25 Taiaho Place, Mt Maunganui, Tauranga
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Kōhanga Reo o Whareroa ki te marae o Whareroa, ki te taha o te whanga i Maunganui. Nō Ngāi Tūkairangi rāua ko Ngāti Kuku ngā whānau, nō te iwi o Ngāi Te Rangi. E whakatairanga ana te kaiako matua i te kaupapa o te kōhanga reo mō te whānau me ngā kaimahi.
Ka kōkiri ngā mokopuna i a rātou anō hei ākonga e whakawhanake ana i te ngākau titikaha ki te whakapuaki i tō rātou tuakiri me tō rātou whai i te aronga toi whenuatanga.
E whiwhi ana ngā mokopuna i tētahi taiao e mau nei i te hōhonutanga o ngā whai wāhitanga ki te toro atu ki ngā akoranga o te ao Māori. Ka whakamahi ngā kaimahi i te tangongitanga o ngā rautaki e whakawhānui ana i te whakawhanaketanga reo Māori o ngā mokopuna. Ko ngā waiata, ngā pātai whānui, me ngā nekehanga e whai pānga matua ana ki te whakatupu ake i ngā mokopuna kia kōrero Māori. Ko te aronga ki te whakamahi i ngā tūmomo waiata, me ngā mahi ā-ringa, ngā tūmomo manawataki hoki, e hāpai katoa ana i te māramatanga me te whakawhanaketanga ā-tinana o ngā mokopuna. Ka akiaki ngā kaimahi i ngā pēpi me ngā tēina ki te tohu ā-ringa, ā-kanohi, ā-oro hoki i tō rātou māramatanga. E whakamanahia ana, e arohaina ana ngā mokopuna. Ka kitea te pārekareka o ngā tuākana i a rātou e taunekeneke ana ki ngā tēina, ā, ka tākaro tahi, ka ako tahi rātou. Kua āta whakaritea ngā mahinga i te whāriki kia haumaru, kia mauritau hoki te wāhi ako e whakaratohia ana mō ngā mokopuna. Ka āta whakatau ngā kaimahi kia ngāwari te whakawhiti atu a ngā mokopuna i ngā wāhanga ōkawa o te hōtaka - pērā i ngā karakia, ngā waiata me ngā mihimihi – ki ētahi atu o ngā taumahi ako. Ka whakapuaki rātou i ngā pepeha ki te hōtaka akoranga, hei whakapūmau i te tuakiri o ngā mokopuna me ā rātou taonga tuku iho. He ngākau titikaha ō ngā mokopuna ki te whakapuaki i a rātou anō mā te reo Māori me ngā tikanga Māori.
He aronga ngātahi tā ngā tukanga e pā ana ki te whakamahere me te aromatawai, ā, ka aro nui ki ngā matea o ngā mokopuna. Ka ārahi, ka tautoko hoki tō rātou kuia i ngā kaimahi, i roto i ā rātou mahi. Ka whai wāhi atu ngā whānau ki ngā akoranga ki te taha tonu o ngā mokopuna, ā, ka whakapuaki hoki rātou i ō rātou pūkenga hei whakatairanga i te hōtaka akoranga me te whakatutuki i ō rātou nā wawata. Kei te rātaka o ia rā te tangongitanga o ngā taumahi hei whakawhanake i te tupu torowhānui o ngā mokopuna. Ka aroturuki, ka whakapuaki hoki ngā kaimahi i te ako me te ahu whakamua a ngā mokopuna ki te taha o ngā whānau, mā ngā hui, mā ngā pae ā-ipurangi, me ngā pūkete a ia tamaiti. Ka whakanui ngā kōnae i te tuakiri me ngā whakapapa o ia mokopuna, tae atu hoki ki ā rātou whakatutukitanga. E noho ngākau nui ana ngā kaimahi ki te haere tonutanga o te whakawhanaketanga ngaio me ngā taumahi ā-rōpū hei whakatupu i ō rātou tūranga. Ka poipoia te tuakiri me te aronga toi whenuatanga o ngā mokopuna ki ngā tukanga whakamahere, tukanga aromatawai hoki e whai pūtake ana.
Ko te whakawhirinakitanga, te tautoko, me te whakaute o ngā hononga e paihere ana i te haumaru me te hihiri o te taiao mō te whānau whakahaere. Ka ahu mai ngā whakataunga ngātahi i ngā hui o ia marama me ngā pūrongo, ā, ka arahina e ētahi o te whānau i whakatūngia ai ki ngā tūranga komiti. Ka hāngai ngā pūrongo auau ki te arotakenga o ngā kaupapa here, ki ngā pūtea, ki ngā tūranga kaimahi, me te hōtaka akoranga. Ka āta whakatau te whānau i te hāngaitanga o ngā kaupapa here matua me ngā tukanga matua o te hauora me te haumaru ki te wā, ā, ka āta ārahi i ngā whakaritenga haumaru. He pakari te pūnaha arohaehae, ā, ka whai wāhi ki te whakawhanaketanga o ngā kaimahi, ka whakamōhio hoki i te whakawhanaketanga ngaio e whakatairanga ai i ā rātou mahi. Kei te haumaru, kei te whai oranga hoki ngā mokopuna – ā-tinana, ā-whatumanawa hoki – ki tētahi taiao whakakotahi.
Me whakapakari i te aromātai hōtaka. I tēnei wā, ka whakaaro huritao, ka whakawhiti kōrero hoki ngā kaimahi i ia te wā mō te hōtaka akoranga, hei whakapai ake i ngā tūāhuatanga ako me ngā putanga e whai hua ana ki ngā mokopuna, heoi, kāhore he meneti e tohu ana i aua whakawhitinga kōrero. Kua tae ki te wā kia tuhi ngā kaimahi i ngā tūāhuatanga angitu, i ērā anō hoki kīhai i whai hua, me ngā tūāhuatanga e tika ana kia whāia tonuhia hei whakatairanga ake i te kounga o ngā akoranga mā ngā mokopuna. Ka pai ake te ako a ngā mokopuna mā te whakahāngaitanga ake o ngā aronga ki te aromātai i te hōtaka.
Me whakapakari i te whakamahere rautaki. Ahakoa kei te mārama ki te whānau tā rātou aronga rautaki, kāhore he mahere mahi hei aroturuki i te ahu whakamua ki te whakatutuki i ā rātou whāinga me ō rātou wawata. Kāhore e māramahia ana kei a wai ngā kawenga mahi mō ngā mahi rautaki matua, tae atu ki ngā rārangi wā mō aua mahi, me ngā rauemi hoki e tika ana kia tutuki aua whāinga. Ka whai hua ngā mokopuna i te wā e whakatutukihia ana ngā wawata o te whānau.
Me riterite ake te aronga ki ngā tukanga e pā ana ki ngā hōneatanga ohotata me ngā aukatinga. I tēnei wā, kei te tū tāmutumutu ngā akoako mō ngā hōneatanga ohotata me ngā aukatinga, ā, kāhore e tuhia ana. Me auau te whakamahere, te whakariterite, me te arotakenga o ngā akoako matua o ngā hōneatanga ohotata me ngā aukatinga. Kei te whakamōrearea pea i te haumarutanga o ngā mokopuna ina pupū ake ai tētahi hōneatanga ohotata, tētahi aukatinga rānei.
Ko tētahi tūāhuatanga hei whakatairanga ake, ko te māramatanga o te whānau ki te Children's Act 2014, me te kiko o te kaupapa here me ngā tukanga e pā ana ki te ārai tamariki. Me whakangungu ake te whānau me ngā kaimahi, hei whakapakari tonu i tō rātou mōhiotanga ki te whai pānga o te Children's Act 2014 ki ō rātou tūranga. Ka whai hua ngā mokopuna i te wā e aro nuitia ana tō rātou hauora me tō rātou waiora.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
E whakatau tahi ana Te Tari Arotake Mātauranga me te whānau o te kōhanga reo, kia whakatutukihia ngā whakaritenga matua i whakaraupapahia ai ki tēnei pūrongo, mā te ārahitanga o te tari ā-rohe o Te Poari Matua o Ngā Kōhanga Reo.
Tiwana Hibbs
Toka ā Nuku
Te Uepū-a-Motu – Māori Services
17 Kohitātea, 2025
| Te tūwāhi | Kei te hapori o Maunganui |
| Te tau a te Tāhuhu o te Mātauranga | 42001 |
| Te tau tohu o Te Kōhanga Reo | 14A012 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 20 ngā tamariki, kia tekau ki raro i te rua o ngā tau |
| Te tokomaha kei runga i te rārangi ingoa | 15 ngā tamariki, kotahi kei raro i te rua o ngā tau |
| Ngā hononga ā-iwi | Māori 16 |
| Te wā i te kōhanga reo te rōpū arotake | Mahuru 2024 |
| Te wā o tēnei pūrongo | 17 Kohitātea, 2025 |
| Ngā pūrongo o mua a Te Tari Arotake Mātauranga | Arotake Mātauranga, Whiringa-ā-nuku 2021; Arotake Mātauranga, Hakihea 2017; Arotake Tāpiri, Whiringa-ā-nuku 2016 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Te Kōhanga Reo o Whareroa is located on Whareroa Marae in the harbour at Mount Maunganui. Whānau identify as Ngāi Tukairangi and Ngāti Kuku of Ngāi Te Rangi iwi. The kaiako matua is promotes the kaupapa of the kōhanga reo for whānau and kaimahi.
Mokopuna are independent learners that are developing confidence to express who they are and how they belong.
Mokopuna experience an environment rich with opportunities to engage in te ao Māori learning. Kaimahi employ a range of strategies to extend mokopuna te reo Māori development. Waiata, open ended questions, and movement are integral to preparing mokopuna as speakers of te reo Māori. An emphasis on the use of different waiata, accompanying actions and varied waiata tempo further supports mokopuna comprehension and physical development. Kaimahi encourage pēpi and tēina to use hand actions, facial expressions, and sounds, to demonstrate their understanding. Mokopuna are valued and loved. The tuākana demonstrate enjoyment as they interact with tēina, playing and learning alongside each other. A well-established whāriki routine provides a safe, secure learning space for mokopuna. Kaimahi ensure that mokopuna transition smoothly from formal aspects of the programme such as karakia, waiata and mihimihi to other activities of learning. They use pepeha in the learning programme to reinforce mokopuna identity and heritage. Mokopuna are confident expressing themselves in te reo and tikanga Māori.
Planning and assessment processes are collaborative and responsive to mokopuna needs. Their kuia guides and supports kaimahi in their roles. Whānau engage in learning alongside mokopuna and they share their skills to enhance the learning programme and fulfil shared aspirations. The rātaka o te ra contains a range of activities to develop the holistic growth of mokopuna. Kaimahi monitor and share mokopuna learning and progress with whānau through hui, online platforms and individual portfolios. Kōnae celebrate mokopuna identities, whakapapa and achievements. Kaimahi are committed to ongoing professional development and team-building activities to grow in their roles. Mokopuna identity and belonging is fostered through purposeful planning and assessment processes.
Trusting, supportive and respectful relationships create a safe and engaging environment for whānau whakahaere. Collective decision making is based on monthly hui, reporting and is led by selected whānau in allocated kōmiti roles. Regular reporting includes policy review, finances, staffing, and the learning programme. Whānau ensure that core health and safety policies and procedures are up to date and provide clear guidance for safe practices. A robust appraisal system contributes to kaimahi development and informs professional development to enhance their practice. Mokopuna are physically and emotionally safe and healthy in an inclusive environment.
Programme evaluation requires strengthening. Currently kaimahi regularly reflect upon and discuss the learning programme to improve learning conditions and positive outcomes for mokopuna, however, there are no minutes of these discussions. It is time for kaimahi to document what the successes are, what did not work and what needs to happen to raise the quality of learning for mokopuna. Mokopuna learning is improved by focused approaches to programme evaluation.
Strategic planning requires strengthening. While whānau are clear about their strategic direction, there is no action plan to monitor progress towards reaching their goals and aspirations. It is unclear who has specific responsibility for key strategic tasks, what the timeframes are and what resources are needed to meet these goals. Mokopuna benefit when whānau aspirations are met.
Emergency evacuation and lockdown procedures require a consistent approach. Currently, drills for emergency evacuation and lockdown are irregular and drills are not recorded. Regular planning, practice and review of important emergency evacuation and lockdown drills is needed. Mokopuna safety in the event of an emergency evacuation and lockdown drill may be compromised.
Whānau understanding of the Children’s Act 2014, child protection policy content and related procedure needs enhancing. Further training is needed for whānau and kaimahi to build further awareness of the implications of the Children’s Act 2014 in their roles. Mokopuna benefit when their health and wellbeing is prioritised.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO and the kōhanga reo whānau agree that the key next steps outlined in this report be addressed with the guidance of the Kōhanga Reo National Trust local tari.
Tiwana Hibbs
Toka-ā-Nuku
Te Uepū ā-Motu – Māori Review Services
17 January 2025
| Location | Hamilton |
| Ministry of Education profile number | 42001 |
| Kōhanga Reo Identification Number | 14A012 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 20 children, including up to 10 aged under 2 |
| Service roll | 15 children, including up to 1 aged under 2 |
| Ethnic composition | Māori 16 |
| Review team on site | September 2024 |
| Date of this report | 17 January 2025 |
| Most recent ERO report(s) | Education Review, October 2021; Education Review, December 2017; Supplementary, October 2016. |
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E tū ana Te Kōhanga Reo o Whareroa ki ngā papa o te marae o Whareroa, ki te takiwā o Maunganui. Haere ai te whānau me ngā mokopuna ki ngā hui katoa ka tū ki tō rātou marae, ā, ka tae atu hoki ki ngā huihuinga kaupapa Māori, huri noa i te rohe.
He ngākau titikaha ō ngā mokopuna ki te whakatinana i te whanaungatanga.
He pakari te whai wāhi atu a ngā mokopuna ki te hōtaka akoranga. Ka whakatau wawe rātou ki tā rātou mahinga, ā, ka whai i ngā tohutohu a ngā kaimahi. He mātātoa te whai wāhi atu a ngā kaimahi, te whānau, me ngā mokopuna ki ngā kaupapa katoa e tū ai ki te marae. Ka whakatauira ngā kaumātua i ngā tikanga me ngā kawa i ngā pōwhiri. E whanake ana ngā mokopuna i tō rātou māramatanga ki ngā tūranga me ā rātou kawenga mahi hei tangata whenua. E tino whai pūtake ana ngā hononga o ngā kaimahi ki ngā mokopuna. Ka whakatauira rātou i ngā uara o te aroha me te manaaki, kia rongo ai ngā mokopuna i te āhurutanga me te atawhai. Ka kitea ki ngā mokopuna tō rātou mauritau i roto i ō rātou hononga ki ētahi atu.
Kua whakaritea ngā mahere hōtaka, ā, e whakatakoto ana hoki i ngā rautaki whakaako me ngā taumahi whakawhanaketanga reo. Ka whai wāhi ki ngā taumahi ako, ko ngā huarahi e whai hua ai ki te āta kapo atu, te whakaongaonga hoki i ngā ngākau nuitanga o ngā mokopuna. Ko tētahi āhuatanga papai o te hōtaka, ko te whai wāhi atu a ngā mokopuna ki ngā kaupapa a te hapū me te iwi i te marae. Ka aro nui ngā mokopuna ki ngā akoranga e whai pūtake ana.
He pai te whakahaeretanga a te whānau i te kōhanga reo. E tāutu ana te tūtohinga i ngā tukanga, ā, ka whakaraupapa hoki i te aronga nahanaha me te huarahi e ārahi ai i te whānau. E whai kiko ana ngā meneti o ngā hui ā-whānau, ā, he mōhiohio hoki o roto. Kua whakatakotohia ngā kaupapa here me ngā tukanga e pā ana ki te hauora, te haumaru, me te whakahaeretanga o ngā kaimahi. E whai kiko ana ngā arohaehae e pā ana ki ngā kaimahi, ā, ka whakatutukihia mā te aro tonutanga i ngā wā katoa ki te whakatairanga ake.
E tāutu ana te mahere rautaki i ngā whāinga me ngā wawata o te whānau. He mea nui kia tuhi, kia aroturuki hoki te whānau i te ahu whakamua ki te whakatutuki haere i ō rātou wawata. Ka whai hua ngā mokopuna i te wā e whakaaro nuitia ana ō rātou matea mō meāke nei.
Kāhore anō te whānau kia whakawhanake i tētahi mahere ā-tau. Ahakoa kua whakatutukihia ētahi mahi whakahaere, kāhore he mahere ā-tau e aroturuki ai i ngā mahi whakahaere ki te tari me te kōhanga reo. Ka whai hua ngā mokopuna mā te aronga pū ki ngā mahi whakamahere.
Ka taea ngā akoranga a ngā mokopuna te whakatairanga tonu mā te whakapakari ake i ngā hononga ki waenga i ngā mahere, te aromatawai, me te aromātai. Ahakoa ngā tauira o ngā whakaritenga papai, tērā ētahi mahi tonu ki te whakawhānui ake i ngā whakaritenga a ngā kaimahi i roto i te whakamahere me te aromatawai. Me whakapakari ake i te aromātai hōtaka. Kua tae ki te wā kia aro nahanaha ngā kaimahi, hei whakatairanga ake i te kounga o te hōtaka akoranga.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
Hei whakatutuki i ngā herenga ā-ture, me tahuri te whānau ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Darcy Te Hau
Toka-ā-Nuku
Te Uepū ā-Motu – Māori Review Services
18 Whiringa ā-nuku, 2021
| Te tūwāhi | Kei Maunganui |
| Te tau a te Tāhuhu o te Mātauranga | 42001 |
| Te tau tohu o Te Kōhanga Reo | K14A012 |
| Te tūmomo whare | He kōhanga reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 20, kia tekau ki raro i te rua o ngā tau |
| Te tokomaha kei runga i te rārangi ingoa | 15, tokorima kei raro i te rua o ngā tau |
| Ngā hononga ā-iwi | Māori 15 |
| Te wā i te kōhanga reo te rōpū arotake | Pipiri 2021 |
| Te wā o tēnei pūrongo | 18 Whiringa-ā-Nuku 2021 |
| Ngā pūrongo o mua a Te Tari Arotake Mātauranga | Arotake Tāpiri, Hakihea 2017; Arotake Tāpiri, Mahuru 2016; Arotake Tāpiri, Paenga-whāwhā 2014 |
The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.
Te Kōhanga Reo o Whareroa is located on the grounds of Te Marae o Whareroa in Mount Maunganui. Whānau and mokopuna attend all hui held at their marae and the other kaupapa Māori events in the rohe.
Mokopuna confidently demonstrate whanaungatanga.
Mokopuna engage confidently in the learning programme. They settle quickly into their routine and respond positively to kaimahi instructions. Kaimahi, whānau and mokopuna are active participants in all events held at the marae. Kaumatua model tikanga and kawa during pōwhiri. Mokopuna are developing their understanding of roles and responsibilities as tangata whenua. Kaimahi have formed meaningful relationships with mokopuna. They model values of aroha and manaaki so mokopuna feel secure and cared for. Mokopuna show they are comfortable in their relationships with others.
Programme planning is in place and includes teaching strategies and language development activities. Learning activities consider how best to engage and stimulate mokopuna interest. A feature of the programme is the participation in hapū and iwi events at the marae. Mokopuna respond well to learning that is meaningful.
Whānau manage the kōhanga reo well. The tūtohinga sets direction and provides guidance for whānau management of the kōhanga. Whanau hui minutes are detailed and informative. Health, safety and personnel management policies and procedures are in place. Kaimahi appraisals are detailed and completed with an ongoing focus on improving teacher capability.
Strategic plan identifies goals and aspirations of the whānau. It’s important that the whānau document and monitor progress in relation to their aspirations. Mokopuna benefit when their future needs are considered.
Whānau have yet to develop an annual plan. Whilst some operational tasks are achieved, there is no annual plan to monitor administrative and operational tasks. Mokopuna benefit from a focused approach to planning.
Mokopuna learning can be further enhanced through stronger links between planning, assessment, and evaluation. While there are good examples of good practice, work is needed to broaden kaimahi practice in planning and assessment. Programme evaluation requires strengthening. It’s time for kaimahi to take a planned approach in order to raise the quality of the learning programme.
During the evaluation, ERO looked at systems for managing the following areas:
To meet compliance requirements, the whānau must:
ERO and the kōhanga reo whānau developed the following recommendation:
Darcy Te Hau
Toka-ā-Nuku – Director
Te Uepū ā-Motu – Māori Review Services
18 October 2021
| Location | Maunganui |
| Ministry of Education profile number | 42001 |
| Kōhanga Reo Identification Number | 14A012 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 20 children, including up to 10 aged under 2 |
| Kōhanga Reo roll | 15 children, including up to 5 aged under 2 |
| Ethnic composition | Māori 15 |
| Review team on site | June 2021 |
| Date of this report | 18 October 2021 |
| Most recent ERO report(s) | Supplementary Review, December 2017; Supplementary Review, September 2016; Supplementary Review, April 2014 |
Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.
E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.
Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:
E tū ana Te Kōhanga Reo o Whareroa ki ngā papa i te marae o Whareroa, ki Mauao. Kua roa nei ngā pūrongo o mua a Te Tari Arotake Mātauranga mō tēnei kōhanga reo e tohu ana i ngā āwangawanga, ā, he arotake tāpiri ngā arotake e toru i mua atu i tēnei. I tāutuhia ki te pūrongo a Te Tari Arotake Mātauranga i te tau 2016, te haere tonutanga o ngā take i hāngai ai ki te hōtaka akoranga, te whakahaeretanga o te whānau, me te hauora, te haumaru hoki. Kua ū tonu te Poari Matua o Ngā Kōhanga Reo ki te tautoko me te hāpai i te kōhanga reo, hei kōkiri whakamua i ngā whakapaitanga. He nui te ahu whakamua a te whānau ki te whakatutuki i ngā whakaritenga matua me ngā take herenga ā-ture i tāutuhia ai ki te pūrongo o mua a Te Tari Arotake Mātauranga.
E whai wāhi nui ana ngā tamariki ki ngā akoranga e poipoi ana i ō rātou ngākau nuitanga me ō rātou matea. He mātanga, he mātau hoki te kaiako hou ki te kaupapa o te kōhanga reo, me ngā ariā, ngā whakaritenga anō hoki e pā ana ki te mātauranga kōhungahunga. Mā te tautoko anō hoki o ngā kaimahi kua roa nei e noho ana ki te kōhanga reo, kua whakapūmautia e te kaiako ngā mahinga me ngā tūmanako, kia waia haere ai, kia tau ai anō hoki ngā tamariki ki te hōtaka o ia rā. Ka whakarato ngā kaimahi i te whānuitanga o ngā tūmomo taumahi ako, hei akiaki i ngā tamariki ki te ako mā te tākaro, me te taunekeneke i ia te wā ki ō rātou hoa. E tino tautokona ana te ako a ngā tamariki i te reo Māori. E āhei ana ngā tamariki ki te tīpako mai i te whānuitanga o ngā tūmomo taumahi, i runga i te āhua o ō rātou ngākau nuitanga. He harikoa te āhua o ngā tamariki ki te ako.
Hui ai ngā kaimahi i ia te wā, ki te whakamahere, te aroturuki, me te aromātai i ngā putanga ako, me te ahu whakamua o ngā tamariki. Ka whakamahia ngā tuhinga o ā rātou whakawhitinga kōrero, ā rātou whakataunga hoki, hei tāutu i ngā huarahi ki te whakarato i te whānuitanga o ngā tūmomo wheako akoranga mō ngā tamariki. E ahu mai ana ngā mahere me ngā aromatawai i Te Whāriki. E tāutu ana ngā mahi aromatawai i te tautoko tonu hei whakarato i roto i ngā akoranga a ngā tamariki. Kei te pūkete a ia tamaiti ngā whakaahua o ngā tamariki, me ngā kōrerorero anō hoki e whakamārama ana i tēnā e ākona ana e rātou. E aroturukitia ana, e hāpaitia ana hoki te ako a ngā tamariki.
Kua pai ake ngā mahi a te whānau ki te whakahaere i te kōhanga reo. Mai i te tau 2016 ki te tau 2017, i whakaritea te tautoko o waho hei whakatutuki i ngā take i tāutuhia ai ki te pūrongo o mua a Te Tari Arotake Mātauranga. Kua whakaritea ngā tukanga arohaehae, hei hāpai i ngā kaimahi, ā, hei tāutu hoki i ō rātou matea ako ngaio. Kua whakawhanakehia e te whānau tētahi mahere rautaki hukihuki. E tāutu ana taua mahere i ngā kaupapa matua me ngā mahi ā te whānau me ngā kaimahi ki te whakatutuki i ngā whāinga o te paetawhiti. Kua whai wāhi te arotake o roto ki ngā whakapaitanga i roto i te hauora me te haumaru, te whakahaeretanga o ngā kaimahi, me te hōtaka akoranga. E whiwhi ana ngā tamariki i ngā hua e puta mai ana i te whakapaitanga ake o ngā whakaritenga a te whānau.
Kua whakatutukihia te nuinga o ngā take herenga ā-ture i tāutu ai i roto i te pūrongo o mua.
Kāhore anō kia whakatinana auautia ngā akoako hōneatanga e pā ana ki te ahi me te rū whenua. Kāhore ngā tamariki e mōhio ana ki ngā tukanga hōneatanga inā he ahi, he rū whenua rānei.
I tāutuhia e Te Tari Arotake Mātauranga ētahi wāhanga kāhore e tutuki ana e ai ki te ture. Kia tutukihia ai e te whānau o te kōhanga reo ā rātou herenga ā-ture, me tahuri rātou ki te:
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Ka whakahaere anō Te Tari Arotake Mātauranga i te aromātai whai muri o Te Kōhanga Reo o Whareroa i roto i te toru o ngā tau.
Lynda Pura-Watson
Kaiurungi Whakaturuki Arotake Māori
14 Hakihea, 2017
Te tūwāhi | Kei Mauao | ||
Te tau a te Tāhuhu o te Mātauranga | 42001 | ||
Te tau tohu o te kōhanga reo | 12A012 | ||
Te tūmomo raihana | Te Kōhanga Reo | ||
Kua raihanatia ki te ture | Ngā Ture Mātauranga (Ratonga Kōhungahunga) 2008 | ||
Te tokomaha mō te raihana | 20 ngā tamariki, kia tokorima ki raro i te rua o ngā tau | ||
Te tokomaha kei te rārangi ingoa | 14 ngā tamariki, tokowhā kei raro i te rua o ngā tau | ||
Te ira tangata | Kōtiro 8 Tama 6 | ||
Ngā hononga ā-iwi | Māori | 100% | |
Te wā i te kōhanga reo te rōpū arotake | 1 Whiringa-ā-rangi 2017 | ||
Te wā o tēnei pūrongo | 14 Hakihea, 2017 | ||
Ngā pūrongo o mua a Te Tari Arotake Mātauranga | Arotake Tāpiri Arotake Tāpiri | Mahuru 2016 Paenga-whāwhā 2014 | |
A supplementary evaluation is undertaken at the discretion of the Chief Review Officer of the Education Review Office (ERO).
ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.
This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation area to investigate:
Te Kōhanga Reo o Whareroa is located on the grounds of Te Marae o Whareroa in Mount Maunganui. The kōhanga reo has had a poor reporting history with ERO including the three consecutive supplementary reviews. The 2016 ERO report identified ongoing issues with the learning programme whānau management, and health and safety. Te Kōhanga Reo National Trust (TKRNT) has continued to support and mentor the kōhanga reo to progress improvement. Significant progress has been made by the whānau to address the key next steps and non compliance matters identified in the previous ERO report.
Children enjoy learning that caters for their interests and needs. The new kaiako is experienced and knowledgeable in the kaupapa of kōhanga reo as well as early learning theories and practice. With support from established kaimahi, the kaiako has reinforced routines and expectations to help familiarise and settle children into the daily programme. Kaimahi provide a range of learning activities so that children are encouraged to learn through play, and interact regularly with their peers. Children are well supported to learn te reo Māori. Children are able to choose from a variety of activities according to their interests. Children appear to be happy learners.
Kaimahi meet regularly to plan, monitor and evaluate the learning outcomes and progress of the children. Records of their discussions and decisions are used to identify how to provide a variety of learning experiences for children. Planning and assessment is based on Te Whāriki. Assessment practices identify further support that is required for children’s learning. Individual portfolios include photos of children with comments about what they are learning. Children’s learning is monitored and supported.
Whānau management practices have improved. External support was put in place from 2016 to 2017 to address the issues identified in the previous ERO report. Appraisal processes are in place to support kaimahi and to identify their professional learning needs. The whānau has developed a draft strategic plan. This plan identifies the priorities and actions for whānau and kaimahi to achieve longer term goals. Internal review has informed improvements to health and safety, personnel management and the learning programme. Children benefit from improved whānau practices.
Most matters of non-compliance identified in the previous report have been addressed.
Fire and earthquake drills have not been implemented regularly. Children are not familiar with evacuation procedures in the event of a fire or earthquake.
ERO identified areas of non-compliance. In order for the kōhanga reo whānau to meet compliance requirements they need to:
[R46 Education (Early Childhood Services) Regulations 2008; HS12 Licensing Criteria for Kōhanga Reo affiliated with Te Kōhanga Reo National Trust 2008]
ERO and the kōhanga reo whānau developed the following recommendations:
The next ERO evaluation of Te Kōhanga Reo o Whareroa will be in three years.
Lynda Pura-Watson
Deputy Chief Review Officer Māori
14 December 2017
| Location | Mount Maunganui | ||
| Ministry of Education profile number | 42001 | ||
| Kōhanga Reo Identification Number | 12A012 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 20 children, including up to 5 aged under 2 | ||
| Kōhanga Reo roll | 14 children, including up to 4 aged under 2 | ||
| Gender composition | Girls 8 Boys 6 | ||
| Ethnic composition | Māori | 100% | |
| Review team on site | 1 November 2017 | ||
| Date of this report | 14 December 2017 | ||
| Most recent ERO report(s) | Supplementary Review Supplementary Review | September 2016 April 2014 | |