Main Road, R D 2, Te Hauke
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
Ko Kahurānaki te maunga
Ko Poukawa te waiū
Ko Kahurānaki te marae
Ko Ngāi Te Rangikoianake te hapū
Ko Ngāti Kahungunu te iwi
Ko Te Hāpuku te tangata
E tū ana Te Kōhanga Reo o Poukawa ki Kahurānaki ki te hapori o Te Hauke, ki te marae o Kahurānaki. Koia nei te kōhanga reo tuatahi ki Heretaunga. E whakatinanahia ana ngā wawata o te whānau mō te whakahoutanga ake anō i ngā whare o te kōhanga reo, ā, i te wā o te arotake, i te whakariterite te kōhanga reo mō ngā whakahouanga.
E tino tautokona ana te whakawhanaketanga o ngā mokopuna i tō rātou māramatanga ki te tuakiritanga hei mokopuna o Kahurānaki.
E rumakina ana ngā mokopuna ki tētahi taiao e whakamana ana i te whakapapa, te manaakitanga, me te whanaungatanga. E rumakina ana ngā mokopuna ki tō rātou Kahurānakitanga. Ka tautāwhitia ngā mokopuna e ngā kaimahi me ō rātou hoa e tūhonohono katoa ana ki te marae o Kahurānaki me Kahungunu whānui. Kei te mātātoa te tautoko me te whai wāhi atu a te whānau ki ngā kaupapa i te marae, ā, ka whakawhanake, ka whakapakari hoki ngā mokopuna i te māramatanga ki tō rātou tū hei tangata whenua. Ka whakarato ngā kaimahi i ngā whai wāhitanga mō ngā mokopuna ki te tūhura i te whenua me te marae hei āhuatanga tonu o ā rātou akoranga o ia rā. I ngā wā katoa, ka āta rongo māhorahora nei ngā mokopuna i ngā ingoa o ngā pou whenua o te wāhi nei, me ngā hononga ā-waka, ā-hapū, ā-iwi hoki. Ka whai wāhi nui ngā mokopuna ki tētahi taiao e kaha whakatauira ana, e kaha ākina ana hoki i te reo Māori. Kei te tākare te taki a ngā mokopuna i ngā karakia, ngā waiata, me ngā pepeha e pā ana ki te marae o Kahurānaki. Ka whakamahi ngā kaimahi i ngā rautaki e whakapiki ake ai i te reo ā-waha o ngā mokopuna, pērā i te tāruarua, i ngā kupu hou, me te whakawhitiwhiti kōrero. Kei te tino mōhio ngā mokopuna ki ngā mahinga, ā, he ngāwari tā rātou whakawhiti haere, puta noa i te hōtaka. Ka whakamahi ngā kaimahi i te tangongitanga o ngā rautaki e whakaongaonga ana, e whakawhānui ana hoki i ngā mokopuna. Kei te tākare rātou, ā, ka akiaki, ka whakanui hoki i ngā whakamātau a ngā mokopuna. Nā taua tūāhuatanga, he pai te taunekeneke a ngā mokopuna ki ō rātou hoa me ngā kaimahi. Ka panoni haere i ngā akoranga me ngā taumahi hei whakatutuki i ngā matea me ngā ngākau nuitanga, ā, ka whakatairanga ngā kaimahi i ngā whai wāhitanga mō ngā mokopuna ki te ārahi, puta noa i te hōtaka akoranga, ā, tae atu hoki ki ngā tikanga me ngā kawa. He pai te whakawhanaketanga o ngā mokopuna i tō rātou māramatanga ki a rātou anō me tō rātou aronga toi whenuatanga.
Kei te mahere ako te tino ārahitanga ki te whakapuaki i ngā kaupapa i roto i te roanga o te wāhanga. Ka āta pai here ngā wheako akoranga i ngā mokopuna ki ō rātou whenua, ki tō rātou maunga, ki tō rātou marae, ki tō rātou waka, me tō rātou iwi mā ngā taumahi e pā ana ki te pūtaiao, te pānui pukapuka, te tuhituhi me te whakawhanake reo. E whiwhi ana ngā mokopuna i tētahi hōtaka e poipoi ana i tō rātou tuakiri, ā, e whai pānga nui ana hoki ki ō rātou matea me ō rātou ngākau nuitanga.
Ko tō te whānau wawata, kia whakaratohia e rātou te wheako whai kounga mō ngā mokopuna i tō rātou kōhanga reo. Hui ai rātou i ia te wā ki te whakawhiti whakaaro mō ngā tūāhuatanga whānui o te kōhanga reo, ā, e mahi ngātahi ana rātou ki te whakahou ake i ngā whare. E whakatakoto ana Te Ara Tūāpae i ngā wawata o te whānau mō te whakawhanaketanga me te whakapaitanga ake o te reo Māori, o te whai wāhi a te whānau, me ngā pūkenga, ngā mōhiotanga hoki o ngā kaimahi. E hāngai ana te mahere rautaki ki Te Ara Tūāpae, ā, ka tohu i ngā wāhanga kua āta whakatinanahia e rātou. Kua whakatakotohia te mahere ā-tau, ā, e āta whakaritea ana kia arumia, kia whakahaerehia hoki ngā wāhanga matua katoa i roto i te wā e tika ana. Ka āta whakatau te whānau i te pakari o ngā mahi whakahaere katoa i te tari. Nō nā noa nei te whānau i tae atu ai ki ngā whakangungu e pā ana ki te ārai tamariki, ā, ka noho mātua rā ki a rātou te haumaru o ngā mokopuna, mā te āta whakatau i te papai o ngā tukanga mō te kite, te pūrongo, me te tuhi i ngā tūāhuatanga e tohu ana pea i te tūkinotanga. Ko te hauora me te waiora o ngā mokopuna kei te pūtake o ngā mahi whakahaere a te whānau.
Me whakapai ake i te aromātai hōtaka. Hui ai ngā kaimahi i ia te wā ki te whakawhiti kōrero mō ngā taunekeneke me te ahu whakamua a ngā mokopuna, engari kāhore aua whakawhitinga kōrero e tuhia ana. Me tuhi i te aromātai hōtaka hei tautuhi i ngā wāhanga angitu, i ngā wero, me ngā tūāhuatanga hoki ka whakapai ake pea i te hōtaka akoranga. Ka whakatairangatia te ako a ngā mokopuna i te wā e aromātaihia ana ngā hōtaka akoranga.
Me titiro ki ngā kōnae mokopuna. Ahakoa ka whakaemi ngā kaimahi i ngā akoranga a ngā mokopuna ki ngā kōnae, mā te whakawhanake tonu hei tohu i te ahu whakamua a ngā mokopuna me ngā whakaritenga ka whai ake, ka hāpai i whānau ki te whai māramatanga ki ngā akoranga a ngā mokopuna. Ka puāwai ngā mokopuna i te wā e āta tuhia ana ā rātou akoranga, ā, e whakaatuhia ana ki ngā whānau.
Kāhore anō kia oti te arohaehae kaimahi. Kua whakatutuki te whānau i ētahi o ngā arohaehae kaimahi, engari kāhore i te katoa. Me whakatutuki i te toenga o ngā arohaehae hei hāpai ake i ngā kaimahi i roto i ō rātou tūranga mahi. Ka whai hua ngā mokopuna i te wā e tautokona ana ngā kaimahi i roto i ō rātou tūranga.
Me whakamahere mō ngā wā ohotata. I tēnei wā, kāhore i te rawaka ngā wā e whakamātau ana ngā mokopuna i ngā whakaritenga e pā ana ki ngā hōneatanga me ngā akoako aukatinga. Me whakatutuki nahanaha i ngā akoako hōneatanga ohotata, akoako aukatinga hoki hei whakariterite i ngā mokopuna, ngā whānau, me ngā kaimahi kei pā mai tētahi wā ohotata. Tē taea te haumaru o te whānau i roto i tētahi wā ohotata, te whakatūturu.
Me riterite te tuhi haere i te hauora me te haumaru. He mea nui kia whakatinanahia ngā wā maiki me ngā wā aituā, ā, kia aroturukitia hoki ngā aituā me ngā maiki. He tūāhuatanga e whakamōrearea ana pea i te waiora me te haumaru o ngā mokopuna.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
Me whakatutuki te whānau i te herenga ā-ture e whai ake nei, arā, kia:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia mahi tonu te whānau o Te Kōhanga Reo o Poukawa ki Kahurānaki ki te taha o Te Poari Matua o Ngā Kōhanga Reo ki te kōkiri i te whakatutukitanga o ngā whakaritenga matua me ngā herenga ā-ture i tautuhia ai ki tēnei pūrongo kia whāia.
Tiwana Hibbs
Toka ā Nuku
Te Uepū-a-Motu – Māori Review Services
24 Kohitātea, 2025
| Te tūwāhi | Te Hauke |
| Te tau a te Tāhuhu o te Mātauranga | 55137 |
| Te tau tohu o Te Kōhanga Reo | K08C002 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 30 ngā tamariki, kia tokorima ki raro i te rua o ngā tau |
| Te tokomaha kei runga i te rārangi ingoa | 16 ngā tamariki, kotahi te tamaiti kei raro i te rua o ngā tau |
| Ngā hononga ā-iwi | Māori 16 |
| Te wā i te kōhanga reo te rōpū arotake | Mahuru 2024 |
| Te wā o tēnei pūrongo | 24 Kohitātea 2025 |
| Ngā pūrongo o mua a Te Tari Arotake Mātauranga | Arotake Mātauranga, Hōngongoi 2021, Arotake Mātauranga, Pipiri 2016; Arotake Mātauranga, Poutū-te-rangi 2013 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Ko Kahurānaki te maunga
Ko Poukawa te waiū
Ko Kahurānaki te marae
Ko Ngāi Te Rangikoianake te hapū
Ko Ngāti Kahungunu te iwi
Ko Te Hāpuku te tangata
Te Kōhanga Reo o Poukawa ki Kahuranaki is situated in the settlement of Te Hauke at Te Marae o Kahuranaki. It was the first kōhanga established in Heretaunga. Whānau aspirations to rebuild the kōhanga are coming to fruition and at the time of the review the kōhanga was preparing for the rebuild.
Mokopuna are well supported to develop their understanding of their tūākiritanga as mokopuna of Kahuranaki.
Mokopuna are immersed in an environment where whakapapa, manaakitanga and whanaungatanga are valued. Mokopuna are immersed in their Kahuranakitanga. Mokopuna are surrounded by kaimahi and peers who connect to Kahuranaki Marae and Kahungunu whānui. Whānau actively support and participate at marae events and mokopuna develop and strengthen their understanding of their role as tangata whenua. Kaimahi provide opportunities for mokopuna to explore the whenua and the marae as part of their daily learning. They continuously and naturally expose mokopuna to names of local landmarks, waka, hapū and iwi connections. Mokopuna experience an environment where te reo Māori is modelled and encouraged. Mokopuna enthusiastically recite karakia, waiata and pepeha pertaining to Kahuranaki Marae. Kaimahi use strategies to increase mokopuna oral language including repetition, kupu hou, and reciprocation of conversation. Mokopuna know routines well and they transition throughout their programme with ease. Kaimahi utilise a variety of strategies that stimulate and extend mokopuna. They are enthusiastic, encouraging and celebrate mokopuna efforts. As a result of this, mokopuna interact well with their peers and kaimahi. Lessons and activities are modified to meet mokopuna needs and interests and kaimahi promote leadership opportunities for mokopuna across the learning programme which includes tikanga and kawa. Mokopuna are developing well in their understanding of who they are and who they belong to.
The mahere ako provides clear guidance to deliver the kaupapa over the term. Learning experiences intentionally tie mokopuna to their whenua, maunga, marae, waka and iwi through putaiao, pānui pukapuka, tuhituhi and language developmental activities. Mokopuna experience a programme that nurtures their identity and reflects their needs and interests.
Whanau aspire to provide a quality kohanga experience for their mokopuna. They meet regularly to discuss kōhanga general business and are collectively working together on the rebuild. Te Ara Tūapae lays out the clear aspirations of the whānau to develop and improve, te reo Māori, whānau engagement and kaimahi skills and knowledge. The strategic plan reflects Te Ara Tūāpae and shows evidence of the areas they have successfully implemented. The annual plan is in place and ensures all key areas are tracked and managed in a timely way. Whānau ensure all administrative practices are sound. Whānau recently attended training about child protection, and prioritise mokopuna safety by ensuring good processes are in place for recognising, reporting and recording concerns of abuse. Mokopuna health and wellbeing is at the centre of whānau whakahaere practices.
Programme evaluation needs improvement. Kaimahi meet regularly to discuss mokopuna interaction and progress, however, these discussions are not documented. There is a need to record programme evaluation to identify areas of success, challenges and possible improvements in the learning programme. Mokopuna learning is enhanced when learning programmes are evaluated.
Mokopuna kōnae requires attention. Whilst kaimahi collect mokopuna learning in kōnae, developing this to include mokopuna progress and next steps will allow whānau to have a clear picture of mokopuna learning. Mokopuna thrive when their learning is clearly recorded and shared with whānau.
Appraisals for kaimahi incomplete. Whānau have conducted some kaimahi appraisals, but not all. The remaining appraisals for kaimahi need to be done to further support kaimahi in their roles. Mokopuna benefit when kaimahi are supported in their roles.
Emergency planning needs addressing. Currently, mokopuna are not getting sufficient practice to know what to do during evacuations and lockdown drills. Emergency evacuation and lockdown drills must be conducted in a planned way to prepare mokopuna, whānau and kaimahi, if disasters strike. In the event of an emergency, whānau safety cannot be guaranteed.
Health and safety recording must be consistent. It is imperative that the recording of incidents and accidents is implemented and that these accidents and incidents are monitored. Mokopuna welfare and safety may be compromised.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
To meet compliance requirements they must:
ERO recommend that the whānau of Te Kōhanga Reo o Poukawa ki Kahuranaki continue to work alongside Te Kōhanga Reo National Trust to action next steps and areas of non-compliances in this report.
Tiwana Hibbs
Toka-ā-Nuku
Te Uepū ā-Motu – Māori Review Services
24 January 2025
| Location | Te Hauke |
| Ministry of Education profile number | 55137 |
| Kōhanga Reo Identification Number | K08C002 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 30 children, including up to 5 aged under 2 |
| Service roll | 16 children, including up to 1 aged under 2 |
| Ethnic composition | Māori 16 |
| Review team on site | September 2024 |
| Date of this report | 24 January 2025 |
| Most recent ERO report(s) | Education Review, July 2021; Education Review, June 2016; Education Review, March 2013. |
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
Ko Ngāi Te Rangikoianake te hapū
Ko Kahurānaki te maunga
Ko Poukawa te waiū
Ko Te Hāpuku te tangata, ko Kahurānaki te marae
E tū Te Kōhanga Reo o Poukawa ki Kahurānaki ki te tonga o Heretaunga, ki te hapori o Te Haukē. E tū ana ki te marae o Kahurānaki. Hei ā kō ake nei te kōhanga reo e whakanui ai i tōna ekenga ki te 40 tau, ā, ka whakatū whare anō ki tō rātou wāhi.
Ka kitea ki ngā mokopuna tō rātou pārekareka ki ako i te reo Māori.
E ako ana ngā mokopuna ki tētahi taiao e mau nei i te reo Māori hei aronga matua. Ka whakamahi ngā kaimahi i ngā rautaki reo e tika ana hei hāpai i te whakawhanaketanga reo o ngā mokopuna. He ngākau titikaha ō ngā tuākana ki te ārahi i ngā karakia me ngā waiata. Ka ako ngā mokopuna i te hanganga me te pūtake o te reo mā ngā pepeha. Ka āta whakarite ngā kaimahi i te taetae atu a ngā mokopuna ki ngā huihuinga i te marae. Mā taua mahi, ka rongo ngā mokopuna i te kounga o te reo Māori tūturu o ngā kuia me ngā kaumātua e whakatauira ana, e whakamahi ana i te reo o te kāinga. E tino hāpaitia ana ngā mokopuna kia whanake ai rātou ki te kōrero i te reo Māori.
Kua whakatakotohia ngā mahere me ngā aromatawai a ngā kaimahi. Ka whai wāhi ki aua tuhinga, ko te kiko o te hōtaka, ngā wātaka, me ngā hononga ki Te Whāriki a Te Kōhanga Reo. Ka whakamahi ngā kaimahi i ngā pūkete ki te aroturuki i ngā akoranga me te ahu whakamua. E whai hua ana ngā mokopuna nā ngā aronga i āta whakahāngaitia ai mā rātou.
E whakawhanake ana te whānau i ngā huarahi ki te whakahaere i te kōhanga reo. Tū ai ngā hui ā-whānau i ia te wā, ā, he pai anō hoki te taetae atu. E whakahaerehia ana ngā kaupapa here me ngā tukanga e pā ana ki ngā kaimahi. He tuhinga tūranga mahi, he kirimana mahi hoki ā ia kaimahi, ā, ka whakahoungia, ka whakahāngaitia anō hoki ki ngā herenga ā-ture o te wā. E whakahaere ana te whānau i te kōhanga reo hei painga mō ngā mokopuna.
Me arotake te whānau i ā rātou tukanga aromātai o roto. Mā tēnā, ka pai ake tō rātou tūnga ki te whakatau i ngā whakaritenga e pā ana ki ngā take e whai ake nei:
I te wā o te aromatai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
Kia tutuki i a rātou ngā herenga ā-ture, me tahuri te whānau ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Darcy Te Hau
Toka-ā-Nuku
Te Uepū ā-Motu - Māori Review Services
01 Hōngongoi, 2021
|
Te tūwāhi |
Kei Te Haukē, ki Heretaunga |
|
|
Te tau a te Tāhuhu o te Mātauranga |
55137 |
|
|
Te tau tohu o Te Kōhanga Reo |
08C002 |
|
|
Te tūmomo whare |
He kōhanga reo |
|
|
Te raihana |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
25, kia tokorima ki raro i te rua o ngā tau |
|
|
Te tokomaha kei runga i te rārangi ingoa |
11, tokotoru kei raro i te rua o ngā tau |
|
|
Te ira tangata |
Kōtiro 5 Tama 6 |
|
|
Ngā hononga ā-iwi |
Māori |
11 |
|
Te wā i te kōhanga reo te rōpū arotake |
Haratua 2021 |
|
|
Te wā o tēnei pūrongo |
1 Hōngongoi 2021 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga |
Pipiri 2016 Poutū-te-rangi 2013 |
The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.
Ko Ngāi Te Rangikoianake te hapū
Ko Kahurānaki te maunga
Ko Poukawa te waiū
Ko Te Hapuku te tangata, ko Kahurānaki te marae
Te Kōhanga Reo o Poukawa ki Kahurānaki is located south of Hastings in the settlement of Te Hauke. It is situated within Te Marae o Kahurānaki. The Kōhanga Reo will soon celebrate their 40th anniversary and a rebuild on their current site.
Mokopuna show they enjoy learning te reo Māori.
Mokopuna learn in an environment where te reo Māori is a priority. Kaimahi use appropriate language strategies to support mokopuna language development. Tuākana are confident to lead karakia and waiata. Mokopuna learn about the structure and purpose of language through pepehā. Kaimahi ensure mokopuna attend events at the marae. Through this, mokopuna are exposed to quality authentic te reo Māori speakers such as kuia and kaumatua who model and use te reo o te kāinga. Mokopuna are well supported as developing speakers of te reo Māori.
Kaimahi planning and assessment is in place. This includes programme content, timelines and links to Te Whāriki a Te Kōhanga Reo. Kaimahi use profile books to monitor learning and progress. Mokopuna benefit from focussed approaches.
Whānau are developing ways in which to manage the kōhanga reo. Whānau hui are regular and well attended. Personnel policy and procedures are managed. Kaimahi have job descriptions and individual employment contracts that are updated and aligned to current legislation. Whānau manage the kōhanga reo in the best interest of the mokopuna.
Whānau should review their internal evaluation processes. This will ensure they are better positioned to make decisions on the following issues:
During the evaluation, ERO looked at systems for managing the following areas:
To meet compliance requirements, they must:
ERO and the kōhanga reo whānau developed the following recommendation:
Darcy Te Hau
Toka-ā-Nuku - Director
Te Uepū ā-Motu - Māori Review Services
1 July 2021
| Te Kōhanga Reo | Te Kōhanga Reo o Poukawa ki Kahurānaki | |
|
Location |
Te Haukē, Hastings |
|
|
Ministry of Education profile number |
55137 |
|
|
Kōhanga Reo Identification Number |
08C002 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
25 children, including up to 5 aged under 2 |
|
|
Kōhanga Reo roll |
11 children, including up to 3 aged under 2 |
|
|
Gender composition |
Girls 5 Boys 6 |
|
|
Ethnic composition |
Māori |
11 |
|
Review team on site |
May 2021 |
|
|
Date of this report |
1 July 2021 |
|
|
Most recent ERO report(s) |
Education Review Education Review |
June 2016 March 2013 |
E tū ana Te Kōhanga Reo o Poukawa ki Kahurānaki ki te marae o Kahurānaki, ki Te Hauke, ki te tonga o Heretaunga. He maha ngā whai wāhitanga mō ngā tamariki ki te whakawhanake i tō rātou mōhiotanga, tō rātou māramatanga hoki ki ō rātou hononga ā-wairua, ā-ahurea hoki ki tō rātou whenua, tō rātou hapū, me tō rātou iwi. He tau ngā tamariki, ā, e tino atawhaitia ana ki tō rātou kōhanga reo.
Ka arotake anō Te Tari Arotake Mātauranga i Te Kōhanga Reo o Poukawa ki Kahurānaki i roto i te toru o ngā tau.
Ko Ngāi Te Rangikoianake te hapū
Ko Kahurānaki te maunga
Ko Poukawa te waiū
Ko Te Hapuku te tangata, ko Kahurānaki te marae.
E tū ana Te Kōhanga Reo o Poukawa ki Kahurānaki ki te marae o Kahurānaki, ki Te Hauke, e pā tata atu ana ki te tonga o Heretaunga. Ka whakapakari te noho marae i te aronga toi whenuatanga me te tuakiri o ngā tamariki. Ka whakapuaki ngā kaumātua me te whānau i ngā wawata kia ako ngā tamariki i te reo Māori, ngā tikanga Māori, me te mātauranga Māori e hāngai ana ki a Kahurānaki me Ngāti Kahungunu. He kaha te ārahitanga me te whai pānga o te iwi ki te hapori o te kōhanga reo, ā, ka āta hāpai tēnei i te kōhanga reo.
E whakawhanake ana ngā tamariki i te tino aronga toi whenuatanga, te tino mōhiotanga anō hoki ki tō rātou wāhi ako mā te reo me ngā tikanga Māori.
Ka ako ngā tamariki i ngā whakapono, ngā uaratanga, me ngā tikanga ā-wairua, ā-ahurea hoki mā te horopaki motuhake o tō rātou kōhanga reo me te marae. Ka poipoi ngā karakia, ngā waiata, ngā pepehā, me ngā whakapapa i te waiora o ngā tamariki mā ngā huarahi e tino whai pūtake ana. Whai wāhi ai ngā tamariki ki ngā kaupapa i te marae i ia te wā, ā, ka ako rātou i te tū o te tangata whenua me te manuhiri. Ko te tūturutanga o te marae, me tōna wāhi tū e hāpai ana i te ako a ngā tamariki i te ao māoriori me te taiao. Ka ako ngā tamariki i ngā tikanga Māori e whai pānga ana ki ia atua. Ka hāpai ngā mahinga o ia rā i te whakawhanaketanga o ngā tamariki i tō rātou āheinga ki te tiaki me te kōkiri i a rātou ake anō. He māia, he tau hoki ngā tamariki.
Ka āta kitea te kaha o te aronga toi whenuatanga me te tuakiri o ngā tamariki. Ka tino mōhio rātou ki te āhua o tō rātou kōhanga reo, tō rātou marae, me tō rātou whānau. Ia rā, ka tuku mihi ngā tamariki ki tō rātou whare tipuna, ki te waiū o Poukawa, me tētahi kōhatu pouwhenua e tū ana ki te rori matua. He maha ngā tino wāhi whakahirahira e pā tata atu ana ki te kōhanga reo, ā, ka whakapūmau ēnei i te mōhiotanga o ngā tamariki ki ō rātou tātai whakapapa me ō rātou hononga ā-iwi. Ka hāpai ngā kaumātua i ngā tamariki me te whānau ki te ako i ngā āhuatanga whakahirahira o te mana whenua, tae atu ki tō rātou marae, tō rātou hapū, me tō rātou iwi. E mōhio ana ngā tamariki ki a rātou anō, ki tō rātou tūrangawaewae hoki.
Ka hāpai te whanaungatanga i te mātau me te mōhiotanga ā-tinana, ā-tangata anō hoki o ngā tamariki ki ētahi atu. Nā ngā taumahi whakahihiri e hāpai ana i ngā tamariki ki te taunekeneke me te whakawhanaunga ki waenga i a rātou anō mā ngā huarahi papai e whakakotahi ana i a rātou. Ka ako ngā tamariki ki te taha o ō rātou hoa, ā, ka āta whakahonohono mārika ki ngā kaimahi, ngā kaumātua, te whānau, me ētahi atu. Ka kawe ake rātou i ā rātou ake akoranga. He pākiki, he kakama hoki rātou. Ka aro nui ngā tamariki hei ākonga.
Ka rongo ngā tamariki i te reo me ngā tikanga Māori ki tētahi taiao hāneanea, ā-kāinga hoki ki te kōhanga reo. E tino whakawhānui ana te marae i ngā akoranga a ngā tamariki i te reo Māori, ngā tikanga Māori, ngā uaratanga me ngā whakapono. He pai te aro atu a ngā tamariki, ā, ka kite i tō rātou tino māramatanga, tō rātou tino mōhiotanga anō hoki ki te reo Māori. Ka tino whakamanahia ngā kaumātua me tō rātou mōhiotanga, ō rātou wawata anō hoki kia ako, kia ū hoki te reo me ngā tikanga Māori. E tino tautokona ana te whakawhanaketanga o ngā tamariki ki te kōrero i te reo Māori.
E mōhio ana ngā kaimahi, kāhore i te tino pakari tō rātou reo Māori. He mea nui kia ū ngā kaimahi katoa ki te whakapiki ake i tō rātou mātau ki te reo Māori. Ko te noho mātau o ngā kaiako ki te kōrero i te reo Māori tētahi āhuatanga nui o te ako a ngā tamariki mā te kaupapa o te kōhanga reo.
He pakari te whakahaeretanga o te kōhanga reo. Ka whakahaere te whānau me ngā kaimahi i ngā whakaritenga o te paetawhiti me te pae tata ki te kōhanga reo. Ka ahu mai te nuinga o ngā whakataunga i ngā matea o te whānau, me ngā kaimahi. Kua whakaritea ngā kaupapa here, ngā tukanga, me ngā pūnaha hei ārahi i ngā mahi whakahaere. Ka whakatutuki ngā hui o ia marama i ngā take hei tirohanga wawe, me ērā hoki o te paetawhiti. Ka āta aroturuki anō hoki i aua wā, i te tūnga pūtea o te kōhanga reo.
Kua whakaritea e ngā kaimahi tētahi pūnaha whakamahere. Kei ia kaimahi tētahi wātaka, ā, ka tuhia ngā mahere me ngā whakaaro huritao o ia wiki. Ka hoko te whānau i ngā rauemi me ngā taputapu, ā, ka whakamahere i ngā taumahi me ngā haerenga e whai pānga ana ki ngā kaupapa a ngā tamariki.
Kāhore i te rawaka ngā mōhiohio ki ngā pūkete a ngā tamariki, mō tā rātou ako, me tā rātou ahu whakamua. E mōhio ana ngā kaimahi ki ngā huarahi ka whai hua ki te whakapai ake i te āhua o ā rātou mahi ki te aroturuki me te aromatawai i ngā akoranga a ngā tamariki me tō rātou whakawhanaketanga, me te whakapuakitanga anō hoki i aua mōhiohio ki ngā mātua. He mea nui kia whakanuia e ngā kaimahi me te whānau ngā mahi a ngā tamariki, mā te whakatairanga i ngā pūmanawa me ngā ngākau nuitanga o ia tamaiti i roto i te pai o ngā mahi aromatawai. Kāhore te ako a ngā tamariki me tō rātou whakawhanaketanga e tino aroturukitia ana.
Ko te nuinga o ngā kaupapa matua i ngā mahere rautaki me ngā mahere ā-tau a te whānau e hāngai ana ki te whānau, ngā rawa, te whakahaeretanga, ngā āhuatanga hei whakatika, me te tiaki rawa. Kāhore i te rawaka te aro atu a ngā whāinga o tēnei wā ki ngā matea me ngā ngākau nuitanga o ngā tamariki. Waihoki, nā te mea kāhore he mahere ā-tau, he uaua tonu te aru, te aroturuki, te pūrongo me te arotake i ngā kaupapa matua. Kāhore ngā tamariki e noho matua ana ki ngā mahere rautaki.
Ka āta hāngai te arotake whaiaro ki ngā whakahaeretanga me ngā whakaritenga a te whānau, ngā kaimahi, me te kōhanga reo. He iti noa ngā mōhiohio arotake whaiaro e pā ana ki ngā mahi a ngā tamariki ki te hōtaka akoranga, me ngā āhuatanga hoki hei whakapai ake. He meneti noa ā te whānau mō ngā hui e rima i tū ai i te tau 2015. Kāhore i te mātātoa te whai wāhi a ngā mātua ki ngā take whakahaere, inā koa ki ngā whakataunga. He whāiti noa hoki te whai wāhi a te whānau ki ngā taumahi o ia rā ki te kōhanga reo. Kāhore ngā tamariki e tino whiwhi ana i ngā hua ka pupū ake i te kaha whai wāhi mai o ngā mātua ki ngā wāhanga katoa o te whakahaeretanga o te kōhanga reo.
I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
E tū ana Te Kōhanga Reo o Poukawa ki Kahurānaki ki te marae o Kahurānaki, ki Te Hauke, ki te tonga o Heretaunga. He maha ngā whai wāhitanga mō ngā tamariki ki te whakawhanake i tō rātou mōhiotanga, tō rātou māramatanga hoki ki ō rātou hononga ā-wairua, ā-ahurea hoki ki tō rātou whenua, tō rātou hapū, me tō rātou iwi. He tau ngā tamariki, ā, e tino atawhaitia ana ki tō rātou kōhanga reo.
Ka arotake anō Te Tari Arotake Mātauranga i Te Kōhanga Reo o Poukawa ki Kahurānaki i roto i te toru o ngā tau.
Lynda Pura-Watson
Kaiurungi Whakaturuki Arotake Māori
23 Pipiri, 2016
|
Te tūwāhi |
Kei Te Hauke, ki Heretaunga |
||
|
Te tau a te Tāhuhu o te Mātauranga |
551379 |
||
|
Te tau tohu o Te Kōhanga Reo |
08C002 |
||
|
Te tūmomo whare |
He kōhanga reo |
||
|
Te raihana |
Ngā Ture Mātauranga (Ratonga Kōhungahunga) 2008 |
||
|
Te tokomaha mō te raihana |
30, kia tokorima ki raro i te rua o ngā tau |
||
|
Te tokomaha kei runga i te rārangi ingoa |
14, tokorima ngā tamariki kei raro i te rua o ngā tau |
||
|
Te ira tangata |
Tama tāne 8 Kōtiro 6 |
||
|
Ngā hononga ā-iwi |
Māori |
100% |
|
|
Te wā i te kōhanga reo te rōpū arotake |
Poutū-te-rangi 2016 |
||
|
Te wā o tēnei pūrongo |
23 Pipiri, 2016 |
||
|
Ngā pūrongo o mua a Te Tari Arotake Mātauranga |
Arotake Mātauranga |
Poutū-te-rangi 2013 |
|
Te Kōhanga Reo o Poukawa ki Kahurānaki is on Kahurānaki Marae in Te Hauke, south of Hastings. Children have many opportunities to develop an awareness and understanding of their spiritual and cultural connections to their whenua, hapū and iwi. Children are settled and well cared for in their kōhanga reo.
The next ERO review of Te Kōhanga Reo o Poukawa ki Kahurānaki will be in three years.
Ko Ngāi Te Rangikoianake te hapū
Ko Kahurānaki te maunga
Ko Poukawa te waiū
Ko Te Hapuku te tangata, ko Kahurānaki te marae.
Te Kōhanga Reo o Poukawa ki Kahurānaki is on Kahurānaki Marae in Te Hauke, a short distance south of Hastings. The marae setting strengthens children’s sense of belonging and identity. Kaumātua and whānau articulate aspirations for children to learn te reo Māori, tikanga Māori and mātauranga Māori pertaining to Kahurānaki and Ngāti Kahungunu. Hapū leadership and influence within the kōhanga reo community is strong and supports the kōhanga reo well.
Children are developing a strong sense of belonging and awareness of their learning environment through te reo and tikanga Māori.
Children learn spiritual and cultural beliefs, values and practices in the unique setting of their kōhanga reo and marae. Karakia, hīmene, waiata, pepehā and whakapapa nurture children’s sense of wellbeing in meaningful ways. Children regularly take part in marae activities where they learn about tangata whenua and manuhiri roles. The authentic context of the marae and its location allow children to learn about the natural world and physical environment. Children learn about tikanga Māori that relate to each atua. Daily routines help children to develop self-care and self-management. Children are confident and settled.
Children display a strong sense of belonging and identity. They know their kōhanga reo, marae and whānau environment well. Each day, children greet their whare tipuna, te waiū o Poukawa and a significant landmark stone located along the main highway. There are many important sites close to the kōhanga reo to reinforce children’s awareness of ancestral and tribal connections. Kaumātua support children and whānau learning about the significance of mana whenua, their marae, hapū and iwi. Children know who they are and where they come from.
Whanaungatanga supports children’s physical and social competence and awareness of those around them. Interesting and engaging activities allow children to interact and relate to each other in positive and inclusive ways. Children learn alongside each other and make important connections with kaimahi, kaumātua, whānau and others. They take responsibility for their own learning. They are inquisitive and alert. Children are responsive learners.
Children are exposed to te reo and tikanga Māori in the comfortable and homely environment of the kōhanga reo. The marae complex provides an important extension for children’s learning of te reo Māori, tikanga Māori and cultural values and beliefs. Children respond well and show a good understanding and awareness of te reo Māori. Kaumātua are particularly valued for their knowledge and aspirations for mokopuna to learn and maintain te reo and tikanga Māori. Children are well supported as developing speakers of te reo Māori.
Kaimahi acknowledge their lack of proficiency in te reo Māori. It is important that all kaimahi commit to increasing their competency in te reo Māori. Children’s learning within the kaupapa of kōhanga reo is dependent on kaiako who are highly capable speakers of te reo Māori.
Kōhanga reo management is sound. Whānau and kaimahi manage the long and short term operations of the kōhanga reo. Decisions are primarily based on the needs of whānau and kaimahi. Policies, procedures and systems are in place to guide management practices. Monthly hui attend to matters of immediate and long term importance. This includes closely monitoring the financial position of the kōhanga reo.
Kaimahi have a planning system in place. Each kaimahi has a planner where weekly plans and reflections are documented. Whānau purchase resources and equipment and plan kaupapa-related activities and excursions for children.
Children’s profile books do not provide sufficient information about children’s learning and progress. Kaimahi are aware of useful strategies they can improve the way they monitor and assess children’s learning and development and how to share this information with parents. It is also important kaimahi and whānau value children’s work by highlighting individual talents and interests through effective assessment practices. Children’s learning and development is not well monitored.
Priorities in whānau strategic and annual plans mainly focus on whānau, property, management, repairs and maintenance. Current targets do not adequately focus on the needs and interests of children. Furthermore, the absence of an annual plan makes it difficult to track, monitor, report and review priorities. Children are not prioritised in strategic planning.
Internal review is clearly based on outcomes for whānau, kaimahi, kōhanga reo management and operations. There is minimal self review information about what is happening for children in the daily programme and where improvements can be made in this area. Whānau only have minutes for five meetings held in 2015. Parents do not actively contribute to management matters, particularly around decision-making. Parent involvement in daily kōhanga reo activities is also limited. Children do not benefit from robust parent involvement in all areas of kōhanga reo management.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendations:
Te Kōhanga Reo o Poukawa ki Kahurānaki is on Kahurānaki Marae in Te Hauke, south of Hastings. Children have many opportunities to develop an awareness and understanding of their spiritual and cultural connections to their whenua, hapū and iwi. Children are settled and well cared for in their kōhanga reo.
The next ERO review of Te Kōhanga Reo o Poukawa ki Kahurānaki will be in three years.
Lynda Pura-Watson
Deputy Chief Review Officer Māori
23 June 2016
|
Location |
Te Hauke, Hastings |
||
|
Ministry of Education profile number |
55137 |
||
|
Kōhanga Reo Identification Number |
08C002 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
30 children, including up to 5 aged under 2 |
||
|
Kōhanga Reo roll |
14 children, including up to 5 aged under 2 |
||
|
Gender composition |
Boys 8 Girls 6 |
||
|
Ethnic composition |
Māori |
100% |
|
|
Review team on site |
March 2016 |
||
|
Date of this report |
23 June 2016 |
||
|
Most recent ERO report(s) |
Education Review |
March 2013 |
|