Ngā Whakaaturanga
E tū ana Te Kura Kaupapa Māori o Te Ōrini ki Ngāti Awa ki Whakatāne. E whakawhanake ana ngā ākonga i ngā pūkenga ki te tū pakari me te tū rangatira hei raukura mō tō rātou iwi. He pakari te nuinga o ngā ākonga ki te whakawhiti kōrero mā te reo Māori. E arotahi ana te whānau ki te whakapai ake i te kounga o ngā hōtaka akoranga, hei painga mō ngā ākonga katoa. E noho ngākau nui ana rātou ki te whakawhanake tonu i ia te wā i ā rātou whāinga rautaki, hei āta whakatau i te whakatutukitanga o ngā putanga ako mā ngā ākonga.
Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Ōrini ki Ngāti Awa i roto i te kotahi ki te rua o ngā tau, arā, ko Te Pupuketanga.
1 Te Horopaki
E tū ana Te Kura Kaupapa Māori o Te Ōrini ki Ngāti Awa, ki te tāone o Whakatāne. Mai i te tau 2017, kua pā mai ngā rerekētanga nui ki te whānau. Ko ētahi o aua tūāhuatanga, ko te hūnuku ki tētahi wāhi hou, ko te tū tuatahi o tētahi tumuaki whakaako, ko tētahi poari kaitiaki hou, me te whakatūnga o ngā kaiako tiwhikete tōmua tokotoru. E ako tonu ana ngā mema o te poari i ō rātou tūranga me ā rātou kawenga mahi hei kāwana i te kura. Kei te whakarato te kura i te mātauranga o Te Aho Matua mō ngā ākonga o ngā tau 1 ki te 8 (kura tēina) me ngā tau 9 ki te 12 (wharekura). Kei raro te wharekura i te maru o Te Kura Kaupapa Māori o Whakarewa i Te Reo ki Tūwharetoa.
Ko ngā wawata o te whānau me ngā kaimahi ngā mātāpono taketake o te kura, e kīa nei, ko Ngā Pou e Whā. Ko aua pou e whā, ko te Hāhi Ringatū, ko te Whānau, ko Te Aho Matua, ko Ngāti Awa.
2 Te Tino Uaratanga
He pēhea rawa te tū pakari, te tū rangatira o ngā ākonga hei raukura mō tō rātou iwi?
E whakawhanake ana ngā ākonga i ngā pūkenga me ngā mōhiotanga e hāpai ana i a rātou ki te tū pakari me te tū rangatira hei raukura mō tō rātou iwi.
Te Ira Tangata
Kei te harikoa, kei te tūmāia hoki te āhua o ngā ākonga i te taiao ako o tō rātou kura. I te tino nuinga o te wā kei te whakaute tētahi i tētahi, ā, ka whakatau anō hoki rātou i ngā manuhiri ka taetae mai ki te kura. Ko te hōtaka ārahi whanonga o te kura whānui e hāpaitia ana e PB4L rāua ko Te Tohu o Te Ora o Ngāti Awa. Ko te takune a te kura katoa, ko te poipoi i te ako o ngā karakia Ringatū, me te ū pūmau o ngā ākonga ki ō rātou tūranga me ā rātou kawenga hei kaitiaki.
Te Reo
Ka kōrero te nuinga o ngā ākonga i te reo Māori, ā, i tō rātou reo ā-iwi o Mātaatua. Kei te kounga kairangi te reo e whakatauirahia ana e ngā kaimahi, te whānau, me ngā kaumātua, ā, ko ngā hanganga reo ōkawa, ōpaki anō hoki o Ngāti Awa ake tēnā e whakapuakihia ana. E whakarato ana ngā kaiako i tētahi hōtaka e akiaki ana i ngā ākonga ki te whakawhitiwhiti whakaaro mā te reo Māori. E noho pūmau ana rātou ki te whakarato i te whānuitanga o ngā tūmomo tāera o te reo Māori, hei whakahōhonu ake, hei whakawhānui ake hoki i ngā mōhiotanga me ngā pūmanawa o ngā ākonga. Ka tāutuhia ngā ākonga e mau ana i te iti noa o te reo, ā, ka whakahāngai i te tautoko ka riro i a rātou, mai i ngā kaiāwhina me ngā tuākana.
Ko ngā ākonga kei te matatau ake ki te reo Māori, ka āta whakawhitiwhiti whakaaro mā te reo Māori, i roto i te whānuitanga anō o ngā tūmomo horopaki. Ka aro pū ki te whakawhanake i te reo ake e pā ana ki te taiao, te pāngarau, me te pūtaiao. E whakapuaki ana ngā mōteatea o te hapori nei me ngā karakia Ringatū i te reo me ngā hītori o Mātaatua mā ngā ākonga. E whanake ana te mātau o ngā ākonga ki te kōrero i te reo o Mātaatua.
Āhuatanga Ako
E hāpaitia ana te ako a ngā ākonga. Ka aro pū ki te whakapakari ake i te whanonga pai a ngā ākonga. Kei te mārama ngā kaiako ki te whai pānga o tēnei ki ngā paetae ākonga me tā rātou eke angitu. He aronga ā-kura ki te whakatairanga i te ako e whai hua ana, mā ngā horopaki tūturu. Kua whakawhānui ake te taiao ako ki tua atu kē o te akomanga. Ka whakanui, ka whakatairanga hoki te whānau i te eke angitu i roto i ngā hākinakina, ā, i roto hoki i ngā mahi ahurea pērā i te kapa haka, hei whakahihiko i te angitu tonu o ngā ākonga ki ētahi atu wāhanga ako. Ka whakawhānui ake rātou i ngā wheako ako a ngā ākonga mā ngā huarahi ako, ā, mā te toro atu ki ngā tūmomo ratonga umanga o Ngāti Awa. Ka kitea Ngā Pou e Whā ki ngā mahere me ngā whakaritenga. Ka whakapuaki ngā kaiako i ngā mātauranga ā-iwi hei whakatinana ake i te hōtaka akoranga. Ka āta whakatakatū ngā ākonga mō te whakawhiti atu i te Tau 8 ki te Tau 9. Ka riro i ngā kaiako ngā whai wāhitanga ki te whakawhānui ake i ō rātou pūkenga, hei whakatairanga ake i te kounga o tā rātou whakapuaki i te marau e pā ana ki te hangarau matihiko, ki te reo matatini, ki te pāngarau. E whanake ana ngā ākonga i te whakahihikotanga, ā, kei te mārama rātou ki te angitu.
Wharekura
E hāpaitia ana te whakawhanaketanga o ngā ākonga wharekura i ngā pūkenga mō ngā huarahi kei mua tonu i a rātou. E ū pūmau ana te whānau ki te whakarato i te mātauranga wharekura ki ngā ākonga, ki tō rātou kura tonu. Ka ārahi te tumuaki i te wharekura mā te tautoko hoki o tō rātou kura tuakana. Ka whakaratohia ngā whai wāhitanga mō ngā ākonga ki te uru atu ki ngā hōtaka e pā ana ki ngā huarahi umanga, mā te ārahitanga anō hoki o te Kura Tuakana. Ka whakaemihia ngā hōtuku aromatawai e pā ana ki ngā paetae ākonga. Ka pūrongotia aua hōtuku ki te whānau mā ngā pūrongo ā-tau o te kura.
Ngā wāhanga i tāutuhia ai e te kura hei whakawhanake ake
Kāhore ngā putanga ako o ngā ākonga e āta tāutuhia ana. Kua tāutuhia e te tumuaki e tika ana kia whakapaitia ngā mahi aromatawai puta noa i te kura. Ko tētahi āhuatanga matua o te whakawhanaketanga, ko te whakapiki ake i te mōhiotanga me te māramatanga o ngā kaiako ki te ahu whakamua a ngā ākonga, me ngā whakaritenga e pā ana ki te aromatawai. He whāiti noa tō rātou māramatanga ki ngā mahi e tātari ai i ngā mōhiohio e pā ana ki ngā putanga ako. Kāhore e taea e rātou te tāutu tika ngā matea ako ake o ngā ākonga, heoi, kāhore e taea rānei te hōtaka akoranga te panoni haere hei whakatutuki i aua tūāhuatanga.
Kāhore i te tino tau te ritenga o te wharekura ki te whakapuaki i te hōtaka e tika ana mō ngā Taumata 1 ki te 3 o Te Taumata Mātauranga ā-Motu kua Taea. Kāhore anō rātou kia whakariterite mō te rāngai tuatahi o te Tau 13 ka tīmata ā te tau 2019. Kotahi te kaiako i te wharekura, ā, e tika ana kia whai tautoko ake i roto i ngā whakaakoranga. E noho pūmau ana te whānau ki te whakawhanake i ngā tukanga ka whakapai ake i te āhua o ā rātou mahi e aru ana, e pūrongo ana hoki i te ahu whakamua me ngā whakatutukitanga. E whakamōreatia ana ngā matea ako ake o te ākonga.
3 Te Arotake Whaiaro me te Ārahitanga
Te Ārahitanga
He aronga ngātahi tā te whānau ki te whakapuaki i te kounga o ngā hōtaka akoranga mā te reo Māori. Ka mahi ngātahi ki te hāpai i te whakawhanaketanga o te marautanga. E mōhio ana rātou, e tika ana kia wawe te hāngai pū o te titiro ki te whakapakari ake i te āheinga o ngā kaiako, ā, ki te rapu hoki i te tautoko ngaio mō te tumuaki.
Hei whakatutuki i te whāinga, me haere tonu ngā mahi whakamahere, te ārahitanga, me te tautoko hei āta whakatau i te:
- tautoko tika mō ngā kaiako tiwhikete tōmua kia riro i a rātou te tiwhiketetanga tūturu
- whakapikitanga ake o te mōhiotanga me te māramatanga o ngā kaiako, hei whakapai ake i te kounga o te ako a ngā ākonga
- whakamahinga o ngā hōtuku ākonga ki te whakatinana i ngā mahere ki ngā akomanga me ngā taumata ako ā-kura
- whakawhanaketanga o ngā rautaki ka kōkiri ake i te ahu whakamua o ngā ākonga i roto i ngā wāhanga e tika ana
- tāutu o ngā kaupapa matua ā-tau, hei hāpai i te whakamaheretanga mō meāke nei
- whakatinanatanga i ia te wā o te aromātai o roto e whai hua ai.
He mea nui kia whakaratohia e te poari te tautoko tonutanga ki te tumuaki, hei hāpai i te noho riterite o tōna tūranga ārahi e hāpai ana i te whakapuakitanga o ngā kaiako i te kounga o mātauranga ki ngā ākonga, me tana whakahaeretanga anō hoki i ngā herenga ā-ture ki te kura. Kua tāutu hoki te tumuaki, e tika ana kia wawe te whakawhanaketanga ngaio kia pakari ai, kia mātau ai hoki tōna tupu tonu i roto i tōna tūranga ārahi ngaio.
E whakaae ana te kura ki te toro atu ki te tautoko o Te Rūnanga Nui o Ngā Kura Kaupapa Māori o Aotearoa, hei whakapiki ake i tō rātou mōhiotanga me tō rātou māramatanga ki ngā kawenga kāwana. E mōhio ana rātou, e tika ana kia haere tonu te aromātai o roto i ia te wā, puta noa i te katoa o ngā wāhanga whakahaere.
4 Te Whakatau a te Whānau ki ngā Wāhanga Tautukunga
I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:
- ngā whakahaere a te poari
- te marautanga
- ngā whakahaere mō te hauora, te haumaru, me te oranga tinana
- ngā whakahaere o ngā kaimahi
- ngā whakahaere o te pūtea
- ngā whakahaere o ngā rawa me ngā taonga.
I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:
- te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
- te haumaru ā-tinana o ngā ākonga
- te rēhitatanga o ngā kaiako
- ngā tukanga ki te whakatū kaimahi
- te whakaunu, te aukati, te pana me te whakarerenga
- te tae ā-tinana atu a ngā ākonga ki te kura.
Kia tutuki i te whānau ngā herenga ā-ture, me tahuri rātou ki te:
- whakarite i tētahi hōtaka arotake whaiaro e haere tonu ana i ia te wā, puta noa i ngā wāhanga katoa o ngā whakahaeretanga
[Ngā Aratohu Whakahaere Mātauranga ā-Motu 2(b), Ture Mātauranga 1989]
- arohaehae i te tumuaki i ia tau, i ia tau, mā ngā taumata ngaio katoa e pā ana ki ngā tumuaki
[s77c Te Ture Kaimahi Kāwanatanga 1988, Te Kahiti o Aotearoa me ngā Kirimini ā-tōpū mō te Whiwhi Mahi e whai pānga ana]
- whakatinana i tētahi pūnaha ka arohaehae i ia te wā, ā, i ngā whakaratonga hoki e pā ana ki te whakawhanake ngaio.
[s77c Te Ture Kaimahi Kāwanatanga 1988, Te Kahiti o Aotearoa me ngā Kirimini ā-tōpū mō te Whiwhi Mahi e whai pānga ana]
5 Ngā Taunakitanga
E taunaki ana te Tari Arotake Mātauranga kia tahuri te whānau ki te:
- whai wāhi atu ki ngā kaupapa whakangungu me te tautoko ngaio anō hoki o Te Rūnanga Nui o Ngā Kura Kaupapa Māori o Aotearoa, hei āta whakatau i ngā putanga e whai hua ai ki ngā ākonga
- toro atu ki te tautoko me te ārahitanga e tika ana, hei hāpai i ngā kaiako tiwhikete tōmua ki te ahu whakamua tonu ki te whakatutuki i ā rātou tiwhikete tūturu
- āta whakariterite ki te whakapuaki i ngā whakaakoranga ki ngā reanga katoa o te wharekura
- whakapakari ake i ngā whakaritenga me ngā pūrongo e pā ana ki te aromātai o roto – inarā, ki ngā paetae ākonga.
Te Whakarāpopototanga
E tū ana Te Kura Kaupapa Māori o Te Ōrini ki Ngāti Awa ki Whakatāne. E whakawhanake ana ngā ākonga i ngā pūkenga ki te tū pakari me te tū rangatira hei raukura mō tō rātou iwi. He pakari te nuinga o ngā ākonga ki te whakawhiti kōrero mā te reo Māori. E arotahi ana te whānau ki te whakapai ake i te kounga o ngā hōtaka akoranga, hei painga mō ngā ākonga katoa. E noho ngākau nui ana rātou ki te whakawhanake tonu i ia te wā i ā rātou whāinga rautaki, hei āta whakatau i te whakatutukitanga o ngā putanga ako mā ngā ākonga.
Hei ā hea Te Tari Arotake Mātauranga arotake anō ai i te kura?
Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Ōrini ki Ngāti Awa i roto i te kotahi ki te rua o ngā tau, arā, ko Te Pupuketanga.
Charles Rolleston Toka ā-nuku
19 Hakihea, 2018
Ngā Kōrero e pā ana ki te kura
|
Te tūwāhi
|
Kei Whakatāne
|
|
Te tau a te Tāhuhu o te Mātauranga
|
719
|
|
Te tūmomo kura
|
He kura tuatahi (Tau 1 – 8)
|
|
Te tokomaha o ngā ākonga o te kura
|
30
|
|
Te ira tangata
|
Kōtiro 17
Tama tāne 13
|
|
Ngā hononga ā-iwi
|
Māori
|
100%
|
|
Ngā āhuatanga motuhake
|
Te Aho Matua
|
|
Te wā i te kura te rōpū arotake
|
22 Whiringa-ā-nuku 2018
|
|
Te rā o tēnei pūrongo
|
19 Hakihea, 2018
|
|
Ngā pūrongo o mua a Te Tari Arotake Mātauranga
|
Arotake Whakareri
Arotake Whakatū
Arotake Whakatū
|
2013
2007
2002
|
Findings
Te Kura Kaupapa Māori O Te Ōrini is in Whakatāne. Students are developing skills to exemplify the hopes and aspirations of their people. Most students communicate confidently in te reo Māori. The whānau are focussed on improving quality learning programmes for all students. They are committed to ongoing development of their strategic goals to ensure that learning outcomes for students are achieved.
The next ERO review of Te Kura Kaupapa Māori o Te Ōrini ki Ngāti Awa will be over the course of one-to-two years - Te Pupuketanga – Development Evaluation.
1 Context
Te Kura Kaupapa Māori o Te Ōrini ki Ngāti Awa is based in Whakatāne. The whānau has experienced significant changes since 2017. These include relocation to a new site, a first-time teaching principal, a new board of trustees and the appointment of three provisionally-certificated teachers. Members of the board of trustees are still learning their governance roles and responsibilities. The kura provides Te Aho Matua education for students in Years 1 to 8 (kura teina) and in Years 9 to 12 (wharekura). The wharekura is a satellite under Te Kura Kaupapa Māori o Whakarewa i Te Reo ki Tūwharetoa.
The kura is founded on the aspirations of the whānau and kaumātua which are referred to as Ngā Pou e Whā. These four pou represent Te Hāhi Ringatū, Te Whānau, Te Aho Matua and Ngāti Awa.
2 Te Tino Uaratanga
To what extent do students exemplify the hopes and aspirations of their people?
Students are developing skills and knowledge to support them to exemplify the hopes and aspirations of their people.
Te Ira Tangata
Students appear happy and confident in their kura learning environment. They, by and large, respect each other and welcome visitors into the kura. The school-wide student behaviour guidance programme is supported by PB4L and Ngāti Awa Health support. There is a kura-wide intention to foster learners of karakia Ringatū and to uphold their roles and responsibilities as kaitiaki.
Te Reo
Most students speak te reo Māori using the local dialect of Mātaatua. Staff, whānau and kaumātua are high quality role models for both formal and informal language structure and style of Ngāti Awa. Kaiako provide a programme that encourages students to communicate in te reo Māori. They are committed to providing students with a wide range of te reo Māori genre to extend and broaden student knowledge and capability. Students with limited language are identified and targeted support is provided by kaiāwhina and tuākana.
The more able students communicate confidently in te reo Maori in a range of contexts. There is a deliberate approach to developing language specific to te taiao, pāngarau and pūtaiao. Local mōteatea and Ringatū karakia provide students with the language and history of Mātaatua. Students are developing competence as speakers of the Mātaatua dialect.
Āhuatanga Ako
Students learn in a supportive environment. There is an emphasis on building positive behaviour in students. Kaiako understand how this links to student achievement and success. There is a kura-wide focus on promoting positive learning in authentic contexts. The learning environment goes beyond the classroom. Whānau acknowledge and promote sporting and cultural success in kapa haka to motivate student success in other areas. They extend learning experiences for students through learning pathways and utilising Ngāti Awa agency groups. Ngā Pou e Whā are evident in planning and practice. Kaiako utilise iwi knowledge to inform the learning programme. Students are purposefully prepared for transition from Year 8 to Year 9. Teachers are provided with opportunities to grow their skills to raise the quality of curriculum delivery in hangarau matihiko, te reo matatini and pāngarau. Students are developing motivation and understanding of success.
Wharekura
Wharekura students are supported to develop skills for their future. The whānau are committed to providing wharekura education for students on their site. The tumuaki leads the wharekura with the support from their kura tuakana. Students are provided opportunities to participate in Vocational Pathways programmes also under the guidance of the kura tuakana. Assessment data is collected on student achievement. These are reported to whānau through annual school reports.
Kura-identified areas of development
Student learning outcomes are not clearly defined. The tumuaki has identified the need to improve assessment practices kura-wide. A key area for development is increasing the knowledge and understanding of kaiako in student progress and assessment practices. They have limited understanding of how to analyse learning outcome information. They are not able to accurately identify students’ additional learning needs and modify the learning programme in response.
The wharekura is not positioned well to deliver an appropriate programme for NCEA Levels 1 to 3. They have not prepared for the first intake of Year 13 in 2019. The sole wharekura kaiako requires additional teaching support. The whānau are committed to developing processes to improve the way they track and report progress and achievement. Student individual learning needs are compromised.
3 Self Review and leadership
The whānau has a collective focus on delivering quality learning programmes in te reo Māori. There is a collaborative approach to support curriculum development. They are aware of the need and priority to build kaiako capability and seek professional support for the tumuaki.
To achieve the goal, further planning guidance and support is needed to ensure:
- provisionally-certificated kaiako are appropriately supported to gain full registration
- increasing kaiako knowledge and understanding to improve quality of student learning
- student data is used to inform classroom planning and school-wide learning targets
- strategies are developed to accelerate student progress where needed
- annual priorities are identified to support forward planning
- effective and regular internal evaluation is implemented.
It is imperative that the board of trustees provides ongoing support for the tumuaki to balance his leadership role in supporting his staff to delivering quality education for students and managing the administration of compliance in the kura. The tumuaki has also identified that urgent professional development is required to support him to grow confidently and competently in his professional leadership role.
The whānau and board agree to seek support from Te Rūnanga Nui o Ngā Kura Kaupapa Māori o Aotearoa to increase their knowledge and understanding of the governance role. They acknowledge the need for ongoing internal evaluation across all areas of operation.
4 Whānau assurance on legal requirements
Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:
- board administration
- curriculum
- management of health, safety and welfare
- personnel management
- financial management
- asset management.
During the review, ERO checked the following items because they have a potentially high impact on student achievement:
- emotional safety of students (including prevention of bullying and sexual harassment)
- physical safety of students
- teacher registration
- processes for appointing staff
- stand-downs, suspensions, expulsions and exclusions
- attendance.
In order for the whānau to meet compliance requirements, they must:
- establish an ongoing programme of self-review across all areas of operations
[National Administration Guideline 2(b) 1989 Education Act]
- annually assess the principal against all professional standards for principals
[s77c State Sector Act 1988 New Zealand Gazette and relevant Employment Agreement]
- implement a system of regular appraisal and provision for professional development.
[s77c State Sector Act 1988 New Zealand Gazette and relevant Employment Agreement]
5 Recommendations
ERO recommends that the whānau:
- engage in training and support from Te Rūnanga Nui o Ngā Kura Kaupapa Māori o Aotearoa to ensure positive outcomes for students
- seek appropriate support and guidance for PRT’s towards their registration
- ensure readiness for delivery to all levels in the wharekura
- strengthen internal evaluation practices and reporting – particularly in the area of student achievement.
Conclusion
Te Kura Kaupapa Māori O Te Ōrini is in Whakatāne. Students are developing skills to exemplify the hopes and aspirations of their people. Most students communicate confidently in te reo Māori. The whānau are focussed on improving quality learning programmes for all students. They are committed to ongoing development of their strategic goals to ensure that learning outcomes for students are achieved.
When is ERO likely to review the kura again?
The next ERO review of Te Kura Kaupapa Māori o Te Ōrini ki Ngāti Awa will be over the course of one-to-two years - Te Pupuketanga – Development Evaluation.
Charles Rolleston Toka ā-nuku
19 December 2018
Information about the Kura
|
Location
|
Whakatāne
|
|
Ministry of Education profile number
|
719
|
|
Kura type
|
Full Primary (Year 1 to 8)
|
|
Kura roll
|
30
|
|
Gender composition
|
Girls 17
Boys 13
|
|
Ethnic composition
|
Māori
|
100%
|
|
Special features
|
Te Aho Matua
|
|
Review team on site
|
22 October 2018
|
|
Date of this report
|
19 December 2018
|
|
Most recent ERO report(s)
|
Establishment Review
Establishment Review
Readiness Review
|
2002
2007
2013
|