524 Ohangai Road, Hāwera
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Kōhanga Reo o Kautu ki te Rangi ki te taha o te marae o Taiporohēnui, ki te pito rāwhiti o Hāwera. Ko Hāmua rāua ko Hāpōtiki ngā hapū, ko Aotea te waka, ko Ngāti Ruanui te iwi. Ko te aronga matua a te whānau, kia rumakina ngā mokopuna ki te reo Māori me ngā tikanga Māori.
Ka kitea ki ngā mokopuna tō rātou māramatanga ki te mauritau, mā te mārie, mā te tau hoki o tā rātou whai wāhi atu ki ō rātou wheako ako.
E rumakina ana ngā mokopuna ki tētahi taiao e āta tautoko ana i a rātou. E pou here ana te manaakitanga me te aroha i ngā taunekeneke katoa. Kei te tino mōhio ngā kaimahi i ngā mokopuna, ā, ka poipoi i ngā matea ake o ia tamaiti. Ka whai wāhi atu ngā mokopuna ki ngā tikanga Māori mā ngā horopaki tūturu pērā i te karanga, te whaikōrero, me te whakatau pōwhiri. He tūāhuatanga tēnei ka hāpai i tō rātou māramatanga ki tō rātou tū hei tangata whenua. Kei te pakari te whānau me ngā kaimahi ki te hāpai me te ārahi, me te whakapūmau i ngā tikanga me ngā kawa i aua wā. Ka whakamahi ngā kaimahi i te tangongitanga o ngā rautaki e poipoi ana i te whakawhanaketanga reo o ngā mokopuna, tae atu ki te reo āwhina, te reo tohutohu, te reo kākā, ngā mōteatea, me ngā rotarota. Ka whakapuaki mātātoa ngā mokopuna tēina i tō rātou māramatanga ki te reo Māori mā tō rātou reo ā-tinana me te āhua hoki o ō rātou kanohi. He maha ngā wā ka whakamihi, ka whakanui hoki ngā kaimahi i ngā whakatutuki, ā, ka whakamana i te angitu o ngā mokopuna ki te hāpai i te papai o te taiao. Kei te harikoa, kei te manahau, kei te mauritau hoki ngā mokopuna i a rātou e ako ana.
Kei te tākare te whai wāhi atu a ngā mokopuna ki ngā wheako ako whakaongaonga e ngākau nuitia ana. Kua āta whakatakotohia ngā wāhi ako, ā, ka poipoi i ngā matea o ngā tūmomo rōpū reanga, ka hāpai hoki i te kotahitanga me te hihiri o te wāhi. E noho wātea ana ngā rauemi, ā, ka hāpai i ngā mokopuna ki te whakatau i ā rātou ake whiringa me te whai wāhi mātātoa atu ki ā rātou akoranga. He hanganga ki ngā whakawhitinga, ā, nā tēnā ka haumaru te haereere māia o ngā mokopuna, puta noa i tō rātou kōhanga reo. Kua āta whakaritea aua tūāhuatanga hei whakatairanga ake i te ngākau titikaha, i te waiora, me te aronga mauritau hoki o ngā mokopuna. He pai te tākaro ngātahi, te ako ngātahi hoki o ngā mokopuna ki te taha o ētahi atu.
Kua whakaritea e ngā kaimahi ngā tukanga whai hua mō te whakamahere, te aromatawai, me te aromātai hōtaka, hei āta whakatau i te aronga matua ki te whakawhanaketanga o ngā mokopuna. Ka āta whakamahere rātou i te tangongitanga o ngā wheako ako e hāngai mārika ana ki Te Whāriki a Te Kōhanga Reo. Ka hāngai hoki ngā taumahi ako ki ngā atua Māori e whai pānga ana. He mahi takune te aromatawai, ā, ka kapo atu i te ahu whakamua a ngā mokopuna i roto i te roanga o te wā. He auau te whakamōhio atu i te whānau, kia whai wāhi ai, kia mōhio ai hoki rātou ki ngā akoranga a ā rātou tamariki. Hui tahi ai ngā kaimahi i ia wiki ki te whakaaro huritao ki te hōtaka akoranga. Ko aua whakawhitinga ngātahi e hāpai ana ki te tautuhi i ngā wāhanga hei whakapai ake, me te āta whakatau hoki i te whakatairanga tonutanga o ngā wheako ako e whakaratohia ana, hei whakatutuki i te rerekē haere o ngā matea o ngā mokopuna. Ko te haere tonutanga o te whakaaro huritao e hāpai ana i te whakapuakitanga o tētahi taiao ako e aro nui ana ki ngā mokopuna, e whakamana ana hoki i a rātou, ā, ka whai pūkenga, ka hihiri hoki rātou ki te ako. E whai hua ana ngā mokopuna nā te whakaratonga a ngā kaimahi i tētahi taiao e aro nui ana, ā, e poipoi ana i ngā taunekeneke e whakatairanga ana i te ako.
Ka whakahaere te whānau i ngā whakaritenga o te kōhanga reo hei tino painga mō ngā mokopuna. Ka whai wāhi mātātoa rātou ki ngā whakataunga i ngā hui o ia rua marama, ā, he tūāhuatanga ka poipoi i te aronga ngātahi. Ka whai hanganga te rārangi arotake kaupapa here e hāpai ana i te whānau ki te arotahi ki ngā kaupapa here matua me ngā tukanga matua e pā ana ki te hauora me te haumaru, kia hāngai pū ai ki te wā me ngā herenga ā-ture. Ka whakatinanahia te mahere ā-tau hei āta whakatau i te whakatutukitanga o ngā mahi whakahaere i te kōhanga reo me te tari, me ngā mahi hoki e pā ana ki te hauora me te haumaru. Kua tuituia ki te mahere rautaki, ko ngā wawata o te whānau i whakaraupapahia ai ki Te Ara Tūāpae, ā, ka aru tētahi atu mahere mahi i ngā mahi me te ahu whakamua i runga anō i ngā rārangi wā i tautuhia ai. Ka whakapūmau ngā pūkete kaimahi me te aronga nui ki te haumaru, ā, ka whakatutukihia ngā arowhai o ngā kaimahi katoa i mua i tā rātou tīmatanga mahi. Tū ai ngā arohaehae kaimahi i ia te wā, ā, ka hāngai ki ngā arohaehae āhua mahi whaiaro, ki te tautuhi i ngā wāhanga hei whakatupu, me te whakatakoto i ngā whāinga whakawhanaketanga o ia kaimahi. Ka whai hua ngā mokopuna nā ngā whakaritenga whakataunga ngātahi e aro pū ana ki tō rātou tupu, tō rātou waiora, me tō rātou whakawhanaketanga whānui.
Me whakapakari ake i te reo Māori. Ahakoa ka whakamahi ngā kaimahi i te reo Māori i te nuinga o te wā, he pai kē atu ki ngā mokopuna te kōrero Pākehā. Ka whai hua ngā mokopuna mā te whakatairangatanga o ngā kaimahi i ō rātou pūkenga, me ngā pūkenga reo Māori hoki o ngā whānau, hei hāpai i tō rātou mātau ki te kōrero i te reo Māori.
Ahakoa he kaupapa here pakari i whakatakotohia ai mō te ārai tamariki, ahakoa kua whakatutukihia e ngā kaimahi me te whānau ngā whakangungu, e mōhio ana rātou e tika ana kia wānanga tonuhia, hei whakahōhonu ake i tō rātou mōhiotanga me tō rātou māramatanga ki ngā tukanga. E whakatau ana hoki Te Tari Arotake Mātauranga i taua aronga, ā, e tautoko ana i te aronga pū ki te haumaru me te waiora o ngā mokopuna.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia
Tiwana Hibbs
Toka ā Nuku
Te Uepū ā-Motu – Māori Services
15 Kohitātea 2025
| Te tūwāhi | Hāwera |
| Te tau a te Tāhuhu o te Mātauranga | 52771 |
| Te tau tohu o Te Kōhanga Reo | 07C065 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 41 ngā tamariki, kia tekau ki raro i te rua o ngā tau |
| Te tokomaha kei runga i te rārangi ingoa | 13 ngā tamariki, tokotoru kei raro i te rua o ngā tau |
| Ngā hononga ā-iwi | Māori 12, Pākehā 1 |
| Te wā i te kōhanga reo te rōpū arotake | Whiringa-ā-rangi 2024 |
| Te wā o tēnei pūrongo | 15 Kohitātea 2025 |
| Ngā pūrongo o mua a Te Tari Arotake Mātauranga | Arotake Mātauranga, Hakihea 2020; Arotake Tāpiri, Paenga-whāwhā 2019; Arotake Tāpiri, Kohi-tātea 2018 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Te Kōhanga Reo o Kautu Ki Te Rangi is situated alongside Te Marae o Taiporohēnui at the eastern end of Hāwera. Its principal hapū are Hāmua and Hāpōtiki, and their ancestral waka is Aotea of the iwi of Ngāti Ruanui. Whānau priority is for mokopuna to be immersed in te reo and tikangā Māori.
Mokopuna demonstrate their understanding of mauri tau through their calm and settled engagement in their learning experiences.
Mokopuna are immersed in an environment where they are well supported. Manaakitanga and aroha underpin all interactions. Kaimahi know the mokopuna well and cater to their individual needs. Mokopuna engage with tikangā Māori in authentic contexts such as karanga, whaikōrero and whakatau pōwhiri. This supports them in understanding their role as tāngata whenua. Whānau and kaimahi competently provide guidance, leadership, and uphold tikangā and kawa during these times. Kaimahi use a range of strategies that foster mokopuna language development including te reo awhina, te reo tohutohu, te reo kākā, mōteatea and rotarota. Younger mokopuna actively express and convey their understanding of te reo Māori through their body language and facial expressions. Kaimahi often offer praise, acknowledge achievements and affirm the success of mokopuna contributing to a positive environment. Mokopuna are happy, content and settled in their learning.
Mokopuna enthusiastically participate in stimulating and enticing learning experiences. Learning spaces are thoughtfully arranged and cater for the needs of different age groups, fostering an inclusive and engaging setting. Readily available resources assist mokopuna to make independent choices and take an active role in their learning. Transitions are structured and enable mokopuna to move safely and confidently throughout their whare Kōhanga reo. These intentional arrangements promote mokopuna confidence, wellbeing and their sense of security. Mokopuna play and learn amicably beside alongside one and other.
Kaimahi have established efficient processes for planning, assessment, and programme evaluation ensuring mokopuna development remains a priority. They thoughtfully plan a variety of learning experiences that closely align with Te Whāriki a Te Kōhanga Reo. Learning activities are also associated with relevant atua Māori. Assessment is intentional and captures mokopuna progress overtime. Regular updates are shared with whānau to keep them informed and involved in their mokopuna learning. Kaimahi come together weekly to reflect on the learning programme. These collaborative discussions help identify areas for improvement and ensure learning experiences provided are continually enhanced to meet the evolving needs of mokopuna. The ongoing reflection supports the delivery of a responsive learning environment where mokopuna are valued, capable and motivated to learn. Mokopuna benefit from kaimahi providing a responsive environment and nurturing interactions conducive to learning.
Whānau manage the kōhanga reo operations in the best interest of mokopuna. They actively participate in decision making during bi-monthly hui, fostering a collaborative approach. A structured policy review schedule assists whānau to focus on key health and safety policies and procedures being up-to-date and aligned to current legislation. An annual plan is implemented to ensure that operational, health and safety and administrative tasks are completed as expected. The strategic plan incorporates the aspirations of whānau as outlined in Te Ara Tūāpae, and an associated action plan tracks tasks and progress against stated timeframes. Personnel files are maintained with a strong emphasis on safety, with all kaimahi completing safety checks before commencing work. Regular appraisals for kaimahi include self-performance assessments, identifying areas for growth and setting individual development goals. Mokopuna benefit from collaborative decision-making practices that prioritise their growth, wellbeing and overall development.
Te reo Māori requires further strengthening. While kaimahi use te reo Māori most of the time, mokopuna prefer to speak English. Mokopuna would benefit from kaimahi enhancing their skills and the te reo Māori capability of whānau to support them in becoming confident speakers of te reo Māori.
While there is a robust Child Protection Policy in place and kaimahi and whānau have completed training, they acknowledge the need for ongoing wānanga to further deepen their awareness and understanding of the procedures. ERO agrees with this and acknowledges the emphasis on further prioritising mokopuna safety and wellbeing.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO and the Kōhanga reo whānau developed the following recommendations:
Tiwana Hibbs
Toka ā Nuku –Director
Te Uepū ā-Motu – Māori Review Services
15 January 2025
| Location | Hāwera |
| Ministry of Education profile number | 52771 |
| Kōhanga Reo Identification Number | 07C065 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 41 children, including up to 10 aged under 2 |
| Service roll | 13 children, including 3 aged under 2 |
| Ethnic composition | Māori 12 NZ European/Pākehā 1 |
| Review team on site | November 2024 |
| Date of this report | 15 January 2025 |
| Most recent ERO report(s) | Education Review, December 2020; Supplementary Review, April 2019; Supplementary Review, January 2018 |
Hei wāhanga tonu o āna mahi, ko Te Tari Arotake Mātauranga te tari kāwanatanga ka aromātai i ngā kōhanga reo puta noa i Aotearoa. He pārongo kōrero ki ngā pūrongo a Te Tari Arotake Mātauranga mā te whānau, mā ngā hapū, mā ngā iwi, me ngā hapori.
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E tū ana Te Kōhanga Reo o Kautu ki te Rangi ki te taha o te marae o Taipōrohenui, i Hāwera. Kua mahi ngātahi te whānau me tētahi kaiwhakarato o Strengthening Early Learning Outcomes (SELO) ki te whakatairanga ake i ngā tino painga mō ngā mokopuna.
E tino tautokona ana ngā wheako ako me te atawhai o ngā mokopuna.
E whai wāhi atu ana ngā mokopuna ki tētahi taiao e āta whakanui ana i te whai pūtaketanga o ngā hononga. E poipoi ana te taiao ako i te mahi ngātahi me te tū takitahi, ā, e hāpai ana hoki i te noho māhorahora ki te whakatau whiringa. Ka āta whakarite ngā kaimahi kia whai wāhi nui te tautāwhi me te manaaki ki ngā taunekeneke katoa ki waenga i ngā pakeke me ngā mokopuna. Ka kitea te tū o ngā tuākana hei kaiārahi, me tō rātou whai whakaaro nui i a rātou e taunekeneke ana ki ō rātou tēina. Ka whakamahi ngā kaimahi i te whānuitanga o ngā tūmomo rautaki e akiaki ana i ngā mokopuna ki te kōrero i te reo Māori, pērā i te whāngai kupu kōrero, te patapatai, me te tāruarua. Kei te mauritau, kei te hari, kei te koa hoki ngā pēpi me ngā tamariki tuākana hei ākonga.
Ko tētahi aronga matua, ko te whakawhanaketanga me te atawhai o ngā mokopuna. E arotahi ana ngā kaimahi ki te kounga o ngā akoranga me te whakapuakitanga, mā te whakamahi i Te Whāriki. Ka mahi ngātahi rātou ki te whakatinana i ngā tūmanako whakamahere, ā, ki te whakatau hoki i te whakatutukitanga o te hōtaka akoranga i ngā matea o ngā mokopuna. He whai wāhitanga i ngā mahi aromātai hōtaka ki te whakaaro huritao, te whakawhitiwhiti kōrero, me te whakapuaki anō hoki i ngā rautaki e hāpai ai i ngā painga mō ngā mokopuna. E whakapiki ake ana ngā pūkenga me ngā mōhiotanga o ngā kaimahi, nā ngā mahi whakawhanaketanga ngaio. E whai hua ana ngā mokopuna nā te whakahāngaitanga o ngā whakaakoranga me ngā akoranga.
Ka mahi ngātahi ngā kaimahi me te kaiwhakarato SELO ki te whakatōpū i ō rātou pūkenga, me te whakapakari ake i te āheinga o te whānau ki te āta whakahaere i ngā whakaritenga o te kōhanga reo kia whai hua ai. Kei te mārama te aronga o te tūtohinga mō te whakahaeretanga o ngā whakaritenga ki te kōhanga reo kia whai hua ai. E tautuhia ana te mahere rautaki i ngā wawata matua, ā, e hāngai ana hoki ki tā rātou mahere ā-tau. Arotakengia ai ngā kaupapa here me ngā tukanga i ia te wā. E hāngai ana hoki aua tuhinga ki ngā herenga ā-ture o te wā. Kua whakatakotohia ngā tuhinga e pā ana ki ngā kaimahi katoa. Ka āta whakamaheretia, ka āta whakatakotohia hoki ngā tukanga mō te whakatau i ngā whakaritenga ki ngā hui ā-whānau. Ka whakaraupapahia, ka noho matua hoki ngā mahi whakahaere tari hei whakatutuki. Ko te waiora o ngā mokopuna kei te pūtake o ngā whakataunga a te whānau.
E mōhio ana te whānau, ka whai hua tonu ngā mokopuna mā te haere tonutanga o ngā arotake me ngā whakapaitanga. E noho pūmau ana rātou kia āta whakatutukihia ngā painga paetawhiti e pā ana ki te ako. Ko te whakapakari ake i te kounga whānui tonu o te arotake whaiaro, ka hāpai ake i te whānau ki te whakatutuki i aua painga.
I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:
I whakawhanakehia e Te Tari Arotake Mātauranga me Te Kōhanga Reo o Kautu ki te Rangi te taunakitanga e whai ake nei, arā:
Darcy Te Hau
Toka ā Nuku
Te Uepū ā-Motu - Māori Review Services
22 Hakihea, 2020
|
Te tūwāhi |
Kei Aotea |
|
|
Te tau a te Tāhuhu o te Mātauranga |
52771 |
|
|
Te tau tohu o Te Kōhanga Reo |
07C065 |
|
|
Te tūmomo whare |
He kōhanga reo |
|
|
Te raihana |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
41, kia tekau ki raro i te rua o ngā tau |
|
|
Te tokomaha kei runga i te rārangi ingoa |
14, tokowhā kei raro i te rua o ngā tau |
|
|
Te ira tangata |
Kōtiro 8 Tama 6 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Whiringa-ā-rangi 2020 |
|
|
Te wā o tēnei pūrongo |
22 Hakihea 2020 |
|
|
Ngā pūrongo o mua a Te Tari Arotake Mātauranga |
Arotake Tāpiri Arotake Tāpiri Arotake Mātauranga |
Paenga-whāwhā 2019 Kohi-tātea 2018 Hakihea 2015 |
The Education Review Office (ERO) is the government department that, as part of its work, evaluates kōhanga reo throughout Aotearoa. ERO’s reports provide information for whānau, hapū, iwi and communities.
The Education Review Office, whānau, leaders and communities provide evaluation insights that foster improvement, identify progress and build evaluation capability.
Te Kōhanga Reo o Kautu ki te Rangi is next to Taipōrohenui Marae in Hāwera. The whānau along with the Strengthening Early Learning Outcomes (SELO) provider have worked collaboratively to promote positive outcomes for mokopuna.
Mokopuna learning experiences and care is well supported.
Mokopuna experience an environment where relationships are meaningful. The learning environment fosters co-operation, independence and encourages freedom to make choices. Kaimahi ensure all interactions between adults and mokopuna are nurturing and caring. Tuakana display leadership and are considerate when interacting with their tēina. Kaimahi use a range of strategies to encourage mokopuna to speak te reo Māori by using prompts, questions and repetition. Pēpi and older mokopuna are calm, happy and positive learners.
Mokopuna development and care are a priority. Kaimahi are focused on the quality of learning and delivery using Te Whāriki. They work together to fulfil planning expectations and to ensure the learning programme meets the needs of mokopuna. Programme evaluation provides opportunities to reflect, discuss and share strategies to improve outcomes for mokopuna. Professional development is increasing kaimahi skills and knowledge. Mokopuna benefit from focused teaching and learning.
Kaimahi together with the SELO provider have combined their collective skills to strengthen whānau capability to efficiently manage the kōhanga reo operations. The charter provides clear direction for managing the operations of the kōhanga reo efficiently. The strategic plan defines key aspirations and is aligned to their annual plan. There is ongoing review of policies and procedures. These align to current legislation. All employee documentation is in place. Decision-making processes at whānau hui are well planned and documented. Administrative tasks needing attention are prioritised and attended to. Mokopuna wellbeing is at the centre of whānau decision making.
Whānau are aware that mokopuna would benefit further from ongoing review and improvement. They are committed to ensuring that the long-term outcomes for learning are realised. Strengthening the overall quality of self review should further support the whānau to achieve these outcomes.
During the evaluation, ERO looked at systems for managing the following areas:
ERO and Te Kōhanga Reo o Kautu ki te Rangi developed the following recommendation:
Darcy Te Hau
Toka ā Nuku
Te Uepū ā-Motu - Māori Review Services
22 December 2020
|
Location |
Hāwera |
|
|
Ministry of Education profile number |
52771 |
|
|
Kōhanga Reo Identification Number |
07C065 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
41 children, including up to 10 aged under 2 |
|
|
Kōhanga Reo roll |
14 children, including up to 4 aged under 2 |
|
|
Gender composition |
Girls 8 Boys 6 |
|
|
Ethnic composition |
Māori |
100% |
|
Review team on site |
November 2020 |
|
|
Date of this report |
22 December 2020 |
|
|
Most recent ERO report(s) |
Supplementary Review Supplementary Review Education Review |
April 2019 January 2018 December 2015 |
E tū ana Te Kōhanga Reo o Kautu ki te Rangi ki te taha o te marae o Taipōrohenui, ki Hāwera. Kua hūnuku te kōhanga reo ki tētahi whare hou o te marae. Nō nā tata tonu nei tētahi kaiako hou me tētahi kaiwhakahaere hou i whakatūngia ai. Kei te mōhio te whānau, tērā ngā wāhanga maha o te whakahaeretanga o te kōhanga reo hei tirohanga ake.
Kei te pakari ngā āheinga me ngā pūkenga o te nuinga o ngā tamariki, i a rātou e whai wāhi atu ana ki ngā taumahi ako ki te taha o ō rātou hoa.
Kei te harikoa, kei te mauritau hoki ngā tamariki ki te taha o ētahi atu. E noho whakakoia ana te whānau i runga i tō rātou mōhio ki te manaakitanga, te aroha anō hoki o ngā taunekeneke a ngā kaimahi ki ā rātou tamariki. Ka kitea te tino whai whakaaro nui o ngā kaimahi ki ngā tamariki. Ka kitea hoki taua tūāhuatanga ki te āhua o ngā tamariki i a rātou e toro atu ana ki te tautoko o ngā kaimahi hei whakatau i ngā tautohetohe. He pai te mahi ngātahi o ngā tamariki, ā, ka tohatoha i ngā rauemi, ka noho tahi hoki. He whai wāhitanga anō hoki mō ngā tamariki tuākana ki te ārahi i ētahi wāhanga o te hōtaka, pērā i ngā karakia. Ka whakanuia ā rātou whakamātau e ngā kaimahi. He pakari te āhua o ngā tamariki i roto i ō rātou hononga ki ētahi atu.
E ako ana ngā tamariki ki tētahi taiao e poipoi ana i tō rātou tuakiri. Ko te marae tētahi wāhi ako e hāpai ana i ngā tamariki ki te ako i ō rātou hononga me ō rātou whakapapa. Ka hāpai anō hoki ngā kaimahi i ngā tamariki ki te whai wāhi atu ki ngā pōwhiri. Ka whakapuaki ētahi o ngā tamariki i ngā pātere o Aotea. E mōhio ana rātou ki ngā tikanga me ngā kawa i te marae. Ka ako hoki rātou i ō rātou tūranga me ā rātou kawenga hei tangata whenua. E whanake ana te māramatanga o ngā tamariki ki ō rātou whakapapa.
Ka kitea te ngākau titikaha o ngā tamariki i roto i ā rātou akoranga ki te kōhanga reo. Kua whakaritea e ngā kaimahi ngā tino tūmanako mō te whanonga o ngā tamariki ki te kōhanga reo. Ka manaaki ngā tuākana i ngā pēpi i ngā wā ōkawa o te hōtaka. He mātātoa tō rātou tū hei tuākana mō ō rātou tēina. Kei te tino mōhio ngā tamariki ki te taiao o tō rātou kōhanga reo. Ka āta whakarite ngā kaimahi i te noho riterite, te tau anō hoki o te hōtaka mā ngā tamariki. He ngāwari te whakawhiti haere a ngā tamariki ki ngā tūmomo wāhanga o te hōtaka akoranga. Kei te mauritau ngā tamariki ki te kōhanga reo.
E hāpaitia ana te tūhura haere a ngā tamariki i tō rātou taiao ako. He wāteatea ngā wāhi ako, ā, kua āta whakatakotohia anō hoki. He whānui ngā tūmomo rauemi o roto, o waho hoki. Ka akiaki ngā kaimahi i te tākaro māhorahora me ngā whai wāhitanga mō ngā tamariki ki te whai i ō rātou taha auaha hei hīraurau i ngā hopanga. Ka whiriwhiri, ka whakatau hoki ngā tamariki i ā rātou ake whakaritenga tākaro. E mōhio ana ngā tamariki ki ngā wāhi o ngā rauemi ako me ngā taumahi ako, otirā, kei te mōhio hoki me pēhea te whakapā atu. Ka whai wāhi atu ngā kaimahi ki te taha o ngā tamariki, ā, he harikoakoa hoki te tākaro ngātahi. He ngākau titikaha ō ngā tamariki ki te ako.
Kāhore te whakamahinga o te reo Māori e noho pūmau ana ki ngā āhuatanga katoa o ia rā. He pai ake ki ngā tamariki te whakawhitiwhiti kōrero mā te reo Pākehā. Kua tae ki te wā, kia whakapakarihia e te whānau tō rātou pūmautanga ki te reo Māori. Me whai whakaaro te whānau ki ngā rautaki e whai hua ai ki te whānau me ngā kaimahi, kia tupu ake ai ō rātou mōhiotanga me ō rātou māramatanga ki te reo Māori, tae atu hoki ki tā rātou whakamahinga i te reo.
Ahakoa kei te harikoa, kei te mauritau, kei te tūmāia hoki ngā tamariki i roto i ā rātou akoranga, tērā anō ētahi wāhanga o ngā mahi whakahaere a te whānau, o te arotake whaiaro hoki hei whakawhanake ake kia whakatairangatia te whakahaeretanga whānui tonu o te kōhanga reo.
Me whai huarahi te whānau ki te whai wāhi ake ki ngā tukanga e whakatau ai i ngā whakaritenga. He komiti matua e whakatau ana i ngā whakaritenga matua mā te whānau. Ka tuhia ngā meneti o ngā hui, engari kāhore aua tuhinga e puritia ana ki te kōhanga reo. He mea nui kia whai whakaaro te whānau me te komiti matua i ngā huarahi e whakapakari ai i te whai wāhi mai, i te noho mōhio mai hoki o te whānau ki ō rātou tūranga me ā rātou kawenga i roto i te kaupapa o te kōhanga reo. Ka whai hua anō hoki taua tūāhuatanga ki te hāpai i te kaiako hou me te kaiwhakahaere tari hou i roto i ō rāua tūranga.
Me whakatinana ngā kaimahi me te whānau i ngā tukanga ka āta whakarite i te whakatutukitanga o ngā mahi e pā ana ki te whakamahere, te aromatawai, me te aromātai hōtaka. Kāhore ngā mahere hōtaka e tohu ana me pēhea ngā ngākau nuitanga o ngā tamariki i roto i ngā akoranga me ngā tākaro e whakawhānui ai; kāhore ngā aromatawai e āta aroturuki ana i te ako me te ahu whakamua a ngā tamariki; heoi anō rā, he uaua anō hoki ki te tātari i ngā whakarerekētanga i whakatutukihia ai hei whakatairanga i te kounga o te hōtaka akoranga mō ngā tamariki.
Ahakoa he mahere rautaki i te kōhanga reo, me whakatakoto anō hoki i ngā mahi i tautuhia ai hei āta whakarite i te huarahi ka whāia e te whānau me ngā kaimahi ki te whakatutuki haere i ā rātou whāinga me ō rātou wawata mō te pae tawhiti, ā, kia pai ai hoki tō rātou tūnga ki te aroturuki i tā rātou ake ahu whakamua. Kāhore i te whānau tētahi mahere ā-tau hei āta whakatau i tā rātou whakatutuki haere i ngā take whakahaere nunui i ngā wā e tika ana, puta noa i te tau.
Kāhore anō ngā kaupapa here o te hauora me te haumaru kia arotakengia, ā, kāhore anō rānei kia whakahāngaitia ki Te Ture Oranga Tamariki o 2014. Kāhore ngā taiapa e karapoti ana i te katoa o te kōhanga reo, kāhore hoki e mau pūmau ana. I āraihia tētahi āputa o te taiapa ki ngā aupuru, kia kore ai ngā tamariki e puta. Kāhore ngā akoako hōneatanga ohorere e whakatutukihia ana i ia te wā, kāhore rānei e tuhia ana. He āhuatanga ēnei e pā tōraro ana ki te haumaru ā-tinana o ngā tamariki.
Kāhore ngā whakaritenga e pā ana ki te whakahaeretanga o ngā kaimahi e āta whakatinanahia ana. Kāhore i te mārama ki te whānau ō rātou tūranga me ā rātou kawenga hei kaituku mahi. Me whakahou ake, me whai waitohu hoki ngā tuhinga katoa a ngā kaimahi e pā ana ki ō rātou tūranga mahi. Kua roa nei te kore whakatutukitanga o ngā mahi arohaehae, ā, kāhore anō ngā whai wāhitanga whakawhanaketanga ngaio kia tāutuhia, kia āta aroturukitia hoki.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Kautu ki te Rangi i roto i te kotahi tau.
Charles Rolleston Toka ā-nuku
01 Paengawhāwhā, 2019
|
Te tūwāhi |
Kei Hāwera |
|
|
Te tau a te Tāhuhu o te Mātauranga |
52771 |
|
|
Te tau tohu o Te Kōhanga Reo |
07C065 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
41, kia tekau ki raro i te rua o ngā tau |
|
|
Te tokomaha kei te rārangi ingoa |
32, tekau kei raro i te rua o ngā tau |
|
|
Te ira tangata |
Kōtiro 16 Tama 16 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Hui-tanguru 2019 |
|
|
Te wā o tēnei pūrongo |
01 Paengawhāwhā, 2019 |
|
|
Ngā pūrongo o mua a Te Tari Arotake Mātauranga |
Arotake Tāpiri Arotake Mātauranga Arotake Tāpiri |
Kohitātea 2018 Hakihea 2015 Whiringa-ā-nuku 2012 |
Te Kōhanga Reo o Kautu ki te Rangi is next to Taipōrohenui Marae in Hāwera. The kōhanga reo has moved to a new building on the marae complex. A new kaiako and administrator were recently appointed. The whānau are aware there are many areas of kōhanga reo management that require attention.
Most children are confident in their abilities and skills as they engage in learning activities and with their peers.
Children are happy and positive towards others. Whānau feel assured that kaimahi are caring and loving in their interactions with their children. Kaimahi display genuine concern for children. This is evident in the way children approach kaimahi for support to resolve conflicts. Children are observed to be working well together as they share resources and space. The older children are provided opportunities to lead parts of the programme such as karakia. Their efforts are affirmed by kaimahi. Children appear secure in their relationships with others.
Children learn in an environment where their identity is nurtured. The marae provides a learning space where children learn about their connections and whakapapa. Kaimahi enable children to participate in pōwhiri. Some children chant pātere that are from Aotea. They are aware of the tikanga and kawa of the marae. They also learn about their roles and responsibilities as tangata whenua. Children are developing an understanding of their whakapapa.
Children show confidence in their learning at the kōhanga reo. Kaimahi have established clear boundaries for children’s behaviour within the kōhanga reo. The older children care for the babies during the formal part of the programme. They are active as tuākana to their tēina. Children know their kōhanga reo environment well. Kaimahi ensure that the programme is consistent and familiar to children. Children transition easily through the different parts of the learning programme. Children are settled in the kōhanga reo.
Children are supported to explore their learning environment. The learning areas are spacious and well set out. There are a range of indoor and outdoor resources. Kaimahi encourage free play and opportunities for children to be creative problem solvers. Children make independent choices and decisions about their play. Children know where and how to access learning resources and activities. Kaimahi get involved and play happily alongside the children. Children are confident learners.
The use of te reo Māori throughout the day is inconsistent. The preferred language of communication by children is English. It is time for whānau to strengthen their commitment to te reo Māori. The whānau should consider strategies for both whānau and kaimahi to grow their knowledge, understanding and use of te reo Māori.
Although children are happy, settled and confident in their learning, there are areas relating to whānau management and self review that require further development to enhance the overall operation of the kōhanga reo.
The whānau must take steps to be more involved in decision-making processes. There is an executive committee in place that makes key decisions on behalf of the whānau. Minutes of meetings are recorded but are not kept at the kōhanga reo. It is important that the whānau and executive committee consider ways to strengthen whānau involvement and awareness of their role and responsibilities within the kaupapa of kōhanga reo. This will also be useful to support the new kaiako and new administrator in their roles.
Kaimahi and whānau must implement processes to ensure planning, assessment and programme evaluation are carried out. Programme plans do not show how children’s interests in learning and play will be extended, assessments do not adequately monitor children’s learning and progress, and it is difficult to gauge what changes have been made to improve the quality of the learning programme for children.
While there is a strategic plan for the kōhanga reo, there also needs to be defined actions to ensure that the whānau and kaimahi can take practical steps towards achieving their longer-term goals and aspirations, and to be well positioned to monitor their own progress. The whānau do not have an annual plan in place to ensure they can attend to important operational matters in a timely manner throughout the year.
Health and safety policies have not been reviewed or aligned to the Vulnerable Children’s Act 2014. The fencing around the kōhanga reo is not fully and safely secured. There is a gap in the fence that had been covered with cushions to prevent children from getting out. Emergency evacuation drills are not carried out regularly or documented. Children’s physical safety is compromised.
Personnel management practices are not well implemented. The whānau are unclear about their roles and responsibilities as employers. All kaimahi employment documentation needs to be updated and signed. Appraisals have not been completed for some time and relevant professional development opportunities have not been identified and monitored well.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO identified areas of non-compliance. In order for the kōhanga reo whānau to meet compliance requirements, they need to:
establish an ongoing process of self review or internal evaluation to help maintain and improve the quality of practice for children
[Regulation 47 (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]
ensure kaimahi plan, implement, and evaluate the Te Kōhanga Reo curriculum to provide positive learning experiences for children
[Regulation 43 (Early Childhood Services) Regulations 2008; C1-13 Licensing Criteria for Kōhanga Reo affiliated with Te Kōhanga Reo National Trust 2008]
review and update all health and safety policies and procedures to ensure all requirements for emergency evacuation drills, sleeping, accidents and incidents, hazards, Vulnerable Children’s Act 2014, and behaviour management are met and maintained for children [Regulation 46 (Early Childhood Services) Regulations 2008; HS1-33 Licensing Criteria for Kōhanga Reo affiliated with Te Kōhanga Reo National Trust 2008]
ERO and the Kōhanga Reo whānau developed the following recommendation:
that the whānau seek support to address the areas for development identified in this report.
The next ERO evaluation of Te Kōhanga Reo o Kautu ki te Rangi will be within one year.
Charles Rolleston Toka ā-nuku
1 April 2019
|
Location |
Hāwera |
||
|
Ministry of Education profile number |
52771 |
||
|
Kōhanga Reo Identification Number |
07C065 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
41 children, including up to 10 aged under 2 |
||
|
Kōhanga Reo roll |
32 children, including up to 10 aged under 2 |
||
|
Gender composition |
Girls 16 Boys 16 |
||
|
Ethnic composition |
Māori |
100% |
|
|
Review team on site |
February 2019 |
||
|
Date of this report |
1 April 2019 |
||
|
Most recent ERO report(s) |
Supplementary Review Education Review Supplementary Review |
January 2018 December 2015 October 2012 |
|