7 Recreation Road, Kaikohe
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
Ko Pūtahi te maunga
Ko Wairoro te awa
Ko Ngātokimatawhaorua te waka
Ko Te Kotahitanga te marae
Ko Ngāti Whakaeke te hapū
Ko Ngāpuhi te iwi
Ko Kaikohe te kōhanga reo
E tū ana Te Kōhanga Reo o Kaikohe ki te tāone o Kaikohe, ki te Tai Tokerau. Kua huri te kuia o te kōhanga reo ki tua o te ārai, heoi, i kaha whakaū ia i te whakarauoratanga me te tiaki i te reo Māori. E kawe tonu ana te whānau i taua takohanga. E mahi tahi ana te whānau me te tari ā-rohe o Te Poari Matua o Ngā Kōhanga Reo, ā, kua whakatōpūngia ō rātou pūkenga hei whakapakari ake i ngā āheinga o te whānau.
Ka kitea ki ngā mokopuna tō rātou māramatanga ki te mauritau, mā roto mai i tā rātou whai wāhi nui me tō rātou ngākau nuitanga ki te ako.
E tino tautokona ana ngā mokopuna ki tō rātou taiao ako. E whakatinana ana ngā kaimahi i ngā uara o te awhi, te manaaki, me te aroha. He mārie, he manaakitanga hoki te āhua o ā rātou taunekeneke ki ngā mokopuna, ā, ka panoni haere rātou i ō rātou aronga ki te whakatutuki i ngā matea o ia tamaiti. Ka kitea ki ngā tuākana tō rātou whakaute me tō rātou whakaaro nui i roto i ā rātou taunekeneke ki ō rātou tēina. Nā te whai wāhi atu a ngā mokopuna ki ngā pōwhiri i roto i te roanga o te wā, kua tino tau pai tō rātou māramatanga ki te āhua o te whanonga e tika ana i aua wā. Ka whai wāhi mātātoa atu rātou, ā, kua ako rātou me pēhea te taunekeneke whakaute ki ngā manuhiri. Kua taunga ki ngā mokopuna ngā tikanga me ngā kawa o te marae me tō rātou kōhanga reo. E whiwhi ana ngā mokopuna i ngā taunekeneke papai ki te taha o ngā pakeke.
Kua āta whakaarohia te whakatakotoranga o ngā wāhi ako hei poipoi i ngā tūmomo rōpū reanga. He māmā noa te whakapā atu ki ngā rauemi, ā, he tūāhuatanga tēnā e hāpai ai i ngā mokopuna ki te whakatau i ngā whiringa e whai pānga ana ki tā rātou ako. Kei te auau ngā mahinga, ā, he taunga, he riterite, he hāneanea anō hoki mō ngā mokopuna. Kei te māmā te rere noa o ngā whakawhitinga puta noa i te hōtaka akoranga. I ngā wā katoa, kei reira te ringa āwhina o te kaimahi ina e hiahiatia ana, ā, ka akiaki hoki rātou i te angitu o ngā mokopuna i ngā wā e tika ana. Kei te harikoa, kei te mauritau ngā mokopuna i roto i ā rātou akoranga.
Ka noho whakapūmau ki te whakawhanake i ngā mokopuna kia tino kaha rātou ki te kōrero i te reo Māori. Ka toro atu ngā kaimahi ki te tangongitanga o ngā rautaki e tika ana, hei hāpai i ngā whakawhanaketanga reo o ngā mokopuna. Ka hoki atu, ka hoki atu ki ngā karakia, ngā mihimihi, ngā waiata, ngā tohutohu, ngā pātai me te whāngai kupu, kia areare ake ai ngā taringa o ngā mokopuna. E tino tautokona ana ngā tuākana kia taki rātou i ō rātou pepeha ki te katoa. Ka kitea ngā mokopuna tēina i aua mahinga o ia rā, ā, ka whakaatu i tō rātou māramatanga ki te reo Māori mā te āhua o ō rātou kanohi me tō rātou reo ā-tinana. Kei te whanake tonu ngā mokopuna i tō rātou māramatanga me tā rātou whakamahinga i te reo Māori.
Kua whakatinanahia e te whānau ngā pūnaha me ngā tukanga mō te āta whakahaere i ngā whakaritenga o te kōhanga reo. Kua whakaritea e rātou tētahi mahinga auau mō te arotakenga o ngā kaupapa here me ngā tukanga, kia hāngai pū te titiro ki te hauora, te haumaru, me te waiora o ngā mokopuna. Whakahaerehia ai, tuhia ai hoki ngā akoako e pā ana ki te rū whenua, hei āta whakatau i te noho rite mō ngā wā ohotata.
Kua āta whakatinanahia te mahere rautaki ki Te Ara Tūāpae. Kei ngā whāinga pae tawhiti te kotahitanga o ngā wawata o te whānau mō ngā mokopuna. E arotahi ana ki te hāpai i te whānau ki te whakamana i te reo me ngā tikanga, ki te whakamana i te mokopuna me te whānau, me te whakamana i te kaupapa. Ka kitea ki te mahere rautaki te takohanga ki ngā whakaritenga whakauka mō meāke nei.
E āta whakaraupapa ana te mahere ā-tau i ngā wāhanga whakahaere matua me ngā rārangi wā mō te whakatutuki i ngā putanga, huri noa i te tau. Ka whai hua hoki te whakahaeretanga o ngā take kaimahi. Ka ū tika ki te whakatakoto haere i ngā tuhinga e pā ana ki ngā tūranga mahi a ngā kaimahi. Ka whai wāhi ki aua tuhinga, ko ngā kirimina whiwhi mahi me ngā tuhinga tūranga mahi o ia kaimahi, me ngā tuhinga arowhai kua manatokotia te haumaru o ngā kaimahi. Ka whakahaerehia ngā arohaehae mā te aro tonutanga ki te whakatairanga i te mōhiotanga o ngā kaimahi, ā, ka hāngai pū ki te poipoi i te whakapai tonutanga. Ko ngā mokopuna kei te pūtake o ngā mahi whakahaere ngātahi a te whānau.
Ko te aromātai hōtaka tonu tētahi wāhanga hei whakapakari ake. He uaua ki te āta tātari me pēhea nei te hōtaka e aroturuki mō ngā whakapaitanga. Kāhore te kounga o ngā akoranga a ngā mokopuna e whakatūturuhia ana.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
E taunaki ana Te Tari Arotake Mātauranga kia toro mātātoa atu te whānau ki te tautoko mō ngā kaimahi, kia whai māramatanga ai rātou ki te pūtake, te tukanga, me te whakatinanatanga o te aromātai hōtaka.
Darcy Te Hau
Toka ā Nuku
Te Uepū-a-Motu – Māori Services
22 Paengawhāwhā, 2024
| Te tūwāhi | Kei Kaikohe |
| Te tau a te Tāhuhu o te Mātauranga | 18411 |
| Te tau tohu o Te Kōhanga Reo | 01D011 |
| Te tūmomo whare | He kōhanga reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 21, kia tokoono ki raro i te rua o ngā tau |
| Te tokomaha kei runga i te rārangi ingoa | 12, tokowhā kei raro i te rua o ngā tau |
| Ngā hononga ā-iwi | Māori 12 |
| Te wā i te kōhanga reo te rōpū arotake | Poutū-te-rangi 2024 |
| Te wā o tēnei pūrongo | 22 Paengawhāwhā 2024 |
| Ngā pūrongo o mua a Te Tari Arotake Mātauranga | Arotake Mātauranga – Mana Whakahaere, Whiringa-ā-nuku 2023; Arotake Mātauranga, Whiringa-ā-rangi 2019; Arotake Mātauranga, Mahuru 2015 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.
Ko Pūtahi te maunga
Ko Wairoro te awa
Ko Ngatokimatawhaorua te waka
Ko Te Kotahitanga te marae
Ko Ngatiwhakaeke te hapū
Ko Ngapuhi te iwi
Ko Kaikohe Te Kōhanga Reo
Te Kōhanga Reo o Kaikohe is situated in the local town of Kaikohe, Northland. The late kuia of the kōhanga reo was committed to the revitalisation and maintenance of te reo Māori. The whānau continue with this obligation. The whānau in collaboration with the district office have combined their collective skills to strengthen whānau capability.
Mokopuna demonstrate their understanding of mauri tau through their engagement and enjoyment of learning.
Mokopuna experience an environment where they are well supported. Kaimahi embody values of awhi, manaaki and aroha. They engage with mokopuna in a calm and caring manner, adapting their approach to address individual needs. Tuākana demonstrate respect and consideration in their interactions with their teina. Mokopuna participation in pōwhiri over time has resulted in them clearly understanding how to behave appropriately during these times. They are active participants who have learnt how to interact respectfully with manuhiri. Mokopuna are familiar with ngā tikanga and kawa of the marae and their kōhanga reo. Mokopuna enjoy positive interactions with adults.
The learning spaces are thoughtfully arranged to accommodate different age groups. Resources are easily accessible which assists mokopuna in their choices to manage their learning. Regular routines offer a sense of familiarity, stability and comfort for mokopuna. Transitions across the learning programme is smooth and effortless. Kaimahi are always on hand to help and provide affirmations for mokopuna success when required. Mokopuna are happy and settled in their learning.
There is a strong commitment to mokopuna developing as strong speakers of te reo Māori. Kaimahi draw on a range of appropriate strategies to support mokopuna language development. Karakia, mihimihi, waiata, instructions, questions and prompts are used repetitively to focus mokopuna listening. Tūakana are well supported to recite their pepeha with everyone. The younger mokopuna observe these daily routines and express their comprehension of te reo Māori through facial expressions and body language. Mokopuna continue to develop in their understanding and use of te reo Māori.
Whānau have implemented systems and processes to effectively manage the operations of the kōhanga reo. They have established a regular routine for reviewing policies and procedures to prioritise the health, safety and wellbeing of mokopuna. Regular earthquake drills are conducted and documented to ensure preparedness for emergencies.
The strategic plan is well informed by Te Ara Tūāpae. Long term goals include the collective aspirations of whānau for mokopuna. The focus is on empowering whānau to whakamana i te reo me ngā tikanga, whakamana i te mokopuna me te whānau and whakamana i te kaupapa. The action plan reflects an obligation to sustainable practice for the future.
An annual plan clearly outlines essential operational areas and timelines to achieve outputs throughout the year. Personnel matters are efficiently managed. Kaimahi employment documentation is appropriately maintained. These include individual employment agreements, position descriptions and verified kaimahi safety checks. Appraisals are conducted with a continuous focus on enhancing kaimahi knowledge particularly aimed towards fostering continuous improvement. Mokopuna are at the centre of collective whānau whakahaere practices.
Programme evaluation continues to be an area that requires further strengthening. It is difficult to gauge how the programme is being monitored for improvements. The quality of mokopuna learning is not guaranteed.
During the evaluation, ERO looked at systems for managing the following areas:
ERO recommends that the whānau actively seek support for kaimahi to understand the purpose, process and practice of programme evaluation.
Darcy Te Hau
Toka-ā-Nuku – Director
Te Uepū ā-Motu – Māori Review Services
22 April 2024
| Location | Kaikohe |
| Ministry of Education profile number | 18411 |
| Kōhanga Reo Identification Number | 01D011 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 21 children, including up to 6 aged under 2 |
| Kōhanga Reo roll | 12 children, including up to 4 aged under 2 |
| Ethnic composition | Māori 12 |
| Review team on site | March 2024 |
| Date of this report | 22 April 2024 |
| Most recent ERO report(s) | Education Review – Mana Whakahaere, October 2023; Education Review, November 2019; Education Review, September 2015 |
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Kaikohe ki te pokapū o te tāone o Kaikohe. E hāpai ana tētahi rōpū iti o ngā whānau i ngā whakahaeretanga o ia rā i te kōhanga reo nei. E wawata ana te whānau me ngā kaimahi ki te whakapūmau me te whakahōnore i ngā whakareretanga o tō rātou kuia rangatira kua huri ki tua i te ārai, me ngā wawata anō hoki mō te whakarauoratanga o te reo Māori.
E waihanga ana te whānau i te taiao ako me te hōtaka ako e hāpai ana i te rongo o ngā mokopuna i te whakawhanaungatanga.
E rongo ana ngā mokopuna i te whanaungatanga mā te papai o ngā taunekeneke me ngā taumahi. E arahina ana ngā mahere me ngā mahi aromatawai ki Te Whāriki a Te Kōhanga Reo, ā, e whakamōhiotia ana ki Ngā Taumata Whakahirahira. Kua whakahāngaitia ngā mahere ki ngā kaupeka o te tau, ā, ka whakahono anō hoki ki ngā atua Māori e whai pānga ana. He pai ki ngā mokopuna ngā mahinga o ia rā, ā, ka huihui tahi rātou mō ngā wheako me ngā taumahi. Ka tuhia te whai wāhi me te ako a ngā mokopuna, ā, ka whakapuakihia ki ō rātou whānau mā ngā whakaritenga mātai mokopuna i whakahāngaitia ai ki ngā tuākana me ngā tēina. Ka whakawhiti kōrero, ka whakaaro huritao hoki ngā kaimahi mō ngā tūmomo āhuatanga o te hōtaka o ia rā, hei āhuatanga tonu o te tukanga whakamahere. Pūrongo ai ngā kaimahi ki te whānau i ia te wā, mō te hōtaka, mō te ako a ngā mokopuna, tae atu hoki ki te ahu whakamua ki te whakatutuki i ā rātou whāinga. Ka whakatairanga ngā mahere i ngā taunekeneke me ngā wheako e akiaki ana i ngā mokopuna ki te tākaro me te ako ki te taha o ō rātou hoa.
E ahu whakamua ana te whānau ki te whakatōpū i ngā whakaritenga e whakatairanga ana i te waiora o ngā mokopuna me tā rātou ako. E pou here ana ngā uara o te whanaungatanga i te whakahaere ngātahi i te kōhanga reo. Ka kitea ngā wawata o te whānau ki ngā whāinga rautaki e hāngai ana ki Te Ara Tūāpae. He aronga ki te whakamana me te whakapakari i ngā mokopuna me ngā whānau, me te tūhonohono hoki ki ngā hapū me ngā iwi. Kua tīmatahia te whakahou ake i ngā kaupapa here matua me ngā tukanga matua e pā ana ki te hauora me te haumaru.
Me whakapakari ake i te whakamahere rautaki me te whakamahere ā-tau. He mārama ngā wawata o ngā whānau mō te kōhanga reo hei te pae tawhiti. Heoi, e tika ana kia pai ake te whakamahere me te aroturuki i te ahu whakamua ki te whakatutuki i ā rātou whāinga rautaki, kia āta whakatinanahia aua tūāhuatanga. E mōhio ana te rōpū iti ā-whānau, ko te whakakaha ake i te whakatinanatanga o te mahere ā-tau ka hāpai i ngā mahi whakahaere i te tari me te kōhanga reo. Ka whai hua ngā mokopuna i te wā e whakapūmautia ana ngā whakaritenga papai, ā, e whakatinanahia ana hoki ngā whāinga whakatairanga.
Me whakapakari ake i te arotake whaiaro o ngā kaupapa here, ngā tukanga, me ngā whakaritenga e pā ana ki te hauora me te haumaru. I kitea e Te Tari Arotake Mātauranga te maha o ngā kaupapa here hei whakahou ake. Kāhore i te pakari te tuhi haere i ngā hōneatanga ohotata e pā ana ki ngā rū whenua, ā, kāhore ngā whakaritenga e ū ana i ia te wā ki tēnā e tūmanakohia ai. Me whakawhanake te whānau i tētahi rārangi arotake, hei āhuatanga matua o ā rātou mahere mahi ā-tau. Me whakaarotau ki te whai wāhi mai a ngā whānau katoa ki ngā arotakenga e whakatairanga ana i te hauora, te haumaru, me te waiora o ngā mokopuna.
Me whakapai ake i te aromātai hōtaka. Ahakoa te auau o ngā hui kaimahi, e arotahi ana te nuinga o ā rātou whakawhitinga kōrero ki ngā kaupapa whakahaere tari i te kōhanga reo, me ngā whakahaeretanga o ia rā. Ko te whakaōkawa ake i te aronga ki te aromātai i te kounga o te hōtaka i whakamaheretia ai, ka hāpai i ngā kaimahi ki te whai māramatanga ki ngā tūāhuatanga hei whakarerekē, kia whai hua ake ai ngā whakaritenga ki ngā mokopuna, ngā ngākau nuitanga, ngā pūmanawa, me ngā matea.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
Kia tutuki i te whānau ngā herenga ā-ture, me tahuri rātou ki te:
āta whakatau i te noho mōhio o rātou ngā pakeke e whakarato ana i te mātauranga me te atawhai, ki ngā akoako hōneatanga rū whenua e tika ana, ā, kia whakatutukihia aua mahi ki te taha o ngā tamariki i ia toru marama noa te putuputu, koni atu rānei
[R46 Ture Mātauranga (Kōhungahunga) 2008; HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
whakarite i tētahi tukanga o te arotake whaiaro, o te aromātai o roto rānei e whakahaerehia ana i ngā wā katoa, hei hāpai i te kōhanga reo ki te whakapūmau me te whakapai ake i te kounga o te mātauranga me te atawhai o ngā tamariki.
[R46 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
E taunaki ana Te Tari Arotake Mātauranga kia mahi te whānau o te kōhanga reo ki te taha o te tari ā-rohe o Te Poari Matua o Ngā Kōhanga Reo, ki te whakawhanake i tētahi mahere mahi e whakatutuki wawe ai i ngā take i whakaraupapahia ki runga ake nei, ā, i ngā whakaritenga matua hoki i tautuhia ki tēnei pūrongo kia whāia.
Darcy Te Hau
Toka ā Nuku
Te Uepū-a-Motu – Māori Services
16 Whiringa ā-nuku, 2023
|
Te tūwāhi |
Kei Kaikohe |
|
Te tau a te Tāhuhu o te Mātauranga |
18411 |
|
Te tau tohu o Te Kōhanga Reo |
01D011 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
21, kia tokoono ki raro i te rua o ngā tau |
|
Te tokomaha kei runga i te rārangi ingoa |
12, tokowhā kei raro i te rua o ngā tau |
|
Ngā hononga ā-iwi |
Māori 12 |
|
Te wā arotake i mua i te taenga atu ki te kōhanga reo |
Hōngongoi 2023 |
|
Te wā o tēnei pūrongo |
16 Whiringa-ā-nuku 2023 |
|
Ngā pūrongo o mua |
Arotake Mātauranga, Whiringa-ā-rangi 2019; Arotake Mātauranga, Mahuru 2015; Arotake Mātauranga, Hōngongoi 2012 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi.
Te Kōhanga Reo o Kaikohe is in the Kaikohe town centre. A small group of whānau support the day-to-day operation of this small kōhanga reo. Whānau and kaimahi aspire to uphold and honour the legacy of an esteemed late kuia and the aspirations for the revitalisation of te reo Māori.
Whānau are creating a learning environment and programme conducive to mokopuna experiencing whanaungatanga.
Mokopuna experience whanaungatanga though positive interactions and activities. Planning and assessment practices are guided by Te Whāriki a Te Kōhanga Reo and informed by Ngā Taumata Whakahirahira. Planning is aligned to ngā kaupeka o te tau and linked to relevant atua Māori. Mokopuna value daily routines where they come together for shared experiences and activities. Mokopuna engagement and learning is documented through mātai mokopuna and is shared with their whānau. Kaimahi discuss and reflect on aspects of the daily programme as part of the planning process. Kaimahi regularly report to the whānau about the programme, mokopuna learning, and progress towards their goals. Planning promotes interactions and experiences that encourage mokopuna to play and learn happily alongside their peers.
The whānau is working towards consolidating practices that promote mokopuna wellbeing and learning. Values of whanaungatanga underpin the collective management of the kōhanga reo. Whānau aspirations are reflected in strategic goals that align to Te Ara Tuapae. There is an emphasis on empowering and strengthening mokopuna and whānau, and to connecting to hapu and iwi. Key health and safety policies and procedures are in early stages of being, updated.
Strategic and annual planning require strengthening. Whānau have clear aspirations for the future of the kōhanga reo. However, better planning for, and monitoring of progress toward achieving their strategic goals, is necessary for these to be fully realised. The small whānau group acknowledge more rigorous implementation of an annual plan would assist in managing administrative and operational tasks. Mokopuna benefit when good practices are sustained, and improvement goals are realised.
Self-review of health and safety policies, procedures, and practices need strengthening. Many policies provided to ERO require updating. Recording emergency evacuations for earthquakes is not rigorous, and practices do not always follow expectations. Whānau should develop a schedule for review as an integral part of their annual action plans. Involving all whānau in reviews that promote mokopuna health, safety and wellbeing.
Programme evaluation requires improving. While kaimahi have regular hui, much of their discussion is focused on administrative aspects of the kōhanga reo and the general day-to-day operations. Establishing a more formal approach to evaluating the quality of the planned programme should help kaimahi to know where changes could be made to better respond to mokopuna, interests, strengths and needs.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
To meet compliance requirements, they must:
ensure adults providing education and care are familiar with relevant emergency earthquake drills and carry these out with children on at least a three-monthly basis
[Regulation 46 Education (Early Childhood Services) Regulations 2008, HS8 Licensing criteria for kōhanga reo affiliated with the Te Kōhanga Reo National Trust 2008]
establish an ongoing process of self-review or internal evaluation to help maintain and improve the quality of its education and care for children.
[Regulation 46 (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]
ERO recommends that the kōhanga reo whānau work with the Tari a Rohe to develop an action plan that promptly addresses the matters outlined above and the key next steps in this report.
Darcy Te Hau
Toka-ā-Nuku – Director
Te Uepū ā-Motu – Māori Review Services
16 October 2023
|
Location |
Kaikohe |
|
Ministry of Education profile number |
18411 |
|
Kōhanga Reo Identification Number |
01D011 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
21 children, including up to 6 aged under 2 |
|
Kōhanga Reo roll |
12 children, including 4 aged under 2 |
|
Ethnic composition |
Māori 12 |
|
Review team pre on site |
July 2023 |
|
Date of this report |
16 October 2023 |
|
Most recent ERO report(s) |
Education Review, November 2019; Education Review, September 2015; Education Review, July 2012 |
E tū ana Te Kōhanga Reo o Kaikohe ki te tāone tonu o Kaikohe. Kotahi te kaiako, ā, kotahi hoki te kaiāwhina e whakangungu ana mō tana Tohu Whakapakari. He rangatahi tonu te whānau, ā, e hiahia ana rātou ki te noho mōhio ki ō rātou tūranga me ā rātou kawenga mahi.
E tupu haere ana ngā ngākau titikaha o ngā tamariki i a rātou e ako ana i te whai hononga ki ō rātou hoa, ki ngā pakeke hoki nō waho atu i ō rātou whānau ake.
E ako ana ngā tamariki ki te manaaki i a rātou anō, ā, i ō rātou hoa hoki. Kua whakaritea e ngā kaimahi ngā tino hononga tautoko ki ngā tamariki katoa. Ka poipoi rātou i te hononga ki waenga i te tuakana me te teina. Ka whakapuakihia e ngā tamariki tuākana tō rātou manaaki, tō rātou whai whakaaro nui hoki ki ngā pēpi i a rātou e noho tahi ana. E ākina ana tō rātou tiaki i a rātou anō. I a rātou e tupu haere ana, kei te pakari haere tō rātou tū takitahi, tō rātou tiaki i a rātou anō. Ka kitea ki ngā tamariki tō rātou whai whakaaro nui i a rātou e taunekeneke ana ki ō rātou hoa.
E ako ana ngā tamariki i te kaitiakitanga. Ka āta whakarite ngā kaimahi kia whai wāhi atu ngā tamariki ki ngā ariā o te kaitiakitanga mā ngā kōrero, ngā waiata, me ngā taonga māoriori e hāngai ana ki ngā atua Māori. Ka toro atu ki ngā karakia, ngā hīmene, me ngā waiata hei whakatairanga ake i te māramatanga o ngā tamariki ki ngā atua Māori. Ka whakarato ngā kaimahi i ngā taumahi ako e akiaki ana i ngā tamariki ki te ako i ō rātou tūranga me ā rātou kawenga hei kaitiaki. E whanake ana te whai mōhiotanga o ngā tamariki ki ngā hononga ā-wairua, ā-ahurea hoki.
E hāpaitia ana te ako a ngā tamariki i te reo Māori. Ka whakamahi ngā kaimahi i te whānuitanga o ngā tūmomo taumahi māmā e whakatairanga ake ana i te whakawhanaketanga reo o ngā tamariki. Ko ētahi o aua taumahi, ko ngā karakia, ngā waiata, te patapatai, te whāngai kupu, ngā tohutohu, me te whakapuaki hoki i ngā kupu Māori e hāpai ai i te māramatanga o ngā tamariki. Ka whakamahi hoki i te reo rotarota kia āhei ai ngā tamariki ki te whakahonohono i ngā tohu ā-ringa ki ngā kupu Māori. Kei te tūmāia ake ētahi o ngā tamariki tuākana ki te whakapuaki i ō rātou whakaaro mā ngā rerenga kōrero poto. E whanake ana ngā tamariki kia puāwai ai tō rātou reo Māori.
Kua tae ki te wā kia āta whakaarohia e ngā kaimahi me pēhea te āta whakapuaki rawa i te ako a ngā tamariki. I tēnei wā, kei te putua ngā rauemi ki ngā kāpata. He pakeke rawa mā ngā tamariki ki te whiriwhiri haere me te kōkiri i ā rātou ake akoranga, ina tē taea te āta toro atu ki ngā rauemi. He mea nui kia arotake haere ngā kaimahi i te hōtaka, mā te aro nui hoki ki te āhua o ngā mahi ki te āta whakamahi i ngā rauemi ako, hei tino painga mō ngā akoranga a ngā tamariki.
E whakahaere ana te whānau i te kōhanga reo hei tino painga mō ā rātou tamariki. He pai te taetae atu ki ngā hui ā-whānau katoa. E āta whakamōhiotia ana te whānau ki ngā whakawhanaketanga o te kōhanga reo mā ngā pānui. He mātātoa te whai wāhi atu a ngā mema o te whānau ki te whakahaeretanga o te kōhanga reo me te tari. Kei ngā kaimahi ngā tukanga ki te whakamahere i te hōtaka. He māhorahora te whakapuaki mai i aua tūāhuatanga ki te taha o te whānau. Kei ngā hui a ngā kaimahi ngā whakaaro huritao papai mō te hōtaka akoranga a ngā tamariki. Ka tuhia ngā aromātai e pā ana ki te hōtaka. Ko ngā tamariki kei te pūtake o ngā mahi whakahaere me ngā mahi whakarite a te whānau.
Me āta titiro ki te aromātai o roto. Kua tae ki te wā kia whai whakaaro te whānau ki ngā tukanga e arotake ai i te katoa o ngā kaupapa here me ngā tukanga. Kei te rawaka ngā kaupapa here o tēnei wā, heoi, me whakahou ake tonu kia hāngai ake ai ēnei ki ngā herenga ā-ture o te wā. Kāhore anō te whānau kia whakatakoto i tētahi mahere rautaki. He pakeke ki te tātari me pēhea te kōhanga reo e aroturukitia ai hei āta whakatau i te whakaritenga me te whakatutukitanga o ngā kaupapa matua a te whānau mō meāke nei.
Kāhore te ako me te ahu whakamua a ngā tamariki e āta aroturukitia ana. E mōhio ana ngā kaimahi, e tika ana kia whakapakarihia ake te aromatawai. I tēnei wā ka kohikohia ngā whakaahua, me te iti noa o ngā kitenga. Kāhore te whānau e āta whakamōhiotia ana mō te āhua o te ahu whakamua a ā rātou tamariki.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
I whakaae ngātahitia e Te Tari Arotake Mātauranga me te whānau, kia whakatutukihia e rātou tēnei o ngā herenga ā-ture, arā, me tahuri ki te:
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Kaikohe i roto i te toru o ngā tau.
Gloria Takuira
Toka ā-nuku Whakakapi
04 Whiringa ā-rangi, 2019
|
Te tūwāhi |
Kei Kaikohe |
||
|
Te tau a te Tāhuhu o te Mātauranga |
18411 |
||
|
Te tau tohu o Te Kōhanga Reo |
01D011 |
||
|
Te tūmomo whare |
He kōhanga reo |
||
|
Te raihana |
Ngā Ture Mātauranga (Ratonga Kōhungahunga) 2008 |
||
|
Te tokomaha mō te raihana |
20, kia tokoono ki raro i te rua o ngā tau |
||
|
Te tokomaha kei runga i te rārangi ingoa |
Tokowhitu ngā tamariki |
||
|
Te ira tangata |
Kōtiro 7 |
||
|
Ngā hononga ā-iwi |
Māori |
100% |
|
|
Te wā i te kōhanga reo te rōpū arotake |
Mahuru 2019 |
||
|
Te wā o tēnei pūrongo |
04 Whiringa ā-rangi, 2019 |
||
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga |
Mahuru 2015 Hongongoi 2012 |
|
Te Kōhanga Reo o Kaikohe is in the Kaikohe town centre. There is one kaiako and a kaiawhina that is currently training for her Tohu Whakapakari. The young whānau are keen to know their roles and responsibilities.
Children are growing in confidence as they learn about relationships with their peers and adults outside of their own immediate whānau.
Children learn about caring for themselves and their peers. Kaimahi have established meaningful and supportive bonds with all children. They foster tuākana and teina relationships. The older children show care and consideration for the babies when they around them. They are encouraged to manage aspects of self-care themselves. They are becoming increasingly independent and self-reliant as they get older. Children show they are considerate and thoughtful when interacting with their peers.
Children are learning about kaitiakitanga. Kaimahi ensure that the children are introduced to the concepts of kaitiaki through stories, waiata and natural resources that are related to ngā atua Māori. Karakia, himene and waiata are used to enhance children’s understanding of ngā atua Māori. Kaimahi provide learning activities that encourage children to learn about their roles and responsibilities as kaitiaki. Children are developing an awareness of spiritual and cultural connections.
Children are supported to learn te reo Māori. Kaimahi use a range of simple activities to enhance children’s language development. These include karakia, waiata, questions, prompts, instructions and provide kupu Māori to support children’s understanding. The use of sign-language is also used where children can make associations between hand signs and kupu Māori. Some of the older children are more confident to express themselves in short sentences. Children are developing as early speakers of te reo Māori.
It is time for kaimahi to think about how children’s learning can be maximised. Currently resources are stored away in cupboards. It is difficult for children to make choices and initiate their own learning when access to resources are restricted. It is important for kaimahi to carry out a review on the programme with an emphasis on the use of learning resources and how these can best benefit children’s learning.
Whānau manage the kōhanga reo in the best interest of their children. There is good attendance at all whānau hui. Whānau are well informed about kōhanga reo developments through pānui. Whānau members actively participate in the management and administration of kōhanga reo operations. Kaimahi have in place processes for programme planning. This is shared openly with whānau. Kaimahi hui provide good reflections about the learning program for children. Programme evaluation is documented. Children are at the centre of whānau management and operations.
Internal evaluation requires attention. It is time for whānau to consider processes to review all policies and procedures. The current policies are adequate but are required to be updated to align with current regulations and legislation. The whānau have not yet established a strategic plan. It is difficult to gauge how the future of the kōhanga reo will be monitored to ensure future priorities by the whānau will be organised and achieved.
Children’s learning and progress is not well monitored. Kaimahi recognise the need to strengthen assessment. Currently photos are collected with limited observations. Whānau are not well informed of their children’s progress.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
ERO and whānau agree that the following area of non-compliance be attended to;
establish an ongoing process of internal evaluation to help maintain and improve the quality of practice for children.
[Regulation 47 (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]
ERO and the Kōhanga Reo whānau developed the following recommendations:
TKRNT will continue to support the kōhanga reo to meeting the following recommendations
establish a process of internal evaluation
review health and safety policies and procedures
establish a strategic plan
strengthen assessment practice.
The next ERO evaluation of Te Kōhanga Reo o Kaikohe will be in three years.
Gloria Takuira
Acting Toka ā-nuku
Te Uepū-ā-Motu - Māori Review Services
4 November 2019
|
Location |
Kaikohe |
||
|
Ministry of Education profile number |
18411 |
||
|
Kōhanga Reo Identification Number |
01D011 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
20 children, including up to 6 aged under 2 |
||
|
Kōhanga Reo roll |
7 children |
||
|
Gender composition |
Girls 7 |
||
|
Ethnic composition |
Māori |
100% |
|
|
Review team on site |
September 2019 |
||
|
Date of this report |
4 November 2019 |
||
|
Most recent ERO report(s) |
Education Review Education Review |
September 2015 July 2012 |
|