Te Kōhanga Reo o Manawanui

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū ana Te Kōhanga Reo o Manawanui ki ngā papa o te kura o Windley. Ka ahu mai te nuinga o te whānau i Porirua, ā, e ū ana rātou ki te whakamana i ngā whakareretanga iho o rātou ngā kaumātua me ngā kuia kua huri ki tua o te ārai. Ka puta ngā mokopuna i te kōhanga reo hei manu pīrere, ka whakawhiti atu te nuinga ki Te Kura Māori o Porirua. He tokomaha ngā kaimahi kua whakatutukihia ngā whakangungu i whakaratohia ai e Te Poari Matua o Ngā Kōhanga Reo i roto i ngā tau tata kua pahure ake nei, ā, e ngākau nui ana rātou ki te haere tonu i te whakawhanaketanga ngaio.

I kitea ki te aromātai Mana Whakahaere a Te Tari Arotake Mātauranga i te Haratua o te tau 2022, he pai te whakahaere me te whakarite a te whānau i te kōhanga reo, ā, kei te whakarato Te Kōhanga Reo o Manawanui i tētahi taiao e poipoi ana i te whanaungatanga.

3 Te Aronga o te Aromātai

He pēhea rawa te whakaatu mai o ngā mokopuna i tō rātou māramatanga ki te whanaungatanga?

Ka kitea ki ngā mokopuna tō rātou māramatanga ki te whanaungatanga, mā te papai o ā rātou taunekeneke ki ētahi atu.

4 Ngā Whakaaturanga – Mana Mokopuna

Kua pou herea te whanaungatanga ki ngā hononga o ngā kaimahi, me ngā taunekeneke aroha ki ngā mokopuna. E hāpai ana taua tūāhuatanga i te whai māramatanga o ngā mokopuna ki te whakaute i ētahi atu. Ka kawe atu ngā mokopuna i ngā mahi ārahi mā te whānuitanga o ngā tūmomo huarahi. Ko ētahi o aua huarahi, ko te whakatau wairua, ko te waiata, ā, ko te manaaki manuhiri. Ka rongo ngā mokopuna i te whanaungatanga mā te atawhai me te māramatanga o ngā tohutohu, o te whāngai kupu, o ngā hanganga reo, o ngā waiata hoki.

Ka whai wāhi nui ngā mokopuna ki tētahi kōhanga reo wāteatea e whakatakoto ana i te tini o ngā wāhi ako. Ka ako māhorahora rātou ki te taha o ētahi atu, ā, he whai wāhitanga anō hoki mō rātou ki te whai i ō rātou ake ngākau nuitanga. E tino mōhio ana ngā kaimahi ki i ngā mokopuna, heoi, ka hāpai taua tūāhuatanga i a rātou ki te whakahāngai ake i ngā akoranga ki ia tamaiti. Ka whakaū te ngākau titikaha o ngā mokopuna ki te ako mā te whai pūtaketanga o ngā mahi a ngā kaimahi i roto i te whānuitanga o ngā tūmomo horopaki. Ka akiaki ngā kaimahi i ngā mokopuna ki tētahi taiao whai hua, ā, ka whakamihi i ā rātou whakamātau.

He mahere ā-tau tā te whānau e ārahi ai i ngā take auau o ngā whakaritenga tari, ā, e tautoko ai hoki i te rere pai o ngā whakahaeretanga ki te kōhanga reo i ia rā. Ka arotahi te mahere ki te mahere ako, ā, ka whakatakoto hoki i ngā whāinga me ngā wā whakahirahira. Ka kawe ngātahi ngā kaimahi i ngā haepapa mō te aroturukitanga o ngā take e pā ana ki te hauora me te haumaru, ā, ka kōrerohia ki ā rātou hui e tū ai i ia te wā. Ka kawe rātou i ngā aromatawai i ia te wā, ā, ka whai whakaaro nui te whānau ki ngā whakatakotoranga tuhinga o ngā akoranga e tohu ai i te ahu whakamua o ngā mokopuna i roto i te roanga o te wā. E āta whakaarohia ana te ako a ngā mokopuna me tō rātou waiora.  

Ngā Whakaritenga Matua ka whai ake 

Kua tautuhia e ngā kaimahi, e tika ana kia whakapakari tonuhia ngā mahere, te aromatawai, me te aromātai. Kei te manawanui rātou ki te whakamana i ngā whakareretanga iho o ō rātou koroua me ō rātou kuia. E tautoko ana Te Tari Arotake Mātauranga i te aronga o te whānau ki te whakapai i ngā whakaritenga a ngā kaimahi, nā te whai wāhi anō hoki o taua aronga ki te whakarahi ake i ngā putanga ki ngā mokopuna.  

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• arotahi te whānau ki te whakapai ake i ngā whakaritenga a ngā kaimahi, me te whakapakari tonu i te whakamahere, te aromatawai, me te aromātai.  

Darcy Te Hau
Toka ā Nuku
Te Uepū-a-Motu – Māori Services

 

22 Pipiri, 2022

 

7 Ngā kōrero e pā ana ki te Kōhanga Reo

Te tūwāhi	Kei Porirua
Te tau a te Tāhuhu o te Mātauranga	55347
Te tau tohu o Te Kōhanga Reo	09B095
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	40, kia tokoiwa ki raro i te rua o ngā tau
Te tokomaha kei runga i te rārangi ingoa	24, tokoiwa kei raro i te rua o ngā tau
Ngā hononga ā-iwi	Māori 12, Kuki Airani 6, Hāmoa 4, Iwi kē 2
Te wā i te kōhanga reo te rōpū arotake	Haratua 2022
Te wā o tēnei pūrongo	22 Piripi 2022
Ngā pūrongo o mua a Te Tari Arotake Mātauranga	Arotake Mātauranga – Mana Whakahaere, Haratua 2022; Arotake Mātauranga, Haratua 2019; Arotake Mātauranga, Poutū-te-rangi 2016

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.

2 Context

Te Kōhanga Reo o Manawanui is located on the grounds of Windley School. Whānau are mostly from Porirua and determined to uphold the legacy of kaumatua and kuia who have passed. On graduating from kōhanga most mokopuna enrol at Te Kura Māori o Porirua. A number of kaimahi have completed training provided by Te Kōhanga Reo National Trust over the last few years and are committed to continuing professional development.

ERO’s May 2022 evaluation of whakahaere practices found the whānau managed and operated the kōhanga reo well, and Te Kōhanga Reo o Manawanui provided an environment that nurtures whanaungatanga.

3 Evaluation Focus

How well do mokopuna show their understanding of whanaungatanga?

Mokopuna show their understanding of whanaungatanga through their positive interactions with others.

4 Findings - Mana Mokopuna

Whanaungatanga is underpinned by kaimahi relationships and loving interactions with mokopuna. This supports mokopuna understanding about respecting others. Mokopuna assume leadership in a variety of ways. These include whakatau wairua, waiata, and manaaki manuhiri. Mokopuna experience whanaungatanga through kind clear instructions, prompts, language structures and waiata.

Mokopuna enjoy a spacious kōhanga reo with multiple learning areas. They freely learn alongside others and have opportunities to follow their interests. Kaimahi know mokopuna intimately which enables a tailored learning approach for each individual. Mokopuna are reassured as confident learners through intentional kaimahi actions in a variety of settings. Kaimahi encourage mokopuna in a positive environment and praise their efforts.

Whānau have an annual plan which guides regular administrative matters and supports the smooth day-to-day operation of the kōhanga reo. The plan focuses on mahere ako and includes goals and significant dates.  Kaimahi share responsibilities for monitoring health and safety matters which are discussed through their regular hui.  They undertake regular assessments and whānau appreciate documented records of learning that show mokopuna progress over time. Mokopuna learning and wellbeing is well considered. 

Key Next Steps

Kaimahi have identified the need to continue strengthening planning, assessment and evaluation. They are determined to uphold the legacy of their koroua and kuia. ERO supports the whānau focus to improve kaimahi practices as this can increase outcomes for mokopuna.

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami and pandemic.

6 Recommendation

ERO and the kōhanga reo whānau developed the following recommendation:

• that the whānau focus on improving kaimahi practices and continue to strengthen planning, assessment and evaluation.

Darcy Te Hau
Toka-ā-Nuku – Director
Te Uepū ā-Motu – Māori Review Services

22 June 2022

7 Information about the Kōhanga Reo

Location	Porirua
Ministry of Education profile number	55347
Kōhanga Reo Identification Number	09B095
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	40 children, including up to 9 aged under 2
Kōhanga Reo roll	24 children, including 9 aged under 2
Ethnic composition	Māori 12, Cook Island 6, Samoan 4, Other 2
Review team on site	May 2022
Date of this report	22 June 2022
Most recent ERO report(s)	Education Review – Mana Whakahaere, May 2022; Education Review, May 2019; Education Review, March 2016