Waikokopu Road, Nuhaka
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
Ko Tākitimu te waka
Ko Moumoukai te maunga
Ko Nūhaka te awa
Ko Raakaipaaka te hapū
Ko Ngāti Kahungunu te iwi
Ko Nūhaka te Kōhanga Reo Whānau te whare kōhanga
Tīhei Kahungunu e!
E tū ana Te Kōhanga Reo o Nūhaka ki te hapori o Nūhaka, e pā tata atu ana ki Wairoa. He hononga ā-hapū, ā-iwi, ā-whakapapa hoki ō ngā mokopuna me ngā whānau. Kua roa nei te kaiwhakahaere e hāpai ana i te kōhanga reo, ā, he tautōhito ia hei kaiako. Kua whakatakotohia te mahere whakakapi tūranga, hei whakawhanake i ngā kaiako hou e whakangungutia ana i tēnei wā.
Ka kitea ki ngā mokopuna tō rātou aronga ki te whanaungatanga mā ā rātou taunekeneke i a rātou e ako ana ki te taha o ētahi atu.
E ako ana ngā mokopuna ki tētahi taiao e manaaki ana, e whakakoia ana, ā, e whakatairanga ana i tō rātou mana motuhake. Kua pou herea ngā hononga ki te whanaungatanga, te whakapapa, me ngā hononga ki te whenua. Ka whakatauira ngā kaiako me ngā whānau i te tikanga me te manaakitanga, ā, ka whakaatu ki ngā mokopuna te tino āhua o te whanonga papai i roto i ngā tūmomo horopaki. I ngā wā katoa ka whakakoia, ka whakamihi, ka whakanui hoki ngā kaimahi i te ako me te whai wāhi atu a ngā mokopuna. Ka puta māhorahora mai ngā hononga o te tuākana me te tēina ki waenga i ngā mokopuna, i a rātou e ako ngātahi ana. Ka kitea tō rātou pākiki me tō rātou ngākau nui ki tā rātou ako i ngā wā tākaro, ngā wā ōkawa, me ngā kaupapa hoki a te whānau whānui. He pai ngā rauemi i te kōhanga reo hei hāpai i ngā mokopuna ki te whai wāhi nui ki tētahi taiao e whakatairanga ana i te tū takitahi, i te tākaro ā-rōpū, me te kori tinana. Kei te mauritau, kei te harikoa hoki ngā mokopuna hei ākonga.
E rumakina ana ngā mokopuna ki te reo Māori. Ka whakamahi ngā kaimahi i te tangongitanga o ngā rautaki ako reo Māori hei hāpai i te whakawhanaketanga reo o ngā mokopuna, pērā i te patapatai, te tāruarua, te reo rotarota, me te whakatauira. Ka whakapoutamatia te reo Māori ki ngā horopaki. Ka akiaki ngā kaimahi i ngā mokopuna ki te tāruarua i tēnā i kōrerohia e ngā kaimahi, i a rātou e whakapuaki ana i ngā kupu hou, puta noa i ngā tākaro. Ka arataki māhorahora ngā mokopuna tuākana i ngā waiata, tae atu hoki ki ngā mōteatea, ā, ka hāpaitia tā rātou taki i ngā pepeha me ngā karakia. Ka kitea te māramatanga o ngā mokopuna tēina nā te āhua o ō rātou kanohi, nā te tāwhai, nā te kori hoki o te tinana. E taunga haere ana ngā mokopuna ki te whakapuaki i a rātou anō mā te reo e whiriwhirihia ana e rātou.
He pai te whakaritenga o te hōtaka hei whakatutuki i ngā ngākau nuitanga me ngā matea o ngā mokopuna. Kei te harikoa, kei te mauritau hoki tō rātou āhua i a rātou e taunekeneke ana, e tākaro ana hoki ki ō rātou hoa, me te haereere puta noa i ngā wāhi tākaro. E mōhio ana ngā mokopuna, he pou tuarā ngā kaimahi mō rātou, ā, ka kitea tō rātou aroha me tō rātou kaha ki te whakamihi i ia tamaiti. E wātea ana ngā mokopuna ki te whai i ō rātou ake ngākau nuitanga. Kei te haumaru, kei te wāteatea te wāhi haereere o roto, o waho hoki e whakaratohia ana e ngā kaimahi hei wāhi tūhura mō ngā mokopuna. Ka ngākau nui ngā mokopuna ki ngā wheako ako e āta whakaaro nui ana i ia te wā ki ō rātou ngākau nuitanga me ō rātou matea.
Ko ngā matea o ngā mokopuna kei te pūtake o te hōtaka akoranga. Kua āta whakaritea ngā mahere, ā, ka tautuhi i ngā kaupapa me ngā takune ako, ā, ka hono hoki ki Te Whāriki a Te Kōhanga Reo. Ka whakauru ngā kaimahi i ngā taumahi e kapo atu ai i te whai wāhi mai a ngā mokopuna, ā, e ahu mai ana i te tūāpapa o te aroha, te manaakitanga, me te whanaungatanga. Ka whakapakari ngā taumahi ako i ngā tikanga me ngā whakaritenga, i te tākaro pāhekoheko, te auaha, me te whakahoahoa. E whakatakoto ana ngā kōnae ako i te ako a ngā mokopuna me tō rātou whakawhanaketanga i roto i te roanga o te wā. Whakapuakihia ai ki te taha o ngā whānau i ngā hui o ia marama. E āta whakaarohia ana ngā matea o ngā mokopuna hei āta whakatau i te haumaru ā-whatumanawa, ā-tinana hoki o ngā mokopuna katoa i te kōhanga reo.
Ko te whanaungatanga me te kotahitanga ngā mātāpono e pou here ana i ngā mahi whakahaere a te whānau. He hononga ō ngā whānau ki te kōhanga reo nā te noho pā tata ki Nūhaka, nā ō rātou wheako whaiaro kē ki te kōhanga reo, me ō rātou hononga ā-whānau. Ka noho maioha rātou nā te whai wāhitanga o ā rātou tamariki ki te ako me te puāwai ki te taha o ō rātou kaihana me tō rātou whānau. Kei te mātātoa te tautoko o ngā whānau ki te kōhanga reo. Ka whai wāhi atu rātou ki ngā wānanga o te kōhanga reo me te marae, ki ngā haerenga, me te tiaki o te kōhanga reo. Ka mahi ngātahi rātou ki te whakarato i tētahi taiao ako haumaru, whai oranga hoki. Nā te tū auau o ngā hui ka puta ngā whai wāhitanga mō ngā whānau ki te whakapuaki i ō rātou whakaaro, ō rātou mōhiotanga, me te tautoko hei hāpai i ngā whakahaeretanga katoa o te kōhanga reo. He mahi ngātahi te whakahaere pūtea me te whakatau i ngā whakaritenga. Ko ngā kaupapa here me ngā tukanga e pā ana ki te tiaki mokopuna tētahi o ngā kaupapa matua o te whānau whakahaere, ā, ka tae atu ngā kaimahi katoa ki ngā wānanga. E hāngai ana te mahere rautaki ki Te Ara Tūāpae, ā, he aronga matua ki te whakawhanaketanga ā-whānau i te reo Māori. Ka āta ārahi te mahere ā-tau i te whakatinanatanga o ngā akoako ohotata, i ngā kaupapa ā-tau, me ngā kawenga a ngā kaimahi i roto i te marau. Ko ngā whakaritenga kaimahi me te arowhai haumaru e hāngai katoa ana ki te wā, ā, e āta whakahaerehia ana e te whānau. Ko te hauora, te haumaru, te ako, me te waiora o ngā mokopuna kei te pūtake o ngā whakataunga a te whānau.
Me whakapakari i te aromātai hōtaka. Ahakoa hui ai ngā kaimahi i ia te wā ki te whakawhiti kōrero me te whakaaro huritao mō te whai wāhi atu a ngā mokopuna, he iti noa ngā whakaaturanga e tohu ana i te pūtake o ngā whanaketanga, i te huarahi rānei i whāia ki te whakawhanake i te hōtaka akoranga. Ka whai hua ngā mokopuna nā te auau o te aromātai hōtaka.
Me whakapakari i ngā arohaehae a ngā kaimahi. Ahakoa kua whakatakotohia ngā arohaehae, kāhore he whakaaturanga e tohu ana i te āhua tonu o ngā arohaehae ki te whakamōhio i te whakawhanaketanga ngaio o ngā kaimahi. Ka whakatairangatia te ako a ngā mokopuna i te wā e āta tautuhia ana, e whai pūtake ana hoki ngā pūkenga me te whakawhanaketanga o ngā kaimahi.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
E taunaki ana Te Tari Arotake Mātauranga kia mahi te whānau ki te taha o te tari ā-rohe o Te Poari Matua o Ngā Kōhanga Reo ki te whakatutuki i ngā whakaritenga matua i tautuhia ai ki tēnei pūrongo kia whāia.
Tiwana Hibbs
Toka ā Nuku
Te Uepū ā-Motu – Māori Review Services
16 Pipiri, 2025
| Te tūwāhi | Kei Nūhaka |
| Te tau a te Tāhuhu o te Mātauranga | 55258 |
| Te tau tohu o Te Kōhanga Reo | 08A115 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 20 ngā tamariki, kia tokoono ki raro i te rua o ngā tau |
| Te tokomaha kei runga i te rārangi ingoa | 16 ngā tamariki, tokowhā kei raro i te rua o ngā tau |
| Ngā hononga ā-iwi | Māori 16 |
| Te wā i te kōhanga reo te rōpū arotake | Hui-tanguru 2025 |
| Te wā o tēnei pūrongo | 16 Pipiri 2025 |
| Ngā pūrongo o mua a Te Tari Arotake Mātauranga | Arotake Mātauranga, Whiringa-ā-rangi 2022; Arotake Mātauranga, Hōngongoi 2018; Arotake Tāpiri, Pipiri 2015 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Ko Tākitimu te waka
Ko Moumoukai te maunga
Ko Nūhaka te awa
Ko Raakaipaaka te hapū
Ko Ngāti Kahungunu te iwi
Ko Nūhaka te Kōhanga Reo Whānau te whare kōhanga
Tīhei Kahungunu e!
Te Kōhanga Reo o Nūhaka is in Nūhaka, near Wairoa. The mokopuna and whānau are connected through hapū, iwi and whakapapa. The kaiwhakahaere is a long-serving member in Te Kōhanga Reo with extensive experience as a kaiako. A succession plan is in place to develop new kaiako who are currently in training.
Mokopuna show a sense of whanaungatanga through their interactions while learning with others.
Mokopuna learn in an environment that is caring and affirming and promotes their mana motuhake. Relationships are underpinned by whanaungatanga, whakapapa and connections to the whenua. Kaiako and whānau role-model tikanga and manaakitanga providing mokopuna with important examples of appropriate behaviour in different circumstances. Kaimahi consistently affirm, praise and acknowledge mokopuna learning and engagement. Mokopuna naturally demonstrate tuākana-tēina connections as they learn alongside one another. They show curiosity and an interest in their learning during play, formal sessions and wider whānau events. The kōhanga reo is well resourced to support mokopuna to experience an environment that promotes independence, group play and physical activity. Mokopuna are settled and happy learners.
Mokopuna are immersed in te reo Māori. Kaimahi use a range of appropriate te reo Māori learning strategies such as questioning, repetition, reo rotarota and modelling to support mokopuna language development. Te reo Māori is also contextualised. Kaimahi encourage mokopuna to repeat after them while continually introducing new kupu throughout play. Older mokopuna spontaneously lead waiata including mōteatea, and are supported to recite pepeha and karakia. Younger mokopuna show their understanding using facial expressions, mimicking and body movements. Mokopuna are becoming more comfortable expressing themselves in the language of their choice.
The programme is well organised to meet mokopuna interests and needs. They appear happy and content in interacting and playing with their peers freely moving through areas of play. Mokopuna know they can go to kaimahi for support - who show a genuine love and acknowledge each of them. They are free to follow their interests. Kaimahi provide a safe and open, free-flowing indoor-outdoor area for mokopuna to explore. Mokopuna enjoy learning experiences that consistently consider their interests and needs.
Mokopuna needs are central to the learning programme. Planning is well-prepared and identifies kaupapa and learning intentions, with links to Te Whāriki a te Kōhanga Reo. Kaimahi include activities to harness mokopuna engagement built on a foundation of aroha, manaakitanga and whanaungatanga. Learning activities build on tikanga and practice, interactive play, creativity and social connection. Konae ako capture mokopuna learning and development over time. These are regularly shared with whānau at monthly hui. Mokopuna needs are well-considered to ensure the emotional and physical safety of all mokopuna while at kōhanga.
Whanaungatanga and kotahitanga are principles that underpin whānau whakahaere practices. Whānau are connected to the kōhanga reo through their geographical location to Nūhaka, their personal experience within the kōhanga and their whānau connections. They appreciate the opportunity for their tamariki to learn and thrive with their cousins and whānau. Whānau are active and supportive of the kōhanga reo. They participate in kōhanga marae wānanga, haerenga and in the maintenance of the kōhanga reo. They work together to provide a safe and healthy learning environment. Regular hui allow whānau the opportunity to contribute their ideas, knowledge and support to all kōhanga reo operations. Financial management is collaborative, and decisions are made as a collective. Tiaki mokopuna policies and procedures are a whānau whakahaere priority with wānanga attended by all kaimahi. The strategic plan aligns to Te Ara Tūāpae with a key focus on te reo Māori development as a whānau. The annual plan clearly provides guidance in the implementation of emergency drills, yearly events, staff and curriculum responsibilities. Personnel practices and safety checking are current and well-managed by whānau. Mokopuna health, safety, learning and well-being are at the heart of whānau decision making.
Programme evaluation requires strengthening. While kaimahi meet regularly to discuss and reflect on mokopuna engagement, there is little evidence to show why and how improvements were made to the learning programme. Mokopuna benefit from regular programme evaluation.
Kaimahi appraisals require strengthening. While appraisals are in place, there is no evidence to show how these inform professional development for kaimahi. Mokopuna learning is promoted when kaimahi skillset and development is clearly defined and purposeful.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO recommends whānau work alongside the Tari-ā-rohe to address key next steps as identified in this report.
Tiwana Hibbs
Toka ā Nuku - Director
Te Uepū ā-Motu – Māori Review Services
16 June 2025
| Location | Nūhaka |
| Ministry of Education profile number | 55258 |
| Kōhanga Reo Identification Number | 08A115 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 20 children, including up to 6 aged under 2 |
| Service roll | 16 children, including 4 aged under 2 |
| Ethnic composition | Māori 16 |
| Review team on site | February 2025 |
| Date of this report | 16 June 2025 |
| Most recent ERO report(s) | Education Review, November 2022; Education Review, July 2018; Supplementary Review, June 2015; |
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Nūhaka ki te hapori tuawhenua iti o Nūhaka, e pā tata atu ana i Wairoa. Kei roto te kōhanga reo i te whare poutāpeta o mua, i te rori matua o Nūhaka. He tino hononga ā-whakapapa e paihere ana i ngā mema o te whānau. I tēnei wā, e arotahi ana te whānau ki te whakatū i tētahi waharoa hou ki tō rātou kōhanga reo.
Nā te riterite, nā te taunga hoki o te hōtaka, ka rongo ngā mokopuna i te aronga mauritau. He pai tā rātou whai wāhi atu ki ngā wāhanga ōkawa o te hōtaka, ā, he pārekareka ki a rātou ngā taumahi me ngā rauemi e wātea ana ki a rātou.
E ako ana ngā mokopuna ki tētahi taiao kua whakawhārikihia ki ngā whakaritenga e riterite ana, e tōtika ana hoki. Kei te hōtaka o ia rā, ko ngā karakia, ngā mihi whakatau me ngā waiata e whakahono ana i a rātou ki Nūhaka. Ka hāpai ngā kaimahi i ngā mokopuna i ngā wā katoa, hei whakatairanga ake i tō rātou māramatanga ki te whakapapa. Kei te mauritau ngā mokopuna nā tā rātou waia ki ngā mahinga. Ahakoa he pai ake ki ngā mokopuna te kōrero i te reo Pākehā, ka whakamahi ngā kaimahi i ngā rautaki tika hei akiaki i ngā mokopuna ki te kōrero i te reo Māori. Ka whakatauira rātou i ngā hanganga reo me ngā kupu e tika ana hei hāpai i te whakawhanaketanga reo. I ngā wā katoa e ākina ana te taunekeneke papai a ngā mokopuna ki te taha o ētahi atu. Ka kitea ki ngā tuākana tō rātou manaaki, tō rātou whakaute, me tō rātou whai whakaaro nui ki ō rātou tēina. Ka whakatauira ngā kaimahi i ngā taunekeneke e kaha tohu ana i te whanaungatanga. Kua tau ngā mokopuna ki te hōtaka, ā, he ngāwari tā rātou whakawhitiwhiti haere ki waenga i ngā taumahi.
Kei te hōtaka te tangongitanga o ngā whai wāhitanga ako. He pārekareka ki ngā mokopuna tā rātou whai i ō rātou ngākau nuitanga, me tā rātou kōkiri i ā rātou ake tākaro. Kua roa ake tā rātou arotahi pūmau ki tēnā e mahia ana e rātou. Ka kitea te ngākau titikaha o ngā mokopuna i tō rātou wāhi, i a rātou e tūhura māhorahora ana i ngā wāhi o roto, o waho hoki. He nui ngā rauemi i ngā wāhi ako, ā, ka poipoi i ngā tūmomo rōpū reanga mā te whakaongaonga, te wero, me te whakawhānui i ngā whakaaro o ngā mokopuna. Ka ngākau nui ngā mokopuna ki te whānuitanga o ngā tūmomo taumahi e whakaratohia ana.
He tukanga ā ngā kaimahi mō ngā mahi e pā ana ki te whakamahere me te aromatawai. Kei ngā mahere ā-tau, ā-wāhanga, ā-wiki hoki, ko ngā whāinga ako me ngā putanga ako a ngā mokopuna. Ka whai wāhi hoki ngā wawata o te whānau ki ngā mahere. E kapo atu ana ngā kōnae mokopuna i te ako me te ahu whakamua a ngā mokopuna i roto i te roanga o te wā, ā, ka whakatakotohia ētahi tauira mahi a ia mokopuna. E hāpai ana ngā mātai tamaiti i te aroturukitanga a ngā kaimahi i te whakawhanaketanga o ngā mokopuna. Ka whai wāhi nui ngā mokopuna ki ngā akoranga i āta whakamaheretia ai, i āta whakaritea ai hoki.
He tukanga ā te whānau mō te whakahaeretanga o te kōhanga reo. Ka taetae atu ngā whānau ki ngā hui i ia te wā, ā, ka whai wāhi atu ki ngā whakataunga. Kua whakatakotohia ngā kaupapa here me ngā tukanga e pā ana ki te hauora me te haumaru, ā, ka hāngai hoki ki ngā herenga ā-ture o te wā. Kua whakatinanahia te mahere rautaki ki Te Ara Tūāpae, ā, ka whakatakoto hoki i te tirohanga me ngā wawata o te whānau mō ngā mokopuna. Kua whakatakotohia ngā tuhinga e pā ana ki ngā tūranga mahi, ā, e hāngai ana hoki ki te wā. Kua whakatutukihia te arohaehae i ngā kaimahi, ā, ka ū tonu te titiro ki te whakawhanaketanga ngaio. Kua āta tautuhia ngā mahi whakahaere tari i roto i te mahere ā-tau. Ka whai hua ngā mokopuna nā te whakarite ngātahi o ngā whakataunga.
Me tahuri ki te whakatutuki i ngā āhuatanga e pā ana ki te aromātai hōtaka. He uaua ki te tātari i te whai pānga, i te āhua rānei o ngā whakapaitanga ki te hōtaka akoranga. Ki tā ngā kaimahi, kei te tīmatanga rātou o te aromātai me te tuhi haere i ngā whakataunga e whakatairanga ai i te whakapuakitanga o te hōtaka. Ko ngā putanga e whai hua ai ki ngā mokopuna, ka hua ake i te āta aromātai i te hōtaka.
Ahakoa he whāinga mārama ā te whānau, kua tae ki te wā ki te whakawhanake i tētahi mahere mahi e hāpai ai, e aroturuki ai i ngā putanga, i runga i te āhua o ā rātou kaupapa rautaki matua. I tēnei wā, kāhore he huarahi ki te aroturuki i te ahu whakamua o ngā whāinga i whakatakotohia ai e te whānau. He mea nui kia āta whakaraupapa haere te mahere mahi i ngā taumahi, i ngā huihuinga rānei, me ngā rārangi wā mō te whakatutukitanga o ngā wawata o te whānau. Ka whai hua ngā mokopuna i ngā tukanga e wāhi ai ki te rōnakitanga me te whakawhanake tonutanga o kōhanga reo mō meāke nei.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Darcy Te Hau
Toka ā Nuku
Te Uepū-a-Motu – Māori Services
09 Whiringa ā-rangi, 2022
| Te tūwāhi | Kei Nūhaka, ki Wairoa |
| Te tau a te Tāhuhu o te Mātauranga | 55258 |
| Te tau tohu o Te Kōhanga Reo | 08A115 |
| Te tūmomo whare | He kōhanga reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 20, kia tokoono ki raro i te rua o ngā tau |
| Te tokomaha kei runga i te rārangi ingoa | 11, tokowhā kei raro i te rua o ngā tau |
| Ngā hononga ā-iwi | Māori 10, Iwi kē 1 |
| Te wā i te kōhanga reo te rōpū arotake | Here-turi-kōkā 2022 |
| Te wā o tēnei pūrongo | 09 Whiringa ā-rangi, 2022 |
| Ngā pūrongo o mua a Te Tari Arotake Mātauranga | Arotake Mātauranga, Hōngongoi 2018; Arotake Tāpiri, Pipiri 2015; Arotake Mātauranga, Pipiri 2014 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for hapū and iwi.
Te Kōhanga Reo o Nūhaka is in the small rural community of Nūhaka, near Wairoa. The kōhanga reo is situated in the old post office building on the main road of Nūhaka. Whānau members have strong connections through whakapapa. The whānau are currently focusing on building a new entrance way to their kōhanga reo.
The consistency and stability of the programme provide mokopuna with a sense of security. They participate well in the formal parts of the programme and enjoy the activities and resources available.
Mokopuna learn in an environment where practices are consistent and reliable. The daily programme consists of karakia, mihi whakatau and waiata that connects them to Nūhaka. Kaimahi provide ongoing support for the mokopuna to enhance their understanding of whakapapa. Mokopuna are settled because they are familiar with routines. Whilst mokopuna prefer to speak in English, kaimahi use appropriate strategies to encourage mokopuna to kōrero te reo Māori. they model correct language structure and kupu to support language development. Mokopuna are constantly encouraged to interact in positive ways with others. Tuākana show care, respect and concern for their teina. Kaimahi model interactions that reflect whanaungatanga. Mokopuna are familiar with the programme and transition smoothly between activities.
The programme provides opportunities for learning that are varied. Mokopuna enjoy following their interests and initiating own play. They remain engaged for longer periods of time. Mokopuna display confidence in their physical environment as they freely explore both indoors and outdoors. Learning spaces are well resourced and cater to the different age groups to stimulate, challenge and extend mokopuna thinking. Mokopuna enjoy the range of activities provided.
Kaimahi have processes in place for planning and assessment. Year, term and weekly plans include learning objectives and outcomes for mokopuna. Whānau aspirations are included in planning. Kōnae mokopuna capture mokopuna learning and progress over time and include individual work samples. Mātai tamaiti supports kaimahi to monitor mokopuna development. Mokopuna enjoy learning that is well planned and organised.
Whānau have systems in place to manage the kōhanga reo operations. Whānau attend regular hui and make contributions to decision making. Health and safety policies and procedures are in place and align to current legislation. The strategic plan is informed by Te Ara Tuapae and includes the vision and aspirations whānau hold for mokopuna. Employment documentation is current and in place. Kaimahi appraisals are complete with an ongoing focus on professional development. Administrative tasks are clearly defined in the annual plan. Mokopuna benefit from collective decision making.
Programme evaluation needs to be attended to. It is difficult to gauge how or what improvements have been made to the learning programme. Kaimahi acknowledge they are in the early stages of evaluating and documenting decisions that will enhance programme delivery. Positive outcomes for mokopuna is the result of sound programme evaluation.
While whānau have clear aspirations, it is time to develop an action plan to assist and monitor outcomes against their strategic priorities. Currently there is no way of monitoring the progress of the goals set in place by the whānau. It is important that the action plan clearly outlines activities or events and timelines to achieve whānau aspirations. Mokopuna benefit from processes that lead to the sustainability and future development of the kōhanga reo.
During the evaluation, ERO looked at systems for managing the following areas:
ERO and the kōhanga reo whānau developed the following recommendation:
Darcy Te Hau
Toka-ā-Nuku – Director
Te Uepū ā-Motu – Māori Review Services
9 November 2022
| Location | Nūhaka, Wairoa |
| Ministry of Education profile number | 55258 |
| Kōhanga Reo Identification Number | 08A115 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 20 children, including up to 6 aged under 2 |
| Kōhanga Reo roll | 11 children, including up to 4 aged under 2 |
| Ethnic composition | Māori 10, Other 1 |
| Review team on site | August 2022 |
| Date of this report | 9 November 2022 |
| Most recent ERO report(s) | Education Review, July 2018; Supplementary Review, June 2015; Education Review, June 2014 |
E tū ana Te Kōhanga Reo o Nūhaka ki te hapori iti o Nūhaka e noho tuawhenua ana, ā, e pā tata atu ana ki Wairoa. E whakapuakihia ana te hōtaka akoranga i tētahi whare muramura, wāteatea hoki, ā, he rahi anō hoki te wāhi tākaro o waho.
Whai muri i te pūrongo o mua a Te Tari Arotake Mātauranga i te tau 2015, kua whakarerekēhia ngā tūnga kaimahi. He hou ngā kaimahi me te kaiwhakahaere ki ō rātou tūranga. Kua roa nei tētahi kaumātua e whai wāhi nui ana ki te kōhanga reo, ā, nō nā tata tonu nei ia i kawe atu ai i te tūnga o te kaiako. He tino hononga ā-whakapapa ō ngā mema o te whānau. He pai tā rātou mahi ngātahi ki te whakahaere i ngā whakaritenga o te kōhanga reo.
He pakari ngā tamariki ki te tūhura haere me te whai wāhi hoki ki ngā āhuatanga katoa o te hōtaka, ā, he mātātoa hoki i aua wā te whakatairanga ake i ō rātou ngākau titikaha.
E ako ana ngā tamariki i te reo Māori. Ka whakarato ngā kaimahi i ngā hanganga reo māmā hei hāpai i ngā tamariki ki te whakapuaki i ō rātou whakaaro me ō rātou tuakiri. Ka whakamahi ngā tamariki i ā rātou akoranga o te reo Māori ki te taha o te whānau, mā te mihimihi me te whakapuaki i ō rātou pepeha. Ka ākina ngā tamariki tuākana ki te whakapuaki i te kupu kotahi, i ngā kupu e rua rānei hei whakautu kōrero ki ō rātou hoa me ngā pakeke. Ka kitea te māia o ngā pēpi ki te whakapuaki me te whakawhitiwhiti kōrero mā te reo ā-tinana me ngā tūmomo oro. Ka āta whakarite ngā kaimahi kia tae atu ngā tamariki ki ngā pōwhiri me ngā whakatau, kia whai wāhi atu ai rātou ki ngā huihuinga ōkawa o te reo Māori. E tīmata ana te reo Māori o ngā tamariki ki te puāwai mai.
E ako ana ngā tamariki ki tētahi taiao e mau ana i te rangimārie me te manaakitanga. Ka āta whakarite ngā kaimahi kia āta poipoi ā rātou taunekeneke i te puāwaitanga o te whanaungatanga ki waenga i te katoa. Ka rongo ngā tamariki i ngā ariā o te awhi mai me te awhi atu. Nā taua tūāhuatanga, ka whakatinana ngā tamariki i te aroha, te manaaki, me te āwhina ki ētahi atu. Ka kitea, ka whakanuia hoki e ngā kaimahi te whanonga papai. He pakari ngā tamariki ki te whakatata atu ki ngā pakeke, ā, e mōhio ana hoki rātou ka aro nuitia ā rātou pakirehua, ā rātou take rānei. I ngā wā katoa ka toro atu rātou ki te tautoko me te tautāwhi o ngā pakeke. Ka akiaki ngā kaimahi i ngā hononga papai me ngā taunekeneke papai ki te kōhanga reo. He mauritau te āhua o ngā tamariki i roto i ō rātou hononga ki ētahi atu.
He whai wāhitanga mō ngā tamariki ki te whai wāhi atu ki te whānuitanga o ngā tūmomo wheako ako. Ka whakarato ngā kaimahi i ngā whai wāhitanga mō ngā tamariki ki te uru atu ki ngā huihuinga i te marae me ngā kaupapa Māori i te hapori. Ka akiaki rātou i ngā tamariki ki te whai wāhi atu ki ngā pōwhiri, ā, e hāpai ana hoki tēnei i tā rātou ako i ō rātou tūranga me ā rātou kawenga hei tangata whenua. E hāpaitia ana te taunekeneke a ngā tamariki ki ngā kaumātua me te whānau whānui, hei whakapakari anō hoki i ō rātou hononga ki te whenua me te marae. E mōhio ana ngā tamariki ki a rātou anō, ki tō rātou tūrangawaewae hoki.
He mātātoa ngā tamariki ki te tūhura i tō rātou taiao ake me te taiao whānui. Kua tuitui ngā kaimahi i te kaitiakitanga ki te hōtaka akoranga me ā rātou mahi ki te tiaki i te taiao māoriori. Ka whakanuia anō hoki taua tūāhuatanga i ngā whai wāhitanga mō ngā tamariki ki te whakatō, te tiaki, me te hauhake i te māra kai, me ngā haerenga anō hoki ki te awa me te kura kaupapa Māori o te takiwā nei. Ka whakapuaki ki ngā tamariki, ko ngā atua Māori me tō rātou whai pānga ki te taiao māoriori. E arotahi ana ngā kaimahi ki te whakawhanake i te hononga o ngā tamariki ki te ao whānui. Ko ngā rauemi i te kōhanga reo e hāpai ana i ngā tamariki ki te kōkiri i ngā akoranga e whai pūtake ana ki a rātou. E whanake ana te ngākau titikaha o ngā tamariki hei ākonga.
E mōhio ana te whānau, e tika ana kia whakatupu ake tonu ō rātou pūkenga ki te kōrero i te reo Māori. He mea nui, kia whakaarohia e rātou tētahi aronga nahanaha ki te ako i te reo Māori. Ka whai pānga matua tētahi mahere rautaki ki taua whakawhanaketanga. Ka āta whakarite tēnei i te whakatinanatanga me te aroturukitanga o tētahi mahere reo. Ka whiwhi ngā tamariki i ngā painga ka hua ake i te reo Māori i te wā e kōrerohia ana ki te kōhanga reo me ō rātou kāinga.
He pai te māramatanga o te whānau o te kōhanga reo ki ā rātou kawenga ki te whakahaere i te kōhanga reo. He auau ā rātou hui, ā, e āta tuhia ana hei whakatakoto i ngā whakataunga a te whānau i roto i ngā kaupapa matua me ngā whakawhanaketanga. Ka kitea te tūmāia me te ngākau nui anō hoki o ngā whānau hou ki te ako i ngā tūranga me te whai wāhi mātātoa atu ki te whakahaeretanga o te kōhanga reo. Kua tirohia anōtia Te Korowai me ngā pou e whā, hei whakapūmau anō hoki i ngā huarahi ki te whakahaere i ngā whakaritenga i te kōhanga reo. E whakahaerehia ana te ako me te atawhai o ngā tamariki mā te aronga ki te whakaū i ngā whakaritenga papai i whakahāngaitia ai ki tā rātou tūtohinga.
Ka kitea ki ngā mahere a ngā kaimahi, ko te ako a ngā tamariki te pūtake o ā rātou mahi. Ka whakaatuhia ngā mahere kaupapa hei tirohanga mā te katoa ki te kōhanga reo. E ārahi ana aua mahere i te whakatinanatanga o te hōtaka. He pai ngā mōhiohio mō te ako a ngā tamariki ki ngā pūrongo a ngā kaiako me ō rātou whakaaro huritao, ā, ka whakapuakihia mā te whānau ki ngā hui ā-whānau o ia marama. He pai te whakarite me te whakahaere i te ako a ngā tamariki.
Me titiro ki ngā mahi e pā ana ki te aromatawai i ngā tamariki me te aromātai hōtaka. Ahakoa e whakaemi ana ngā kaimahi i ngā mōhiohio e pā ana ki ngā tamariki, kāhore aua mōhiohio e āta kapo mārika ana i te ako a ngā tamariki. Ko te tikanga, mā ngā pūrongo a ngā kaimahi mō ngā hōtaka akoranga me ngā whakaritenga, ka titiro anō hoki rātou ki ngā huarahi ka whakapai tonu i te whakapuakitanga mō ngā tamariki. Kāhore te ahu whakamua o te ako a ngā tamariki e āta aroturukitia ana.
Kāhore anō te whānau kia whakaoti tētahi mahere rautaki. Ahakoa he mārama ki a rātou ngā kaupapa matua, kāhore he aronga nahanaha e hāpai ana i te whakatutukitanga o ā rātou whāinga me ō rātou wawata. He mea nui, kia tuhi haere, kia whakatinana, kia aroturuki hoki te whānau i te ahu whakamua, i runga anō i ngā whāinga me ngā tūmanako i whakatakotohia ai ki tā rātou rautaki mō meāke nei, ā, mō te pae tawhiti hoki. Ka whai hua ngā tamariki me te whānau mā te aroturukitanga o te whakawhanake tonutanga o tō rātou kōhanga reo.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Nūhaka i roto i te toru o ngā tau.
Lynda Pura-Watson
Kaiurungi Whakaturuki Arotake Māori
24 Hōngongoi, 2018
Te tūwāhi | Kei Nūhaka | |
Te tau a te Tāhuhu o te Mātauranga | 55258 | |
Te tau tohu o Te Kōhanga Reo | 08A115 | |
Te tūmomo raihana | He kōhanga reo | |
Kua raihanatia ki te ture | Ngā Ture Mātauranga (Ratonga Kōhungahunga) 2008 | |
Te tokomaha mō te raihana | 20, kia tokoono ki raro i te rua o ngā tau | |
Te tokomaha kei te rārangi ingoa | 16, tokorua kei raro i te rua o ngā tau | |
Te ira tangata | Kōtiro 8 Tama 8 | |
Ngā hononga ā-iwi | Māori | 100% |
Te wā i te kōhanga reo te rōpū arotake | Pipiri 2018 | |
Te wā o tēnei pūrongo | 24 Hōngongoi, 2018 | |
Ngā pūrongo o mua a Te Tari Arotake Mātauranga | Arotake Tāpiri Arotake Mātauranga Arotake Mātauranga | Pipiri 2015 Pipiri 2014 Haratua 2010 |
Te Kōhanga Reo o Nūhaka is in the small rural community of Nūhaka, near Wairoa. The learning programme is delivered in a spacious, bright building with a large outdoor play area.
Since the last ERO report in 2015, changes related to kaimahi are in place. Kaimahi and kaiwhakahaere are new to their roles. The kaumātua who has a long association with the kōhanga reo has recently become the kaiako. Whānau members have strong connections through whakapapa. They work well together to manage kōhanga reo operations.
Children confidently explore and participate across the programme where their confidence is actively promoted.
Children are learners of te reo Māori. Kaimahi provide children with basic language structures to help them share their ideas and who they are. Mihimihi and pepeha allow children to use their learning in te reo Māori with whānau. Older children are prompted to use one or two-word responses with their peers and adults. Pēpi show confidence to express and communicate through body language and sounds. Kaimahi ensure children attend pōwhiri and whakatau to participate in formal te reo Māori settings. Children are developing as early speakers of te reo Māori.
Children learn in a peaceful and caring environment. Kaimahi ensure their interactions foster whanaungatanga amongst everyone. Children experience concepts of awhi mai, awhi atu. In return children show aroha, manaaki and āwhina to others. Kaimahi recognise and affirm positive behaviour. Children are confident to approach adults and know that their inquiries or concerns will be responded to. They constantly seek support and assurance from adults. Kaimahi encourage positive relationships and interactions at the kōhanga reo. Children appear secure in their relationships with others
Children have opportunities to participate in a range of learning experiences. Kaimahi provide children with opportunities to actively participate in marae activities and kaupapa Māori events in the community. They encourage children to take part in pōwhiri, which helps them to learn about their roles and responsibilities as tangata whenua. Children are supported to interact with kaumātua and extended whānau about their connections to the whenua and marae. Children know who they are and where they come from.
Children actively explore their immediate and wider environments. Kaimahi have integrated the concept of kaitiakitanga into the learning programme and care for the natural environment. This is highlighted by opportunities for children to plant, care and harvest the māra kai, trips up the river and visits to the local kura kaupapa Māori. Children are introduced to atua Māori and the impact they have on the natural environment. Kaimahi are focussed on developing children’s connection to the wider world. The physical resources of the kōhanga reo allow children to initiate learning that is meaningful to them. Children are developing confidence in themselves as learners.
The whānau acknowledge the need to grow their capabilities to speak te reo Māori. It is important that they consider a planned approach to learning te reo Māori. A strategic plan is critical to this development. This will ensure that language planning is implemented and monitored. Children will experience the benefits of te reo Māori when it is spoken both in the kōhanga reo and their home.
The whānau has a good understanding of their responsibilities for managing the kōhanga reo. They have regular hui that are well documented to show whānau decision making around priorities and developments. New whānau show confidence and a strong interest to learn roles to actively participate in kōhanga reo management. Te Korowai and Ngā Pou e Whā have been revisited to provide insights into the ways of managing kōhanga reo operations. Children’s learning and care is managed with a focus on maintaining good practices that is aligned with their tūtohinga.
Kaimahi planning shows that children’s learning is the foundation of their work. Kaupapa plans are made visible in the kōhanga reo for all to view. These guide programme implementation. Kaiako reports and reflections provide good information to whānau about children’s learning at monthly whānau hui. Children’s learning is well organised and managed.
Children’s assessments and programme evaluation require attention. Although kaimahi gather information about children, these do not fully capture children’s learning. Kaiako reports about learning programmes and practices requires them to look at ways to improve delivery for children. Children’s learning progress is not well monitored.
The whānau have yet to complete a strategic plan. While they are clear about their priorities, there is no planned approach to achieve their goals and aspirations. It is important for whānau to record, implement and monitor progress against the goals and objectives of their medium and long-term strategy. Children and whānau will benefit when the future development of their kōhanga reo is monitored.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendation:
The next ERO evaluation of Te Kōhanga Reo o Nūhaka will be in three years.
Lynda Pura-Watson
Deputy Chief Review Officer Māori
24 July 2018
| Location | Nūhaka | ||
| Ministry of Education profile number | 55258 | ||
| Kōhanga Reo Identification Number | 08A115 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 20 children, including up to 6 aged under 2 | ||
| Kōhanga Reo roll | 16 children, including up to 2 aged under 2 | ||
| Gender composition | Girls 8 Boys 8 | ||
| Ethnic composition | Māori | 100% | |
| Review team on site | June 2018 | ||
| Date of this report | 24 July 2018 | ||
| Most recent ERO report(s) | Supplementary Review Education Review Education Review | June 2015 June 2014 May 2010 | |