16 Tainui Street, Whanganui
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Kōhanga Reo o Kura Mahiao ki te hapori o Castlecliff, ki Whanganui. Koia nei anake te kōhanga reo noho kāinga e whakahaere tonuhia ana ki tēnei rohe. He tino hononga ō ngā mokopuna me ngā whānau ki te marae o Kaiwhaiki. E noho pūmau ana te whānau ki ngā whakarerenga tuku iho a tō rātou kuia, ā, kua tapaina tōna ingoa ki te kōhanga reo nei.
Kei te harikoa, kei te manahau, kei te whai wāhi atu hoki ngā mokopuna hei ākonga.
E ako ana ngā mokopuna ki tētahi taiao ako e hāpai ana, e manaaki ana hoki i a rātou. Ka aroha, ka manaaki hoki ngā kaimahi i ngā mokopuna, i a rātou e taunekeneke ngāwari ana, e kōrero ngāwari ana hoki. Ka akiaki ngā kuia, ngā koroua, me ngā kaimahi i te whai wāhi atu a ngā mokopuna ki ngā akoranga ōkawa, pērā i ngā pōwhiri. Ka kite ngā mokopuna i ngā karanga me ngā whaikōrero, ka whai wāhi atu ki ngā karakia, ngā hīmene o te hāhi Katorika, me ngā mihimihi, ngā harirū, me te hongi. E whanake ana te māramatanga o ngā mokopuna ki ngā tikanga me ngā kawa me tō rātou tū hoki hei tangata whenua. E ākina ana te whakatika a ngā mokopuna i a rātou anō i roto i ā rātou whakawhitinga kōrero ki ētahi atu. Ka whakamahi ngā kaimahi i te tangongitanga o ngā huarahi hei whakaongaonga i te whakamahinga a ngā mokopuna i te reo Māori. Kei te tākare te whai wāhi atu a ngā mokopuna ki ngā taumahi - pērā i ngā waiata, ngā haka, me ngā pepeha, me te kori tinana – hei hāpai i tō rātou mōhiotanga ki ngā tauira reo, ā, e whakapakari ana hoki i ō rātou puna kupu Māori. Ka whakamahi i ngā pakiwaitara hei akiaki i ngā mokopuna ki te tūhono i ngā kupu ki ngā pikitia, hei whakatairanga ake i tō rātou māramatanga. Ka whakatinana ngā mokopuna tuākana i tēnā e mōhiotia ana e rātou, ā, ka whakaatu ngā pēpi i tō rātou māramatanga mā te reo ā-tinana. Kei te harikoa, kei te tūmāia hoki ngā mokopuna hei ākonga.
Ka whai wāhi atu ngā mokopuna ki ngā wheako me ngā taumahi e whakaongaonga ana i ō rātou ngākau nuitanga me tā rātou ako. Ka whakaū ngā kaimahi ki tētahi hōtaka riterite e hāpai ana i te taunga o ngā mahinga ki ngā mokopuna. E ākina ana te taha auaha o ngā mokopuna i roto i ā rātou akoranga. He ngākau titikaha ō rātou ki te whakawhitiwhiti tika, puta noa i tō rātou kōhanga reo. Kei te wāteatea te taiao ako, he pai te whakatakotoranga, ā, e akiaki ana te wāhi o waho i te taha tūhura, hei hāpai i te tūhonohono atu a ngā mokopuna ki tō rātou taiao. Kei te tākare te whai wāhi atu a ngā mokopuna ki ngā taumahi, pērā i te mahi māra me te mahi whakairo e poipoi ai i te pākiki, te whakatewhatewha, me te auaha. Kei te mauritau ngā mokopuna hei ākonga.
Ko te whanaungatanga kei te pūtake o te mahi ngātahi a ngā kaimahi, i a rātou e whakamahere ana i te hōtaka akoranga, e aroturuki ana i te ako a ngā mokopuna, ā, e aromātai ana hoki i te kounga o te hōtaka akoranga. E whai kiko ana ngā mahere, ā, ka ārahi i te whakatinanatanga o ngā kaupapa mahi. Ko te ako me te ahu whakamua a ngā mokopuna e tuhia ana ki ngā Mātai i te katoa o te Tamaiti. Ka whakamahia ngā kōnae mokopuna hei kapo atu i te tupu me te whakawhanaketanga o ia mokopuna i roto i te roanga o te wā. Ka whakawhiti kōrero ngā kaimahi mō te kounga o te hōtaka akoranga. Ka whai pānga aua whakaritenga ki ngā whakarerekētanga, ā, ka aro nui hoki ki ngā matea ako o ngā mokopuna. Ka ngākau nui ngā mokopuna ki tētahi hōtaka akoranga e āta whakaritea ana, e āta whakahaerehia ana.
Kei te rawaka te tirohanga atu a te whānau ki ngā whakahaeretanga i tō rātou kōhanga reo. E whai kiko ana ngā meneti o ngā hui, ā, he tino mōhiohio o roto e hāpai ana i te whakatau ngātahi i ngā whakaritenga. Ko ngā kaupapa here me ngā tukanga o te hauora me te haumaru, e hāngai katoa ana ki ngā herenga ā-ture e tika ana, hei whakatau i te whakatutukitanga o ngā takohanga. Kawea ai ngā hōneatanga ohotata i ia te wā, kua whakatakotohia ngā rēhita kia mātua aro atu ai ki te hauora, te haumaru, me te waiora o ngā mokopuna katoa. Kua tuitui ngā tirohanga o Te Ara Tūāpae ki te mahere rautaki, ā, he whāinga pae tawhiti e whakaatu ai i ngā wawata o te whānau mō te tupu, te tuakiri, me te reo Māori o ngā mokopuna, tae atu ki tā rātou angitu ki anamata. Kei te matawhānui te mahere ā-tau, kua whakatakotohia ngā mahi whakahaere katoa me ngā rārangi wā i whakaritea kia tutuki. E whai hua ana te whakahaeretanga o ngā take kaimahi e āta whakatau ai i te hāngaitanga o ngā tuhinga mahi katoa ki te wā, ā, e whakatakoto ana hoki i ngā kirimina tuku mahi a ia kaimahi, i ngā tuhinga tūranga mahi, me ngā arowhai i manatokotia ai mō te haumaru o ngā kaimahi. Tāpiri atu ki tēnā, kua oti ngā arohaehae whaiaro, ā, ka tautuhi i te haere tonutanga o te whakawhanaketanga ngaio e whakapakari ai i ngā pūkenga o ngā kaimahi. Ko ngā mokopuna kei te pūtake o te mahi ngātahi a te whānau i ngā whakahaeretanga.
Ahakoa he kaupapa here mō te ārai tamariki, e tika ana kia hōhonu ake te māramatanga ki ngā tukanga. E whakatau ana Te Tari Arotake Mātauranga, kia whai wāhi atu te whānau me ngā kaimahi ki ētahi atu wānanga me ētahi atu whakangungu, kia mōhiotia, kia māramahia tā rātou whakapūmau ki te whakatutuki i ngā takohanga o te ture, me te aro pū ki te haumaru me te waiora o ngā mokopuna. Ka whai hua ake ngā mokopuna i te wā e aro matua ana ki tō rātou haumaru me tō rātou waiora.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
E taunaki ana Te Tari Arotake Mātauranga kia whakapiki ake tonu te whānau me ngā kaimahi i tō rātou māramatanga ki te Children's Act 2014.
Rita Walker
Toka ā Nuku (Whakakapi)
Te Uepū ā-Motu
24 Hakihea, 2024
| Te tūwāhi | Whanganui |
| Te tau a te Tāhuhu o te Mātauranga | 52724 |
| Te tau tohu o Te Kōhanga Reo | 07E063 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 27 ngā tamariki, kia 12 ki raro i te rua o ngā tau |
| Te tokomaha kei runga i te rārangi ingoa | 19 ngā tamariki, tokotoru kei raro i te rua o ngā tau |
| Ngā hononga ā-iwi | Māori 19 |
| Te wā i te kōhanga reo te rōpū arotake | Mahuru 2024 |
| Te wā o tēnei pūrongo | 24 Hakihea 2024 |
| Ngā pūrongo o mua a Te Tari Arotake Mātauranga | Arotake Mātauranga, Mahuru 2021, Arotake Mātauranga, Hakihea 2017; Arotake Mātauranga, Hakihea 2014 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Te Kōhanga Reo o Kura Mahiao is located in Castlecliff, Whanganui. It is the last remaining home-based kōhanga reo in the region. Mokopuna and whānau have close connections to Te Marae o Kaiwhaiki. The whānau are committed to the legacy left by their kuia, after whom the kōhanga reo is named.
Mokopuna are happy, positive, and engaged learners.
Mokopuna learn in a supportive, caring, learning environment. Kaimahi show aroha and care for mokopuna as they interact gently and speak softly. Kuia, koroua and kaimahi encourage mokopuna to participate in formal learning, such as pōwhiri. Mokopuna observe karanga and whaikōrero and engage in karakia, himene o te haahi Katorika, mihimihi, harirū and hongi. Mokopuna are developing their understanding of tikanga and kawa, and their roles as tangata whenua. Mokopuna are encouraged to self-correct themselves as they communicate with others. Kaimahi utilise a variety of methods to stimulate mokopuna use of te reo Māori. Mokopuna eagerly participate in activities such as waiata, haka, pepeha and kori tinana, which helps them recognise language patterns and build their vocabulary of kupu Māori. Storytelling is used to encourage mokopuna to connect words with pictures, enhancing their understanding. Older mokopuna apply what they know, while pēpi communicate their understanding through body language. Mokopuna are happy, confident learners.
Mokopuna engage in experiences and activities that stimulate their interests and learning. Kaimahi maintain a consistent programme that helps mokopuna become familiar with routines. Mokopuna are encouraged to be creative in their learning. They move confidently and appropriately throughout their kōhanga reo. The learning environment is spacious, well-organised, and the outdoor area encourages exploration allowing mokopuna to connect with their taiao. Mokopuna eagerly participate in activities such as mahi maara and mahi whakairo which foster curiosity, investigation, and creativity. Mokopuna are settled learners.
Kaimahi work from a basis of whanaungatanga as they plan the learning programme, monitor mokopuna learning and evaluate the quality of the learning programme together. Planning is detailed and guides the implementation of kaupapa mahi. Mokopuna learning and progress is documented in mātai i te katoa o te tamaiti. Kōnae mokopuna are used to capture individual mokopuna growth and development over time. Kaimahi discuss the quality of the learning programme. This practice informs changes and responds to mokopuna learning needs. Mokopuna enjoy a learning programme that is organised and well managed.
Whānau adequately oversee their kōhanga reo operations. Hui minutes are detailed, providing insightful information that supports collective decision making. All health and safety policies and procedures align with relevant legislation ensuring compliance. Regular emergency evacuations are conducted, with completed registers in place to prioritise the health, safety and welling of all mokopuna. The strategic plan draws insights from Te Ara Tūāpae with long term goals reflecting the aspirations whānau have for their mokopuna growth, identity, te reo Māori and future success. The annual plan is comprehensive, covering all operational tasks with scheduled timelines for completion. Personnel matters are efficiently managed ensuring all employment documentation is up to date, including individual employment agreements, detailed position descriptions and verified kaimahi safety checks. In addition, self-appraisals are complete and identifies ongoing professional development to strengthen kaimahi abilities. Mokopuna are at the centre of collective whānau whakahaere practices.
While there is a policy for Child Protection in place, a more in-depth understanding of the procedures is needed. ERO agree that whānau and kaimahi engage in further wānanga and training to recognise and understand their commitment in fulfilling the obligations of the act and prioritising mokopuna safety and wellbeing. Mokopuna are further benefited when their safety and wellbeing is prioritised.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO recommend that whānau and kaimahi continue to increase awareness of the Children’s Act 2014.
Rita Walker
Toka ā Nuku – Acting Director
Te Uepū ā-Motu – Māori Review Services
24 December 2024
| Location | Whanganui |
| Ministry of Education profile number | 52724 |
| Kōhanga Reo Identification Number | 07E063 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 27 children, including up to 12 aged under 2 |
| Service roll | 19 children, including up to 3 aged under 2 |
| Ethnic composition | Māori 19 |
| Review team on site | September 2024 |
| Date of this report | 24 December 2024 |
| Most recent ERO report(s) | Education Review, September 2021; Education Review, December 2017; Education Review, December 2014 |
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E rere kau ana te awa nui mai i te kāhui maunga ki Tangaroa. Ko au te awa, ko te awa ko au.
E tū ana Te Kōhanga Reo o Kura Mahiao ki te hapori o Castlecliff, ki Whanganui. E noho pūmau ana te whānau ki ngā whakareretanga iho i tuku mai i tō rātou kuia, ā, kua tapaina te kōhanga reo ki tōna ingoa.
Ka kitea te tū tangata me te mauritau o ngā mokopuna i roto i ō rātou hononga ki ētahi atu.
E whakaratohia ana ki ngā mokopuna tētahi taiao papai e whakapakari ana i ngā hononga e whai pūtake ana. Ka poipoia te noho āhuru me te mauritau ki ngā hōtaka o ia rā me ngā mahinga i āta whakaritea ai. Ka whakatauira ngā kuia, ngā kaimahi, me te whānau i ngā uara o te aroha, te āwhina, me te manaakitanga. He ngāwari te āhua o ngā taunekeneke a ngā tuākana ki ō rātou tēina. He pakari ngā tuākana ki te tū ake me te ārahi i ētahi wāhanga o te hōtaka akoranga. Ka rongo ngā mokopuna i te reo ake o tō rātou iwi. Ka whakamahi ngā kaimahi i te whānuitanga o ngā tūmomo rautaki hei hāpai i te whakawhanaketanga reo o ngā mokopuna. Ko ētahi o aua rautaki, ko te whāngai kupu, te tāruarua, me ngā waiata, ngā mōteatea hoki o te takiwā. Ka whakamihi ngā kaimahi i ngā mokopuna mō tā rātou whai wāhi mātātoa atu me ā rātou whakatutukitanga. Ka kitea ki ngā mokopuna tō rātou mauritau, me tō rātou manaaki i ētahi atu.
Kua whakatakotohia ngā mahere me ngā aromatawai. Ka whai wāhi atu ki aua tuhinga, ko te kiko o ngā hōtaka me ngā rārangi wā, ā, ka hono pū anō hoki ki Te Whāriki a Te Kōhanga Reo. Ka whakaemihia ngā mōhiohio aromatawai, ā, ka whakatakotohia ki ngā puka kōnae a ngā mokopuna. Ka whai hua ngā mokopuna nā te hāngai o te aronga ki ngā mahi aromatawai.
E whakahaere ana te whānau i tō rātou kōhanga reo hei tino painga mō ngā mokopuna. Tū ai ngā hui ā-whānau i ia te wā, ā, he pai hoki te taetae atu. I tēnei wā, e arotake ana, e whakahou ake ana hoki te whānau i ā rātou kaupapa here me ā rātou tukanga. E tāutu ana te mahere ā-tau i ngā mahi whakahaere matua, ā, i ngā wā hoki e tika ana kia whakatutukihia. Kua whakatakotohia ngā tuhinga e pā ana ki ngā kaimahi. Kua oti ngā arohaehae e pā ana ki ngā kaimahi, ā, he aronga ki te whakapai i ia te wā. E whakatakoto ana te tūtohinga i te aronga mārama, ā, e tautuhi ana i ngā tukanga e whakahaere ai i ngā whakaritenga ki te kōhanga reo. Ko ngā mokopuna kei te pūtake o ngā mahi whakahaere a te whānau.
Kua tautuhia e te whānau ā rātou whāinga me ō rātou wawata ki tā rātou mahere rautaki, ā, he mea nui kia whakawhanakehia e te whānau tētahi mahere mahi hei whakatakoto, hei aroturuki hoki i te ahu whakamua ki te whakatutuki haere i ngā wawata. Ka whai hua ngā mokopuna i te wā e aroturukitia ana, e āta whakaarohia ana hoki ō rātou matea mō meāke nei.
Ka taea ngā akoranga a ngā mokopuna te whakatairanga ake anō mā te whakapakari ake i te aromātai hōtaka. Kua tae ki te wā kia aro nahanaha ngā kaimahi ki te aromātai, hei whakapiki ake i te kounga o te hōtaka akoranga.
I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:
Hei whakatutuki i ngā herenga ā-ture, me tahuri te whānau ki te:
[R43 Ture Mātauranga (Kōhungahunga) 2008; C2 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Darcy Te Hau
Toka-ā-Nuku
Te Uepū ā-Motu - Māori Review Services
22 Mahuru, 2021
|
Te tūwāhi |
Kei Whanganui |
|
Te tau a te Tāhuhu o te Mātauranga |
52724 |
|
Te tau tohu o Te Kōhanga Reo |
07E063 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
21, kia tokowaru ki raro i te rua o ngā tau |
|
Te tokomaha kei runga i te rārangi ingoa |
18, tokowhā kei raro i te rua o ngā tau |
|
Ngā hononga ā-iwi |
Māori 18 |
|
Te wā i te kōhanga reo te rōpū arotake |
Hōngongoi 2021 |
|
Te wā o tēnei pūrongo |
22 Mahuru 2021 |
|
Ngā pūrongo o mua a Te Tari Arotake Mātauranga |
Arotake Mātauranga, Hakihea 2017; Arotake Mātauranga, Hakihea 2014; Arotake Mātauranga, Here-turi-kōkā 2011 |
The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.
E rere kau ana te awa nui mai i te kāhui maunga ki Tangaroa. Ko au te awa, ko te awa ko au.
Te Kōhanga Reo o Kura Mahiao is located in Castlecliff, Whanganui. The whānau are committed to the legacy left by their kuia, after whom the kōhanga reo is named.
Mokopuna show they are comfortable and settled in their relationships with others.
Mokopuna are provided a positive environment that builds meaningful relationships. The daily programme and well-established routines foster comfort and calm. Kuia, kaimahi and whānau model values of aroha, awhina and manaakitanga. Tuakana are gentle in their interactions with their tēina. Tuakana confidently volunteer to lead aspects of the learning programme. Mokopuna are exposed to language specific to their iwi. Kaimahi use a range of strategies to support mokopuna language development. These include prompts, repetition, waiata and mōteatea about the local area. Kaimahi praise mokopuna for their active participation and successes. Mokopuna show they are settled and caring towards others.
Planning and assessment is in place. This includes programme content, timelines, and clearly links to Te Whāriki-a-te-Kōhanga Reo. Assessment information is gathered and captured in mokopuna konae books. Mokopuna benefit from a focused approach to assessment.
The whānau manage their kōhanga reo in the best interest of the mokopuna. Whānau hui are regular and are well attended. The whānau are currently reviewing and updating their policies and procedures. The annual plan identifies key operational tasks and when these must be met. Personnel documentation is in place. Kaimahi appraisals are complete with an ongoing focus of improvement. The Tūtohinga provides clear direction and defines processes to manage kōhanga reo operations. Mokopuna are at the heart of whānau whakahaere.
Whānau have identified their goals and aspirations in their strategic plan, it is important that the whānau develop an action plan to record and monitor progress in relation to aspirations. Mokopuna benefit when their future needs are monitored and considered.
Mokopuna learning can be further enhanced through strengthening programme evaluation. It’s time for kaimahi to take a planned approach to evaluation in order to raise the quality of the learning programme.
During the evaluation, ERO looked at systems for managing the following areas:
To meet compliance requirements, they must:
ERO and the kōhanga reo whānau developed the following recommendation:
Darcy Te Hau
Toka-ā-Nuku - Director
Te Uepū ā-Motu - Māori Review Services
22 September 2021
|
Location |
Whanganui |
|
Ministry of Education profile number |
52724 |
|
Kōhanga Reo Identification Number |
07E063 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
21 children, including up to 15 aged under 2 |
|
Kōhanga Reo roll |
18 children, including up to 4 aged under 2 |
|
Ethnic composition |
Māori 18 |
|
Review team on site |
July 2021 |
|
Date of this report |
22 September 2021 |
|
Most recent ERO report(s) |
Education Review, December 2017; Education Review, December 2014; Education Review, August 2011 |
E tū ana Te Kōhanga Reo o Kura Mahiao ki te hapori o Castlecliff, i Whanganui. Koia nei te kōhanga reo noho kāinga whakamutunga o tēnei rohe. He tino hononga tō ngā tamariki me ngā whānau katoa ki te marae o Kaiwhaiki. He tino hononga anō hoki ki Te Kōhanga Reo o Mere Te Aroha me Te Kōhanga Reo o Kaiwhaiki. E noho pūmau ana te whānau ki ngā whakareretanga iho o tō rātou kuia, ā, kua tapaina te kōhanga reo ki tōna ingoa. I ngā wā katoa, ka noho kī te rārangi ingoa o te kōhanga reo i ngā tamariki me ō rātou whānau.
Ka kitea ki ngā tamariki tō rātou tū pakari nā tō rātou mōhio ki a rātou anō me ō rātou tūrangawaewae, ā, kei te harikoa hoki rātou i roto i ā rātou akoranga.
E whiwhi ana ngā tamariki i ngā hononga e manaaki ana, e poipoi ana hoki i a rātou. He mauritau te whānau, ā, ka whakapau kaha hoki rātou ki te whakamihi i ngā tamariki. Ka whakapuaki rātou i te atawhai me te aroha ki ngā tamariki, puta noa i te rā. He whai wāhitanga mō ngā tamariki ki te ako i te taha o ō rātou kaumātua. Whai wāhi atu ai ō rātou koroua ki ngā kaupapa i te kōhanga reo i ia te wā. Ko te tino whanaungatanga o te whānau, e hāpai ana i te āhua o ngā taunekeneke o ngā tamariki ki waenga i a rātou anō, ā, ki ngā pākeke hoki. Ka poipoia te noho o te tuakana me te teina mā te whai wāhi mai o ngā pēpi ki ngā wā ako o ngā tuākana. E noho ngākau nui ana te whānau ki te tatauranga pai ki waenga i te pakeke me ngā tamariki, hei āta whakarite i te kounga o ngā taunekeneke me te atawhai o ngā tamariki. He haumaru, he mauritau hoki te āhua o ngā tamariki.
Ka ako ngā tamariki i ā rātou taonga tuku iho. Ka whakarite te whānau i ngā haerenga i ia te wā ki ngā pou whenua me ngā marae o te takiwā. Ka hāpai rātou i te māramatanga o ngā tamariki ki ngā tikanga o te marae. Ka whai wāhi mātātoa ngā tamariki ki ngā mihi whakatau mō ngā manuhiri. Ka tū pakari rātou ki te waiata i ngā waiata e pā ana ki ngā hītori me ngā tino tūpuna o tō rātou rohe. Ka whakaatu te whānau i ngā whakaahua o ngā kuia me ngā koroua ki ngā pakitara, hei whakamihi, hei whakanui hoki i a rātou. Ka kitea te aronga toi whenuatanga o ngā tamariki.
E rumakina ana ngā tamariki ki te reo o tēnei rohe. Ka whakatauira te whānau i te reo Māori o Whanganui. Ka whakamahi ngā kaimahi i te whānuitanga o ngā tūmomo rautaki ka hāpai i te whakawhanaketanga reo o ngā tamariki. Ko ētahi o aua rautaki, ko te tāruarua, te patapatai, te whakatauira me te waiata. E tautokona ana ngā tamariki kia taki i ngā karakia, me te whakapuaki, te whakautu hoki i ngā mihimihi. He pakari ngā tamariki tuākana ki te whakautu i ngā pātai me te whakapuaki whakaaro i ngā akoranga ā-rōpū. Ka whakamahi ngā tamariki tēina i te reo ā-kanohi, ā-ringaringa, ā-tinana hoki, hei whakaatu i tō rātou māramatanga. E whanake ana ngā tamariki ki te kōrero i te reo Māori mā te aronga matua ki te reo ā-iwi tonu o Whanganui.
E whakanuia ana, e whakapūmautia ana hoki ngā ngākau nuitanga o ngā tamariki. Ka whakangāwari te whānau i te rere o te hōtaka akoranga, kia aro nui ai ngā mahi ki ngā matea me ngā ngākau nuitanga o ngā tamariki. Ka whakarite rātou i ngā taumahi e akiaki ana i ngā tamariki ki te whakatau i ā rātou akoranga. Ka whakarato rātou i te whānuitanga o ngā tūmomo rauemi me ngā tūmomo taumahi o te kounga pai hei hāpai i ngā tamariki. Ka tino whakaongaongatia ngā tamariki.
Ka whakamahi te whānau i tētahi aronga auaha ki te whakaatu ā-ataata i ngā mahere hōtaka. Ka āta whakaatuhia ngā mahere o te pae tawhiti me te pae tata. He mārama ngā mōhiohio o roto mō ngā kaupapa me ngā putanga ako o ia wāhanga. Whiwhi ai ngā whānau i ia te wā i te kiko o ngā kōrero urupare e pā ana ki te ako a ngā tamariki me ō rātou whakawhanaketanga mā ngā pukapuka pūrongo. Ka āta whakarite ngā kaimahi i te ngohengohe o te hōtaka, me te aronga nui o tēnei ki ngā matea o ngā tamariki i ia rā. E tino tautokona ana ngā tamariki i roto i ā rātou akoranga.
E whakahaere ana te whānau i te kōhanga reo hei painga mō ā rātou tamariki. Ka tino tautoko ngā mema o te whānau i a rātou anō, tētahi ki tētahi. He pai te whai wāhi mai o te whānau ki ngā āhuatanga katoa o te kōhanga reo. Tū ai ngā hui ā-whānau i ia te wā, ā, he pai te tae ā-tinana atu me ngā whakaritenga. He mārama ngā pūrongo pūtea, ā, e hāpai ana i a rātou ki te āta whakatau i ngā whakaritenga pūtea. He pūnaha tā rātou hei arotake i te kaupapa here me ngā tukanga. Kei roto i ngā tuhinga e pā ana ki ngā tūranga kaimahi, ko ngā tuhinga tūranga mahi me ngā kirimana. Ko te waiora o ngā tamariki te aronga matua o te whānau.
Kāhore anō te aromātai o te hōtaka akoranga kia whakaōkawatia. Ahakoa ka kōrerorero ngā kaimahi i ia te wā mō te hōtaka akoranga, kāhore rātou e tuhi ana i ā rātou whakawhitinga kōrero, i ngā whakarerekētanga rānei ka pupū ake. Ko te tuhi i ngā whakawhitinga kōrero a ngā kaimahi ka whakapakari ake i te aromātai i te hōtaka.
Kāhore i te whānau tētahi mahere ā-tau e tāutu ana i ngā kaupapa mahi matua ka whakatutukihia i ia tau. Ko te pūrongo i te ahu whakamua me te whakatutukitanga o ngā whāinga ā-tau me ngā kaupapa matua ā-tau ka whakatakoto anō hoki i te huarahi ka whāia e te whānau i roto i ngā tau kei te haere mai, ā, i ngā ngākau nuitanga hoki o ngā tamariki.
Ahakoa he kaupapa here tā te whānau mō ngā mahi arohaehae, kāhore anō rātou kia whakaōkawa i taua tukanga. Ko te whakatinana me te tuhi haere i tētahi tukanga ōkawa mō te arohaehae i ngā kaimahi, ka hāpai te whakawhanaketanga ngaio me te tupu ngaio o ngā kaimahi.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I tāutuhia e Te Tari Arotake Mātauranga ngā wāhanga e whai ake nei, kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Kura Mahiao i roto i te toru o ngā tau.
Lynda Pura-Watson
Kaiurungi Whakaturuki Arotake Māori
22 Hakihea, 2017
|
Te tūwāhi |
Kei Whanganui |
|
|
Te tau a te Tāhuhu o te Mātauranga |
52724 |
|
|
Te tau tohu o Te Kōhanga Reo |
07E063 |
|
|
Te tūmomo raihana |
He kōhanga Reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
21, kia tokowaru ki raro i te rua o ngā tau |
|
|
Te tokomaha kei te rārangi ingoa |
21, tokotoru kei raro i te rua o ngā tau |
|
|
Te ira tangata |
Kōtiro 15 Tama tāne 6 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Whiringa-ā-nuku 2017 |
|
|
Te wā o tēnei pūrongo |
22 Hakihea, 2017 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Tāpiri |
Hakihea 2014 Here-turi-kōkā 2011 Hōngongoi 2007 |
Te Kōhanga Reo o Kura Mahiao is in Castlecliff, Whanganui. It is the last remaining home-based kōhanga reo in the region. All of the children and whānau have close connections to Kaiwhaiki marae. There is a close relationship with Te Kōhanga Reo o Mere Te Aroha and Te Kōhanga Reo o Kaiwhaiki. The whānau are committed to the legacy left by their kuia, after whom the kōhanga reo is named. The roll is consistently full with children and their whānau.
Children appear confident in who they are, where they are from and happy in their learning.
Children experience caring and nurturing relationships. The whānau are positive and take every opportunity to praise children. They show affection and love to children throughout the day. Children experience learning alongside kaumātua. Their koroua regularly participate in kōhanga reo activities. The close relationship within the whānau supports children to relate well with each other and adults. Tuakana teina relationships are fostered by integrating babies into tuākana learning times. The whānau are committed to keeping adult child ratios low to ensure quality interaction and care of children. Children appear safe and secure.
Children learn about their ancestral heritage. The whānau organise regular trips to local landmarks and marae. They support children with tikanga marae. Children are active participants when formally welcoming visitors through mihi whakatau. They confidently sing songs about local histories and names of key ancestors. The whānau display photos of kuia and koroua on the walls to acknowledge and celebrate them. Children show a sense of belonging.
Children are immersed in the language of the area. The whānau model te reo Māori specific to Whanganui. Kaimahi use a range of strategies to support children’s language development. These include: repetition, questioning, modelling and waiata. Children are supported to recite karakia, deliver and respond to mihimihi. Older children confidently answer questions and contribute to group learning. Younger children use facial expressions, and hand and body gestures to show their understanding. Children are developing as speakers of te reo Māori with a particular focus on the Whanganui dialect.
Children’s interests are acknowledged and reinforced. The whānau allow flexibility in the learning programme to respond to children’s needs and interests. They organise activities to encourage children to make choices in their learning. They provide a wide range of quality resources and activities to support children. Children are highly stimulated.
The whānau use an innovative visual approach to displaying programme planning. Long and short term plans are clearly displayed. This provides clear information about kaupapa and learning outcomes for each term. The whānau receive regular detailed feedback on children’s learning and development through report books. Kaimahi ensure the programme is flexible and responds to children’s needs on a daily basis. Children are well supported in their learning.
The whānau manage the kōhanga reo in the best interests of their children. Whānau members are supportive of each other. There is good whānau involvement and participation in all areas of the kōhanga reo. Whānau hui are regular, well attended and well organised. Financial reporting is transparent and supports them to make good financial decisions. They have a system in place to review policies and procedures. Kaimahi employment documentation includes job descriptions and employment contracts. Children’s wellbeing is a priority for the whānau.
Evaluation of the learning programme has not been formalised. Although kaimahi regularly discuss the learning programme, they do not record their discussions or the changes made as a result. Documenting of kaimahi discussions will strengthen programme evaluation.
The whānau does not have an annual plan that identifies key tasks to be undertaken each year. Reporting on the progress and successes of annual goals and priorities will provide whānau with direction for the future of the kōhanga reo and children’s interests.
While the whānau have a policy in place for appraisal, they have not yet formalised this process. Implementing and documenting a formal process for staff appraisal will support staff professional development and growth.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO identified areas of non-compliance. In order for the kōhanga reo whānau to meet compliance requirements they need to:
Ensure the curriculum is informed by planning, implementation and evaluation
[R41 Education (Early Childhood Services) Regulations 2008; C2 Licensing Criteria for Kōhanga Reo affiliated with Te Kōhanga Reo National Trust 2008
Ensure there is a strategic and annual plan to guide kōhanga reo operation
[R41 Education (Early Childhood Services) Regulations 2008; GMA8 Licensing Criteria for Kōhanga Reo affiliated with Te Kōhanga Reo National Trust 2008]
Ensure there is a system of regular appraisal.
[R41 Education (Early Childhood Services) Regulations 2008; GMA7 Licensing Criteria for Kōhanga Reo affiliated with Te Kōhanga Reo National Trust 2008]
ERO and the Kōhanga Reo whānau developed the following recommendation:
Seek support to address the key next steps outlined in this report.
The next ERO evaluation of Te Kōhanga Reo o Kura Mahiao will be in three years.
Lynda Pura-Watson
Deputy Chief Review Officer Māori
22 December 2017
|
Location |
Whanganui |
||
|
Ministry of Education profile number |
52724 |
||
|
Kōhanga Reo Identification Number |
07E063 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
21 children, including up to 8 aged under 2 |
||
|
Kōhanga Reo roll |
21 children, including up to 3 aged under 2 |
||
|
Gender composition |
Girls 15 Boys 6 |
||
|
Ethnic composition |
Māori |
100% |
|
|
Review team on site |
October 2017 |
||
|
Date of this report |
22 December 2017 |
||
|
Most recent ERO report(s) |
Education Review Education Review Supplementary Review |
December 2014 August 2011 July 2007 |
|