Te Kōhanga Reo o Te Kōpae Tamariki Kia Ū Te Reo

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū ana Te Kōhanga Reo o Te Kōpae Tamariki Kia Ū Te Reo ki Ngāmotu, ki raro i te korowai o Maunga Taranaki. E tū ana te kōhanga reo ki te papa akoranga o Rangiātea, ki te taha o Te Kura Kaupapa Māori o Te Pi'ipi'inga Kākano Mai Rangiātea, o Te Wānanga o Aotearoa, me te Poari o Ngāti Te Whiti Whenua Tōpū.  

3 Te Aronga o te Aromātai

He pēhea rawa te whakaatu mai o ngā mokopuna i tō rātou māramatanga ki te aronga toi whenuatanga me te tuakiri?

E whakarato ana te whānau i tētahi taiao e poipoi ana i te aronga toi whenuatanga me te tuakiri.

4 Ngā Whakaaturanga – Mana Whakahaere

Ka kitea te whanaungatanga ki te āhua tonu o ngā mahi whakahaere a te whānau i te kōhanga reo. Kua whakatakotohia ngā pūnaha me ngā tukanga mō te aroturukitanga me te pūrongo i ngā whakahaeretanga o te kōhanga reo. Arotake ai te whānau i ngā kaupapa here me ngā tukanga e pā ana ki te hauora me te haumaru. He ārahitanga o roto i aua tuhinga mō ngā whakaritenga a ngā kaimahi me te whānau whakahaere. Ka whakaemihia, ka tuhia hoki ngā mōhiohio e whai hua ana ki ngā rēhita e pā ana ki te hauora me te haumaru. Kua whakawhanakehia, kua āta whakatinanahia hoki ngā aratohu e pā ana ki te KOWHEORI-19. Ka tautoko te kōhanga reo i ngā wero KOWHEORI-19 o ngā whānau katoa. Ka whakatau ngātahi te whānau i ngā whakaritenga e arotahi ana ki te haumaru o ngā mokopuna me tā rātou ako.

Kei ngā mahere rautaki te tirohanga me ngā wawata o te whānau mō ngā mokopuna. He aronga ki te tupu tonu me te whakapai tonu. Ka tautuhi tētahi mahere mahi i ngā kaupapa matua me ngā whāinga hei whakatairanga ake i te rōnakitanga mō meāke nei. Kua whakatakotohia ngā whakaritenga mō te whakahaeretanga i ngā kaimahi. He mārama ngā kirimana mahi a ia kaimahi, he matawhānui hoki, ā, ka hāngai ki ngā herenga ā-ture. Ka āta whakamārama ngā tuhinga tūranga mahi i ngā kaimahi, ki ngā pūkenga e tūmanakohia ana. Ko te arohaehae i ngā kaimahi, he whai wāhitanga mō te tupu ngaio tonu, te whakawhanaketanga ngaio tonu, me te whakatakotoranga haere o ngā whāinga mō te whakapai tonutanga. Ka whai hua ngā mokopuna nā ngā whakataunga e whai mōhiohio ana.

Kua pou herea ngā mahere, te aromatawai, me te aromātai hōtaka ki ngā uara o te whanaungatanga. He mahere ā-wāhanga, ā-marama, ā- wiki hoki, hei ārahi i te whakatinanatanga o ngā kaimahi i te hōtaka akoranga. Ka kapo atu te ako a ngā mokopuna ki ngā kōnae mokopuna me ngā paki ako. E wātea ana aua tuhinga ki ngā whānau, ā, ka tino whakamōhio i a rātou ki tēnā e ākona ana e ngā mokopuna. Kua āta whakatakotohia hoki, ā, ka tautuhi i te ako me te ahu whakamua a ia mokopuna, i roto i te roanga o te wā. E whai kiko ana ngā meneti o ngā hui kaimahi, ā, ka hāngai ngā whakawhitinga kōrero ki ngā pūmanawa, ā, ki ngā whakaritenga hoki ka whai ake i roto i te hōtaka akoranga. Ko ngā rautaki a ngā kaimahi hei hāpai i ngā mokopuna, ko te akiaki, te whakawhanaketanga reo, ngā rauemi, me te whakatairanga ake i te whanonga e tika ana mō te noho kotahi. Kei te whanake ngā akoako hōneatanga, ā, kua tuituia ki te hōtaka akoranga.

Ngā Whakaritenga Matua ka whai ake  

Kia whakapakari tonu te whānau i te aromātai o roto, hei whakarato i te rahinga o ngā putanga e whai hua ana ki ngā mokopuna.  

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakatairanga ngātahi tonu te whānau i te kounga o te ako me ngā painga mō ngā mokopuna.

Darcy Te Hau
Toka ā Nuku
Te Uepū-a-Motu – Māori Services

30 Pipiri, 2022
 

7 Ngā kōrero e pā ana ki te Kōhanga Reo

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.

2 Context

Te Kōhanga Reo o Te Kōpae Tamariki Kia Ū Te Reo is located in New Plymouth under the korowai of Mount Taranaki. The kōhanga reo is situated on the Rangiātea campus alongside Te Kura Kaupapa Māori o Te Pi’ipi’inga Kākano Mai Rangiātea, Te Wānanga o Aotearoa and Ngāti Te Whiti Whenua Tōpu Trust. 

3 Evaluation Focus

How well do mokopuna express their understanding of belonging and identity?

The whānau provide an environment that nurtures belonging and identity.

4 Findings - Mana Whakahaere

Whanaungatanga reflects how the whānau manage the operations of the kōhanga reo. Systems and processes for monitoring and reporting the kōhanga reo operations are in place. The whānau regularly review health and safety policies and procedures. These provide clear guidance for kaimahi and whānau whakahaere practices. Useful information is gathered and documented in health and safety registers. COVID-19 guidelines have been developed and are well adopted. The kōhanga reo support COVID-19 vaccinations for all whānau. Whānau collectively make decisions that focus on mokopuna safety and learning.

Strategic planning includes the vision and aspirations whānau hold for mokopuna. There is a focus on continual growth and improvement. An action plan defines identified priorities and goals to promote sustainability for the future. Personnel management practices are in place. Kaimahi individual employment contracts are clear, well detailed, and align to legislation. Job descriptions provide clarity for kaimahi of expected competencies. Kaimahi appraisals provide opportunities for ongoing professional growth and development and ongoing goal setting towards improvement. Mokopuna benefit from informed decision making.  

Planning, assessment and programme evaluation is underpinned by values of whanaungatanga. Planning includes term, monthly, and weekly plans that guide kaimahi to implement the learning programme. Mokopuna learning is captured in konae mokopuna and learning stories. These are accessible to whānau who are well informed of what mokopuna are learning. These are set out well and identify individual learning and progress over time. Kaimahi hui minutes are detailed, and discussions include strengths and next steps for the learning programme. Kaimahi strategies to support mokopuna include encouragement, language development, resourcing and promoting positive social behaviour.  Evacuation practices are developing and integrated into the learning programme. 

Key Next Steps

Whānau continue to build internal evaluation to further provide positive outcomes for mokopuna. 

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

6 Recommendation

ERO and the kōhanga reo whānau developed the following recommendation:

• whānau collectively continue to enhance the quality of learning and outcomes for mokopuna.

Darcy Te Hau
Toka-ā-Nuku – Director
Te Uepū ā-Motu – Māori Review Services

30 June 2022

7 Information about the Kōhanga Reo

1 Te Horopaki

Mai i Te Kōpae ki te paepae

E tū ana Te Kōhanga Reo o Te Kōpae Tamariki Kia Ū Te Reo ki Ngāmotu, ki raro i te korowai o Taranaki maunga. Kei te papa akoranga o Rangiātea te kōhanga reo, ki te taha o Te Kura Kaupapa Māori o Te Pi’ipi’inga Kākano Mai Rangiātea, o Te Wānanga o Aotearoa, o te poari o Ngāti Te Whiti Whenua Tōpū. Ko te reo me ngā mātauranga o Taranaki kei te pūtake o ngā akoranga i tēnei kōhanga reo.

2 Ngā Whakaaturanga o te Aromātai

He pēhea rawa ngā tamariki e whakapuaki i te whanaungatanga?

E whakapuaki ana ngā tamariki i pai o te whanaungatanga, te whakakotahitanga, me ngā hononga ki te tini o ō rātou taiao ako.

Ngā Taumata Whakahirahira

Ka rongo ngā tamariki i te reo ā-iwi o Taranaki. Ka whakamahi ngā kaimahi i te whānuitanga o ngā tūmomo rautaki e whakatairanga ake ana i te hopu reo a ngā tamariki. Ko ētahi o aua rautaki, ko ngā karakia, ngā hīmene, ngā mōteatea, ngā mihi, ngā pepeha, me ngā waiata. Ka whakatauira ngā kaimahi i ngā hanganga reo e tika ana. Ka kōkiri ngā tamariki tuākana i ngā whakawhitinga kōrero mā te reo Māori ki te taha o ō rātou hoa me ngā kaimahi. Kei te mārama, kei te whakahonohono hoki ngā pēpi ki te reo e kōrerohia ana. E kōrero ana ngā tamariki tuākana i te reo Māori.

E tautāwhitia ana ngā tamariki ki te aroha e puāwai mai ana i te whanaungatanga. He hononga ā-whakapapa tō te whānau, ngā kaimahi, me ngā tamariki. Ka whakatauira ngā kaimahi i ngā uara o te awhi, te manaaki, me te tiaki. Ka whakaute ngā tamariki i ō rātou hoa, i ngā kaimahi, ā, i ētahi atu hoki. Ka akiaki ngā kaimahi i te ārahitanga me te whakawhanaungatanga pai ki waenga i ngā tuākana me ngā tēina. Kei te harikoa, kei te mauritau hoki ngā tamariki.

E ako ana ngā tamariki ki te taiao e whakamana ana i tō rātou tuakiri. Ka kawe atu ngā kaimahi i ngā tamariki kia haereere, kia āhei ai rātou ki te taunekeneke ki ētahi atu tamariki o tō rātou purapura. Ka toro atu hoki rātou ki te marae o tō rātou hapori, ā, ka ako rātou i tō rātou tū hei tangata whenua. Ko te taetae atu ki ngā tangihanga, ko te whakatau anō hoki i ngā manuhiri ētahi āhuatanga e whai pānga nui ana ki te tupu me te whakawhanaketanga o ngā tamariki, me tō rātou māramatanga hoki ki ngā tikanga o te rohe nei. Ka whakarite ngā kaimahi i ngā whai wāhitanga mō ngā tamariki ki te whakapuaki i ō rātou pepeha. Ka kitea ki ngā tamariki tō rātou aronga toi whenuatanga.

E hāpaitia ana ngā tamariki i roto i ō rātou taiao ako. Ka whakarato ngā kaimahi i ngā horopaki e mau ana i te maha o ngā rauemi e whai pānga nui ai ki ō rātou reanga, ā, e noho whakaongaonga ana, e noho whakahihiri ana hoki ki ngā tamariki. E ākina ana te tūhura me whai wāhi nui o ngā tamariki ki ngā tūmomo taumahi, hei tamaiti takitahi rānei, hei mahi takirua rānei, hei mahi takitoru rānei. Ka whakanui, ka whakamihi hoki ngā kaimahi i te pai o te aro atu me te taunekeneke atu a ngā tamariki. Ko ngā tamariki hei āta hāpai ake, e whakatutuki ana i ngā taumata ki tua atu o ērā e tūmanakohia ana mō ō rātou āheinga. Ka ngākau nui ngā pēpi ki te whai wāhi atu ki te hōtaka o ia ata. E hāpaitia ana rātou e ngā tuākana me ngā kaimahi. Kua waia ngā tamariki ki ngā mahinga o ia rā. He ngākau titikaha ō ngā tamariki ki te ako.

Te Whakamahere me te Aromātai

E whai wāhi atu ana ngā tamariki ki tētahi hōtaka akoranga i āta whakaritea ai. He pai te whakatakotoranga, te whai kiko, me te ngohengohe anō hoki o ngā tuhinga e pā ana ki te hōtaka. Ka aro nui ngā kaimahi ki ngā tamariki me ō rātou ngākau nuitanga e puāwai mai ana. E wātea ana ngā mahere ki ngā kaimahi me te whānau. He mahere ā-tau, ā-kaupeka, ā-wāhanga, ā-wiki, o ia rā hoki. E hāngai ana ngā mahere ki Te Whāriki me Ngā Taumata Whakahirahira. Ka whai hua ngā tamariki i te wā kua āta whakamaheretia ngā wheako akoranga, engari ka noho wātea anō hoki mō ngā kaupapa kē ka pupū ake.

E ahu whakamua ana te whānau ki te whakahaere i te kōhanga reo hei painga mō ngā tamariki. He mātātoa tā rātou tautoko i ngā kaupapa katoa me ngā whakahaeretanga katoa o te kōhanga reo. Ka kōkiri rātou i ngā whakataunga, ā, kei te mārama i ō rātou tūranga me ā rātou kawenga. Kua whakamāramahia ngā whāinga rautaki ki te taha o ngā mema o te whānau. E mōhio ana te whānau, e tika ana kia whai kiko ngā whakamāramatanga e whakatakoto ana i te huarahi e tutuki ai ō rātou wawata, tae atu ki te tāutu i ngā tāngata ka whai kawenga, me ngā wātaka e tūmanakohia ana. E whakataungia ana te haumaru o ngā tamariki me ngā tino putanga.

Ngā Whakaritenga Matua ka Whai Ake

Me whakawhanake ake i ngā whakaritenga e pā ana ki te aromatawai, me te aromātai i te hōtaka.

Kāhore e āta tāutuhia ana ko ngā mōhiohio aromatawai e pā ana ki te ahu whakamua a ngā tamariki me tā rātou ako. Ka whakaemi ngā kaimahi i ngā tauira o ngā kaupapa mahi, ā, ka whakaemi ki ngā kōnae a ia tamaiti. Engari, kāhore he mōhiohio anō e whakatakotohia ana hei tohu i tēnā e ākona ana e ngā tamariki.

Kāhore te aromātai hōtaka e āta tuhia ana. Ahakoa he auau, he pakari hoki ngā whakawhitinga kōrero a ngā kaimahi mō te whai pānga o te hōtaka akoranga ki ngā tamariki, kāhore rātou e tuhi ana i ngā whakawhitinga kōrero e pā ana ki te whai huatanga o ā rātou whakaritenga.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakaae Te Tari Arotake Mātauranga me te whānau o te kōhanga reo ki te taunakitanga e whai ake nei, arā, kia:

• toro atu te whānau ki te tautoko o ngā kaimahi ā-rohe o te Poari Matua o Ngā Kōhanga Reo ki te whakatutuki i ngā whakaritenga matua i tāutuhia ai ki tēnei pūrongo kia whai ake.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Te Kōpae Tamariki kia Ū Te Reo i roto i te toru o ngā tau.

Charles Rolleston Toka ā-nuku

25 Kohitātea, 2019

Ngā kōrero e pā ana ki te kōhanga reo

1 Context

Mai i Te Kōpae ki te paepae

Te Kōhanga Reo o Te Kōpae Tamariki Kia Ū Te Reo is located in New Plymouth under the cloak of Mount Taranaki. The kōhanga reo is situated on the Rangiātea campus alongside Te Kura Kaupapa Māori o Te Pi’ipi’inga Kākano Mai Rangiātea, Te Wānanga o Aotearoa and Ngāti Te Whiti Whenua Tōpu Trust. The language and knowledge of Taranaki is central to learning in this kōhanga reo.

2 The Evaluation Findings

How well do children demonstrate whanaungatanga?

Children demonstrate positive relationships, unity and links with their many learning environments.

Ngā Taumata Whakahirahira

Children are exposed to the local dialect of Taranaki iwi. Kaimahi use a range of strategies to enrich children’s language acquisition. These include karakia, hīmene, mōteatea, mihi, pepeha and waiata. Kaimahi model correct language patterns. Older children initiate conversations in te reo Māori with their peers and kaimahi. Babies understand and can make connections with the spoken language. Older children are speakers of te reo Māori.

Children are embraced by aroha highlighted through whanaungatanga. Whānau, kaimahi and children share whakapapa links. Kaimahi model the values of awhi, manaaki and tiaki. Children are respectful with their peers, kaimahi and others. Kaimahi encourage leadership and positive relationships between tuākana and tēina. Children are happy and settled.

Children learn in an environment that affirms their identity. Kaimahi take children on haerenga where they are able to interact with other children from within their purapura. They also visit the local marae where they learn about the role of tangata whenua. Attending tangihanga and welcoming manuhiri is important to children’s growth, development and understanding of local protocols. Kaimahi afford children the opportunity to share their pepeha. Children display a sense of belonging.

Children are supported in their learning environments. Kaimahi provide fully-resourced settings which are age appropriate, stimulating and motivating. Children are encouraged to explore and enjoy different activities as individuals, in pairs and in groups. Kaimahi compliment and praise children’s positive reactions and interactions. Children receiving extra support are achieving milestones beyond their expected capabilities. Babies willingly participate in the morning programme. They are supported by tuākana and kaimahi. Children are familiar with the daily routines. Children are confident learners.

Planning and Evaluation

Children experience a well-organised learning programme. Programme documentation is organised, detailed and flexible. Kaimahi are responsive to children and their emerging interests. Planning is accessible by kaimahi and whānau. It includes annual, seasonal, term, weekly and daily plans. Planning reflects Te Whāriki and Ngā Taumata Whakahirahira. Children benefit when learning experiences are well planned and allow for spontaneity.

The whānau work towards managing the kōhanga reo in the best interests of the children. They actively support all kōhanga reo events and operations. They are proactive in decision making and understand their roles and responsibilities. Strategic goals have been clarified with whānau members. The whānau recognise the need to include detail on how their aspirations will be realised, including who is responsible and the expected timeframes. Children’s safety and positive outcomes are assured.

Key Next Steps

Further development of assessment practices and programme evaluation is required.

Assessment information about children’s progress and learning is not clearly defined. Kaimahi collect samples of work from kaupapa mahi and compile individual profiles. However, there is no additional information provided to show what children are learning.

Programme evaluation is not well documented. Although kaimahi have regular, robust discussions about whether the learning programme is making a difference for children, they do not record discussions about the effectiveness of their practice.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau agreed the following recommendation:

• the whānau seek support from regional kaimahi of Te Kōhanga Reo National Trust to address the key next steps in this report.

When is ERO likely to evaluate the kōhanga reo again?

The next ERO evaluation of Te Kōhanga Reo o Te Kōpae Tamariki kia Ū Te Reo will be in three years.

Charles Rolleston Toka ā-nuku

25 January 2019

Information about the Kōhanga Reo