309 State Highway 2, Te Puke
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
Ko Rangiuru te maunga
Ko Kaituna te awa
Ko Tāpuika te iwi
Ko te reo rangatira te mauri o te mana Māori
E tū ana Te Kōhanga Reo o Ōtūpango ki Te Puke, heoi, i tū tuatahi atu i Ngāti Moko, i Waitangi. I te tau 1994 te kōhanga reo i hūnuku ai ki te taha o Te Kura Kaupapa Māori o Te Matai. Ko tō te whānau wawata kia rumakina ngā mokopuna ki ngā taonga tuku iho, e tūhonohono ana i a rātou ki ō rātou tātai hono.
Ka kaha whakaatu ngā mokopuna i tō rātou māramatanga ki te whanaungatanga mā te whai pūtaketanga me te papai o ngā taunekeneke ki te whānau me ō rātou hoa.
E whai wāhi atu ana ngā mokopuna ki ngā akoranga kua pou herea ki ngā uara o te whanaungatanga. Ka whakatauira ngā kaimahi i te aroha, te manaaki, me te tiaki i roto i ā rātou taunekeneke. He whai wāhitanga mō ngā mokopuna ki te mātakitaki me te whai wāhi atu ki ngā tikanga me ngā kawa e pā ana ki te whakatau. Ka mātaki rātou i ngā whakaritenga e pā ana ki te whai kōrero, i a rātou e whai wāhi atu ana ki ngā mōteatea, ngā harirū, me ngā hongi. Ka whai hua ngā kaimahi ki te whakamahi i te tangongitanga o ngā rautaki e akiaki ana i te whakamahinga a ngā mokopuna i te reo Māori. Ka āta tautoko, ka whāngai kupu, ka akiaki hoki ngā kaimahi hei poipoi i te tū o te mokopuna ki te ārahi. Ka whakapuaki ngā tuākana i a rātou anō ki ngā horopaki ōkawa me ngā horopaki ōpaki. Ka whakamahi te tangongitanga o ngā waiata, ngā haka, ngā pātai, me te tāruarua hei whakapakari i te whakawhanaketanga reo o ngā mokopuna, ā, hei tūhonohono i a rātou ki ō rātou whakapapa me ō rātou tūrangawaewae. Ka whakarongo ngā pēpi, ā, ka whakaatu i tō rātou māramatanga mā te tāwhai, mā ngā nekehanga ā-ringa, me te reo ā-tinana. Kei te harikoa, kei te mauritau hoki ngā mokopuna i roto i ō rātou hononga ki ētahi atu, ā, e poipoi ana i te kaha o te aronga toi whenuatanga.
He ngāwari ki ngā mokopuna te whakawhiti haere i tō rātou kōhanga reo. Kei te muramura, kei te rāhiri hoki ngā wāhi ako o roto. Nō nā noa nei ngā wāhi ako o waho i whakawhanakehia ai, ā, he auaha, kua āta whakatakotohia, ā, e whakatairanga ana i te ako ā-rōpū me te ako takitahi. Kei te whai pūtake, kei te ngahau hoki ngā taumahi e akiaki ana i te ako ngātahi a ngā tuākana me ngā tēina. Ko te whakamihi me te akiaki i ngā wā katoa ētahi o ngā rautaki a ngā kaimahi, hei whakatairanga i te ngākau titikaha o ngā mokopuna. Kei te mauritau ngā mokopuna ki te taiao o tō rātou ao Māori.
Kua whakaritea e ngā kaimahi ngā tukanga whai hua e pā ana ki te whakamahere, te aromatawai, me te aromātai hōtaka. Ko te whanaungatanga kei te tūāpapa o tā rātou mahi ngātahi, i a rātou e whakamahere ana i te hōtaka akoranga, ā, e aroturuki ana i te ako a ngā mokopuna. Ka whakamōhiotia ngā mahere ki Te Whāriki a Te Kōhanga Reo, ā, ka whakatakoto anō hoki i ngā whāinga ako me ngā putanga ki ngā mokopuna. Kei ngā mahere ā-tau, ā-wāhanga, ā-wiki hoki te tangongitanga o ngā taumahi me ngā rauemi e tika ana mō ngā reanga, ā, e hāpai ana i te whakatinanatanga o ngā kaupapa. Ka whakamahi ngā kaimahi i te Mātai i te Tamaiti ki te tautuhi nahanaha me te aroturuki hoki i te ahu whakamua me te whakawhanaketanga o ngā mokopuna i roto i te roanga o te wā. Hui ai ngā kaimahi i ia te wā ki te arotake i te kounga o te hōtaka akoranga, ā, e miramira ana ngā whakawhitinga kōrero i tuhia ai i ngā wāhanga o te mahere ako e angitu ana, i ērā hoki e ngoikore ana, me ngā wāhanga hoki hei whakapai ake. Ka whai hua ngā mokopuna nā te ngātahitanga o ngā whakaritenga a ngā kaimahi.
Ka noho pūmau te whanaungatanga ki te whakahaeretanga a te whānau i ngā whakaritenga o te kōhanga reo. He pūnaha whai hua ā te whānau mō te aroturukitanga me te pūrongo atu i ngā wāhanga matua o ngā whakahaeretanga. Hui ai te whānau i ia te wā ki te whakawhiti kōrero mō ngā take. Ka tuhia ngā meneti, ā, he pai ngā mōhiohio o roto. Ka whakapūmautia ngā whakaritenga mō te whakahaeretanga o ngā pūtea. Ka ārahi te mahere ā-tau i ngā mahi whakahaere i te tari me te kōhanga reo, i ngā wā hoki e tika ana kia whakatutukihia. Ko ngā kaupapa here matua me ngā tukanga matua mō te hauora, te haumaru, me ngā kaimahi e hāngai ana ki ngā herenga ā-ture, hei āta whakatau i te waiora o ngā mokopuna. Kawe ai ngā kaimahi i ngā akoako hōneatanga i ia te wā, ā, he pai te tuhi me te whakaputu i aua mahi, hei āta whakatau i te noho rite mō ngā wā ohotata. Ko ngā mokopuna kei te pūtake o te whakatau ngātahi a te whānau i ngā whakaritenga.
Kei te mahere rautaki te tirohanga me ngā wawata o te whānau mō ngā mokopuna. Ka aro pū te mahere ki te poipoi i ngā whakatutukitanga, i te whakatupu i te ārahitanga, me te āta toro atu ki ngā uara o te ao Māori. Ka hāngai te mahere mahi ki ngā māramatanga ngātahi o te whānau, me tō rātou ū ki te rōnakitanga mō meāke nei. E tika ana te whakahaeretanga o ngā take kaimahi. Kei ngā tuhinga tuku mahi ko ngā kirimana o ia tangata, ko ngā tuhinga i manatokotia ai, ā, e arowhai ana i te haumaru o te kaimahi, me ngā tuhinga tūranga mahi. Kei te matawhānui ngā mōhiohio arohaehae e arotahi ana ki te āhua mahi me te tupu o ia kaimahi, me te whakapaitanga ake o ngā whakaritenga. Ko te waiora o ngā mokopuna, ko tā rātou ako hoki e whakatairangatia ana mā te papai o ngā mahi whakahaere a te whānau.
Kei te whāiti te māramatanga o te whānau ki te Children's Act 2014. Ahakoa he kaupapa here mō te ārai tamariki, e tika ana kia hōhonu ake te māramatanga ki ngā tukanga. E whakatau ana Te Tari Arotake Mātauranga, kia whai wāhi atu te whānau me ngā kaimahi ki ētahi wānanga me ētahi atu whakangungu, kia mōhiotia, kia māramahia tā rātou whakapūmau ki te whakatutuki i ngā takohanga o te ture, me te aro pū ki te haumaru me te waiora o ngā mokopuna.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
E taunaki ana Te Tari Arotake Mātauranga kia whakapiki ake tonu te whānau i tō rātou māramatanga me tō rātou mōhiotanga ki te Children's Act 2014.
Tiwana Hibbs
Toka ā Nuku
Te Uepū-a-Motu – Māori Services
23 Kohitātea, 2025
| Te tūwāhi | Kei Te Puke |
| Te tau a te Tāhuhu o te Mātauranga | 44004 |
| Te tau tohu o Te Kōhanga Reo | 05E032 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 20 ngā tamariki, kia tekau ki raro i te rua o ngā tau |
| Te tokomaha kei runga i te rārangi ingoa | 12 ngā tamariki, tokowhā kei raro i te rua o ngā tau |
| Ngā hononga ā-iwi | Māori 12 |
| Te wā i te kōhanga reo te rōpū arotake | Mahuru 2024 |
| Te wā o tēnei pūrongo | 23 Kohitātea, 2025 |
| Ngā pūrongo o mua a Te Tari Arotake Mātauranga | Arotake Mātauranga, Haratua 2021, Arotake Mātauranga, Here-turi-kōkā 2016; Arotake Mātauranga, Haratua 2015 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. The ERO reports provide important information for whānau, hapū and iwi.
Ko Rangiuru te maunga
Ko Kaituna te aw
Ko Tapuika te iwi
Ko te reo rangatira te mauri o te mana Māori
Te Kōhanga Reo o Ōtūpango, located in Te Puke and was originally located at Ngati Moko in Waitangi. In 1994, it moved to its current site beside Te Kura Kaupapa Māori o Te Matai. Whānau aspire for mokopuna to immersed in ngā taonga tuku iho, connecting them to their heritage.
Mokopuna actively demonstrate their understanding of whanaungatanga through meaningful and positive interactions with whānau and their peers.
Mokopuna experience learning that is underpinned by values of whanaungatanga. Kaimahi model aroha, manaaki and tiaki in their interactions. Mokopuna are provided opportunities to observe and participate in tikanga and kawa related to whakatau. They observe the practices of whaikōrero while actively participating in mōteatea, harirū and hongi. Kaimahi effectively use a range of strategies to encourage mokopuna to use te reo Māori. Kaimahi provide gentle support, prompts and encouragement to foster mokopuna leadership roles. Tuākana express themselves in formal settings and in spontaneous ways. A range of waiata, haka, questions, and repetition are used to build mokopuna language development and to connect them to their whakapapa and tūrangawaewae. Pēpi listen and they communicate their understanding through mimicking, hand actions and body language. Mokopuna are happy and secure in their connections with others fostering a strong sense of belonging.
Mokopuna navigate their whare kōhanga reo with ease. The indoor learning areas are colourful and inviting. Outdoor learning areas have recently been developed, are creative, and organised, promoting group and individual learning. Purposeful and fun activities encourage tuākana and tēina to learn alongside each other. Constant praise and encouragement are strategies used by kaimahi to promote mokopuna confidence. Mokopuna are settled in their te ao Māori environment.
Kaimahi have established effective processes for planning, assessment and programme evaluation. They collectively work from a basis of whanaungatanga as they plan the learning programme and monitor mokopuna learning. Planning is informed by Te Whāriki a Te Kōhanga Reo and encompasses learning objectives and outcomes for mokopuna. Year, term and weekly plans include a variety of age-appropriate activities and resources to support implementation. Kaimahi use mātai i te tamaiti to systematically identify and monitor mokopuna progress and development overtime. Kaimahi regularly convene to review the quality of the learning programme, the documented discussions highlight successes, weaknesses and improvements for the mahere ako. Mokopuna benefit from collective kaimahi practices.
Whanaungatanga is central to whānau for managing the kōhanga reo operations. The whānau have efficient systems for monitoring and reporting on key aspects of the operations. Whānau meet regularly to discuss matters. Minutes are documented and provide good information. Financial management practices are maintained. The annual plan guides operational and administrative tasks and when these are to be completed. Core health, safety and personnel policies and procedures align to current legislation to ensure mokopuna wellness is prioritised. Kaimahi undertake regular emergency drills, these are well documented and kept on file to ensure preparedness for emergencies. Mokopuna are the centre of collective whānau decision making.
The strategic plan includes the vision and aspirations whānau hold for mokopuna. The plan is dedicated to nurturing achievement, growing leadership and embracing te ao Māori values. An action plan reflects the shared understandings of whānau and their commitment to sustainability for the future. Personnel matters are managed appropriately. Employment documentation includes individual contracts, verified kaimahi safety checks and position descriptions. Appraisal information is comprehensive and focuses on individual kaimahi performance, growth and improved practice. Mokopuna wellbeing and learning are promoted through good whānau whakahaere practices.
Whānau understanding of the Children’s Act 2014 is limited. While there is a policy for Child Protection in place, a more in depth understanding of the procedures is needed. ERO agree that whānau and kaimahi engage in further wānanga and training to recognise and understand their commitment in fulfilling the obligations of the act and prioritising mokopuna safety and wellbeing.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO recommend whānau continue to increase their understanding and awareness of the Children’s Act 2014.
Tiwana Hibbs
Toka-ā-Nuku - Director
Te Uepū ā-Motu – Māori Review Services
23 January 2025
| Location | Te Puke |
| Ministry of Education profile number | 44004 |
| Kōhanga Reo Identification Number | 05E032 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 20 children, including up to 10 aged under 2 |
| Service roll | 12 children, including up to 4 aged under 2 |
| Ethnic composition | Māori 12 |
| Review team on site | September 2024 |
| Date of this report | 23 January 2025 |
| Most recent ERO report(s) | Education Review, May 2021; Education Review, August 2016; Education Review, May 2015 |
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E tū ana Te Kōhanga Reo o Ōtūpango ki Te Puke. Ka whakawhiti atu te nuinga o ngā manu pīrere ki Te Kura o Te Matai, e pā tata atu ana. He tātai whakapapa tō ngā whānau tokomaha ki a Tapuika.
He ngākau titikaha ō ngā mokopuna, ā, ka ako rātou ki tētahi taiao ako e hāpai ana i a rātou.
Ka whakakoia, ka whakamanahia hoki te tuakiri o ngā mokopuna me ō rātou hononga ā-whānau. Ka ako ngā mokopuna i ngā tikanga o Tapuika, me ā rātou hītori, ō rātou whenua, me ō rātou tīpuna. Ka tuhia aua wheako, ā, e noho wātea ana hei tirohanga. E whanake ana ngā mokopuna i tō rātou māramatanga ki a rātou anō, ki tō rātou tūrangawaewae hoki.
Ka rongo ngā mokopuna i ngā hua o ngā taunekeneke me te whakawhanaungatanga ki te taha o ētahi atu. Ka whakatauira ngā kaimahi i te kaupapa o te kōhanga reo. Ka kitea ngā uara o te awhi me te aroha ki ngā taunekeneke i waenga i ngā kaimahi me ngā mokopuna. He pārekareka ki ngā mokopuna te āwhina. Ka whakamihia ā rātou whakamātau, ā, ka pupū ake te ngahau ki waenga i a rātou anō. Kei te whai wāhi mātātoa te whānau ki ngā taumahi ako. Kei te whakawhanake ngā mokopuna i ngā hononga mauroa ki waenga i a rātou anō, ā, ki te whānau hoki.
Kei te kaha haere te aro nui atu o ngā kaimahi ki ngā wawata o te whānau. He whai wāhitanga ki te whakawhiti kōrero ki te whānau, mō ngā huarahi e hāpai ai i ngā pūmanawa me ngā ngākau nuitanga o ia mokopuna. Ka pūrongo ngā kaimahi i ētahi āhuatanga o ngā akoranga a ngā mokopuna. Ka whai hua ngā mokopuna nā te kaha ū o ngā kaiako ki te mahi ngātahi me te whānau.
E arotahi ana ngā kaimahi ki ngā whakahaeretanga o ia rā ki te kōhanga reo. Hui ai rātou i ia te wā ki te whakawhiti kōrero mō ngā take whakahaere. Ka noho matua rā, ko te hauora, te haumaru, me te whai oranga hoki o ngā mokopuna. Whakatūngia ai e ngā kaimahi i ia tau tētahi wānanga, ki te whakawhiti kōrero e arotake ai i ngā kaupapa here. E mōhio ana rātou, e tika ana kia whakatinanahia tētahi huringa taiāwhio e arotake auau ai i ngā kaupapa here.
Me whakapakari i ētahi āhuatanga o ngā whakaritenga whakaako. Kāhore ngā mahere e whakahāngaitia ana ki tēnā me tēnā o ngā rōpū reanga, ā, kāhore i te rawaka ngā kiko kōrero e tuhia ana, e whakahonotia ana rānei ki ngā mahere ka whai ake. Ko te whakapai ake i aua āhuatanga o te whakaako me te ako ka whakatairanga ake i ngā tino putanga e whai hua ana ki ngā mokopuna.
Kua tae ki te wā kia whakawhanakehia e te whānau tētahi mahere mahi e whakatutuki ai i ngā kaupapa matua i te mahere rautaki. Me whai wāhi atu hoki ki taua mahere, ko tēnā me tēnā o ngā mahi, ngā kawenga, me ngā rārangi wā kia tutuki ai.
I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Darcy Te Hau
Toka-ā-Nuku
Te Uepū ā-Motu - Māori Review Services
03 Haratua, 2021
| Te tūwāhi | Kei Te Puke | |
| Te tau a te Tāhuhu o te Mātauranga | 44004 | |
| Te tau tohu o Te Kōhanga Reo | 05E032 | |
| Te tūmomo whare | He kōhanga reo | |
| Te raihana | Ngā Ture Mātauranga (Ratonga Kōhungahunga) 2008 | |
| Te tokomaha mō te raihana | 30, kia tekau ki raro i te rua o ngā tau | |
| Te tokomaha kei runga i te rārangi ingoa | 15, kāhore he tamaiti kei raro i te rua o ngā tau | |
| Te ira tangata | Kōtiro 7 Tama 8 | |
| Ngā hononga ā-iwi | Māori Pākehā | 75% 25% |
| Te wā i te kōhanga reo te rōpū arotake | Hui-tanguru 2021 | |
| Te wā o tēnei pūrongo | 3 Haratua 2021 | |
| Ngā pūrongo o mua a Te Tari Arotake Mātauranga | Arotake Mātauranga Arotake Tāpiri Arotake Mātauranga | Here-turi-kōkā 2016 Haratua 2015 Whiringa-ā-rangi 2012 |
The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.
Te Kōhanga Reo o Ōtūpango is located in Te Puke. Most graduates transition to the nearby kura, Te Kura o Te Matai. Many whānau whakapapa to Tapuika.
Mokopuna are confident and learn in a supportive learning environment.
Mokopuna identity and whānau connections are affirmed and recognised. Mokopuna learn about their Tapuika tikanga, history, whenua and tipuna. These experiences are documented, accessible and visible. Mokopuna are developing an understanding of who they are and where they come from.
Mokopuna experience positive interactions and relationships with others. Kaimahi model the kōhanga kaupapa. The values of awhi and aroha are evident in interactions between kaimahi and mokopuna. Mokopuna enjoy being helpful. They are praised for their efforts and have fun with one another. Whānau are actively involved in learning activities. Mokopuna are developing lasting relationships with each other and the whānau.
Kaimahi are increasingly responding to the aspirations of whānau. There are opportunities to discuss with whānau how to cater for the strengths and interests of each mokopuna. Kaimahi report some aspects of mokopuna learning. Mokopuna benefit from kaiako who are committed to working alongside whānau.
Kaimahi are focused on the day-to-day management of the kōhanga. They meet regularly to discuss operational matters. The health, safety and wellbeing of mokopuna are prioritised. Kaimahi hold annual wānanga to discuss policy review. They are aware of the need to implement a regular policy review cycle.
Aspects of teaching practice requires strengthening. Planning is not differentiated for age groups and the progress and learning of mokopuna is not sufficiently detailed or documented. Programme evaluations are discussed but not documented or linked to future planning. Improving these aspects of teaching and learning should further promote positive outcomes for mokopuna.
It is timely for the whānau to develop and action plan to achieve the strategic plan priorities. This should include specific actions, responsibilities and time frames for completion.
During the evaluation, ERO looked at systems for managing the following areas:
ERO and the kōhanga reo whānau developed the following recommendation:
Darcy Te Hau
Toka-ā-Nuku - Director
Te Uepū ā-Motu - Māori Review Services
3 May 2021
| Location | Te Puke | |
| Ministry of Education profile number | 44004 | |
| Kōhanga Reo Identification Number | 05E032 | |
| Licence type | Te Kōhanga Reo | |
| Licensed under | Education (Early Childhood Services) Regulations 2008 | |
| Number licensed for | 30 children, including up to 10 aged under 2 | |
| Kōhanga Reo roll | 15 children, including up to 0 aged under 2 | |
| Gender composition | Girls 7 Boys 8 | |
| Ethnic composition | Māori Pākehā | 75% 25% |
| Review team on site | February 2021 | |
| Date of this report | 3 May 2021 | |
| Most recent ERO report(s) | Education Review Education Review Education Review | August 2016 May 2015 November 2012 |
Ka whakahaeretia tētahi arotake tāpiri i runga o te whakataunga a te Kaitiriwā Toihau Arotake Māori i Te Tari Arotake Mātauranga.
E aromātai ana te arotake tāpiri i te whānuitanga me te whai hua o ngā mahi a te kōhanga reo ki te whakatutuki i ngā take i whakatakotohia ai i roto i te arotake mātauranga o mua atu i tēnei, me ētahi atu wāhanga rānei kua tāutuhia whai muri o taua arotake.
Ko tēnei arotake tāpiri i whakaritea i runga o te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua arotake. Ko ngā whakataunga mō ngā whakapuakitanga e pā ana ki tēnei arotake, ko te titiro ki:
E tū ana Te Kōhanga Reo o Ōtūpango ki te taha o Te Kura Kaupapa Māori o Te Matai, i Te Puke. Ko te nuinga o ngā tamariki ka puta i te kōhanga reo, ka whakawhiti atu ki tēnei kura. Kei te kaha tautoko te whānau i te kaupapa o te kōhanga reo. He tino tauira ngā kaiako hou me ngā kaiāwhina i te reo Māori. Ka mahi rātou ki te whānau, ki te āta whakarite i te whai pānga o te waiora o ngā tamariki ki ngā whakataunga.
Mai i te pūrongo o mua a Te Tari Arotake Mātauranga, i te tau 2015, kua whakapau kaha te whānau ki te whakatutuki i ngā take āwangawanga i tāutuhia ai.
Kua ahu whakamua rātou i roto i te hōtaka akoranga, me te hauora, te haumaru hoki o ngā tamariki. Kua whakatutukihia te aromātai o roto me ngā āhuatanga i whai pānga ai ki ngā herenga ā-ture.
He pēhea rawa te poipoi i te haumaru me te waiora o ngā tamariki hei ākonga?
Ko te haumaru me te waiora o ngā tamariki, me tā rātou ako, e noho matua ana ki te kōhanga reo.
He pārekareka ki ngā tamariki a rātou taumahi ako. Ka whakarato ngā kaimahi i ngā whai wāhitanga mō ngā tamariki ki te whakatau i a rātou ake whiringa me te kōkiri i ngā taumahi ako mā te whakamahi anō hoki i ngā rauemi e noho wātea ana ki a rātou. Kua whakaritea ngā taumahi kia āhei ai ngā tamariki ki te tūhura, te hīraurau hopanga, me te ako mā ō rātou wheako. Ka mahi ngātahi ngā tamariki ki te taha o ētahi atu. Ka whai wāhi atu rātou, ka arotahi anō hoki rātou i roto i ngā akoranga. Ka whakarite ngā kaimahi i te hōtaka o ia rā kia nui ngā wā harikoa me ngā wā mārie mō ngā tamariki. Kua waia ngā tamariki ki ngā mahinga o ia rā. Kei te mārama rātou ki te whanonga e tūmanakohia ana, puta noa i te hōtaka akoranga. Ka tūmāia ngā tamariki hei ākonga e kōkiri ana i ā rātou akoranga.
E tino tautokona ana ngā tamariki kia whanake ai tō rātou mātau ki te reo Māori. Ka ako ngā tamariki mā ngā taumahi ako i whakatakotohia ai, i whakaōkawatia ai hoki. E āhei ana ngā tamariki tuākana ki te taki i ō rātou pepeha, i ngā karakia, ā, i ngā mihimihi hoki. Ka kitea te māramatanga o ngā tamariki tēina, nā te tika o ā rātou nekehanga i roto i ngā waiata. Ka whakarato ngā taumahi ako i te hāngaitanga me te tika o ngā tauira reo mā ngā tamariki. Ka akiaki ngā kaimahi i ngā tamariki ki te whakaoti i ngā kīanga mō te whānuitanga o ngā tūmomo taumahi reo. E whanake ana ngā tamariki hei ākonga pakari o te reo Māori.
Kua whakaritea ngā kaupapa here me ngā tukanga e pā ana ki te hauora me te haumaru. Ka whakatū te kōhanga reo i ngā kaimahi i runga anō i te tatauranga e tika ana ki waenga i te kaimahi me te tamaiti, hei āta whakatau i te mātakina o ngā tamariki. Ka whāia ngā pūnaha aroturuki e tika ana mō:
E noho pūmau ana te whānau ki te hauora, ki te haumaru, me te waiora o ā rātou tamariki. He haumaru te taiao ako o ngā tamariki.
Kua whakatutukihia ētahi o ngā mahi ki te arotake i ngā kaupapa here. Kua whakaritea ngā tukanga e pā ana ki te whakamahere me te aromatawai. He matawhānui ngā mahere, ā, ka ārahi i te hōtaka akoranga. Hui ai ngā kaimahi i ia te wā ki te whakamahere me te whakawhiti kōrero mō te hōtaka akoranga. E ākina ana te whānau kia whai wāhi atu, kia whakapuaki whakaaro hoki ki roto i te hōtaka akoranga. Ka aroturukitia te ako a ngā tamariki, ā, he rite tonu te pūrongotanga.
Kua whakaritea tētahi mahere rautaki. Ka whakamahia ngā mōhiohio aromātai o roto hei hāpai i te whakawhanaketanga o te mahere rautaki a te whānau. Ka ārahi te angamahi o Te Ara Tūāpae i te tāutu a te whānau i ngā whāinga matua me ngā kaupapa matua. He tūturu tonu ngā kaupapa matua a te whānau mō te paetawhiti, ā, e hāngai ana, e whai whakaaro nui ana hoki ki te rōnakitanga o te kōhanga reo mō meāke nei. Kua whakaritea tētahi mahere mahi hei tāutu i ngā tāngata, ngā rauemi, me ngā wā mahi ki te aroturuki me te aru i te ahu whakamua, kia tutukihia ai ngā kaupapa matua a te whānau. Ko ngā tamariki kei te pūtake o ngā mahere mō anamata.
Ahakoa kua pai ake te whakamahere i te hōtaka, ko te aromātai hōtaka tētahi wāhanga hei whakawhanake tonu. Ka hui ngā kaimahi, ā, ka whakawhiti kōrero rātou mō ngā whakarerekētanga ki te hōtaka akoranga, engari kāhore ēnei e tuhia ana. Ko ngā mōhiohio ka ahu mai i te aromātai hōtaka ka āta whakarite i te tāutu o ngā ngākaunuitanga, ngā pūmanawa, me ngā matea ako o ngā tamariki.
I tāutu te arotake o mua i te maha o ngā wāhanga kāhore e tutuki ana e ai ki ngā ture. Kāhore aua āwangawangatanga ināianei. Kei te mōhio te kaiwhakahaere ki ngā herenga ā-ture katoa me ngā paearu e pā ana ki te raihana. Kua whakamahia e te whānau ngā rauemi a te kaupapa kaimahi ā-rohe, hei hāpai i tā rātou whakapai ake i ngā whakahaeretanga i roto i te kōhanga reo.
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
E tū ana Te Kōhanga Reo o Ōtūpango ki te taha o Te Kura Kaupapa Māori o Te Matai, i Te Puke. Ko te haumaru me te waiora o ngā tamariki, me tā rātou ako, e noho matua ana ki te kōhanga reo. Kua whakapau kaha te whānau ki te whakapai ake i te hōtaka akoranga me te whānuitanga o ngā mahi whakahaere ki te kōhanga reo. Ko ngā take i hāngai ki te hauora me te haumaru o ngā tamariki, kua whakatutukihia i nāianei.
Ka arotake anō Te Tari Arotake Mātauranga i Te Kōhanga Reo o Ōtūpango i roto i te toru o ngā tau.
Lynda Pura-Watson
Kaiurungi Whakaturuki Arotake Māori
15 Here-turi-kōkā, 2016
| Te tūwāhi | Kei Te Puke | |
| Te tau a te Tāhuhu o te Mātauranga | 44004 | |
| Te tau tohu o te kōhanga reo | 05E032 | |
| Te tūmomo whare | He kōhanga reo | |
| Te tokomaha mō te raihana | 25 kia 10 ki raro i te rua o ngā tau | |
| Te tokomaha kei runga i te rārangi ingoa | 18, tokotoru kei raro i te rua o ngā tau | |
| Te ira tangata | Kōtiro 5 Tama tāne 13 | |
| Ngā hononga ā-iwi | Māori | 100% |
| Te wā i te kōhanga reo te rōpū arotake | 23 Haratua 2016 | |
| Te wā o tēnei pūrongo | 15 Here-turi-kōkā, 2016 | |
| Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Mātauranga | Haratua 2015 Whiringa-ā-rangi 2012 Haratua 2009 |
A supplementary review is undertaken at the discretion of the Deputy Chief Review Officer Māori in the Education Review Office (ERO).
A supplementary review evaluates the extent and effectiveness of actions a kōhanga reo has taken towards addressing issues specified in its previous ERO review and/or any additional areas identified since that review.
This supplementary review is based on an evaluation of the performance of the kōhanga reo governing body and management in relation to areas identified in the previous ERO report or issues identified since that review. The terms of reference for this review are to investigate:
Te Kōhanga Reo o Ōtūpango is next to Te Kura Kaupapa Māori o Te Mātai in Te Puke. Most graduates of the kōhanga reo attend the kura. Whānau support is strong for the kaupapa of the kōhanga reo. New kaiako and kaiawhina are models of te reo Māori. They work with the whānau to ensure children’s wellbeing informs decision making.
Since the last ERO Report 2015 the whānau have worked to address the identified areas of concern.
Progress in the learning programme, children’s health and safety. Internal evaluation and non-compliance have been addressed.
How well are children's safety and well-being as learners nurtures?
Children’s safety, wellbeing and learning is a priority in the kōhanga reo.
Children enjoy their learning activities. Kaimahi provide children with opportunities to make choices and initiate learning activities using available resources. Activities are organised to enable children to explore, solve problems and learn from their experiences. Children work co-operatively with others. They are engaged and focussed on learning. Kaimahi organise the daily programme for children to have periods of happiness and calm. Children are familiar with daily routines. They understand expected behaviours throughout the learning programme. Children are confident, independent learners.
Children are well supported to develop their knowledge of te reo Māori. Children learn through structured and formal learning activities. Older children are able to recite their pepeha, karakia and mihimihi. Younger children show their understanding by doing the appropriate actions to waiata. Language activities provide children with accurate and appropriate language patterns. Kaimahi prompt children to complete phrases for a variety of language activities. Children are developing as confident speakers of te reo Māori.
Health and safety policies and procedures are in place. The kōhanga reo is staffed to meet regulatory ratio criteria to ensure children are well supervised. Regulatory monitoring systems are followed for:
Whānau are committed to the health, safety and well-being of their children. Children are in a safe learning environment.
Some policy reviews have been carried out. Planning and assessment processes are in place. Planning is comprehensive and guides the learning programme. Kaimahi meet regularly to plan and discuss the learning programme. Whānau are encouraged to participate and contribute to the learning programme. Children’s learning is monitored and regularly reported.
A strategic plan is in place. Internal evaluation information was used to support the development of the whānau strategic plan. The Te Ara Tūāpae framework guides whānau to identify key goals and priorities. Whānau long term priorities are realistic, relevant and consider the long term sustainability of the kōhanga reo. An action plan is in place to identify people, resources and timeframes to monitor and track the progress in order to meet whānau priorities. Children are at the heart of future planning.
Although programme planning has improved, programme evaluation is still an area for development. Kaimahi meet and discuss changes to the learning programme, however these are not recorded. Programme evaluation information will ensure children’s interests, strengths and learning needs are clearly identified.
The last review identified a number of areas of non-compliance. These are no longer areas of concern. The kaiwhakahaere is familiar with all licensing regulations and criteria. The whanau have utilised the resources of the District Kaupapa Kaimahi to support them in improving operations within the kōhanga reo.
ERO and the kōhanga reo whānau developed the following recommendations:
Te Kōhanga Reo o Ōtūpango is next to Te Kura Kaupapa Māori o Te Matai in Te Puke. Children’s safety, wellbeing and learning is a priority in the kōhanga reo. The whānau have worked to improve the learning programme and overall management of the kōhanga reo. Issues regarding children’s health and safety are no longer a concern.
The next ERO review of Te Kōhanga Reo o Ōtūpango will be in three years.
Lynda Pura-Watson
Deputy Chief Review Officer Māori
15 August 2016
| Location | Te Puke | ||
| Ministry of Education profile number | 44004 | ||
| Kōhanga Reo Identification Number | 05E032 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 25 children, including up to 10 aged under 2 | ||
| Kōhanga Reo roll | 18 children, including up to 3 aged under 2 | ||
| Gender composition | Girls 5 Boys 13 | ||
| Ethnic composition | Māori | 100% | |
| Review team on site | 23 May 2016 | ||
| Date of this report | 15 August 2016 | ||
| Most recent ERO report(s) | Education Review Education Review Education Review | May 2015 November 2012 May 2009 | |