Te Kōhanga Reo o He Maungarongo

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū ana Te Kōhanga Reo o He Maungārongo ki Murupara. E tatari ana te whānau kia waitohungia tō rātou āheinga ki te whakamahi i tētahi atu whare hou, me te whakarahi ake i te tini ki te kōhanga reo, mā te whakauru mai i ngā whānau i te rārangi tatari. He mea nui ki te whānau te whakakotahi ki waho atu i te kōhanga reo, me te whai wāhi atu ki ngā kaupapa o Murupara.  

3 Te Aronga o te Aromātai

He pēhea rawa te whakaatu mai o ngā uri i tō rātou harikoa ki roto i ā rātou akoranga?

Ka poipoi, ka whakatairanga te whānau i te taiao ako ngahau mō ngā uri.  

4 Ngā Whakaaturanga

Ka ārahi ngā kaimahi i ngā hononga poipoi e whai hua ana ki te taha o ngā uri, puta noa i te hōtaka o ia rā. Ka tau wawe ngā uri, ā, he pārekareka ki a rātou te tīmata i tō rātou rā mā ngā karakia me ngā hīmene. He whai wāhitanga mō rātou ki te ārahi i ētahi wāhanga o te hōtaka, tae atu hoki ki te karakia mō te kai. Ka ako ngā pēpi me ngā tēina nohinohi mā te mātakitaki me te whakarongo, ā, he tākare tā rātou urupare atu ki ngā tohutohu a ngā kaimahi. Ka whai atu ngā tuākana i ngā kaiako, ā, he tākare anō hoki tā rātou aro atu ki tā rātou whāngai kōrero.

Ka ako ngā uri ki tētahi taiao e aro mātua ana ki te reo Māori. Ka whakamahi ngā kaimahi i te tangongitanga o ngā tūmomo rautaki e hāpai ai i te whakawhanaketanga o te reo Māori, pērā i te tāruarua, te tohutohu, te patapatai, me te whāngai kupu. Ka whakatauira rātou i te whānuitanga o ngā mihi o te ata, tae atu hoki i ngā whakamāramatanga o ngā āhuatanga o te rā, hei whakawhānui i te whakawhanaketanga reo. Kei te whanake ngā uri ki te kōrero i te reo Māori.

Kua āta whakaritea ngā tikanga, ā, ka hāpai taua tūāhuatanga i te whai whakaaro nui o ngā uri ki ngā matea o ētahi atu. E ākina ana te atawhai o ngā tuākana i ō rātou tēina, ā, ka whakatauira rātou i ngā uara o te awhi, te aroha, me te manaaki. I ngā kaimahi e waiata ana i ngā waiata ā-ringa, ka whai atu ngā pēpi i ā rātou nekehanga. Ka taea e ngā tuākana te haka, me te kore whai wāhi mai o ngā kaimahi. Ka ngākau nui ngā uri ki ngā wheako ako e whakaratohia ana, ā, ka kitea mā te āhua tonu o tā rātou katakata, tā rātou pekepeke, me tā rātou pakipaki i a rātou e whakapuaki ana i tō rātou ihi me tō rātou wehi. Ka whakanuia ngā rā whānau, hei whakamana i ngā uri. Ka tākarokaro, ka hangareka hoki ngā kaimahi ki waenga i a rātou anō. Ka whai wāhi nui ngā uri ki tētahi hōtaka akoranga whakangahau i runga i te wairua pārekareka.

Kua whakaritea ngā mahere me ngā aromatawai a ngā kaimahi. Ka mahi ngātahi rātou, ā, ka toro atu ki ngā whakapuakitanga a te whānau me ngā putanga aromātai ki te whakawhanake i ngā kaupapa ako. Ka panoni i ngā kaupapa ako hei whakatutuki i ngā matea o ngā uri. E tika ana ngā putanga ako me ngā taumahi mō ngā reanga. Ka puritia ki ngā pūkete te ako me te ahu whakamua o ngā uri. He whakaahua o roto me ngā whakaaturanga kōrerorero. Ka whakamahia ngā mātai mokopuna hei kapo, hei whakapuaki hoki i te ahu whakamua a ngā uri. Ka whai wāhi te aromātai hōtaka hei āhuatanga tonu o te mahi whakamahere. Hui ai ngā kaimahi ki te whakawhiti kōrero mō te hōtaka, mō tēnā i ākona ai e ngā uri, ā, mō te whakatutukitanga o ngā putanga i takunetia ai. Ka whakatakoto ā-tuhi i ngā whakawhitinga kōrero, ā, ka whakamahia hei whakamōhio i ngā mahere mō meāke nei. Ka aro mātua rā ki te ngākau nuitanga o ngā uri ki te ako.

Ko ngā uri kei te pūtake o ngā mahi whakahaere me ngā whakataunga a te whānau. E tino mōhio ana te whānau ki ō rātou tūranga me ā rātou kawenga mahi, ā, ka hui rātou i ia te wā ki te whakawhiti kōrero mō ngā tūāhuatanga i te kōhanga reo. Kua whakaritea tētahi mahere ā-tau e tautuhi ana i ngā take whakahaere matua. Ko ngā kaupapa here, ngā tukanga, me ngā whakaritenga o te hauora me te haumaru, e hāngai katoa ana ki ngā herenga ā-ture o te wā, ā, ka whakatairanga i te waiora o ngā uri, ngā kaimahi, me te whānau. Tū ai te arotake whaiaro i ia te wā, ā, ka hāngai hoki ki tēnei wā tonu. Ka tino ngākau nui te whānau ki te āhua tonu o ngā mahi a ngā kaiako ki te tautoko i te ako a ngā uri i te reo Māori, ā, i tā rātou whakatinanatanga hoki i ngā tikanga, ā, e whakatutuki ana i ō rātou wawata me ō rātou tūmanako mō ngā uri. Kua āta whakaritea ngā mahi e pā ana ki te whakahaeretanga o ngā kaimahi, ā, ka arotahi ngā arohaehae ki te whakatairanga me te whakawhanake i te mōhiotanga o ngā kaimahi. E noho whakakipakipa ana ngā kaimahi ki te kawe atu tonu i te ako ngaio hei painga mō te whānau. Ka arotahi te whānau ki te whakapaitanga o ngā whakaritenga kaimahi, kia whai hua ake ai ngā putanga ki ngā uri.

Ngā Whakaritenga Matua ka whai ake 

Ahakoa he mahere rautaki a te whānau ki te hāpai i te ahunga whakamua me te rōnakitanga o kōhanga reo, ka whai hua hoki rātou mā te whakawhanake i tētahi mahere mahi e hāpai ai i te whakatinanatanga o ngā whāinga o te pae tawhiti. Ko te whakarite i tētahi mahere mahi, ka whai wāhi ki te hāpai i te aroturukitanga o te ahu whakamua, i te pūrongo atu ki te whānau, ā, i te whakanuitanga o ngā whakatutukitanga, i tā rātou ahu whakamua ngātahi. Ka whai hua ngā uri i te wā ka whakamahere te whānau mō te whakawhanake tonutanga o tō rātou kōhanga reo.  

5 Te Whakatau a te Whānau o te Kōhanga Reo ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki
• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

 I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• mahi te whānau ki te taha o te tari ā-rohe o Te Poari Matua o Ngā Kōhanga Reo ki te whakarite me te whakatinana i tētahi mahere mahi e hāpai ai i te aronga rautaki o tō rātou kōhanga reo.

Darcy Te Hau
Toka ā Nuku
Te Uepū-a-Motu – Māori Services

30 Pipiri, 2022

7 Ngā kōrero e pā ana ki te Kōhanga Reo

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for hapū and iwi.

2 Context

Te Kōhanga Reo o He Maungārongo is in Murupara. The whānau are awaiting sign off on the use of a new additional building that will allow them to increase the roll and accommodate whānau on a waiting list. Whānau value coming together beyond the kōhanga reo to be involved in the everyday life of Murupara.  

3 Evaluation Focus

How well do uri show they are happy in their learning? 

The whānau nurtures and promotes fun learning environment for uri.   

4 Findings

Kaimahi guide positive nurturing relationships with uri throughout the daily programme. Uri settle quickly and enjoy starting their day with karakia and himene. They have opportunities to lead parts of the programme including karakia kai. Pēpi and young teina absorb learning through watching and listening and they respond enthusiastically to the instructions of kaimahi. Tuākana follow the lead of kaiako and respond to their prompts eagerly.

Uri learn in an environment where te reo Māori is a priority. Kaimahi use a variety of strategies that support te reo Māori development such as repetition, instruction, questioning, and prompting. They model a range of morning greetings that include describing the āhuatanga of the day to extend language development. Uri are developing as speakers of te reo Maori.

Established tikanga supports uri to consider the needs of others. Tuākana are encouraged to care for their teina and model the values of awhi, aroha and manaaki. While kaimahi are singing waiata-ā-ringa, the pēpi follow their actions. Tuākana can perform without kaimahi support. Uri enjoy the learning experiences provided which is evident in the way laugh, jump and clap their hands as they express their ihi and wehi.  Birthdays are celebrated showing uri they are valued. Kaimahi are playful and joke with another. Uri experience a fun programme of learning in an enjoyable atmosphere.  

Kaimahi planning and assessment are in place. They work collaboratively using whānau contributions and evaluation outcomes to develop kaupapa ako. These are adapted to meet the needs of uri. Learning outcomes and activities are age appropriate. Profile books record the learning and progress of uri. They contain photos with anecdotal evidence. Mātai mokopuna is used to capture and share uri progress.  Programme evaluation is a natural part of planning. Kaimahi meet to discuss how the programme, what uri learnt and if the intended outcomes were met. Discussions are recorded and used to inform future planning. Uri enjoyment of learning is a priority.

Uri are at the centre of whānau whakahaere and decision-making. Whānau know their roles and responsibilities well and they meet regularly to discuss kōhanga reo business. An annual plan is in place that identifies key operational matters. Health and safety policies, procedures and practices align to current legislation and promote the wellbeing of uri, kaimahi and whānau. Self-review is regular and up to date. Whānau love the way kaiako support uri to learn te reo Māori and practice tikanga, as this fulfils their dreams and aspirations for uri. Personnel management practices are well established, with appraisals focused on enhancing and developing kaimahi knowledge. Kaimahi are motivated to undertake ongoing professional learning for the betterment of the whānau. Whānau focus on improvement of kaimahi practice for better outcomes for uri.

Key Next Steps

While the whānau have a strategic plan in place to support the future direction and sustainability of the kōhanga reo, they would benefit from developing an action plan to support the realisation of long-term goals. The establishment of an action plan will aid in monitoring progress, reporting to whānau, and celebrating the milestones as they journey together. Uri benefit when whānau plan for the ongoing development of their kōhanga reo.

5 Kōhanga Whānau Assurance on Legal Requirements

During the evaluation, ERO looked at systems for managing the following areas:

• emotional safety including positive guidance and child protection
• physical safety including supervision, sleep procedures, accidents, medication, excursion policy and procedures
• suitable staffing including appropriate qualifications, police vetting, ratios
• emergency procedures and practices for earthquakes, fire, flood, tsunami and pandemic.

6 Recommendation

ERO and the Kōhanga reo whānau developed the following recommendation:

• for the whānau to work alongside the District Tari to establish and implement an action plan that supports the strategic direction of their kōhanga reo.

Darcy Te Hau
Toka-ā-Nuku – Director
Te Uepū ā-Motu – Māori Review Services

30 June 2022

7 Information about the Kōhanga Reo

1 He Whakamārama

He Kupu Whakataki

Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.

E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.

Ngā Whakataunga mō ngā Whakapuakitanga

Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:

• te hōtaka akoranga me te whakawhanaketanga i te reo Māori
• te whakahaeretanga o te whānau
• ētahi atu take matua ka pupū ake pea i te wā o te arotake.

2 Te Horopaki

E tū ana Te Kōhanga Reo o He Maungārongo ki Murupara. I tata kati te kōhanga reo i te tīmatanga o te tau, nā te heke o ngā tatauranga tamariki ki te kōhanga reo, me te nui o ngā take i hāngai ai ki te taha pūtea me te whakahaeretanga. I whai wāhi tētahi kaihāpai SELO ki te whakatutuki i aua take i te tau 2016. Kua whakatūngia tētahi kaiako, ā, i whai wāhi nui ia kia pai ake ai ngā whakarerekētanga ki te kōhanga reo.

Whai muri i te pūrongo o mua a Te Tari Arotake Mātauranga i te tau 2014, he nui ngā whakapaitanga ki ngā wāhanga matua o ngā whakahaeretanga, arā te whakahaere i te pūtea, ā, ki te hōtaka akoranga me te wāhi ako. E whai wāhi ana te hapori me te tari ā-rohe o te Poari Matua o Ngā Kōhanga Reo ki te tautoko tonu i te kōhanga reo.

3 Ngā Whakaaturanga

Te hōtaka akoranga me te whakawhanaketanga i te reo Māori

E pakari haere ana ngā wheako akoranga o ngā tamariki. He mātanga ngā kaimahi hou, ā, e mōhio ana rātou ki ō rātou tūranga. Ka mahi ngātahi rātou ki te whakarite me te whakahaere i te hōtaka akoranga. Kua whakaritea e rātou ētahi mahinga, kia waia ai, kia tau ai hoki ngā tamariki ki ngā mahi o ia rā. E whakarato ana ngā kaimahi i te whānuitanga o ngā tūmomo taumahi ako hei akiaki i ngā tamariki ki te ako mā te tākaro me te taunekeneke anō hoki ki te taha o ō rātou hoa. He mā, he muramura, he ātaahua hoki te taiao akoranga i whakatakotohia ai mō ngā tamariki. He harikoa ngā tamariki hei ākonga.

Ka ngākau nui ngā tamariki ki te ako mā te reo Māori. E whakamahi ana ngā kaimahi i te whānuitanga o ngā tūmomo rautaki ka whakawhanake i te reo o ngā tamariki. He matatau ngā kaimahi ki te kōrero i te reo Māori, ā, ka whakatauira hoki rātou i ngā hanganga reo papai. Ka noho ngā kaimahi ki te taha o ngā tamariki ki te pātai me te whakamārama haere i tēnā e mahia ana e rātou. Ko ngā tikanga i te hōtaka akoranga, pērā i ngā karakia, ngā hīmene, ngā waiata, me ngā mihimihi, e hāpai ana i ngā tamariki ki te whakarongo ki ngā tauira reo me ngā tūmomo āheinga reo. Ahakoa ka kōrero ētahi o ngā pēpi i te reo Pākehā, ka whakautu kōrero ngā kaimahi mā te reo Māori i ngā wā katoa. Ka akiaki ngā kaimahi i ngā tamariki tēina ki te whakapuaki kōrero mā te reo ā-tinana, ā, e tohu ana tēnei i tō rātou māramatanga ki te reo Māori. E ako ana ngā tamariki i te reo Māori.

Te whakahaere a te whānau

Hui ai ngā kaimahi ia wā ki te whakamahere, te aroturuki, me te aromātai i ngā putanga ako me te ahu whakamua o ngā tamariki. Ka whakamahia ngā tuhinga o aua whakawhitinga kōrero me aua whakataunga hei tāutu i ngā huarahi ki te whakarato i ngā tini āhuatanga katoa i roto i ngā akoranga a ngā tamariki.

Kua whakatutukihia e te whānau ngā whakapaitanga nui, puta noa i ngā take whakahaere. I whai wāhi mai te tautoko o waho i te tau 2016, ki te whakatutuki i ngā take i tāutuhia ai ki te pūrongo a Te Tari Arotake Mātauranga i te tau 2014. Kua tū pakari te kaiako ki te ārahi i tā rātou whakatutuki haere i ngā wāhanga i āwangawangatia ai. Kua whakaritea ngā pūnaha katoa e pā ana ki te whakahaere i te tari. E hāngai ana ngā tuhinga ki te wā, ā, he pai te whakaritenga me te whakaputu. Kua tupu ake te rārangi ingoa ki te 15 tamariki, ā, tekau anō hoki ngā tamariki kei te rārangi tatari. He kaha ake i nāianei te ngākau titikaha me te whai wāhi mai o te whānau. Kua tautokohia te kōhanga reo e te Poari Matua o Ngā Kōhanga Reo, hei whakarite i ngā tukanga pūtea e whai hua ake ana. Tāpiri atu i te pūnaha pūtea hou, kua whakaratohia hoki ngā mahi whakangungu ki ngā mema o te whānau e tika ana. Nā te āta whakahaere i te penapena pūtea, nā te āta aroturuki hoki i ngā pūtea, e toitū ana te tūnga o te kōhanga reo i nāianei. E whai hua ana ngā tamariki nā ngā whakapaitanga ki ngā whakaritenga me ngā whakataunga e whakatutukihia ana e te whānau.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā:

• kia whakapakari tonuhia e te whānau ngā whakahaeretanga o te kōhanga reo, hei āta whakatau i te toitū o te kōhanga reo me ngā putanga whai hua mō ngā tamariki.

Hei ā hea Te Tari Arotake Mātauranga aromātai anō ai i te kōhanga reo?

Ka whakahaere anō Te Tari Arotake Mātauranga i te aromātai whai muri o Te Kōhanga Reo o He Maungārongoi roto i te toru o ngā tau.

Lynda Pura-Watson

Kaiurungi Whakaturuki Arotake Māori

18 Whiringa ā-nuku, 2017

Ngā kōrero e pā ana ki te kōhanga reo

1 Background

Introduction

A supplementary evaluation is undertaken at the discretion of the Chief Review Officer of the Education Review Office (ERO).

ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.

Terms of Reference

This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation area to investigate:

• the learning programme and te reo Māori development
• whānau whakahaere
• any other matters that may arise during the course of the review.

2 Context

Te Kōhanga Reo o He Maungārongo is in Murupara. The kōhanga reo was facing closure earlier in the year due to a declining roll, significant financial and management issues. A SELO support person has helped address these in 2016. A kaiako has been appointed who has contributed to positive change in the kōhanga reo.

Since the last ERO report 2014 there have been significant improvements in key areas of operations, financial management, the learning programme and environment. The community, the district office of the Te Kōhanga Reo National Trust (TKRNT) provide ongoing support.

3 Findings

The learning programme and te reo Māori development

Children’s learning experiences are improving. New kaimahi are experienced and knowledgeable in their roles. They work together to organise and manage the learning programme. They have established routines to help familiarise and settle children daily. Kaimahi provide a range of learning activities so that children are encouraged to learn through play and interact with their peers. A clean, bright and inviting learning environment has been created for children. Children appear to be happy learners.

Children enjoy learning in te reo Māori. Kaimahi use a range of strategies develop children’s language. They are fluent speakers of te reo Māori, who model good language structures. Kaimahi sit with children to ask and explain what they are doing. The formal learning programme of karakia, himene, waiata and mihimihi helps children to hear language patterns and language functions. Although some babies speak English, kaimahi respond in te reo Māori at all times. Kaimahi encourage younger children to share messages by using body language, which indicates their understanding of te reo Maori. Children are learners of te reo Māori.

Te whakahaere a te whānau

Kaimahi meet regularly to plan, monitor and evaluate the learning outcomes and progress of the children. Records of their discussions and decisions are used to identify how to provide variety for children’s learning.

Whānau have made significant improvement across operation matters. External support was in place in 2016 to address issues identified in the 2014, ERO report. The kaiako has provided sound leadership in working their way through areas of concern. All administration systems are in place. Documentation is current, well organised and filed. The roll has grown to 15 with a waiting list of 10. The confidence and participation of the whānau has increased. The kōhanga reo has had support from Te Kōhanga Reo National Trust to establish better financial accounting processes. In addition to the new financial system, training has been provided to appropriate whānau members. Cautious budget controls and monitoring have put the kōhanga in a sustainable position. Children benefit from improved whānau practices and decision making.

4 Recommendation

ERO and the kōhanga reo whānau developed the following recommendation:

• The whānau continue to strengthen kōhanga reo operations to ensure sustainability and positive outcomes for children.

When is ERO likely to evaluate the kōhanga reo again?

The next ERO evaluation of Te Kōhanga Reo o He Maungārongo will be in three years.

Lynda Pura-Watson

Deputy Chief Review Officer Māori

18 October 2017

Information about the Kōhanga Reo