Te Kōhanga Reo O Ngāti Hāmua

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

Ko Rangitūmau te maunga
Ko Ruamāhanga te awa
Ko Ngāti Hāmua te hapū
Ko Rangitāne te iwi
Ko Kurahaupō te waka
Ko Kaikōkirikiri te pā

E tū ana Te Kōhanga Reo o Ngāti Hāmua ki Whakaoriori, ki Wairarapa. E tū ana te kōhanga reo ki te taha o te marae o Rangimārie. He pakari, he motuhake hoki te taiao ako ā-whānau o ngā mokopuna. Ko tō te whānau wawata, kia ngākau titikaha ā rātou mokopuna ki te reo Māori, ki ngā tikanga Māori, ā, ki te mātauranga Māori hoki.

3 Te Aronga o te Aromātai

He pēhea rawa te whakapuakitanga a ngā mokopuna i tō rātou māramatanga ki te whanaungatanga?

Ka whai hua, ka whai pūtake hoki ngā hononga me ngā taunekeneke a ngā mokopuna ki ētahi atu.

4 Ngā Whakaaturanga

Ka ākina, ka poipoia hoki ngā hononga o ngā mokopuna mā roto mai i te taiao ako e tautoko ana i a rātou. Ka whakatauira ngā kaimahi i te ārahitanga papai, he ngāwari ō rātou āhua, ā, ka whai wāhi atu ki ngā mokopuna mā ngā huarahi ngahau. E ākina ana te whai whakaaro nui o ngā tuākana, i a rātou e pā tata ana ki ō rātou tēina. Ka menemene, ka katakata hoki ngā pēpi, i a rātou e whakapuaki ana i a rātou anō. Ka āta whakatutukihia ō rātou matea e ngā kaimahi, ā, ka hāpai anō ngā kaimahi i tā rātou taunekeneke atu ki ō rātou tuākana. Ka toro atu ngā kaimahi ki te whānuitanga o ngā tūmomo rautaki e hāpai ai i ngā mokopuna ki te whakapakari haere i tō rātou māramatanga me tā rātou whakamahinga o te reo Māori. Ko ētahi o aua rautaki, ko te whakawhitiwhiti kōrero, te patapatai, te whāngai kupu, me te tohutohu. Kua waia ngā mokopuna ki ngā tikanga e hāngai nui ana ki te whanaungatanga. Kei te mōhio rātou ki te whānuitanga o ngā tūmomo karakia, ngā tūmomo mihimihi, me ngā tūmomo mōteatea. He ngākau titikaha ō ngā tuākana ki te whakamahi i tēnā o te reo Māori e mōhiotia ana e rātou. Ka taea e rātou ngā whakawhitinga kōrero te whakapuaki ki te taha o ngā kaimahi, ā, ki waenga hoki i a rātou anō. Ka aro atu ngā kaimahi ki ngā mokopuna, mā te atawhai me te māramatanga. E tino tautokona ana ngā mokopuna, ā, kei te whakawhanake i ngā uara o te manaaki, te aroha, me te tiaki mō rātou anō, ā, mō ētahi atu hoki.

He taunga, he ngākau titikaha hoki ō ngā mokopuna i a rātou e whai wāhi atu ana ki ngā akoranga. Ka hāpai ngā kaimahi i ngā mokopuna ki te ako me te tākaro ki te taha o ētahi atu. Kei te wātea ngā wāhi ako katoa me ngā papa tākaro o waho ki ngā mokopuna. Ka whakarato ngā kaimahi i ngā whai wāhitanga ako me ngā wheako e whakangahau ana i te tamaiti. Kua whakaritea ngā wāhi mō ngā tuākana, ngā tēina me ngā pēpi, kia āhei ai rātou ki te tūhura mā roto mai i tētahi wāhi e whai pānga ana ki ō rātou ake reanga. Kua āta whakaritea ngā wāhi o roto, ā, he nui ngā rauemi, he muramura hoki. E whakatairanga ana ngā wāhi ako i te tākaro, i te mahi auaha, me te tūhura. He ngāwari ngā whakawhitinga o te hōtaka akoranga, puta noa i te rā, ā, kei te mōhio ngā mokopuna ki tēnā e tūmanakohia ana. I ngā wā katoa, ka whakakoia ngā kaimahi i ngā whakatutukitanga a ngā mokopuna. He pārekareka ki ngā mokopuna te tūhura haere me te whai wāhi nui ki te taiao.

Kua pou herea ngā mahere, te aromatawai, me te aromātai a ngā kaimahi ki ngā uara o te whanaungatanga. Ko te ako a ngā mokopuna, ko tō rātou whakawhanaketanga hoki e noho mātua ana. Ka whai pūtake te mahi whakamahere, ā, kua āta waihangatia. Ka whakamahia ngā kōnae hei whakaatu i ngā tauira mahi a ngā mokopuna, tae atu ki ngā paki ako e whakatakoto haere ana i te ahu whakamua a ngā mokopuna. Ka whakamahi ngā kaimahi i te pae pāpāho pāpori me ngā whakawhitinga kōrero, ki te whakamōhio i te whānau ki ngā akoranga a ngā mokopuna me ō rātou whakawhanaketanga. Whakaaro huritao ai rātou i ia te wā ki ā rātou whakaritenga, hei whakapakari, hei poipoi hoki i ngā matea o ngā mokopuna. Ka arotake ngā kaimahi i ngā whakaritenga, ā, ka whakamahi i te aromātai hōtaka hei ine i te kounga o ngā putanga ako ki ngā mokopuna. Ko te ārahitanga ngaio o ngā kaiako, kua whai wāhi atu ki te whakatairanga ake i te kounga o ngā mahere, ngā aromatawai, me te aromātai i te hōtaka. Ka whai hua ngā mokopuna nā ngā whakaritenga whakatōpū kua pou herea ki te whanaungatanga.

Ka noho te whanaungatanga ki te pūtake o ngā mahi whakahaere a te whānau ki te kōhanga reo. Kei te tūtohinga te hītori o te kōhanga reo, ā, ka ārahi, ka whakatakoto huarahi hoki. Ka whakamahi te whānau i te whānuitanga o ngā tūmomo tukanga ki te aroturuki me te pūrongo i ngā whakahaeretanga. Ka whai mōhiohio ngā meneti o ngā hui, ā, he matawhānui hoki. Kua whakatakotohia ngā kaupapa here me ngā tukanga e pā ana ki te hauora me te haumaru, ā, e hāngai ana ki ngā herenga ā-ture o te wā. Whakahaere ai ngā kaimahi i ngā whakaritenga hōneatanga ohotata i ia te wā.

Ka whakamōhiotia te mahere rautaki a te whānau ki Te Ara Tūāpae, ā, ka whakatakoto i te aronga o te kōhanga reo mō meāke nei. Ko ngā kaupapa matua o te pae tata me te pae tawhiti, e ārahi ana i te tirohanga me ngā wawata o te whānau mō ā rātou mokopuna.

Ko ngā whakaritenga mō te whakahaeretanga o ngā kaimahi, e hāpai ana i tō rātou tupu me tō rātou whakawhanaketanga. E āta whakamārama ana ngā kirimana mahi me ngā tuhinga tūranga mahi i ngā kawenga e tūmanakohia ana. Ka arotahi ngā arohaehae mahi ki te whakatairanga ake i ngā mōhiotanga ki te waiora o ngā mokopuna, me te whakapakaritanga ake o ngā pūmanawa o ngā kaimahi ki te ārahi. E whakatakoto ana te mahere ā-tau i ngā mahi whakahaere whānui, ā, i ngā wā hoki e tika ana kia whakatutukihia.

Ngā Whakaritenga Matua ka whai ake 

Kia whakatairanga tonu te whānau i te aromātai o roto, kia puta ai ngā tino mōhiohio e whai wāhi atu ana ki ngā whakataunga.

5 Te Whakatau a te Whānau o te Kōhanga Reo ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakatairanga tonu te whānau i tō rātou pūmanawa ngātahi.

Darcy Te Hau
Toka ā Nuku
Te Uepū-a-Motu – Māori Services

09 Whiringa ā-rangi, 2022

7 Ngā kōrero e pā ana ki te Kōhanga reo

Te tūwāhi	Kei Whakaoriori
Te tau a te Tāhuhu o te Mātauranga	64021
Te tau tohu o Te Kōhanga Reo	08H011
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	40, kia 15 ki raro i te rua o ngā tau
Te tokomaha kei runga i te rārangi ingoa	36, tokoiwa kei raro i te rua o ngā tau
Ngā hononga ā-iwi	Māori 34, Iwi kē 2
Te wā i te kōhanga reo te rōpū arotake	Here-turi-kōkā 2022
Te wā o tēnei pūrongo	09 Whiringa ā-rangi, 2022
Ngā pūrongo o mua a Te Tari Arotake Mātauranga	Arotake Mātauranga, Poutū-te-rangi 2019; Arotake Mātauranga, Hui-tanguru 2016; Arotake Tāpiri, Hakihea 2012

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for hapū and iwi.

2 Context

Ko Rangitūmau te maunga
Ko Ruamahanga te awa
Ko Ngati Hamua te hapū
Ko Rangitāne te iwi
Ko Kurahaupō te waka
Ko Kaikōkirikiri te pa

Te Kōhanga Reo o Ngāti Hāmua is based in Masterton, Wairarapa. The kōhanga reo is situated next to Te Marae o Rangimarie. Mokopuna have a strong and unique whānau-based learning environment. Whānau aspire for their mokopuna to confident in te reo Māori, tikanga Māori and mātauranga Māori. 

3 Evaluation Focus

How well do mokopuna express their understanding of whanaungatanga?

Mokopuna have positive meaningful relationships and interactions with others.

4 Findings

Mokopuna relationships are fostered and nurtured in a supportive learning environment. Kaimahi model positive guidance and they are gentle and engage with mokopuna in fun ways. Tuākana are encouraged to be mindful when around their teina. Pēpi smile and laugh as they express themselves. Their needs are well met by kaimahi who also enable them to interact with their tuakana. Kaimahi draw on a range of strategies to support mokopuna to build their understanding and use of te reo Māori. These include conversations, questions, prompts and instructions. Mokopuna are familiar with tikanga that reflect whanaungatanga. They know a range of karakia, mihimihi and mōteatea. Tuākana are confident to use what they know in te reo Māori. They are able to initiate conversations with kaimahi and each other. Kaimahi respond to mokopuna with warmth and understanding. Mokopuna are well supported and developing values of manaaki, aroha and tiaki for self and others.

Mokopuna engage in learning with familiarity and confidence. Kaimahi support mokopuna to learn and play alongside each other. Mokopuna have access to all learning spaces and outside playgrounds. Kaimahi provide learning opportunities and experiences that are fun. Designated areas for tuakana, tēina and pēpi enable them to explore in a space that is relevant for their age groups. The indoor spaces are well organised, resourced, and colourful. The learning areas promote play, creativity, and exploration. Transitions in the learning programme throughout the day are smooth and mokopuna know what is expected of them. Kaimahi constantly affirm mokopuna success. Mokopuna have fun exploring and interacting with the taiao.

Kaimahi planning, assessment and evaluation is underpinned by values of whanaungatanga. Mokopuna learning and development is a priority. Planning is purposeful and well designed. Kōnae are used to display samples of mokopuna work including learning stories that track mokopuna progress. Kaimahi use social media and discussions to inform whānau about mokopuna learning and development. They regularly reflect on their practices to strengthen and respond to mokopuna needs. Kaimahi review practice and use programme evaluation to measure quality of learning outcomes for mokopuna. The professional leadership of kaiako has contributed to lifting the quality of planning, assessment, and programme evaluation. Mokopuna benefit from collaborative practices underpinned by whanaungatanga.

Whanaungatanga is central to whānau for managing the operations of the kōhanga reo. The Tūtohinga includes the history of the kōhanga reo and provides guidance and direction. Whānau utilise a range of processes for monitoring and reporting on operations. Hui minutes are informative and detailed well. Health and safety policies and procedures are set out and align to current legislation. Kaimahi regularly conduct emergency evacuation practices.

The whānau strategic plan is informed by Te Ara Tuapae and provides future direction for the kōhanga reo. The long and short-term priorities guide the vision and aspirations whānau hold for mokopuna.

Personnel management practices support kaimahi growth and development. Employment contracts and job descriptions provide clarity of expected responsibilities. Performance appraisals focus on enhancing knowledge of mokopuna wellness and building kaimahi leadership qualities. An annual plan sets out overall operational tasks and when these are to be completed.

Key Next Steps

Whānau continue to enhance internal evaluation to provide the best information for decision making.

5 Kōhanga Whānau Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami, and pandemic.

6 Recommendation

ERO and the kōhanga reo whānau developed the following recommendation:  

• that whānau continue to enhance their collective strength.

Darcy Te Hau
Toka-ā-Nuku – Director
Te Uepū ā-Motu – Māori Review Services

9 November 2022

7 Information about the Kōhanga Reo

Location	Masterton
Ministry of Education profile number	64021
Kōhanga Reo Identification Number	08H011
Licence type	Te Kōhanga Reo / Early Childhood Centre
Licensed under	Education (Early Childhood Services) Regulations 2008
Number licensed for	40 children, including up to 15 aged under 2
Kōhanga Reo roll	36 children, including up to 9 aged under 2
Ethnic composition	Māori 34, Other 2
Review team on site	August 2022
Date of this report	9 November 2022
Most recent ERO report(s)	Education Review, March 2019; Education Review, February 2016; Supplementary Review, December 2012