29 Poutini Street, Whanganui
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Te Puāwai o Te Aroha ki te uru o Whanganui. Koia nei tētahi o ngā kōhanga reo tuatahi i whakatūngia ai ki tēnei takiwā. E ārahi tonu ana, e tautoko tonu ana tētahi kuia i te whānau me ngā kaimahi o te kōhanga reo. Ko te tirohanga a Te Kōhanga Reo o Te Puāwai o Te Aroha, ko te āta whakarite kia rumakina katoatia te mokopuna ki te reo me ngā tikanga Māori, otirā, ki ngā āhuatanga Māori katoa.
E whakarato ana Te Kōhanga Reo o Te Puāwai o Te Aroha i te taiao e whakatairanga ana i te papai o ngā wheako ako.
Kua whakawhanakehia e te whānau tētahi mahere rautaki matawhānui e whakatakoto ana i te tirohanga me ngā wawata o te whānau. Kua tautuhia ngā kaupapa matua o te pae tawhiti me te pae tata, ā, ka ārahi i te ahu whakamua o te whānau. He aronga ki te tupu tonu me te whakapai tonu. Ka hāngai aua tūāhuatanga ki te tiaki i ngā rawa, ki ngā whakahaeretanga, ki te whai wāhi atu, ki te whakapakari i ngā pūkenga o te reo Māori, ā, ki tētahi mahere matawhānui hoki e pā ana ki te whakangungu me te whakawhanaketanga. E tāutu ana te mahere mahi i ngā mahi me ngā kawenga i tohaina ai hei hāpai i te ahu whakamua. Ka mahi ngātahi te whānau ki te whakapuaki i tētahi taiao ako e ngākau nuitia ai e te mokopuna.
Ka whai wāhi atu ngā mema o te whānau ki te whakahaeretanga o ngā whakaritenga i te kōhanga reo. Tū ai ngā hui ā-whānau i ia te wā, ā, he kaha hoki te taetae atu. He matawhānui ngā whakawhitinga kōrero, ā, ka hāpai i te whānau ki te āta whakatau mā ngā mōhiohio. Ko ngā kaupapa here me ngā tukanga o te hauora me te haumaru, e hāngai katoa ana ki te wā. He pūnaha ā te whānau, ā, e tohu ana i te noho mātua tonu o te waiora o ngā mokopuna. Ka aroturukitia, ka pūrongotia hoki ngā whakahaeretanga o te tari me te kōhanga reo ki ngā hui ā-whānau. Kua whakatutukihia te arohaehae kaimahi, ā, ka arotahi ki te whakapakari tonu i ngā pūmanawa o ngā kaimahi. Ka kitea ngā mokopuna i ngā hononga e whai pūtake ana ki waenga i te whānau.
Kua tautuhia, kua aroturukitia, kua pūrongotia hoki ngā matea ako o ngā mokopuna. E hono ana ngā mahere ki Te Whāriki o Te Kōhanga Reo. Te āhua nei, he nui ngā rauemi a ngā kaimahi e hāpai ai i tā rātou whakapuaki i te mahere ako. Ka whai wāhi atu ngā mema o te whānau ki ngā mahi whakamahere. Ka whakamahi ngā kaimahi i te tangongitanga o ngā huarahi aromatawai. Ko ētahi o aua mahi, ko ngā pūkete me ngā paki ako matihiko a ia mokopuna e whakatakotohia ana ki tētahi pae ipurangi. Kua āta tautuhia te ako me te ahu whakamua a ngā mokopuna. Ka kōrerohia, ka arotakengia hoki e ngā kaimahi te whai huatanga o te hōtaka akoranga. Ka whai hua ngā mokopuna nā tētahi hōtaka akoranga i waihangatia ai hei whakatutuki i ō rātou ngākau nuitanga me ō rātou matea.
Kia whakapakari tonu te whānau i te aromātai o roto, hei whakarahi ake tonu i ngā putanga papai e whai hua ana ki ngā mokopuna.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia whakatairanga tonu i ngā pūmanawa ngātahi o te whānau, hei whakarahi ake tonu i ngā putanga papai e whai hua ana ki ngā mokopuna.
Darcy Te Hau
Toka ā Nuku
Te Uepū-a-Motu – Māori Services
14 Huitanguru, 2022
|
Te tūwāhi |
Kei Whanganui |
|
Te tau a te Tāhuhu o te Mātauranga |
52727 |
|
Te tau tohu o Te Kōhanga Reo |
07E029 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
32, kia tokowaru ki raro i te rua o ngā tau |
|
Te tokomaha kei runga i te rārangi ingoa |
26, tokorima kei raro i te rua o ngā tau |
|
Ngā hononga ā-iwi |
Māori 24, Iwi kē 2 |
|
Te wā i te kōhanga reo te rōpū arotake |
Whiringa-ā-nuku 2021 |
|
Te wā o tēnei pūrongo |
14 Huitanguru, 2022 |
|
Ngā pūrongo o mua a |
Arotake Mātauranga, Paenga-whāwhā 2018; Arotake Mātauranga, Hui-tanguru 2016; Arotake Mātauranga, Whiringa-ā-nuku 2012 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.
Te Kōhanga Reo o Te Puawai o Te Aroha is located in Whanganui East. It is one of the original kōhanga reo to be established in the area. A kuia continues to guide and support the kōhanga reo whānau and kaimahi. The vision of Te Puawai o Te Aroha Te Kohanga Reo is to ensure that mokopuna are totally immersed in te reo and tikanga Māori me nga ahuatanga Māori katoa.
Te Kōhanga reo o Te Puawai o Te Aroha provides an environment that encourages positive learning experiences.
The whānau have developed a detailed strategic plan which includes the vision and aspirations of the whānau. Identified long and short-term priorities guide whānau into the future. There is a focus on continual growth and improvement. These include property maintenance, operations, participation, building te reo Māori capacity and a detailed training and development plan. The action plan identifies actions and delegated responsibilities to support progress. Whānau work together to create a learning environment that mokopuna will enjoy.
Whānau members participate in the management of the kōhanga reo operations. Regular whānau hui are well attended. Detailed discussions support whānau to make informed decisions. Health and safety policies and procedures are current. Whānau have systems in place that show mokopuna wellbeing is prioritised. Administration and operations are monitored and reported on at whānau hui. Kaimahi appraisals are complete and focus on building kaimahi capability. Mokopuna observe meaningful relationships amongst whānau.
Mokopuna learning needs are identified, monitored, and reported. Planning is linked to Te Whāriki o Te Kōhanga Reo. Kaimahi appear to be well resourced to support the delivery of the mahere ako. Whānau members contribute to planning. Kaimahi use a variety of assessment methods. These include profiles and individual digital learning stories using an online platform. Mokopuna learning and progress is clearly identified. Kaimahi discuss and review the effectiveness of the learning programme. Mokopuna benefit from a learning programme designed to meet their interests and needs.
Whānau continue to strengthen internal evaluation to further increase positive outcomes for mokopuna.
During the evaluation, ERO looked at systems for managing the following areas:
ERO and the kōhanga reo whānau developed the following recommendation:
That whanau to continue to enhance their collective capability to further increase positive outcomes for mokopuna.
Darcy Te Hau
Toka-ā-Nuku – Director
Te Uepū ā-Motu – Māori Review Services
14 February 2022
|
Location |
Whanganui |
|
Ministry of Education profile number |
52727 |
|
Kōhanga Reo Identification Number |
07E029 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
32 children, including up to 8 aged under 2 |
|
Kōhanga Reo roll |
26 children, including up to 5 aged under 2 |
|
Ethnic composition |
Māori 24, Other 2 |
|
Review team pre on-site |
October 2021 |
|
Date of this report |
14 February 2022 |
|
Most recent ERO report(s) |
Education Review, April 2018; Education Review, February 2016; Education Review, October 2012. |