Ngā Whakaaturanga
E tū ana Te Kura o Hirangi ki Tūrangi. E whakawhanake ana ngā uri i te tino rangatiratanga ā-ahurea, te whakaaweawe hoki ki tō rātou hapori. He pakari te ahureatanga, te reo matatini, me te pāngarau o ngā uri. Kei te whanake haere tō rātou mātau ki te reo o Ngāti Tūwharetoa. He nui ngā tūmanako o Te Poumarumaru, ngā pouārahi, me ngā pouako kia eke angitu ai ngā uri. Ka noho whakapono ngā uri ki tō rātou āheinga ki te whakatutuki me te kōkiri hoki i ā rātou ake akoranga.
Tērā ka whakahaeretia e Te Tari Arotake Mātauranga te arotake whai muri, i roto i te toru o ngā tau.
1 Te Horopaki
E tū ana Te Kura o Hirangi ki Tūrangi, ā, nō te tau 2004 te kura i whakatūngia ai. I te tau 2008, i hono atu te kura ki Ngā Kura-ā-Iwi o Aotearoa. ‘He whare ruruhau Te Kura o Hīrangi hei whakatupu pai i ngā mokopuna.’
Ko Tongariro te maunga
Ko Taupō te moana
Ko Ngāti Tūwharetoa te iwi
Ko Te Heuheu te tangata.
He tino aronga tō te kura ki te waiora o ngā uri, te whānau, me te hapori. Ka whakaaro nui te whānau o te kura ki ‘Te huarahi o Ngātoro-i-rangi’ me te ‘Tūwharetoatanga’, tae atu ki te oranga tonutanga o ngā kawa me ngā tikanga o Ngāti Tūwharetoa ki te Mātāpuna.
Ki tā te kura, ko te ūkaipōtanga, te ahi kā, me te haukāingatanga ētahi tino tohu o te oranga o te iwi. Ka whakamanahia ngā tino hononga ki ngā kaumātua, te iwi, me ngā marae, ā, ka whai pānga nui ēnei ki te tirohanga e pā ana ki ngā uri.
He pēhea rawa ngā uri e whakaatu mai i tō rātou tino rangatiratanga ā-ahurea, tō rātou whakaaweawe hoki?
E whakawhanake ana te tino rangatiratanga ā-ahurea, te whakaaweawe hoki o ngā uri ki tō rātou hapori.
2 Ngā Putanga ki ngā Uri
Ka āta whakapuaki ngā uri i te whakahirahiratanga o tō rātou ūkaipōtanga, arā, te tuakiri, te reo, me te ahurea. He mārama te tirohanga me te mahere rautaki a Te Poumarumaru mō te tuakiri, te reo me te ahurea. Ko te tūnga o te ‘kaitiaki tikanga’ ki Te Poumarumaru me te kura e āta whakapūmau ana i te ū ki ngā tikanga. Ka kitea hoki te whai huatanga o ngā hononga ki waenga i te kura, te whānau, ngā kaumātua me ngā marae. E whakarato ana ngā mātanga tokomaha o te iwi i ngā whai wāhitanga ako whakahihiri e whai pānga ana ki te ahurea. Ka kitea te kaha o te aronga toi whenuatanga o ngā uri, me tō rātou tino hononga hoki ki tō rātou whānau, ki a rātou anō hoki. Ka rumakina rātou ki te Ngāti Tūwharetoatanga, ā, ka ako i te hītori, ngā kōrero tuku iho, me ngā wāhi tino whakahirahira. Ka whakatinana ngā uri i ngā uaratanga me ngā tikanga o tō rātou iwi.
Kei te whanake te mātau o ngā uri ki te reo Māori, mā te reo ā-iwi o Ngāti Tūwharetoa. He aronga ā-kura ki te whakapakari i te reo o Ngāti Tūwharetoa mā te kōrero me te tuhituhi i ngā kōrero tuku iho, ngā karakia, ngā whakatauākī, ngā mōteatea, me ngā waiata. Ka whakatauira ngā kaumātua i te reo o ia rā. Ka whakamahere ngā pouako i ngā tino rautaki ka whakapai ake i te kounga o te reo Māori e kōrerohia ana. Kei te whakawhanakehia ngā taumata hei āta aroturuki i te ahunga whakamua o te reo Māori. Ka kitea ki ētahi o ngā uri te mātau ki te reo, ā, kei te tautokona ētahi kia piki ake ai. He māoriori, he māhorahora hoki te whakamahinga a ngā uri i te reo o Ngāti Tūwharetoa.
He pakari ngā ākonga i roto i te ahureatanga, te reo matatini, me te pāngarau. He tirohanga mārama, he aronga rautaki hoki ā te kura me te whānau o te kura ki te whakawhanake i ngā hōtaka akoranga o te kounga kairangi, hei āta whakarite i te hiahia o ngā uri ki te ako, mō āke tonu atu. Ka whakarato Te Poumarumaru i te whānuitanga o ngā tūmomo whai wāhitanga kia eke angitu ai ngā uri, ā-hinengaro, ā-mātauranga hoki. Ka kitea te ako i te ūkaipōtanga, puta noa i te marautanga. Ka whakamahia anō hoki hei tohu i te waiora me te eke angitu. Ka āta aroturukitia ngā paetae o te reo matatini me te pāngarau, ā, ka whakamahia ngā mōhiohio hei whakatinana i ngā hōtaka whakaakoranga me ngā hōtaka akoranga. Ka kitea ki ngā paetae ā-kura te whakapaitanga ake i ia te wā. Tāpiri atu ki ngā kaupapa o Te Taumata Mātauranga ā-Motu kua Taea, ka uru atu hoki ngā uri ki te wharekura i ngā kaupapa o Te Wānanga o Raukawa me ngā kaupapa taiao. Ka rongo ngā uri i te kaha o te tautoko, ā, e whakatairanga ana tēnei i te pai o te tupu me te whakawhanaketanga.
E tino tautokona ana ngā uri kia eke angitu. He mārama ngā pouārahi o te kura i ō rātou tūranga me ā rātou kawenga mahi. He nui ngā tūmanako o Te Poumarumaru, ngā Pouārahi me ngā pouako mō te eke angitu o ngā uri, me te kounga kairangi o ngā hōtaka akoranga. Ka āta aroturukitia te ahunga whakamua me ngā whakatutukitanga o ngā uri, ā, ka tino poipoia ngā matea o ngā uri. Kōrerohia ai e ngā pouako i ia te wā, mō ngā huarahi ka hāpai ake tonu i ngā matea o ngā uri me te whānau. Ka whai wāhi atu rātou ki ngā whakawhanaketanga ngaio, hei whakapiki ake i tō rātou āheinga. Ko te kaha o te whakaaro huritao me te aromātai o roto e whai pānga ana ki te pai o te āhua o ngā mahi, me te whakapai tonutanga. He hāneanea ngā akomanga, ā, ka whakaongaonga hoki. E hāngai ake ana te titiro o ngā uri, ki te eke angitu.
Ka noho whakapono ngā uri ki tō rātou āheinga ki te whakatutuki me te kōkiri hoki i ā rātou ake akoranga. Ka tūmāia rātou, ka whai wāhi atu ki ngā whakawhitinga kōrero, ā, ka mahi ngātahi hoki ki te taha o ētahi atu. Ka kitea te ngākau nuitanga, te māia hoki o te nuinga o rātou, hei ākonga. Ka hāpai ngā pouako i ngā ākonga, ā, ka whai kiko ngā aromātai o roto e whakamahia ana e rātou, hei whakarerekē haere i ā rātou whakaritenga. E mōhio ana ngā uri, ka whai wāhi rātou ki te para i te huarahi kei mua i a rātou.
3 Te Ārahitanga me te Aro Mātai o Roto
He kaiārahi tūtoro e whakaatu mai ana e te tumuaki, ā, kei a ia hoki te tino āhua o te whakapono, atu i ngā tino tūmanako, kia whai wāhi ai ngā wero ngaiotanga. Nā tōna kaha ki te manaaki, kua renarena te taura here tangata i waenganui i te hapori me ngā kaimahi hoki. He nui te whakaute mōna, ā, ka whakakoha anō a ia. He mātātoa ngā kaumātua hei kaiārahi, ā, kei a rātou anō ki te whakapakari i te whai wāhitanga o te iwi i roto i te kura. He kaumātua ngākaunui ki te hauoratanga o te reo Māori o Ngāti Tūwharetoa. He tino arotahi tō te whakapakari i ngā kaimahi me te whakatītina kaiārahi puta noa i te kura. Kei te whakawhanake haere te poumarumauru, ngā pouako me ngā uri i o rātou ake rautaki ki te ārahi i ētahi atu.
Mā te aro mātai o roto e whakamōhio mai ana i ngā whakataunga. Kei te tupu haere tētahi ahurea aro mātai ngaio i waenga i ngā pākeke e whakatenatena ana i ngā kaimahi ki te āta titiro ki te pai o ngā mahi mō ngā uri me ngā mahi hoki hei whakapakari ake. He wāhanga motuhake tō te aro mātai o roto, atu i te tūhura me te kimi māramatanga e pā ana ki āianei tonu. Ko ngā akoranga haere tonu mō te poumarumaru, ngā pouako me ngā uri e āhei ana te whakamārama i ngā mahi e whai ake ana.
Ngā wāhanga i tāutuhia ai e te kura hei whakawhanake ake
He pakari ngā tukanga e pā ana ki te aromātai o roto. He tino māramatanga tō te kura ki ngā wāhanga hei whakawhanake ake. Ka hāngai ēnei ki te:
- whakahāngaitanga o ngā tukanga arohaehae ki ngā paearu a te Matatū Aotearoa
- whakarato i te tautoko tonutanga mō ngā uri e mau nei i te iti noa o te reo Māori
- whakawhanaketanga o ngā rauemi ka hāpai i te reo o Tūwharetoa, puta noa i te marautanga
- whakatinana tonu i te hōtaka whakahaere whanonga e kīia ana, ko ‘he tohu rangatira’.
4 Te Whakatau a Te Poumarumaru ki ngā Wāhanga Tautukunga
I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a Te Poumarumaru mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:
- ngā whakahaere a Te Poumarumaru
- te marautanga
- ngā whakahaere mō te hauora, te haumaru, me te oranga tinana
- ngā whakahaere o ngā kaimahi
- ngā whakahaere o te pūtea
- ngā whakahaere o ngā rawa me ngā taonga.
I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:
- te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
- te haumaru ā-tinana o ngā ākonga
- te rēhitatanga o ngā pouako
- ngā tukanga ki te whakatū kaimahi
- te whakaunu, te aukati, te pana me te whakarerenga
- te tae ā-tinana atu a ngā ākonga ki te kura.
Te Whakarāpopototanga
E tū ana Te Kura o Hirangi ki Tūrangi. E whakawhanake ana ngā uri i te tino rangatiratanga ā-ahurea, te whakaaweawe hoki ki tō rātou hapori. He pakari te ahureatanga, te reo matatini, me te pāngarau o ngā uri. Kei te whanake haere tō rātou mātau ki te reo o Ngāti Tūwharetoa. He nui ngā tūmanako o Te Poumarumaru, ngā pouārahi, me ngā pouako kia eke angitu ai ngā uri. Ka noho whakapono ngā uri ki tō rātou āheinga ki te whakatutuki me te kōkiri hoki i ā rātou ake akoranga.
Hei ā hea Te Arotake Mātauranga arotake anō ai i te Kura?
Tērā ka whakahaeretia e Te Tari Arotake Mātauranga te arotake whai muri, i roto i te toru o ngā tau.
Lynda Pura-Watson
Kaiurungi Whakaturuki Arotake Māori
03 Hakihea, 2015
Ngā Kōrero e pā ana ki te kura
|
Te tūwāhi
|
Kei Tūrangi
|
|
Te tau a te Tāhuhu o te Mātauranga
|
497
|
|
Te tūmomo kura
|
He kura motuhake, Tau 1 ki te 15
|
|
Te tokomaha o ngā ākonga o te kura
|
156
|
|
Te ira tangata
|
Kōtiro 88
Tama tāne 68
|
|
Ngā hononga ā-iwi
|
Māori
Piripīno
|
155
1
|
|
Ngā āhuatanga motuhake
|
Kura ā Iwi
|
|
Te wā i te kura te rōpū arotake
|
23 Mahuru 2015
|
|
Te rā o tēnei pūrongo
|
03 Hakihea, 2015
|
|
Ngā pūrongo o mua a Te Tari Arotake Mātauranga
|
Arotake Mātauranga
Arotake Tāpiri
Arotake Mātauranga
|
Haratua 2011
Paenga-whāwhā 2008
Pipiri 2006
|
Findings
Te Kura o Hirangi is in Tūrangi. Uri are developing cultural autonomy and influence in their community. Uri are culturate, literate and numerate. They are developing proficiency in te reo o Ngāti Tūwharetoa. Poumarumaru, pouārahi and pouako have high expectations for uri success. Uri have a sense of self-efficacy and personal agency.
ERO is likely to carry out the next review in three years.
1 Context
Te Kura o Hirangi was opened in 2004. In 2008 the kura joined Ngā Kura-ā-Iwi o Aotearoa. “He whare ruruhau Te Kura o Hirangi hei whakatupu pai i ngā mokopuna”.
Ko Tongariro te maunga
Ko Taupō te moana
Ko Ngāti Tūwharetoa te iwi
Ko Te Heuheu te tangata.
There is a strong focus on the wellbeing of uri, whānau and the community. The kura whānau recognise ‘Te huarahi o Ngātoroirangi’ and ‘Tūwharetoatanga’ including the preservation of kawa and tikanga of Ngāti Tūwharetoa ki te Mātāpuna.
The whānau recognise that ūkaipōtanga, ahikā and haukāingatanga are important indicators of iwi wellness. Strong partnerships with kaumātua, iwi and marae are valued and critical to the vision for uri.
How well do uri show that they are culturally autonomous and influential?
Uri are developing cultural autonomy and influence in their community.
2 Uri Outcomes
Uri clearly articulate the importance of their ūkaipōtanga - identity, language and culture. The poumarumaru have a clear vision and strategic plan in relation to identity, language and culture. The ‘kaitiaki tikanga’ position on the board and in the kura, ensures that tikanga is consistently practiced. Successful partnerships between kura, whānau, kaumātua and local marae are evident. A range of iwi experts provide culturally relevant and interesting extra-curricular learning opportunities. Uri display a strong sense of belonging and connection to their whānau and each other. They are immersed in Ngāti Tūwharetoatanga and learn the history, stories and unique sites significance. Uri practice the values and tikanga of their iwi.
Uri are developing proficiency in te reo Māori using the Ngāti Tūwharetoa dialect. There is a
school-wide focus on strengthening te reo o Ngāti Tūwharetoa through the telling and writing of stories, karakia, whakatauākī, mōteatea and waiata. Kaumātua model day to day use of the language. Pouako plan specific strategies to improve the quality of spoken te reo Māori. Benchmarks are being developed to effectively show the progressions of te reo Māori. Some uri demonstrate proficiency whilst others are supported to improve. Most Uri use te reo o Ngāti Tūwharetoa naturally and spontaneously.
Uri are culturate, literate and numerate. Pouako and whānau have a clear vision and strategic focus to develop high quality learning programmes for uri to become life-long learners. The poumarumaru provide a range of opportunities for uri to be intellectually and academically successful. Learning about ūkaipōtanga is reflected throughout the curriculum. It is also used as an indicator of well-being and success. Literacy and numeracy achievement is carefully monitored and achievement information is used to inform teaching and learning programmes. School wide achievement results show progress. In addition to the National Certificates of Education Achievement (NCEA) courses, wharekura students participate in Te Wānanga o Raukawa and environmental studies. Uri experience a supportive culture that promotes positive growth and development.
Uri are well supported to achieve. Kura leaders are clear about their roles and responsibilities. The poumarumaru, pouārahi and pouako have high expectations for uri achievement and high quality learning programmes. Progress and achievement of uri is monitored closely. Pouako regularly talk about how to meet the needs of uri. They engage in professional development to increase their capability. Classroom environments are comfortable and stimulating. Uri expect to achieve.
Uri display a sense of self-efficacy and personal agency. They are confident, contribute to discussions and work alongside others. Most show passion and confidence as learners. Pouako support students and use evidence based internal evaluation to adapt their practice. Uri know that they play a role in shaping their own future.
3 Leadership Internal evaluation
The tumuaki displays visionary leadership, has a high trust model alongside high expectations which provide professional challenge. Her inclusive approach has built strong links within the community and amongst staff. She is highly respected and respectful. Kaumātua are active leaders who strengthen the involvement of iwi within the school. The kaumātua are interested in the health of te reo Māori o Ngāti Tuwharetoa. There is a focus on upskilling staff and building leadership across the school. Poumarumaru, pouako, and uri are developing their respective approaches to leading others.
Internal evaluation informs decision making. The professional evaluative culture forming amongst adults, encourages staff to pay attention to what is working for uri and what needs development. This noticing is an important phase of internal evaluation alongside investigation and the sense making around what’s present. Ongoing learning for the poumarumaru, pouako and uri helps define next steps.
Kura-identified areas of development
Internal evaluation processes are strong. The poumarumaru has a clear understanding of their areas for development. These include:
- the alignment of appraisal processes with the New Zealand Teachers Council criteria
- provide ongoing support for uri with limited or minimal te reo Māori
- development of resources to support te reo o Tūwharetoa throughout the curriculum
- continue to implement the ‘he tohu rangatira’ behaviour management programme.
4 Te Poumarumaru assurance on legal requirements
Before the review, the board of trustees and principal completed the The Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:
- Poumarumaru administration
- curriculum
- management of health, safety and welfare
- personnel management
- financial management
- asset management.
During the review, ERO checked the following items because they have a potentially high impact on student achievement:
- emotional safety of students (including prevention of bullying and sexual harassment)
- physical safety of students
- teacher registration
- processes for appointing staff
- stand-downs, suspensions, expulsions and exclusions
- attendance.
Conclusion
Te Kura o Hirangi is in Tūrangi. Uri are developing cultural autonomy and influence in their community. Uri are culturate, literate and numerate. They are developing proficiency in te reo o Ngāti Tūwharetoa. Poumarumaru, pouārahi and pouako have high expectations for uri success. Uri have a sense of self-efficacy and personal agency.
When is ERO likely to review the school again?
ERO is likely to carry out the next review in three years.
Lynda Pura-Watson
Deputy Chief Review Officer Māori
3 December 2015
Information about the Kura
|
Location
|
Tūrangi
|
|
Ministry of Education profile number
|
497
|
|
Kura type
|
Special Character Years 1 - 15
|
|
Kura roll
|
156
|
|
Gender composition
|
Girls 88
Boys 68
|
|
Ethnic composition
|
Māori
Filipino
|
155
1
|
|
Special features
|
Kura ā Iwi
|
|
Review team on site
|
23 September 2015
|
|
Date of this report
|
3 December 2015
|
|
Most recent ERO report(s)
|
Education Review
Supplementary Review
Education Review
|
May 2011
April 2008
June 2006
|