Te Kōhanga Reo o Pukeroihi

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi. 

2 Te Horopaki 

E tū ana Te Kōhanga Reo o Pukeroihi ki te hapori o Pukeroihi, ki Papakura. Ka whakamana te whānau i ngā tāngata whenua, i a Waikato. E pou here ana ngā tikanga me ngā kawa o Waikato i te katoa o ngā whakaritenga me ngā akoranga ki Te Kōhanga Reo o Pukeroihi. E noho ngākau nui ana te whānau ki te reo Māori, me te whakarato i tētahi taiao e poipoi ana i te ako me te atawhai e whai kounga ana. 

3 Te Aronga o te Aromātai

He pēhea rawa te whai wāhi atu o ngā tukanga me ngā pūnaha a te whānau ki ngā putanga e whai hua ana ki ngā mokopuna? 

E whai wāhi ana ngā pūnaha me ngā tukanga a te whānau ki te poipoi i ngā akoranga me ngā putanga e whai hua ana ki ngā mokopuna. 

4 Mana Whakahaere

He pūnaha, he tukanga hoki ā te whānau mō te aroturuki me te pūrongo i ngā tūmomo āhuatanga o ngā whakahaeretanga. He pai te taetae atu ki ngā hui o ia marama, me te whai wāhi atu a te whānau. Kua whakatakotohia ngā kaupapa here matua me ngā tukanga matua e pā ana ki te hauora me te haumaru. Arotakengia ai, whakahoungia ai hoki aua tuhinga i ia te wā. E whakatutukihia ana ngā hōneatanga ohotata e pā ana ki te ahi me te rū whenua. Ka whakaarotau ki te hauora, te haumaru, me te waiora o ngā mokopuna. Kua whakatakotohia ngā whakaritenga e pā ana ki te whakahaere pūtea. Whakapuakihia ai e ngā kaiako i ia te wā ngā tirohanga e pā ana ki ngā wheako ako o ngā mokopuna. Ka whakamōhiotia te mahere rautaki e Te Ara Tūāpae, ā, e whakatakoto ana hoki i te tirohanga me ngā wawata o ngā whānau mō ngā mokopuna. Ka aro nui hoki ki ngā kaupapa matua o te pae tawhiti me te pae tata, mō te whakawhanake tonutanga o te kōhanga reo ki anamata. Ka whakatau ngātahi te whānau i ngā whakaritenga e arotahi ana ki te haumaru me te waiora o ngā mokopuna, me tā rātou ako. 

Ka āta whakaarohia, ka aroturukitia, ka tuhia hoki te ako a ngā mokopuna. Ka mahi ngātahi ngā kaimahi i a rātou e whakamahere ana i te hōtaka akoranga. E whai kiko ana ngā mahere, ā, e whakatakoto ana i ngā whāinga ako, ngā taumahi, me ngā rauemi, hei ārahi i te whakatinanatanga o ngā kaupapa ako. Ka whakatakotohia ki ngā kōnae mokopuna, ko te ahu whakamua, te whakawhanaketanga, me te tupu o ngā huarahi ako o ia mokopuna. Hui ai ngā kaimahi i ia te wā ki te whakaaro huritao ki te kounga o te hōtaka akoranga. Ko ngā kōrerotanga i tuhia ai, ka whakatakoto i tēnā i whai hua ai, me ngā rautaki ka whāia ki te whakapai ake i te hōtaka akoranga. Ka whai hua ngā mokopuna nā te mahi ngātahi a ngā kaimahi, me te whakatairanga ake o aua whakaritenga i tō rātou whakawhanaketanga.

Ngā Whakaritenga Matua ka whai ake 

Me whakawhanake i te mahere ā-tau. E tika ana kia whakaritea te mahere ā-tau hei āta whakatau i te aroturukitanga me te whakatutukitanga o ngā mahi whakahaere matua i roto i te wā e tika ana. Ka whai hua ngā mokopuna mā te whakahāngaitanga o ngā aronga. 

Ahakoa e tautuhi ana te mahere rautaki i ngā kaupapa matua mō te whakawhanaketanga o te kōhanga reo mō meāke nei, kua tae ki te wā kia whakatakotohia e te whānau tētahi mahere mahi e aroturuki ai i te ahu whakamua o ngā kōkiritanga rautaki. Ka whai hua ngā mokopuna i te wā e āta whakaarohia ana ō rātou matea mō meāke nei. 

Kāhore anō kia kitea ētahi o ngā kaupapa e pā ana ki ngā tuhinga kaimahi. Kua whakatau te whānau me Te Tari Arotake Mātauranga, ka whakawāteahia aua tuhinga hei tirohanga i te taenga atu a Te Tari Arotake Mātauranga ki te kōhanga reo. 

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā. 

Hei whakatutuki i ngā herenga ā-ture, me tahuri rātou ki te:

• āta whakarite i tētahi tukanga mō te whakatinanatanga me te aroturukitanga o te ahu whakamua o ngā āhuatanga matua o te mahere ā-tau o ngā whakahaeretanga
  [R47 Ture Mātauranga (Kōhungahunga) 2008; GMA8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 

6 Te Taunakitanga

E taunaki ana Te Tari Arotake Mātauranga kia whakawhanakehia e te whānau te mahere ā-tau, ā, kia whakawāteahia hoki ngā tuhinga e whai pānga ana ki ngā take kaimahi, hei tirohanga i te taenga atu a Te Tari Arotake Mātauranga ki te kōhanga reo.  

Darcy Te Hau
Toka ā Nuku
Te Uepū-a-Motu – Māori Services

22 Whiringa ā-rangi, 2023

7 Ngā kōrero e pā ana ki te Kōhanga Reo

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provides important information for hapū and iwi. 

2 Context 

Te Kōhanga Reo o Pukeroihi is in Rosehill, Papakura. Whanau acknowledge Waikato as tangata whenua. Waikato tikanga and kawa underpin all practices and learning at Te Kōhanga Reo o Pukeroihi. Whānau are dedicated to te reo Māori and providing an environment fostering quality learning and care. 

3 Evaluation Focus

How well do whānau processes and systems contribute to positive outcomes for mokopuna?

Whānau systems and processes contribute to nurturing positive learning and outcomes for mokopuna.

4 Findings

Whānau have systems and processes for monitoring and reporting various aspects of the operations. Monthly are well attended with good whānau participation. Core health and safety policies and procedures are in place. These are regularly reviewed and updated. Emergency evacuations for fire and earthquake are carried out. Mokopuna health, safety and wellbeing is prioritised. Financial management practices have been established. Kaiako regularly share insights of mokopuna learning experiences. The strategic plan is informed by Te Ara Tuapae and encompasses the vision and aspirations whānau hold for mokopuna. Long- and short-term priorities where the future development of the kōhanga reo is a priority. Whānau collectively make decisions that focus on mokopuna safety, wellbeing and learning. 

Mokopuna learning is considered, monitored and documented through planning.  Planning is detailed and includes learning objectives, activities, and resources to guide the implementation of kaupapa ako. Konae mokopuna are used to document progress, development and growth of individual mokopuna learning journeys. Kaimahi meet regularly to reflect on the quality of the learning programme. Documented discussions include what worked well and strategies to improve the learning programme. Mokopuna benefit from collaborative kaimahi practices that enhance their development. 

Key Next Steps

Annual plan requires developing. It is essential to establish an annual plan to ensure key operational tasks are monitored and completed in a timely manner. Mokopuna benefit from focussed approaches. 

While the strategic plan identifies priorities for the future development of the kōhanga reo, it is time for whānau to formulate an action plan to monitor progress of the strategic initiatives. Mokopuna benefit when their future needs are well considered.

Other matters related to personnel documentation are yet to be sighted. Whānau and ERO have agreed that documentation will be available during the onsite visit.

5 Kōhanga Whānau Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

To meet compliance requirements they must:

• ensure there is a process to implement and monitor the progress of key aspects of the annual plan of operations. 
  [Regulation 47 Education (Early Childhood Services] Regulations 2008; GMA8 Licensing Criteria for Kōhanga Reo affiliated with Te Kōhanga Reo National Trust 2008]

6 Recommendation

ERO recommends whānau develop an annual plan and make available relevant documentation for personnel matters available during the onsite visit. 

Darcy Te Hau
Toka-ā-Nuku – Director
Te Uepū ā-Motu – Māori Review Services

22 November 2023

7 Information about the Kōhanga Reo

1 Te Horopaki

E tū ana Te Kōhanga Reo o Pukeroihi ki te hapori tonu o Pukeroihi, i Papakura. Nō ngā hau e whā o te motu ngā tamariki me ngā whānau o tēnei kōhanga reo. Ko Tainui ngā tāngata whenua e whakanuia ana e te whānau, ā, ko ngā tikanga me ngā kawa hoki o Tainui e pou here ana i te katoa o ngā whakaakoranga me ngā akoranga i Te Kōhanga Reo o Pukeroihi. Kua roa nei ngā tau e whai wāhi nui ana ngā kaimahi me te kaiako matua ki te kōhanga reo.

2 Ngā Whakaaturanga o te Aromātai

He pēhea rawa ngā tamariki e whakapuaki i ō rātou ngākau titikaha hei ākonga?

He ākonga māia ngā tamariki i a rātou e whai wāhi atu ana ki te whānuitanga o ngā tūmomo wheako ako.

Ngā Taumata Whakahirahira

E whanake ana te māramatanga o ngā tamariki ki tō rātou tū hei tangata whenua. Ka whakarite ngā kaimahi i ngā haerenga ki ngā marae me ngā tū kaupapa e pā ana ki te Kīngitanga, hei whakawhānui i ngā mōhiotanga o ngā tamariki ki te Tainuitanga. He aronga nui ki te ako i te Pai Mārire me ngā karakia e whai pānga ai ki a Waikato. Nā ngā haerenga i ia te wā huri noa i ngā rohe, ka whai wāhi atu ngā tamariki ki ngā wheako e pā ana ki ngā tūmomo iwi. Ko te ako a ngā tamariki i ō rātou whakapapa me ō rātou pepeha e whai wāhi atu ana hoki ki tō rātou māramatanga ki a rātou anō me ō rātou tūrangawaewae. Kei te harikoa te āhua o ngā tamariki ki te ako.

E ako ana ngā tamariki i te whakahirahiratanga o te whakawhanaungatanga. Ka whakapuaki ngā kaimahi i ngā tikanga Māori, ngā whakataukī, me ō rātou mōhiotanga ki te Kīngitanga, hei hāpai i te noho mōhio o ngā tamariki ki ngā uara me ngā whanonga e whai pānga ana ki a Tainui. Ka whakatairanga, ka tautoko hoki rātou i te āhua o te noho tahi o te tuakana me te teina. Ka awhi ngā tamariki tuākana i ngā pēpi, kia rongo ai ngā pēpi i ngā hua o te noho ngātahi. Ko ngā kaimahi e mahi ana ki te taha o ngā pēpi, ka āta whakatairanga, ka poipoi anō hoki i ō rātou ngākau titikaha. Kei te harikoa ngā pēpi, ā, e wātea ana hoki rātou ki te tūhura i tō rātou taiao ako. Kei te mauritau te āhua o ngā tamariki.

E ako ana ngā tamariki i te reo Māori. Ka whakamahi ngā kaimahi i te whānuitanga o ngā tūmomo rautaki whaihua e whakaongaonga ana, e whakawhānui ana hoki i ngā pūkenga reo o ngā tamariki. Ka akiaki rātou i ngā tamariki ki te taki i ō rātou whakapapa me ō rātou pepeha. He whānui ngā tūmomo taonga e whakaatuhia ana, tae atu hoki ki ngā tohu me ngā whakaahua tonu o te Kīngi Māori, ā, e whai wāhi atu anō hoki aua taonga ki te reo matatini e mōhiotia ana e ngā tamariki. Ka whakatauira te kaiako i te tika o ngā kupu me ngā whakatakotoranga kōrero o te reo Māori. Ka whakarato rātou i te whānuitanga o ngā tūmomo taumahi ako – hei mahi takirōpū, hei mahi takitahi hoki, ā, e whakatairanga ana ēnei i te whanaketanga reo o ngā tamariki. E whakawhanake ana ngā tamariki ki te kōrero i te reo Māori.

He nui ngā rauemi i ngā akoranga e whāia ana e ngā tamariki. Ka āta whakarite ngā kaimahi i te āheinga o ngā tamariki ki te whakapā atu ki te whānuitanga o ngā tūmomo wheako ako. He ōkawa, he ōpaki anō hoki ngā horopaki ako i te hōtaka a ngā tamariki. Kua waia ngā tamariki ki ngā mahinga o ia rā, ā, e hāpai ana ēnei i ngā whakawhitinga ako. He pai ki a rātou te riterite o ngā whakaritenga. Ka whai wāhi nui te waiata ki te hōtaka akoranga, ā, he pārekareka tēnei ki ngā tamariki. He whai wāhitanga mō ngā tamariki ki te tākaro māhorahora, ā, e ākina ana hoki tā rātou whai i ō rātou ake ngākau nuitanga. E hāpai ana ngā taumahi ako i ngā tamariki ki te hīraurau hopanga, te tūhura i ngā tūmomo mahi toi, me te mahi auaha mā te ako ā-ringa. Kei ngā pēpi tō rātou ake wāhi e mau ana i te tini o ngā rauemi. Ka kōkirihia e rātou tā rātou ake ako. He tūmāia ngā tamariki ki te ako.

Te Whakamahere me te Aromātai

E whai wāhi mātātoa ana te nuinga o te whānau ki ngā āhuatanga katoa o ngā whakaritenga me te whakahaeretanga. Ka whai kiko ā rātou pūrongo mō te āhua o ngā mahi i tō rātou kōhanga reo i roto i te roanga o ngā tau. Tū ai ngā hui ā-whānau i ia te wā, ā, ka arotahi ki ngā huarahi e hāpai ake ai i ngā mema, hei whakatairanga ake i ngā mahi whakahaere, otirā, hei painga tonu mō ngā tamariki me ngā kaimahi. Tāpiri atu ki tā rātou mahere rautaki, he mahere whakangungu, whakawhanaketanga anō hoki e whai kiko ana. Kua whakawhanakehia e te whānau ngā tino pūnaha tautoko e āta whakarite ai i te āheinga o te katoa o te whānau me ā rātou tamariki ki te toro atu ki ngā ratonga e tika ana mō tō rātou hauora me tō rātou waiora. Ka ū te titiro a te whānau ki te tupu tonu me te whakapai tonu. E whakahaerehia ana ngā whakaritenga a te whānau hei tino painga mō ngā tamariki.

Kua whakaritea e ngā kaimahi ngā tukanga mō te whakamahere i te hōtaka akoranga. Ka aro nui ki ngā mātauranga e whai pānga ana ki te Kīngitanga. He kawenga ngātahi te mahi whakamahere. Kei aua mahere te tirohanga whānui ki te kaupapa, ā, e whakawāteahia ana e te kaiako hei tirohanga mā ngā kaimahi. Ka ū pūmau te ārahitanga me te tautoko o te kaiako i ngā kaimahi. E whai wāhi atu ana ngā tamariki ki tētahi hōtaka akoranga e āta whakaritea ana, ā, e āta whakahaerehia ana hoki.

Ngā Whakaritenga Matua ka Whai Ake

Me whakapakari ake i te aromātai hōtaka. Kua tae ki te wā kia hui tahi ngā kaimahi katoa ki te whakatakoto haere i ia te wā i ō rātou whakaaro huritao mō ngā rautaki i whai hua ai ki ngā tamariki, me ērā anō hoki kīhai i whai hua ai. Mā tēnā, ka taea e ngā kaimahi te hōtaka te whakarerekē haere, hei whakatutuki i ngā matea o ngā tamariki katoa.

Me arotake i ngā mahi aromatawai a ngā kaimahi. Ko ngā aromatawai e pā ana ki ngā tamariki, kāhore e hono ana ki ngā mahere. He mea nui kia hāngai ngā aromatawai ki te ako me te ahu whakamua a ngā tamariki. E akiaki ana Te Tari Arotake Mātauranga i te whānau ki te hāpai i ngā mahi a ngā kaimahi ki te whakapakari i tō rātou māramatanga ki te aromatawai.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā:

• kia whakaratohia ngā huarahi tautoko ki ngā kaimahi, hei whakapakari ake i tō rātou mōhiotanga me tō rātou māramatanga ki te pūtake me te whakatinanatanga o te aromātai hōtaka me ngā mahi ki te aromatawai i ngā tamariki.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Pukeroihi i roto i te toru o ngā tau.

Lynda Pura-Watson

Kaiurungi Whakaturuki Arotake Māori

04 Whiringa ā-nuku, 2018

Ngā kōrero e pā ana ki te kōhanga reo

1 Context

Te Kōhanga Reo o Pukeroihi is in Rosehill, Papakura. Children and whanau affiliate to iwi and marae across the country. Whanau acknowledge Tainui as tangata whenua, and that Tainui tikanga and kawa underpin all teaching and learning at Te Kōhanga Reo o Pukeroihi. Kaimahi including the head kaiako have served the kōhanga reo for many years.

2 The Evaluation Findings

How well do children express their confidence as learners?

Children are confident learners as they engage in a range of learning experiences.

Ngā Taumata Whakahirahira

Children are developing an understanding their role as tangata whenua. Kaimahi plan trips to marae and other events related to Te Kīngitanga to extend children’s awareness of Tainuitanga. There is an emphasis on learning Pai Mārire and karakia that is relevant to Waikato. Regular trips to different areas provide children with experiences about different iwi. Children learning their whakapapa and pepeha contributes to their understanding of who they are and where they are from. Children appear happy with learning.

Children are learning the importance of relationships. Kaimahi use tikanga Māori, whakataukī and knowledge of Te Kīngitanga to support children’s awareness of values and behaviours related to Tainui. They promote and support tuakana and teina relationships. Older children awhi babies to make them feel included. Kaimahi who work with babies promote and foster their confidence. Babies are happy and have the freedom to explore their learning environment. Children appear settled and secure.

Children are learners of te reo Māori. Kaimahi use a range of effective strategies to stimulate and extend children’s language abilities. They encourage children to recite their whakapapa and pepeha. There are a wide range of taonga on display including symbols and images of the Māori King that contribute to children’s knowledge of literacy. The kaiako model correct vocabulary and grammar in te reo Māori. They provide a wide range of shared and independent learning activities that promote children’s language development. Children are developing as speakers of te reo Māori.

Children participate in learning that is well resourced. Kaimahi ensure children have access to a range of learning experiences. The programme provides both formal and informal learning situations for children. Children are familiar with daily routines that support learning transitions. They enjoy practices that are consistent. Waiata are major part of the learning programme, which children enjoy. There are opportunities for children to participate in free play and are encouraged to follow their own interests. Learning activities enable children to problem solve, explore different mediums and be creative through hands-on learning. Babies have their own dedicated space which is well resourced. They have control over their own learning. Children are confident learners.

Planning and Evaluation

Most whānau members are actively involved in all aspects of operations and management. They report in detail how well their kōhanga reo has performed over the years. Regular whanau hui focuses on where they can give further support to its members, to enhance management practice to benefit children and kaimahi. Alongside their strategic plan, there is a detailed training and development plan. The whanau have developed strong support systems to ensure all whanau and their children have access to necessary services for their health and wellbeing. There is sustained focus by whanau on continual growth and improvement. Whānau operations are managed in the best interest of the children.

Kaimahi have processes in place to plan the learning programme. It gives attention to knowledge that is relevant to Te Kīngitanga. Planning is a collective responsibility. These plans give an overview of kaupapa and are available by the kaiako to kaimahi. The kaiako provides consistent guidance and support to kaimahi. Children experience a learning programme that is well organised and managed.

Key Next Steps

Programme evaluation requires strengthening. It is timely for all kaimahi to meet and record regularly their shared reflections about strategies that have or have not worked for children. This will allow kaimahi to amend the programme to meet the needs of all children.

Kaimahi assessment practice needs to be reviewed. Children’s assessments are not linked to planning. It is important that assessments reflect children’s learning and progress. ERO encourages whānau to provide support to kaimahi to strengthen their understanding of assessment.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendation:

• that support for kaimahi to build their knowledge and understanding about the purpose and implementation of programme evaluation and children’s assessment is provided.

When is ERO likely to evaluate the kōhanga reo again?

The next ERO evaluation of Te Kōhanga Reo o Pukeroihi will be in three years.

Lynda Pura-Watson

Deputy Chief Review Officer Māori

4 October 2018

Information about the Kōhanga Reo