500 Kiwi Street, Camberley, Hastings
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Kōhanga Reo o Heretaunga ki te hapori o Camberley, ki Heretaunga, ā, koia nei anake te kōhanga reo ki tēnei takiwā. E poipoi tonu ana, e whakatairanga tonu ana te whānau i ngā whakareretanga iho a tō rātou kuia rangatira, arā, ka kōkiri i te reo Māori, i ngā tikanga Māori, me te mātauranga Māori hei painga mō ngā mokopuna.
He ngākau titikaha ō ngā mokopuna ki te whakaatu i tō rātou māramatanga ki te tuakiritanga mā te whai wāhi atu ki ngā taumahi e tautāwhi ana i tō rātou tuakiri motuhake.
E rumakina ana ngā mokopuna ki ngā akoranga e whakakoia ana i ō rātou hononga ā-whānau, ā-hapū, ā-iwi hoki. Ka puāwai rātou ki tētahi taiao e tautāwhi ana i ngā uara o ngā tikanga Māori. Ka āta ārahi ngā kuia, ngā kaimahi, me te whānau, i ngā mokopuna e whai wāhi atu ana ki ngā tikanga me ngā kawa, pērā i ngā mihi whakatau. Ka ārahi, ka whai wāhi mātātoa ngā mokopuna ki ngā karakia o te Hāhi Ringatū, me ngā mihimihi, ngā pānui hoki. Ko te tangongitanga o ngā waiata ā-iwi me ngā waiata koroua nō Ngāi Tūhoe, nō Ngāti Kahungunu hoki e whakapūmau ana i te ako a ngā mokopuna i tō rātou tuakiri me tō rātou tūrangawaewae. E tino whakamanahia ana te reo Māori, ā, ka āta tuituia puta noa i ngā whakaritenga o ia rā. Ka whakamahi ngā kaimahi i ngā rautaki e whai hua ana ki te whakawhānui i te whakamahinga a ngā mokopuna i te reo Māori. Ka whai wāhi ki aua rautaki, ko ngā waiata, ngā rotarota, ngā kīpeha, me te whakatītina. Kei te harikoa te whakaputanga mai a ngā pēpi i tō rātou māramatanga, mā te tāwhai, mā ngā mahi ā-ringa, mā te reo ā-tinana hoki. Ka ahu mai ngā taunekeneke katoa i ngā ariā o te tauwhirotanga, te mākohakoha, me te aumārire. I ngā wā katoa ka whakamihi, ka whakanui hoki ngā kaimahi i ngā whakamātau, ngā whakatutukitanga, me te whai wāhi nui hoki a ngā mokopuna. Kua āta whakaritea ngā mahinga o ia rā hei āta whakatau i te riterite me te taunga o ngā whakaritenga. Kei te hihiri ngā wāhi ako, ā, kua āta waihangatia hei kōkiri i ngā wheako ako ā-rōpū, ā-mokopuna takitahi hoki. He ngākau titikaha ō ngā mokopuna hei ākonga ki tētahi taiao e poipoi ana i tō rātou waiora, e tiaki ana i tō rātou tuakiri, ā, e tuitui mārika ana i ngā tino ariā o te ao Māori.
He tukanga ā ngā kaimahi mō te whakamahere, te aromatawai, me te aromātai hōtaka. Ka whakamōhiotia ngā mahi whakamahere ngātahi ki Te Wheke Kamaatu, ā, ka hono hoki ki Te Whāriki a Te Kōhanga Reo. Ka whai wāhi hoki ki tēnei, ko ngā whāinga ako me ngā putanga ako e pā ana ki ngā mokopuna. Kua tuitui ki ngā mahere ā-tau, ā-wāhanga, ā-wiki hoki, ko te tangongitanga o ngā taumahi me ngā rauemi e whai pānga ana ki ngā tūmomo reanga, a, ka hāpai i te whakatinanatanga. Ka tuitui ngā kaimahi i ngā tino tūāhuatanga hītori ki ngā mahere ako. Ko ētahi o aua tūāhuatanga, ko ngā pūrākau me ngā kōrero tuku iho e pā ana ki ngā pou whenua whakahirahira. Ka whakatakotohia, ka whakapuakihia hoki ngā huarahi ako o ngā mokopuna mā ngā aronga whānui. Kei ngā kōnae mokopuna ngā paki ako e miramira ana i ngā whakatutukitanga a ngā mokopuna. He nahanaha te tautuhi, te aru, me te aroturuki o ngā Mātai i te katoa o te Mokopuna i te whakawhanaketanga o ngā mokopuna i roto i te roanga o te wā. Ka whakamahi hoki ngā kaimahi i te pae ā-ipurangi o Te Aho Poutama ki te tuhi i ngā mōhiohio e pā ana ki te ako me te ahu whakamua a ia mokopuna. Ka whakamahia e ngā kaimahi te aromātai hōtaka hei aroturuki i te kounga o te hōtaka akoranga. Ka whakaaro huritao, ka whakawhiti kōrero, ka whakapuaki hoki i ngā rautaki kia whakapakarihia ngā matea o ngā mokopuna, kia aro nui hoki ki a rātou. Ka whai hua ngā mokopuna nā tētahi hōtaka akoranga e aro nui ana, e poipoi mātātoa ana hoki i te whakawhanaketanga o tō rātou tuakiritanga.
He pūnaha whai hua ā te whānau mō te aroturuki i ngā whakahaeretanga o te kōhanga reo. Ko te noho tahi mai o ngā kuia ki te kōhanga reo tētahi tūāhuatanga motuhake. Kei te tūtohinga te hītori o te kōhanga reo, mai i tōna tīmatanga. E whakaraupapa ana taua tuhinga i te aronga nahanaha o tā rātou kaupapa e pou herea ana ki ngā mātāpono o Te Korowai. Tū ai ngā hui ā-whānau i ia te wā, ā, he kaha te taetae atu. E whai kiko ana ngā meneti o ngā hui, ā, he tino mōhiohio o roto mō ngā whakahaeretanga o te kōhanga reo. He kaupapa here matua, he tukanga matua hoki e pā ana ki te hauora, te haumaru, me ngā kaimahi, ā, e hāngai ana hoki ki ngā herenga ā-ture o te wā, kia aro nui ai ki te waiora o ngā mokopuna. Whakahaerehia ai, tuhia ai hoki ngā akoako hōneatanga ohotata i ia te wā, hei āta whakatau i te noho rite a te whānau mō ngā wā ohotata. Kei te matawhānui te mahere whakahaere ā-tau e ārahi ana i ngā mahi whakahaere katoa i te kōhanga reo me te tari, ā, kua whakaritea hoki ngā rārangi wā e tutuki ai aua mahi. E whai hua ana ngā mokopuna nā ngā whakataunga e whai mōhiohio ana.
Kei te matawhānui te mahere rautaki, ā, kua whakamōhiotia ki Te Ara Tūāpae. Kei ngā whāinga pae tawhiti ngā wawata ngātahi o te whānau me ngā mokopuna. He auaha te mahere rautaki, ā, e aro nui ana ki te poipoi i ngā whakatutukitanga, ki te whakatupu i te ārahitanga, me te whakatō i ngā uara o te ao Māori, hei hāpai i te eke angitu o ngā mokopuna ki tua atu i te kōhanga reo. Ka kitea ki te rautaki mahi te ū pūmau ki te toitūtanga ki anamata. He māramatanga ngātahi ō te whānau, he whakataunga ngātahi hoki ā rātou mō tēnā ka whai atu kia tutuki i a rātou ā rātou kaupapa matua. E whakatairangatia ana te ako me te waiora whānui tonu o ngā mokopuna mā ngā mahi whakahaere ngātahi a te whānau.
E whai hua ana te whakahaeretanga o ngā kaimahi. Kei te matawhānui ngā tuhinga tuku mahi, pērā i ngā kirimina mahi takitahi me ngā tuhinga tūranga mahi, ā, e āta whakatakoto ana i te ārahitanga me ngā kawenga e tūmanakohia ana. Kua manatokotia, kua whakatutukihia hoki ngā tuhinga e arowhai ana i te haumaru o ngā kaimahi. Kua whakatutukihia ngā arohaehae, ā, ka arotahi te whakawhanaketanga ngaio ki te whakawhanake i ngā pūkenga me te āheinga o ngā kaimahi ki te tū hei kaiārahi whai hua ā meāke nei. Kei te kaiako Te Tohu Whakapakari me Te Tohu Paetahi, ā, e whakaoti ana i tēnei wā i Te Tohu Korowai Mokopuna. Ka whakamōhio, ka whakaaweawe hoki te aromātai o roto i ngā tukanga whakataunga. E whiwhi ana ngā mokopuna i ngā painga o ngā pūnaha me ngā aronga e whai hua ana, me te pakari o ngā mahi ārahi a te whānau.
Ki tā te whānau, e tūhura ana rātou i te āheinga ki te whakahou ake i te whare o tēnei wā, kia rahi ake ai. Ka whakahua ake rātou i te painga o taua whakaritenga ki te poipoi i ngā hiahia o te hapori me ngā mokopuna kei te rārangi tatari i tēnei wā. E tautoko ana Te Tari Arotake Mātauranga i taua whakaritenga matua ka whai ake, ā, ka akiaki i te whānau ki te mahi ngātahi me te tari ā-rohe o Te Poari Matua o Ngā Kōhanga Reo kia whai tautoko ai.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
E taunaki ana Te Tari Arotake Mātauranga kia whakamahi tonu te whānau i te arotake o roto, hei aroturuki, hei pūrongo hoki i te āhua mahi whānui tonu o te kōhanga reo, ā, kia mahi hoki ki te taha o te tari ā-rohe o Te Poari Matua o Ngā Kōhanga Reo, kia whai tautoko rātou mō ngā kaupapa matua i whakamaheretia ai kia whakawhanakehia.
Rita Walker
Toka ā Nuku Whakakapi
Te Uepū-a-Motu – Māori Services
20 Whiringa-ā-rangi 2024
| Te tūwāhi | Kei Camberley, ki Heretaunga |
| Te tau a te Tāhuhu o te Mātauranga | 55103 |
| Te tau tohu o Te Kōhanga Reo | 08C003 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 25 ngā tamariki, kia tokowaru ki raro i te rua o ngā tau |
| Te tokomaha kei runga i te rārangi ingoa | 25 ngā tamariki, tokorima kei raro i te rua o ngā tau |
| Ngā hononga ā-iwi | Māori 25 |
| Te wā i te kōhanga reo te rōpū arotake | Hōngongoi 2024 |
| Te wā o tēnei pūrongo | 20 Whiringa-ā-rangi 2024 |
| Ngā pūrongo o mua a Te Tari Arotake Mātauranga | Arotake Mātauranga, Poutū-te-rangi 2020; Arotake Mātauranga, Paenga-whāwhā 2017; Arotake Mātauranga, Pipiri 2014 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Te Kōhanga Reo o Heretaunga is in Camberley, Hastings and is the only kōhanga reo in the area. Whānau continue to foster and promote the legacy of their esteemed kuia, which is to advance te reo Māori, tikanga Māori and mātauranga Māori for mokopuna.
Mokopuna confidently express their understanding of tuakiritanga through engaging in activities that embraces their unique identity.
Mokopuna are immersed in learning that affirms their connection to whānau, hapū and iwi. They thrive in an environment that embraces the values of tikanga Māori. Kuia, kaimahi and whānau offer effective guidance as mokopuna willingly engage in tikanga and kawa practices such as mihi whakatau. Mokopuna actively lead and participate in Te Hāhi Ringatū karakia, mihimihi and pānui. The variety of waiata-ā-iwi and waiata koroua from Ngāi Tuhoe and Ngāti Kahungunu reinforce mokopuna learning about who they are and where they come from. Te reo Māori is highly valued and seamlessly woven throughout everyday practice. Kaimahi use efficient strategies to extend mokopuna use of te reo Māori. These include waiata, rotarota, kīpeha and whakatītina. Pēpi happily express their understanding through mimicking, hand actions and body gestures. The foundation of all interactions is built on the concepts of tauwhirotānga, mākohakoha and aumārire. Kaimahi consistently acknowledge and celebrate the efforts, achievements, and contributions of mokopuna. Daily routines are well established, ensuring consistency and predictability. The learning spaces are vibrant and creatively designed to facilitate both group and individual learning experiences. Mokopuna are confident learners in an environment that fosters their wellbeing, preserves their identity and seamlessly integrates valuable concepts of te ao Māori.
Kaimahi have processes in place for planning, assessment and programme evaluation. Collective planning is informed by Te Wheke Kamaatu and links to Te Whāriki ā Te Kōhanga Reo. This also encompasses learning objectives and outcomes for mokopuna. Year, term and weekly plans integrate a variety of age-appropriate activities and resources to support implementation. Kaimahi weave significant historical aspects into the mahere ako. These include pūrakau and narratives of specific landmarks. Mokopuna learning journeys are recorded and shared though diverse approaches. Kōnae mokopuna contain learning stories that highlight mokopuna achievement. Mātai i te katoa o te mokopuna systematically identifies, tracks and monitors mokopuna development overtime. Kaimahi also use the online platform Te Aho Poutama to document information about individual mokopuna learning and progress. Programme evaluation is used by kaimahi to monitor the quality of the learning programme. They engage in reflection, discussion, and the sharing of strategies to strengthen and respond to mokopuna needs. Mokopuna benefit from a learning programme that prioritises and actively nurtures the development of their tuakiritanga.
The whānau has effective systems to monitor the kōhanga reo operations. The presence of kuia is a distinctive attribute to the kōhanga reo. The tūtohinga includes the history of the kōhanga reo since its inception. This document sets out a planned approach of their kaupapa underpinned by the principles of Te Korowai. Whānau hui are held regularly and well attended. Hui minutes are detailed and provide important information about kōhanga reo operations. Core health, safety and personnel policies and procedures align to current legislation to ensure mokopuna wellness is a priority. Regular emergency evacuation drills are conducted and documented to ensure whānau preparedness for emergencies. There is a comprehensive annual management plan that guides all operational and administrative tasks along with timelines for completion. Mokopuna benefit from informed decision making.
The strategic plan is comprehensive and informed by Te Ara Tūāpae. Long term goals include the collective aspirations of whānau and mokopuna. The strategic plan is innovative and dedicated to nurturing achievement, growing leadership, and embedding te ao Māori values to support mokopuna to be successful beyond kōhanga reo. The rautaki mahi reflects a commitment to sustainability for the future. Whānau have a shared understanding and agreement of what they need to achieve their priorities. Mokopuna learning and overall wellbeing are promoted though collective whānau whakahaere practises.
Personnel matters are effectively managed. Comprehensive employment documentation such as individual employment agreements and position descriptions offer clear guidance and expected responsibilities. Kaimahi safety checks are verified and complete. Appraisals are complete with professional development focussed on developing kaimahi skill and capability to become effective, future leaders. The kaiako holds Te Tohu Whakapakari, Te Tohu Paetahi and is currently completing Te Tohu Korowai Mokopuna. Internal evaluation informs and influences decision-making processes. Mokopuna benefit from efficient systems, approaches and strong whānau leadership.
Whānau shared they are exploring the potential to renovate the current building to increase its capacity. They highlight that this will cater to the needs of the community and accommodate the additional mokopuna on the current waiting list. ERO supports this as a key next step and encourage whanau to collaborate alongside the Tari-ā-Rohe for additional support.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO recommend that whānau continue to use internal review to monitor and report on the overall performance of the kōhanga reo and work alongside the Tari-ā-Rohe for support with the planned priorities for development.
Rita Walker
Toka-ā-Nuku – Acting Director
Te Uepū ā-Motu – Māori Review Services
20 November 2024
| Location | Camberley, Hastings |
| Ministry of Education profile number | 55103 |
| Kōhanga Reo Identification Number | 08C003 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 25 children, including up to 8 aged under 2 |
| Service roll | 25 children, including up to 5 aged under 2 |
| Ethnic composition | Māori 25 |
| Review team on site | July 2024 |
| Date of this report | 20 November 2024 |
| Most recent ERO report(s) | Education Review, March 2020; Education Review, April 2017; Education Review, June 2014 |
E tū ana Te Kōhanga Reo o Heretaunga ki te hapori o Camberley, ki Heretaunga. Koia nei anake te kōhanga reo ki tēnei takiwā. He mātātoa te whai wāhi atu a te whānau ki tō rātou purapura me ngā whanaketanga o Ngāti Kahungunu. Ko ngā pūrongo o mua a Te Tari Arotake Mātauranga e tohu ana i te kaha o tēnei kōhanga reo ki te tupu tonu me te whakawhanake tonu. He kaha ngā pūkenga o ngā kaimahi me te whānau.
E whakatinana ana ngā tamariki i te aroha, te manaaki, me te tiaki ki waenga i a rātou anō, ā, ki tō rātou whānau hoki.
He hononga ō ngā tamariki e āta poipoi ana, e āta whakamana ana hoki i a rātou. He kaha te whanaungatanga ki waenga i te whānau. Ka āta tūhonohono ngā kaimahi ki ngā tamariki mā te noho mōhio ki a rātou. Ka awhiawhi rātou i ngā pēpi, ā, ka whakapuakihia te reo ngāwari me te reo ā-tinana ki te taha o ngā tuākana. Ka whakamanahia, ka whakaaro nuitia, ka manaakitia hoki ngā tamariki e ngā kaimahi. Ka whakapuaki hoki ngā tamariki i aua uara ki ngā pakeke me ō rātou hoa. Ka whai whakaaro nui rātou ki ētahi atu. E ākina ana ngā tamariki tuākana, kia tautoko rātou i ngā tēina. Ka whakatauira rātou i ngā mahinga i ngā wā kai, ā, ka whakapūmau hoki rātou i ngā tūmanako o te kōhanga reo. Kei te pakari, kei te mauritau hoki te āhua o ngā tamariki.
E whai wāhi atu ana ngā tamariki ki ngā akoranga e whakatairanga ana i tō rātou tuakiri. Ka hāpai ngā kaimahi i ngā tamariki ki te ako i ō rātou pepeha, me te whakapuaki ki te taha o ētahi atu. Ka ako ngā tamariki i ō rātou marae, ō rātou whenua, ō rātou maunga, me ō rātou awa. Ka whakatauira ngā tamariki tuākana i te tū o te tangata whenua ki ngā tēina. Ka whakarongo pīkari rātou i ngā wā whai kōrero, ā, ka tū hoki ki te waiata i ngā waiata tautoko me te harirū ki ngā manuhiri. Ka mātakitaki, ka tāwhai hoki ngā tēina i ō rātou tuākana. E whai wāhi atu ana ngā waiata tautoko i te ako a ngā tamariki i ngā kaupapa whakahirahira me ngā tūpuna o tō rātou rohe. Kei te tupu haere te whai māramatanga o ngā tamariki ki ō rātou tātai hono ki tō rātou iwi.
E rumakina ana ngā tamariki ki te reo Māori. Ka whakarato ngā kaimahi i tētahi taiao e poipoi ana, e akiaki ana hoki i te whakawhanaketanga o te reo. Ko te reo Māori anake te reo e kōrerohia ana e rātou, ā, ka whakapuaki rātou i ngā kīanga me ngā rerenga kōrero e mōhio whānuitia ana, ka pātai hoki i ngā pātai māmā. Kua whakatakotohia e ngā kaimahi ngā tūmanako nunui e pā ana ki te whakamahinga o te reo Māori. Ka whakamahi ngā tamariki tuākana i ngā kupu me ngā kīanga e mōhiotia ana e rātou. Ka kitea ki ngā pēpi tō rātou māramatanga ki te reo Māori mā ō rātou menemene me te āhua o ngā nekehanga o ō rātou tinana. He whai wāhitanga anō hoki mō ngā tamariki ki te ako i te reo Māori mā ngā karakia me ngā hīmene. E whanake ana ngā tamariki ki te kōrero i te reo Māori.
He kaihōpara ngā tamariki. Ka whakamahere ngā kaimahi i ngā wheako e hāpai ana i ngā tamariki ki te toro atu ki ngā taiao māoriori, tūturu hoki. Ka tūhura ngā pēpi i tō rātou taiao ake me ngā rauemi o roto e whakapakari ana i ō rātou pūkenga ki te pikipiki, te ngaoki, me te hīkoi. Ka whai wāhi atu ngā tamariki tuākana ki ngā akoranga ōkawa e pā ana ki ngā atua Māori, ngā tamariki a Tangaroa, me ngā wāhanga o te tinana. Ka whakaako hoki ngā kaimahi i ngā pūkenga kia manaaki tētahi i tētahi, ā, kia manawanui, kia pāuaua hoki ngā tamariki. E whakanuia ana ngā pūmanawa o ngā tamariki hei hāpai ake. E hāpaitia ana ā rātou mahi ki te taha o ō rātou hoa. He ākonga pākiki ngā tamariki.
He tukanga ā ngā kaimahi mō te whakamahere hōtaka me te aromatawai. E whai pūtake ana, e whai takune ana hoki ngā mahere. Ka whakaraupapahia te whānuitanga o ngā tūmomo taumahi me ngā rautaki e tika ana mō te whakaako tamariki. Ka whakamahi ngā kaimahi i ngā pūkete hei aromatawai i te ako a ngā tamariki. Ka kitea e ngā mātua mā ngā pūkete nei te āhua ako o ā rātou tamariki me tā rātou ahu whakamua. E whai wāhi atu ana ngā tamariki ki tētahi hōtaka i āta whakamaheretia ai, ā, e whai whakaaro nuitia ana ō rātou matea ako.
He pai te whakahaeretanga a te whānau i tō rātou kōhanga reo. Kei te noho mōhio rātou ki ngā nekehanga i te kōhanga reo mā te tū auau o ngā hui. He tukanga arotake whaiaro ā te whānau. E āta whakatau ana aua tukanga i te aronga mārama tonu o te tūtohinga, i te hāngaitanga o ngā kaupapa here me ngā tukanga o te hauora me te haumaru ki te wā, ā, i te whakatutukitanga anō hoki o ngā take kaimahi. Ka whakawhārikihia ki ngā hui ā-whānau ngā pūrongo a te kaitiaki pūtea, te kaiwhakahaere, me ngā kaimahi. Ko ngā tamariki kei te pūtake o ngā whakataunga katoa a te whānau.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
Ka aromātai anō Te Tari Arotake Mātauranga i Te Kōhanga Reo o Heretaunga i roto i te toru o ngā tau.
Gloria Takuira
Acting Toka ā-nuku
16 Poutūterangi, 2020
|
Te tūwāhi |
Kei Camberley, ki Heretaunga |
||
|
Te tau a te Tāhuhu o te Mātauranga |
55103 |
||
|
Te tau tohu o Te Kōhanga Reo |
08C003 |
||
|
Te tūmomo whare |
He kōhanga reo |
||
|
Te raihana |
Ngā Ture Mātauranga (Ratonga Kōhungahunga) 2008 |
||
|
Te tokomaha mō te raihana |
19, kia tokowhitu ki raro i te rua o ngā tau |
||
|
Te tokomaha kei runga i te rārangi ingoa |
19, tokoono kei raro i te rua o ngā tau |
||
|
Te ira tangata |
Kōtiro 11 Tama tāne 8 |
||
|
Ngā hononga ā-iwi |
Māori |
100% |
|
|
Te wā i te kōhanga reo te rōpū arotake |
Kohi-tātea 2020 |
||
|
Te wā o tēnei pūrongo |
16 Poutūterangi, 2020 |
||
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Tāpiri |
Paenga-whāwhā 2017 Pipiri 2014 Poutū-te-rangi 2011 |
|
Te Kōhanga Reo o Heretaunga is in Camberley, Hastings. This is the only kōhanga reo in the area. The whānau actively contribute to their local purapura and Ngāti Kahungunu development. The ERO reporting history of this kōhanga reo shows continued growth and development. Kaimahi and whānau capacity is strong.
Children show aroha, manaaki and tiaki to each other and their whānau.
Children experience nurturing and affirming relationships. There is a sense of whanaungatanga within the whānau. Kaimahi use their knowledge of children to form bonds. They hug and cuddle babies and use gentle tones and body language with tuakana. Kaimahi treat children with respect, understanding and care. Children reciprocate these values with adults and their peers. They are considerate of others. Older children are encouraged to support teina. They role model routines at kai time and reinforce expectations of the kōhanga reo. Children appear secure and settled.
Children participate in learning that enhances their identity. Kaimahi support children to learn their pepeha and to share it with others. Children learn about their marae, whenua, maunga and awa. Older children model tangata whenua roles to teina. They sit attentively during whaikorero, stand and sing waiata tautoko and greet manuhiri. Teina watch and mimic their tuakana. Waiata tautoko support children to learn about significant events and ancestors specific to the local area. Children are growing their understanding about how they are connected to their iwi.
Children are immersed in te reo Maori. Kaimahi provide an environment that fosters and encourages language development. They speak te reo Māori only, use common phrases and sentences, ask simple questions. Kaimahi and have set high expectations around the use of te reo Māori. Older children use the words and phrases they know. Babies show an understanding of te reo Māori through smiles and their body language. Children also have opportunities to learn te reo Māori through karakia and himene. Children are developing as speakers of te reo Maori.
Children are explorers. Kaimahi plan experiences to allow children access to natural and physical environments. Babies explore their physical environment that is set up with resources to strengthen their climbing, crawling, and walking skills. Older children engage in formal learning about ngā atua Māori, ngā tamariki a Tangaroa and ngā wahanga o te tinana. Kaimahi also teach skills of manaaki tētahi ki tētahi, patience and perseverance. Children with additional needs are acknowledged for their strengths. They are supported to work alongside their peers. Children are curious learners.
Kaimahi have processes in place for programme planning and assessment. Planning has a purpose and intent. It identifies a wide range of activities and appropriate teaching strategies for children. Kaimahi use profiles to assess children’s learning. Children’s profiles show parents how well their children are learning and their progress. Children access a programme that is well planned and considers their learning needs.
Whānau manage their kōhanga reo well. They are well informed of what is happening through regular hui. Whānau have self-review processes in place. This ensures the charter provides clear direction, health and safety policies and procedures are up to date and personnel matters are addressed. Reports from the treasurer, the kaiwhakahaere and the kaiako are presented at whānau hui. The children are at the heart of all decision-making by the whānau.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
The next ERO evaluation of Te Kōhanga Reo o Heretaunga will be in three years.
Gloria Takuira
Acting Toka ā-nuku
16 March 2020
|
Location |
Camberley, Hastings |
||
|
Ministry of Education profile number |
55103 |
||
|
Kōhanga Reo Identification Number |
08C003 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
19 children, including up to 7 aged under 2 |
||
|
Kōhanga Reo roll |
19 children, including up to 6 aged under 2 |
||
|
Gender composition |
Girls 11 Boys 8 |
||
|
Ethnic composition |
Māori |
100% |
|
|
Review team on site |
January 2020 |
||
|
Date of this report |
16 March 2020 |
||
|
Most recent ERO report(s) |
Education Review Education Review Supplementary Review |
April 2017 June 2014 March 2011 |
|
E tū ana Te Kōhanga Reo o Heretaunga ki Camberley, ki Heretaunga. Koia nei anake te kōhanga reo ki Camberley. Kua tata kī te tatauranga o ngā tamariki ki te rārangi ingoa.
Kua whakahoungia e te whānau ngā wāhi hei poipoi i te whānuitanga o ngā matea o ngā tamariki ki te kōhanga reo. Ka whai wāhi atu te whānau o te kōhanga reo ki te purapura me ngā whakawhanaketanga o Ngāti Kahungunu. Kātahi anō tētahi kaiako ka whakatūngia, ā, e mahi ana ia ki te taha o tētahi kuia e hāpai ana i te whakapuakitanga o Te Whāriki.
Ka tautoko te Poari Matua o Ngā Kōhanga Reo i te whānau ki te whakatutuki i ngā take uaua, hei whakaiti i te pānga o ēnei ki ngā tamariki me te kaupapa o te kōhanga reo.
Ka whai wāhi atu ngā tamariki ki te reo Māori.
E whai wāhi atu ana ngā tamariki ki tētahi taiao reo Māori. Ka whakamaheretia ngā akoranga o te reo Māori, ā, ka arotahi kia eke angitu ai ngā tamariki i roto i te reo. Ka hāpai ngā rautaki reo i te āheinga o ngā tamariki ki te whakawhiti kōrero ki waenga i a rātou anō, ki ngā kaimahi hoki. Ko ngā whakawhitinga kōrero a ngā tamariki i ngā wā ōkawa me ngā wā ōpaki, e whakatairanga ana i te kōrero i te reo Māori. Kei te mārama pai te nuinga o ngā tamariki ki te reo, ā, kei te tupu te matatau o ētahi atu ki te reo. E whakatutuki ana ngā rauemi reo i ngā reanga o ngā tamariki, ā, e whakatairanga ana i te tūhura o te reo Māori. Ka whakanui ngā kaimahi i te whakamahinga a ngā tamariki i te reo Māori, ā, i ā rātou whakatutukitanga anō hoki. Ka whakawhiti whakaaro ngā tamariki ki ētahi atu mā te reo Māori.
E mōhio ana ngā tamariki ki a rātou anō, ā, ki tō rātou tūrangawaewae hoki. He haerenga i ia te wā, ā, he whai wāhitanga ēnei mō ngā tamariki ki te tūhura i te whānuitanga o tō rātou taiao, me te tūhonohono ki te ao Māori. Ka ngākau nui ngā tamariki ki ngā wā ōkawa, me te whai wāhi atu ki te mihimihi me te whakapuaki i ō rātou pepeha ki te whānau. Ka whakaemi, ka whakapuaki hoki ngā kaimahi i ngā mōhiohio e pā ana ki te reo me ngā tikanga o te hapū me te iwi, hei whakatairanga ake i ngā wheako ako a ngā tamariki. He pārekareka ki ngā tamariki ngā akoranga e pā ana ki ō rātou whānau me ō rātou whakapapa.
Ka ako ngā tamariki i tō rātou tūnga me tō rātou whai wāhi nui ki te whānau o te kōhanga reo. Ka whakanui ngā kaimahi i te hononga ki waenga i ngā tuākana me ngā tēina, me ngā uaratanga o te manaaki me te whakaute ki ētahi atu, ki a rātou anō hoki. Kua whakatō ngā tikanga ki te hōtaka akoranga o ia rā me ngā whakaritenga. Ka whai wāhi nui ngā tamariki ki te mahi ngātahi i ngā taumahi, ā, he pai anō hoki ō rātou hononga ki ngā kaimahi me te whānau. Kua whakaritea e ngā kaimahi tētahi wāhi e āta manaaki ana i ngā tamariki. He tau ngā tamariki ki te noho ā-whānau.
E whakawhanake ana ngā tamariki i tō rātou tūmāia ki te ako i roto i te ao Māori. E mōhio ana ngā tamariki ki te whakahirahiratanga o ngā karakia me ngā hīmene i roto i te hōtaka o ia rā. E hāpaitia ana tā rātou ako i te whai pānga nui, i te tūnga hoki o ngā atua Māori ki ā rātou akoranga. Ka hāpai ngā kaimahi i ngā tamariki ki te whakawhanake i te tū takitahi, i a rātou e ako ngātahi ana. Ka akiaki rātou i ngā tamariki ki te whakatau i ngā whiringa e pā ana ki ā rātou akoranga, hei whakatau anō hoki i tō rātou māramatanga ki te ao e noho nei rātou. Ka whakarato ngā kaimahi i ngā taumahi ā-ringa e whakangahau ana i ngā tamariki. Ka hāngai ngā akoranga ki ngā rangahau e tohu ana i te kairangi o te ako, hei whakahihiri, hei whakaongaonga anō hoki i te ako a ngā tamariki. Ka tūhonohono ngā tamariki ki te ao, me ōna whānuitanga.
Ko te waiora o te katoa o te tamaiti tētahi aronga matua. Ka whai pānga matua te hauora ki te whakatutukitanga o ngā matea ake o ia tamaiti. Kua whakaritea e te whānau ngā tino taumata hei hāpai i te tiaki o te taiao ako o ngā tamariki. Ka tuhi haere i ngā mauhanga e pā ana ki te hauora me te haumaru, puta noa i ngā wāhanga katoa o te kōhanga reo. Ka whai pānga nui ngā matea o ngā tamariki.
Kāhore ngā kaimahi e āta kapo atu ana i ngā whai wāhitanga katoa ki te whakapiki ake me te whakawhānui ake i te reo Māori o ngā tamariki. E mōhio ana rātou, e tika ana kia whakatairangatia te whakamahinga o te reo ki ngā horopaki whakahoahoa, hei hāpai i te māhorahora o te reo Māori o ngā tamariki. E whanake ana te reo o ngā tamariki.
Ko ngā putanga ako o ngā tamariki, me te kounga hoki o te atawhai te tūāpapa o ngā whakataunga a te whānau. E pou herea ana ngā hononga o ngā pākeke ki te whanaungatanga me te manaakitanga. E whai hua ana ngā pūnaha i āta whakaritea ai, ā, ka ārahi ēnei i te whakahaeretanga o te kōhanga reo. Ko te whakamahere mō te tauatanga tētahi aronga i ia tau, hei whakawhanake i te āheinga o te whānau, ā, hei whakapakari anō hoki i ngā mahi whakahaere me ā rātou tohu mātauranga. Ko ngā tuhinga me ngā pūrongo i whakatakotohia ai ki ngā hui ā-whānau e hāpai ana i te aroturukitanga o te āhua o ngā mahi, puta noa i te kōhanga reo.
Ka whai wāhi ngā aromātai o roto ki te whakamaheretanga mō meāke nei. Ka whakamahi te whānau i te aromātai o roto hei aroturuki i te ahu whakamua, i runga anō i ngā whāinga rautaki. Ka whakaaro huritao, ka mahi ngātahi hoki te whānau. E ahu mai ana te kaupapa o te kōhanga reo i te eke angitu o te ako a ngā tamariki.
Ka whai pānga ngā matea ako me te whakawhanaketanga o ngā tamariki ki te whakamaheretanga o te hōtaka. Ka whakamahi ngā kaimahi i Ngā Taumata Whakahirahira hei whakahāngai i ngā mahere o te paetawhiti me te pae tata. Ko te pakari o ngā whakawhitinga kōrero, ngā mōhiohio aromatawai, me te pai o ngā whakaritenga e hāpai ana i te whai pūtaketanga me te whakahāngaitanga o ngā hōtaka akoranga a ngā tamariki. Ka ārahi te aromātai hōtaka i te aroturuki a ngā kaimahi i te ahu whakamua o ngā tamariki.
Kua whakaritea te ahu whakamua o ngā akoranga a ngā tamariki me ngā mahi aromatawai. E mōhio ana ngā kaimahi ki ngā matea, ngā ngākau nuitanga, me ngā huarahi ako o ia tamaiti. Ka whakamahia te whānuitanga o ngā tūmomo aromatawai e whai pūtake ana ki te aroturuki me te pūrongo i ngā akoranga a ngā tamariki. Ko ngā kitenga o ngā tamariki i roto i ngā mahi ako, e hāpai ana i ngā whakaritenga a ngā kaimahi. Ka whakamahi ngā kaimahi i te aromātai kia hāngai pū ai ngā mōhiohio o ngā akoranga a ngā tamariki ki tēnei wā tonu. Ka whakamahia aua mōhiohio hei pūrongo i te whakawhanaketanga o ngā tamariki ki ō rātou mātua. Ka aroturukitia, ka pūrongotia hoki te ako a ngā tamariki.
Kia whakatinanahia tētahi hōtaka e hāpai ana i te ako me te whakapūmau a ngā mātua i ngā taumata teitei o te whakahaeretanga o te kōhanga reo.
I te wā o te aromātai, i whakamātauhia e te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Heretaunga i roto i ngā tau e toru.
Lynda Pura-Watson
Kaiurungi Whakaturuki Arotake Māori
04 Paengawhāwhā, 2017
|
Te tūwāhi |
Kei Camberley, ki Heretaunga |
|
|
Te tau a te Tāhuhu o te Mātauranga |
55103 |
|
|
Te tau tohu o Te Kōhanga Reo |
08C003 |
|
|
Te tūmomo whare |
He kōhanga reo |
|
|
Te raihana |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
25, kia tokoono ki raro i te rua o ngā tau |
|
|
Te tokomaha kei runga i te rārangi ingoa |
21, tokoono kei raro i te rua o ngā tau |
|
|
Te ira tangata |
Kōtiro 12 Tama tāne 9 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Hui-tanguru 2017 |
|
|
Te wā o tēnei pūrongo |
04 Paengawhāwhā, 2017 |
|
|
Ngā pūrongo o mua a Te Tari Arotake Mātauranga
|
Arotake Mātauranga Supplementary Review Education Review |
Pipiri 2014 Poutū-te-rangi 2011 Whiringa-ā-nuku 2009 |
Te Kōhanga Reo o Heretaunga is in Camberley, Hastings. It is the only kōhanga reo in Camberley. The roll is near maximum.
The whānau have redeveloped spaces to cater for children’s diverse needs on the current site. The kōhanga reo whānau contributes at purapura and the developments of Ngāti Kahungunu. A newly appointed kaiako works with a kuia who supports delivery of Te Whāriki.
Te Kōhanga Reo National Trust (TKRNT) provide support for whānau to deal with sensitive issues to minimise the impact on children and the kaupapa of the kōhanga reo.
Children are engaged in te reo Māori.
Children are exposed to a te reo Māori environment. Te reo Māori is planned and focussed on children’s language success. Language strategies support children’s ability to communicate with each other and kaimahi. Conversations with children in formal and informal situations promotes speaking te reo Māori. Most children have a good understanding of the language, while others fluency is growing. Language resources cater for children’s ages and promote exploration of te reo Māori. Kaimahi praise children’s use of te reo Māori and their achievements. Children speak te reo Māori to communicate with others.
Children know who they are and where they are from. Regular trips provide children with opportunities to explore their physical surroundings and connection to te ao Māori. Children enjoy the formal time to mihi and share pepeha with whānau. Kaimahi gather and share information about the hapū and iwi language and customs to enhance children’s learning experiences. Children enjoy learning about their whānau and whakapapa.
Children learn about their place and value in the kōhanga reo whānau. Kaimahi promote tuakana, teina relationships and the values of care and respect for self and others. Tikanga is embedded in the daily learning programme and practices. Children enjoy activities with each other and have positive relationships with kaimahi and whānau. Kaimahi have created a caring environment for children. Children are settled in the whānau environment.
Children developing confidence in their learning in a te ao Māori environment. Children are aware of the importance of karakia and hīmene in the daily programme. They are supported to learn the value and place of atua Māori in their learning. Kaimahi focus children to develop independence as they learn alongside each other. They encourage children to make choices about their learning to make sense of the world around them. Kaimahi provide activities that are hands on and fun for children. Learning is based on best practice research to excite and stimulate children’s learning. Children make connections to the world and beyond.
Children’s holistic wellbeing is a priority. Hauora is emphasised in the care of individual’s needs. Whānau have established high standards to maintain children’s learning environment. Health and safety records are maintained across all areas of the kōhanga reo. Children’s needs are important.
Kaimahi do not use every opportunity to increase and extend te reo Māori for children. They acknowledge the need to promote the use of the language in social settings to support children to speak spontaneously in te reo Māori. Children’s language is developing.
Children’s learning outcomes and quality of care forms the basis for whānau decision making. Whanaungatanga and manaakitanga underpins adult relationships. There are effective systems in place to guide kōhanga reo management. Succession planning is an annual focus to develop whānau capability, strengthen management practices and their qualifications. Records and reports presented at hui ā-whānau guides monitoring about the overall performance of the kōhanga reo.
Internal evaluation informs forward planning. Whānau use internal evaluation to monitor progress against strategic goals. There is a culture of reflection and collaboration amongst the whānau. The kaupapa of the kōhanga reo is based on children’s success with learning.
Children’s learning needs and development informs programme planning. Kaimahi use Ngā Taumata Whakahirahira to focus long term and short term plans. Robust discussions, assessment information and best practice informs purposeful and targeted programmes of learning for children. Programme evaluation guides kaimahi to monitor children’s progress.
Children’s learning progress and assessment practices are in place. Kaimahi know individuals the needs, interests and learning preferences. A variety of purposeful assessments are used to monitor and report children’s learning. Observations of children in learning activities supports kaimahi practices. Kaimahi use of evaluation helps to keep up to date information about children’s learning. This is used to report to parents about their child’s development. Children’s learning is monitored and reported.
Implement a programme of support for parents to learn and maintain the high standards of the kōhanga reo management.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendations:
continue to use internal evaluation information effectively to monitor and report strategic success and performance for children and the whanau
develop strategies to support children’s spontaneous use of te reo Māori.
The next ERO review of Te Kōhanga Reo o Heretaunga will be in three years.
Lynda Pura-Watson
Deputy Chief Review Officer Māori
4 April 2017
|
Location |
Heretaunga |
||
|
Ministry of Education profile number |
55103 |
||
|
Kōhanga Reo Identification Number |
08C003 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
25 children, including up to 6 aged under 2 |
||
|
Kōhanga Reo roll |
21 children, including up to 6 aged under 2 |
||
|
Gender composition |
Girls 12 Boys 9 |
||
|
Ethnic composition |
Māori |
100% |
|
|
Review team on site |
February 2017 |
||
|
Date of this report |
4 April 2017 |
||
|
Most recent ERO report(s) |
Education Review Supplementary Review Education Review |
June 2014 March 2011 October 2009 |
|