Te Kōhanga Reo o Tōmairangi

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.

2 Te Horopaki

E tū ana Te Kōhanga Reo o Tōmairangi ki Mangapapa, ki Tūranga-nui-a-Kiwa. He mātanga o te reo Māori me ngā tikanga Māori ngā kuia me ngā koroua, ā, e ārahi ana, e hāpai ana hoki i te whakahaeretanga o te kōhanga reo.

3 Te Aronga o te Aromātai

He pēhea rawa te whakaatu mai o ngā mokopuna i tō rātou māramatanga ki te reo Māori me ngā tikanga Māori?

He ngākau titikaha ō ngā mokopuna tuākana ki te whakawhiti kōrero mā te reo Māori, ā, he whakaute tā rātou whai wāhi atu ki ngā tikanga Māori.

4 Ngā Whakaaturanga

E rumakina ana ngā mokopuna ki tētahi taiao o te reo Māori. Ka whakamahi ngā kaimahi i te whānuitanga o ngā tūmomo rautaki e akiaki ana, e whakapakari ana hoki i te whakamahinga o ngā mokopuna i te reo Māori. Ka whakahuahua ngā mokopuna i ngā kōrero paki e pā ana ki a Matariki mā ngā pikitia nā rātou anō i tā i mua. Whakamahi ai ngā kaimahi i ngā wā katoa, ko te reo e whakahihiri ana i te mokopuna. He māhorahora te whakamahinga o ngā mokopuna i te reo Māori i a rātou e tākaro ana ki roto, ki waho hoki. He pai te āhua o tā rātou whakautu i ngā kōrero, ā, he manawa whakahī ō rātou mō ō rātou tuakiri me ō rātou tūrangawaewae. Ka āta whakapūmau ngā kuia, ngā kaumātua, me te whānau i ngā tikanga me ngā kawa i a rātou e hāpai ana i te whanaungatanga ki waenga i te whānau me ngā manuhiri. Ko te whanaungatanga tētahi uara matua e pou here ana i ngā taunekeneke ki te kōhanga reo. Kei te harikoa ngā mokopuna hei ākonga.

Ka mahi ngātahi ngā kaimahi ki te whakamahere i te hōtaka akoranga me te tukanga aromatawai. E whai aronga ana ngā mahere hōtaka, ā, e whakataungia ana i runga i te āhua o ngā kaupapa. He mārama ngā hononga ki Ngā Taumata Whakahirahira. Ka whakarite ngā kaimahi i ngā taumahi hei whakatutuki i ngā tūmanako i whakatakotohia ai mō ia rōpū. Ka whakaemi rātou i ngā mōhiohio e pā ana ki te taha reo Māori, te taha wairua, te taha tinana, me te taha hinengaro o ia mokopuna. Ka whakatakotohia aua kitenga ki ngā kōnae waka huia o ia mokopuna. Ka whakapuakihia aua taonga ki te taha o te whānau.

E mōhio ana te whānau ki ō rātou tūranga me ā rātou kawenga, ā, ka mahi ngātahi rātou ki te whakahaere i te kōhanga reo. Kua whakatakotohia te tūtohinga, ā, ka ārahi i te whānau ki te whakatau i te noho hauora, te noho haumaru hoki o te kōhanga reo. Ka whai wāhi atu ngā whakaaro o te whānau ki te mahere rautaki, ā, he mahere mahi hoki tā rātou hei aroturuki i te ahu whakamua o ngā whāinga o te paetawhiti. He mahere ā-tau e ārahi ana i te whānau ki te āta whakatutuki i ngā mahi matua katoa ki te tari. Ka toro atu te whānau ki te āwhina o tētahi kaiwhakarato o waho ki te arohaehae i ngā kaimahi, ā, e whakamōhio ana aua putanga i te whakawhanaketanga ngaio. He pai te tuhi haere i ngā mauhanga e pā ana ki ngā kaimahi.

Ngā Whakaritenga Matua ka whai ake

Kāhore e kitea ana te aromātai hōtaka. Hui ai ngā kaimahi i ia rua wiki, ki te whakawhiti kōrero mō ngā akoranga a ngā mokopuna. Kāhore i te tino mārama e pēhea nei te arotake i te hōtaka akoranga kia whakapai tonu, kia whai hua tonu.

Kāhore e taea e Te Tari Arotake Mātauranga te toro atu ki te heamana o te komiti e arotake ana i ngā kaupapa here, ā, kei a ia te kawenga mō te arotakenga o ngā kaupapa here. Kua waitohungia ngā kaupapa here katoa e pā ana ki te hauora me te haumaru, engari, kāhore he whakaaturanga e tohu ana i te tukanga e pā ana ki te arotakenga o ngā kaupapa here me te pūrongo ki te whānau. E pā tōraro ana tēnei ki te pakari o te tukanga aromātai o roto i whakatakotohia ai e te whānau, hei ārahi, hei aroturuki hoki i ngā mahi whakahaere a te whānau.

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

Kia tutuki i a rātou ngā herenga ā-ture, me tahuri te whānau ki te:

• āta whakarite kia whakamahere, kia whakatinana, kia aromātai hoki ngā kaimahi i te marau o te kōhanga reo, hei whakarato i ngā wheako ako papai mā ngā tamariki
  [R43 Ture Mātauranga (Kōhungahunga) 2008; C1-13 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 
• arotake me te whakahou ake i ngā kaupapa here me ngā tukanga, hei āta whakatau i te whakapeto ngoi ki te whakatutuki me te whakapūmau i ngā mahi katoa e whakatairanga ake ana i te hauora me te haumaru o ngā tamariki, hei painga mō te waiora ā-whatumanawa, ā-tinana hoki o ngā tamariki katoa.
  [R46 Ture Mātauranga (Kōhungahunga) 2008; HS1-33 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakawhanakehia e te whānau me ngā kaimahi tētahi mahere mahi, hei whakatutuki i ngā whakaritenga matua i tautuhia ai ki tēnei pūrongo kia whai ake.

Darcy Te Hau
Toka-ā-Nuku
Te Uepū ā-Motu - Māori Review Services

01 Hōngongoi, 2021

7 Ngā kōrero e pā ana ki te kōhanga reo

Te tūwāhi	Kei Tūranga-nui-a-Kiwa
Te tau a te Tāhuhu o te Mātauranga	55462
Te tau tohu o Te Kōhanga Reo	06F078
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	30, kia tekau ki raro i te rua o ngā tau
Te tokomaha kei runga i te rārangi ingoa	30, tekau kei raro i te rua o ngā tau
Te ira tangata	Kōtiro    12 Tama     18
Ngā hononga ā-iwi	Māori	30
Te wā i te kōhanga reo te rōpū arotake	Pipiri 2021
Te wā o tēnei pūrongo	1 Hōngongoi 2021
Ngā pūrongo o mua a Te Tari Arotake Mātauranga	Arotake Mātauranga Arotake Mātauranga Arotake Mātauranga	Paenga-whāwhā 2018 Pipiri 2014 Hui-tanguru 2011

1 Introduction

The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.

2 Context

Te Kōhanga Reo o Tōmairangi is located in Mangapapa, Gisborne. Kuia and koroua are experts of te reo and tikanga Māori and provide guidance and support for the operation of the kōhanga reo.

3 Evaluation Focus

How well do mokopuna demonstrate an understanding of te reo Māori and tikanga Māori?

Older mokopuna confidently communicate in te reo Māori and participate respectfully in tikanga Māori.

4 Findings

Mokopuna are immersed in a te reo Māori environment. Kaimahi use a range of strategies to encourage and strengthen mokopuna use of te reo Māori. Mokopuna retell stories about Matariki using pictures previously painted by them to guide the story telling. Kaimahi continuously utilise language that enthuses mokopuna. Mokopuna naturally use te reo Māori during play indoors and outside. They respond positively and take pride in who they are and where they come from. Kuia, kaumātua and whānau ensure appropriate protocols are followed when supporting whanaungatanga between whānau and manuhiri. Whanaungatanga is a key value that underpins interactions within the kōhanga reo. Mokopuna are happy learners.

Kaimahi work collaboratively to plan the learning programme and assessment process. Programme planning is focussed and determined by kaupapa. There are clear links to Ngā Taumata Whakahirahira.  Kaimahi prepare activities to achieve the expectations set for each rōpū. They gather information for te taha reo Māori, taha wairua, taha tinana and taha hinengaro for each mokopuna. These observations are recorded in the mokopuna kōnae waka huia. These taonga are shared with whānau.

Whānau know their roles and responsibilities and work collaboratively to manage the kōhanga reo. The Tūtohinga is in place and guides the whānau to ensure the kōhanga reo is healthy and safe. Whānau contribute ideas to the strategic plan and have an action plan in place to monitor progress of the long-term goals. There is an annual plan in place that guides whānau to ensure all key administrative tasks are completed. Whānau seek assistance from an external provider to appraise kaimahi which informs professional development. Personnel files are well documented.

Key Next Steps

Programme evaluation is not evident. Kaimahi meet fortnightly to discuss mokopuna learning. It is unclear how the learning programme is reviewed for improvement and effectiveness.

ERO were unable to speak to the chair of the policy review committee who is responsible for policy review. All health and safety policies have been signed, however, there is no evidence to show the process for policy review and reporting to whānau. This impacts on the rigorous internal evaluation process the whānau has in place to guide and monitor whānau operations. 

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

To meet compliance requirements, they must: 

• ensure kaimahi plan, implement, and evaluate the Te Kōhanga Reo curriculum to provide positive learning experiences for children  
  [Regulation 43 (Early Childhood Services) Regulations 2008; C1-13 Licensing Criteria for Kōhanga Reo affiliated with Te Kōhanga Reo National Trust 2008] 
• review and update policies and procedures to ensure that all reasonable steps to promote the health and safety of children are met and maintained for the emotional and physical wellbeing of all children  
  [Regulation 46 (Early Childhood Services) Regulations 2008; HS1-33 Licensing Criteria for Kōhanga Reo affiliated with Te Kōhanga Reo National Trust 2008] 

6 Recommendation

ERO and the (kōhanga reo whānau/kura board) developed the following recommendation:

• the whānau and kaimahi develop an action plan to address the key next steps identified in this report. 

Darcy Te Hau
Toka-ā-Nuku - Director
Te Uepū ā-Motu - Māori Review Services

1 July 2021

7 Information about the Kōhanga Reo

Location	Gisborne
Ministry of Education profile number	55462
Kōhanga Reo Identification Number	06F078
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	30 children, including up to 10 aged under 2
Kōhanga Reo roll	30 children, including up to 10 aged under 2
Gender composition	Girls       12 Boys       18
Ethnic composition	Māori	30
Review team on site	June 2021
Date of this report	1 July 2021
Most recent ERO report(s)	Education Review Education Review Education Review	April 2018 June 2014 February 2011

1 Te Horopaki

E tū ana Te Kōhanga Reo o Tōmairangi ki Mangapapa, ki Tūranga-nui-a-Kiwa. He nui tonu te whai wāhi mai o ngā kaumātua ki te whakawhanaketanga o te reo Māori o te whānau, ngā kaimahi, me ngā tamariki. Kua mahi te whānau ki te whakahou ake me te whakawhānui ake i ō rātou wāhi o roto, o waho hoki i te whare o te kōhanga reo. He nahanaha te aronga ngātahi o te whānau ki te kōkiri tonu i te whakatairanga ake o te reo Māori mō te katoa.

2 Ngā Whakaaturanga o te Aromātai

He pēhea rawa te whakawhitiwhiti kōrero a ngā tamariki mā te reo Māori?

He ngākau titikaha tō ngā tamariki ki te whakawhitiwhiti kōrero mā te reo Māori ki waenga i a rātou anō, ā, ki ngā pākeke hoki.

Ngā Taumata Whakahirahira

E tino tautokona te ako a ngā tamariki i te reo Māori. Ko ngā akoranga a ngā tamariki e whakawhānui ake ana i tēnā e mōhiotia ana e rātou mō ō rātou tuakiri me ō rātou tūrangawaewae. E whai pūtake ana aua taumahi i āta whakaritea ai, ā, e kōkiri ana hoki ēnei i ngā mōhiotanga o ngā tamariki ki ngā kīwaha, ngā whakapapa, ngā mōteatea, ngā oriori, ngā pao, ngā haka, me ngā waiata. Ka tito katoatia ēnei e te whānau. He whānui ngā mōhiotanga o ngā kaimahi ki te reo Māori me ngā rautaki ako e whai hua ana ki ngā tamariki kōhungahunga. Ka whakatairangatia te ngākau titikaha me te mōhiotanga o ngā tamariki ki te reo Māori, i a rātou e whakapuaki kōrerorero ana ki te taha o ō rātou kaumātua. He pakari ngā tamariki tuākana ki te whakawhitiwhiti kōrero mā te reo Māori.

Ka noho manarū ngā tamariki ki ngā mātauranga o te ao Māori. Ka whakanuia e rātou ngā atua Māori i roto i ā rātou mahi katoa ki te kōhanga reo. Ka rua tau te pakeke o ngā tamariki, ka tīmata rātou ki te whakawhitiwhiti i ngā kōrero māmā ki ngā kaumātua, ngā kaimahi, me ō rātou hoa, mō ngā atua Māori. E ai ki ngā mātua, ka whakapuakihia hoki e ā rātou tamariki ngā kōrero tuku iho e pā ana ki ngā atua Māori, ki ō rātou kāinga. He whānui ngā tūmomo whakawhitinga kōrero a ngā tamariki tuākana ki waenga i a rātou anō, mō ngā tūmomo kaupapa maha me ētahi āhuatanga o ngā kaupapa ako. He pārekareka ki a rātou ngā taumahi e whakawātea ana i a rātou ki te whakapuaki, te whakamārama, me te whakanui anō hoki i tēnā e ākona ana e rātou. Tū ai ngā haerenga i ia te wā, ā, e hāpai ana ēnei i te tūhonohono o ngā tamariki ki ā rātou akoranga. Ka taea e ngā tamariki te whakapuaki mai ō rātou māramatanga ki ētahi āhuatanga o te mātauranga Māori.

E ako ana ngā tamariki ki tētahi taiao e mau ana i te maha o ngā rauemi papai. E whakarato ana ngā kaimahi i te hōtaka whakaongaonga e whakakoia ana i te mana o te taiao māoriori mā te tirohanga Māori. E ākina ana te tūhura haere o ngā tamariki i te taiao mā te ngahau me te whakaari. Ka mahi ngā kaimahi ki ō rātou taha, ki te whakawhānui i ō rātou whakaaro mā te whakapuakitanga o ngā kupu hou me ngā ariā hou. E tino whakaarohia ana ngā ngākau nuitanga o tēnā me tēnā, ā, ka āta tuituia e ngā kaimahi aua āhuatanga ki ngā kaupapa ako. Ka whakapūmau ngā kaimahi me ngā kaumātua – me te nuinga hoki o ngā mema o te whānau – i te whakahirahiratanga o te noho mōhio ki ngā kōrero me ngā whakapapa e pā ana ki tēnā e ākona ana e rātou, tae atu hoki ki ō rātou tūhonotanga. Ka tito te whānau i ngā oriori, ngā waiata, me ngā kīwaha hei whakapūmau i ngā mātauranga ki ngā akoranga a ngā tamariki. He ngākau titikaha tō ngā tamariki ki te ako.

E whai wāhi ana ngā tamariki ki tētahi taiao e whakamana ana i tō rātou atawhai me tō rātou noho haumaru. Ka whakapūmautia te taumata teitei o te atawhai me te aro nui ki ngā tamariki. Ka whakahaerehia ngā whakawhitinga mā te tāruarua me te waia haere ki ngā mahinga. Aroturukitia ai, whakahaerehia ai hoki te taiao me ngā whakaritenga e pā ana ki te hauora me te haumaru, puta noa i te rā, ā, he ngāwari tonu te rere o aua tūāhuatanga. Ko ētahi o aua tūmomo mahi, ko ngā mahinga atawhai pērā i ngā wā kai, te whakamoe, me te tīni kope. Ka whai wāhi matua hoki te mirimiri me te rongoā Māori ki te atawhai o ngā tamariki. E tino hāpaitia ana rātou o ngā tamariki hei āta āwhina ake. He mauritau, he harikoa ngā tamariki, ā, e whakaongaongatia ana hoki. Ka whakapuaki ngā kaimahi i te manaaki, te aroha, te awhi, me te tiaki ki te taha o ngā tamariki. He mauritau ngā tamariki.

Ngā Whakaritenga Matua ka Whai Ake

E mōhio ana te whānau he mea nui te whai wāhi mai o te reo Māori ki ngā kāinga o ngā tamariki, me te whai pānga nui o taua tūāhuatanga ki te kounga kairangi o ngā putanga ako ki te kōhanga reo. He matatau ētahi o ngā mema o te whānau ki te reo Māori, ā, e whai wāhi mātātoa ana hoki ētahi atu ki ngā kaupapa Māori i te hapori whānui. Ko te whakaritenga ka whai ake, ko te whakatupu i te pūmau ngātahi o te whānau katoa ki te whakamahi i te reo Māori ki te taha o ā rātou tamariki, i roto i ō rātou kāinga.

Te Whakamahere me te Aromātai

He tino pai te whakamaheretanga o te ako reo me te whakawhanaketanga reo o ngā tamariki. Ka whakaaro nuitia, ka tuituia hoki ō rātou ngākau nuitanga ki roto i ngā kaupapa ako. He tino aronga ngātahi ki te whakamahere, ā, ka whai wāhi mai ngā mātua me ngā kaumātua. Nā tēnei, e whai pūtake ana ngā mahere, ā, ka arotahi hoki ki te kōkiri i te reo o ngā tamariki. Ko ngā wānanga a ngā kaimahi, me ō rātou whakaaro huritao ngaio e pā ana ki ngā hōtaka me ngā akoranga a ngā tamariki, e āta whakatinana haere ana hoki i ngā mahere hōtaka ka whai ake. E whai hua ana ngā tamariki nā tētahi hōtaka i āta whakamaheretia ai, i āta whakaritea ai hoki.

Ko te ako me te ahu whakamua a ngā tamariki te aronga o ngā whakaaro huritao ngaio o ngā kaimahi, me ā rātou pūrongo. Ka whakaemi rātou i ngā mōhiohio ka whakatewhatewhatia e rātou mō tēnā i whai wāhi ai ki te ahu whakamua o ia tamaiti, o ia rōpū tamariki hoki. Tāpiri atu ki tēnei, he pai ngā mōhiohio e whakawāteahia ana e ngā kaimahi mō te ahu whakamua me te whakawhanaketanga o ia tamaiti ki te kōhanga reo. Ka tohu aua mōhiohio i te puāwaitanga o ō rātou ngākau titikaha, me ō rātou āheinga hoki ki te whakawhiti whakaaro mā te reo Māori. He pai te whakamōhio i te whānau mō te ahu whakamua a ā rātou tamariki.

He pai te whakahaeretanga o te whānau i tō rātou kōhanga reo. Tū ai ngā hui i ia te wā, ā, ka taetae mai ngā mema tokomaha o te whānau. Kua whakaritea tētahi wā o te hui kia whakapuakihia e ngā mātua ō rātou whakaaro mō te whakawhanaketanga reo o ā rātou tamariki, tae atu hoki ki ō rātou matea me ā rātou whakatutukitanga. He tino mōhiohio ēnei mā ngā kaimahi, i a rātou e aroturuki ana i te ahu whakamua a ngā tamariki, ngā hōtaka, me ngā matea ako. He pai te whakahaere i ngā mahi ki te arohaehae i ngā kaimahi. Ka whiwhi ngā kaimahi i ngā wānanga matawhānui e hāngai pū ana ki te reo Māori, ā, kua whai hua tēnei tūāhuatanga ki te ako a ngā tamariki i te reo, me tō rātou whakawhanaketanga reo. E whakahaerehia ana te kōhanga reo hei painga mō ngā tamariki.

Ngā Whakaritenga Matua ka Whai Ake

Ka whakaemiemi te whānau, ngā kaimahi, me ngā kaumātua i te hōhonutanga o ngā tino mōhiohio e pā ana ki te reo Māori, ngā putanga ako o ngā tamariki, me ngā wānanga reo. E akiaki ana Te Tari Arotake Mātauranga i te whānau ki te āta whakamahi i aua mōhiohio hei whakapakari ake i te aromātai o roto. Kāhore i te tino mārama ngā tini āhuatanga i whai pānga ai ki ngā whakapaitanga i roto i ngā whakahaeretanga o te kōhanga reo, te hōtaka akoranga, me ngā mahere rautaki. Ka pakari ake taua āhuatanga, mā te whakatairanga ake i te taumata o ngā pūrongo, hei tāutu anō hoki i tēnā i whai hua ai, me tēnā hoki hei whakapai tonu.

Ahakoa kua whakaatuhia e te whānau ā rātou whāinga ā-purapura mō Te Ara Tūāpae, kāhore anō rātou kia tuhi i ngā whāinga ake o tō rātou kōhanga reo, mā ngā putanga i tā rātou aromātai o roto. Ka whai hua te whānau mā tētahi mahere rautaki e āta tāutu ana i ā rātou whāinga me ā rātou kaupapa matua mō ngā tau kei te heke mai. Me whakatinana anō hoki i tēnei mahi mā tētahi mahere mahi, kia tutuki i te whānau ō rātou wawata me ā rātou kaupapa matua o te pae tawhiti.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakapakari te whānau i te whakamahinga o te aromātai o roto ki te aroturuki i ngā whakapaitanga ki ngā whakahaeretanga me ngā whakaritenga
• whakarite i tētahi mahere rautaki e hāngai pū ana ki ngā kaupapa matua a tō rātou kōhanga reo.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Tōmairangi i roto i te toru o ngā tau.

Lynda Pura-Watson

Kaiurungi Whakaturuki Arotake Māori

10 Paengawhāwhā, 2018

Ngā kōrero e pā ana ki te kōhanga reo

Te tūwāhi	Kei Tūranga-nui-a-Kiwa
Te tau a te Tāhuhu o te Mātauranga	55462
Te tau tohu o Te Kōhanga Reo	06F078
Te tūmomo raihana	He kōhanga reo
Kua raihanatia ki te ture	Ngā Ture Mātauranga (Ratonga Kōhungahunga) 2008
Te tokomaha mō te raihana	30, kia tekau ki raro i te rua o ngā tau
Te tokomaha kei te rārangi ingoa	24, tokoono kei raro i te rua o ngā tau
Te ira tangata	Kōtiro 8 Tama 16
Ngā hononga ā-iwi	Māori	100%
Te wā i te kōhanga reo te rōpū arotake	Hui-tanguru 2018
Te wā o tēnei pūrongo	10 Paengawhāwhā, 2018
Ngā pūrongo o mua a Te Tari Arotake Mātauranga	Arotake Mātauranga Arotake Mātauranga	Pipiri 2014 Hui-tanguru 2011

1 Context

Te Kōhanga Reo o Tōmairangi is in Mangapapa, Gisborne. Kaumātua continue to contribute significantly to whānau, kaimahi and children’s te reo Māori development. The whānau has worked on further enhancements and extensions to their indoor and outdoor environments. There also continues to be a strategic and shared drive by whānau for the advancement of te reo Māori for all.

2 The Evaluation Findings

How well do children communicate in te reo Māori?

Children communicate confidently in te reo Māori with each other and with adults.

Ngā Taumata Whakahirahira

Children are well supported to learn te reo Māori. Learning for children builds on knowledge about who they are and where they come from. These meaningful and well organised activities advance children’s knowledge of kīwaha, whakapapa, mōteatea, oriori, pao, haka, and waiata. These are all composed by the whānau. Kaimahi knowledge of te reo Māori and strategies for effective learning for young children are extensive. Children’s confidence and knowledge of te reo Māori is enhanced as they initiate conversations with their kaumātua. Older children are confident communicators of te reo Māori.

Children are fascinated with knowledge of the Māori world. They acknowledge atua Māori in all they do at the kōhanga reo. From the age of two years old, children have simple conversations with kaumātua, kaimahi and each other about atua Māori. Parents report that stories of atua Māori are told by their children at home. Older children have extended conversations with each other about various kaupapa, and aspects of kaupapa ako. They enjoy activities that allows them to express, interpret and celebrate what they are learning. Regular haerenga help children to connect with what they have learnt. Children can express their understanding of aspects of mātauranga Māori.

Children learn in an environment that is well resourced. Kaimahi provide a stimulating programme that is affirming of the way Māori value the natural environment. Children are encouraged to explore nature in fun and dramatic ways. Kaimahi work alongside them to extend their thinking through the introduction of new words and concepts. Their individual interests are well considered as kaimahi effectively incorporate these into kaupapa ako. Kaimahi and kaumātua with the support of most whānau members reinforce the importance of knowing the stories and whakapapa of what they learn about and how they are connected. Oriori, waiata and kīwaha composed by the whānau are used to embed knowledge in to children’s learning. Children are confident learners.

Children experience an environment where their care and safety is a priority. Care and attention for children are maintained to a high standard. The ways in which transitions are managed are based on repetition and familiarity with routines. The environment and health and safety practices are monitored and managed seamlessly throughout the day. These include basic care routines such as eating, sleeping and nappy changing. Mirimiri and rongoā Māori are integral to the care for children. Children who require additional assistance are well supported. They are settled, happy and stimulated. Kaimahi show manaaki, aroha, awhi and tiaki with children. Children are secure and settled.

Key Next Steps

Whānau acknowledge the importance of te reo Māori at home for their children, and how this contributes to high quality learning outcomes in the kōhanga reo. There are whānau who are fluent speakers of te reo Māori, and others who are actively engaged in wider local Māori kaupapa. The next step is to grow the collective commitment of all whānau to using te reo Māori with their children at home.

Planning and Evaluation

Children’s language learning and development is very well planned. Their interests are considered and integrated into kaupapa ako. There is a strong collaborative approach to planning which includes parents and kaumātua. Consequently, plans for learning are meaningful and focus on advancing children’s language. Kaimahi wānanga and professional reflections about programmes and learning for children strongly inform further programme plans. Children benefit from a programme that is well planned and organised.

Children’s learning and progress is the focus of kaimahi professional reflection and reporting. They collect information they can use to examine what has contributed to the progress of individual and groups of children. In addition, there is good information made available by kaimahi about each child’s progress and development while at kōhanga reo. This information shows their emerging confidence and ability to communicate in te reo Māori. Whānau are well informed about their children’s progress.

Whānau manage their kōhanga reo well. There are regular hui attended by many whānau members. There is a designated time in hui for parents to talk about their children’s language development, needs and achievements. This provides valuable information for the kaimahi as they monitor progress of children’s language, programmes and learning needs. Kaimahi appraisal is managed well. Kaimahi receive comprehensive targeted te reo Māori wānanga that has had a positive impact on children’s language learning and development. Kōhanga reo operations are managed in the interests of the children.

Key Next Steps

The whānau, kaimahi and kaumātua gather a wealth of useful information about te reo Māori, learning outcomes for children, and wānanga reo. ERO encourages whānau to make use of this information to strengthen internal evaluation. It is unclear as to what has contributed to improvements within kōhanga reo operations, the learning programme and strategic planning. This can be strengthened by raising the level of reporting to identify what has worked and what needs improving.

While the whānau has displayed their purapura goals in relation to Te Ara Tūāpae, they are yet to document specific goals for their kōhanga reo based on their internal evaluation. The whānau would benefit from a strategic plan that clearly identifies their shared goals and priorities for the coming years. This should be supplemented by an action plan for the whānau to achieve their aspirations and long-term priorities.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendations

ERO and the Kōhanga Reo whānau developed the following recommendations:

• strengthen whānau use of internal evaluation to monitor improvements to operations and practice
• establish a strategic plan specific to the priorities of their kōhanga reo.

When is ERO likely to evaluate the kōhanga reo again?

The next ERO evaluation of Te Kōhanga Reo o Tōmairangi will be in three years.

Lynda Pura-Watson

Deputy Chief Review Officer Māori

10 April 2018

Information about the Kōhanga Reo

Location	Gisborne
Ministry of Education profile number	55462
Kōhanga Reo Identification Number	06F078
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	30 children, including up to 10 aged under 2
Kōhanga Reo roll	24 children, including up to 6 aged under 2
Gender composition	Girls 8 Boys 16
Ethnic composition	Māori		100%
Review team on site	February 2018
Date of this report	10 April 2018
Most recent ERO report(s)	Education Review Education Review	June 2014 February 2011