32 Wireless Road , Kaitaia
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, mā ngā hapū, me ngā iwi.
Tū ki uta, Tū ki tai, Tū ki te Ao Māori
E tū ana Te Kura Kaupapa Māori o Tūtūtarakihi ki Ōturu, ki te tapa o Kaitāia. E poipoi ana te kura i ngā ākonga o ngā tau 1 ki te 8, ā, e whakarato ana i te mātauranga kaupapa Māori e hāngai ana ki ngā mātāpono o Te Aho Matua. Ko te kura taiao, te maramataka Māori, te reo Māori, me ngā pūkenga toiora ngā tūāhuatanga taketake o te marau ā-kura. I te wā o tēnei arotake, i te whakariterite ngā kaiārahi o te kura i tētahi tono ki te tū hoki hei wharekura. Ko tā rātou tirohanga pae tawhiti, ko te whakarato i te marautanga motuhake me te taiao motuhake mō ngā rōpū reanga katoa, ki tua atu i te kura, ā, ki te whare wānanga anō hoki.
He ngākau titikaha, he whai whakaarotanga nui hoki ō ngā ākonga e whakarongo pīkari ana, e patapatai ana, ā, e whakawhiti whakaaro ana mā te reo o Tūtūtarakihi.
Kei te mauritau ngā ākonga ki tētahi taiao e hāngai pū ana ki ā rātou tikanga me ō rātou uara. Ka whakatōpū ngā kaiako i ō rātou mōhiotanga ki ngā ākonga, ngā akoranga, ngā tikanga, me Te Aho Matua, ki te whakarato i tētahi taiao ako e aro nui ana ki ngā ākonga. Ka whakaaro nui ngā whānau ki te whakatairanga i te mauri, te wairua, me te manaaki, puta noa i te kura. He manawa whakahī ō ngā ākonga ki te manaaki i ngā manuhiri, ngā whānau, ngā hapū, me ngā iwi. He pai te toro atu ki ngā pūkenga me ngā mōhiotanga i te hapori, hei whakatairanga ake i te hōtaka akoranga. Kei te ngana ngā ākonga, ā, ka whai wāhi atu ki te tangongitanga o ngā wheako e whakatairanga ana i ō rātou nā mana āhua ake. Ka kitea ki ngā ākonga me ngā whānau te kaha o te aronga toi whenuatanga me te hononga ki te kura, ki tōna kaupapa motuhake anō hoki. Ka whanake ngā ākonga i ngā pūkenga rehe hei kaiwhakarato e manaaki ana i ētahi atu, ā, ka tū hoki hei kaitiaki o te taiao. He ngākau titikaha ō ngā ākonga ki te whai wāhi atu ki ngā taumahi e hāngai ana ki ngā tikanga, ngā uara, me te reo o te kāinga.
He tini ngā whai wāhitanga mō ngā ākonga ki te whakawhanake i te māramatanga, te ngākau titikaha, me te whakamahinga o te reo o Tūtūtarakihi. Ko te whānuitanga o ngā whai wāhitanga e wātea ana ki ngā ākonga, ka whakapakari i ngā puna kupu me ngā hanganga rerenga kōrero a ngā ākonga, ā, ka whakawhanake i te whakawhanaketanga reo i ngā horopaki ōkawa me ngā horopaki ōpaki. E whakapakari ana ngā whānau i ō rātou pūkenga ki te mārama me te whakamahi i te reo Māori, mā te taetae atu ki ngā akoranga i te kura. He mātau ngā kaiako ki te tū hei tino tauira o te reo o Ngāti Kahu me ngā tūmanako o te kura. Ka noho hihiko ngā ākonga ki te whakawhānui i tō rātou mātau ki tō rātou ake reo ā-iwi. Waihoki, kei te tino mātau rātou ki ngā karakia me ngā waiata e tūhono ana i a rātou ki Te Hiku o te Ika, ki te taiao, me tō rātou kura. He ngākau titikaha ō ngā ākonga ki te whakapuaki māhorahora i te reo o te kāinga.
He pakari ngā hononga ā-whakapapa me te whanaungatanga. Ka whakapuaki te whānau i ngā whai wāhitanga mō ngā hononga ki te puāwai. He pai te taunekeneke a ngā ākonga ki ētahi atu i te kura, i te marae, ā, i te hapori whānui anō hoki. He kaha hoki rātou ki te whakahua ake i ō rātou hononga me te whanaungatanga e paihere ana i tētahi ki tētahi. He pai te āta whakamārama nahanaha a te whānau i ngā hītori tōrangapū me ngā taimahatanga a ngā iwi o te Tai Tokerau. Ka āta kitea te whānau o te kura ki ngā kaupapa, ngā whakanuitanga me ngā porotēhi i te hapori me te rohe whānui. Ka whakamāorioritia ngā tikanga me ngā mahi o te toitūtanga mā ngā ākonga. Kātahi rātou ka whakapuaki i aua whakaakoranga, ā, ka whakaaweawe i ō rātou ake whānau. E tino mōhiotia ana te kura e ngā marae, e ngā rōpū taiao, me ētahi atu kura o te rohe. Ka kitea ki ngā ākonga tō rātou māramatanga ki ngā tikanga, ngā kawa, me te reo o tō rātou rohe mā roto mai i ā rātou mahi.
Ka whakawhanake ngā ākonga i te māramatanga pū ki ngā tirohanga Māori i tuku iho ai, me ērā hoki o te ao hou, me te reo e whai pānga ana ki aua horopaki. Ka whakatauira ngā whānau i te toro atu ki ngā ahurea taketake me ngā reo taketake o iwi kē atu ki te kura, ā, ki te marau ā-kura hoki. Ka whai pānga matua te taiao ki te marau ā-kura, ā, e whai pūtake ana te ako i ngā tikanga mā roto mai i ngā taiao pērā i te moana me te ngahere. Ka whakapuaki ngā ākonga i ō rātou hononga motuhake ki te taiao mā ngā atua Māori me ngā kaupapa i whakahāngaitia ai. Tāpiri atu ki tēnā, ka ako rātou i runga i te marae, mai i ngā kuia me ngā kaumātua. Kua tino whakatōngia ki ngā ākonga tō rātou tuakiri hei Māori, ā, e whai māramatanga ana rātou ki te whai pānga o tēnā ki te ao whānui.
Ka whakawhānuihia te ngākau titikaha me te whakawhanaketanga reo o ngā ākonga ki ngā akoranga i waho atu i te akomanga. Ka āta kitea rātou, ka mahi mātātoa hoki rātou puta noa i te taiao māoriori e pā tata mai ana. Ka ako, ka whakatinana hoki rātou i ngā pūkenga me ngā mōhiotanga o ngā whakaritenga me ngā uara e pā ana ki te toitūtanga, ā, ka hāpaitia te tupu mai o ō rātou pūkenga ki te kohi kai i te moana, i te whenua, me te ngahere. He pūkenga nui ō ngā kaiako ki te whakapūmau i ō rātou tūmanako mō ngā ākonga, mā te whakawhiti kōrero me te patapatai. Ka āta kitea ngā mahi whakaako e hāngai pū ana ki te whakawhanake i ngā ākonga kia mātau ai rātou ki te kōrero i te reo Māori, kia tū ai hoki hei kaitiaki taiao. Ko te ū ki te maramataka me ngā whakaakoranga aro pū e hāpai katoa ana i ngā matea ake o ia ākonga. Ka whakamahia Ngā Hua o Te Ako ki te whakapuaki i ngā akoranga a ngā ākonga ki ngā whānau. He ngākau titikaha ō ngā ākonga ki te whakawhiti whakaaro ki ētahi atu mō ā rātou whakaakoranga me ā rātou akoranga.
Ka kitea ki ngā kaiārahi tā rātou ū ki te whakatutuki i ngā wawata o te whānau. Ka āta ārahi rātou hei hāpai i te whakawhanaketanga o te marau me ngā tikanga ako, ā, ka kitea tō rātou pāuaua, tō rātou manawanui hoki ki te kōkiri whakamua i te tirohanga pae tawhiti o te kura. Kei ngā kaiārahi me te whānau te whatunga whānui o ngā tautōhito o te mātauranga Māori, ā, ka mahi ngātahi me rātou. He raukura o Te Aho Matua ngā kaiārahi mātauranga, nō reira he tiketike ngā tūmanako kia kounga te mātauranga me ngā putanga, hei painga mō ngā ākonga. E whanake ana ngā ākonga i ngā pūmanawa ārahi i roto i te reo me ngā tikanga o Ngāti Kahu.
E whakatairanga ana te whānau whakahaere i te whakarauoratanga o te reo o te kāinga. E tautoko ana te poari kura hou nei i te whakatinanatanga o ngā wawata o te whānau. He tūturu ngā wheako ako, ā, e whakarato ana i ngā whai wāhitanga mō te whānau ki te whakatupu i ō rātou ake pūkenga reo Māori ki te taha o ā rātou tamariki. He pai te ahu whakamua a te whānau whakahaere ki te whakatutuki i ngā whakapaitanga i whakamaheretia ai ki tā rātou mahere whakawhanake. Kua whakatakotohia te pūnaha mō te whakahaere i te āhua mahi a te tumuaki, ā, ka whakaarohia hoki me pēhea te āta whakatinana i te tukanga kia whai hua ai. He pai te whakahaere i te taetae atu a ngā ākonga ki te kura, me tō rātou waiora. Ka whakaaro nui ki te hauora me te haumaru, inarā ki te noho haumaru o ngā ākonga i ngā wāhi o waho. E puāwai ana ngā ākonga mā roto mai i tō rātou taiao motuhake o te reo me ngā tikanga.
Ko tētahi whakaritenga whakawhanaketanga e tika ana kia whai ake, ko te whakatōpū me te whakapūmau i ngā whakaritenga papai. E ahu whakamua tonu ana te whānau whakahaere – mā te tautoko hoki o Te Rūnanga Nui o Ngā Kura Kaupapa Māori o Aotearoa - ki te whakatutuki i ngā whāinga i āta whakapuakihia ai mō te kura, ngā ākonga, me ngā whānau. Kua whakaritea kia pakari haere ngā pūkenga o ngā kaimahi me ngā whānau i ngā wā katoa, kia whakatinanahia aua whāinga. Kua tīmatahia te whakariterite i te wharekura. E tautoko ana Te Tari Arotake Mātauranga i taua aronga, kia puāwai ai ngā wawata o ngā whānau mō te whakatutukitanga o ā rātou tamariki i ō rātou huarahi mātauranga, huarahi reo anō hoki ki Te Kura Kaupapa Māori o Tūtūtarakihi.
I mua atu i te aromātai i whakatutukihia e te poari me te tumuaki he Tauāki Kupu Tūturu a te Poari mā Te Tari Arotake Mātauranga, me tētahi Rārangi Arowhai Tātari Whaiaro. I roto i aua tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:
I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te haumaru me te waiora o ngā ākonga:
E taunaki ana Te Tari Arotake Mātauranga kia ahu whakamua tonu te whānau i te whakatūnga o te mātauranga wharekura mō ngā ākonga.
Tiwana Hibbs
Toka ā Nuku
Te Uepū ā-Motu – Māori Review Services
20 Poutūterangi, 2025
| Te tūwāhi | Kei Kaitāia |
| Te tau a te Tāhuhu o te Mātauranga | 960 |
| Te tūmomo kura | He kura tuatahi (Tau 1-8) |
| Te tokomaha o ngā ākonga o te kura | 31 |
| Ngā hononga ā-iwi | Māori 31 |
| Ngā āhuatanga motuhake | Te Aho Matua |
| Te wā i te kura te rōpū arotake | Whiringa-ā-nuku 2024 |
| Te wā o tēnei pūrongo | 20 Poutūterangi 2025 |
| Ngā pūrongo o mua a Te Tari Arotake Mātauranga | Koia nei te pūrongo tuatahi a Te Tari Arotake Mātauranga mō tēnei kura |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. The ERO reports provide important information for whānau, hapū and iwi.
Tū ki uta, Tū ki tai, Tū ki te Ao Māori
Te Kura Kaupapa Māori o Tūtūtarakihi is situated in Oturu, on the outskirts of Kaitaia. The kura caters for students in Years 1 - 8 and provides kaupapa Māori education aligned to the principles of Te Aho Matua. Kura taiao, the maramataka Māori, te reo Māori and pūkenga toiora are the fundamental elements of the marau ā-kura. At the time of this review kura leaders were preparing an application to establish a Wharekura. Their long-term vision is to provide a unique curriculum and environment for all age groups, beyond kura to whare wānanga.
Confident and thoughtful students listen attentively, question and communicate in te reo o Tūtūtarakihi.
Students are settled in an environment that reflects their tikanga practices and values. Kaiako combine their knowledge of students, learning, tikanga and Te Aho Matua to provide a responsive learning environment. Whānau are conscious of having mauri, wairua, and manaaki reflected throughout the kura. Students manaaki manuhiri, whānau, hapū and iwi with pride. Good use is made of community skills and knowledge to enhance the learning programme. Engaged students participate in a range of experiences that promote their individual uniqueness. Students and whānau show a strong sense of belonging and connection to the kura and its unique kaupapa. Students develop practical skills for being a provider, caring for others and to be kaitiaki of the environment. Students confidently participate in activities that reflect tikanga practices and values and te reo o te kainga.
Students are provided with multiple opportunities to develop understanding, confidence and use of te reo o Tūtūtarakihi. The extensive range of opportunities available, build students’ vocabulary and sentence structures, and extend language development in both formal and informal contexts. Whānau are building their capability to understand and use te reo Māori by attending classes at the kura. Kaiako are proficient role models of te reo o Ngāti Kahu and kura expectations. Students are motivated to extend their language proficiency in their own dialect. Furthermore, they are well versed in karakia and waiata that connect them to Te Hiku o Te Ika, the taiao and their kura. Students naturally and confidently communicate in te reo o te kainga.
Whakapapa and whanaungatanga connections are strong. Whānau create opportunities for relationships to flourish. Students interact well with others in the kura, at the marae and in the wider community. They articulate their connections and relationships to one and other well. Whānau deliberately, effectively and appropriately transfer the political history and struggles of iwi in Northland. The kura whānau are highly visible at local and regional events, celebrations and protests. Sustainable practices and actions are normalised for students. They then share these teachings and influence their whānau. The kura is well known at marae, to environmental groups and to other kura within their rohe. Students demonstrate understanding of tikanga, kawa and te reo of their rohe through their actions.
Students develop a sound understanding of Māori contemporary and traditional views and the associated language for these contexts. Whānau model embracing other indigenous cultures and languages into the kura and the marau ā-kura. The taiao is at the forefront of the marau ā-kura and learning tikanga within environments such as the moana and ngahere are purposeful. Students articulate their unique connections and relationships to the taiao through Atua Māori and focused kaupapa. Additionally, they learn from kuia and kaumatua on the marae. Students are firmly grounded in who they are as Māori and have a growing understanding of what this means globally.
Student confidence and language development is extended through learning outside of the classroom. They are highly visible and active in the surrounding natural environment. They learn and experience the skills and knowledge of self-sustainable practices and values and are supported to build capability as food gatherers from the sea, land and bush. Kaiako skilfully reinforce their expectations of students through discussion and questioning. Deliberate acts of teaching are evident in developing students as competent speakers of te reo Māori and as kaitiaki of the taiao. Adherence to the maramataka and responsive teaching supports student’s individual needs. Ngā Hua o Te Ako is utilised to share student learning with whānau. Students confidently communicate their teachings and learning with others.
Leaders demonstrate commitment to achieving whānau aspirations. They provide clear guidance for curriculum and pedagogy development and show tenacity and determination to progress the long-term vision for the kura. Leaders and whānau have an extensive network of expertise and experience in mātauranga Māori they work collaboratively with. As raukura of a Te Aho Matua education leaders have high expectations for providing quality education and outcomes for students. Students are developing leadership qualities in te reo and tikanga of Ngāti Kahu.
Whānau whakahaere promote the revitalisation of te reo o te kainga. The establishment board of trustees are supporting the aspirations of whānau to be realised. Authentic learning experiences provide opportunities for whānau to grow their capability in te reo Māori alongside their tamariki. Whānau whakahaere are progressing well toward achieving planned improvements in their development plan. A system is in place for tumuaki performance management and consideration has been given to how to best to implement the process. Student attendance and wellbeing is well managed. Health and safety are prioritised, especially to keep students safe in the outdoors. Students are flourishing in their unique language and tikanga environment.
Consolidating and embedding the good practices currently occurring is a next step development. Whānau whakahaere, with support of Te Rūnangi Nui, continue to work toward achieving the well-articulated goals for the kura, students and their whānau. Plans are in place to continually build the capability of staff and whānau to realise these goals. Preparation is underway for the establishment of the Wharekura. ERO supports this direction so whānau aspirations for their tamariki to complete their education and te reo journey at TKKM o Tūtūtarakihi comes to fruition.
Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:
During the review, ERO checked the following items because they have a potentially high impact on student achievement:
ERO recommend whānau continue to progress the establishment of wharekura provision for students.
Tiwana Hibbs
Toka ā Nuku - Director
Te Uepū ā-Motu – Māori Review Services
20 March 2025
| Location | Kaitāia |
| Ministry of Education profile number | 960 |
| Kura type | Full Primary (Years 1-8) |
| Special features | Te Aho Matua |
| Kura roll | 31 |
| Ethnic composition | Māori 31 |
| Review team on site | October 2024 |
| Date of this report | 20 March 2025 |
| Most recent ERO report(s) | This is the first ERO report for this kura |