58 Tarikaka Street, Ngaio, Wellington
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi.
Ko Tarikākā te maunga
Ko Kaiwharawhara te awa
Ko Te Āti Awa te iwi
Ko Te Poho o Tarikākā te whare
Ko Te Kōhanga Reo o Ngaio te kōhanga reo
E tū ana Te Kōhanga Reo o Ngaio ki te hapori o Ngaio, ki Te Whanganui-a-Tara. Whai muri i te arotakenga o mua a Te Tari Arotake Mātauranga i te tau 2020, kua whakatinanahia e te whānau ngā pūnaha whakahaere, pūnaha kāwana hoki ki te kōhanga reo, kua whakatupu ake hoki i ngā pūkenga ki te ārahi me te mahi whakatōpū, ā, kua whakapai ake i ngā mahi pūrongo ki te whānau. E aro nui ana te whānau ki te reo me ngā tikanga Māori.
Kei te harikoa, kei te tūmāia hoki ngā mokopuna hei kaiuru, hei kaiārahi hoki o ā rātou akoranga.
E rumakina ana ngā mokopuna ki te hōhonutanga o tētahi taiao reo Māori. Ka kaha ū ngā kaimahi ki te whakamahi me te whakatauira i te reo Māori, ā, ka patapatai, ka whāngai kupu hoki hei whakatairanga ake i te māramatanga me te mōhiotanga o ngā mokopuna ki te reo. Ka whakawhiti kōrero māhorahora ngā mokopuna ki ngā kaiako, ā, ki waenga hoki i a rātou anō. Ko ngā akoranga nahanaha i whakamaheretia ai e whāngai ana i ngā kupu hou me ngā hanganga reo hou ki ngā mokopuna, hei hāpai i ngā kaupapa mahi. Ka whakanui ngā kaimahi i te whakamahinga a ngā mokopuna i te reo Māori. Ko ngā horopaki tūturu, pērā i ngā wā kai me ngā wā tākaro, he whai wāhitanga mō ngā kaimahi me ngā mokopuna ki te kōrero māhorahora i te reo Māori. He ngākau titikaha ō ngā mokopuna ki te kōrero i te reo Māori.
He ākonga pākiki ngā mokopuna e taunekeneke papai ana ki waenga i a rātou anō, ki ngā kaimahi, ki te whānau hoki. E ākina ana te whanaungatanga, ā, ka ngākau nui ngā mokopuna ki te tiaki, tētahi i tētahi. Ko te whakaako me te ako he tūāhuatanga tauutuutu ki ngā kaimahi me ngā mokopuna. He mea whakaute te hononga ki waenga i ngā tuākana me ngā tēina, ā, ka whakatairangatia te manaakitanga ki ō rātou hoa. Ka ārahi ngā mokopuna i ō rātou ake huarahi ako, ā, he ātaahua te whakaatu atu i ā rātou mahi, puta noa i te kōhanga reo. Ka kitea te ngākau nui o ngā mokopuna ki te whai wāhi atu me te taunekeneke hoki hei ākonga, hei kaiārahi.
Ka whakamahere ngā kaimahi i ngā hōtaka akoranga whakahihiri mō ngā mokopuna. Tū ai ngā hui whakamahere i ia te wā, ā, he tūāhuatanga e hāpai ana i te whakamahere ngātahi o ngā kaimahi, me tā rātou poipoi i ngā matea whakawhanaketanga ake o ngā mokopuna. E wātea ana ngā mahere o te hōtaka akoranga ki ngā kaimahi me te whānau. E hono ana te marau ki Te Whāriki a Te Kōhanga Reo me ngā kaupapa ake e ngākau nuitia ana e ngā mokopuna. Ka whakamahere ngā kaimahi i te tangongitanga o ngā taumahi whakaongaonga e kapo atu ana i ngā mokopuna, ā, ka toro atu hoki ki ngā taonga - pērā i te taiao - ki te whakatairanga i te ako. Ka ngākau nui ngā mokopuna ki ā rātou akoranga.
Ka whakatutukihia ngā aromatawai mā te whakamahinga o ngā pae ā-ipurangi me ngā pūkete a ngā mokopuna. E hono ana ngā mōhiohio aromatawai ki ngā mahere me ngā kaupapa mahi e whakapuakihia ana ki te taha o ngā whānau. Ka toro atu ki ngā kōrero urupare a te whānau, hei hāpai ake anō i ngā akoranga a ngā mokopuna. Ka whakamahi ngā kaimahi i ngā pukapuka aromatawai ki te aromātai i ngā kaupapa mahi me te whakawhanake i ngā whakaaro ki ngā mahere mō meāke nei. E puāwai ana ngā mokopuna, ka taunekeneke, ka whai wāhi nui hoki rātou ki tētahi hōtaka akoranga e whai hua angitu ana mō rātou.
Ko ngā hanganga whakahaere a te whānau e hāpai ana i ngā putanga ki ngā mokopuna. Ka aro nui te whānau ki te ako a ngā mokopuna, ki tō rātou waiora hoki, me te reo me ngā ōna tikanga. Kua whakaritea ngā ohu hei hāpai i ngā mahi whakahaere a te whānau. Pūrongohia ai ngā kawenga a ngā ohu ki ngā hui ā-whānau i ia te wā. Ka whai wāhi aua pūrongo ki te whakataunga ngātahi a te whānau i ngā whakaritenga. E whakatakoto ana te mahere rautaki i te aronga mārama mō te whānau, ā, ka aru, ka aroturuki hoki te whānau i te ahu whakamua ki te whakatutuki i te tirohanga. Ka whakaatuhia te mahere ā-tau, ā, ka āta tohu i ngā wāhanga matua hei whakahaere. He pai te whakahaeretanga a ngā ohu i ngā take kaimahi, ā, ko te arowhai i te haumaru o ngā kaimahi tētahi aronga matua. He pūnaha ā te whānau hei hāpai i ngā kaimahi, hei aroturuki i ngā take matua e pā ana ki te hauora me te haumaru, hei whakatutuki hoki i ngā mahi kāwana mā ngā mokopuna me te whānau. E eke panuku ana ngā mokopuna ki tētahi taiao e āta whakahaerehia ana e te whānau.
E whakaae ana te whānau, ka whai hua te āta whakatau i te whakawhanaketanga o tētahi rārangi mahi moroki e pā ana ki te arotakenga o ngā kaupapa here, ā, hei te whakatutukitanga, ka āta tohungia ia kaupapa here ki te waitohu me te rā. Ka whai hua ngā mokopuna mā te whai māramatanga o ngā pūnaha whakapaitanga.
E mōhio ana ngā kaimahi, e tika ana kia whakapakarihia te aromātai hōtaka. Ahakoa ka whakatutukihia te aromātai kaupapa, e whakatau ana kaimahi, ko te aromātai ake i ngā kaupapa mahi i ia te wā, ka whakamōhio ake i ngā whakaritenga me ngā wāhanga hei whakapai ake. Ka whai hua ngā mokopuna mā tētahi hōtaka akoranga e aromātaihia ana i ia te wā.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Darcy Te Hau
Toka ā Nuku
Te Uepū-a-Motu – Māori Services
30 Haratua 2024
| Te tūwāhi | Kei Ngaio, ki Te Whanganui-a-Tara |
| Te tau a te Tāhuhu o te Mātauranga | 64029 |
| Te tau tohu o Te Kōhanga Reo | 09C007 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 23 ngā tamariki, kia tokoono kei raro i te rua o ngā tau |
| Te tokomaha kei runga i te rārangi ingoa | 22 ngā tamariki, tokorima kei raro i te rua o ngā tau |
| Ngā hononga ā-iwi | Māori 22 |
| Te wā i te kōhanga reo te rōpū arotake | Paenga-whāwhā 2024 |
| Te wā o tēnei pūrongo | 30 Haratua 2024 |
| Ngā pūrongo o mua a Te Tari Arotake Mātauranga | Arotake Mātauranga, Poutū-te-rangi 2020; Arotake Mātauranga, Hui-tanguru 2016; Arotake Mātauranga, 2013 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Ko Tarikākā te maunga
Ko Kaiwharawhara te awa
Ko Te Āti Awa te iwi
Ko Te Poho o Tarikākā te whare
Ko Te Kōhanga reo o Ngaio te kōhanga reo
Te Kōhanga Reo o Ngaio is in Ngaio, Wellington. Since the last ERO review in 2020, the whānau have implemented kōhanga systems of management and governance, grown capability in leadership and collaboration, and improved reporting to whānau. Whānau prioritise te reo and tikanga Māori.
Mokopuna are happy, confident, participants and leaders of their learning.
Mokopuna are immersed in a rich te reo Māori environment. Kaimahi use and model te reo Māori consistently and use questions and prompts to enhance mokopuna understanding and knowledge of te reo. Mokopuna converse naturally with kaiako and each other. Planned and deliberate learning provide mokopuna with new vocabulary and language structures to support the kaupapa mahi. Kaimahi praise mokopuna use of te reo Māori. Authentic contexts such as wā kai and wā tākoro are opportunities where kaimahi and mokopuna speak te reo Māori freely. Mokopuna are confident speakers of te reo Māori.
Mokopuna are inquisitive learners who interact positively with each other, kaimahi, and whānau. Whanaungatanga is encouraged and mokopuna enjoy taking care of each other. Teaching and learning is reciprocal for kaimahi and mokopuna. Tuākana, tēina relationships are respectful and promote manaakitanga towards their friends. Mokopuna lead their own learning and their mahi is attractively displayed throughout the kōhanga reo. Mokopuna show enjoyment participating and interacting as learners and leaders.
Kaimahi plan engaging learning programmes for mokopuna. Regular planning hui allow kaimahi to collectively plan and cater for specific mokopuna and developmental needs. Planning for the learning programme is accessible for kaimahi and whānau. The curriculum is linked to Te Whāriki ā te Kōhanga Reo and specific topics of interests to mokopuna. Kaimahi plan a range of activities that engage and stimulate mokopuna using resources such as the taiao to enhance learning. Mokopuna enjoy their learning.
Assessments are completed using online platforms and mokopuna profiles. Assessment information is linked to planning and kaupapa mahi which is shared with whānau. Whānau feedback is welcomed to further support mokopuna learning. Kaimahi use pukapuka aromatawai for the evaluation of kaupapa mahi and to develop ideas for future planning. Mokopuna thrive, interact and engage in a learning programme that is successful for them.
Whānau whakahaere structures support mokopuna outcomes. Whānau prioritise mokopuna learning and wellbeing and te reo me ōna tikanga. Ohu have been created to support whānau whakahaere roles. Ohu responsibilities are reported on at regular whānau hui. This reporting informs collective decision making for whānau. The strategic plan provides clear direction for the whānau and whānau track and monitor progress towards the vision. The annual plan is displayed and clearly shows key areas of operations to be managed. Ohu manage personnel matters well and safety checking of kaimahi is a priority. Whānau have systems in place to support kaimahi, monitor essential health and safety issues, and provide governance for mokopuna and whānau. Mokopuna excel in an environment that is managed well by whānau.
Whānau agree it would be beneficial to ensure an ongoing policy review schedule is developed and that at completion, each policy is clearly signed and dated. Mokopuna are advantaged by coherent improvements systems.
Kaimahi recognise the need to strengthen programme evaluation. Although kaupapa evaluation occurs, kaimahi agree that more regular evaluation of kaupapa mahi will better inform practice and areas for improvement. Mokopuna will benefit from a learning programme that is regularly evaluated.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO and the kōhanga reo whānau developed the following recommendations:
Darcy Te Hau
Toka-ā-Nuku – Director
Te Uepū ā-Motu – Māori Review Services
30 May 2024
| Location | Ngaio, Wellington |
| Ministry of Education profile number | 64029 |
| Kōhanga Reo Identification Number | 09C007 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 23 children, including up to 6 aged under 2 |
| Service roll | 22 children, including up to 5 aged under 2 |
| Ethnic composition | Māori 22 |
| Review team on site | April 2024 |
| Date of this report | 30 May 2024 |
| Most recent ERO report(s) | Education Review, March 2020; Education Review, February 2016; Education Review, March 2013; |
E tū ana Te Kōhanga Reo o Ngaio ki te hapori o Ngaio, ki Te Whanganui-a-Tara. Mai i te arotake o mua a Te Tari Arotake Mātauranga i te tau 2016, kua āta ahu whakamua te whānau ki te whakapai ake i ngā pūnaha o te kōhanga reo mō te whakahaeretanga me te kāwanatanga, ki te whakapakari ake i te ārahitanga me te mahi tahi, ki te hāpai ake i te whai wāhi mai a te whānau, ā, ki te tuku pūrongo hoki ki te whānau.
He pakari ngā tamariki ki te whakaatu i te whanaungatanga i ā rātou akoranga me ā rātou taunekeneke.
E tautāwhitia ana ngā tamariki ki tētahi wāhi e tautoko ana i a rātou. Ka whakarato te whānau i ngā whai wāhitanga e akiaki ana i te tauutuutu i roto i te whakawhanaungatanga. Ka whakatauira ngā kaimahi i te āhua o ngā hononga papai ki waenga i a rātou anō, ā, ki ngā tamariki hoki. Ka manaaki ngā tamariki tuākana i ngā tēina. He tino tauira rātou mō ngā tamariki tēina i a rātou e ārahi ana i ngā waiata me ngā karakia. Ka kitea ki ngā tamariki tō rātou manaaki, tō rātou whakaute hoki mō ō rātou hoa me ngā pakeke. Kei te harikoa, kei te pūkare hoki rātou. Whakapuakihia ai e ngā kaimahi i ngā wā katoa, ko te atawhai me te aroha mō ngā tamariki. Kei te harikoa, kei te mauritau ngā tamariki.
He pai te taunekeneke a ngā tamariki ki waenga i a rātou anō, ā, ki ngā kaimahi, te whānau, me ētahi atu pakeke hoki. Kua waihangatia e ngā kaimahi tētahi taiao e poipoi ana i te aroha, te āwhina, me te manaaki ki waenga i ngā tamariki. Ka tau wawe ngā tamariki i tā rātou taenga mai ki te kōhanga reo, ā, e manaakitia ana rātou ki te hāneanea o te noho ā-whānau. Ka whakamahi ngā kaimahi i ngā kupu whakamihi me ngā rautaki papai e whakatairanga ana i te ngākau titikaha o ngā tamariki ki a rātou anō, ā, ki ō rātou tuakiri hoki. Kei te tūmāia ngā tamariki.
E whanake ana te mātau o ngā tamariki ki te reo me ngā tikanga Māori. E whakapūmau ana ngā kaimahi i te harikoakoa me te rumakitanga reo Māori o te taiao ako. He pai tā rātou akiaki, tā rātou ārahi, me ā rātou mahi e whakatairanga ana i te whakawhanaketanga reo o ngā tamariki. Ka kitea te mātau o ngā tamariki ki te reo Māori mā ngā tūmomo huarahi whānui. Ka aro atu rātou ki ngā tohutohu a ngā kaimahi. Ka whakapuaki māhorahora nei ā rātou whakawhitinga kōrero ki waenga i a rātou anō. Ka whakautu rātou i ngā pātai a ngā kaimahi. Ka kitea te reo ā-tinana o ngā tamariki tēina. E whanake ana te pakari o ngā tamariki ki te kōrero i te reo Māori.
E whai wāhi atu ana ngā tamariki ki tētahi taiao e whakaongaonga ana i tā rātou ako. Ko ngā āhuatanga e noho ngākau nui ana, e noho manawa reka ana hoki ki ngā tamariki te aronga o ngā kaimahi i a rātou e whakamahere ana, e whakawhānui ana hoki i ngā akoranga a ngā tamariki. Ka whakarato rātou i te whānuitanga o ngā tūmomo wheako me ngā taumahi ki te kōhanga reo, ā, ki tua atu hoki – pērā i ngā haerenga ki te marae me te moana, me te ako i ngā āhuatanga o te mahi pāmu, tae atu hoki ki ētahi atu tūmomo kaupapa o te ao whānui tonu. Ka toro wawe atu ngā tamariki ki ō rātou taiao ako. E wātea ana rātou ki te tūhura haere i ō rātou ake ngākau nuitanga, puta noa i te rā. Kei te tūmāia ngā tamariki hei ākonga.
Me whakapakari ake i te aromātai hōtaka. Kāhore te aromātai hōtaka e hāpai ana ki te whakapai ake i ngā hōtaka akoranga me te ako a ngā tamariki. Ka whai hua ngā tamariki nā ngā hōtaka akoranga e āta aromātaitia ana i ia te wā.
He pai te whakamahere i te ako a ngā tamariki. E mōhiotia ana, e whakawhānui ana hoki ngā kaupapa e noho ngākau nui ana, e noho manawa reka ana hoki ki a rātou. Ka āta whakaraupapa ngā kaiako i ngā tino whāinga ako me ngā taumahi ā-reanga e tika ana hei ārahi i te ako o ngā rōpū. Ka whakamahi ngā kaimahi i tētahi taputapu ipurangi ki te pūrongo i ngā akoranga a ngā tamariki. Kua āta whakamaheretia te ako a ngā tamariki, ā, he māmā hoki mō te whānau ki te whakapā atu. E whakatutukihia ana ngā matea ako o ngā tamariki.
Kua whakapakarihia e te whānau ngā whakaritenga e pā ana ki ngā mahi whakahaere me ngā mahi kāwana. Ko te hanganga o ngā ohu e hāpai ana i te whai wāhitanga o te whānau ki te uru atu me te tautoko i te kaupapa. He pai te whakahaeretanga o ngā hui ā-whānau, ā, ka āta whakaritea te noho mōhio o te whānau ki te whakahaeretanga o te kōhanga reo me te hōtaka akoranga a ngā tamariki. E hāngai ana ngā kaupapa here katoa ki te wā, ā, e whakatutuki ana hoki i ngā herenga ā-ture. He matawhānui te mahere rautaki hukihuki i whakawhanakehia ai. E whakauka ake ana te whānau i ngā pūnaha me ngā whakaritenga. E whai hua ana ngā tamariki nā te kaha o te whānau whakahaere.
Kāhore anō te tūtohinga a te kōhanga reo kia arotakengia. Me tahuri i nāianei ki te whakahou ake i te tūtohinga kia hāngai ake ai ki ngā wawata o tēnei whānau tonu.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Ngaio i roto i te toru o ngā tau.
Gloria Takuira
Toka ā-nuku Whakakapi
Te Uepū ā-Motu - Māori Review Services
17 Poutūterangi, 2020
Te tūwāhi | Kei Ngaio, ki Te Whanganui-a-Tara | ||
Te tau a te Tāhuhu o te Mātauranga | 64029 | ||
Te tau tohu o Te Kōhanga Reo | 09C007 | ||
Te tūmomo whare | He kōhanga reo | ||
Te raihana | Ngā Ture Mātauranga (Ratonga Kōhungahunga) 2008 | ||
Te tokomaha mō te raihana | 23 kia tokoono ki raro i te rua o ngā tau | ||
Te tokomaha kei runga i te rārangi ingoa | 22 tokorima kei raro i te rua o ngā tau | ||
Te ira tangata | Kōtiro 14 Tama tāne 8 | ||
Ngā hononga ā-iwi | Māori Iwi kē | 19 3 | |
Te wā i te kōhanga reo te rōpū arotake | Kohi-tātea 2020 | ||
Te wā o tēnei pūrongo | 17 Poutūterangi, 2020 | ||
Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Mātauranga | Hui-tanguru 2016 Poututerangi 2013 Whiringa-ā-nuku 2011 | |
Te Kōhanga Reo o Ngaio is in Ngaio, Wellington. Since the last ERO review in 2016, the whānau has made good progress improving kōhanga systems of management and governance, growing leadership and collaboration, and involving and reporting to whānau.
Children confidently display whanaungatanga in their learning and interactions.
Children are embraced in a supportive environment. Whānau provide opportunities that encourage reciprocal relationships. Kaimahi model positive relationships with tamariki and each other. Older children demonstrate care for teina. They provide good models for younger children as they lead activities such as waiata and karakia. Children demonstrate care and respect for their peers and adults. They are happy and expressive. Kaimahi constantly show care and compassion for children. Children are happy and settled.
Children interact positively with each other and with kaimahi, whānau and other adults. Kaimahi create an environment that nurtures aroha, āwhina and manaaki amongst children. Children settle quickly on arrival and are cared for in a comfortable whānau environment. Kaimahi use praise and positive strategies to promote children’s confidence in themselves and their identity. Children are confident.
Children are developing competence in te reo and tikanga Māori. Kaimahi maintain a happy reo Māori immersion learning environment. They positively encourage, guide and extend children’s language development. Children show their competence in te reo in many ways. They respond to instructions from kaimahi. They converse with each other spontaneously. They answer kaimahi questions. Younger use non-verbal language. Children are developing as confident speakers of te reo Māori.
Children experience an environment that stimulates learning. Kaimahi use children’s interests and curiosities to plan for and extend children’s learning. They provide a variety of experiences and activities within and beyond the kōhanga reo, such as trips to marae, moana and learning about farming and other wider world activities. Children readily engage with their learning environments. They are free to explore their interests during the day. Children are confident learners.
Programme evaluation needs strengthening. It does not inform improvement to the learning programmes and to children’s learning. Children will benefit from programmes of learning that are regularly evaluated.
Children’s learning is well planned for. Their interests and curiosities are known and extended. Kaiako identify clear learning goals and age appropriate activities to guide group learning. Kaimahi are use an online tool for reporting children’s learning. Children’s learning is well planned and readily accessible to whanau. Children’s learning needs are addressed.
The whānau has strengthened management and governance practices. The ohu structure provides increased opportunity for whānau involvement and engagement. Whānau meetings are well run and ensure whānau are informed about the kōhanga operation and children’s learning programme. All policies are up to date and aligned with legislation. A comprehensive draft strategic plan has been developed. Whānau are building more sustainable systems and practices. Children benefit from strong whānau whakahaere.
The kōhanga charter has not been reviewed. It now needs updating to align with the aspirations of current whānau.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendation:
The next ERO evaluation of Te Kōhanga Reo o Ngaio will be in three years.
Gloria Takuira
Acting Toka ā-nuku
Te Uepū ā-Motu - Māori Review Services
17 March 2020
| Location | Ngaio, Wellington | |
| Ministry of Education profile number | 64029 | |
| Kōhanga Reo Identification Number | 09C007 | |
| Licence type | Te Kōhanga Reo | |
| Licensed under | Education (Early Childhood Services) Regulations 2008 | |
| Number licensed for | 23 children including up to 6 aged under 2 | |
| Kōhanga Reo roll | 22 children including up to 5 aged under 2 | |
| Gender composition | Girls 14 Boys 8 | |
| Ethnic composition | Māori Other | 19 3 |
| Review team on site | January 2020 | |
| Date of this report | 17 March 2020 | |
| Most recent ERO report(s) | Education Review Education Review Education Review | February 2016 March 2013 October 2011 |
E tū ana Te Kōhanga Reo o Ngaio ki te tāone o Ngaio, ki Te Whanganui-a-Tara. He pakari ngā tamariki ki te ako me te kōrero i te reo Māori. Ka ako ngā tamariki ki tētahi taiao e hāpai ana i a rātou. Ka tūhura ngā tamariki i te reo ki tētahi taiao e tautoko ana i a rātou. Kua tino whakatōngia te haumaru me te whanaungatanga ki te hōtaka o ia rā. E mōhio ana te whānau ki ngā āhuatanga hei whakapai ake.
Ka arotake anō Te Tari Arotake Mātauranga i Te Kōhanga Reo o Ngaio i roto i te toru o ngā tau.
E tū ana Te Kōhanga Reo o Ngaio ki te tāone o Ngaio, ki Te Whanganui-a-Tara. Koia nei anake te kōhanga reo ki tēnei takiwā.
Mai i te pūrongo o mua a Te Tari Arotake Mātauranga, kua pā mai ētahi rerekētanga ki ngā tūranga kaimahi me te whānau. Kua noho pūmau tonu te kounga o te reo Māori me te poipoi i te ako a ngā tamariki. Engari, me whakapakari ake i te kaupapa o te kōhanga reo hei āta whakarite i tōna whakatinanatanga ki te whānuitanga o ngā whakahaeretanga.
He pēhea rawa te kite i te tūmāia o ngā tamariki hei ākonga ki tō rātou kōhanga reo?
Ka kitea te tūmāia o ngā tamariki hei ākonga ki te kōhanga reo.
Ka ako ngā tamariki ki tētahi taiao e tautoko ana i a rātou. Ka mahi ngā kaiako ki te taha o ngā tamariki mā ngā huarahi e poipoi ana, e manaaki ana hoki i a rātou. Kua waia ngā tamariki ki ngā mahinga o ia rā. Ka ākina rātou kia tiaki i ngā rauemi ako me te taiao ako. Ka akiaki ngā kaiako i ngā tamariki ki te noho hei ākonga pākiki ki te whānuitanga o ngā tūmomo taumahi e whakaratohia ana i te hōtaka akoranga. Ka taunekeneke ngā tamariki hei tuakana, hei teina ki te hōtaka o ia rā. Ka tautokona ngā tuākana kia whanake ai ā rātou kawenga ki te ārahi. Ka whakatauira ngā kaiako i ngā uaratanga o te mahi tahi, te manaaki, me te aroha. He ākonga harikoa ngā tamariki.
Ka whai wāhi ngā tamariki ki tētahi taiao ako e whai hua ana. Ka whai pānga matua te whanaungatanga ki ngā akoranga a ngā tamariki. Ka tautoko ngā kaiako i ngā tamariki kia ako mai i ō rātou hoa, ā, he whai wāhitanga hoki mō ngā tamariki tuākana ki te ārahi i ētahi atu. He tino tauira ngā tuākana mō ngā tēina. He pārekareka ki ngā tamariki te ako ā-whānau.
Ka tūhura ngā tamariki i te reo mā tētahi taiao reo Māori pai. Kua whakatōngia e ngā kaiako te reo Māori hei reo whakawhiti kōrero puta noa i te kōhanga reo. He pakari te nuinga o ngā kaiako, ā, ka whakamahi rātou i te whānuitanga o ngā tūmomo rautaki ka whakawhanake, ka whakawhānui hoki i te reo o ngā tamariki. Ka whakapuaki ngā tamariki i ngā whakawhitinga kōrero ki ō rātou hoa, ki ngā kaiako hoki. He whai wāhitanga anō hoki aua wā mō ngā kaimahi ki te āta whakawhānui, te āta whakatauira anō hoki mō ngā tamariki. E tino tautokona ana ngā tamariki kia ako i te reo Māori.
He pai te whakahaeretanga o te kōhanga reo mō ngā tamariki. Kua whakawhanakehia, kua whakatinanahia hoki e te whānau tētahi aronga rautaki i āta tuhia ai ki te mahere pakihi a te kōhanga reo. Kua āta tāutuhia ngā kaupapa matua o te wā poto me te wā roa. Ka arotahi ngā hui ā-whānau ki te ahu whakamua i roto i te taiao o waho me ngā matea ako o ngā tamariki. He mārama ngā aratohu me ngā tukanga ka hāpai ai i te whakahaeretanga o te kōhanga reo i ia rā. Ka hāngai ngā whakataunga a te whānau ki ngā tino painga mō ngā tamariki. E tino tautokona ana ngā tamariki hei ākonga.
Ka āta whakaarohia ngā akoranga a ngā tamariki. He anga whakamahere ā ngā kaiako e ārahi ana i ā rātou whakaritenga, ā, e hāngai ana ki ngā wāhanga matua i tāutuhia ai o ngā akoranga a ngā tamariki. Ka mahi ngātahi rātou ki te tātari i ngā kaupapa mō te wāhanga me ngā whāinga ako a ngā tamariki. Ka whakamahi ia kaiako i aua mōhiohio ki te whakamahere i ngā mahi a ia rōpū i whakaritea ai i runga anō i ngā reanga o ngā tamariki me ō rātou matea whakawhanaketanga. Ka whai hua ngā tamariki nā ngā hōtaka i āta whakamaheretia ai.
Ka whakamahi ngā kaiako i te aromātai hōtaka hei tāutu i ngā huarahi ki te whakapai i ngā akoranga a ngā tamariki. Ko te nuinga o ngā kaiako e whakatakoto ana i ō rātou whakaaro huritao, ā, e whakamahere ana hoki i ngā taumahi ka hāpai i ngā taumata ako ka whāia tonuhia e ngā tamariki. Ka whakawhiti kōrero, ka whakapuaki whakaaro, ka tāutu hoki ngā kaiako i ngā whakapaitanga ako mā ngā tamariki. Ka āta whakaarohia ngā ngākau nuitanga o ngā tamariki i roto i ngā akoranga, ā, ka whakaurua ēnei ki ngā mahere.
He pai te aroturuki i ngā akoranga a ngā tamariki. Kua whakawhanakehia e ngā kaiako ētahi tauira e whai hua ana hei rauemi aromatawai i roto i ngā akoranga. Ka whakamahia ngā pūkete hei whakaemi i ngā mōhiohio e pā ana ki ngā tamariki i roto i te whānuitanga o ngā tūmomo horopaki ako. Ka whakapuaki ngā kaiako i aua mōhiohio ki te whānau.
Kāhore te whakahaeretanga a te whānau e āta kitea ana ki te kōhanga reo. Ahakoa ka arotahi te whānau ki te whakamahere mō meāke nei, me te whakatutuki i ngā tino painga mō ngā tamariki, e mōhio ana rātou e tika ana, kia aro ake anō hoki ki te āhua o te whai wāhi mai.
Kei te whanake tonu te arotake whaiaro. Ahakoa ka arotahi ngā hui ā-whānau ki te kōkiri whakamua i ngā kaupapa matua i tāutuhia ai, kāhore aua mōhiohio e āta whakaemihia ana, e āta aroturukitia ana, ā, e āta tuhia ana hoki.
Me whakapai ake te aromātai hōtaka. He whai wāhitanga mō ngā kaimahi ki te whakaaro huritao me te aroturuki hoki i te kounga o ngā akoranga a ngā tamariki, engari kāhore anō ō rātou whakaaro mō te whakapai ake i te hōtaka kia āta whakatinanahia. Me ngātahi ake te āhua o ngā mahi.
I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I tāutuhia e Te Tari Arotake Mātauranga ngā wāhanga e whai ake nei, kāhore e tutuki ana e ai ki te ture:
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei:
Kia toro atu te whānau ki te āwhina o te purapura me te kaupapa kaimahi ā-rohe o Te Poari Matua o Ngā Kōhanga Reo ki te:
E tū ana Te Kōhanga Reo o Ngaio ki te tāone o Ngaio, ki Te Whanganui-a-Tara. He pakari ngā tamariki ki te ako me te kōrero i te reo Māori. Ka ako ngā tamariki ki tētahi taiao e hāpai ana i a rātou. Ka tūhura ngā tamariki i te reo ki tētahi taiao e tautoko ana i a rātou. Kua tino whakatōngia te haumaru me te whanaungatanga ki te hōtaka o ia rā. E mōhio ana te whānau ki ngā āhuatanga hei whakapai ake.
Ka arotake anō Te Tari Arotake Mātauranga i Te Kōhanga Reo o Ngaio i roto i te toru o ngā tau.
Lynda Pura-Watson
Kaiurungi Whakaturuki Arotake Māori
22 Hui-tanguru, 2016
| Te tūwāhi | Kei Ngaio, ki Te Whanganui-a-Tara | ||
| Te tau a te Tāhuhu o te Mātauranga | 64029 | ||
| Te tau tohu o Te Kōhanga Reo | 09C007 | ||
| Te tūmomo whare | He kōhanga reo | ||
| Te raihana | Ngā Ture Mātauranga (Ratonga Kōhungahunga) 2008 Ngā Ture Mātauranga (Ratonga Kōhungahunga) 1998 | ||
| Te tokomaha mō te raihana | 23, kia tokoono ki raro i te rua o ngā tau | ||
| Te tokomaha kei runga i te rārangi ingoa | 22, tokowhā kei raro i te rua o ngā tau | ||
| Te ira tangata | Kōtiro 13 Tama tāne 9 | ||
| Ngā hononga ā-iwi | Māori | 100% | |
| Te wā i te kōhanga reo te rōpū arotake | Hakihea 2015 | ||
| Te wā o tēnei pūrongo | 22 Hui-tanguru, 2016 | ||
| Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Mātauranga | Whiringa-ā-nuku 2011 Haratua 2008 Hakihea 2004 | |
Te Kōhanga Reo o Ngaio is in Ngaio, Wellington. Children are confident learners and speakers of te reo Māori. Children learn in a supportive environment. Children explore language in a supportive environment. Safety and whānaungatanga are firmly embedded in the daily programme. Whānau are aware of areas of improvement.
The next ERO review of Te Kōhanga Reo o Ngaio will be in three years.
Te Kōhanga Reo o Ngaio is in Ngaio, Wellington. It is the only kōhanga reo in the local area.
Since the previous ERO report there have been changes to staff and whānau. The quality of te reo Māori and care for children’s learning has been maintained. However the kaupapa of kōhanga reo needs to be strengthened to ensure it is reflected in the overall operations.
How well do children show confidence as learners in their kōhanga reo?
Children show they are confident learners in the kōhanga reo.
Children learn in a supportive environment. Kaiako work with children in a nurturing and caring way. Children are familiar with daily routines. They are encouraged to care for learning resources and the learning environment. Kaiako encourage children to be curious learners in the range of activities provided in the learning programme. Children interact as tuakana and teina in the daily programme. The tuakana are supported to develop leadership responsibilities. Kaiako model values of mahi tahi, manaaki and aroha. Children are happy learners.
Children experience a positive learning environment. Whanaungatanga is an integral part of children’s learning. Kaiako support children to learn from each other and provide opportunity for older children to lead others. Tuakana are positive role models for teina. Children enjoy learning as whānau.
Children explore language in a positive te reo Māori environment. Kaiako have embedded te reo Māori as the language of communication throughout the kōhanga reo. Most kaiako are confident speakers, who use a variety of strategies to develop and extend children’s language. Children initiate conversations with peers and kaiako. These are opportunities for kaimahi to positively extend and model for children. Children are well supported to learn te reo Māori.
The kōhanga reo is well managed for children. The whānau developed and implemented a strategic direction that is well documented in the kōhanga reo business plan. Short term and long term priorities are clearly identified. Whānau meetings focus on progress with the physical environment and children’s learning needs. There are clear guidelines and processes to assist the daily kōhanga reo operations. Whānau focus their decision making on best outcomes for children. Children are well supported as learners.
Children’s learning is carefully considered. Kaiako have a planning framework that guides their practice and is based on key areas identified for children’s learning. They work together to determine kaupapa for the term with learning objectives for children. Individual kaiako use this information to plan for groups that are organised according to children’s ages and developmental needs. Children benefit from well-planned programmes.
Kaiako use programme evaluation to identify how to improve learning for children. Most kaiako record reflections and plan activities that support children’s next steps for learning. Kaiako discuss, share and identify learning improvements for children. Children’s interests in learning are carefully considered and included in planning.
Children’s learning is monitored well. Kaiako have developed useful templates as a tool for assessing learning. Profiles are used to gather information about children in a variety of learning contexts. Kaiako share this information with whānau.
Whānau management is not well reflected in the kōhanga reo. Although whānau are focused on forward planning and achieving best outcomes for children, they acknowledge that further attention needs to be given to the extent of participation.
Internal evaluation is developing. Although whānau meetings are focused on progressing identified priorities, this information is not gathered, monitored and recorded well.
Programme evaluation needs to be improved. Kaimahi have opportunities to reflect and monitor the quality of learning for children however, their ideas about improving the programme are yet to be fully implemented. A more cohesive team approach is required.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendations:
That the whānau seek assistance from the Purapura and local District Kōhanga Reo Kaupapa Kaimahi to:
Te Kōhanga Reo o Ngaio is in Ngaio, Wellington. Children are confident learners and speakers of te reo Māori. Children learn in a supportive environment. Children explore language in a supportive environment. Safety and whānaungatanga are firmly embedded in the daily programme. Whānau are aware of areas of improvement.
The next ERO review of Te Kōhanga Reo o Ngaio will be in three years.
Lynda Pura-Watson
Deputy Chief Review Officer Māori
22 February 2016
| Location | Ngaio, Wellington | ||
| Ministry of Education profile number | 64029 | ||
| Kōhanga Reo Identification Number | 09C007 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 23 children, including up to 6 aged under 2 | ||
| Kōhanga Reo roll | 22 children, including up to 4 aged under 2 | ||
| Gender composition | Girls 13 Boys 9 | ||
| Ethnic composition | Māori | 100% | |
| Review team on site | December 2015 | ||
| Date of this report | 22 February 2016 | ||
| Most recent ERO report(s) | Education Review Education Review Education Review | October 2011 May 2008 December 2004 | |