State Highway 35, Omaio
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka hāngai tēnei pūrongo ki ā rātou pūnaha, ā rātou whakaritenga, me ā rātou whakahaeretanga. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū, me ngā iwi.
“Atawhaitia ko ngā mokopuna, ko rātou hoki te iwi o āpōpō.”
E tū ana Te Kōhanga Reo o Hakota ki te marae o Te Waiōrore, ki waenga i a Ōmaio me Te Kaha. He tino hononga ō te whānau ki Te Whānau-a-Apanui. Ka whakatairanga rātou i te tino māramatanga ki ō rātou tūranga me ā rātou kawenga, kia āta whai pūtake ai tā rātou whai wāhi atu.
I kitea ki te aromātai a Te Tari Arotake Mātauranga i ngā whakaritenga Mana Whakahaere i te Whiringa-ā-rangi o te tau 2023, kei te hāpai ngā pūnaha a te whānau i ngā putanga papai ki ngā mokopuna. Ko te whakatau ngātahi a te whānau i ngā whakaritenga e whakahāngai pū ana i te aronga ki te waiora o ngā mokopuna me tā rātou ako.
E whai wāhi atu ana ngā mokopuna ki ngā akoranga e pupuri nei i ngā whakapono o ō rātou tīpuna, ā, e poipoi ana i te tino hononga ki ā rātou taonga tuku iho me ā rātou tikanga.
E rumakina ana ngā mokopuna ki ngā akoranga e whakamihi ana, e whakapakari ana hoki i ō rātou hononga ki ngā whakarerenga ā-ahurea kua tuku iho mai. Ka āta whakatau ngā kaimahi i ngā whai wāhitanga maha mō ngā mokopuna ki te tū hei tangata whenua. Ka ārahi ngā kuia me ngā kaumātua i aua wā. Mā aua tūāhuatanga, ka ako ngā mokopuna i ngā tikanga me ngā kawa ake o Te Whānau-a-Apanui. Ka waiata, ka harirū, ka hongi rātou. Ka whai wāhi ki ngā akoranga a ngā mokopuna, ko ngā kōrero tuku iho a te hapū me te iwi, ā, he māmā noa ki a rātou te tautuhi i te maha o ngā wāhi me marae o te takiwā. Ka whakamahi ngā kaimahi i te tangongitanga o ngā rautaki hei whakatairanga ake i te whakawhanaketanga reo o ngā mokopuna, pērā i ngā waiata koroua, i ngā mōteatea, i te whakatau wairua, i te whāngai kupu, me te tāruarua. Ka kitea ki ngā mokopuna tuākana tō rātou ngākau titikaha ki te whakahua ake i ngā pepeha me ngā mihimihi. Ka kitea ki ngā pēpi tō rātou māramatanga mā te reo ā-tinana me ngā tohu ā-ringa. Ka whai pānga nui te hāhi Ringatū ki te hōtaka akoranga. He whai wāhitanga mō ngā tuākana ki te ārahi i ngā karakia, ngā waiata, me ngā pānui. Kua waihangatia e ngā kaimahi tētahi taiao ako e poipoi ana i te manaaki, te aroha, me te tiaki. Ko aua uara kei te tūāpapa o te whanaungatanga. Kua whakaritea e ngā kaimahi ngā mahinga o ia rā, hei akiaki i ngā taunekeneke a ngā mokopuna ki ngā pakeke me ō rātou hoa. He ngākau titikaha ō ngā mokopuna ki te whakawhiti haere i tō rātou whare kōhanga reo. I ngā wā katoa ka whakamihi, ka whakanui hoki ngā kaimahi i ngā mokopuna mō ā rātou whakamātau. Ka ngākau nui ngā mokopuna ki te ako i ō rātou hononga, ā, ka poipoia tō rātou aronga toi whenuatanga mā roto mai i ngā taonga tuku iho o tō rātou ahurea.
He pai te whakahaeretanga o ngā take kaimahi. Kei ngā tuhinga mahi, ko ngā kirimina whiwhi mahi a ia kaimahi, ko ngā tuhinga tūranga mahi, me ngā tuhinga i whakatutukihia mō te arowhai i te haumaru o ngā kaimahi. E hāpai ana ngā arohaehae whaiaro i te tupu me te whanaketanga o ngā kaimahi. Ka āta whakatau ngā kaimahi kia whakaatuhia te tukanga mō te tiaki i ngā tamariki e moe ana, ā, ka tuhia tētahi mauhanga kōrero e pā ana ki ngā wā moe o ngā mokopuna. Ko te waiora o ngā mokopuna, ko tā rātou ako hoki, e whakatairangatia ana ki te papai o ngā whakaritenga whakahaere a te whānau.
Ko te aromātai hōtaka tētahi wāhanga hei whakawhanake ake. Ka whai hua ngā mokopuna nā te whakapiki ake i ngā mōhiotanga me ngā pūkenga o ngā kaimahi ki te whakamahi i te aromātai hōtaka mō te whakapai tonutanga.
Ko tētahi whakaritenga matua tonu hei whai ake, ko ngā kaupapa here me ngā tukanga e pā ana ki te hauora me te haumaru. Ahakoa kua whakatakotohia aua tūāhuatanga, me arotake i ētahi hei āta whakatau i te hāngaitanga ki ngā herenga ā-ture o te wā. I tēnei wā kei te whakahou ake, kei te arotake ake hoki te whānau i ngā kaupapa here me ngā tukanga e pā ana ki te hauora me te haumaru. E whai hua ana ngā mokopuna nā ngā aronga i whakahāngaitia ai.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
Hei whakatutuki i ngā herenga ā-ture, me tahuri te whānau ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia mahi tonu te whānau ki te taha o te tari ā-rohe o Te Poari Matua o Ngā Kōhanga Reo, hei hāpai ake i ā rātou mahi e pā ana ki te aromātai hōtaka.
Darcy Te Hau
Toka-ā-Nuku
Te Uepū-a-Motu – Māori Services
8 Paengawhāwhā, 2024
| Te tūwāhi | Kei Ōmaio, ki Te Kaha |
| Te tau a te Tāhuhu o te Mātauranga | 40217 |
| Te tau tohu o Te Kōhanga Reo | 12A036 |
| Te tūmomo whare | He kōhanga reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 25, kia tekau ki raro i te rua o ngā tau |
| Te tokomaha kei runga i te rārangi ingoa | 22, tokorua kei raro i te rua o ngā tau |
| Ngā hononga ā-iwi | Māori 22 |
| Te wā i te kōhanga reo te rōpū arotake | Hui-tanguru 2024 |
| Te wā o tēnei pūrongo | 8 Paengawhāwhā 2024 |
| Ngā pūrongo o mua a Te Tari Arotake Mātauranga | Arotake Mātauranga – Mana Whakahaere, Whiringa-ā-rangi 2023; Arotake Mātauranga, Here-turi-kōkā 2018; Arotake Mātauranga, Mahuru 2015 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.
“Atawhaitia ko ngā mokopuna, ko rātou hoki te iwi o āpōpō”
Te Kōhanga Reo o Hakota is based at Te Waiōrore Marae between Ōmāio and Te Kaha. Whānau have strong links to Te Whānau ā Apanui. They promote a deeper understanding of their roles and responsibilities to foster meaningful participation and engagement.
The ERO November 2023 evaluation of Mana Whakahaere practices found whānau systems contributed to positive outcomes for mokopuna. Collective whānau decision making prioritised the wellbeing and learning of mokopuna.
Mokopuna engage in learning that embraces the beliefs of their ancestors and nurturing a strong connection to their heritage and traditions.
Mokopuna are immersed in learning that acknowledges and strengthens their connections to the cultural legacies. Kaimahi ensure mokopuna are provided with regular opportunities to engage as tangata whenua. Kuia and kaumātua provide leadership during these times. Through this, mokopuna learn ngā tikanga me ngā kawa specific to Te Whānau ā Apanui. They participate in waiata, harirū and hongi. Mokopuna learning encompasses the historical narratives of the hapū and iwi as they effortlessly identify the many wāhi and marae within the local area. Kaimahi utilise a wide range of strategies to enrich mokopuna language development such as waiata koroua, mōteatea, whakatau wairua, prompts and repetition. Older mokopuna display confidence to perform pepehā and mihimihi. Babies demonstrate their understanding through body language and hand gestures. Te Hāhi Ringatū is an important part of learning programme. Tuākana have opportunities to lead karakia, waiata and pānui. Kaimahi have created a learning environment that fosters manaaki, aroha and tiaki. These values form the foundations of whanaungatanga. Kaimahi have established daily routines to encourage mokopuna interactions with both adults and their peers. Mokopuna navigate their whare kōhanga reo with confidence. Kaimahi consistently acknowledge and praise mokopuna for their efforts. Mokopuna enjoy learning about their connections, nurturing a sense of belonging within their cultural and ancestral heritage.
Personnel matters are well managed. Employment documentation includes individual employment agreements, position descriptions and completed kaimahi safety checks. Self-appraisals support kaimahi growth and development. Kaimahi ensure a procedure for monitoring children’s sleep is displayed and a record of mokopuna sleep times is documented. Mokopuna wellbeing and learning are promoted through good whānau whakahaere practices.
Programme evaluation remains an area for development. Mokopuna benefit from increasing kaimahi knowledge and skills to use programme evaluation for ongoing improvement.
Health and safety policies and procedures remain a key next step. Whilst these are evident, some require reviewing to ensure alignment with current legislation. Whānau are in the process of updating and reviewing health and safety policies and procedures. Mokopuna benefit from focussed approaches.
During the evaluation, ERO looked at systems for managing the following areas:
To meet compliance requirements, they must:
ERO and the kōhanga reo whānau developed the following recommendation that whānau continue to work alongside the district office for support with programme evaluation.
Darcy Te Hau
Toka-ā-Nuku – Director
Te Uepū ā-Motu – Māori Review Services
8 April 2024
| Location | Ōmaio, Te Kaha |
| Ministry of Education profile number | 40217 |
| Kōhanga Reo Identification Number | 12A036 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 25 children, including up to 10 aged under 2 |
| Kōhanga Reo roll | 22 children, including up to 2 aged under 2 |
| Ethnic composition | Māori 22 |
| Review team on site | February 2024 |
| Date of this report | 8 April 2024 |
| Most recent ERO report(s) | Education Review - Mana Whakahaere, November 2023; Education Review, August 2018; Education Review, September 2015. |
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Hakota ki te marae o Te Waiōrore, ki waenga i Ōmaio me Te Kaha. He tino hononga ō te whānau ki te whānuitanga o Te Whānau-a-Apanui. Ka kitea te ngākau nuitanga o ngā whānau ki te kōhanga reo mā tā rātou whai wāhi atu, mā tō rātou tautoko hoki i ngā kaupapa nui.
Tērā te whai wāhi atu o ngā tukanga me ngā pūnaha a te whānau ki te hāpai i ngā putanga papai e whai hua ana ki ngā mokopuna.
E hāpai ana ngā tukanga a te whānau i ngā whakahaeretanga o te kōhanga reo. He pai te taetae atu ki ngā hui ā-whānau. Whiwhi ai ngā whānau i ia te wā i ngā pūrongo e pā ana ki ngā pūtea me ngā kaiako, ā, ka tuhia hoki ki ngā meneti o ngā hui. E whakatairanga ana te tūtohinga i ngā hononga o ngā mokopuna ki ngā mātauranga, ngā hītori, me ngā kōrero tuku iho e pā ana ki te whenua, ki te marae, ki ngā hapū, me te iwi. Kua whakamōhiotia te mahere rautaki ki Te Ara Tūāpae me ngā uara, ngā tikanga hoki o Te Whānau-a-Apanui, hei whakapūmau i ngā wawata o te whānau. E ārahi ana te mahere mahi i te aro nahanaha a te whānau i roto i ā rātou mahi e whakatutuki ai i ngā whāinga rautaki. Kua whakatakotohia tētahi mahere ā-tau e whai kiko ana, hei āta whakatau i te whakatutukitanga o te whānau i ngā mahi matua i te tari, i roto hoki i te wā e tika ana. Whakahaere ai, tuhi ai hoki ngā kaimahi i ia te wā i ngā akoako ohotata e pā ana ki te ahi me te rū whenua. Ko ngā matea me ngā ngākau nuitanga o ngā mokopuna kei te pūtake o ngā whakataunga a te whānau.
He tukanga ā ngā kaimahi i āta whakaritea mō te whakamahere me te aromatawai. Ka waihanga ngātahi rātou i te mahere ako. E hono ana ngā mahere ki Te Whāriki a Te Kōhanga Reo, ā, ka whakaraupapa i ngā whāinga me ngā putanga mō ngā mokopuna. Kua whakaaweawetia ngā mahere ā-tau, ā-wāhanga, ā-wiki hoki ki ngā kōrero tuku iho o Te Whānau-a-Apanui, ā, e whakatakoto ana i ngā taumahi, ngā akoranga, me ngā rauemi i whiriwhirihia ai. Ka whakamahi ngā kaimahi i te tangongitanga o ngā aromatawai, hei aroturuki i te whakawhanaketanga o ngā mokopuna. Ka tuhia te ako me ngā wheako o ngā mokopuna, ā, ka whakapuakihia ki te taha o ngā whānau mā ngā Kōnae Mokopuna me ngā pūrongo. Ka whakamahi i te Mātai i te tamaiti me Ngā Pūkenga o te Mokopuna, hei aru i te ahu whakamua a ngā mokopuna, i tō rātou tupu anō hoki i roto i te roanga o te wā. Ka whai hua ngā mokopuna nā te ngātahitanga o ngā whakaritenga a ngā kaimahi.
Ahakoa he kaupapa here, he tukanga hoki e pā ana ki te hauora me te haumaru, me arotake i ētahi o aua tūāhuatanga, hei āta whakatau i te hāngaitanga ki ngā herenga ā-ture o te wā. I tēnei wā, kei te whakahou ake, kei te arotake hoki te whānau i ngā kaupapa here me ngā tukanga e pā ana ki te hauora me te haumaru. Ka whai hua ngā mokopuna nā ngā aronga kua āta whakahāngaitia.
Ko te aromātai hōtaka tētahi wāhanga hei whakapakari ake. Ka whai hua ngā mokopuna mā te whakapiki ake i te mōhiotanga me ngā pūkenga o ngā kaimahi ki te whakamahi i te aromātai hōtaka mō te whakapai tonutanga.
Kāhore anō kia kitea ētahi o ngā kaupapa e pā ana ki ngā tuhinga kaimahi. Kua whakatau te whānau me Te Tari Arotake Mātauranga, ka whakawāteahia aua tuhinga hei tirohanga i te taenga atu a Te Tari Arotake Mātauranga ki te kōhanga reo.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
Hei whakatutuki i ngā herenga ā-ture, me tahuri te whānau ki te:
E taunaki ana Te Tari Arotake Mātauranga kia mahi te whānau ki te taha o te tari ā-rohe o Te Poari Matua o Ngā Kōhanga Reo, kia tautokona ā rātou mahi e pā ana ki te aromātai hōtaka.
Darcy Te Hau
Toka ā Nuku
Te Uepū-a-Motu – Māori Services
05 Poutūterangi, 2024
| Te tūwāhi | Kei Te Kaha |
| Te tau a te Tāhuhu o te Mātauranga | 40217 |
| Te tau tohu o Te Kōhanga Reo | 12A036 |
| Te tūmomo whare | He kōhanga reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 25, kia tekau ki raro i te rua o ngā tau |
| Te tokomaha kei runga i te rārangi ingoa | 22, tokorua kei raro i te rua o ngā tau |
| Ngā hononga ā-iwi | Māori 22 |
| Te wā arotake i mua i te taenga atu ki te kōhanga reo | Whiringa-ā-rangi 2023 |
| Te wā o tēnei pūrongo | 5 Poutūterangi 2024 |
| Ngā pūrongo o mua a Te Tari Arotake Mātauranga | Arotake Mātauranga, Here-turi-kōkā 2018; Arotake Mātauranga, Mahuru 2015 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provides important information for hapū and iwi.
Te Kōhanga Reo o Hakota is based at Te Waiōrore Marae between Ōmaio and Te Kaha. Whānau have strong links to Te Whānau ā Apanui whānui. Whānau show commitment to the kōhanga reo through participation and engagement with important kaupapa.
Whānau processes and systems contribute in some ways to positive outcomes for mokopuna.
Whānau processes support kōhanga reo operations. Hui ā whānau are well attended. Whānau receive regular financial and kaiako reporting that is recorded in hui minutes. The tūtohinga promotes mokopuna connections to the whenua, marae, hapū, iwi and intergenerational knowledge and histories. The strategic plan is informed by Te Ara Tūāpae and Te Whānau ā Apanui values and tikanga to sustain whanau aspirations. The action plan guides whānau to take structured approaches in pursuing their strategic objectives. A detailed annual plan is in place ensuring whānau complete key administrative tasks in a timely manner. Kaimahi conduct and document regular emergency drills for fire and earthquake. Mokopuna needs and interests are at the core of whānau decision making.
Kaimahi have established processes for planning and assessment. They collaboratively design the māhere ako. Planning is linked to Te Whāriki a Te Kōhanga Reo and outlines clear objectives and outcomes for mokopuna. Year, term and weekly plans are inspired by the narratives of Te Whānau ā Apanui and include selected activities, exercises and resources. Kaimahi use a range of assessment methods to monitor mokopuna development. Mokopuna learning and experiences are documented and shared with whānau through Kōnae Mokopuna and Pūrongo. Mātai i te tamaiti and Ngā Pukenga o te Mokopuna are utilized to track the progress and growth of mokopuna overtime. Mokopuna benefit from collaborative kaimahi practices.
Whilst health and safety policies and procedures are evident, some require reviewing to ensure alignment with current legislation. Whānau are in the process of updating and reviewing Health and Safety policies and procedures. Mokopuna benefit from focussed approaches.
Programme evaluation remains an area that requires strengthening. Mokopuna benefit from increasing kaimahi knowledge and skills to use programme evaluation for ongoing improvement.
Other matters related to personnel documentation are yet to be sighted. Whānau and ERO agree that these will be made available during the onsite visit.
During the evaluation, ERO looked at systems for managing the following areas:
To meet compliance requirements they must:
ERO recommends the whānau work alongside the district office for support with programme evaluation.
Darcy Te Hau
Toka-ā-Nuku – Director
Te Uepū ā-Motu – Māori Review Services
5 March 2024
| Location | Te Kaha |
| Ministry of Education profile number | 40217 |
| Kōhanga Reo Identification Number | 12A036 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 25 children, including up to 10 aged under 2 |
| Kōhanga Reo roll | 22 children, including up to 2 aged under 2 |
| Ethnic composition | Māori 22 |
| Review online process | November 2023 |
| Date of this report | 5 March 2024 |
| Most recent ERO report(s) | Education Review, August 2018; Education Review, September 2015. |
E tū ana Te Kōhanga Reo o Hakota ki te marae o Te Waiōrore, ki waenga i ngā hapori o Ōmāio me Te Kaha. E noho pūmau ana te whānau ki te āta whakatō i ngā tikanga me te reo ā-iwi o Te Whānau-a-Apanui ki ngā hōtaka akoranga o ngā tamariki. He tino wawata ō rātou kia mōhio ngā tamariki ki ō rātou hononga o roto o Te Whānau-a-Apanui. He mātātoa te whai wāhi atu a ngā kuia, ngā koroua, me te whānau ki te hōtaka o ia rā me ngā whakahaeretanga i te kōhanga reo. He auau tā rātou taunekeneke ki te purapura o te takiwā nei, ā, e tautokona tonuhia ana hoki rātou i ia te wā.
Ka kitea ki ngā tamariki te whanake haere o ō rātou ngākau titikaha mā tō rātou Apanuitanga.
E ako ana ngā tamariki i te reo o Te Whānau-a-Apanui. E noho pūmau ana te whānau ki te reo o te kāinga. Ka kitea taua tūāhuatanga ki ngā kuia me ngā koroua e whai wāhi mātātoa ana ki te hōtaka akoranga hei whakatauira i te reo ake o te hapū me te iwi. He mātau ngā kaimahi ki te kōrero i te reo Māori, ā, ka mahi ngātahi hoki rātou ko ngā kaumātua ki te whakatairanga ake i te reo o ngā tamariki. Ka whakamahi rātou i te whānuitanga o ngā tūmomo rautaki e hāpai ai i te whakawhanaketanga reo o ia tamaiti, tae atu hoki ki te whai wāhi atu ki ngā kaupapa i te marae, kia rongo ai ngā tamariki i te reo ōkawa o te paepae. Ko ngā whakawhitinga kōrero, ngā pātai hoki, he whai wāhitanga mō ngā tamariki ki te whakapuaki i ō rātou ake whakaaro mā te reo Māori. Ka taea e ngā tamariki tuākana te whakautu kōrero i roto i te hōtaka akoranga mā ngā rerenga kōrero māmā. E whanake ana ngā tamariki ki te kōrero i te reo o Te Whānau-a-Apanui.
E ako ana ngā tamariki i tō rātou tuakiri hei uri o Te Whānau-a-Apanui. Ka whakapuaki ngā kaimahi i tētahi hōtaka akoranga e hāpai ana i ngā tamariki ki te ako i ngā whakapapa, ngā tikanga, me ngā kawa e hāngai pū ana ki te hapū me te iwi. Kei aua wheako akoranga, ko ngā waiata, ngā mōteatea, me ngā karakia hoki o Te Hāhi Ringatū, ā, ka mātakitaki hoki rātou i ngā tikanga me ngā kawa i te marae, pērā i ngā whakaritenga ki te whakatau manuhiri. Ka rongo ngā tamariki i te whānau me ngā kaumātua e whakapuaki ana i ō rātou tātai whakapapa ki ngā whānau me ngā marae. Ka whakarato ngā kaimahi i ngā whai wāhitanga mō ngā tamariki ki te ako i tō rātou tū hei tangata whenua i te whānuitanga o ngā tūmomo horopaki. He aronga toi whenuatanga tō ngā tamariki.
E ako ana ngā tamariki ki tētahi taiao e poipoi ana i a rātou. Ka whakatauira ngā kaimahi i te manaaki, te aroha, me te āwhina i roto i te hōtaka o ia rā. Ko te manaaki i ētahi atu, tae atu hoki ki ngā kaumātua, e poipoi ana i te pai o ngā taunekeneke me ngā hononga. Ka ako ngātahi ngā rōpū me ngā tamariki hei tuakana, hei teina, ā, ka taunekeneke anō hoki ki te taha o te whānau me ngā kaumātua kia puāwai ai te whakawhanaungatanga. Ko te āhua o ngā taumahi i ia te wā, e hāpai ana i ngā rōpū reanga katoa ki te ako ngātahi mā ngā huarahi e whai pūtake ana. He pai te aro atu a ngā kaimahi ki ngā matea o ia tamaiti. He mauritau te āhua o ngā tamariki.
E ako ana ngā tamariki ki te tūhura i tō rātou taiao māoriori, tūturu hoki. Ka whakarato ngā kaimahi i ngā whai wāhitanga mō ngā tamariki ki te mōhio haere ki te taiao māoriori o te hapori whānui tonu. Ka whakapuaki te whānau me ngā kaumātua i ō rātou mōhiotanga, ā rātou kōrero tuku iho anō hoki mō ngā tino pou whenua motuhake o te hapū me te iwi. Kua āta toro atu ngā kaimahi ki ngā pūkenga o te whānau, hei hāpai i te ako i te māra kai, te whai huatanga o te hangarua, o ngā rongoā Māori anō hoki, tae atu hoki ki ngā taonga māoriori o te moana, te awa, te maunga, me te marae. Ka akiaki rātou i ngā tamariki ki te tūhura me te whakatewhatewha i te ao tūroa ki te kōhanga reo, ā, ki tua atu hoki. Kei te harikoa te āhua o ngā tamariki ki te tūhura haere.
E arahina ana ngā mahere hōtaka ki ngā matea ako o ngā tamariki. Ka whai ngā kaimahi i ngā tukanga mārama ki te whakamahere i ngā hōtaka akoranga. Ka mahi ngātahi rātou ki te waihanga i tētahi hōtaka akoranga matawhānui e pā ana ki te Apanuitanga. Ko ngā mātauranga ako, ngā rautaki e pā ana ki te whakapuakitanga, me ngā taumahi i whakahonotia ai ki ngā rauemi, ka tuitui katoatia ki ā rātou whakaritenga. Ka whakapuakihia ngā wheako ako o ngā tamariki me ngā whakaahua o ngā taumahi ki te taha o te whānau, mā ngā pae pāpāho pāpori. He whai wāhitanga tēnei mō ngā mātua ki te tuku i ngā pātai e pā ana ki te ako a ā rātou ake tamariki. E whai hua ana ngā tamariki nā tētahi hōtaka akoranga e āta whakamaheretia ana.
E whakahaere ana te whānau i te kōhanga reo hei painga mō ngā tamariki. He hōtaka whakauru mō ngā mātua hou, ā, ka whai wāhi mai ki tēnei, ko te ako i ō rātou tūranga me ā rātou kawenga mahi, i tā rātou whai wāhi mai ki ngā hui ā-whānau, ā, i ngā huarahi tautoko hoki. Arotakengia ai, whakahoungia ai hoki ngā kaupapa here me ngā whakaritenga o te tūtohinga i ia te wā. Ko ētahi atu take whakahaere e pā ana ki te whakahaeretanga o ngā kaimahi me ngā pūtea, e pūrongotia ana ki ngā hui. Ka tohatoha pūtea mō te ako a ngā tamariki, ā, ka noho matua anō hoki ki te whānau ko tō rātou hauora me tō rātou haumaru. Ka whakamahia te pae pāpāho pāpori hei whakawhiti kōrero ki te whānau mō ngā whakawhanaketanga ki te kōhanga reo. Ko ngā tamariki kei te pūtake o ngā mahi.
He mahere tā te whānau hei ārahi i tā rātou tirohanga rautaki. E hono ana tēnei ki Te Ara Tūāpae o te rohe, ki Te Whāriki a Te Kōhanga Reo, ā, ki ngā whāinga mātauranga anō hoki o te iwi mō te pae tawhiti. Ko te reo me te mātauranga o Te Whānau-a-Apanui te aronga o ngā mahere mō te anga whakamua. He whai wāhitanga mō te whānau ki te uru atu ki ngā wānanga, hei tāutu i ngā kaupapa matua o te tau.
E whanake ana ngā whakaritenga e pā ana ki te aromatawai me te aromātai hōtaka. Ahakoa e whakaatu ana ngā pūkete aromatawai i ngā tauira o tēnā e mahia ana e ngā tamariki, me aro anō hoki ki ngā hononga e tohu ana i tēnā e ākona ana e ngā tamariki, i tā rātou ahu whakamua anō hoki i roto i te roanga o te wā. Me whakarite ngā kaimahi i tētahi tukanga ka whakatakoto haere, ka aromātai anō hoki i te whai huatanga o te hōtaka akoranga. He uaua te aroturuki i ngā āhuatanga i whakapaitia ai, hei poipoi i te ako a ngā tamariki.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Hakota i roto i te toru o ngā tau.
Lynda Pura-Watson
Kaiurungi Whakaturuki Arotake Māori
01 Hereturikōkā, 2018
Te tūwāhi | Kei Te Kaha | |
Te tau a te Tāhuhu o te Mātauranga | 40217 | |
Te tau tohu o Te Kōhanga Reo | 12A036 | |
Te tūmomo raihana | He kōhanga reo | |
Kua raihanatia ki te ture | Ngā Ture Mātauranga (Ratonga Kōhungahunga) 2008 | |
Te tokomaha mō te raihana | 25, kia tekau ki raro i te rua o ngā tau | |
Te tokomaha kei te rārangi ingoa | 14, tokorima kei raro i te rua o ngā tau | |
Te ira tangata | Kōtiro 8 Tama 6 | |
Ngā hononga ā-iwi | Māori | 100% |
Te wā i te kōhanga reo te rōpū arotake | Haratua 2018 | |
Te wā o tēnei pūrongo | 01 Hereturikōkā, 2018 | |
Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Mātauranga | Mahuru 2015 Pipiri 2012 Whiringa-ā-rangi 2007 |
Te Kōhanga Reo o Hakota is based at Te Waiōrore Marae between Ōmaio and Te Kaha. The whānau are committed to embedding Te Whānau-a-Apanui tikanga and dialect into children’s learning programmes. They have strong aspirations for children to know their connections within Te Whānau-a-Apanui. Kuia, koroua and whānau actively participate in the daily programme and kōhanga reo operations. There is regular interaction and ongoing support within the local purapura.
Children show developing confidence in their Apanuitanga.
Children are learning te reo o Te Whānau-a-Apanui. The whānau are committed to te reo o te kāinga. This is reflected by kuia and koroua who actively participate in the learning programme to model te reo specific to the hapū and iwi. Kaimahi are competent speakers who work alongside kaumātua to enhance the language for children. They use a range of strategies to support individuals’ language development including activities on the marae to hear the formal language of the paepae. Conversations and questions are opportunities for children to express themselves in te reo Māori. Older children can respond using simple sentences in the learning programme. Children are developing as speakers of Te Whānau-a-Apanui reo.
Children are learning about their identity as Te Whānau-a-Apanui. Kaimahi deliver a learning programme that allows children to learn whakapapa, tikanga and kawa specific to the hapū and iwi. These learning experiences include waiata, mōteatea and karakia o Te Hāhi Ringatū and observing tikanga and kawa on the marae such as welcoming visitors. Children hear whānau and kaumātua share their whakapapa links to whānau and marae. Kaimahi provide opportunities for children to learn about their role as tangata whenua in different settings. Children have a sense of belonging.
Children learn in a nurturing environment. Kaimahi model manaaki, aroha and āwhina in the daily programme. Care for others including kaumātua fosters positive interactions and relationships. Groups and individuals learn alongside each other as tuakana teina, interact with whānau and kaumātua to establish warm and loving relationships. Regular activities allow all age groups to learn together in meaningful ways. Kaimahi respond positively to individual’s needs. Children appear secure.
Children learn to explore their natural physical environment. Kaimahi provide opportunities for children to familarise themselves with the local and wider physical environment. Whānau and kaumātua share their knowledge and stories about significant landmarks of the hapū and iwi. Kaimahi have utilised the skills of the whānau to support learning about māra kai, the importance of recycling, rongoā Māori including the natural resources of the moana, awa, maunga and marae. They encourage children to explore and investigate the natural environment in the kōhanga reo and beyond. Children appear to be happy explorers.
Children’s learning needs guide programme planning. Kaimahi follow clear processes to plan learning programmes. They work collaboratively to design a comprehensive learning programme based on Apanuitanga. Learning knowledge, strategies to deliver and activities linked to resources are integrated into their practices. Evidence of children’s learning experiences, including photos of activities, are shared online with the whānau. It is an opportunity for parents to ask questions about their child’s learning. Children benefit from a well-planned learning programme.
Whānau manage the kōhanga reo in the interests of children. An induction programme for new parents includes learning about their roles and responsibilities, participation in hui ā-whānau and providing support as needed. Charter policies and practices are regularly reviewed and updated. Other operational matters related to personnel management and finances are reported at hui. Budget allocation for children’s learning resource and their health and safety needs is a priority for whānau. Social media is used to communicate with whānau about kōhanga reo developments. Children are the priority.
The whānau has a plan to guide their strategic vision. This is linked to Te Ara Tūāpae for the region, Te Whāriki a Te Kōhanga Reo and the long term iwi educational goals. The language and knowledge of Te Whānau-a-Apanui are the focus of forward planning. Whānau have opportunities to participate in wānanga to identify annual priorities.
Assessment and programme evaluation practices are developing. While assessment profiles show examples of what children are doing, the links to what children are learning and progress over time requires attention. Kaimahi need to establish a process to record and evaluate the effectiveness of the learning programme. It is difficult to monitor where improvements have been made to cater for children’s learning.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendation:
The next ERO evaluation of Te Kōhanga Reo o Hakota will be in three years.
Lynda Pura-Watson
Deputy Chief Review Officer Māori
1 August 2018
| Location | Te Kaha | ||
| Ministry of Education profile number | 40217 | ||
| Kōhanga Reo Identification Number | 12A036 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 25 children, including up to 10 aged under 2 | ||
| Kōhanga Reo roll | 14 children, including 5 aged under 2 | ||
| Gender composition | Girls 8 Boys 6 | ||
| Ethnic composition | Māori | 100% | |
| Review team on site | May 2018 | ||
| Date of this report | 1 August 2018 | ||
| Most recent ERO report(s) | Education Review Education Review Education Review | September 2015 June 2012 November 2007 | |