Te Kōhanga Reo o Ngati Kahu

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi. 

2 Te Horopaki 

Ko Hikurangi te maunga  
Ko Tokerau te moana  
Ko Mamaru te waka  
Ko Ngāti Kahu te iwi  
Ko Matakairiri te hapū  
Ko Parata te rangatira  
Ko Kahutianui te whaea  
Ko Ngāti Kahu Te Kōhanga Reo

E tū ana Te Kōhanga Reo o Ngāti Kahu ki Taipā, ki Muriwhenua. I te tīmatanga, ko Te Kōhanga Reo o Waitāruke kē tō rātou ingoa, heoi, kua whakatutukihia e rātou ngā wero nui ki te huataki anō i tō rātou kōhanga reo. I tīnihia te ingoa ki Te Kōhanga Reo o Ngāti Kahu, nā te hūnukutanga ki wāhi kē atu. Koia nei tā rātou arotake tuatahi nā Te Tari Arotake Mātauranga. 

3 Te Aronga o te Aromātai

He pēhea rawa te whakapuaki mai a ngā mokopuna i tō rātou māramatanga ki te reo Māori me ngā tikanga Māori? 

Ka whakapuakihia e ngā mokopuna tō rātou māramatanga ki te reo Māori me ngā tikanga Māori, puta noa i ā rātou mahinga o ia rā.

4 Ngā Whakaaturanga

E rumakina ana ngā mokopuna ki tētahi taiao e aro nui ana ki te reo Māori me ngā tikanga Māori. Ka whakamahi ngā kaimahi i te tangongitanga o ngā rautaki hei whakawhānui i ngā whakaaro o ngā mokopuna, pērā i te whakatauira, i te whāngai kupu, me te patapatai. E ako ana ngā mokopuna ki te whakawhitiwhiti kōrero mā ngā tūmomo huarahi, ā, e tika ana tā rātou urupare atu. Ka hāpai ngā kaimahi i ngā mokopuna ki te tū ki te ārahi me te whai wāhi atu ki ngā horopaki ōkawa. Ka tūmāia ngā mokopuna ki te hautū i ētahi wāhanga o te wā whāriki i ngā ata, tae atu ki te ārahi me te hāpai i ngā waiata me ngā pao e tino mōhiotia ana, ā, e kaha putaputa mai ana i te hōtaka. Ka whakatauira ngā kaimahi i te mihimihi e whakanui ai i te tangata. He tūāhuatanga e hāpai ana i ngā mokopuna ki te whakawhanake i ngā pūkenga me te ngākau titikaha ki te whakamihi anō hoki. E tākare ana ngā mokopuna ki te taki i ō rātou pepeha. Ka tūmāia ngā tuākana ki te whakahua ake i ō rātou pepeha, ā, ka hāpaitia ngā pēpi mā te whāngai kupu me ngā mahi ā-ringa. Whakanuia ai e ngā kaimahi ā rātou whakamātau ki te kōrero i te reo Māori i ia te wā. E whakawhanake ana te ngākau titikaha o ngā mokopuna ki te reo Māori me ngā tikanga Māori. 

E poipoia ana ngā mokopuna ki ngā akoranga e whakatairanga ana i te whanaungatanga, te manaakitanga, me te tiaki. He hononga whakahoahoa ō rātou ki te taha o ētahi atu, ā, kei te harikoa, kei te rāhiri hoki i te taenga mai o ō rātou hoa ki te kōhanga reo i ngā ata. Ka hāpai ngā kaimahi i te whai a ngā mokopuna i ngā tikanga. Kua whakaritea ngā mahinga, ā, he tūāhuatanga e hāpai ana i ngā mokopuna ki te whakawhiti māmā tonu ki ngā tūmomo taumahi, huri noa hoki i te kōhanga reo. Ka tuku ngā kaimahi i ngā kupu tohutohu me ngā mahi ā-ringa e taunga ana, hei tohu i ngā wā whakawhitiwhiti, ā, ka whakatakoto hoki i te taiao kia whai wāhi nui ai ngā mokopuna ki ā rātou akoranga. Ka whai whakaaro nuitia, ka manaakitia hoki ngā tēina e ō rātou tuākana. He tūāhuatanga e hāpai ana i ngā tēina ki te aro atu me te whakahoahoa hoki ki te taha o ētahi atu. Ka ārahi ngā tuākana i ngā wā o te whakatau waiora me te whakaora waiora, nā konā rātou whakanui ai i ngā atua Māori, ā, ka whai atu ngā pēpi i ō rātou tuākana. Ka noho whakaute ngā mokopuna i a rātou e tūhura ana i tō rātou taiao ako ki te taha o ētahi atu. 

Ka whai wāhi ngā wawata o te whānau ki ngā mahere. Ka mahi ngātahi te whānau me ngā kaimahi ki te whakamahere i ngā kaupapa Māori e whakahihiri ana i ngā mokopuna. E hono ana ngā mahere ā-tau ki te taiao, ki Te Whāriki, me Te Korowai, ā, ka toro atu ki ngā pūkenga me te tautōhito o ngā pakeke. Ka whāia ngā whakaritenga aromatawai. He pūkete tā ia mokopuna, ā, ka whakanui i ngā tūmomo mahi toi, ka whakatakoto hoki i ngā whakaahua e tohu ana i tō rātou whakawhanaketanga i roto i te roanga o te wā. Ka tautoko te kuia i ngā kaimahi ki te tuhi haere i ngā akoranga me te ahu whakamua a ngā mokopuna ki ā rātou pūkete. Kua whakatakotohia te aromātai hōtaka. Tū ai ngā hui kaimahi i ia te wā. Ka whakawhiti kōrero rātou mō te hōtaka akoranga, ā, ka tautuhi i ngā whakapaitanga. Ka āta whakaarohia ngā matea o ngā mokopuna, i ngā kaimahi e kapo atu ana i ia te wā i ngā whai wāhitanga ki te whakaaro huritao me te whakapuaki i ngā aromātaitanga o te hōtaka akoranga. 

E noho ngākau nui ana ngā whānau ki te tautoko i ngā mokopuna mā ō rātou tūranga whakahaere. E hiahia ana rātou ki te kite i ngā mokopuna e rumakina ana ki te ao Māori, ā, e taetae atu ana hoki ki ngā kaupapa ā-iwi. E whakamōhiotia ana te mahere rautaki ki Te Ara Tūāpae, ā, ka tautuhi i ngā kaupapa matua e hāngai pū ana ki te reo me ngā tikanga Māori. Kua whakatōpūngia ngā komiti iti e aro pū ana ki ngā whāinga rautaki matua. Kua whakatakotohia tētahi kaupapa here e pā ana ki te reo Māori, hei whakatutuki i ngā wawata o te whānau. Kei te mārama te pūrongo i ngā wāhanga matua i ngā hui ā-whānau o ia marama, tae atu ki te pūrongo pūtea a te kaitiaki pūtea e tautokona ana te kaiwhakarite. E ārahi ana te mahere ā-tau i te whakatutukitanga o ngā mahi whakahaere matua. He pai te whakahaeretanga o ngā take kaimahi. Ko te arowhai i te haumaru o ngā kaimahi, e hāngai ana ki ngā herenga ā-ture o te wā, hei āta whakatau i te haumaru o ngā mokopuna. Kua āta whakatutukihia ngā arowhai e pā ana ki te hauora me te haumaru, ā, he pai hoki te whakatakotoranga ā-tuhi. Ka aro nui ngā pūnaha whakahaere me ngā tukanga whakahaere a te whānau ki te reo Māori me ngā tikanga Māori. 

Ngā Whakaritenga Matua ka whai ake

Me arotake i te tūtohinga. He maha ngā kaupapa here matua me ngā tukanga matua o te hauora me te haumaru hei tirohanga. Me arotake, me whakahou ake te whānau i aua kaupapa here, me whakahāngai hoki ki ngā herenga ā-ture e tika ana, tae atu ki te Children's Act 2014, ā, me whakatinana i tētahi mahere mārama e āta whakatau ai i te whakatutukitanga o taua arotake i roto i ngā rārangi wā i āta whakatakotohia ai. Ka taea te whakakaha ake te aronga ki te hauora me te haumaru o ngā mokopuna, mā tētahi tukanga arotake pakari i te tūtohinga. 

Kāhore ngā akoako hōneatanga ohotata e whakamātauhia ana i ia te wā. Me āta whakatau te whānau i te whakatutukitanga me te tuhi haere o ngā akoako ohotata – tae at ki ērā e pā ana ki te ahi, te rū whenua, te tai āniwhaniwha me ngā aukatinga i ia toru marama, pūputu noa ake rānei. Kei te whakamōrearea i te haumaru o ngā mokopuna i ngā wā ohotata. 

5 Te Whakatau a te Whānau o te Kōhanga Reo ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki: 

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; ngā mahi akuaku, me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, ngā rēhita a ngā kaiako, me te tatauranga ki waenga i te kaimahi me ngā tamariki
• ngā whakaritenga ohotata me ngā tikanga ohotata e pā ana ki te rū whenua me te ahi. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture. 

Hei whakatutuki i ngā herenga ā-ture, me tahuri te whānau ki te:

• āta whakatau i tētahi tukanga o te arotake whaiaro, o te aromātai o roto rānei e whakahaerehia ana i ngā wā katoa, hei hāpai i te kōhanga reo ki te whakapūmau me te whakapai ake i te kounga o te mātauranga me te atawhai.
  [R47 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]   

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia whakapakarihia e te whānau tō rātou māramatanga ki ō rātou tūranga me ā rātou kawenga mahi, ki te whakahirahiratanga hoki o ngā whakaritenga arotake whaiaro, ā, me whakatinana hoki i aua whakaritenga. 

Darcy Te Hau
Toka ā Nuku 
Te Uepū-a-Motu – Māori Services

25 Pipiri 2024

7 Ngā kōrero e pā ana ki te kōhanga reo

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.

2 Context

Ko Hikurangi te maunga  
Ko Tokerau te moana  
Ko Mamaru te waka  
Ko Ngāti Kahu te iwi  
Ko Matakairiri te hapū  
Ko Parata te rangatira  
Ko Kahutianui te whaea  
Ko Ngāti Kahu Te Kōhanga Reo

Te Kōhanga Reo o Ngāti Kahu is in Taipa in the Far North. They were originally named Te Kōhanga Reo o Waitaruke and have overcome significant challenges in the re-establishment of their kōhanga reo. The name was changed to Te Kōhanga Reo o Ngāti Kahu due to the change of location. This is their first ERO review. 

3 Evaluation Focus

How well do mokopuna express their understanding of te reo Māori and tikanga Māori?  

Mokopuna express their understanding of te reo Māori and tikanga Māori throughout their everyday routine.

4 Findings

Mokopuna are immersed in an environment where te reo Māori and tikanga Māori is prioritised. Kaimahi use a range of strategies to extend mokopuna thinking such as modelling, prompts and questioning. Mokopuna are learning to communicate in different ways and respond appropriately. Kaimahi support mokopuna to be leaders and conduct themselves in formal situations. Mokopuna confidently direct aspects of the morning wā whāriki and this includes leading and participating in familiar waiata and pao that are regular features of the programme. Kaimahi model mihimihi to acknowledge others. This supports mokopuna to develop skills and confidence to respond in the same manner. Mokopuna are keen to recite their pepehā. Tuākana do this confidently while pēpi are supported through prompts and actions. Their efforts to speak te reo Māori are regularly praised by kaimahi. Mokopuna are developing confidence in te reo Māori and tikanga Māori.  

Mokopuna are nurtured in learning that promotes whanaungatanga, manaakitanga and tiaki. They have friendly relationships with others and are happy and welcoming to their friends when they arrive to kōhanga in the morning. Kaimahi support mokopuna to follow tikanga. Routines are established and this assists mokopuna to make smooth transitions between activities and around the kōhanga reo. Kaimahi provide familiar prompts and actions to signal changeover and set up the environment to engage mokopuna in their learning. Tuākana are considerate and caring of their tēina. This supports tēina to respond and relate to others. Tuākana lead whakatau wairua and whakaora wairua where they acknowledge atua Māori, and pēpi follow their tuākana. Mokopuna are respectful as they explore their learning environment with others. 

Planning is inclusive of whānau aspirations. Whānau and kaimahi collectively contribute to planning kaupapa Māori that excite mokopuna. Yearly planning links to the taiao, Te Whāriki and Te Korowai and draws on the skills and expertise of adults. Assessment practices are followed. Mokopuna individual profiles celebrate a variety of artwork and photos showing their development overtime. Kuia supports kaimahi to document mokopuna learning and progress in their profile books. Programme evaluation is in place. Kaimahi have regular hui. They discuss the learning programme and identify improvements. Mokopuna needs are well considered as kaimahi regularly seek opportunities to reflect and share evaluation of the learning programme. 

Whānau are passionate to support mokopuna in their whakahaere roles. They are eager to see mokopuna immersed in te ao Māori and attending kaupapa-ā-iwi. The strategic plan is informed by Te Ara Tūāpae and identifies priorities specifically focused on te reo and tikanga Māori. Sub-committees have been formed to focus on key strategic goals. There is a te reo Māori policy in place to realise whānau aspirations. Clear reporting across key areas is presented at monthly whānau hui including financial reporting by the appointed treasurer who supports the kaiwhakarite. The annual plan guides completion of key operational tasks. Personnel matters are managed well. Safety checking of kaimahi aligns with current legislation to ensure mokopuna safety. Health and safety checks are completed and documented well. Whānau whakahaere systems and processes prioritise te reo Māori and tikanga Māori.  

Key Next Steps

The tūtohinga requires review. There are number of key health and safety policies and procedures that need attention. Whānau must review, update and align these policies with relevant legislation, including the Children’s Act 2014, and implement a clear plan to ensure this review is completed within clear timeframes. Mokopuna health and safety can be better prioritised through a robust tūtohinga review process.  

Emergency evacuation drills are not regularly practiced. Whānau must ensure emergency drills including fire, earthquake, tsunami and lockdown are carried out and documented at least every three months.  Mokopuna safety in an emergency is compromised.  

5 Kōhanga Whānau Assurance on Legal Requirements

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

Actions for Compliance

To meet compliance requirements they must: 

• ensure there is an ongoing process of self-review or internal evaluation to help the kōhanga maintain and improve the quality of its education and care.
  [Regulation 47 Education (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008] 

6 Recommendation

ERO and the kōhanga reo whānau developed the following recommendation for whānau to strengthen their understanding of their roles and responsibilities and ensure they understand the importance of and implement self-review practices. 

Darcy Te Hau 
Toka-ā-Nuku – Director
Te Uepū ā-Motu – Māori Review Services

25 June 2024

7 Information about the kōhanga reo