154 Kahutia Street , Gisborne
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
“Tūranga Ararau
Tūranga Makaurau
Tūranga a Mua
Tūranga Tangata Rite”
E tū ana a Tūranga Tangata Rite ki Te Whare Matatuahu, ā, he wāhi e nōhia tahi ana me te ratonga mātauranga mātāmuri ā-iwi o Tūranga Ararau. Ko Te Rūnanga o Tūranganui a Kiwa ngā rangatira whakahaere, ā, nā rātou i uru atu ki te kirimina pūmau kia whakatūngia tētahi kura tuarua kāwanatanga mō ngā taitama me ngā kōhine o ngā tau 9 ki te 11. Ka whai wāhi ki te marau pāhekoheko, ko te Mātauranga ā-Iwi me ngā kaupapa STEAM.
He pēhea rawa te whakatinanatanga me te rongo o ngā tauira i te angitu?
E whakawhanake ana ngā tauira i ngā pūkenga me ngā mōhiotanga kia tīmatahia tō rātou rongo i te angitu i roto i te mātauranga.
He pai kē atu te tūnga o ngā rangatira whakahaere ki te whakatutuki i ō rātou wawata mō tō rātou iwi. I takunetia te whakaratonga o tētahi whare mātauranga e poipoi ai i ērā o ngā tauira kāhore e aro nui ana ki ngā akoranga o ngā kura ara reo Pākehā. Nā ngā wero nui mō te tau 2021 i pā ki te whakatū kaimahi, kua arotakengia te tikanga ako me ngā whakahaeretanga. I kitea e rātou, e tika ana kia hāngai ake te aronga ki te mātauranga Māori o te takiwā nei anā I panonihia e te marautanga whakaako. E tautoko ana rātou i te kura mā te āta whakatau i te kaha whai wāhi mai o ngā pūrākau a te iwi, hei whakarato i ngā wheako ako tūturu mō ngā kaiako me ngā tauira. E whakapakari ana ngā tauira i ō rātou tuakiri me tō rātou aronga toi whenuatanga.
Kei te waia haere te poari whakatūnga ki ō rātou tūranga me ā rātou kawenga. Hui ai rātou i ia te wā ki te whakawhiti kōrero mō ngā take kāwana. Kua whakatakotohia ngā kaupapa here me ngā tukanga, ā, ka arotakengia i ia te wā. E ākina ana te reo tauira, ā, i tēnei wā kei te whakariterite te poari whakatūnga i te kōwhiringa pōti o te māngai mō ngā tauira. E toro atu ana te poari whakatūnga ki te tautoko e whakatīmata ai i te kōwhiringa pōti o tā rātou poari kaitiaki tuatahi. Ahakoa kua whakatakoto kētia te mahere ā-tau me te mahere rautaki, kei te whanake tonuhia kia hāngai ai ērā ki ngā wawata o te iwi. Kua whai pānga te rerekētanga o ngā tūnga kaimahi me te mate urutā KOWHEORI-19 ki te whakatutukitanga o ngā whāinga ā-tau. Ko te whakapakari i ngā hononga me te whai wāhi mai a te whānau tētahi kaupapa matua e aro nuitia ana. Kei te whakapakari tonu ngā tauira i tō rātou tūmāia me tō rātou ngākau nuitanga ki te whai wāhi nui atu ki ngā akoranga.
He mahi whakakotahi, he mahi ngātahi hoki te ārahi. Kua whakaritea kia tuarihia ngā kawenga. Ka whakatauira te tumuaki i ngā kawatau mā ngā kaimahi me ngā tauira. He aronga nahanaha ki te waihanga i tētahi taiao ako e arotahi ana ki te poipoi i te tuakiri o ngā tauira, kia manawa whakahī, kia pakari tō rātou tū ki tō rātou hapū me tō rātou iwi. Kua ahu whakamua te whakawhanaketanga o te marau ā-kura, ā, kua tīmata noa te whakatinanatanga. He pakari te whakaaro huritao me te aronga ki te whakapai tonu. Kātahi anō ka tīmata te whakawhanaketanga o te huringa taiāwhio mō te tupu ngaio. Ka aro nui ki te waiora o ngā tauira. E pou here ana te whanaungatanga me ngā manaakitanga i ngā hononga katoa. Ka āta whakamahia ngā rauhanga me ngā ratonga e whakaratohia ana e Tūranga Ararau, hei hāpai i ngā tauira. Ka mahi ngātahi te tumuaki me ngā kaiako, ki te aro tika atu ki ngā matea o ngā tauira. Ko ngā tauira kei te pūtake o ngā whakataunga katoa.
Kei te ngohengohe ngā kaiako, ā, ka noho ngākau nui ki te waihanga i ngā hōtaka e whakatutuki ana i ngā matea o ngā tauira. Ka mahi ngā kaiako ki te taha o ngā tauira me ngā whānau ki te waihanga i ngā mahere ako a tēnā me tēnā, hei hāpai i tā rātou whakawhanake haere i ō rātou huarahi me ā rātou umanga mō te pae tawhiti. He tukanga hoki ki te aroturuki me te aru i ngā whiwhinga Te Taumata Mātauranga ā-Motu kua Taea a ngā tauira. Ka mahi te Kaitakawaenga ki te Tumuaki ki te taha o Tūranga Ararau, mō ngā tūāhuatanga e pā ana ki te whakaōritetanga me te whakamanatanga, nō te mea, nō nā noa nei tā rātou tono kia tukuna ki Te Mana Tohu Mātauranga o Aotearoa. Ka whakarato ngā kaiako i te whānuitanga o ngā tūmomo wheako ako mō ngā tauira, i roto i te akomanga, ā, ki tua atu hoki. Kua whakatakotohia tētahi pūkete mō te āhua o te tauira i tana putanga i te kura. E arahina ana ngā tauira, kia kōkiri rātou i ā rātou ake akoranga mā te pakirehua. E whakatairanga ana te whakamahinga o ngā taputapu matihiko ā-ipurangi i te ako a ngā tauira. Kei te ngana ngā tauira ki te ako, ā, kei te harikoa hoki ō rātou āhua ki tō rātou taiao ako.
Me whakatere i te ahu whakamua me ngā paetae a ngā tauira i tautuhia ai, arā, ko rātou o ngā tauira kāhore e eke ana ki ngā taumata e tūmanakohia ana. E tohu ana ngā hōtuku whakapuakitanga, he tino hakahaka ngā taumata reo matatini, taumata pāngarau hoki o te nuinga o ngā tauira i tā rātou tīmatanga ki te kura. Kua tīmatahia te whakatinanatanga o te hōtaka tūāpapa mō te Tau 9 me te Tau 10. Ko tā te hōtuku whāinga, he whakatakoto i ngā tūāpapa kia whakatutukihia e ngā tauira te taumata tuatahi o Te Taumata Mātauranga ā-Motu kua Taea. Engari, me nahanaha ake te aronga, kia wawe te whakatutukitanga, te whakaterenga, me te pūrongo atu hoki i ngā paetae a ngā tauira katoa i roto i te reo matatini me te pāngarau.
E noho pāhekeheke ana te pūmau tonutanga o te kura. Ahakoa e ū ana ngā rangatira whakahaere ki te tupu me te rōnakitanga o te kura, he tokoiti tonu te tatauranga i te rārangi ingoa. Kāhore e taea e te kura te āta kapo atu me te whakauru i te tini o ngā tauira i te hapori kāhore e āta whai wāhi atu ana ki te mātauranga. Ko te tirohanga a te hapori ki te kura e whakapāhunu i te whakauruuru mai. Ko te kaha taetae atu a ngā tauira ki te kura i ia te wā, tētahi wero moroki. Tērā ētahi mahi i whakatutukihia ai ki te whakapiki ake i te tatauranga tauira, engari kāhore he whakaurutanga anō i puta ake ai i aua mahi. Ko te whakawhanake i tētahi tino rautaki me tētahi mahere whakatinana, ka whakapiki ake i te tatauranga o te rārangi ingoa o te kura, ā, ka āta whakapūmau i te rōnaki tonutanga mō meāke nei.
I te wā o te aromātai, i tirohia e Te Tari Arotake Mātauranga ngā pūnaha mō te whakahaeretanga o ngā wāhanga e whai ake nei:
te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
te haumaru ā-tinana o ngā ākonga
te rēhitatanga o ngā kaiako
ngā tukanga ki te whakatū kaimahi
te whakaunu, te aukati, te pana me te whakarerenga
te tae ā-tinana atu a ngā ākonga ki te kura
ngā kaupapa here o te kura, me te whakatutukitanga o ērā i ngā tikanga e pā ana ki te Children’s Act 2014.
Rita Walker
Toka ā Nuku Whakakapi
Te Uepū-a-Motu – Māori Services
05 Paengawhāwhā, 2023
|
Te tūwāhi |
Kei Tūranga-nui-a-Kiwa |
|
Te tau a te Tāhuhu o te Mātauranga |
881 |
|
Te tūmomo kura |
He kura āhuatanga motuhake |
|
Te tokomaha o ngā ākonga o te kura |
10 |
|
Ngā hononga ā-iwi |
Māori 10 |
|
Ngā āhuatanga motuhake |
Kura Motuhake |
|
Te wā i te kura te rōpū arotake |
Whiringa-ā-rangi 2022 |
|
Te wā o tēnei pūrongo |
05 Paengawhāwhā, 2023 |
|
Ngā pūrongo o mua a |
Koia nei te arotake tuatahi |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for hapū and iwi.
“Turanga Ararau
Turanga Makaurau
Turanga a Mua
Turanga Tangata Rite”
Tūranga Tangata Rite is situated at Te Whare Matatuahu a shared site with Tūranga Ararau Iwi Tertiary provider. Te Rūnanga o Tūranganui a Kiwa as the Proprietor entered into an integration agreement to establish a state integrated co-educational secondary school from Years 9-11. The marau pāhekoheko learning cycle is inclusive of Mātauranga ā Iwi and STEAM subjects.
Tauira are developing skills and knowledge to begin to experience educational success.
The Proprietors are better positioned to realise their aspirations for their people. The intention was to provide an educational facility that would cater to tauira who were disengaged in English medium schools. Significant staffing challenges in 2021 have led to a review of pedagogy and operations. They recognised the need to have a greater focus on local Mātauranga Māori and reshaped the curriculum. They support the kura to ensure that iwi pūrakau are embedded, providing kaiako and tauira with authentic learning experiences. Tauira are strengthening their identity and belonging.
The Establishment Board of Trustees (EBoT) are becoming familiar with their roles and responsibilities. They meet regularly to discuss governance matters. Policies and procedures are in place and are reviewed regularly. Tauira voice is encouraged, and the EBoT are currently going through the process of electing a tauira representative. The EBoT is seeking support to begin the process of electing their first Board of Trustees. While the annual and strategic plans are in place, they are further being developed to align with iwi aspirations. The staffing changes and the COVID-19 pandemic have impacted on achieving annual targets. Strengthening whānau relationships and participation is an ongoing priority. Tauira are building their confidence and willingness to engage in learning.
Leadership within the kura is inclusive and collaborative. There is a distributive model in place. The Tumuaki models expectations for kaimahi and tauira. There is a deliberate approach in creating a learning environment focussed on fostering tauira identity as proud members of their hapū and iwi. There has been progress made in the development of the kura curriculum and is in its early stages of implementation. There is a reflective culture with a focus on improvement. A professional growth cycle is in its early stages of development. Tauira wellbeing is prioritised. Whanaungatanga and manaakitanga underpin all relationships. The facilities and services provided by the Tūranga Ararau Tertiary provider are utilised to support tauira. Tumuaki and Kaiako work collaboratively as a team to respond appropriately to tauira needs. Tauira are at the heart of all decision making.
Kaiako are flexible and committed to creating programmes that meet the needs of tauira. Kaiako work with tauira and whānau to design individual learning plans to support them in developing their future pathways and careers. Monitoring and tracking processes in place for NCEA credits gained. The Principal’s Nominee works with Tūranga Ararau Tertiary for moderation and accreditation purposes as their application to NZQA has just been submitted. Kaiako provide a range of learning experiences for tauira both inside and outside the classroom. A graduate profile has been established. Tauira are being guided to lead their own learning through inquiry. The use of online digital tools enhances tauira learning. Tauira are engaged and appear happy in their learning environment.
There is a need to accelerate the progress and achievement of tauira identified as not achieving at their expected level. Baseline data shows most tauira arrive with very low levels of literacy and numeracy. The Years 9 and 10 foundation programme is in its early stages of implementation. It aims to provide tauira with the foundations for achieving NCEA level one. However, a more deliberate approach needs to be taken to urgently address, accelerate and report tauira achievement in literacy and numeracy for all tauira.
The viability of the kura is questionable. While the proprietors are committed to the growth and sustainability of the kura, roll numbers have remained low. The kura has not been able to attract and enrol the large number of disengaged tauira in the community. The community perception of the kura discouraged potential enrolment. Tauira attending regularly is an ongoing challenge. There has been some action taken to increase roll numbers, however, this has not led to further enrolments. Developing a clear strategy and implementation plan will increase the kura roll to ensure future viability.
During the evaluation, ERO checked at the following areas:
emotional safety of students (including prevention of bullying and sexual harassment)
physical safety of students
teacher registration
processes for appointing staff
stand-downs, suspensions, expulsions, and exclusions
attendance
school policies in relation to meeting the requirements of the Children’s Act 2014.
Rita Walker
Acting Toka-ā-Nuku – Director
Te Uepū ā-Motu – Māori Review Services
5 April 2023
|
Location |
Gisborne |
|
Ministry of Education profile number |
881 |
|
Kura type |
Special Character |
|
Kura roll |
10 |
|
Ethnic composition |
Māori 10 |
|
Special features |
Kura Motuhake |
|
Review team on site |
November 2022 |
|
Date of this report |
5 April 2023 |
|
Most recent ERO report(s) |
First time review |