Te Kōhanga Reo o Wharemārama

Te Pūtake

Hei wāhanga tonu o āna mahi, ko Te Tari Arotake Mātauranga te tari kāwanatanga ka aromātai i ngā kōhanga reo puta noa i Aotearoa. He pārongo kōrero ki ngā pūrongo a Te Tari Arotake Mātauranga mā te whānau, mā ngā hapū, mā ngā iwi, me ngā hapori.

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.

2 Te Horopaki

E tū ana Te Kōhanga Reo o Wharemārama ki Rātana Pā. E tino tautokona ana te kōhanga reo e tō rātou hapori. E noho ana te nuinga o te whānau o te kōhanga reo ki te takiwā tonu o Rātana Pā. Kua mahi ngātahi te whānau ki te whakatutuki i ngā take katoa i tautuhia ai ki te pūrongo o mua a Te Tari Arotake Mātauranga.

3 Te Aronga o te Aromātai

He pēhea rawa te poipoi o te hōtaka akoranga i ngā matea o ngā mokopuna?

E whai hua ana ngā mokopuna i te hōtaka akoranga e poipoi ana i ō rātou matea ako me ō rātou matea whakawhanaketanga.

4 Ngā Whakaaturanga

Kei te rongo ngā mokopuna i te manaakitanga. Ka āta whakarite ngā kaimahi kia harikoakoa te wāhi noho nei. Ka whakatairanga, ka whakatauira hoki rātou i te āhua o te whanonga pai. Ka whakaatu hoki ngā mokopuna i aua uara, i te āhua tonu o te whakaute o tētahi ki tētahi, ā, he painga hoki mō rātou i ngā mahinga a ngā kaimahi kua pou herea ki ngā mātāpono o te aroha. Ka toro atu ngā kaimahi ki te whānuitanga o ngā tūmomo rautaki e akiaki ana i ngā mokopuna ki te whakamahi i te reo Māori. Ka whakatauira rātou i ngā hanganga reo papai, ā, ka tāruarua hoki i ngā kōrero hei hāpai i te whakawhanaketanga o te reo. Ka hāpai ngā kaimahi i ngā mokopuna ki te whakapuaki i ō rātou pepeha. Ka whakarato rātou i ngā whai wāhitanga mō ngā mokopuna ki te ako i ō rātou whakapapa me ō rātou tātai hono ki te whānau, ki te hapū, ā, ki te iwi hoki. Ko te tangongitanga o ngā waiata me ngā whakamoemiti e mōhiotia ana e ngā mokopuna, e hāpai ana i ō rātou ngākau titikaha me tō rātou aronga toi whenuatanga. E whakapuaki ana ngā mokopuna i te aroha ki waenga i a rātou anō, i a rātou e whanake ana ki te kōrero i te reo Māori.

He pai te whakahaeretanga o te whānau i te kōhanga reo. Kua whakatinanahia te mahere rautaki a te whānau ki ngā whāinga me ngā wawata o te whānau. E tāutu ana te mahere i ngā whāinga matua, i ngā taumata hoki ka whāia, ā, i ngā mahi hoki kia tutuki. E whai kiko ana ngā mahere hōtaka, ā, ka tāutu i te whānuitanga o ngā tūmomo wheako ako. Ka tino hāngai te mahere ki te whakatinanatanga o ngā kaupapa mahi. Kua whakawhanakehia e ngā kaimahi ngā mahere me ngā mahi aromatawai e tika ana mō ia reanga, hei poipoi i te ako a ngā mokopuna katoa. He mōhiohio o roto i ngā mahi aromatawai o Te Mātai Tamaiti, ā, e kapo atu ana i ngā akoranga a ngā mokopuna, puta noa i te tangongitanga o ngā horopaki o te ao Māori. E whakanui ana ngā pūkete a ngā mokopuna i ā rātou akoranga me ō rātou tupuranga. Ka whakamahi ngā kaimahi i ngā huarahi ōkawa me ngā huarahi ōpaki ki te aromātai i te hōtaka akoranga. Ko ngā mokopuna kei te aronga pū o ngā mahi whakamahere me ngā whakataunga.

Ngā Whakaritenga Matua ka whai ake

Kua whakapai ake te whānau i ngā putanga ki ngā mokopuna. E whai wāhi atu ana ngā kaimahi katoa ki ngā mahi whakangungu i tēnei wā tonu, ā, haere ake nei hoki. Kua tautuhia, kua ākina hoki ngā mema o te whānau kia whai wāhi atu ai rātou ki ngā mahi whakangungu a te Poari Matua o Ngā Kōhanga Reo. Mā te whakapakari i ngā mōhiotanga, ngā āheinga, me ngā pūkenga hoki o te whānau ka āta whakapūmau i te rōnaki tonutanga o te kōhanga reo mō meāke nei, me ngā painga pae tawhiti hoki o ngā mokopuna.

5 Te Whakatau ki ngā Wāhanga Tautukunga

Ngā mahi kia tutuki ngā herenga ā-ture

I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakatōpū tonu, kia whakatupu tonu hoki te whānau i tō rātou āheinga, hei āta whakapūmau i ngā tino painga mō ngā mokopuna.

Darcy Te Hau

Toka ā Nuku

Te Uepū ā-Motu - Māori Review Services

15 Kohitātea, 2021

Ngā kōrero e pā ana ki te kōhanga reo

Purpose

The Education Review Office (ERO) is the government department that, as part of its work, evaluates kōhanga reo throughout Aotearoa. ERO’s reports provide information for whānau, hapū, iwi and communities.

1 Introduction

The Education Review Office, whānau, leaders and communities provide evaluation insights that foster improvement, identify progress and build evaluation capability.

2 Context

Te Kōhanga Reo o Wharemārama is in Rātana Pā. This kōhanga reo is well supported by the local community. Most whānau members live in the Rātana Pā area. Whānau have worked together to address all issues identified in the previous ERO report.

3 Evaluation Focus

To what extent does the learning programme cater to the needs of mokopuna?

Mokopuna benefit from a learning programme that caters to their learning and development needs.

4 Findings

Mokopuna experience manaakitanga. Kaimahi ensure the environment is a happy place. They promote and model positive behaviours. Mokopuna reflect these values in their respect for each other and benefit from kaimahi routines that are underpinned by the principles of aroha. Kaimahi use a range of strategies to encourage mokopuna to use te reo Māori. They model good language structures and use repetition to support te reo development. Kaimahi support mokopuna to share their pepeha. They provide mokopuna with opportunities to learn their whakapapa to learn about their connections to whānau hapū and iwi. A variety of familiar waiata and whakamoemiti support mokopuna confidence and their sense of belonging. Mokopuna show aroha towards each other as developing speakers of te reo Māori.

Whānau manage the kōhanga reo well. The whānau strategic plan is informed by goals and aspirations of the whānau. The plan identifies key aims, targets and actions. Programme planning is detailed and identifies a range of learning experiences. The plan closely aligns to the implementation of kaupapa mahi. Kaimahi have developed age appropriate planning and assessment practices to cater for all mokopuna learning. Mātai tamaiti assessment practices are informative and capture mokopuna learning across a range of te ao Māori contexts. Mokopuna profile books celebrate their learning and growth. Kaimahi use formal and informal methods to evaluate the learning programme. Mokopuna are the focus of planning and decision making.

Key Next Steps

Whānau have improved outcomes for mokopuna. All current kaimahi are in recent or ongoing training. Whānau members have been identified and encouraged to participate in training made available through the National Trust. Building whānau knowledge, capability and skills should ensure the future sustainability of the kōhanga reo and long-term benefits for the mokopuna.

5 Assurance on Legal Requirement

Actions for Compliance

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

6 Recommendation

ERO and the kōhanga reo whānau developed the following recommendation:

• whānau continue to consolidate and grow their capability to ensure positive outcomes for mokopuna.

Darcy Te Hau

Toka ā Nuku

Te Uepū ā-Motu - Māori Review Services

15 January 2021

Information about the Kōhanga Reo