Te Kōhanga Reo o Te Wairoa

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.

2 Te Horopaki

E tū ana Te Kōhanga Reo o Te Wairoa ki te hapori o Wairoa. He tino hononga tō ngā tāngata maha o te whānau ki te kuia nāna te kōhanga reo i whakatū. He rangatahi te whānau nei, ā, he tātai whakapapa ō rātou ki a Ngāti Kahungunu. Kua tautuhia e te whānau, ko te whakawhirinakitanga tētahi tino pūtake e kawe ai rātou i ā rātou tamariki ki tēnei kōhanga reo.

3 Te Aronga o te Aromātai

He pēhea rawa te whakaatu mai o ngā mokopuna i tō rātou mauritau, i tō rātou harikoa hoki hei ākonga?

He mauritau te āhua o ngā mokopuna i roto i ō rātou hononga me ā rātou taunekeneke ki ō rātou hoa me ngā pakeke. Kei te harikoa, kei te mauritau hoki rātou hei ākonga.

4 Ngā Whakaaturanga

E ako ana ngā mokopuna ki tētahi taiao e tino whakamana ana i te aroha, i te manaaki, ā, i te tiaki hoki. He mārie, he ngāwari hoki te āhua o ngā kaimahi ki te taha o ngā mokopuna. He reo ngāwari, he reo atawhai ō rātou i a rātou e kōrero ana ki ngā mokopuna. Ka pērā anō hoki te whakawhitiwhiti kōrero a ngā mokopuna. Ka whakatauira ngā kaimahi i te whanaungatanga i a rātou e taunekeneke ana ki ngā mokopuna. He māoriori te noho tahi hei tuakana, hei teina. I kitea ngā mokopuna e poipoi ana i ngā matea ā-tinana, ā-whatumanawa hoki o ō rātou tēina. Ka hāpai ngā kaimahi i ngā mokopuna ki te taki i ō rātou pepeha. Koia rā tā rātou rautaki e hāpai ai i te mokopuna ki te ako i ō rātou tuakiri me ō rātou tūrangawaewae, kia tū pakari rātou hei uri Māori. E whai wāhi atu ana ngā mokopuna ki tētahi hōtaka e āta whakatakoto ana i te hanganga me te riterite, puta noa i ngā taumahi o ia rā. Ka ū ngā kaimahi ki ngā mahinga riterite. Ka whakapuaki ngā mokopuna i te manaaki me te atawhai ki waenga i a rātou anō.

Kua whakaritea ngā mahi whakamahere a ngā kaimahi. Ka whakaaweawetia ki Te Taumata o Te Kounga, arā, he tukanga arotake o roto i whakaritea ai e Te Poari Matua o Ngā Kōhanga Reo. Kei ngā mahere a ngā kaimahi ngā wāhanga matua e tika ana. Ka whakatakotohia e rātou te kiko o te hōtaka e hono atu ana ki ngā mātauranga o te hapori me te whakawhanaketanga o te reo Māori. He rārangi wā, he hononga hoki ki Te Whāriki me ngā pūkenga ako mātua, ā, kei te mārama aua tūāhuatanga katoa. Kua āta whakamaheretia, kua āta whakaritea hoki ngā akoranga a ngā mokopuna.

He pai te whakahaeretanga o te whānau i ētahi wāhanga o ngā whakaritenga. Kua whakatakotohia te mahere ā-tau. E ārahi ana taua mahere i ngā mahi whakahaere i te tari, hei āta whakatau i te whakatutukitanga o ngā rārangi wā matua. E aroturukitia ana te mahere ā-tau e te kaiwhakahaere. He pai te whakahaeretanga o ngā take kaimahi. He tuhinga tūranga mahi, he kirimana mahi hoki tā ia kaimahi, ā, ka whakahoungia, ka whakahāngaitia hoki aua tuhinga ki ngā herenga ā-ture o te wā. Kua whakatutukihia ngā mahi kia arowhaingia ngā kaimahi e ngā pirihimana. Kei te mārama ki ngā kaimahi, ā rātou mōtika, ō rātou tūranga, me ā rātou kawenga mahi.

Ngā Whakaritenga Matua ka whai ake

Me titiro wawe ki te aromātai o roto. Kei te āta kitea, tērā ngā tukanga whakahaere maha kāhore anō kia arotakengia, ā, kāhore anō rānei kia pūrongohia ki te whānau. Me tautoko i ngā kaimahi ki te whakawhanake i ngā aromatawai a ngā mokopuna me ngā mahi ki te aromātai i te hōtaka. Kua tata ki te kotahi tau te roa, nō muri i te tuhi, i te pūrongo rānei o ngā akoranga me te ahu whakamua a ngā mokopuna. He ōpaki te aromātai i te hōtaka. He uaua ki te whakatau, e pēhea nei te aroturuki i te whai huatanga o te hōtaka akoranga. Ahakoa ka kōrero ngā kaimahi mō tēnā kāhore e whai hua ana, kāhore he tuhinga o aua whakawhitinga kōrero. He mea nui kia whakatakotohia e te whānau te tukanga mō te aromatawai me te aromātai i te hōtaka.

Ahakoa kua whakatakotohia ngā kaupapa here e pā ana ki te hauora me te haumaru, kāhore te whānau me ngā kaimahi e tino mārama ana i te whai pānga o aua tūāhuatanga ki te haumaru me te waiora o ngā mokopuna. Kua tae ki te wā kia rapu huarahi te kaiwhakahaere me te heamana, hei āta whakatau i te āheinga o te whānau ki te toro atu ki aua kaupapa here me aua tukanga, kia whai mōhiohio ai ngā whakataunga. He maha tonu ngā take e tāwēwē tonu ana, ā, me titiro wawe ki aua āhuatanga hei āta whakatūturu i te noho haumaru o ngā mokopuna:

• kua tae ki te wā kia arotakengia e te whānau ngā whakaritenga e pā ana ki te whāngai rongoā. Kāhore ngā whakaritenga o tēnei wā e hāngai ana ki ngā kaupapa here me ngā tukanga
• kāhore anō kia whakatutukihia ngā akoako ohotata ina he rū whenua. Kāhore ngā mokopuna e mōhio ana me aha rātou ina he rū whenua. Me whakarite, me whakatinana hoki te whānau i tētahi mahere hei āta whakatau i te whakatutukitanga auau o ngā akoako ohotata i ia te wā
• kāhore e arowhai ana i ngā āhuatanga mōrearea i ia rā. He mea nui kia whai whakaaro te whānau ki tētahi tukanga kia whakatutukihia ai ngā arowhai o ngā āhuatanga mōrearea i ia rā
• kāhore e whakaputu tōtikatia ana ngā matū horoi whare, ā, kei te pā tōraro tēnei ki te noho haumaru o ngā mokopuna. Me whakarite te whānau i te haumaru o te kōhanga reo mō ngā mokopuna
• me arowhai te whānau i te wāhi o te kōhanga reo, i ngā taputapu hoki i ia te wā, kia whakatutukihia ngā mahi e tika ana. Ko te pakaru o ngā kēti me ngā tārere, ko te hiki ake hoki o te whāriki kirihou e pā tōraro katoa ana ki te haumaru o ngā mokopuna.

5 Te Whakatau ki ngā Wāhanga Tautukunga

I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

Hei whakatutuki i ngā herenga ā-ture, me tahuri te whānau ki te: 

• whakatinana i tētahi tukanga aromatawai hei aroturuki, hei tuhi haere hoki i te āhua o ngā akoranga a ngā tamariki, me te whakarite i tētahi tukanga e aromātai ai i te whai huatanga o te hōtaka akoranga
  [R43 Ture Mātauranga (Kōhungahunga) 2008; C1 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 
• arotake me te whakahou ake i ngā kaupapa here me ngā tukanga, hei āta whakapeto ngoi ki te whakatutuki me te whakapūmau i ngā mahi e whakatairanga ake ana i te hauora me te haumaru o ngā tamariki, inarā mō te whāinga rongoā.
  [R46 Ture Mātauranga (Kōhungahunga) 2008; HS28 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 
• arotake i ngā tukanga kia whakatutukihia, kia tuhia hoki te katoa o ngā tikanga e pā ana ki ngā akoako hōneatanga ohotata ina he rū whenua
  [R46 Ture Mātauranga (Kōhungahunga) 2008; HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakatau, kia tahuri ngā pakeke ki ngā mahi kia arowhaingia, kia tuhia, kia whakatikaina hoki ngā taputapu, te wāhi o te kōhanga reo, me ngā rauhanga, hei āta whakatau i te noho haumaru o ngā tamariki
  [R46 Ture Mātauranga (Kōhungahunga) 2008; HS12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• arotake me te whakatinana i te pūnaha me ngā tukanga mō te whakahaeretanga o ngā āhuatanga mōrearea, ā, kia whai pānga tēnei ki te whakaputu tika i ngā matū horoi whare, i ngā paihana, me ērā atu tūmomo āhuatanga mōrearea
  [R46 Ture Mātauranga (Kōhungahunga) 2008; HS12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008] 

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• mahi te whānau ki te taha o te tari ā-rohe o Te Poari Matua o Ngā Kōhanga Reo ki te whakawhanake i tētahi mahere mahi e whakatutuki ai i ngā take i tautuhia ai ki tēnei pūrongo.

Darcy Te Hau
Toka-ā-Nuku
Te Uepū ā-Motu - Māori Review Services

25 Pipiri, 2021

7 Ngā kōrero e pā ana ki te kōhanga reo

1 Introduction

The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.

2 Context

Te Kōhanga Reo o Te Wairoa is in Wairoa. Many of the whānau have strong links to the kuia that established the kōhanga reo. They are a young whānau who, because of hapū connections, are linked through whakapapa to Ngāti Kahungunu. Whānau have identified trust as the major factor for bringing their tamariki to this kōhanga reo.

3 Evaluation Focus

How well do mokopuna show they are secure and happy learners?

Mokopuna appear secure in their relationships and interactions with their peers and adults. They are happy and settled learners.

4 Findings

Mokopuna learn in an environment where aroha, manaaki and tiaki are highly valued. Kaimahi work with mokopuna in a calm, unrushed manner. The tone and ways they talk with mokopuna is gentle and affectionate. Mokopuna also communicates in the same way. Kaimahi model whanaungatanga in their interactions with mokopuna. Tuākana tēina relationships are normalised. The older mokopuna were observed attending to the physical and emotional needs of their tēina. Kaimahi support mokopuna to recite their pēpeha. They use this as a strategy to support mokopuna to learn about who they are and where they come from so, they are secure in their identity as Māori. Mokopuna experience a programme that provides structure and consistency across the daily activities. Kaimahi maintain consistent routines. Mokopuna show care and affection for one another.

Kaimahi planning is in place. It is influenced by Te Taumata o Te Kounga, an internal review process that has been established by the National Te Kōhanga Reo Trust. Kaimahi planning have elements that are critical to planning. They include programme content that links to local knowledge and te reo Māori development. There are clear timelines, links to Te Whāriki and essential learning skills. Mokopuna learning is well planned and organised.

Whānau manage aspects of operations well. The annual plan is in place. This guides key administration tasks to ensure operational matters meet critical deadlines. The annual plan is monitored by the kaiwhakahaere.  Personnel matters are well managed. Kaimahi have in place job descriptions and individual employment contracts that are updated and aligned to current legislation. Police vetting has been completed. Kaimahi are clear about their rights, roles and responsibilities.

Key Next Steps

Internal evaluation requires attention. It is clear that a number of management processes have not been reviewed and reported to whānau. Kaimahi require support to develop mokopuna assessments and programme evaluation. Mokopuna learning and progress has not been recorded or reported for nearly a year. Programme evaluation is informal. It is difficult to gauge how the learning programme is monitored for its effectiveness. While kaimahi talk about what is not working, there is no documentation of these conversations. It is important that whānau establish a process for assessment and programme evaluation.

While health and safety policies are in place, whānau and kaimahi are not clear about how these impact on mokopuna safety and wellbeing. It is now time for kaiwhakahaere and chairperson to seek ways to ensure whānau have access to these policies and procedures in order to make informed decisions. There are a number of outstanding issues that need attention to ensure the safety of mokopuna:

• it is time for whānau to review the administration of medicines. The current practice does not reflect the policy and procedure
• earthquake emergency drills have not been carried out. Mokopuna do not know what to do if there is an earthquake. Whānau must organise and implement a plan to ensure ongoing emergency drills are carried out regularly
• there are no daily hazard checks. Its important whānau consider a process where daily hazards checks are carried out
• inadequate storing of cleaning chemicals raises issues of safety for mokopuna. Whānau must ensure that the kōhanga reo is a safe place for mokopuna
• the whānau must check the premises and equipment regularly and ensure appropriate action is taken. Damaged gates, broken swing sets and dislodged plastic matting compromises mokopuna safety.   

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

To meet compliance requirements, they must:

• implement a process of assessment to monitor and record children’s learning, and establish a process to evaluate the effectiveness of the learning programme
  [Regulation 43 Education (Early Childhood Services) Regulations 2008; C1 Licensing Criteria for Kōhanga Reo affiliated with Te Kōhanga Reo National Trust 2008]
• review and update policies and procedures to ensure that all reasonable steps to promote the health and safety of children are met and maintained for administering medication
  [Regulation 46 (Early Childhood Services) Regulations 2008; HS28 Licensing Criteria for Kōhanga Reo affiliated with Te Kōhanga Reo National Trust 2008]
• review procedures to ensure all requirements for earthquake emergency evacuation drills are carried out and recorded
  [Regulation 46 (Early Childhood Services) Regulations 2008; [HS8 Licensing Criteria for Kōhanga Reo affiliated with Te Kōhanga Reo National Trust 2008]
• adults must ensure that equipment, premises and facilities are checked, recorded and reported and appropriate action taken to ensure the safety of children
  [R46 Education (Early Childhood Services) Regulations 2008; [HS 12 Licensing criteria for kōhanga reo affiliated with the Te Kōhanga Reo National Trust 2008]
• review and implement a hazard management system and procedures that supports the adequate storage of cleaning agents, poisons and other hazardous materials
  [Regulation 46 (Early Childhood Services 2008) Regulations 2008; [HS 12 Licensing Criteria for Kōhanga Reo affiliated with Te Kōhanga Reo National Trust 2008]

6 Recommendation

ERO and the kōhanga reo whānau developed the following recommendation:

• whānau work with the District Office to develop an action plan to address areas of concerns identified in this report.

Darcy Te Hau
Toka-ā-Nuku - Director
Te Uepū ā-Motu - Māori Review Services

25 June 2021

7 Information about the Kōhanga Reo

Te Aromātai

E tū ana Te Kōhanga Reo o Te Wairoa ki Wairoa. Ka tino whakatinana ngā tamariki i te whanaungatanga, mā te pai o ngā taunekeneke me ngā hononga. E tino tautokona ana rātou, he harikoa anō hoki rātou ki te kōhanga reo nei. He pai ki te whānau te huarahi kei mua i tō rātou kōhanga reo ā meāke nei. 

Ka arotake anō Te Tari Arotake Mātauranga i Te Kōhanga Reo o Te Wairoa i roto i ngā tau e toru. 

1 Te Horopaki

E tū ana Te Kōhanga Reo o Te Wairoa, ki Wairoa. Ka ako ngā tamariki ki tētahi whare wāteatea, ā, he ātaahua hoki. Ko tētahi āhuatanga nui o te hōtaka, ko te mau rākau. Ka whakamahia taua kaupapa hei whāngai i ngā mātauranga me ngā pūkenga e pā ana ki ngā toi. Ka kitea hoki tēnei hei tino huarahi mō te tiaki i te reo Māori me ngā tikanga Māori.

2 Ngā Whakaaturanga o te Arotake

He pēhea rawa ngā tamariki e whakatinana i te whanaungatanga?

Ka whakatinanahia e ngā tamariki te whanaungatanga mā te pai o ngā taunekeneke me ngā hononga.

Ngā Taumata Whakahirahira

Ka ako ngā tamariki ki tētahi taiao e mau nei i te hōhonutanga o te reo Māori. Ka kōrero ngā kaimahi ki ngā tamariki mā te reo Māori i ngā wā katoa. Ka whakamahi rātou i te whānuitanga o ngā tūmomo rautaki whakaongaonga, pāhekoheko hoki, tae atu ki te patapatai, te akiaki, te tāruarua, te whakatauira, me te waiata, hei whakawhānui ake i te whakawhanaketanga reo o ngā tamariki. Ka hāpai ngā pepeha me ngā whakapapa i te whanaketanga reo, te tūmāia, me te tuakiri. Ka tāwhai ngā pēpi i ngā mahi a ngā pākeke, ā, ka ngākau nui rātou ki ngā whai wāhitanga ki te kōrerorero, te waiata, me te tākaro. E tino hāpaitia ana te whakawhanaketanga o te reo Māori o ngā tamariki.

Ka rongo ngā tamariki i ngā hononga atawhai, ngā hononga manaaki anō hoki ki te taha o ētahi atu. Ka whakatairanga, ka whakatauira hoki ngā kaimahi i ngā taunekeneke papai ki te taha o ētahi atu pākeke, ā, ki ngā tamariki hoki. He pai te mahi ngātahi a ngā tamariki, puta noa i ngā āhuatanga katoa o te hōtaka. Ka ako rātou ki tētahi taiao e whakatairanga ana i te manaakitanga. He mauritau ngā tamariki ki te ako.

E whai wāhi ana ngā tamariki ki tētahi wāhi e aro nui ana ki tō rātou hauora, tō rātou noho haumaru, me tō rātou waiora. I ngā wā katoa ka āta mātakitaki ngā pākeke i te haumaru o ngā tamariki, puta noa i te hōtaka akoranga. Ka hāpai ngā kaimahi i ngā tamariki, kia pai ai te rere o ngā mahinga me ngā whakawhitinga. He wāteatea, he ātaahua hoki te kōhanga reo, ā, e āta tiakina ana hei painga mō ngā tamariki. He tau ngā tamariki.

Te Whakamahere me te Aromātai

Kua āta whakamaheretia, kua āta whakaritea anō hoki te aronga ki ngā akoranga a ngā tamariki. Kua āta tuituia ngā mahere hōtaka ki Te Whāriki. Ka whakauru ngā kaimahi i ētahi āhuatanga o te marau ā-hapori, ā, ka āta tohu tēnei i tō rātou ake tirohanga Māori. He pakari tā rātou whakapuaki i ō rātou whakaaro e pā ana ki ngā mahere. Ka whai kiko, he pakari hoki ngā mahere, puta noa i te tau. Ka tohu ngā taumahi i ngā tino hononga ki Ngā Taumata Whakahirahira, ā, ka whakarato i ngā whai wāhitanga mō ngā tamariki ki te mahi auaha, me te whakangahau. Ka aroturuki ngā kaimahi i te whai huatanga o te hōtaka akoranga, mā ngā whakaaro huritao ka pupū ake, me ērā anō hoki ka wānangahia. Ka whai hua ngā tamariki nā ngā akoranga e whai pānga nui ana ki ō rātou matea ake.

He pai te whakahaere i te kōhanga reo. E tohu ana te tūtohinga, ko te reo Māori me ōna tikanga tētahi aronga matua mō ngā tamariki me te whānau. Arotakehia ai ngā kaupapa here i ia te wā. He haumaru te taiao ako, ā, he pai hoki te tiaki a te whānau i te kōhanga reo. Kua āta whakaritea ngā kaupapa here matua e pā ana ki te hauora me te haumaru, ā, e hāngai ana hoki ki te wā. He rawaka te whakahaere i ngā kaimahi. He riterite te pūrongo i ngā take whakahaere me ngā whakaritenga ki te whānau. E mōhio ana te whānau ki ā rātou whāinga me ā rātou kaupapa matua o nāianei, ā, mō meāke nei anō hoki. Ka whakamōhiotia tā rātou mahere rautaki ki Te Ara Tūāpae. Ko ngā tamariki kei te pūtake o ngā whakataunga ki te kōhanga reo.

Ngā Whakaritenga Matua ka Whai Ake

Ahakoa ka whakamahia ngā pūkete hei rautaki matua ki te aroturuki i ngā akoranga a ngā tamariki, kāhore ngā pūkete e tāutu ana i tēnā e mōhiotia ana e rātou. Mā te aro ki tēnā e ākona ana e ngā tamariki, me tēnā anō hoki e mōhiotia ana e rātou, ka whai wāhi nui aua pūkete ki te aroturukitanga o tā rātou ahu whakamua.

Ahakoa he mahere rautaki tā te whānau, kāhore he mahere mahi hei pūrongo i te ahu whakamua o ā rātou whāinga rautaki. Kia whakatutukihia ngā kaupapa rautaki matua, e tika ana kia aroturukitia te mahere hei āta whakarite i te ahu whakamua me te rōnakitanga, puta noa i ngā whakahaeretanga katoa o te kōhanga reo.

3 Te Whakatau a te Whānau ki ngā Wāhanga Tautukunga

I te wā o te arotake, i whakamātauhia e te Tari Arotake Mātauranga ngā pūnaha o te ratonga ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho);
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakawhanakehia, kia whakatinanahia e te whānau tētahi mahere mahi kia tutukihia ai ā rātou whāinga rautaki
• whakapakari tonuhia e te whānau te aromatawai.

Te Whakarāpopototanga

E tū ana Te Kōhanga Reo o Te Wairoa ki Wairoa. Ka tino whakatinana ngā tamariki i te whanaungatanga, mā te pai o ngā taunekeneke me ngā hononga. E tino tautokona ana rātou, he harikoa anō hoki rātou ki te kōhanga reo nei. He pai ki te whānau te huarahi kei mua i tō rātou kōhanga reo ā meāke nei.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Te Wairoa i roto i ngā tau e toru.

Lynda Pura-Watson

Kaiurungi Whakaturuki Arotake Māori

23 Poutūterangi, 2017 

Ngā kōrero e pā ana ki te kōhanga reo 

Evaluation

Te Kōhanga Reo o Te Wairoa is in Wairoa. Children demonstrate whanaungatanga well through positive interactions and relationships. They are well supported and happy at kōhanga reo.  Whānau are positive about the future of their kōhanga reo.

The next ERO review of Te Kōhanga Reo o Te Wairoa will be in three years.

1 Context

Te Kōhanga Reo o Te Wairoa is in Wairoa. Children learn in a spacious and attractive facility. A major feature of the programme is mau rakau. This is used to provide knowledge and skills about the arts. This is also a viewed as a valid process for preserving te reo Māori and tikanga Māori.

2 The Review Findings

How well do children demonstrate whanaungatanga?

Children demonstrate whanaungatanga well through positive interactions and relationships.

Ngā Taumata Whakahirahira

Children learn in a rich te reo Māori environment. Kaimahi speak te reo Māori to children at all times. They use a range of simulating and interactive strategies including questioning, prompting, repetition, role modelling and waiata to extend children’s language development. Pepeha and whakapapa support language development, confidence and identity. Babies mimic what adults do and enjoy opportunities to babble, sing and play. Children are well supported as developing speakers of te reo Māori.

Children experience warm and caring relationships with others. Kaimahi promote and model positive interactions with other adults and children. Children work well together across all aspects of the programme. They learn in an environment where manaakitanga is a priority. Children are secure learners.

Children experience an environment where their health, safety and wellbeing is paramount. Adults consistently monitor children throughout the learning programme to ensure their safety. Kaimahi support children through smooth routines and transitions. The kōhanga reo is spacious, attractive and well maintained for children. Children are settled.

Children participate in a stimulating learning programme. Kaimahi provide varied and short activities to maintain interest. Children enjoy waiata, games, and kapa haka with their peers and whānau. They also learn mau rakau to encourage dexterity, agility and focus. Children are positive learners. 

Planning and Evaluation

There is a well-planned and organised approach to children’s learning. Programme planning clearly incorporates Te Whāriki. Kaimahi include aspects of a localised curriculum that reflects a personal Māori world view. They can confidently articulate their views regarding planning. Current plans are detailed and robust across the year. Activities show clear links to Ngā Taumata Whakahirahira and provide children with opportunities for creativity and fun. Kaimahi monitor the effectiveness of the learning programme through both informal and formal reflections. Children benefit from learning that is based on their individual needs.

The kōhanga reo is well managed. The charter identifies that te reo Māori me ona tikanga is a priority for children and whānau. Policy reviews are regular. The learning environment is secure and well maintained. Core health and safety policies are current and in place. Personnel management is adequate. Reporting to whānau on management and operations is consistent. Whānau know their goals and priorities now and into the future. Their strategic plan is informed by Te Ara Tūāpae. Children are at the heart of decision making in the kōhanga reo.

Key Next Steps

While profiles are used as the main method of monitoring children’s learning, these do not identify what they know. A focus on what children are learning and what they know will make a valued contribution to monitoring their progress.

While the whanau have in place a strategic plan, there is no action plan to report on the progress of their strategic goals. In order for the strategic priorities to be realised, it is important that the plan is monitored to ensure progress and sustainability across all operations of the kohanga reo.

3 Whānau Management Assurance on Compliance Areas

During the review, ERO looked at the service’s systems for managing the following areas that have a potentially high impact on children's wellbeing:

• emotional safety (including positive guidance and child protection)

• physical safety (including supervision; sleep procedures; accidents; medication; hygiene; excursion policies and procedures)

• suitable staffing (including qualification levels; police vetting; teacher registration; ratios)

• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendations

ERO and the Kōhanga Reo whānau developed the following recommendations:

• Whānau to develop and implement an action plan to realise their strategic goals

• Whānau continue to strengthen assessment. 

Conclusion

Te Kōhanga Reo o Te Wairoa is in Wairoa. Children demonstrate whanaungatanga well through positive interactions and relationships. They are well supported and happy at kōhanga reo. Whānau are positive about the future of their kōhanga reo.

When is ERO likely to review the kōhanga reo again?

The next ERO review of Te Kōhanga Reo o Te Wairoa will be in three years.

Lynda Pura-Watson

Deputy Chief Review Officer Māori

23 March 2017 

Information about the Kōhanga Reo