Te Kōhanga Reo o Te Piri o Waimirirangi

1 Te Horopaki

E tū ana Te Kōhanga Reo o Te Piri o Waimirirangi ki Te Kao, ki te Tai Tokerau. Ka whakamahi tahi rātou ko Te Rūnanga Nui o Te Aupōuri i ā rātou rauhanga. E whakapūmau ana te whānau i ngā tino hononga ki te marae me te kura o te hapori nei. He āhuatanga tēnei e hāpai ana i ngā huarahi ako kei mua tonu i ngā tamariki. E tautoko ana ngā kaumātua me ngā kuia i te reo me ngā tikanga Māori.

2 Ngā Whakaaturanga o te Aromātai

He pēhea rawa te rongo a ngā tamariki i te whanaungatanga?

E rongo ana ngā tamariki i ngā uara a te whānau, te hapū, me te iwi e korowai katoatia ai ki te whanaungatanga.

Ngā Taumata Whakahirahira

E tautāwhitia ana ngā tamariki ki te whanaungatanga. Kei te whakapuaki ngā kaimahi i tētahi taiao e whakatairanga ana i te manaaki, te tiaki, me te rangimārie. He ngāwari, he aroha hoki tō ngā taunekeneke a ngā kaimahi me ngā tamariki. Ka whai whakaaro nui, ka manaaki hoki ngā tuākana i ō rātou tēina. Ka whakapuaki ngā kaimahi me te whānau i ngā whai wāhitanga mō ngā tamariki ki te noho tahi ki ngā kaumātua me ngā kuia. Whakamihia ai ngā whakamātau a ngā tamariki i ia te wā. Kei te harikoa, kei te mauritau hoki ngā tamariki ki tō rātou kōhanga reo.

Ka ako ngā tamariki i ō rātou tātai whakapapa. E whakarato ana ngā kaimahi i ngā wheako e whakapakari ai i te māramatanga o ngā tamariki ki ō rātou hononga ki ētahi atu tāngata, ā, ki ngā wāhi hoki. Ka whai wāhi atu ngā tamariki ki ngā pōwhiri, ngā whakatau, me ngā kaupapa a te iwi. Ka ako rātou i ngā whakapapa mā ngā karakia, ngā mōteatea, me te taetae atu ki ngā kaupapa i te marae, te toro haere hoki i te hapori. He pakari ngā tamariki tuākana ki te whakapuaki i ō rātou pepeha ki waenga i a rātou anō. E whakapūmau ana aua wheako i ngā akoranga a ngā tamariki me tō rātou tū hei tangata whenua. Ka kitea te tino aronga toi whenuatanga o ngā tamariki.

E rumakina ana ngā tamariki ki te reo Māori. He mātau te whānau ki te kōrero i te reo Māori. E whakamahi ana ngā kaimahi i te whānuitanga o ngā tūmomo rautaki kia whai wāhi mātātoa ngā tamariki ki te reo Māori. Ko ētahi o ngā rautaki e whakamahia ana e ngā kaimahi, ko te whāngai kupu kōrero, te tāruarua me te patapatai. E whakatauira ana te kuia i te kounga o te reo e āta hāpai ana i te whakawhanaketanga o te reo o ngā tamariki me ngā kaimahi. E āta hāpaitia ana ngā tamariki kia puāwai ai tō rātou kaha ki te kōrero i te reo Māori.

E whai wāhi atu ana ngā tamariki ki ngā horopaki i tuku iho ai i ngā tūpuna, me ērā hoki o te ao hurihuri nei. Ka whakarato ngā kaimahi i ngā whai wāhitanga mō ngā tamariki ki te tūhura i tō rātou taiao. Ka tūhonohono haere ngā tamariki ki ngā akoranga mā ā rātou mahi tākaro. E hāpai ana te wāhi o waho i ngā tamariki ki te tākaro takitahi, ki te mahi ngātahi rānei, ki te whai wāhi atu rānei ki te taha tonu o ō rātou hoa. He muramura, he hihiri, he auaha hoki te wāhi ako o roto. Kei ngā pēpi tō rātou ake wāhi ako. Toro atu ai rātou ki te ngahere me te moana i ia te wā, ā, e hāpai ana aua haerenga i te ako a ngā tamariki i ngā atua Māori. Kei te mātātoa te tūhura haere o ngā tamariki i ō rātou taiao ako.

Te Whakamahere me te Aromātai

Kua whakatakotohia e te whānau ngā tukanga e pā ana ki te whakamahere hōtaka me te aromatawai. Kua pou herea ngā mahere ki ngā wawata e pā ana ki te ako a ngā tamariki. Ka akiaki ngā kaimahi i te whānau ki te whakapuaki i ō rātou whakaaro hei hāpai i te hōtaka akoranga. Ka āta kitea ki ngā mahere ngā tino hononga ki Ngā Taumata Whakahirahira. E tāutu ana ngā mahere ā-wāhanga i ngā kaupapa ako me ngā taumahi e hāpai ai i te ako. E whakaatuhia ana ngā akoranga a ngā tamariki ki te pūkete a ia tamaiti. Kei ngā whakaaturanga i whakaemihia ai, ko ngā whakaahua, ngā paki ako, me ngā kitenga a ngā kaiako. Ka āta kitea te whai hononga pū o aua āhuatanga ki ngā putanga mō ngā tamariki. E āta whakamōhiotia ana te whānau ki te ahu whakamua a ngā tamariki. E whakatutukihia ana ngākau nuitanga o ngā tamariki.

E whakahaere ana te whānau i te kōhanga reo hei painga mō ngā tamariki. He tino aronga, he tino ārahitanga hoki e whakatakotohia ai mā te tūtohinga. Kua tuhia ngā whāinga rautaki a te whānau. E ārahi ana tētahi mahere ā-tau i te whakatutukitanga o te whānau i ngā whakaritenga me ngā mahi whakahaere. Kua whakahoungia ngā kaupapa here matua e pā ana ki te hauora me te haumaru, ā, kua whakatakotohia hoki ngā tukanga. He rārangi tirotiro mō ngā kaupapa here, hei āta whakatutuki i te arotakenga o ngā kaupapa here i ia te wā. Kua whakatakotohia ngā tuhinga e pā ana ki ngā tūranga mahi. Kua whakatutukihia ngā mahi e arohaehae ana i ngā kaimahi. E whai hua ana ngā tamariki nā te pai o ngā mahi e āta whakahaere ana i te kōhanga reo.

Ngā Whakaritenga Matua ka Whai Ake

Me whakapakari ake i te aromātai hōtaka. E whakaae ana te whānau, tērā ētahi āhuatanga o te aromātai hei whakapai ake. Kua tae ki te wā kia arotahi te whānau ki te tāutu me te tuhi haere i ngā whakarerekētanga, hei hāpai ake i ngā tino painga ki ngā tamariki. Ka whai hua ngā tamariki nā ngā hōtaka e whakatairanga ana i ā rātou akoranga.

Me aro ki ngā akoako hōneatanga i ia te wā. I tēnei wā, kāhore te whānau e whakatutuki ana i ngā akoako hōneatanga e pā ana ki te rū whenua. Me whakatutuki i aua akoako hōneatanga, ā, me tuhi hoki hei āta poipoi i te hauora me te haumaru o ngā tamariki. Ko te whakatinanatanga o ngā momo akoako hōneatanga katoa e āta tiaki ai i te hauora me te haumaru o ngā tamariki.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:

• whakarite me te whakatutuki i ia te wā i ngā akoako hōneatanga e pā ana ki te rū whenua, hei āta whakatutuki i te noho haumaru o ngā tamariki.
  [R46 (1)(2) Ture Mātauranga (Kōhungahunga) 2008; HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakapakari tonuhia te aromātai o roto
• whakamaheretia, kia whakatinanahia, kia tuhia hoki ngā akoako hōneatanga e pā ana ki te rū whenua.

5 Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Te Piri o Waimirirangi i roto i te toru o ngā tau.

Gloria Takuira

Acting Toka ā-nuku

Te Uepū ā-Motu - Māori Review Services

02 Paengawhāwhā, 2020

Ngā kōrero e pā ana ki te kōhanga reo

1 Context

Te Kōhanga Reo o Te Piri o Waimirirangi is based in Te Kao, Northland. They share facilities with Te Rūnanga nui o Te Aupouri. Whānau maintain strong connections with the marae and local kura. This supports future learning pathways for children. Kaumātua and kuia provide support in te reo and tikanga Māori.

2 The Evaluation Findings

How well do children experience whanaungatanga?

Children experience whānau, hapū and iwi values embraced by whanaungatanga

Ngā Taumata Whakahirahira

Children are embraced in whanaungatanga. Kaimahi provide an environment that promotes manaaki, tiaki and rangimārie. Kaimahi and children interactions are gentle and loving. Tuākana are considerate and caring with their teina. Kaimahi and whānau create opportunities for children to interact with kaumātua and kuia. Children’s efforts are praised often. Children are happy and settled in their kōhanga reo.

Children learn about their ancestral connections. Kaimahi provide experiences that strengthen children’s understanding of connections to people and places. Children participate in practices of pōhiri, whakatau and iwi-based events. They learn about whakapapa through karakia, mōteatea, attendance at marae activities and visits out in to the community. Older children confidently share their pepeha with each other. These experiences reinforce Children’s learning and their roles as tangata whenua. Children show a strong sense of belonging.

Children are immersed in te reo Māori. Whānau are competent speakers of te reo Māori. Kaimahi provide a range of strategies for children to actively engage with te reo Māori. Kaimahi use language prompts, repetition and questioning. The kuia models a level of fluency that supports children’s and kaimahi language development. Children are well supported to develop as speakers of te reo Māori.

Children experience traditional and contemporary settings. Kaimahi provide opportunities for children to explore their environment. Children make connections to learning through their play. The outdoor area enables children to play individually or work with and alongside their peers. The indoor learning space is colourful, vibrant and creative. Babies have their own learning space. Regular trips to the ngahere and moana supports children’s learning about atua Māori. Children are active explorers of their learning environments.

Planning and Evaluation

Whānau have in place processes for programme planning and assessment. Aspirations for children’s learning underpin planning. Kaimahi encourage whānau to contribute to the learning programme. Planning shows clear links to ngā taumata whakahirahira. Term plans identify kaupapa ako and activities to support learning. Children’s learning is displayed in individual profile books. Evidence gathered includes photos, learning stories and observations. These show clear connections to outcomes for children. Whānau are well informed of children’s progress. Children’s interests are catered for.

The whānau manage the kōhanga reo in the best interests of the children. The charter provides clear direction and guidance. Whānau strategic goals are documented. An annual plan guides whānau to meet the managerial and operational duties. Core health and safety policies are updated, and procedures are in place. Policies have a schedule to guarantee regular review. Employment documentation is in place. Kaimahi appraisals are complete. Children benefit from a well-managed kōhanga reo.

Key Next Steps

Programme evaluation needs strengthening. Whānau agree that there are aspects of evaluation that need improvement. It is timely for whānau to focus on identifying and documenting changes to improve positive outcomes for children. Children will benefit from programmes that enhances their learning.

Regular attention to evacuation drills is required. Currently, whānau do not practice earthquake evacuation drills. It is imperative these evacuation drills are carried out and documented to ensure the health and safety of children. Children’s health and safety will be safeguarded with the implementation of all evacuation drills.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements they need to:

• regularly plan for and practice earthquake evacuation drills to ensure the safety of children.
  [R46 (1)(2) Education (Early Childhood Services) Regulations 2008; HS8 Licensing Criteria for Kōhanga Reo affiliated with Te Kōhanga Reo National Trust 2008

4 Recommendations

ERO and the Kōhanga Reo whānau developed the following recommendations:

• continue to strengthen internal evaluation
• plan for, implement and record earthquake evacuation drills.

5 When is ERO likely to evaluate the kōhanga reo again?

The next ERO evaluation of Te Kōhanga Reo o Te Piri o Waimirirangi will be in three years.

Gloria Takuira

Acting Toka ā-nuku

Te Uepū ā-Motu - Māori Review Services

2 April 2020

Information about the Kōhanga Reo