168 Coutts Street, Kilbirnie, Wellington
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
‘Keo ai te auē ki nuku te apiapi, keo ai te auē ki nuku te mahara.’
Mātike e Te Kōhanga Reo o Ngā Mokopuna, he whakapake ai e te arero ki te ranga hunahuna. Kia tomokia rā e tōku reo – ka tipu, ka ora, ka Māori ai au ki te ao. Tihei mauri mokopuna! E rarau mai nei, e tau te whatumanawa ki te makuru o ngā kai mārō o te hunga tiwhewhetanga, ka puta ka ora tēnei te mokopuna ki te ao!’
E tū ana Te Kōhanga Reo o Ngā Mokopuna ki Te Awa-a-Taia, ki Te Whanganui-a-Tara. Ka whakapuakihia e te whānau tō rātou ngākau nuitanga ngātahi ki te whakatō i te reo Māori, i te mātauranga Māori, me ngā tikanga Māori kua pou herea ki Te Korowai, ki Te Whāriki a Te Kōhanga Reo, me Ngā Taumata Whakahirahira. Ka mahi ngātahi ngā kaimahi i roto i ō rātou tūranga, ā, ka arahina, ka tautokona hoki rātou e tētahi kaiārahi tautōhito.
He tino pai te māramatanga o te whānau ki te mana o te mokopuna – ā-wairua, ā-hinengaro, ā-tinana hoki, tae atu hoki ki te mātuatuatanga o te whakahaere i ngā whakaritenga ki te kōhanga reo.
E whanake ana ngā mokopuna ki te kōrero i te reo Māori. Kei te mōhiotia, kei te whakatauirahia hoki e te whānau me ngā mokopuna ngā tikanga o te pou tuatahi, arā, ‘ko te reo anake i roto i te kōhanga reo.’ Ka whakaaweawe te kōrero tūturu a ngā kaiako me ngā whānau i te reo Māori, ā, he tino tauira reo rātou mō ngā mokopuna. Ka whakamahi ngā kaiako i ngā rautaki whai hua, rautaki nahanaha hoki ki te whakapiki ake i te mātau o ngā mokopuna ki te reo. He ngākau titikaha ō ngā mokopuna ki te whakapuaki māhorahora i ō rātou whakaaro mā te iti noa o te akiaki me te āwhina. Ka kōkiri ake ngā tuākana i ngā whakawhitinga kōrero, ā, ka whakapuaki māoriori nei i te reo Māori ki ngā horopaki ōkawa me ngā horopaki ōpaki. Ka whakaatuhia e ngā pēpi me ngā tēina ō rātou māramatanga mā te reo ā-tinana, mā te āhua hoki o ō rātou kanohi, me ngā oro. Ka tūmāia ngā tuākana ki te ārahi i ngā tikanga whakatau, ā, he whai wāhitanga mō rātou ki te taki i ngā whaikōrero me te whakatau manuhiri. Kei te mōhio ngā mokopuna ki tō rātou tūranga i ngā pōhiri, ā, ka whai wāhi atu hei kaitautoko. Ka whakanuia tō rātou rangatiratanga i a rātou e pōhiri ana, e whakanoa ana hoki i ngā manuhiri. Kei te piki haere te ngākau titikaha o ngā mokopuna ki te kōrero i te reo Māori, me te tika o tō rātou reo.
Ka whai wāhi atu ngā mokopuna ki ngā akoranga e whakatairanga ana i ngā hononga. Ka whakamahi ngā kaiako i ngā rautaki auaha e hāpai ana i te whai māramatanga o ngā mokopuna ki ngā hononga ki waenga i ngā atua, i ngā tāngata, i ngā mea ora, me tō rātou taiao. Ka tuitui rātou i ngā karakia me ngā whakamoemiti ki ngā akoranga o ia rā, ā, he pakari ngā mokopuna ki te taki i ngā karakia mā roto mai i ngā tūmomo horopaki. E ākina ana te noho whakaute o ngā mokopuna ki ngā atua Māori, ā, mā tēnā, ka poipoia hoki ngā hononga ā-wairua. Ka whakatauira ngā kaiako i te whanaungatanga, te manaakitanga, me te aroha. He tūāhuatanga e hāpai ana i ngā mokopuna ki te kōkiri i ngā hononga whakaute e whai pūtake ana ki te taha o ētahi atu. Ka whakaarohia te Whaioranga o te Mokopuna, i ngā kaimahi e aro nui ana ki ngā matea me te haumarutanga o ngā mokopuna. Ka whakatairangatia, ka matapoporetia te kiritau o ngā mokopuna mā te whakamihi me te whakanui i ia te wā. He manawa whakahī ō rātou mō ā rātou whakatutukitanga, ā, ka whakapuaki i ērā ki ētahi atu. Ka tūmāia ngā mokopuna ki te taki i te pepeha o te kōhanga reo mā te waiata, ā, ka ako i ō rātou hononga ki ō rātou hoa me te taiao. Ka kitea te aronga toi whenuatanga me te hononga o ngā mokopuna ki ngā kaimahi me ō rātou hoa ki tō rātou nei taiao.
Kei te mātātoa, kei te whai wāhi nui hoki ngā mokopuna hei ākonga. Ka waihanga ngā kaimahi i te taiao whakangahau e whitawhita ana, e whakahihiri ana hoki, ā, kua tautāwhitia ki Ngā Taumata Whakahirahira, kua kī katoa ki ngā waiata, ki te korikori, ki te ako, me te tākaro. Ka whiriwhiri, ka ārahi hoki ngā mokopuna i ā rātou ake akoranga, ka whai atu i ngā taumahi e ngākau nuitia ana e rātou, ā, ka whakawhitiwhiti haere puta noa i ngā wāhi ako o te kōhanga reo. Ka whakatairanga ngā taumahi me ngā rauemi i te pākiki, te whakatewhatewha, me te auaha. Ka whakaaro pohewa ngā mokopuna, ā, ka tūhonohono i ngā pikitia me ngā oro. Kua āta whakatakotohia, kua taunga hoki ngā mahinga me ngā tūmanako, ā, ka whai wāhi atu, ka āwhina hoki ngā mokopuna i ngā wā whakapai. Ka akiaki ngā kaimahi i ngā pūkenga hīraurau hopanga, ā, ka whakahāngai anō i ngā akoranga i ngā wā e tika ana. Ka whai wāhi nui ngā mokopuna ki te pukumahi, te whitawhita me te hihiri o tō rātou kōhanga reo.
Kua āta whakaritea ngā mahinga e pā ana ki te whakamahere, te aromatawai, me te aromātai. Kei te matawhānui ngā mahere, ā, ka hāngai hoki ki Te Whāriki a Te Kōhanga Reo, ki Te Korowai, ki ngā horopaki o ngā kaupapa, me ngā wawata o te whānau. Ka whakawhānuihia te ako a ngā mokopuna mā ngā mahere e whai pūtake ana, e whai pānga nui ana hoki. He pai te aroturuki i te ako me te ahu whakamua. Ka whakamahi ngā kaimahi i te tangongitanga o ngā huarahi aromatawai ki te aru i te ahu whakamua a ngā mokopuna, ā, nō nā noa nei rātou i arotake ai i ngā huarahi aromatawai hei painga mō ngā mokopuna, hei whakapai ake hoki i ā rātou pukapuka kōnae. Ka tino whakaaro huritao ngā kaiako, ā, ka arotahi ki te whakarato i te tino atawhai me te tino mātauranga mō ngā mokopuna. Ko ngā huarahi ōkawa me ngā huarahi ōpaki o te aromātai hōtaka, kua āta whakatō ki ngā hui me ngā whakaritenga a ngā kaimahi. E puāwai ana ngā mokopuna ki tētahi kōhanga reo e arotahi ana ki ō rātou matea, tō rātou atawhai, me tō rātou mātauranga.
Ka ārahi ngā mahi aromātai o roto i te whānau whakahaere. Kua whakatakotohia ngā mahere rautaki, ā, ka whakaraupapa hoki i ngā wawata me ngā moemoeā o te whānau. Arotakengia ai ngā whāinga pae tawhiti i ia te wā, ā, ka aru hoki i te ahu whakamua ki aua whāinga. He tino māramatanga tō te whānau ki ō rātou tūranga me ā rātou kawenga mahi i roto i ngā mahi whakahaere, ā, kei te mārama ngā pūrongo me te whakapuakitanga o ngā mōhiohio hei hāpai i ngā whakataunga. Ka whakatairangatia te taetae atu ki ngā hui ā-whānau, ā, ka whakamahi i ngā rautaki e whakapūmau ana i te tino whai wāhi atu a te whānau. Ka tautuhi, ka whakamihi hoki te whānau i ngā pūkenga me te tautōhito o tēnā me tēnā o rātou, ā, ka toro atu ki ngā tohutohu me ngā rauemi e tika ana ki te whakatairanga i ngā whakahaeretanga ki te kōhanga reo i ngā wā e tika ana. Ka whakamaheretia te aromātai o roto, kei te auau hoki, ā, ka whai pānga ki ngā whakapaitanga mō ngā mokopuna. Tērā anō ngā tauira o te aromātai ā-whānau ka pupū ake i te wā e tika ana, ā, ka aro nui hoki ki ngā kaupapa, ngā whakaaro, me ngā matea i te kōhanga reo. Ka tahuri wawe ki ngā take e pā ana ki te hauora me te haumaru, ā, ka āta tuhia, ka āta arotakengia hoki. Ko ngā mokopuna kei te pūtake o ngā mahi whakahaere a te whānau e arotahi ana ki te whakapai tonutanga.
E mōhio ana te whānau e tika ana kia whakamahere tonu mō te rōnaki tonutanga o te kōhanga reo mō meāke nei. Kua tautuhia e rātou, ko te whakamahere mō te tauatanga o ngā tūranga matua me ngā kawenga mahi matua i te kōhanga reo tētahi wāhanga ka whakatutukihia e rātou. Ka whai hua ngā mokopuna i te wā e whakaarohia ana ngā whakaritenga e pā ana ki te tauatanga.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
E taunaki ana Te Tari Arotake Mātauranga kia whakamahere te whānau mō te rōnaki tonutanga o te kōhanga reo.
Rita Walker
Toka ā Nuku Whakakapi
Te Uepū-a-Motu – Māori Services
27 Hereturikōkā 2024
| Te tūwāhi | Kei Te Awa-a-Taia, ki Te Whanganui-a-Tara |
| Te tau a te Tāhuhu o te Mātauranga | 60073 |
| Te tau tohu o Te Kōhanga Reo | 09C108 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 20 ngā tamariki, kia tekau ki raro i te rua o ngā tau |
| Te tokomaha kei runga i te rārangi ingoa | 20 ngā tamariki, tokorima kei raro i te rua o ngā tau |
| Ngā hononga ā-iwi | Māori 19, Iwi kē 1 |
| Te wā i te kōhanga reo te rōpū arotake | Pipiri 2024 |
| Te wā o tēnei pūrongo | 27 Hereturikōkā 2024 |
| Ngā pūrongo o mua | Arotake Mātauranga, Pipiri 2019; Arotake Mātauranga, Poutū-te-rangi 2015, Arotake Mātauranga, Haratua 2011 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
‘Keo ai te auē ki nuku te apiapi, keo ai te auē ki nuku te mahara.’
Mātike e Te Kōhanga Reo o Ngā Mokopuna, he whakapake ai e te arero ki te ranga hunahuna. Kia tomokia rā e tōku reo – ka tipu, ka ora, ka Māori ai au ki te ao. Tihei mauri mokopuna! E rarau mai nei, e tau te whatumanawa ki te makuru o ngā kai mārō o te hunga tiwhewhetanga, ka puta ka ora tēnei te mokopuna ki te ao!
Te Kōhanga Reo o Ngā Mokopuna is in Kilbirnie, Wellington. Whānau express a shared commitment to embedding te reo Māori, mātauranga Māori and tikanga Māori underpinned by Te Korowai, Te Whāriki a te Kōhanga Reo, and Ngā Taumata Whakahirahira. Kaimahi collaborate in their roles and are led and supported by an experienced leader.
The whanau have a very good understanding of the mana of the mokopuna, spiritually, intellectually and physically including the importance of managing the operations of the kōhanga reo.
Mokopuna are developing as speakers of te reo Māori. Whānau and mokopuna know and model the tikanga of te pou tuatahi, ‘ko te reo anake i roto i te kōhanga reo’. Kaiako and whānau are influential, authentic speakers of te reo Māori and are strong language models for mokopuna. Kaiako use effective, deliberate strategies to increase mokopuna language proficiency. Mokopuna require very little prompting and assistance, they confidently share their ideas and thoughts with ease. Tuākana spontaneously initiate conversations and use te reo Māori naturally in formal and informal settings. Pēpi and tēina demonstrate their understanding through body language, facial expressions and sounds. Tuākana confidently lead formal welcoming protocols where they have opportunities to recite whaikōrero and welcome manuhiri. Mokopuna know their role in pōhiri and participate as kaitautoko. Their rangatiratanga is acknowledged as they pōhiri and whakanoa manuhiri. Mokopuna use te reo Māori with increased confidence and accuracy.
Mokopuna engage in learning that promotes connections. Kaiako use creative strategies that support mokopuna understanding of relationships between atua, people, living things and their environment. They integrate karakia and whakamoemiti into daily learning and mokopuna confidently recite karakia in different settings. Mokopuna are encouraged to show respect for atua Māori and in doing so, effectively nurture spiritual connections. Kaiako model whanaungatanga, manaakitanga and aroha. This supports mokopuna to initiate meaningful and respectful relationships with others. Whaioranga o te mokopuna is considered as kaimahi are attentive to mokopuna needs and haumarutanga. Mokopuna self-esteem is enhanced and cherished through regular praise and affirmation. They are proud of their achievements and share these with others. Mokopuna confidently recite the pepeha of the kōhanga reo in waiata and learn about connections with their friends and the environment. Mokopuna show a strong sense of belonging and connection with kaimahi and their friends in their taiao.
Mokopuna are active, engaged learners. Kaimahi create a fun, energetic, exciting environment that embraces Ngā Taumata Whakahirahira and is filled with waiata, movement, learning and play. Mokopuna choose and direct their learning, follow activities that interest them and move freely between learning spaces in the kōhanga reo. Activities and resources promote curiosity, investigation and creativity. Mokopuna are imaginative and make associations between pictures and sounds. Routines and expectations are well-established and predictable and mokopuna contribute and help at whakapai time. Kaimahi encourage problem-solving solutions and redirect learning when required. Mokopuna enjoy their busy, high energy, vibrant kōhanga reo.
Planning, assessment and evaluation practices are effectively established. Planning is comprehensive and reflects Te Whāriki a Te Kōhanga Reo, Te Korowai, contextual kaupapa, and the aspirations of the whānau. Mokopuna learning is extended through planning that is purposeful and relevant. Learning and progress is monitored well. Kaimahi use a range of assessment methods to track mokopuna progress and they have recently reviewed aromatawai methods to benefit mokopuna and improve their pukapuka kōnae. Kaiako are highly reflective and focused on providing the best care and education for mokopuna. Formal and informal methods of programme evaluation are embedded in kaimahi hui and practices. Mokopuna thrive in a kōhanga reo that is focused on their needs, care and education.
Internal evaluation practices guide whānau whakahaere. Strategic planning is in place and includes aspirations and moemoeā of whānau. Long term goals are regularly reviewed and progress towards these goals are tracked. Whānau have a clear understanding of their collective roles and responsibilities for whānau whakahaere and there is transparency in reporting and sharing of information to inform decision making. Attendance at whānau hui is promoted and strategies are employed to maintain high whānau participation and engagement. Whānau identify and acknowledge each other's experience and expertise and seek relevant advice and resources to enhance kōhanga reo operations when needed. Internal evaluation is planned, regular and leads to improvements for mokopuna. There are also examples of whānau evaluation that is spontaneous and responsive to events, suggestions and needs in the kōhanga reo. Attention to health and safety matters is well documented and reviewed. Mokopuna are at the centre of improvement focused whānau whakahaere practices.
Whānau acknowledge the need to further plan for future sustainability of the kōhanga reo. They have identified succession planning for key roles and responsibilities in the kōhanga reo, as an area they will address. Mokopuna benefit when succession planning is considered.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO recommend that whānau continue to plan for the sustainability of the kōhanga reo.
Rita Walker
Toka-ā-Nuku – Acting Director
Te Uepū ā-Motu – Māori Review Services
27 August 2024
| Location | Kilbirnie, Wellington |
| Ministry of Education profile number | 60073 |
| Kōhanga Reo Identification Number | 09C108 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 20 children, including up to 10 aged under 2 |
| Service roll | 20 children, including 5 aged under 2 |
| Ethnic composition | Māori 19, other 1 |
| Review team on site | June 2024 |
| Date of this report | 27 August 2024 |
| Most recent ERO reports | Education Review, June 2019; Education Review, March 2015; Education Review, May 2011 |
‘Keo ai te auē ki nuku te apiapi, keo ai te auē ki nuku te mahara.’
Mātike e Te Kōhanga Reo o Ngā Mokopuna, he whakapake ai e te arero ki te ranga hunahuna. Kia tomokia rā e tōku reo – ka tipu, ka ora, ka Māori ai au ki te ao. Tihei mauri mokopuna! E rarau mai nei, e tau te whatumanawa ki te makuru o ngā kai mārō o te hunga tiwhewhetanga, ka puta ka ora tēnei te mokopuna ki te ao!
E tū ana Te Kōhanga Reo o Ngā Mokopuna ki te hapori o Te Awa-a-Taia, ki Te Whanganui-a-Tara, ā, e poipoi ana i ngā tamariki nō ngā hau e whā. He tino hononga ō te kōhanga reo ki te mana whenua me Te Kura Kaupapa Māori o Ngā Mokopuna.
Ka tūhura ngā tamariki i tō rātou taiao ako mā te whai whakaaro nui me te pākiki.
He mātātoa te urunga atu o ngā tamariki ki ngā akoranga e whai pūtake ana. Ka whakarite ngā kaimahi i ngā wānanga hei tino wāhanga o te hōtaka e tautoko ana i te ako o ngā tamariki i ngā kaupapa whakahirahira. Ko ngā atua Māori kei te pūtake tonu o te hōtaka. Ka waihanga ngā kaimahi i ngā wheako ako e hāpaitia ai te māramatanga o ngā tamariki ki a Ranginui, rātou ko Papatūānuku, ko ētahi atu atua Māori. Ka ako ngā tamariki i ō rātou hononga ki ia atua, ki ia atua, mā te whakamahinga o ngā rākau kōrero. He haumaru te tūhura haere o ngā tamariki i te ao tūroa, ā, ka ako rātou i tō rātou tūnga hei kaitiaki. Ka kitea te manaaki me te whakaute hoki o ngā tamariki i roto i ā rātou akoranga me ā rātou taunekeneke.
He nui ngā rauemi e hāpai ana i ngā tamariki ki te kōrero i te reo Māori. He matatau te kaiako ki te kōrero i te reo Māori. He pakari ngā kaimahi ki te whakawhitiwhiti kōrero ki ētahi atu mā te reo Māori. He pai tō rātou māramatanga ki ngā tikanga hopu reo, ā, ka toro atu rātou ki ngā momo rautaki huhua hei hāpai i te whakawhanaketanga reo o ngā tamariki. Ka whakawhiti whakaaro ngā tamariki me ngā kaimahi mō ngā ariā me ngā tikanga o ētahi tino kupu, o ētahi tino kīanga o te reo Māori. He putuputu, he hōhonu hoki ngā whakawhitinga kōrero ki waenga i ngā kaiako me ngā tamariki. Ka āta whakarite ngā kaimahi kia rongo ngā tamariki i ngā momo reo ā-iwi me ngā hanganga reo, he pērā i ngā kīwaha. Kei te whanake ngā tamariki ki te kōrero i te reo Māori.
E poipoia ana te tuakiri o ngā tamariki mā ngā momo huarahi huhua. Kei te wāhanga ōkawa o te hōtaka akoranga, ko ngā waiata koroua e pūrongorongo ana i ngā whakapapa, i ngā tīpuna, i ngā kaupapa whakahirahira o nehe i tūtū ai ki taua takiwā. Ka tae atu ngā tamariki ki ngā tino huihuinga me ngā pou whenua e noho whakaharahara ana ki te iwi. Ka mahi ngātahi te whānau me ngā kaimahi ki te tautoko mātātoa i ā rātou tamariki me tō rātou manaaki i te taiao o te hapori. E tino hāpaitia ana te ako o ngā tamariki i ō rātou ake hononga ā-iwi. Ka āta whakarite ngā kaimahi kia mōhio ai ngā tamariki ki ngā pānga tonu o tō rātou kōhanga reo ki te hapori whānui, tae atu ki te kura kaupapa Māori e pātata ana ki a rātou. Nā te hāereere ki reira, ka ngāwari ake te whakawhiti atu o ngā tamariki ki te kura, ā, ki te mōhio anō hoki ki tōna āhua. Kei te ako ngā tamariki i ō rātou tuakiri me ō rātou tūrangawaewae.
Ka ngākau-nui ngā tamariki ki ngā akoranga e mau nei ngā hononga whakawhirinaki, whai take. Kei te tino mōhio ngā kaimahi ki ā rātou tamariki me ō rātou whānau. Nā tēnei tūāhuatanga, he pakari ngā kaimahi ki te aro nui ki ngā hanga e matea ana i ia tamaiti, i ia tamaiti. Ka whakatauira ngā kaimahi i ngā tino uara pērā i te aroha, i te manaaki, i te tiaki. Ko ngā taunekeneke o ngā tuākana ki ō rātou tēina e tohu ana i taua tū āhuatanga. Ka whakaatu ngā tuākana i te manaaki me te atawhai. Ka tino whakawhirinaki ngā pēpi ki te taha o ngā tuākana. Kua āta hono atu hoki rātou ki ngā kaimahi i runga i te aroha, ā, ka āta aro atu ngā kaimahi ki ō rātou hanga ā-whatumanawa, ā-tinana hoki e matea ana. Kei te mauritau ngā tamariki hei ākonga ki te kōhanga reo.
Ka uruuru atu ngā tamariki ki ngā taumahi whakahihiri e hāpai ana i a rātou ki te tūhura haere i ō rātou taiao ako. Ka whakamahi ngā kaimahi i ngā rautaki whai hua ki te whakatairanga ake i ngā whakaaro me ngā mōhiotanga o ngā tamariki ki ngā āhuatanga o te ao e noho nei rātou. Ka ako ngā pēpi i te huringa ora o ngā ngārara mā ngā waiata me te tūhura auaha. Kōrerorero ai ngā kaimahi ki ngā tamariki, ā, ka whai wāhi atu ki te whakamārama i ngā whakaaro hōhonu e pupū ake ai i ngā tino kaupapa ako. Mā ngā kōrero akiaki, ka whakapuaki ngā tamariki tuākana i tā rātou e mahi ana, e ako ana hoki. Ka uruuru atu ngā tamariki ki ngā akoranga e whakatairanga ana i ngā pūkenga e pā ana ki te hīraurau hopanga me te whakaaro auaha. He ngākau titikaha ō ngā tamariki hei ākonga.
He tau ngā whakaritenga a ngā kaimahi mō te mahere i te hōtaka, i te aromatawai, i te aromātai. Ka arotahi aua whakaritenga ki ngā akoranga e whakanuia ana e te whānau me ngā tamariki. Ka aroturuki te aromātai hōtaka i te kounga o te hōtaka. He tino hua ngā aromatawai matihiko, kia āhei ai te whānau ki te whai atu ki tā ngā tamariki e ako ana, e whakatutuki ana i tō rātou kōhanga reo. E tohu ana ngā aromatawai o ngā tamariki i tō rātou akoranga me tō rātou ahunga whakamua i roto i te roanga o te wā. Kei te tino mōhio te whānau ki tā ngā tamariki e ako ana, me tō rātou ahunga whakamua.
E whakahaere ana te whānau i te kōhanga reo hei painga mō ngā tamariki. E whakatutuki ana te kaiako i ngā mahi e rua – ko ngā mahi ki te taha o ngā tamariki, ko te whakahaere anō hoki i te tari o te kōhanga reo. He tino kaiārahi ia i roto i te marautanga me te whakahaeretanga o te kōhanga reo. Kei te tūtohinga ngā aratohu mārama e pā ana ki te whakahaeretanga o te kōhanga reo. He matawhānui te mahere rautaki e whakaraupapa ana i ngā whāinga me ngā wawata o te whānau. Ko ngā kaupapa here me ngā tukanga o te hauora me te haumaru e ārahi ana i ngā whakaritenga ki te taha o ngā tamariki. Arotakengia ai, whakamahinetia ai hoki ngā kaupapa here. Mō te whakaurutanga, me te whakatau haere o ngā whānau ki te kōhanga reo, ko te aronga nui ki te whakatupu i te māramatanga me te ū ki te kaupapa o te kōhanga reo. Kua whakatakotohia ngā tukanga pakari ki te whakahaere i ngā kaimahi. He pai te māramatanga o te whānau ki ngā mātāpono kia matatika, kia tōkeke hoki ā rātou mahi hei kaituku mahi.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Ngā Mokopuna i roto i te whā o ngā tau.
Gloria Takuira
Toka ā-nuku Whakakapi
28 Pipiri, 2019
Te tūwāhi | Kei Te Whanganui-a-Tara | |
Te tau a te Tāhuhu o te Mātauranga | 60073 | |
Te tau tohu o Te Kōhanga Reo | 09C108 | |
Te tūmomo raihana | He kōhanga reo | |
Kua raihanatia ki te ture | Ngā Ture Mātauranga (Ratonga Kōhungahunga) 2008 | |
Te tokomaha mō te raihana | 20, kia tekau ki raro i te rua o ngā tau | |
Te tokomaha kei te rārangi ingoa | 20, tekau kei raro i te rua o ngā tau | |
Te ira tangata | Kōtiro 10 Tama 10 | |
Ngā hononga ā-iwi | Māori | 100% |
Te wā i te kōhanga reo te rōpū arotake | Poutūterangi 2019 | |
Te wā o tēnei pūrongo | 28 Pipiri, 2019 | |
Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Mātauranga | Poutū-te-rangi 2015 Haratua 2011 Haratua 2009 |
‘Keo ai te auē ki nuku te apiapi, keo ai te auē ki nuku te mahara.’
Mātike e Te Kōhanga Reo o Ngā Mokopuna, he whakapake ai e te arero ki te ranga hunahuna. Kia tomokia rā e tōku reo – ka tipu, ka ora, ka Māori ai au ki te ao. Tihei mauri mokopuna! E rarau mai nei, e tau te whatumanawa ki te makuru o ngā kai mārō o te hunga tiwhewhetanga, ka puta ka ora tēnei te mokopuna ki te ao!
Te Kōhanga Reo o Ngā Mokopuna is located in Kilbirnie, Wellington and cater for children from many different iwi. The kōhanga reo has a close relationship with mana whenua and Te Kura Kaupapa Māori o Ngā Mokopuna.
Children explore their learning environment with great respect and curiosity.
Children are actively engaged in meaningful learning. Kaimahi integrate wānanga as a regular feature of the programme to support children’s learning about significant kaupapa. Atua Māori are a central focus of the programme. Kaimahi create learning experiences for children to understand who Ranginui, Papatūānuku and other atua Māori are. Children learn about how they are connected to each atua through the use of rākau kōrero. Children safely explore the natural environment and learn about their role as kaitiaki. Children demonstrate care and respect in their learning and interactions.
Children are well resourced to speak te reo Māori. The kaiako is a fluent speaker of te reo Māori. Kaimahi communicate confidently with others in te reo Māori. They have a good understanding of language acquisition and draw on a range of strategies to support children’s language development. Children and kaimahi discuss concepts and meanings of important Māori words and phrases. Conversations between kaiako and children are frequent and insightful. Kaimahi ensure that children are exposed to a range of iwi dialects and language features such as kīwaha. Children are developing well as speakers of te reo Māori.
Children’s identity is nurtured in a number of ways. The formal part of the learning programme includes waiata koroua that recount whakapapa, tīpuna and important historical activities of the area. Children attend significant events and visit landmarks that are important to the local iwi. Whānau and kaimahi work in partnership to actively support their children to care for the local environment. Children are well supported to learn about their own iwi connections. Kaimahi ensure children know that their kōhanga reo is part of the wider community, including the kura kaupapa Māori nearby. Regular visits ensure that the transition for children into the kura is as smooth and familiar as possible. Children are learning who they are and where they are from.
Children enjoy learning where they have trusting and meaningful relationships. Kaimahi have in-depth knowledge of their children and their whānau. Because of this kaimahi have the capacity to be highly responsive to the needs of individual children. Kaimahi model important values such as aroha, manaaki and tiaki. This is reflected in the way that the older children interact with their tēina. Tuākana show care and affection. The babies are very trusting when the older children are around. They also have formed loving bonds with kaimahi who are tuned in to their emotional and physical needs. Children are settled learners in the kōhanga reo.
Children participate in interesting activities that enable them to explore their learning environments. Kaimahi use effective strategies to heighten children’s thinking and awareness of things around them. Babies learn about the life cycle of insects through waiata and creative exploration. Kaimahi frequently talk with children and help to explain complex ideas that arise from significant kaupapa ako. When prompted, older children can share what they are doing and learning. Children engage in learning that promotes problem solving and creative thinking skills. Children are confident learners.
Kaimahi have sound practices in place for programme planning, assessment and evaluation. These practices focus on what learning is valued by the whānau and children. Programme evaluation monitors the quality of the programme. Digital assessments provide a valuable tool for whānau to engage in what children are learning and achieving during their time at the kōhanga reo. Children’s assessments show their learning and progress over time. The whānau are well informed of what children are learning and their progress.
The whānau manage the kōhanga reo in the best interest of the children. The kaiako carries out a dual role of working with the children and attending to the administration of kōhanga reo operations. She provides valuable leadership in both the curriculum and management of the kōhanga reo. The charter provides clear guidelines for the management of the kōhanga reo. There is an extensive strategic plan in place that outlines the goals and aspirations of the whānau. Health and safety policies and procedures guides practice with children. Policy review and refinement is ongoing. Enrolment and induction processes for the whānau has a strong focus on growing understanding and commitment to the kaupapa of the kōhanga reo. Strong personnel management processes are in place. The whānau have a good understanding about the principles of being a fair and equitable employer.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendation:
The next ERO evaluation of Te Kōhanga Reo o Ngā Mokopuna will be in four years.
Gloria Takuira
Acting Toka ā-nuku
28 June 2019
| Location | Wellington | ||
| Ministry of Education profile number | 60073 | ||
| Kōhanga Reo Identification Number | 09C108 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 20 children, including up to 10 aged under 2 | ||
| Kōhanga Reo roll | 20 children, including 10 aged under 2 | ||
| Gender composition | Girls 10 Boys 10 | ||
| Ethnic composition | Māori | 100% | |
| Review team on site | March 2019 | ||
| Date of this report | 28 June 2019 | ||
| Most recent ERO report(s) | Education Review Education Review Education Review | March 2015 May 2011 May 2009 | |
E tū ana Te Kōhanga Reo o Ngā Mokopuna ki Kilbirnie, ki Te Whanganui-a-Tara. E tino tautokona te kōhanga reo e ngā kaumātua kua roa nei e whai wāhi atu ana ki te kōhanga reo, e te whānau anō hoki e noho pūmau ana, ā, e mau nei i tētahi tino tirohanga. E arotahi ana rātou ki te whakatutuki ngā putanga akoranga o te kounga kairangi mō ā rātou tamariki mā ngā tikanga me te reo Māori. He mātātoa te whai wāhi atu a te whānau ki ngā akoranga a ā rātou tamariki.
Ka noho pūmau te whānau ki te mātauranga rumaki, me te whakarato anō hoki i te ara mātauranga, atawhai hoki e rere pai ana mō ā rātou tamariki, mai i te kōhanga reo ki te kura. He tino hononga tō Te Kōhanga Reo o Ngā Mokopuna ki Te Kura Kaupapa Māori o Ngā Mokopuna.
Ka kitea te tū māia me te tupu haere o te mōhiotanga o ngā tamariki ki te ao Māori.
Ka mārama, ka whakamahi hoki ngā tamariki i te reo Māori. Ka noho pūmau te whānau me ngā kaimahi ki te whakahaumanu i te reo Māori. He mātātoa te whānau ki te whakatairanga i te whakamahinga o te reo Māori ki ō rātou kāinga. Ka whakamahi ngā kaimahi i ngā rautaki hopu reo e tino whai hua ana ki te hāpai i te whakawhanaketanga reo o ngā tamariki. Ko ngā whakawhitinga kōrero ki waenga i ngā pākeke me ngā tamariki e whakanui ana i te whakaaro, e whakawhanake ana i ngā pūkenga reo, ā, e whakapakari ana hoki i ngā mōhiotanga. E āhei ana ngā tamariki tēina ki te whai i ngā tohutohu me te whakamahi i ngā kupu i a rātou e whakawhanake ana i ō rātou pūkenga whakawhiti kōrero. Ka whakamahi ngā tamariki tuākana i te reo Māori ki te whakawhiti i ō rātou whakaaro ki ētahi atu.
He pārekareka ki ngā tamariki te ako me te tākaro ki tētahi horopaki o te ao Māori e whakaongaongatia ana. Ka kitea te nui o tā rātou tū māia i a rātou e waiata ana i ngā waiata hōhonu me ngā karakia, me te whakatutuki i ngā tikanga i ia te rā. Ka whakapuaki ngā kaimahi i ngā whai wāhitanga mō ngā tamariki ki te ako i ngā kōrero e pā ana ki a rātou anō, ki tō rātou tūrangawaewae, me ngā āhuatanga e whai pānga nui, e noho whakahihiri ana hoki ki a rātou. Ka whakaratohia ngā akoranga ki te kōhanga reo me ngā haerenga puta noa i te hapori. Kua whakapaipai i te taiao mā ngā whakaaturanga, te reo, me ngā tohu o te ahurea Māori. Ka noho whakaute ngā tamariki ki a rātou anō i ngā wā ako ōkawa, ōpaki hoki. Ka kitea te ngākau nui o ngā tamariki ki te whānuitanga o ngā wheako e whakaratohia ana.
Ka tino whai wāhi atu ngā tamariki ki te ako. Ka ako takitahi, takirōpū hoki, ki ngā rōpū iti me ngā rōpū iti o ō rātou hoa. Ka whakarato ngā kaimahi i ngā taumahi i āta whakaritea ai me ngā rauemi whakahihiri mō ngā tamariki, kia āhei ai ngā tamariki ki te whiriwhiri i tēnā hei kaupapa mā rātou. Ka akiaki ngā kaimahi i ngā tamariki ki te tūhura. He pai ngā rauemi ki te kōhanga reo mō te katoa o ngā reanga, ngā āheinga, ngā matea, me ngā ngākau nuitanga o ngā tamariki. He pārekareka ki ngā tamariki te whānuitanga o ngā tūmomo taumahi ako huri noa i te rā.
He tākare ngā tamariki ki te haere ki te kōhanga reo. Ka whai hua te whakamahinga o "Te Whāriki a Te Kōhanga Reo" whakamahere i tētahi hōtaka e pā ana ki te katoa o te tamaiti. Ka waihangatia ngā taumahi hei whakatairanga i te hauora me te waiora o te hinengaro, te tinana, me te wairua. Ka kitea tēnei mā te ako i ngā karakia, te ako i ngā otaota papai me ngā huawhenua, me te whakaatu i te manaaki me te atawhai. Tū ai i ia te wā ētahi kaupapa hauora hei whai wāhitanga mā te whānau me ā rātou tamariki. He pai ngā tamariki ki te manaaki i ētahi atu, ka kitea hoki tō rātou whakaute mō tō rātou taiao tūturu Māori. Ka tiaki ngā tamariki tuākana i te taiao o tō rātou kōhanga reo, ā, ka kitekite hoki i ia te wā i tō rātou atawhai, tō rātou aroha anō hoki mō ō rātou tēina. E ākina ana te whānau me ā rātou tamariki kia whai i te hauora me te oranga, i runga i anō i ngā uaratanga me ngā tikanga Māori. He harikoa te āhua o ngā tamariki.
Ka whai hua te arotake whaiaro ki te whakamōhio i te whānau, ā, ka whai pānga anō hoki ki tā rātou whakatau i ā rātou whakaritenga. He aronga hoki ka whai pūtake. Ka tāutu te whānau i ngā pātai aromātai hei whakahāngai i te aronga o tā rātou arotake o roto. Ka whakaoti i a rātou tētahi tukanga matawhānui ki te whakaemi i ngā mōhiohio, mai i te whānuitanga o ngā tūmomo wāhanga, me te tātari i tēnei hei whakautu i ā rātou pātai aromātai. He tau te māramatanga o te whānau ki ā rātou whakatutukitanga, tā rātou ahunga whakamua, me ngā taumata whakawhanake ka whāia tonuhia e rātou.
He matawhānui te whakamahere rautaki. He mārama te tirohanga a te whānau, ā, kua āta tāutuhia ki te tūtohinga. Ka whai hua rātou ki te whakamahi i ngā mātāpono o Te Korowai, Te Whāriki, me Te Aho Matua hei ārahi i tā rātou whakamahere, me ā rātou whakaritenga. Kei te mahere rautaki te māramatanga o ngā whāinga o te wā poto me te wā roa, ā, e whakaraupapa ana ēnei i ngā kaupapa matua i tāutuhia ai. Ko te whanaketanga o te reo Māori mō ngā tamariki me te whānau e noho matua ana. Ko ētahi o ā rātou whāinga, ko te tupu tonu, te whakamahere mō te tauatanga, me te whakapakari i te rōnakitanga o ngā ratonga o te kounga kairangi mā ngā tamariki. Ka rumakina ngā tamariki ki tētahi taiao e hāngai pū ana ki te tino tirohanga kia eke angitu rātou ki te ao Māori, ki te ao whānui hoki.
Ka kitea ngā taumata teitei o te ngaiotanga ki ngā kaimahi. Ka whai hua te pūnaha arohaehae e whakamōhio ana i te mahere whakawhanaketanga ngaio mā ngā kaimahi katoa. He nui anō hoki te whai wāhi atu a ngā kaimahi ki ngā hōtaka whakawhanaketanga ngaio o ētahi atu kōhanga reo, ā, ka whakapuaki rātou i ā rātou whakaritenga pai mō te whakamahere, te aromātai, me te aromatawai. Ko te mōhiotanga ngaio o ngā kaimahi me te ārahitanga hāpai puta noa i te kōhanga reo e whai pānga ana ki te tino whai huatanga o te hōtaka akoranga.
He pai te mahi ngātahi a te whānau. Ka whakamahi rātou i ō rātou pūkenga ake, i ngā pūkenga hoki hei rōpū, ki te hāpai i te whakahaeretanga o te kōhanga reo. He pūnaha, he whakaritenga hoki i āta whakawhanakehia ai puta noa i te kōhanga reo, hei āta whakarite i te tino whakatinanatanga o te whakahaere tari, ngā whakahaeretanga, me te hōtaka.
Ko ngā matea o ngā tamariki me ō rātou whakawhanaketanga kei te pūtake o te whakamahere, te whakatinana, me te aromātai o Te Whāriki. He mātātoa te whai wāhi a te whānau ki ngā wāhanga katoa o te whakamaheretanga o te hōtaka. He matawhānui te aromatawai i ia tamaiti me ā rātou akoranga, ā, he pai ngā mōhiohio ka whakaratohia mā te whānau mō te ahunga whakamua me ngā whakatutukitanga o ā rātou tamariki.
I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
E tū ana Te Kōhanga Reo o Ngā Mokopuna ki Kilbirnie, ki Te Whanganui-a-Tara. Ka kitea te māia o ngā tamariki me te tupu haere anō hoki i tō rātou mōhiotanga ki te ao Māori. He tau te māramatanga o te whānau ki ā rātou whakatutukitanga, tā rātou ahunga whakamua, me ngā taumata tonu o te whakawhanaketanga ka whāia tonuhia. Tērā ka hoki mai anō Te Tari Arotake Mātauranga i roto i ngā tau e whā.
Ka arotake anō Te Tari Arotake Mātauranga i Te Kōhanga Reo o Te Kōhanga Reo o Ngā Mokopuna i roto i te whā o ngā tau.
Lynda Pura-Watson
Kaiurungi Whakaturuki Arotake Māori
20 Poutū-te-rangi, 2015
The Education Review Office (ERO) is the government department that, as part of its work, reviews kōhanga reo throughout Aotearoa. ERO’s reports provide information for whānau, hapū, iwi and communities.
Te Kōhanga Reo o Ngā Mokopuna is in Kilbirnie, Wellington. The kōhanga reo is strongly supported by long serving kaumātua and a committed whānau who have a clear vision. They are focussed on achieving high quality learning outcomes for their children through tikanga and te reo Māori. Whānau are actively involved in their children’s learning.
Whānau commit to immersion education and providing a seamless pathway for their children’s education and care from kōhanga reo to kura. Te Kōhanga Reo o Ngā Mokopuna has a close relationship with Te Kura Kaupapa Māori o Ngā Mokopuna.
Children display confidence and growing knowledge of te ao Māori.
Children understand and use te reo Māori. Whānau and kaimahi are committed to the revitalisation of the Māori language. Whānau actively promote the use of te reo Māori in their homes. Kaimahi use highly effective language acquisition strategies to support children’s language development. Conversations between adults and children promote thinking, develop language skills and build knowledge. Younger children are able to follow directions and use vocabulary as they develop their communication skills. Older children use te re Māori to communicate their ideas with others.
Children enjoy learning and play in a stimulating Te Ao Māori context. They demonstrate high levels of confidence as they sing complex waiata, recite karakia and practice tikanga daily. Kaimahi create opportunities for children to learn about themselves, where they are from, what is important and what they are interested in. Learning is provided in the kōhanga and on outings around the local community. The environment is decorated with cultural images, language and symbols. Children are respectful of each other during formal and informal learning. Children show interest in the range of experiences provided.
Children are highly engaged learners. They learn independently, in small and or large groups with their peers. Kaimahi provide well organised activities and interesting resources for children to make choices about what they do. Kaimahi encourage children to explore. The kōhanga reo is well resourced for children of all ages, abilities, needs and interests. Children enjoy a range of learning activities throughout the day.
Children are eager to attend kōhanga. The "Te Whāriki a te Kōhanga Reo" model is successfully used to plan a holistic programme for children. Activities are designed to promote health and wellbeing of mind, body and spirit. This is reflected through learning karakia, learning about healthy plants and vegetables, demonstrated care and affection. There are regular health activities for whānau to participate in with their children. Children care for others and show respect for their natural and physical environments. Older children look after their kōhanga reo surroundings, and frequently show affection and love to their teina. The whānau and their children are encouraged to live healthy lives based on Māori values and practices. Children appear happy.
Self review effectively informs whānau and influences their decision making. It is focused and purposeful. Whānau define evaluative questions to focus their internal review. They complete a comprehensive process of gathering information from a wide range of sources and analysing this to answer their evaluative questions. Whānau have a sound understanding of their achievements, progress and their next steps for development.
Strategic planning is comprehensive. The whānau has a clear vision which is well defined in the charter. They successfully use the principles of Te Korowai, Te Whāriki and Te Aho Matua to guide their planning and practice. The strategic plan has clear short and long term goals that outline identified the priorities. Te reo Māori development for children and whānau is given the highest priority. Their goals include continual growth, succession planning and building long term sustainability of high quality provision for children. Children are immersed in an environment that is based on a strong vision for their success in te ao Māori and the wider world.
Kaimahi demonstrate high levels of professionalism. There is a useful appraisal system in place that informs the professional development plan for all staff. Kaimahi also make significant contributions to the professional development programmes of other kōhanga reo where they share their good practice in planning, evaluation and assessment. The professional knowledge of kaimahi and the supportive leadership throughout the kōhanga reo contributes to the highly successful learning programme.
Whānau work well together. They utilise their individual and collective skills to support the operation of the kōhanga reo. There are highly developed systems and practices throughout the kōhanga reo to ensure that administration, operations and the programme are implemented effectively.
Children’s needs and their development are at the heart of Te Whāriki planning, implementation and evaluation. The whānau actively contribute to all areas of programme planning. Assessment of individual children and their learning is comprehensive and provides whānau with good information about their child’s progress and achievement.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
Te Kōhanga Reo o Ngā Mokopuna is in Kilbirnie, Wellington. Children display confidence and growing knowledge of te ao Māori. Whānau have a sound understanding of their achievements, progress and their next steps for development. Kaimahi demonstrate high levels of professionalism. Children understand and use te reo Māori. ERO is likely to return in four years.
The next ERO review of Te Kōhanga Reo o Ngā Mokopuna will be in four years.
Lynda Pura-Watson
Deputy Chief Review Officer Māori
20 March 2015
| Location | Kilbirnie | |
| Ministry of Education profile number | 60073 | |
| Kōhanga Reo Identification Number | 09C108 | |
| Licence type | Te Kōhanga Reo | |
| Licensed under | Education (Early Childhood Services) Regulations 2008 | |
| Number licensed for | 20 children, including up to 10 aged under 2 | |
| Kōhanga Reo roll | 19 children, including up to 5 aged under 2 | |
| Gender composition | Girls 8 Boys 11 | |
| Ethnic composition | Māori 19 | |
| Review team on site | January 2015 | |
| Date of this report | 20 March 2015 | |
| Most recent ERO report(s) | Education Review Education Review | May 2012 May 2009 |