Pariroa Marae Wilson Road, Kakaramea
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Kōhanga Reo o Kaikaapo ki ngā papa o Pariroa Pā, ki Kākaramea. Whai muri i te arotakenga o mua, kua tino ahu whakamua te whānau me ngā kaimahi ki te whakapai ake i ngā pūnaha me ngā tukanga hei painga mō ngā mokopuna.
Ka whakapuaki māhorahora ngā mokopuna i te whanaungatanga mā ā rātou taunekeneke ki ō rātou hoa, ki ētahi atu hoki i roto i ngā wheako ako.
E rongo ana ngā mokopuna i te whanaungatanga mā ngā huarahi tūturu. Ka whakarato ngā kaimahi i tētahi hōtaka whakangahau e whakaute ana, e akiaki ana hoki i ngā mokopuna. Ka kitea te māramatanga ki te whanaungatanga, mā te whai wāhi atu a ngā mokopuna ki ngā mihimihi o ia rā ki te taha o ō rātou hoa me ngā kaimahi. Kei te pai, kei te whakaute hoki ngā taunekeneke a ngā mokopuna ki ō rātou hoa me ngā pakeke. Kei te mōhio ngā mokopuna pakeke ake ki te āhua o tō rātou tū hei tuakana, ā, he atawhai tō ā rātou taunekeneke ki ō rātou tēina. Ka whakatauira ngā kaimahi i te aroha me te manaakitanga, ā, ka whakamana i ngā mokopuna mā te whakanui i ā rātou whakatutukitanga. Ka whai wāhi atu ngā mokopuna ki ngā hononga e whai pūtake ana.
Ka ako ngā mokopuna ki tētahi taiao e poipoi ana i te reo Māori. Ka kitea e rātou ngā pōhiri, ā, ka rongo i ngā karanga me ngā mihi whakatau a ngā pakeke. Ka toro atu ki ngā mōteatea hei whakapūmau i ngā hononga ā-whānau, ā-hapū, ā-iwi hoki o ngā mokopuna. Ka ako rātou i ō rātou whakapapa me tō rātou tū hei tangata whenua. He whai wāhitanga mō ngā tuākana ki te ārahi i ētahi wāhanga o te hōtaka akoranga, pērā i ngā waiata me ngā haka, ā, he ngākau titikaha ō rātou ki te taki i ngā pepeha me ngā whakapapa. Ka whakapuaki ngā tēina i ō rātou pepeha mā ngā waiata, ngā mahi ā-ringa, me te kanikani. He nui ngā rauemi i te hōtaka akoranga, ā, he whai wāhitanga mō ngā mokopuna ki te tūhura me te tākaro. Ka rere pai ngā wāhi o roto, o waho hoki, hei painga mō ngā mokopuna. E tautokona ana ngā mokopuna kia kōrero rātou i te reo Māori.
E pou here ana ngā uara o te whanaungatanga i ngā mahere me te aroturukitanga o te ako me te ahu whakamua a ngā mokopuna. Ko Ngā Taumata Whakahirahira me ngā atua Māori kei te pūtake o ngā mahere katoa i whakamaheretia ai. Ka whakaputa te whānau i ō rātou whakaaro ki ngā mahere. E whai kiko ana ngā mahere, ā, e whakatakoto ana i ngā taumahi me ngā rauemi e hāpai ana i te whakatinanatanga o te hōtaka akoranga. Ka whakamahi ngā kaimahi i te tangongitanga o ngā taputapu aromatawai ki te aroturuki i te ako me te ahu whakamua a ngā mokopuna. E whakatakoto ana i ngā tauira o ngā mahi a ngā mokopuna, i ngā kōrero a ngā kaimahi, me ngā mātai tamaiti. Ka whakaemihia, ka whakatakotohia hoki e rātou ngā kōnae mā ia mokopuna, hei whakapuakitanga ki te taha o te whānau. E whiwhi ana ngā mokopuna i tētahi hōtaka akoranga e poipoi ana, e whāngai ana hoki i te whanaungatanga.
Ka hāngai pū te whanaungatanga ki te whakahaeretanga o ngā whakaritenga i te kōhanga reo. Hui ai te whānau i ia te wā ki te whakatinana i ngā kawenga mahi hei whānau whakahaere. Kua whakamōhiotia te mahere rautaki ki Te Ara Tūāpae, ā, he tūāhuatanga e whakakoia ana hoki i te ū pūmau a te whānau ki te whakapakari i te reo Māori mō ngā mokopuna, ngā kaimahi, me te whānau. E whakaraupapa ana te mahere ā-tau i ngā mahi whakahaere matua i te tari, ā, ka āta ārahi i ngā kawenga mahi a ngā kaiwhakarite. Kua whakatakotohia te huringa taiāwhio e arotake ai i ngā kaupapa here, hei āta whakatau i te whai pānga o ngā herenga ā-ture o te wā ki te hauora me te haumaru o ngā mokopuna. Ka whakamātauhia, ka tuhia hoki ngā hōneatanga ohotata. He pai te whakahaeretanga o ngā take kaimahi. Kua oti ngā arohaehae whaiaro a ngā kaimahi, ā, he aronga tonutanga ki te whakapakari i ngā pūkenga reo Māori. Kua whakaurua ngā kaimahi ki ngā akoranga o te reo Māori, hei whakapakari ake i tā rātou whakamahinga me tō rātou māramatanga i te reo. Ka tino whai hua ngā mokopuna nā te mahi ngātahi a te whānau ki te whakahaere i ngā whakaritenga.
Kua tautuhia e ngā kaimahi, ko te aromātai hōtaka tētahi wāhanga hei whakamahine, hei whakapai ake. Ahakoa ka aromātai rātou i te hōtaka akoranga mā ngā huarahi maha, e whakatau ana hoki Te Tari Arotake Mātauranga i te whakaaro ki te whai atu i ngā whakapaitanga. I tēnei wā, ka tuhi ngā kaimahi i ngā whakaaro huritao i ia wiki, ā, ka whakawhiti kōrero hoki mā ngā rōpū kōrerorero ā-ipurangi me ngā hui. Mā te whakaōkawa ake i te tino tukanga ki te aromātai i te whai huatanga o te hōtaka akoranga, ka whakatairanga tonu i ngā putanga e whai hua ana ki ngā mokopuna. Ka whakatairangatia ngā wheako ako o ngā mokopuna mā ngā whakaritenga aromatawai e tino whai hua ana.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
Kua whakawhanakehia e Te Tari Arotake Mātauranga te taunakitanga e whai ake nei, arā, kia whakaōkawa, kia whakapūmau hoki i ngā whakaritenga aromātai hōtaka hei whakapai ake i te ako a ngā mokopuna me tō rātou waiora.
Rita Walker
Toka ā Nuku Whakakapi
Te Uepū-a-Motu – Māori Services
20 Hakihea, 2024
| Te tūwāhi | Kei Kākaramea |
| Te tau a te Tāhuhu o te Mātauranga | 52772 |
| Te tau tohu o Te Kōhanga Reo | 07D066 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 30 ngā tamariki, kia 15 ki raro i te rua o ngā tau |
| Te tokomaha kei runga i te rārangi ingoa | 30 ngā tamariki, tokoiwa kei raro i te rua o ngā tau |
| Ngā hononga ā-iwi | Māori 27, Iwi ke 3 |
| Te wā i te kōhanga reo te rōpū arotake | Mahuru 2024 |
| Te wā o tēnei pūrongo | 20 Hakihea, 2024 |
| Ngā pūrongo o mua a Te Tari Arotake Mātauranga | Arotake Tāpiri, Kohi-tātea 2021; Arotake Tāpiri, Kohi-tātea 2019; Arotake Mātauranga, Pipiri 2015 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Te Kōhanga Reo o Kaikaapo is located on the grounds of Paririoa Pā, Kakaramea. Since the previous review, whānau and kaimahi have made significant progress towards improving systems and processes for mokopuna.
Mokopuna naturally show whanaungatanga through their interactions with peers and others in learning experiences.
Mokopuna experience whanaungatanga in authentic ways. Kaimahi provide a respectful, encouraging and fun programme for mokopuna. An understanding of whanaungatanga is shown through mokopuna participation in daily mihimihi to peers and kaimahi. Mokopuna interactions with peers and adults are positive and respectful. Older mokopuna know their role as tuākana and are gentle in their interactions with their tēina. Kaimahi model aroha, manaakitanga and uphold mokopuna mana as they affirm their successes. Mokopuna engage in meaningful connections.
Mokopuna learn in an environment that nurtures te reo Māori. They are exposed to pōhiri processes where they hear karanga and mihi whakatau from pakeke. Mōteatea is used to reinforce mokopuna connections to whānau, hapū and iwi. They learn about their whakapapa and roles as tangata whenua. Tuākana are provided an opportunity to lead aspects of the learning programme such as waiata and haka and they confidently recite pepeha and whakapapa. Tēina express their pepeha through waiata, actions and dance. The learning programme is well resourced and allows mokopuna the opportunity to explore and play. The flow between the indoor and outdoor is seamless for mokopuna. Mokopuna are supported to be speakers of te reo Māori.
The values of whanaungatanga underpin planning and the monitoring of mokopuna learning and progress. Ngā taumata whakahirahira and ngā atua Māori are the basis of all planned activities. Whānau contribute to their ideas to planning. Detailed planning includes activities and resources that supports the implementation of the learning programme. Kaimahi use a range of assessment tools to monitor the learning and progress of mokopuna. These include samples of mokopuna mahi, comments from kaimahi and mātai tamaiti. They are collated and filed in kōnae for individual mokopuna to be shared with whānau. Mokopuna experience a learning programme that fosters and nurtures whanaungatanga.
Whanaungatanga is central to managing the operations of the kōhanga reo. Whānau meet regularly to enact whānau whakahaere responsibilities. The strategic plan is informed by Te Ara Tūāpae, which also affirms whānau commitment to strengthening te reo Māori for mokopuna, kaimahi and whānau. The annual plan outlines key administrative tasks and provides clear guidance for the kaiwhakarite responsibilities. The policy review cycle is in place to ensure the health and safety of mokopuna is informed by current legislation. Emergency evacuations are practiced and documented. Personnel matters are well managed. Kaimahi self-appraisals have been completed with an ongoing focus on building te reo Māori capability. Kaimahi are enrolled in te reo Māori courses to build their use and understanding of the language. Mokopuna benefit well as whānau work together to manage operations.
Kaimahi have identified programme evaluation as an area for refinement and improvement. Although they evaluate the learning programme in a range of ways, ERO agree with the need for improvements to be made. Currently kaimahi document weekly reflections, communicate in kaimahi chat groups and hui. By formalising a clear process to evaluate the effectiveness of the learning programme will continue to promote positive outcomes for mokopuna. Mokopuna learning experiences will be enhanced through highly effective evaluation practices.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO recommend formalising and sustaining programme evaluation practices to improve mokopuna learning and wellbeing.
Rita Walker
Toka-ā-Nuku – Acting Director
Te Uepū ā-Motu – Māori Review Services
20 December 2024
| Location | Paririoa Pā, Kākaramea |
| Ministry of Education profile number | 52772 |
| Kōhanga Reo Identification Number | 07D066 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 30 children, including up to 15 aged under 2 |
| Service roll | 30 children, including 9 aged under 2 |
| Ethnic composition | Māori 27, Other 3 |
| Review team on site | September 2024 |
| Date of this report | 20 December 2024 |
Most recent ERO report(s)
| Supplementary Review, January 2021; Supplementary Review, January 2019; Education Review, June 2015. |
Hei wāhanga tonu o āna mahi, ko Te Tari Arotake Mātauranga te tari kāwanatanga ka aromātai i ngā kōhanga reo puta noa i Aotearoa. He pārongo kōrero ki ngā pūrongo a Te Tari Arotake Mātauranga mā te whānau, mā ngā hapū, mā ngā iwi, me ngā hapori.
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E tū ana Te Kōhanga Reo o Kaikaapo ki te marae o Pariroa, ki Pātea. Nō ngā hapū me ngā iwi o te takiwā nei ngā mokopuna, ngā whānau, me ngā kaimahi o te kōhanga reo. E whakatairanga ana te whanaungatanga i ngā tino hononga tāngata, ā, i te tautoko hoki i ngā mokopuna, i ō rātou whānau whānui, ā, i te hapori hoki. Kua mahi ngātahi te whānau ki te whakatutuki i ngā take i tāutuhia ai ki te pūrongo o mua a Te Tari Arotake Mātauranga.
E whiwhi ana ngā mokopuna i ngā putanga whai hua nā te whakapaitanga ake o ngā mahi whakahaere a te whānau.
Whakamihia ai ngā mokopuna i ngā wā katoa mō ā rātou mahi angitu. He ngāwari, he atawhai hoki tō te reo me te āhua tonu o te kōrerorero a ngā kaimahi ki ngā mokopuna. Ka akiaki, ka tautoko hoki ngā mokopuna i a rātou anō, tētahi i tētahi. Ka whakatauirahia e ngā tuākana te āhua o te whakawhitiwhiti kōrero me ngā taunekeneke e whai hua ana mā ngā tēina. Ka whakatairangatia te oranga ā-wairua o ngā mokopuna mā te papai me te whai pūtaketanga o te whakawhanaungatanga.
Ka whai wāhi atu ngā mokopuna ki tētahi hōtaka e poipoi ana i ō rātou tuakiri. Ka hāpai ngā kaimahi i te whai māramatanga o ngā mokopuna ki tō rātou tū hei tangata whenua, mā te aronga ki ngā tikanga me ngā kawa o te marae. Ka āta whakarite ngā kaimahi kia whai wāhi nui ai te atawhai me te manaaki ki ngā taunekeneke katoa ki waenga i ngā pakeke me ngā mokopuna. E ako ana ngā mokopuna i ō rātou tuakiri me ō rātou tūrangawaewae.
He aronga nahanaha, he aronga riterite hoki tā ngā kaimahi mō ngā akoranga a ngā mokopuna. Ka whai kiko ngā mahere. He mārama ngā hononga ki Te Whāriki. Ka whakapuaki te whānau i ō rātou whakaaro hei hāpai i ngā mahi whakamahere. Kei te tino mōhio ngā kaimahi ki ngā mokopuna. Ka aro atu rātou ki ō rātou matea me ō rātou ngākau nuitanga. E whakanui ana ngā pūkete a ngā mokopuna i ā rātou akoranga me ō rātou whakawhanaketanga. Ka whakatakotohia ā-tuhi nei ngā mahi e aromātai ana i te hōtaka. E hāpaitia ana te ako a ngā mokopuna me ō rātou ngākau nuitanga mā ngā mahere i āta whai whakaarohia ai.
E whakahaere ana te whānau i te kōhanga reo hei painga mō ngā mokopuna. He huringa taiāwhiotanga mō te arotakenga o ngā kaupapa here, ā, e āta aroturukitia ana hoki ngā tukanga. E hāngai ana ngā rehita o te hauora me te haumaru ki ngā kaupapa here. Kei te tūtohinga te aronga mārama mō te whakahaeretanga o ngā whakaritenga ki te kōhanga reo. Ka whakatinanahia ngā mahere rautaki ki Te Ara Tūāpae. Kua oti ngā mahi arohaehae, ā, ka whai wāhi atu aua mahi ki te āhua tonu o ngā whakawhanaketanga ngaio e whakahaerehia ana mā ngā kaimahi. Ko ngā mokopuna kei te pūtake o ngā mahi whakahaere a te whānau.
Me whakapakari ake i te whakamahinga o te reo Māori. Hei whakatairanga ake i te whakawhanaketanga reo o ngā mokopuna, e tika ana kia whakatakotohia e ngā kaimahi ngā tino tūmanako e ahu mai ana i ngā wawata o te whānau. Mā tēnā, ka noho mātua rā ko te reo, ā, ka ū tonu ngā kaimahi i ngā wā katoa ki te whakatauira i te reo.
I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Darcy Te Hau
Toka ā Nuku
Te Uepū ā-Motu - Māori Review Services
21 Kohitātea, 2021
|
Te tūwāhi |
Kei Kākaramea |
||
|
Te tau a te Tāhuhu o te Mātauranga |
52772 |
||
|
Te tau tohu o Te Kōhanga Reo |
07D066 |
||
|
Te tūmomo whare |
He kōhanga reo |
||
|
Te raihana |
Ngā Ture Mātauranga (Ratonga Kōhungahunga) 2008 |
||
|
Te tokomaha mō te raihana |
30, kia 15 ki raro i te rua o ngā tau |
||
|
Te tokomaha kei runga i te rārangi ingoa |
25, tokoiwa kei raro i te rua o ngā tau |
||
|
Te ira tangata |
Kōtiro 15 Tama 10 |
||
|
Ngā hononga ā-iwi |
Māori Pākehā |
23 2 |
|
|
Te wā i te kōhanga reo te rōpū arotake |
Whiringa-ā-rangi 2020 |
||
|
Te wā o tēnei pūrongo |
21 Kohitātea 2021 |
||
|
Ngā pūrongo o mua a Te Tari Arotake Mātauranga |
Arotake Tāpiri Arotake Mātauranga Arotake Tāpiri |
Kohi-tātea 2019 Pipiri 2015 Paenga-whāwhā 2012 |
|
The Education Review Office (ERO) is the government department that, as part of its work, evaluates kōhanga reo throughout Aotearoa. ERO’s reports provide information for whānau, hapū, iwi and communities.
The Education Review Office, whānau, leaders and communities provide evaluation insights that foster improvement, identify progress and build evaluation capability.
Te Kōhanga Reo o Kaikaapo is located at Pariroa marae in Pātea. Mokopuna, whānau and kaimahi affiliate to the local hapū and iwi. Whanaungatanga promotes close connections and support for the mokopuna and their wider whānau and the community. Whānau have worked together to address issues identified in the previous ERO report.
Mokopuna experience positive outcomes from improved whānau managements practices.
Mokopuna are constantly praised for their success. The tone and way kaimahi talk with mokopuna is gentle and affectionate. Mokopuna are encouraging and supportive of one another. Tuakana model to teina positive communication and interactions. Mokopuna spiritual wellbeing is enhanced through positive and meaningful relationships.
Mokopuna participate in a programme that nurtures their identity. Kaimahi support mokopuna to develop an understanding of their role as tangata whenua with a focus on tikanga and the kawa of the marae. Kaimahi ensure that all interactions between adults and mokopuna are nurturing and caring. Mokopuna are learning about who they are and where they come from.
Kaimahi have a planned and organised approach to mokopuna learning. Planning is detailed. There are clear links to Te Whāriki. Whānau contribute their thoughts and ideas to the planning. Kaimahi know their mokopuna well. They respond to their needs and interests. Mokopuna profile books celebrate their learning and growth. Programme evaluation is documented. Mokopuna learning and interests are supported through well considered planning.
Whānau manage the kōhanga in the interests of mokopuna. There is a cycle of policy review and procedures are well monitored. Health and safety registers align to policies. The charter provides clear direction for managing the kōhanga reo operations. Strategic planning is informed by Te Ara Tūāpae. Appraisals are complete and inform the ongoing professional development of kaimahi. Mokopuna are the focus of whānau management.
The use of te reo Māori needs strengthening. In order to strengthen mokopuna language development, it is important that kaimahi develop clear expectations based on the aspirations of whānau. This should ensure te reo is and prioritised and consistently modelled by kaimahi.
During the evaluation, ERO looked at systems for managing the following areas:
ERO and the kōhanga reo whānau developed the following recommendation:
Darcy Te Hau
Toka ā Nuku - Director
Te Uepū ā-Motu - Māori Review Services
21 January 2021
|
Location |
Kākaramea |
|
|
Ministry of Education profile number |
52772 |
|
|
Kōhanga Reo Identification Number |
07D066 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
30 children, including up to 15 aged under 2 |
|
|
Kōhanga Reo roll |
25 children, including up to 9 aged under 2 |
|
|
Gender composition |
Girls 15 Boys 10 |
|
|
Ethnic composition |
Māori Pākehā |
23 2 |
|
Review team on site |
November 2020 |
|
|
Date of this report |
21 January 2021 |
|
|
Most recent ERO report(s) |
Supplementary Review Education Review Education Review |
January 2019 June 2015 April 2012 |
E tū ana Te Kōhanga Reo o Kaikaapo ki te marae o Pariroa, ki Pātea. Kua tata eke ki te toru tekau o ngā tau nō te whakaaetanga mai o te hapū me te iwi kia whakatūngia te kōhanga reo. He tātai whakapapa tō te nuinga o ngā tamariki o te kōhanga reo ki a Ngāti Ruanui. Me rapu tautoko te whānau kia pai ake ai te kounga o ngā mahi whakahaere o te kōhanga reo, me ngā tino painga mō ngā tamariki.
Ka kitea ki ngā tamariki tō rātou aronga toi whenuatanga ki tō rātou kōhanga reo me tō rātou marae.
E whai wāhi ana ngā tamariki ki te reo o te iwi me ā rātou tikanga tuku iho. E whakamahi ana ngā kaiako i te whānuitanga o ngā tūmomo rautaki e akiaki ana i ngā tamariki ki te whakapuaki i te reo Māori. Ko te kōwaiwai pakitara rahi o te wāhi ako, he tohu ataata e hāpai ai i te whakawhanaketanga o te reo o ngā tamariki. Ka poipoi te whānau i te hononga me te mōhiotanga o ngā tamariki ki te mauri o te whenua. Ko tētahi āhuatanga whakaharahara o tēnei takiwā, ko te manga e pā tata atu ana ki te kōhanga reo, me ngā tūāhuatanga motuhake o te wai, otirā, i tōna whakahirahiratanga ki te tangata whenua. E whakapūmau tonuhia ana ngā tikanga e pā ana ki te wai, tae atu hoki ki te reo. Ko te whai wāhi atu ki te marae i ia te rā e whakapakari ana i ngā ngākau titikaha o ngā tamariki ki te tū hei kaitiaki o te whenua ā tōna wā. E whanake ana te ngākau titikaha o ngā tamariki ki te kōrero i te reo Māori.
E ako ana ngā tamariki i ngā kōrero me ngā hītori a tō rātou iwi, tō rātou hapū, me ō rātou whānau. Ko tētahi āhuatanga nui ki te whānau, ko te mōhio o ngā tamariki ki ō rātou tuakiri me ō rātou tūrangawaewae. He mea nui ki te whānau te noho mōhio, te whakapūmautanga hoki o ngā tamariki i ō rātou tūhonotanga ki te iwi. Kei te hōtaka akoranga ngā whai wāhitanga mō ngā tamariki ki te ako mā ngā mōteatea, ngā karakia, me ngā waiata. Ko tētahi āhuatanga auau o ngā wheako a ngā tamariki, ko tā rātou whai wāhi atu ki ngā kaupapa o te hapori me tā rātou toro atu ki ngā wāhi whakahirahira. Ka rongo ngā tamariki i tō rātou aronga toi whenuatanga ki tō rātou kōhanga reo me tō rātou marae.
Ka tūhura ngā tamariki i tō rātou hapori me te ao whānui. Ki tā te whānau titiro, ko te marae o Pariroa kei te pūtake o ngā akoranga a ngā tamariki, heoi anō rā, ka whakatairanga anō hoki rātou i ngā wheako ako ki tua atu i te marae mā ngā tamariki. Ka hāpai hoki ngā kaimahi i taua wawata mā te āta whakarite kia taetae atu ngā tamariki ki ngā tino huihuinga o te iwi, tae atu hoki ki ngā kaupapa whakanui ki te pā o Rātana. Nā ngā haerenga ki tāwāhi kua puta ake ngā whai wāhitanga mō ngā tamariki ki te whai wāhi atu ki ētahi atu ahurea me ētahi atu reo. Kei te tupu te māramatanga o ngā tamariki ki tō rātou tū ki te ao whānui.
E tino hāpaitia ana te tuakiri o ngā tamariki e te whānau, ā, he tino hononga ā-whakapapa ki waenga i a rātou. Ka mahi ngātahi rātou ki te whakatau i ngā whakaritenga e whai pānga ana ki te ako a ngā tamariki, me tō rātou waiora, tō rātou noho haumaru hoki. Tū ai ngā hui i ia te wā, ā, he mārama ngā tūmanako mō ngā pūrongo a te kaiako me te kaitiaki pūtea. Kei te rongo ngā tamariki i te aroha me te manaaki.
E whakapūmau ana te hōtaka akoranga i ngā hononga o ngā tamariki ki te marae o Pariroa me te hapori. Ka mahi ngātahi ngā kaimahi ki te tāutu i ngā wheako ako e whai horopaki ana ki tō rātou hapori me tō rātou taiao. E arotahi ana te kaiako ki te whakapakari ake i te āheinga me te rōnakitanga, mā te ārahi i ngā kaimahi. Kua whakawhanake ngā kaimahi i tā rātou ake tukanga aromatawai e tohu ana ki ngā mātua te āhua o te ahu whakamua o ngā tamariki i roto i ngā akoranga. Kei te tino mōhio rātou ki ngā tamariki. E kapo atu ana ngā aromatawai i ngā whanonga hou me ngā pūkenga e whakawhanakehia ana e ngā tamariki. Ka ngākau nui ngā tamariki ki te ako.
Me whakapakari te whānau i ngā tukanga e pā ana ki te arotake whaiaro. He maha ngā wāhanga o te whakahaeretanga o te kōhanga reo hei tirohanga ake kia whai hua ai ngā mahi a te whānau ki te whakatutuki haere i ō rātou wawata me ā rātou herenga ā-ture. Kāhore te tūtohinga – tae atu hoki ki te mahere rautaki me te mahere ā-tau - e hāngai ana ki te wā, ā, kāhore hoki e whai pānga ana ki ngā wawata o te whānau o tēnei wā. Kāhore ngā kaupapa here e hāngai ana ki ngā āhuatanga o ngā herenga ā-ture nō nā noa nei i whakarerekēhia ai. He take tonu ki te kounga o ngā meneti, me te whakatakotoranga, te putu hoki o ngā mauhanga. Kāhore i te tino tuhi, kāhore rānei e putu ana ki te kōhanga reo, ko ngā putanga a ngā whakataunga a te whānau. He iti noa te māramatanga o te whānau ki ō rātou tūranga me ā rātou kawenga mahi kia whai hua ai tā rātou whakahaere i te kōhanga reo.
Me titiro ki te whakahaeretanga o ngā kaimahi. Ahakoa he tuhinga tūranga mahi, he kirimana mahi hoki ā ngā kaimahi, kāhore anō kia whakahaerehia te tukanga arohaehae mā ngā kaimahi, hei whakakoia i ō rātou pūmanawa ake, hei tāutu i ngā wāhanga ki te whakawhanake tonu, ā, hei whakamahere mō te tautoko ngaio e tika ana. Ka whakatairangatia te kounga o ngā whakaritenga a ngā kaimahi mā te haere tonu o ngā mahi arohaehae i ia te wā.
E tautoko ana te kaiako i ngā kaimahi kia whai māramatanga ai rātou ki te tukanga o te whakamahere me te aromatawai. E tohu ana ngā tuhinga i whakarato ai ki Te Tari Arotake Mātauranga, e tika ana kia whiwhi ngā kaimahi i te tautoko o waho kua āta whakahāngaitia ki te whakapiki i tō rātou māramatanga ki Te Whāriki me Ngā Pou e Whā, me tā rātou whakamahere i tētahi hōtaka akoranga e whai pānga ana ki aua tuhinga matua e rua. He ōpaki kē te aromātai i te hōtaka. Kāhore ngā kaimahi e tuhi ana i ā rātou whakawhitinga kōrero e pā ana ki te hōtaka akoranga me ngā whakapai tonutanga.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:
E taunaki ana Te Tari Arotake Mātauranga, kia toro atu te whānau ki te tautoko o te Poari Matua o Ngā Kōhanga Reo ki te:
Ka aromātai anō Te Tari Arotake Mātauranga i Te Kōhanga Reo o Kaikaapo i roto i te kotahi tau.
Charles Rolleston Toka ā-nuku
11 Poutūterangi, 2019
|
Te tūwāhi |
Kei Kākaramea |
|
|
Te tau a te Tāhuhu o te Mātauranga |
52772 |
|
|
Te tau tohu o Te Kōhanga Reo |
07D066 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
30, kia 15 ki raro i te rua o ngā tau |
|
|
Te tokomaha kei te rārangi ingoa |
28, tokoono kei raro i te rua o ngā tau |
|
|
Te ira tangata |
Kōtiro 18 Tama 10 |
|
|
Ngā hononga ā-iwi |
Māori Pākehā |
26 2 |
|
Te wā i te kōhanga reo te rōpū arotake |
Kohi-tātea 2019 |
|
|
Te wā o tēnei pūrongo |
11 Poutūterangi, 2019 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Tāpiri Arotake Tāpiri |
Pipiri 2015 Paenga-whāwhā 2012 Here-turi-kōkā 2010 |
Te Kōhanga Reo o Kaikaapo is located at Pariroa Marae in Pātea. The kōhanga reo was established almost thirty years ago with the consent of the hapū and iwi. Most of the children that attend the kōhanga reo have whakapapa links to Ngāti Ruanui. The whānau need support to improve the quality of kōhanga reo management and to improve outcomes for children.
Children show a sense of belonging to their kōhanga reo and marae.
Children experience the language and practices of the iwi. Kaiako use a range of strategies to encourage children to use te reo Māori. The large mural in the learning space provides visual cues to support the development of children’s language. The whānau foster children’s connection and knowledge about the spiritual heart of the land. The special characteristics of the water in a stream near the kōhanga reo and its importance to local people is a unique feature of this area. The practices associated with the water including the language are still maintained. The daily interactions on the marae increases children’s confidence as future caretakers of the land. Children are developing confidence to speak te reo Māori.
Children learn about the stories and histories of their iwi, hapū and whānau. It is important to whānau that children know who they are and where they come from. The whānau recognise the importance of children knowing and maintaining the various connections within the iwi. The learning programme provides opportunities for children to learn through mōteatea, karakia and waiata. Participation in local events and visits to places of significance are a regular feature of children’s experiences. Children feel that they belong to their kōhanga reo and marae.
Children explore their community and the wider world. While the whānau know that Pariroa Marae is the focal point of learning for children, they also promote learning experiences for children beyond their marae. Kaimahi support this aspiration by ensuring children attend significant iwi events including Rātana Pā celebrations. Overseas travel has provided opportunities for children to experience other cultures and languages. Children have a growing understanding about their place in the wider world.
Children’s identity is well supported by the whānau who have strong whakapapa links. They work together to make decisions about children’s learning, wellbeing and safety. Meetings are held regularly and there are clear expectations in place for reporting from the kaiako and treasurer. Children know they are loved and cared for.
The learning programme reinforces children’s connections to Pariroa Marae and the local area. Kaimahi work collectively to identify learning experiences that are relevant to their local context and environment. The kaiako is focussed on building capability and sustainability by guiding kaimahi. Kaimahi have developed their own assessment process that shows parents what progress children are making in their learning. They know the children well. Assessments capture new behaviours and skills children are developing. Children enjoy learning.
The whānau need to strengthen self-review processes. There are several areas of kōhanga reo management that require attention so that the whānau can work effectively towards their aspirations and meet their legal responsibilities. The charter, including strategic and annual planning, is out-dated and does not reflect the aspirations of the current whānau. Policies do not reflect recent changes in legislation. The quality of minutes, record keeping and storage continues to be a concern. The outcomes of whānau decisions are not well documented and filed onsite. The whānau have limited understanding of their roles and responsibilities to effectively manage the kōhanga reo.
Personnel management requires attention. While kaimahi have job descriptions and employment contracts in place, the appraisal process for staff has not been carried out to affirm their individual strengths, identify areas for development and plan for relevant professional support. The quality of kaimahi practice would be enhanced through ongoing appraisals.
The kaiako is supporting kaimahi to understand the process of planning and assessment. Documents provided to ERO show that kaimahi require focused external support to increase their understanding about Te Whāriki and Ngā Pou e Whā, and to plan a learning programme that reflects these two key documents. Programme evaluation occurs informally. Kaimahi do not document their discussions relating to the learning programme and ongoing improvements.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO identified areas of non-compliance. In order for the kōhanga reo whānau to meet compliance requirements, they need to:
ERO recommends that the whānau seek support from Te Kōhanga Reo National Trust to:
The next ERO evaluation of Te Kōhanga Reo o Kaikaapo will be within one year.
Charles Rolleston Toka ā-nuku
11 March 2019
|
Location |
Kākaramea |
||
|
Ministry of Education profile number |
52772 |
||
|
Kōhanga Reo Identification Number |
07D066 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
30 children, including up to 15 aged under 2 |
||
|
Kōhanga Reo roll |
28 children, including 6 aged under 2 |
||
|
Gender composition |
Girls 18 Boys 10 |
||
|
Ethnic composition |
Māori Pākehā |
26 2 |
|
|
Review team on site |
January 2019 |
||
|
Date of this report |
11 March 2019 |
||
|
Most recent ERO report(s) |
Education Review Supplementary Review Supplementary Review |
June 2015 April 2012 August 2010 |
|