22 Goldfields Road, Manaia, Coromandel
View on mapKua mahi ngātahi Te Tari Arotake Mātauranga me ngā kaiārahi, ngā whānau, ngā kaiako me ngā hapori o ngā Puna Reo, o ngā Whare Kōhungahunga rānei ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E tū ana Te Pūtahitanga o Te Rukenga o Ngā Wai ki ngā papa o Te Wharekura o Manaia, ki Waiaua. Kua roa nei ngā tau i wawatatia ai e te hapori kia tū tētahi puna reo. E kāwanatia ana te puna reo e te tarahiti o Te Pūtahitanga o Te Rukenga o Ngā Wai. I kati te puna reo mō tētahi wā, ā, nō te Whiringa-ā-nuku o te tau 2023 i whakatuwhera anōtia ai.
He tino kaha te ngākau titikaha o ngā tamariki ki te tūhura me te ako.
He pai te māramatanga o ngā kaitiaki ki ō rātou tūranga me ā rātou kawenga e pā ana ki te taha kāwana. E āwhina ana rātou i te whakatakotoranga o ngā pūnaha whai hua, i ngā tuhinga e tika ana, me ngā whakaritenga e pā ana ki te arotake whaiaro. Ka tino hāpaitia ngā kaimahi e te Mana Whakahaere o te kura, nā runga anō i whai pānga matua o te puna reo ki te hapori o te kura. Ka whai hua ngā tamariki nā te whanaungatanga me ngā hononga e arotahi ana ki te papai o ō rātou wheako ako kōhungahunga.
Kua pou herea ngā mahere me te whakatinanatanga ki Te Whāriki. E tino mārama ana ngā kaimahi tautōhito i ngā wawata me ngā whāinga o Te Whāriki, ā, ka whakapuaki i ō rātou mōhiotanga ki te taha o ētahi atu. Ka kapo atu, ka tuhi haere hoki ngā kaimahi i te ahu whakamua a ia tamaiti i roto i te roanga o te wā, ā, ka whakatakotohia ki ngā kōnae tamariki. E wātea ana aua kōnae ki ngā whānau i a rātou e noho ana ki te puna reo, ā, i ngā hui ā-whānau hoki.
Ka hāngai te hōtaka ki te tākaro, ā, e whakarato ana i ngā whai wāhitanga maha mō ngā tamariki ki te āta uru atu ki ngā taumahi ako. E whakatakotohia ana te hōtaka hei whakatairanga i te taha tūhura o ngā tamariki, hei whakakipakipa hoki i tō rātou taha pākiki, me te ngākau titikaha o te tamaiti mōna ake. Ka hāpai anō hoki te tini o ngā rauemi e wātea ana, i ngā whai wāhitanga maha mō ngā tamariki ki te whakamātau me te whakawhānui i a rātou anō. Ka tākarokaro ngā tamariki mō ngā wā roroa ki te taha o ō rātou hoa, ā, ki tōna ake kotahi anō hoki. E āta mātakina ana tamariki, ā, e whiwhi ana i te papai o ngā taunekeneke me ngā whakawhitinga whakaaro ki te taha o ngā kaimahi. Kei te hāneanea, kei te mauritau hoki rātou hei ākonga.
Kua āta whakaritea ngā whakawhitinga ki te kura. E ākina ana te noho mai o ngā mema o ngā whānau ki te taha o ā rātou tamariki i a rātou e tīmata ana, hei āta whakatau i a rātou. Whai wā anō ai ngā tamariki ki te akomanga o ngā pīpī i te kura. Ka hāpai taua tūāhuatanga i a rātou ki te waia haere ki te taiao me ngā tūmanako i te kura. Ka ngākau nui ngā tamariki ki te taetae atu ki te puna reo, me te whakawhiti ā tōna wā ki te kura.
Kāhore anō kia whakatutukihia te mahere rautaki me te mahere ā-tau. E whakawhanake ana ngā kaitiaki i tētahi mahere rautaki mā te whakawhitiwhiti kōrero ki ngā whānau me ngā kaimahi. He aronga ki te whakapakari i te tirohanga ngātahi ki te tupu tonu mō meāke nei, inarā, i roto i te reo Māori me ngā tikanga Māori o Pare Hauraki. Ko te whakatinana i te tirohanga me te aronga nahanaha a te ratonga, ka hāpai i te whakatutukitanga o ngā wawata kua roa nei e puritia ana e te iwi, e te hapū, e te hapori hoki, arā, kia whāngaihia te mātauranga e hāngai pū ana ki te iwi, hei painga mō ngā rōpū reanga katoa. Ka hāpai anō hoki taua tūāhuatanga i te waiora o te whānau, nā te āheinga mō rātou ki te noho tonu ki tō rātou hapori, ā, ehara i te mea me wehe atu.
Me whakawhanake i ngā pūnaha whakahaere o te puna reo me te tari kia whai hua ake ai. He hou te kaiwhakahaere o te puna reo ki tōna tūranga, ā, he iti noa ōna wheako ārahi o mua. Me nahanaha ake te aronga ki te whakahaere i ngā whakaritenga o te puna reo, kia āhei ai ngā kaitiaki ki te āta whakatau i te whai pānga tika o ngā pūnaha, me te hāngaitanga o ngā whakaritenga ki ngā herenga ā-ture me ngā tūāhuatanga e tūmanakohia ana ki ngā kaupapa here me ngā tukanga.
Kāhore anō kia whakatakotohia tētahi mahere ā-tau. Kia whai hua ai te mahere, me āta whakatakoto ā-tuhi nei i te hunga ka kawe atu i ngā mahi matua, i ngā wā hoki ka whakatutukihia aua mahi i ia tau. Me arotake wawe i ngā kaupapa here e pā ana ki te whakaratonga o te ārahitanga papai, me te tiaki i ngā tamariki kia rāhuitia ai te patu tamariki me te whakanoho taratahi. Ka whai hua ngā tamariki nā ngā mahi i āta whakamaheretia ai, i āta whakatakotohia ai hoki, ā, e arotahi ana ki te whakatairanga i te papai o te taiao me ngā whakaritenga.
I te wā o te arotake, i tirohia e Te Tari Arotake Mātauranga ngā pūnaha o te ratonga ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā ratonga mātauranga kōhungahunga katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
Hei whakatutuki i ngā herenga ā-ture, me tahuri rātou ki te:
E taunaki ana Te Tari Arotake Mātauranga kia haere tonu te mahi ngātahi ki te whakatutuki i ngā whakaritenga matua me ngā herenga ā-ture i tautuhia ai ki tēnei pūrongo kia whāia.
Darcy Te Hau
Toka ā Nuku
Te Uepū-a-Motu – Māori Services
13 Pipiri 2024
| Te tūwāhi | Kei Manaia, ki Waiaua | ||
| Te tau a te Tāhuhu o te Mātauranga | 47865 | ||
| Te tūmomo raihana | He Ratonga Mātauranga me te Atawhai | ||
| Te raihana | Ngā Ture Mātauranga (Ratonga Kōhungahunga) 2008 | ||
| Te tokomaha mō te raihana | 10, kia tokorua ki raro i te rua o ngā tau | ||
| Te tokomaha kei runga i te rārangi ingoa | Tokowaru, tokorua kei raro i te rua o ngā tau | ||
| Ngā hononga ā-iwi | Māori 8 | ||
| Te ōrau o ngā kaimahi kua whakawhiwhia ki ngā tohu mātauranga | 80%+ | ||
| Te tatauranga i pūrongotia ai, ki waenga i ngā kaimahi me ngā tamariki | Ki raro i te rua o ngā tau | 1:2 | He pai kē atu i ngā herenga tikanga mōkito |
| Ki runga ake i te rua tau | 1:6 | E whakatutuki ana i ngā herenga tikanga mōkito | |
| Te wā i te whare kōhungahunga te rōpū arotake | Paenga-whāwhā 2024 | ||
| Te wā o tēnei pūrongo | 13 Pipiri 2024 | ||
| Ngā pūrongo o mua a Te Tari Arotake Mātauranga | Koia nei te Arotake Mātauranga tuatahi mō tēnei puna reo. | ||
The Education Review Office (ERO) in collaboration with Puna Reo or Whare Kōhungahunga leaders, whānau, kaiako and their communities develop evaluation insights that foster accountability and improvement, identify progress and build evaluation capability.
Te Putahitanga o Te Rukenga o Ngā Wai is situated on the grounds of Te Wharekura o Manaia, on the Coromandel Peninsula. Establishing a puna reo has been a community aspiration for a number of years. The puna reo is governed by a Te Putahitanga o Te Rukenga o Ngā Wai Trust. After suspension of the license by the Ministry of Education for 18 months, the puna reo reopened in July 2023.
Tamariki are highly confident explorers and learners.
Trustees have a good understanding of their governance roles and responsibilities. They are assisting with the establishment of efficient systems, required documentation and self-review practices. Kaimahi are also fully supported by Mana Whakahaere of the kura as the puna reo is considered an integral part of the kura community. Tamariki benefit from whanaungatanga relationships focused on their positive early learning experiences.
Planning and implementation are underpinned by Te Whāriki, The New Zealand Early Childhood Curriculum. Experienced staff understand the aspirations and goals of Te Whāriki well and share their knowledge with others. Kaimahi capture and record tamaiti progress overtime in kōnae tamariki. These are available to whānau when they are in the puna reo and during whānau hui.
The play-based programme provides multiple opportunities for children to engage in learning activities. The programme is set up to promote tamariki exploration and to provoke their curiosity and self-confidence. The abundance of resources available provide ample opportunities for tamariki to test and extend themselves. Tamariki plays happily for sustained periods with their peers and at times, quietly on their own. Tamariki are well supervised and enjoy positive interactions and engagement with kaimahi. They are comfortable and settled learners.
Transitions to kura are well established. Whānau members are encouraged to stay with their tamariki as when they first attend to settle them. Tamariki regularly spends time in the new entrant class at the kura. This helps familiarise them with the environment and expectations while at kura. Tamariki love attending puna and look forward to going to kura.
Strategic and annual planning are incomplete. Trustees are developing a strategic plan in consultation with whānau and staff. There is a focus on strengthening the collective vision for future growth, particularly in te reo and tikanga Māori of Pare Hauraki. Realising the service vision and strategic direction will support the achievement of the long-held aspirations of the iwi, hapū and community to provide an iwi centric education for all age groups. This will also support whānau wellbeing as they would not have to leave their community and local environment.
More efficient management and administration systems need developing. The service does not currently have a centre manager. However, a ‘person responsible’ is new to her role and is undertaking some management tasks. She has limited leadership experience. A more deliberate approach to managing centre operations is necessary for trustees to be assured systems are fit for purpose and that practice reflects legislative requirements, and policy and procedural expectations.
While an annual plan is in place, it needs to be more clarity and to stipulate who will undertake key tasks, and what dates these will occur each year. Policies related to the provision of positive guidance and ensuring tamariki are protected from corporal punishment or exclusion require immediate review. Tamariki benefit from planned and deliberate actions focused on promoting a positive environment and practices.
During the evaluation, ERO looked at the service’s systems for managing the following areas that have a potentially high impact on children's wellbeing:
All early childhood services are required to promote children's health and safety and to regularly review their compliance with legal requirements.
To meet compliance requirements, they must:
ERO recommends continuing to work collaboratively to address the key next steps and noncompliance identified in this report.
Darcy Te Hau
Toka-ā-Nuku – Director
Te Uepū ā-Motu – Māori Review Services
13 June 2024
| Location | Manaia, Coromandel | ||
| Ministry of Education profile number | 47865 | ||
| Licence type | Education & Care Service | ||
| Licensed under | Education (Early Childhood Services) Regulations 2008 | ||
| Number licensed for | 10 children, including up to 2 aged under 2 | ||
| Service roll | 8 children, including 2 aged under 2 | ||
| Ethnic composition | Māori 8 | ||
| Percentage of qualified teachers | 80% + | ||
| Reported ratios of staff to children | Under 2 | 1:2 | Better than minimum requirements |
| Over 2 | 1:6 | Meets minimum requirements | |
| Review team on site | April 2024 | ||
| Date of this report | 13 June 2024 | ||
| Most recent ERO report(s) | This is the first Education Review for this puna reo. | ||