanga reo noho marae Te Kōhanga Reo o Pākōwhai ki te hapori tuawhenua o Patutahi, e pā tata atu ana ki Tūranga-nui-a-Kiwa. Kei te mārama ki ngā tamariki tō rātou tūnga ki te kōhanga reo. E whanake ana tō rātou maioha mō te marae. He harikoa, he haumaru, he tau hoki ngā tamariki, ā, e tautokona ana tō rātou whakawhanaketanga reo. E mōhio ana te whānau, ka whai pānga nui te whakapapa me te whanaungatanga ki ngā akoranga a ngā tamariki.
Ka arotake anō Te Tari Arotake Mātauranga i Te Kōhanga Reo o Pākōwhai i roto i te toru o ngā tau.
Lynda Pura-Watson
Kaiurungi Whakaturuki Arotake Māori
04 Hōngongoi, 2016
| Te tūwāhi | Kei Patutahi, ki Tūranga-nui-a-Kiwa | ||
| Te tau a te Tāhuhu o te Mātauranga | 55117 | ||
| Te tau tohu o Te Kōhanga Reo | 06B050 | ||
| Te tūmomo whare | He kōhanga reo | ||
| Te raihana | Ngā Ture Mātauranga (Ratonga Kōhungahunga) 2008 | ||
| Te tokomaha mō te raihana | 20, kia tokoono ki raro i te rua o ngā tau | ||
| Te tokomaha kei runga i te rārangi ingoa | 9, tokowhā kei raro i te rua o ngā tau | ||
| Te ira tangata | Kōtiro 3 Tama tāne 6 | ||
| Ngā hononga ā-iwi | Māori | 100% | |
| Te wā i te kōhanga reo te rōpū arotake | Poutū-te-rangi 2016 | ||
| Te wā o tēnei pūrongo | 04 Hōngongoi, 2016 | ||
| Ngā pūrongo o mua a Te Tari Arotake Mātauranga | Arotake Mātauranga Arotake Tāpiri Arotake Mātauranga | Paenga-whāwhā 2013 Paenga-whāwhā 2009 Whiringa-ā-nuku 2008 | |
Te Kōhanga Reo o Pākōwhai is marae based in the rural community of Patutahi near Gisborne. Children understand their place in the kōhanga reo. They are developing an appreciation for the marae. Children are happy, safe and secure and are supported with their language development. Whānau acknowledge that whakapapa and whanaungatanga is important for children’s learning.
The next ERO review of Te Kōhanga Reo o Pākōwhai will be in three years.
Te Kōhanga Reo o Pākōwhai is marae based in the rural community of Patutahi near Gisborne. The local iwi is Te Whānau ā Kai. Te reo Māori, whakapapa and whanaungatanga is important to whānau and their children.
Since the last ERO Report 2013 there have been significant changes in the kōhanga reo. Kaiako appointments in February this year and the kaiwhakahaere in September 2015. The whānau have experienced a significant roll decrease. Most whānau are new and have been at the kōhanga reo for a short time.
Children understand their place in the kōhanga reo.
Children’s learn about their links to the marae. Kaimahi use the marae as an integral part of the daily programme. Activities enable children to familiarise themselves with the marae ātea, whare karakia. Marae protocols are integrated into the kōhanga reo routines and daily expectations. Children are developing an appreciation for the marae.
Children’s holistic development is a priority. Kaimahi comfort children and respond to their individual needs as these arise. Activities are organised to foster children’s relationships with each other in the learning programme. Kaimahi encourage children to lead aspects of the learning programme to develop leadership skills. Children are happy, safe and secure.
Children’s te reo Māori is developing. Kaimahi use a variety of language acquisition strategies to support children’s language. Strategies include repetition, questioning, and prompting children’s thinking. Mihi and waiata help to familiarise children with language structures. Te reo Māori classes are provided to support individual whānau language development. Children are well supported as learners of te reo Māori.
Children’s learning programmes are well planned. Te Kōhanga Reo National Trust frameworks are used to support kaimahi practices. Learning objectives are identified for different age groups. Kaimahi provide activities to cater for individuals interests. Kaupapa ako are planned to support children’s understanding about their whakapapa, links to their hapū and iwi Te Whanau ā Kai and Te Aitanga ā Māhaki. Children’s individual learning needs are considered.
Children’s learning informs internal evaluation practices. Whānau collective understanding about the kaupapa of kōhanga reo supports reflection and forward planning. Reports shared at hui focus on children’s learning. Children’s learning is supported.
Children’s quality of learning is developing. Kaimahi are learning about their responsibilities to link programme planning, assessment and programme evaluation. External support to assist kaimahi to improve their practices is needed.
Children’s learning needs are not used to guide whānau management practices. Attention to the following will improve kōhanga reo development and whānau practices:
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO identified the following areas of non-compliance:
3.1 ensure that a system of regular appraisal is implemented [R47 Education (ECS) Regulations 2008 GMA7]
3.2 review and update all health and safety policies and procedures to ensure all health and safety requirements for emergence evacuation drills, and child protection are met and maintained for children. [R46ECS2008/HS8, 9, 28, 31)
ERO and the Kōhanga Reo whānau developed the following recommendations:
Te Kōhanga Reo o Pākōwhai is marae based in the rural community of Patutahi near Gisborne. Children understand their place in the kōhanga reo. They are developing an appreciation for the marae. Children are happy, safe and secure and are supported with their language development. Whānau acknowledge that whakapapa and whanaungatanga is important for children’s learning.
The next ERO review of Te Kōhanga Reo o Pākōwhai will be in three years.
Lynda Pura-Watson
Deputy Chief Review Officer Māori
4 July 2016
| Location | Patutahi, Gisborne | ||
| Ministry of Education profile number | 55117 | ||
| Kōhanga Reo Identification Number | 06B050 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 20 children, including up to 6 aged under 2 | ||
| Kōhanga Reo roll | 9 children, including up to 4 aged under 2 | ||
| Gender composition | Girls 3 Boys 6 | ||
| Ethnic composition | Māori | 100% | |
| Review team on site | March 2016 | ||
| Date of this report | 4 July 2016 | ||
| Most recent ERO report(s) | Education Review Supplementary Review Education Review | April 2013 April 2009 October 2008 | |