Ngā Oho Mata Kamo Kamo Te Kōhanga Reo o Korongata

1 Te Horopaki

E tū ana Te Kōhanga Reo o Ngā Oho Mata Kamokamo o Korongata ki Bridge Pā, ki te tonga o Heretaunga. I tohua ki te pūrongo o mua a Te Tari Arotake Mātauranga, me whakapai ake i te whai wāhi mai o te whānau ki ngā āhuatanga katoa o te kōhanga reo. He take tonu tēnei hei āta tirohia, ā, kua whai pānga anō hoki taua āhuatanga ki te kounga o ngā whakaratonga mō ngā tamariki me te whānau.

2 Ngā Whakaaturanga o te Aromātai

He pēhea rawa ngā tamariki e whakapuaki i ō rātou whakaaro mā te reo Māori?

E tīmata ana te puāwai mai o ngā ngākau titikaha o ngā tamariki ki te kōrero i te reo Māori.

Ngā Taumata Whakahirahira

E whiwhi ana ngā tamariki i ngā hua e pupū ake ai i tā rātou rongo i te kuia me ngā kaimahi e kōrero ana i te reo Māori. Ka āta whakarite ngā kaimahi kia māmā ai te whakapā atu a ngā tamariki ki te whānuitanga o ngā tūmomo rauemi e hāpai ana i tā rātou ako i te reo. Kua kī katoa ngā wāhi o roto ki ngā tino whakaaturanga, tae atu ki ngā tohu, ngā whakaaturanga o ngā atua Māori, me ngā pakiwaitara. Hāpai ai ngā kaimahi i ngā tamariki i ia rā ki te whakapuaki me te whakanui i ō rātou pepeha ki te taha o te whānau. Ko tētahi āhuatanga whakahirahira o te hōtaka, ko ngā karakia. Ka ako ngā tamariki i ngā tauira reo i a rātou e taki ana i ngā karakia, ā, e waiata ana i ngā hīmene. Ko ngā tamariki e tūmāia ake ana, ka ākina e ngā kaimahi ki te whakahoki kōrero mā ngā kīanga poto, mā ngā kupu rānei o te reo Māori. E whanake ana te ako a ngā tamariki i te reo Māori.

E whai wāhi atu ana ngā tamariki ki ngā akoranga e whakatūhonohono ana i a rātou ki te taiao māoriori me tō rātou marae. Ka hāpai ngā kaimahi i te ako a ngā tamariki mā te whakapuaki i ngā kōrero tuku iho, ngā kīanga, me ngā kupu e whai pānga ana ki tā rātou ako i te marae. Ka hāpai ngā kaimahi i te ako a ngā tamariki i ō rātou tātai whakapapa ki te wāhi nei. Ko te māra kai tētahi aronga o te hōtaka akoranga. Ka āta whakarite ngā kaimahi i ngā tūmomo rauemi mā ngā tamariki, hei whakatairanga ake i tō rātou noho maioha, noho mōhio anō hoki ki te mana o te whenua. He mātātoa te tūhura haere o ngā tamariki i ō rātou taiao ako.

E ako ana ngā tamariki i roto i tētahi taiao mārie e manaaki ana i a rātou. Kei te tino mōhio tētahi ki tētahi. Ka āta whakarite ngā kaimahi kia whakaatu ai ngā tuākana i tō rātou manaakitanga me tō rātou whakaaro nui ki ngā tēina. Ka akiaki ngā kaimahi i ngā tamariki ki te taunekeneke mā te whakaute me te whakaaro nui o tētahi ki tētahi. Ka whakatauira te kuia i ngā uaratanga me ngā mātāpono e poipoi ana i te manaaki, te tiaki, me te aroha anō hoki mō ngā tamariki. He mauritau te āhua o ngā tamariki i roto i ā rātou akoranga.

Te Whakamahere me te Aromātai

Kua rerekē haere ngā tūnga kaimahi, ā, nā tēnei, kua whakarato te kuia i te tino aronga ki ngā kaimahi hou i roto i te hōtaka akoranga o ia rā, o ia wiki hoki mō ngā tamariki. E hāpaitia ana ngā kaimahi e te kuia, puta noa i te rā kia pai ai te rere o ngā taumahi e whakapuakihia ana hei whakatairanga i te tūhura a ngā tamariki i te reo Māori. Ko ētahi o ngā taumahi i whakamaheretia ai, ko ngā kaupapa i waho kia āhei ai ngā tamariki ki te taunekeneke me te pakirehua mō te taiao tūturu, māoriori hoki e noho nei rātou. E whai wāhi nui ana ngā tamariki ki ngā akoranga i āta whakamaheretia ai, ā, i āta whakaritea ai hoki.

Ngā Whakaritenga Matua ka Whai Ake

Me titiro wawe ki te whakahaeretanga a te whānau i ngā whakaritenga ki te kōhanga reo. Ahakoa i whakamātau ētahi o ngā mema o mua ki te whakapakari ake i te whai wāhi mai o te whānau, kīhai tēnei tūāhuatanga i whakapūmautia. Me āta hoki atu ki ngā pūnaha i whakatakotohia ai ki te whakahaere i te tari. He uaua te toro atu ki ngā tuhinga e pā ana ki te whakahaeretanga o ngā kaimahi. Kāhore he whai wāhitanga mō ngā kaimahi ki te whakapā atu ki te whakawhanaketanga ngaio, hei whakatairanga ake i ā rātou mahi ki te taha o ngā tamariki. Kāhore he mahere rautaki e pā ana ki tēnei wā. Ko tētahi āwangawanga, ko te rōnaki tonutanga o te kōhanga reo hei te pae tawhiti. He uaua te kite i ngā meneti a te whānau, i ngā tuhinga hoki e tika ana, ā, e tohu ana tēnei i te kore whakatutukitanga o te aromātai o roto. Ko te rahi ake o ngā utu i ngā pūtea tētahi atu āwangawanga e āta tohu ana me wawe te panoni a te whānau i ā rātou mahi ki te whakahaere i tō rātou kōhanga reo.

E pā tōraro ana ētahi āhuatanga i te kōhanga reo ki te hauora me te haumaru o ngā tamariki. Kua tae ki te wā, kia whakatutukihia e te whānau ngā take e pā ana ki te hauora me te haumaru, hei painga mō ngā tamariki. Kāhore he tuhinga e tohu ana i te tū auau o ngā akoako hōneatanga inā he ahi, he rū whenua rānei. Kāhore i ngā kaimahi o te kōhanga reo i tēnei wā ā rātou tiwhikete whakaora whāwhai. Ko te kuia anake e mau tiwhikete ana ki te taraiwa i ngā wēne o te kōhanga reo. Nā tēnei tūāhuatanga, he nui āna mahi ki te āta whakarite kia haumaru ai te taenga mai o ngā tamariki ki te kōhanga reo, me tā rātou hokinga anō hoki ki ō rātou kāinga.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

I te wā o te arotake, i tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutukihia ai e te whānau ā rātou herenga ā-ture, me tahuri rātou ki te:

• whakarite i tētahi tukanga arotake whaiaro ka haere tonu i ia te wā, hei hāpai i te kōhanga reo ki te whakapūmau me te whakapai ake i te kounga o ngā whakaritenga mā ngā tamariki
  [R47 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• whakapau kaha ki te whakarato ki ngā kaimahi katoa e mahi ana, e whai wāhi ana rānei ki te kōhanga reo, te rawaka me te tika o ngā tuhinga tūranga mahi, ngā kirimana ake ā ia kaimahi, me te tautoko ngaio, ngā whai wāhitanga whakawhanaketanga ngaio, me ngā rauemi
  [R47 Ture Mātauranga (Kōhungahunga) 2008; GMA1-12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakarite, kia noho mōhio ai ngā pākeke e whakarato ana i te mātauranga me te atawhai, ki ngā akoako hōneatanga ohorere e tika ana, ā, me whakatutuki haere i aua akoako i ia te wā ki te taha o ngā tamariki, ā, me tuhi hoki i ngā mauhanga e tika ana
  [R46 Ture Mātauranga (Kōhungahunga) 2008; HS 8, 12 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
• āta whakarite i te whai wāhi mai o tētahi pakeke e mau ana i te tiwhikete whakaora whāwhai ki te taha o ngā tamariki i ngā wā katoa, ā, e tika ana kia whiwhi i taua tiwhikete i tētahi ratonga whakaora whāwhai i whakamanatia ai e Te Mana Tohu Mātauranga o Aotearoa.
  [R46 Ture Mātauranga (Kōhungahunga) 2008; HS 25 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā:

• kia mahi te whānau o te kōhanga reo ki te taha o te māngai o tō rātou purapura, o te Poari Matua o Ngā Kōhanga Reo hoki, ki te whakatutuki i ngā take katoa i whakatakotohia ai e Te Tari Arotake Mātauranga ki tēnei pūrongo hei whakaritenga matua kia whai ake.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Ngā Oho Mata Kamo Kamo o Korongata i roto ngā tau e rua.

Lynda Pura-Watson

Kaiurungi Whakaturuki Arotake Māori

21 Haratua, 2018

Ngā kōrero e pā ana ki te kōhanga reo

1 Context

Te Kōhanga Reo o Ngā Oho Mata Kamo Kamo o Korongata is located in Bridge Pā, south of Hastings. The previous ERO review highlighted the need to improve whanau involvement and participation in all areas of the kōhanga reo. This still requires significant attention and has impacted on the quality of provision for children and whānau.

2 The Evaluation Findings

How well do children express themselves in te reo Māori?

Children are emerging as confident speakers of te reo Māori.

Ngā Taumata Whakahirahira

Children enjoy hearing te reo Māori being spoken by the kuia and kaimahi. Kaimahi ensure children have easy access to a range of resources to support their language learning. The indoor surrounds are rich in displays including symbols, atua Maori images and stories. Kaimahi support children every day to share and celebrate their pepeha with whānau. An important part of the programme is karakia. Children learn language patterns as they recite karakia and sing himene. Kaimahi encourage those children who are more confident to respond in te reo Maori using short phrases or words. Children are developing as early learners of te reo Māori.

Children participate in learning where connections are made to the natural environment and their marae. Kaimahi support children’s learning by providing stories, terms and kupu relevant to their learning on the marae. Kaimahi support children to learn about the ancestral significance of the area. The maara kai is a focus of the learning programme. Kaimahi ensure children have access to resources that enhance their appreciation of and awareness of the mana of the whenua. Children are active explorers of their learning environments.

Children learn in a calm and caring environment. They know each other well. Kaimahi ensure that tuākana show care and concern for the tēina. Kaimahi encourage children to interact with respect and consideration towards each other. The kuia models the values and principles that foster manaaki, tiaki and aroha for children. Children appear secure in their learning.

Planning and Evaluation

With changes to kaimahi, the kuia provides strong direction to new kaimahi with the daily and weekly learning programme for children. Kaimahi are supported by the kuia throughout the day for smooth delivery of activities that promote te reo Maori exploration for children. Planned activities include the outdoors where children can interact and inquire about the physical and natural worlds around them. Children enjoy learning that is well planned and organised.

Key Next Steps

Whānau management of the operations of the kōhanga reo requires urgent attention. While there were attempts by former members to strengthen whanau involvement this has not been sustained. The administration systems in place need to be revisited. Personnel management documents are difficult to locate. Kaimahi do not have opportunities to access professional development to enhance their practices with children. There is no current strategic plan. Long term sustainability of the kōhanga reo is a concern. Difficulty in locating whānau minutes and relevant records show that internal evaluation is not evident. Concerns about expenditure exceeding income further highlights the urgency for whanau to transform the way in which they manage their kōhanga reo.

Children’s health and safety is compromised while at kōhanga reo. It is time for whānau to address issues around health and safety for the children. There are no records of regular fire and earthquake drills. Current employees of the kōhanga reo do not hold current first aid certificates. There are no other certified drivers for the kōhanga reo vans other than the kuia-kaiako. This puts a lot of pressure on her to ensure children arrive at kōhanga reo and back home safely.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.
• All kōhanga reo are required to promote children's health and safety and to regularly review their compliance with legal requirements.

ERO identified areas of non-compliance. In order for the kōhanga reo whānau to meet compliance requirements they need to:

• establish an ongoing process of internal evaluation to help maintain and improve the quality of practice for children
  [Regulation 47 (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]

• take all reasonable steps to provide staff employed or engaged in the service with adequate and relevant job descriptions, individual employment contracts and professional support, professional development opportunities, and resources
  [Regulation 47 (Early Childhood Services) Regulations 2008; GMA1-12 Licensing Criteria for Kōhanga Reo affiliated with Te Kōhanga Reo National Trust 2008]

• adults providing education and care are familiar with relevant emergency drills and regularly carry these out with children, and maintain records
  [R46 Education (Early Childhood Services) Regulations 2008; HS 8, 12 Licensing Criteria for Kōhanga Reo affiliated with Te Kōhanga Reo National Trust 2008]

• ensure there is an adult present always for children attending (or part thereof) that holds a current First Aid qualification gained from a New Zealand Qualifications Authority accredited first aid training provider.
  [R46 Education (Early Childhood Services) Regulations 2008; HS 25 Licensing Criteria for Kōhanga Reo affiliated with Te Kōhanga Reo National Trust 2008]

4 Recommendation

ERO and the Kōhanga Reo whānau developed the following recommendation:

• That the kōhanga reo whanau work alongside their purapura rep and TKRNT to address all matters raised in ERO’s key next steps of this report.

When is ERO likely to evaluate the kōhanga reo again?

The next ERO evaluation of Te Kōhanga Reo o Ngā Oho Mata Kamo Kamo o Korongata will be within two years.

Lynda Pura-Watson

Deputy Chief Review Officer Māori

21 May 2018

Information about the Kōhanga Reo