2 Mawake Place, Turangi
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Kōhanga Reo o Māwake ki Tūrangi. Kei te mātātoa te whānau i roto i tō rātou purapura, ā, he tino hononga tō te kōhanga reo ki te kura. He tokomaha ngā mokopuna o Te Kōhanga Reo o Māwake ka whai tonu i te mātauranga mā te reo Māori.
He ngākau titikaha ō ngā mokopuna ki te whai wāhi atu ki ngā akoranga, ka whakatau takitahi i ā rātou ake whiringa, ā, ka kawe atu i ngā mahi ārahi puta noa i tō rātou huarahi ako.
E whakautea ana, e māramahia ana, e manaakitia ana ngā mokopuna ki tētahi taiao e whai ana i ngā tikanga, i whakahāngaitia hoki ki ngā kaupapa. Ka whakatakoto, ka whakatauira hoki ngā kaimahi i ngā tikanga i te kōhanga reo, tae atu ki te ārahi i ngā mokopuna i ngā wā e whakatau manuhiri ana. Ka whai wāhi atu ngā mokopuna ki te whakatau manuhiri, ā, ka kitea tō rātou māramatanga ki ngā tikanga me ngā kawa. Nō Ngāti Tūwharetoa ētahi o ngā karakia me ngā waiata e whakapuakihia ana ki ngā mahinga o ia rā. Kua āta tuituia aua tikanga ki te hōtaka akoranga. Ka whakamahere, ka whakamahi hoki ngā kaimahi i ngā waiata hei rauemi whakaako e whakatōpū ana i ngā akoranga a ngā mokopuna. E whakatairanga ana te hōtaka i te hononga o ngā mokopuna ki te ao Māori. E ākina ana te whakatau whiringa a ngā mokopuna i roto i ā rātou tākaro me ā rātou akoranga. Kua whakatakotohia te tangongitanga o ngā taumahi ki te taiao ako, ā, e wātea ana ngā mokopuna ki te whiriwhiri i tēnā ka whāia e rātou. E poipoi ana ngā kaimahi i te tū takitahi me te whakatau whakaritenga a ngā mokopuna. He pai te taunekeneke a ngā mokopuna ki waenga i a rātou anō, ki ngā kaimahi, ā, ki ngā manuhiri hoki. Ka kitea tō rātou waiora me tō rātou aronga toi whenuatanga i te kōhanga reo, ā, he ngākau titikaha ō rātou ki te whakawhanaunga. Ka poipoia ngā whai wāhitanga ki te ārahi, ā, ka mātakitaki ngā tēina i ō rātou tuākana e ārahi ana i ngā kaupapa i ngā wā whāriki o ia ata. Kei te mauritau, kei te pakari hoki ngā mokopuna ki tō rātou kōhanga reo.
Ko te aromātai o roto tētahi tūāhuatanga matua o ngā whakaritenga a ngā kaiako, e āta whakatau ai i te whakapai tonutanga o te hōtaka akoranga. Kei te matawhānui ngā mahere, he pai hoki te hanganga, ā, he mārama te aronga o roto mō te hōtaka akoranga me te whakawhanaketanga o ngā mokopuna. Ka āta whakatakotohia ngā kōnae, kei te kounga kairangi te āhua, ā, ka whakamahia ki ngā aromatawai, ka hono pū hoki ki ngā mahere, ki ngā whāinga ako o ngā reanga e tika ana, me ngā poutama whakawhanake. He māmā noa ki te whānau te whakapā atu ki aua kōnae e āta whakatau ai i tō rātou noho mōhio, tā rātou whai wāhi hoki ki te huarahi ako o ā rātou tamariki. I ngā hui kaimahi, ka aromatawai ngātahi ngā kaiako i te ahu whakamua, ka tautuhi i ngā tauārai, ā, ka tautuhi i ngā whakaritenga ka whai ake ki te whakatairanga tonu i ō rātou aronga whakaako. Ka hāngai pū tā rātou titiro ki te whakapakari i te hōtaka hei hāpai ake i te ako a ngā mokopuna. He pai te whakamahere, te aromatawai, me te aromātai i ngā whai wāhitanga ako o ngā mokopuna.
Kua whakaritea ngā pūnaha whakahaere me ngā tukanga whakahaere a te whānau. Ka āta whakatau ngā mahere rautaki i te tautuhinga o ngā wawata o te whānau mō ngā mokopuna, ā, ka āta whakarite te mahere ā-tau i te whakatutukitanga o ngā mahi whakahaere i te kōhanga reo me te tari. Whakawhārikihia ai i ia te wā ki ngā hui ā-whānau, ngā pūrongo e pā ana ki te whakahaeretanga o te kōhanga reo, ā, he tūāhuatanga tēnei e hāpai ana i te noho marama, i te whai mōhiohio hoki o ngā mahi whakatau a te katoa. Kua whakaritea te tautoko mō ngā kaimahi, hei whakapakari i te whakawhanaketanga ngaio o ngā kaimahi. E whakatutuki ana i te katoa o ngā herenga ā-ture, ā, e hāpai ana ēnei whakaritenga kāwana i te whakaratonga o tētahi taiao pakari e poipoi ana i te mokopuna kia puāwai.
E ai ki te whānau, ko tā rātou whakaritenga ka whai ake, ko te whakawhanake me te whakatinana i tētahi mahere ka hāpai tonu i te reo o te kāinga. E tautoko ana Te Tari Arotake Mātauranga i taua whakaritenga matua.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
E taunaki ana Te Tari Arotake Mātauranga kia rapu rautaki te whānau – mā te tautoko hoki o te tari ā-rohe o Te Poari Matua o Ngā Kōhanga Reo – ki te whakapakari i te reo Māori i ngā kāinga.
Tiwana Hibbs
Toka ā Nuku
Te Uepū ā-Motu – Māori Review Services
24 Pipiri, 2025
| Te tūwāhi | Kei Tūrangi |
| Te tau a te Tāhuhu o te Mātauranga | 40202 |
| Te tau tohu o Te Kōhanga Reo | 11-016 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 20 ngā tamariki, kia tokowaru ki raro i te rua o ngā tau |
| Te tokomaha kei runga i te rārangi ingoa | 15 ngā tamariki, tokotoru kei raro i te rua o ngā tau |
| Ngā hononga ā-iwi | Māori 15 |
| Te wā i te kōhanga reo te rōpū arotake | Paenga-whāwhā 2025 |
| Te wā o tēnei pūrongo | 24 Pipiri 2025 |
| Ngā pūrongo o mua a Te Tari Arotake Mātauranga | Mana Whakahaere me te Mana Mokopuna, Hui-tanguru 2022; Arotake Mātauranga, Here-turi-kōkā 2018; Arotake Mātauranga, Paenga-whāwhā 2016 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. The ERO reports provide important information for whānau, hapū and iwi.
Te Kōhanga Reo o Mawake is in Tūrangi. Whānau are active members of their purapura and the kōhanga reo have an established relationship with the kura. Many of the mokopuna at Te Kōhanga Reo o Mawake continue their education in te reo Māori education.
Mokopuna confidently engage in learning, make independent choices, and take on leadership roles throughout their learning journey.
Mokopuna are respected, understood and cared for in an environment that is guided by tikanga and aligned to kaupapa. Kaimahi establish and role model tikanga within kōhanga reo including guiding mokopuna through whakatau manuhiri. Mokopuna participate in welcoming manuhiri and demonstrate their understanding of tikanga and kawa. Daily routines include karakia and waiata, with some from Ngāti Tūwharetoa. These are seamlessly woven into the learning programme. Kaimahi plan for and use waiata as a teaching tool to consolidate mokopuna learning. The programme enhances mokopuna connection to te ao Māori. Mokopuna are encouraged to make choices about their play and learning. The learning environment is set up with various activities and mokopuna are free to choose where they want to spend their time. Kaimahi foster mokopuna independence and decision-making. Mokopuna interact positively with one another, their kaimahi and manuhiri. They demonstrate a strong sense of wellbeing and belonging within their kōhanga reo and confidently initiate relationships. Leadership opportunities are fostered and tēina observe their tuākana leading during the morning whāriki. Mokopuna are settled and secure in their kōhanga reo.
Internal evaluation is an integral part of kaiako practice, ensuring continuous improvement in the learning programme. Planning is thorough and well-structured, providing clear direction for both the learning programme and mokopuna development. High-quality, well-presented kōnae are used for assessment, linking directly to planning, age-appropriate learning goals, and developmental milestones. These kōnae are easily accessible to whānau, ensuring they remain informed and engaged in their children's learning journey. During kaimahi hui, kaiako collaboratively assess progress, identify barriers, and determine next steps to enhance their teaching approaches. Their focus remains on strengthening the programme to better support mokopuna learning. Mokopuna learning opportunities are well planned, assessed and evaluated.
Whānau whakahaere systems and processes are established. Strategic planning assures whānau aspirations for mokopuna are identified and an annual plan ensures managerial and operational tasks are met. Regular reporting across kōhanga reo operations is tabled at hui whānau, and provides transparency and informed, collective decision-making. Support for kaimahi has been planned for to strengthen kaimahi professional development. Meeting all legislative and statutory requirements, these governance measures provide a stable, nurturing environment where mokopuna thrive.
Whānau acknowledge that their next step is to develop and implement a plan to further support te reo o te kāinga. ERO agree with this key next step.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO recommend that the whānau with the support of Te Tari-a-Rohe, seek strategies to strengthen te reo Māori in the home.
Tiwana Hibbs
Toka ā Nuku - Director
Te Uepū ā-Motu – Māori Review Services
| Location | Tūrangi |
| Ministry of Education profile number | 40202 |
| Kōhanga Reo Identification Number | 11-016 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 20 children, including up to 8 aged under 2 |
| Service roll | 15 children, including up to 3 aged under 2 |
| Ethnic composition | Māori 15 |
| Review team on site | April 2025 |
| Date of this report | 24 June 2025 |
| Most recent ERO reports | Mana Whakahaere and Mana Mokopuna Reviews, February 2022; Education Review, August 2018; Education Review, April 2016. |
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Māwake ki Tūrangi. Kua mahi ngātahi te whānau ki te whakapakari ake i ētahi āhuatanga o ngā whakahaeretanga, whai muri i te aromātai Mana Whakahaere. Kua whakatakotohia tētahi mahere rautaki i nāianei, kua whakapai ake i ētahi wāhanga o te whare me ngā papa, ā, kua tīmatahia tētahi kaiako hou. Kua tīmata te whānau i tētahi arotakenga o ngā kaupapa here, ngā tukanga, me ngā whakaritenga e pā ana ki te hauora me te haumaru. He kaha te mahi tahi a ngā kaimahi ki te purapura o te hapori me te tari ā-rohe hoki o Te Poari Matua o Ngā Kōhanga Reo.
He pēhea rawa te whakapuaki mai o ngā mokopuna i tō rātou māramatanga ki te whanaungatanga?
He pai te whakapuakitanga o ngā mokopuna i tō rātou māramatanga ki te whanaungatanga, mā ngā taunekeneke whai hua ki ētahi atu.
Kei te harikoa te āhua o ngā mokopuna ki te taiao o te whānau e āta poipoi ana i te papai o ngā taunekeneke ki ētahi atu. E arahina ana ngā whakaritenga o ia rā ā ngā mokopuna me te whānau, e ngā tikanga Māori. Kei te pākiki, kei te aro nui hoki ngā mokopuna ki ngā kōrero a ngā kaimahi. Kei te ngāwari ngā kaimahi, ā, ka whakatinanahia e rātou ngā hononga whakaute e ahu mai ana i te aroha, te tiaki, me te manaaki. Kua whakatakotohia ngā mahinga, ā, kua waia ēnei ki ngā mokopuna. Rongo ai ngā mokopuna i te reo Māori e rere ana i ngā wā katoa, ā, ka ako i ētahi tino kīanga reo. Ka kitea tō rātou māramatanga ki te reo Māori mā ō rātou reo kōrero, ō rātou reo ā-tinana, me ā rātou nekehanga. Ka ngākau nui ngā mokopuna ki te waiata, te kanikani me te korikori ngātahi. He pārekareka ki ngā tuākana me ngā tēina ngā whai wāhitanga ki te ārahi. Ka whakapakari ngā kaimahi i ngā hononga o ngā mokopuna ki ētahi atu mā te whakatauira ki ngā mokopuna, me te whakamihi i a rātou mō ā rātou whakamātau. Kei te mauritau ngā mokopuna, ā, ka ngākau nui ki te noho tahi ki te taha o ō rātou hoa, me tō rātou whānau.
Ka kitea te whanaungatanga ki te tautoko e whakaratohia ana e te whānau mō te kaiako me ngā kaimahi nō nā noa nei i tīmata ai. Me whakapai ake i ngā mahere hōtaka. E mōhio ana te kaiako me ngā kaimahi, me whai tautoko rātou ki te whakapakari ake i tō rātou mōhiotanga ki ngā whakaritenga e whai hua ai i roto i te whakamahere, te aromatawai, me te aromātai, hei hāpai ake anō i ngā putanga ki ngā mokopuna.
E putaputa mai ana te aromātai o roto. Ahakoa te pai o te ārahitanga a te whānau puta noa i ngā tūranga matua, ahakoa e whakawhanake ana hoki rātou i ā rātou kawenga mahi, ka pakari anō ā rātou whakaritenga mā te whakatōpū i te aromātai o roto. He mea nui kia whanake tonu te whānau i ā rātou whakaritenga arotake, me te whakamahine i ā rātou tukanga. Ka whai wāhi tēnei ki te rahinga ake o ngā putanga ki ngā mokopuna.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
Hei whakatutuki i ngā herenga ā-ture, me tahuri rātou ki te:
āta whakarite i te whakatinanatanga o te marau o te kōhanga reo mā ngā mahere, ngā whakapuakitanga, me ngā aromātai e tohu ana i te māramatanga ki te ako a ngā tamariki, tae atu hoki ki ō rātou ngākau nuitanga, ō rātou whānau, me te āhua tonu o ō rātou nā ao.
[R43 Ture Mātauranga (Kōhungahunga) 2008; C2 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
E taunaki ana Te Tari Arotake Mātauranga me te whānau o te kōhanga reo, kia toro atu te whānau ki te tautoko o waho, ki te whakapakari ake i te hōtaka akoranga, me te whakatōpū tonu i ngā tukanga e pā ana ki te aromātai o roto.
Darcy Te Hau
Toka ā Nuku
Te Uepū-a-Motu – Māori Services
04 Haratua, 2022
|
Te tūwāhi |
Kei Tūrangi |
|
Te tau a te Tāhuhu o te Mātauranga |
40202 |
|
Te tau tohu o Te Kōhanga Reo |
11016 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
20, kia tokowaru ki raro i te rua o ngā tau |
|
Te tokomaha kei runga i te rārangi ingoa |
13, tokotoru kei raro i te rua o ngā tau |
|
Ngā hononga ā-iwi |
Māori 13 |
|
Te wā i te kōhanga reo te rōpū arotake |
Hui-tanguru 2022 |
|
Te wā o tēnei pūrongo |
4 Haratua 2022 |
|
Ngā pūrongo o mua a |
Arotake Mātauranga - Mana Whakahaere, Hui-tanguru 2022; Arotake Mātauranga, Here-turi-kōkā 2018; Arotake Mātauranga, Paenga-whāwhā 2016 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provides important information for hapū and iwi.
Te Kōhanga Reo o Māwake is located in Turangi. Whānau have worked together to strengthen aspects of operations since ERO’s Mana Whakahaere evaluation. A strategic plan is now in place, property improvements have been made and a new kaiako has started. The whānau have begun a review of health and safety policies, procedures and practices. Kaimahi work closely with the local purapura and the district office.
Mokopuna express their understanding of whanaungatanga well through positive interactions with others.
Mokopuna appear happy in a whānau environment that fosters positive interactions with others. Tikanga Māori guides daily practices for mokopuna and whānau. Mokopuna are curious and attentive to kōrero from kaimahi. Kaimahi are gentle and demonstrate respectful relationships based on aroha, tiaki and manaaki. Routines are in place and familiar to mokopuna. Mokopuna continuously hear te reo Māori around them and learn specific language phrases. Mokopuna enjoy singing, dancing and exercising together. Tuakana and teina enjoy opportunities to take a leadership role. Kaimahi strengthen mokopuna relationships with others through modelling and praising mokopuna for their efforts. Mokopuna are settled and enjoy the company of their peers and whānau.
Whanaungatanga is evident in the support provided by whānau to the newly appointed kaiako and kaimahi. Programme planning requires improvement. Kaiako and kaimahi acknowledge they need support to build their knowledge of effective planning, assessment and evaluation practices to further improve outcomes for mokopuna.
Internal evaluation is emerging. While whānau have good leadership across key roles and are developing their responsibilities, consolidating internal evaluation will strengthen their operations. It is important that whānau continue to develop their review practices and refine their processes. This can lead to increased outcomes for mokopuna.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
To meet compliance requirements, they must:
ensure Te Kōhanga Reo curriculum is informed by planning, implementation and evaluation that demonstrates an understanding of children’s learning, their interests, whānau and life contexts.
[Regulations 43 (Early Childhood Services) Regulations 2008; C2 Licensing Criteria for Kōhanga Reo affiliated with Te Kōhanga Reo National Trust 2008]
ERO and the kōhanga reo whānau recommends that whānau seek external support to strengthen the learning programme and continue to consolidate internal evaluation processes.
Darcy Te Hau
Toka-ā-Nuku – Director
Te Uepū ā-Motu – Māori Review Services
4 May 2022
|
Location |
Tūrangi |
|
Ministry of Education profile number |
40202 |
|
Kōhanga Reo Identification Number |
11-016 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
20 children, including up to 8 aged under 2 |
|
Kōhanga Reo roll |
13 children, including 3 aged under 2 |
|
Ethnic composition |
Māori 13 |
|
Review team on site |
February 2022 |
|
Date of this report |
4 May 2022 |
|
Most recent ERO report(s) |
Education Review - Mana Whakahaere, February 2022; Education Review, August 2018; Education Review, April 2016 |
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Māwake ki Tūrangi. Nō te marama o Whiringa-ā-rangi, nō te tau 1991 te kōhanga reo i whakatuwheratia ai. E toru kē ngā kōhanga reo o te hapori o taua wā, kua kī rawa ngā rārangi ingoa, ā, tē taea te poipoi te tokomaha o ngā whānau e hiahia ana ki te kōhanga reo. Kua āta hono atu te whānau ki te kura o te hapori nei. Ki tā rātou, kei te whakapakari anō rātou i ā rātou tukanga whakahaere.
Ko te māramatanga o ngā mokopuna ki te whanaungatanga, e hāpaitia ana e ngā kaimahi me te whānau.
Ka kitea te whanaungatanga ki te whānau, ā, he aronga ngātahi tō rātou ki ngā mahi whakahaere hei whānau. He pai te taetae atu ki ngā hui ā-whānau, ā, kua whakatakotohia ngā tukanga mō ngā whakataunga. Ka whakawhārikihia e tētahi komiti ngā mōhiohio e whai hua ai ki te whānau, ā, mā te whānau ngā whakaritenga whakahaere katoa e whakatau. Nā te urutā, kua arotake wawe i ngā tūranga o te whānau me ā rātou kawenga mahi. Me whakawhanake ake i ētahi o ngā take e pā ana ki ngā kaimahi me ngā whakahaeretanga. I tēnei wā e arotakengia ana te tūtohinga, ā, ko tētahi kaupapa matua, ko te whakahou ake i ngā kaupapa here e pā ana ki te hauora me te haumaru. E ārahi ana te mahere ā-tau i ngā take whakahaere, ā, ka whakatakoto matawhānui hoki i ngā kaupapa matua a te whānau. He pai te hononga mahi a te whānau ki Te Poari Matua o Ngā Kōhanga Reo. Ko ngā pūrongo kaute i tātarihia ai e tohu ana i te pakari o ngā whakaritenga pūtea, ā, ka pūrongohia i ia te wā ngā mōhiohio ki ngā hui. E whakatairangatia ana ngā akoranga a ngā mokopuna nā te whakatau ngātahi i ngā whakaritenga.
Ahakoa kāhore i te whānau tētahi mahere rautaki, e whakapono ana rātou he pai te ahu whakamua kua whakatutukihia. Kua tae ki te wā ki te whakaōkawa i ā rātou kaupapa matua pae tawhiti mā tētahi mahere rautaki. Ko te tikanga, ka hāpai tēnei i a rātou ki te anga whakamua me te whakatutuki haere i ngā whāinga me ngā wawata ō rātou mō ngā mokopuna.
Kāhore he tukanga arohaehae pakari. Kua tae ki te wā kia whakatinanahia e te whānau te arohaehae kaimahi, hei hāpai i ngā kaimahi ki te whakawhanake tonu i ō rātou mōhiotanga me ō rātou pūkenga, ā, ki te tāutu hoki i te whakawhanaketanga ngaio e whai pānga ana ki ngā matea o ngā mokopuna. E whakaratohia ana ngā whai wāhitanga ako ngaio e Te Poari Matua o Ngā Kōhanga Reo. Ko te tikanga, ka whai hua ngā mokopuna mā te whakapiki ake i te mōhiotanga me ngā pūkenga o ngā kaimahi, arā, i aua pūmanawa e whakatairanga ai i te kounga o ngā akoranga.
Me whakapakari ake i te hōtaka akoranga. He mahi ngātahi te whakamahere, ā, ka whai wāhi hoki ngā wawata o te whānau. He ōpaki te whakamōhio atu i te whānau i ngā akoranga a ngā mokopuna. E mōhio ana ngā kaimahi, e tika ana kia whakawhanakehia tō rātou māramatanga ki ngā mahi aromatawai e whai hua ai. Kāhore he mōhiohio aromatawai i whakaatuhia ai i tēnei wāhanga o te aromātai. Ahakoa ka kōrero ngā kaimahi i te hōtaka ki ā rātou hui, kāhore aua whakawhitinga kōrero e tuhia ana. Kāhore e kitea ana te aromātai hōtaka. E mōhio ana ngā kaimahi, e tika ana kia whakapakarihia te aromatawai, te whakamahere, me ngā mahi aromātai, hei whakapai ake i ngā putanga ki ngā mokopuna.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
Hei whakatutuki i ngā herenga ā-ture, me tahuri te whānau ki te:
[R43 Ture Mātauranga (Kōhungahunga) 2008; C2 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
[R47 Ture Mātauranga (Kōhungahunga) 2008; GMA7 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Darcy Te Hau
Toka ā Nuku
Te Uepū-a-Motu – Māori Services
14 Huitanguru, 2022
|
Te tūwāhi |
Kei Tūrangi |
|
Te tau a te Tāhuhu o te Mātauranga |
40202 |
|
Te tau tohu o Te Kōhanga Reo |
11-016 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
20, kia tokowaru ki raro i te rua o ngā tau |
|
Te tokomaha kei runga i te rārangi ingoa |
13, tokotoru kei raro i te rua o ngā tau |
|
Ngā hononga ā-iwi |
Māori 13 |
|
Te wā i te kōhanga reo te rōpū arotake |
Whiringa-ā-nuku 2021 |
|
Te wā o tēnei pūrongo |
14 Huitanguru, 2022 |
|
Ngā pūrongo o mua a
|
Arotake Mātauranga, Here-turi-kōkā 2018; Arotake Mātauranga, Paenga-whāwhā 2016; Arotake Tāpiri, Poutū-te-rangi 2013 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.
Te Kōhanga Reo o Mawake is located in Turangi. It opened in November 1991 when community enrolment demand exceeded roll capacity in the other three local kōhanga reo. Whānau have an established relationship with the local kura. They have acknowledged that they are re-building their operational processes.
Mokopuna understanding of whanaungatanga is supported by kaimahi and whānau.
Whānaungatanga is evident in the whānau and they have a united approach to whānau whakahaere. Hui whānau are well attended with decision making processes in place. A committee presents useful information for whānau who make all operational decisions. The Covid-19 pandemic has hastened a review of whānau roles and responsibilities. Some personnel and operational matters need development. The tūtohinga is currently under review and a priority is to update health and safety policies. An annual plan guides operational matters and details important whānau events. Whānau have a good working relationship with Te Kōhanga Reo National Trust audited accounts indicate sound financial practices and information is regularly reported through hui. Mokopuna learning is enhanced through shared decision making.
While the whānau do not have a strategic plan, they believe that good progress has been made. It is time to formalise their long term priorities through a formalised plan. This should support them to work towards and achieve the goals and aspirations held for mokopuna.
A robust appraisal process is not in place. It is time for whānau to implement kaimahi appraisal to enable kaimahi to further develop their knowledge and skills and to identify professional development relevant to the needs of mokopuna. Professional learning opportunities are being provided by Te Kōhanga Reo National Trust. Mokopuna should benefit from increasing kaimahi knowledge and skills that raise the quality of teaching and learning.
The learning programme requires strengthening. Planning is a collaborative kaimahi activity that includes whānau aspirations. Mokopuna learning is shared informally with whānau. Kaimahi acknowledge the need to develop their understanding of effective assessment practice. No assessment information was provided during this phase of the evaluation. Although kaimahi talk about the programme at their meetings, their discussions are not recorded. Programme evaluation is not evident. Kaimahi acknowledge the need to strengthen assessment, planning and evaluation practices to improve outcomes for mokopuna.
During the evaluation, ERO looked at systems for managing the following areas:
To meet compliance requirements, they must:
[Regulation 47 Education (Early Childhood Services) Regulations 2008, (GMA7) Licensing Criteria for Kōhanga Reo affiliated with Te Kōhanga Reo National Trust 2008]
ERO and the kōhanga reo whānau developed the following recommendation:
Darcy Te Hau
Toka-ā-Nuku – Director
Te Uepū ā-Motu – Māori Review Services
14 February 2022
|
Location |
Tūrangi |
|
Ministry of Education profile number |
40202 |
|
Kōhanga Reo Identification Number |
11-016 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
20 children, including up to 8 aged under 2 |
|
Kōhanga Reo roll |
13 children, including 3 aged under 2 |
|
Ethnic composition |
Māori 13 |
|
Review team pre on-site |
October 2021 |
|
Date of this report |
14 February 2022 |
|
Most recent ERO report(s) |
Education Review, August 2018; Education Review, April 2016; Supplementary Review, March 2013 |