Te Kōhanga Reo o Whaingaroa

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.

2 Te Horopaki

E tū ana Te Kōhanga Reo o Whaingaroa ki tētahi o ngā whare maha ki Whaingaroa Ki Te Whenua, e kīia nei ko Te Kōkiri, ki Whāingaroa. He tauhou te whānau ki te kaupapa, ā, e ako ana rātou i ō rātou tūranga me ā rātou kawenga. Ki tā rātou titiro, ko te whenua e tū nei te kōhanga reo, he whenua e tū motuhake ana i Whāingaroa. Ko tō te whānau wawata, kia whakawhanakehia e ngā mokopuna te māramatanga ki tō rātou tū hei kaitiaki o te ao tūroa.

3 Te Aronga o te Aromātai

He pēhea rawa te tūhonohono o ngā mokopuna ki tō rātou taiao? 

He ngākau titikaha ō ngā mokopuna i a rātou e tūhonohono ana ki tō rātou taiao.

4 Ngā Whakaaturanga

He mea nui ki tēnei kōhanga reo, kia rongo ngā mokopuna i te whakahirahiratanga o te whai wāhi ki te taiao, me te tiaki, te ārai hoki i te ao tūroa. E whakatauira ana ngā kaimahi i ngā uara o te noho toitū ki Whāingaroa. Ka whai wāhi atu ngā mokopuna ki ngā tikanga e tiaki ana i a rātou i roto i ngā tūmomo kaupapa mahi katoa. Ka tiaki rātou i ngā mōkai o ngā kāinga, ka toro atu ki ngā rōpū hapori, ā, ka ako hoki i ngā tāngata nō wāhi kē atu. Ka ako ngā mokopuna i ngā tino pouwhenua ahurea, ngā kōrero tuku iho, me ngā tūpuna o tēnei takiwā. He whai wāhitanga mō rātou ki te whakatinana i ō rātou tūranga me ā rātou kawenga, pērā i te tū hei ahi kā. Kua āta whakaritea ngā mahinga, ā, he ngāwari te whakawhitiwhiti a ngā mokopuna ki roto, ki waho hoki i te kōhanga reo. E ako ana ngā mokopuna i ō rātou tūranga hei kaitiaki.

E whakahaere ana te whānau i te kōhanga reo hei painga mō ngā mokopuna. E ai ki a rātou, ko te kōhanga reo tētahi wāhi taiao, ā, ka hono ngā akoranga a ngā mokopuna ki te āhua tonu o tō rātou noho ki tēnei hapori i ia rā. Tū ai ngā hui ā-whānau i ia rā. Ka whakaratohia ngā pūrongo i ia te wā e te kaitiaki pūtea, te kaiwhakahaere tari, me ngā kaiako. Ka tautoko te whānau i ngā whakahaeretanga o ia rā. E ārahi ana te mahere ā-tau i ngā whakahaeretanga, puta noa i te tau. Kua whakaritea te nuinga o ngā tuhinga e pā ana ki ngā kaimahi. E hono ana ngā mahere a ngā kaimahi ki te taiao. E whakatakoto ana ā-tuhi nei ngā mōhiohio aromatawai i ngā akoranga a ngā mokopuna. Ka toro atu ki te tautoko o waho mō ngā mokopuna hei āta hāpai ake. E arotahi ana te arotake hōtaka ki te whakatairanga tonu. E whai hua ana ngā mokopuna nā ngā mahi whakahaere a te whānau.

Ngā Whakaritenga Matua ka whai ake

He hou te whānau ki ō rātou tūranga me ā rātou kawenga mahi. Kua tāutuhia e rātou e tika ana, kia tirohia e rātou ētahi o aua kawenga mahi, arā:

• kua tuhia tētahi mahere rautaki hukihuki e te whānau, engari kāhore anō tēnei kia whakamanahia. Kāhore te whakawhanaketanga o te kōhanga reo mō meāke nei kia āta whakamaheretia
• kāhore te tūtohinga, ngā kaupapa here, me ngā tukanga e hāngai ana ki tēnei wā. E mōhio ana te whānau, he mea nui kia hāngai tonu aua tūāhuatanga ki ngā herenga ā-ture o te wā
• me whakarite i ngā kaupapa here matua me ngā tukanga matua e pā ana ki te hauora me te haumaru. Kāhore i te whānau tētahi kaupapa here e pā ana ki te ārai tamariki
• ahakoa he tukanga ā te whānau mō te tuhi i ngā moe a ngā mokopuna, kāhore rātou e tuhi ana i ngā arowhai o ia tekau meneti. He mea nui ki te hauora me te haumaru o ngā mokopuna, kia hāngai te tukanga mō te aroturuki moe ki ngā herenga ā-ture o te wā
• me whakatutuki i ngā akoako ohotata me ngā hōneatanga ohotata. Ka hāpai taua mahi i te noho haumaru o ngā mokopuna ina ka pā tētahi āhuatanga ohotata
• kāhore ngā maiki me ngā aituā e tuhia ana. He mea nui kia whakatinanahia tētahi tukanga e hāngai ana ki ngā herenga ā-ture o te wā. Ka hāpai tēnei i te hauora me te haumaru o ngā mokopuna.
• ahakoa he kaupapa here arohaehae ā te whānau, kāhore ngā mōhiohio arohaehae a ngā kaimahi e whai wāhi atu ana ki ā rātou akoranga ngaio. Ko te whakawhanake i ngā kaimahi ka whakapakari ake i ngā mahi ki te whakamahere i te hōtaka, te aromatawai, me te aromātai.

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

Kia tutuki i a rātou ngā herenga ā-ture, me tahuri te whānau ki te:

• arotake me te whakahou ake i te katoa o ngā kaupapa here me ngā tukanga e pā ana ki te hauora me te haumaru, hei āta whakatutuki, hei āta whakapūmau hoki i te katoa o ngā tikanga hauora me te haumaru e pā ana ki ngā akoako hōneatanga ohotata, te whakamoe, ngā aituā me ngā maiki, ngā āhuatanga mōrearea, te ārai tamariki, me te whakahaere whanonga, hei painga mō ngā tamariki
  [R46 Ture Mātauranga (Kōhungahunga) 2008; HS 1-33 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakatau i te noho mōhio o rātou ngā pakeke e whakarato ana i te mātauranga me te atawhai, ki ngā akoako hōneatanga e tika ana, ā, kia whakatutukihia, kia tuhia, kia aromātaihia hoki aua mahi ki te taha o ngā tamariki i ia toru marama noa te putuputu, koni atu rānei
  [R46 Ture Mātauranga (Kōhungahunga) 2008; HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakatau i te whakatutukitanga o ngā tikanga katoa mō te tuhi me te pūrongo i ngā aituā me ngā maiki, hei painga mō te noho haumaru o ngā tamariki
  [R46 Ture Mātauranga (Kōhungahunga) 2008; HS12 Ngā Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakapau kaha ki te whakarato ki ngā kaimahi e mahi ana, e whai wāhi atu ana rānei ki te kōhanga reo, te rawaka me te tika o ngā tuhinga tūranga mahi, ngā kirimana mahi takitahi, me te tautoko ngaio, ngā whai wāhitanga ki te whakawhanake ngaio, me ngā rauemi
  [R47 Ture Mātauranga (Kōhungahunga) 2008; GMA 1-12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakatau i te haere tonutanga i ngā wā katoa, ko te tukanga arotake whaiaro, hei hāpai i te kōhanga reo ki te whakapūmau me te whakatairanga tonu i te kounga o te mātauranga me te atawhai
  [R46 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo, te poari hoki o te kura, te taunakitanga e whai ake nei, arā, kia:

• whakawhanakehia e te whānau – mā te tautoko hoki o te tari ā-rohe o te Poari Matua o Ngā Kōhanga Reo – tētahi mahere mahi e āta whakarite ana i te whakatutukitanga o ngā wāhanga katoa i tāutuhia ai hei take.

Darcy Te Hau
Toka-ā-Nuku
Te Uepū ā-Motu - Māori Review Services

04 Haratua, 2021

7 Ngā kōrero e pā ana ki te kōhanga reo

1 Introduction

The Education Review Office, whānau, leaders and communities provide evaluation insights that foster improvement, identify progress and build evaluation capability.

2 Context

Te Kōhanga Reo o Whaingaroa is part of several buildings on Whaingaroa Ki Te Whenua known as “Te Kokiri” in Raglan. Whānau are new to the kaupapa and learning their roles and responsibilities. They identify the land where the kōhanga reo is as the independent state of Whaingaroa. Whānau aspire for the mokopuna to develop an understanding of their role as kaitiaki to the natural environment.

3 Evaluation Focus

How well do mokopuna interact with their environment?

Mokopuna interact confidently with their environment.

4 Findings

Mokopuna experience a kōhanga reo where environmental participation, care and protection are important. Kaimahi model the values of sustainable life in Whaingaroa. Mokopuna participate in tikanga practices that keep them safe across all activities. They care for household pets, visit community groups and learn about people from other places. Mokopuna learn about significant cultural icons, stories and tupuna from this area. They have opportunities to practice their roles and responsibilities such as being “ahi kaa’. Routines are well established and mokopuna transition smoothly from indoors to outdoors. Mokopuna are learning about their roles as kaitiaki.

Whānau manage the kōhanga reo in the interests of the mokopuna. They describe the kōhanga reo as a taiao space where mokopuna learning links to everyday living in the community. Whānau hui are held every month. Reports are regularly provided by the treasurer, administrator and kaiako. Whānau support daily operations. The annual plan guides operations across the year. Most personnel documents are in place for kaimahi. Kaimahi planning is linked to the environment. Assessment information documents mokopuna learning. External support is accessed for mokopuna who have additional needs. Programme review is improvement focused. Mokopuna benefit from whānau whakahaere.

Key Next Steps

Whānau are new to their roles and responsibilities. They have identified that some of those responsibilities require their attention:

• a strategic plan has been drafted by whānau, but it has not been ratified. The future development of the kōhanga reo is not well planned
• the charter, policies and procedures require reviewing. Whānau are aware of the importance of ensuring that these align with current regulations
• key policies and procedures for health and safety must be in place. Whānau do not have a child protection policy.
• while whānau have a process for documenting mokopuna sleep, they do not record ten-minute checks. It is important for mokopuna health and safety that the procedure for monitoring sleep aligns with current regulations.
• emergency drills and evacuation practices are required. This will ensure that mokopuna are kept safe in the event of an emergency.
• incidents and accidents are not documented. It is important that a procedure is implemented that aligns with present regulations. This will ensure mokopuna health and well-being.
• although whānau have an appraisal policy, kaimahi appraisal information does not inform professional learning for kaimahi. Developing kaimahi will strengthen programme planning, assessment and evaluation.

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

To meet compliance requirements they must:

• review and update all health and safety policies and procedures to ensure all health and safety requirements for emergency evacuation drills, sleeping, accidents and incidents, hazards, child protection and behaviour management are met and maintained for children
  [Regulations 46 (Early Childhood Services) Regulations 2008; HS 1-33 Licensing Criteria for Kōhanga Reo affiliated with Te Kōhanga Reo National Trust 2008]
• adults providing education and care are familiar with relevant emergency drills and carry out, record and evaluate these with children at least every three months
  [R46 Education (Early Childhood Services) Regulations 2008; HS8 Licensing Criteria for Kōhanga Reo affiliated with Te Kōhanga Reo National Trust 2008]
• ensure all accidents and incidents, recording and reporting requirements are upheld for the safety of children
  [R46 Education (Early Childhood Services) Regulations 2008; HS12 Licensing Criteria for Kōhanga Reo affiliated with Te Kōhanga Reo National Trust 2008]
• ensure all reasonable steps are taken to provide staff employed or engaged in the service with adequate and relevant job descriptions, Individual Employment Contracts and professional support, professional development opportunities, and resources
  [Regulation 47 (Early Childhood Services) Regulations 2008; GMA1-12 Licensing Criteria for Kōhanga Reo affiliated with Te Kōhanga Reo National Trust 2008]
• ensure there is an ongoing process of self-review to help the kōhanga maintain and improve the quality of its education and care
  [R46 Education (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]

6 Recommendation

ERO and the (kōhanga reo whānau/kura board) developed the following recommendation:

• that whānau with support from the District Office develop an action plan to ensure that all areas of concern are addressed.

Darcy Te Hau
Toka-ā-Nuku - Director
Te Uepū ā-Motu - Māori Review Services

4 May 2021

7 Information about the Kōhanga Reo