Taiwhakaea Road, Coastlands, Whakatane
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka hāngai te pūrongo nei ki ā rātou pūnaha, ā rātou whakahaeretanga, me ā rātou whakaritenga. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū me ngā iwi.
Ko Pūtauaki te maunga
Ko Te Ōriini te awa
Ko Mātaatua te waka
Ko Te Pāroa te marae
Ko Ngāti Awa te iwi
Ko Te Pāroa te kōhanga reo
E tū ana Te Kōhanga Reo o Te Pāroa ki te taha o te marae o Taiwhakaea. He hononga ā-whakapapa ō ngā whānau me ngā kaimahi ki ngā hapū o Ngāti Awa. I tēnei wā, e whakariterite ana ngā whānau ki te whakanui i te ekenga o tō rātou kōhanga reo ki te 40 tau.
I kitea ki te aromātai Mana Whakahaere a Te Tari Arotake Mātauranga i te Here-turi-kōkā o te tau 2023, i te whakahaeretanga o te nuinga o ngā whakaritenga, ā, e tautokona ana hoki te kawe atu a ngā kaimahi i ō rātou tūranga. Ko te waiora me te aronga toi whenuatanga o ngā mokopuna, ko tā rātou ako hoki te aronga o ngā whakataunga a te whānau.
Ka kitea te māramatanga o ngā mokopuna ki te aronga toi whenuatanga me tō rātou tuakiri mā ō rātou wheako ako papai.
E rumakina ana ngā mokopuna ki ngā akoranga e whakakoia ana i tō rātou hononga ki te whānau, ki te hapū, me te iwi. E hāpai ana ngā kuia me ngā kaimahi i te whai wāhi atu a ngā mokopuna ki ngā whakatau. E rongo ana ngā mokopuna i ngā tauira reo tūturu, i a rātou e whakarongo ana ki ngā whaikōrero, ā, e kitea ana hoki ngā tikanga me ngā kawa. Ka whakarato ngā kaimahi i ngā whai wāhitanga mō ngā mokopuna ki te whakapuaki i ō rātou mōhiotanga ki ō rātou hononga ā-whakapapa. He ngākau titikaha ō ngā tuākana i a rātou e taki ana i ō rātou pepeha. Kua tuituia hoki te reo rotarota me ngā waiata o te hapori ki te hōtaka akoranga. E hāpai ana aua tūāhuatanga i te whakawhanaketanga o te reo o ngā mokopuna, me tō rātou mōhio ki ō rātou hononga ki ngā tāngata me ngā wāhi. Ka kitea te māramatanga o ngā pēpi mā ngā mahi ā-ringa, mā te āhua hoki o ō rātou kanohi, me ā rātou oro. E tino poipoia ana ō rātou matea e ngā kaimahi, ā, ka hāpai hoki ngā kaimahi i te taunekeneke atu a ngā pēpi i ia te wā ki ō rātou tuākana. E whanake ana ngā mokopuna i tō rātou māramatanga ki a rātou anō, ki ō rātou hononga toi whenuatanga hoki.
Ka whai pānga matua te whanaungatanga ki ngā whakaritenga a ngā kuia, ngā kaimahi, me te whānau. Ko te hōtaka o ia rā me ngā mahinga i āta whakatakotohia ai, e poipoi ana i te taunga me te mārie ki waenga i ngā mokopuna. Ka whakatauira ngā kaimahi i ngā uara o te tiaki, te aroha, me te manaaki. Ka whai wāhi nui ngā mokopuna ki te taiao ako i āta whakawhanakehia ai, ā, e whakarato ana hoki i te tini o ngā rauemi. He māmā noa ki a rātou te whakapā atu ki te tangongitanga o ngā rauemi e whakaongaonga ana i tō rātou whakawhanaketanga me ō rātou ngākau nuitanga. Ka akiaki te wāhi o waho me te marae i te taha tūhura, me te taunekeneke a ngā mokopuna ki waenga i a rātou anō, ā, ki te taiao hoki. I ngā wā katoa, ka whakakoia ngā kuia me ngā kaimahi i ngā whakatutukitanga o ngā mokopuna. Kei te mauritau ngā mokopuna ki ō rātou horopaki o te ao Māori.
Ko ngā take katoa i tautuhia ai ki te pūrongo Mana Whakahaere o mua a Te Tari Arotake Mātauranga, arā, ko ngā tuhinga kaimahi, ko te aro atu ki ngā tūāhuatanga ohotata, ko ngā tuhinga e pā ana ki ngā haerenga, me te mahere rautaki mahi, kua manatoko katoatia i te taenga atu a Te Tari Arotake Mātauranga ki te kōhanga reo. Ko ngā mokopuna kei te pūtake o ngā mahi whakahaere a te whānau.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
E taunaki ana Te Tari Arotake Mātauranga kia whakatairanga tonu te whānau i ngā whakaritenga, hei whakarahi ake anō i ngā putanga e whai painga ana ki ngā mokopuna.
Darcy Te Hau
Toka-ā-Nuku
Te Uepū-a-Motu – Māori Services
15 Whiringa ā-rangi, 2023
|
Te tūwāhi |
Kei Whakatāne |
|
Te tau a te Tāhuhu o te Mātauranga |
40199 |
|
Te tau tohu o Te Kōhanga Reo |
12D012 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
47, kia 20 ki raro i te rua o ngā tau |
|
Te tokomaha kei runga i te rārangi ingoa |
25, tokowhitu kei raro i te rua o ngā tau |
|
Ngā hononga ā-iwi |
Māori 24, Iwi kē 1 |
|
Te wā i te kōhanga reo te rōpū arotake |
Mahuru 2023 |
|
Te wā o tēnei pūrongo |
15 Whiringa-ā-rangi 2023 |
|
Ngā pūrongo o mua |
Mana Whakahaere – Arotake Mātauranga, Mahuru 2023; Arotake Mātauranga, Here-turi-kōkā 2017; Arotake Mātauranga, Whiringa-ā-rangi 2014 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi.
Ko Putauaki te maunga
Ko Te Oriini te awa
Ko Mataatua te waka
Ko Te Paroa te marae
Ko Ngāti Awa te iwi
Ko Te Paroa te kōhanga reo
Te Kōhanga reo o Te Paroa is situated alongside Te Marae o Taiwhakaea. Whānau and kaimahi have whakapapa links to ngā hapū o Ngāti Awa. Whānau are currently preparing to commemorate the 40th anniversary of their kōhanga reo.
The ERO August 2023 evaluation of Mana Whakahaere practices found most aspects of operations were being managed and kaimahi were supported to carry out their roles. Mokopuna wellbeing, learning and sense of belonging was the focus of whānau decision making.
Mokopuna show their understanding of belonging and identity through their positive learning experiences.
Mokopuna are immersed in learning that affirms their connection to whānau, hapu and iwi. Kuia and kaimahi support mokopuna to join in whakatau. Mokopuna are exposed to authentic language models as they listen to whaikōrero and observe tikanga and kawa practices. Kaimahi provide mokopuna with opportunities to share knowledge of their whakapapa connections. Tuākana recite their pepehā with confidence. Sign language and local waiata are integrated into the learning programme. This supports mokopuna language development and knowledge of their connections to people and places. Pēpi demonstrate their interpretation through hand actions, facial expressions, and sounds. Their needs are well met by kaimahi who also enable pēpi to regularly interact with their tuākana. Mokopuna are developing their understanding of who they are and how they belong.
Whanaungatanga is integral to kuia, kaimahi and whānau practices. The daily programme and established routines foster comfort and calm amongst the mokopuna. Kaimahi model values of tiaki, aroha and manaaki. Mokopuna enjoy the well-developed and resourced learning environment. They can easily access a wide range of resources to stimulate their development and interests. The outdoor area and the marae environment encourage exploration that allows mokopuna to interact with each other and te taiao. Kuia and kaimahi constantly affirm mokopuna successes. Mokopuna are settled in their te ao Māori settings.
Matters identified in the previous ERO Mana Whakahaere report relating to personnel documentation, responding to emergency situations, haerenga documentation and a strategic action plan were verified during the onsite visit. Mokopuna are at the centre of whānau whakahaere.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
ERO recommends that whānau continue to enhance practices to further increase positive outcomes for mokopuna.
Darcy Te Hau
Toka-ā-Nuku – Director
Te Uepū ā-Motu – Māori Review Services
15 November 2023
|
Location |
Whakatāne |
|
Ministry of Education profile number |
40199 |
|
Kōhanga Reo Identification Number |
12D012 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
47 children, including up to 20 aged under 2 |
|
Kōhanga Reo roll |
25 children, including up to 7 aged under 2 |
|
Ethnic composition |
Māori 24, Other 1 |
|
Review team pre on site |
September 2023 |
|
Date of this report |
15 November 2023 |
|
Most recent ERO report(s) |
Education Review - Mana Whakahaere, September 2023; Education Review, August 2017; Education Review, November 2014 |
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Te Pāroa ki te marae o Taiwhakaea. He hononga ā-whakapapa ō te whānau me ngā kaimahi ki ngā marae me ngā hapū o Ngāti Awa. E tautoko ana te whānau i te whāngai a ngā kaimahi hou i te reo Māori me ngā tikanga Māori ki ngā mokopuna.
E ū ana te whānau ki te whakarato ki ngā mokopuna, ko ngā wheako e tupu ai i tō rātou māramatanga ki a rātou anō me tō rātou tūrangawaewae.
E whakahaere ana te whānau i te kōhanga reo hei painga mō te haumaru me te aronga toi whenuatanga hoki o ngā mokopuna. E āta whakahaerehia ana ngā pūnaha i te tari me te whakatakotoranga o ngā tuhinga, ā, ka hāngai katoa hoki ki te wā. Ka aroturukitia te haumaru me te atawhai o ngā mokopuna, ā, ka aro nuitia ki aua tūāhuatanga. Tū ai ngā hui ā-whānau i ia te wā, ā, ka karangahia hoki ngā hui motuhake i ngā wā e tika ana. Ko tētahi wero, ko te toro atu, kia tokomaha ake ai ngā whānau e whai wāhi mai ana ki ngā whakataunga. Heoi, e whakamātau ana ngā kaimahi i te tangongitanga o ngā huarahi ki te akiaki i te whai wāhi nui ake o ngā mātua.
E whakatutukihia ana ngā herenga ā-ture, ā, ka whakamōhio i ngā whānau ki ngā tūmomo whakaritenga i whakatutukihia ai, me ērā hoki ka whāia tonuhia mō ngā mokopuna. Nā te noho marae, ka pupū ake ngā whai wāhitanga mō ngā mokopuna ki te uru atu ki ngā huihuinga me ngā kaupapa a te hapū. Taetae mai ai ngā kaumātua ki te kōhanga reo i ia te wā, ā, ka noho tahi rātou ki ngā mokopuna me ngā kaimahi. E ū ana te whānau ki ngā tūāhuatanga e whai hua ai ki te aronga toi whenuatanga me te tuakiri o ngā mokopuna.
Ka mahi ngātahi ki te whakamahere, ā, ka whakamōhiotia ki ngā wawata o te whānau, te hapū, me te iwi. Ka whakawhanakehia tētahi mahere ā-tau e hāngai ana ki ngā wāhanga o te tau. Ka tuituia ngā ariā e pā ana ki te tuakiri – pērā i te ‘ko wai au’ me ngā pepeha, ā, he wheako ako tūturu hoki i runga i te marae. Kua whakatakotohia ngā tūmomo huarahi aromatawai e hāngai pū ana ki te pēpi me te tuakana. Ka kapo atu ngā kaimahi i te ahu whakamua i roto i te roanga o te wā. Ka whai pānga aua mōhiohio ki te āhua tonu o ngā aromatawai i te mutunga o ia kaupapa. Ka aromātai ngā kaimahi i te whai huatanga o te hōtaka akoranga i te mutunga o ia kaupapa, hei tautuhi i tēnā i whai hua ai, me tēnā hoki hei whakapai ake. E hāpaitia ana te ako a ngā mokopuna i tō rātou tuakiri mā ngā mahere.
Me whakapakari i te aromātai o roto. Kāhore ngā meneti o ngā hui ā-whānau e whakatakoto ana i te rawaka o ngā taipitopito kōrero mō tēnā i kōrerohia, mō tēnā hoki i arotakengia. Kāhore he pūrongo e whakamārama ana i te huarahi e whāia ana hei aroturuki, hei kōkiri i ā rātou whāinga rautaki. E ai ki te whānau, e tika ana kia whakawhanakehia tētahi mahere mahi. Ka hāpai, ka whakapakari hoki te mahere mahi i te aromātai o roto.
Me whakamahine ake i ngā tukanga me ngā tuhinga e pā ana ki ngā hōneatanga ohotata. Ahakoa kua whakaritea ngā akoako hōneatanga rū whenua ki te mahere ā-tau, kāhore he whakaaturanga e tohu ana i te whakatutukitanga o aua akoako. E whakatutukihia ana ngā akoako hōneatanga ahi i ia marama, ā, kāhore tēnā e hāngai tika ana ki te kaupapa here e pā ana ki ngā hōneatanga ohotata. E ako ana mokopuna me pēhea te aro atu ki te tangongitanga o ngā kaupapa ohotata.
Me whakawhanake ake i ngā tuhinga e pā ana ki ngā haerenga. He hua o roto i te whakatakoto haere i ngā tūmomo tūāhuatanga e whakamōrearea ai i te mokopuna. Ko ngā tūāhuatanga whakamōrearea ki ngā tūmomo wāhi, kāhore e āta tautuhia ana, ā, kāhore hoki e tautuhia ana ngā huarahi e whakaheke ai i te mōrearea mō ngā mokopuna. Kua whakatutukihia, kua whakakōnaetia hoki ērā atu tūmomo tuhinga.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
E whakatau tahi ana Te Tari Arotake Mātauranga me te whānau, me tahuri rātou ki te:
whakarite i tētahi tukanga o te aromātai o roto e whakahaerehia ana i ngā wā katoa, hei hāpai i te kōhanga reo ki te whakapūmau me te whakapai ake i te kounga o te mātauranga me te atawhai.
[R46 Ture Mātauranga (Kōhungahunga) 2008; GMA6 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
E taunaki ana Te Tari Arotake Mātauranga kia mahi tahi tonu te whānau ki te whakatutuki i ngā whakaritenga matua i tautuhia ai ki tēnei pūrongo kia whāia.
Darcy Te Hau
Toka ā Nuku
Te Uepū-a-Motu – Māori Services
20 Mahuru, 2023
|
Te tūwāhi |
Kei Whakatāne |
|
Te tau a te Tāhuhu o te Mātauranga |
40199 |
|
Te tau tohu o Te Kōhanga Reo |
12D012 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
47, kia 20 ki raro i te rua o ngā tau |
|
Te tokomaha kei runga i te rārangi ingoa |
25, tokowhitu kei raro i te rua o ngā tau |
|
Ngā hononga ā-iwi |
Māori 24, Iwi kē 1 |
|
Te wā arotake i mua i te taenga atu ki te kōhanga reo |
Haratua 2023 |
|
Te wā o tēnei pūrongo |
20 Mahuru 2023 |
|
Ngā pūrongo o mua |
Arotake Mātauranga, Here-turi-kōkā 2017; Arotake Mātauranga, Whiringa-ā-rangi 2014; Arotake Mātauranga, Hōngongoi 2011 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provide important information for whānau, hapū and iwi.
Te Kōhanga reo o Te Paroa is located on Te Marae o Taiwhakaea. Whānau and kaimahi have whakapapa links to the marae and hapū of Ngāti Awa. The whānau are supporting new kaimahi to provide te reo Māori and tikanga Māori to mokopuna.
Whānau are committed to providing mokopuna with experiences that will grow their understanding of who they are and where they belong.
Whānau manage the kōhanga reo in the interest of mokopuna safety and belonging. Administration systems and documentation are well managed and up to date. Mokopuna safety and care are monitored and prioritised. Whānau hui are regular and special hui are called as and when required. There are challenges for engaging a larger number of whānau in decision making. However, the kaimahi continue to try various ways to encourage a higher level of engagement of parents.
Legislative requirements are attended to and whānau are kept up to date on what has and needs to happen for mokopuna. Being marae based provides opportunities for mokopuna to participate in hapū events and activities. Kaumātua are frequent visitors to the kōhanga and engage with mokopuna and kaimahi. Whānau are committed to what is good for mokopuna belonging and identity.
Planning is done collaboratively and is informed by whānau, hapū and iwi aspirations. A year plan is developed based on Ngā wahanga o te tau. Themes of identity such as ko wai au, pepeha and authentic learning experiences on the marae are incorporated. Differentiated assessment approaches are in place for both pēpi and tuākana. Kaimahi capture progress overtime. This information informs end of kaupapa assessments. Kaimahi evaluate the effectiveness of the learning program at the end of each kaupapa to identify what works well and what requires improvement. Mokopuna are supported to learn about their identity through planning.
Internal evaluation requires strengthening. Whānau hui minutes do not provide sufficient details of what is discussed and reviewed. There is no reporting on how they are monitoring and progressing with their strategic goals. Whānau have acknowledged the need to develop an action plan. This will assist and strengthen internal evaluation.
Emergency evacuation procedures and documentation require refinement. While earthquake evacuation drills have been planned for in the annual plan there is no evidence to show these have been carried out. Emergency evacuation drills for fire drills are being undertaken monthly which does not align accurately to the emergency evacuation policy. Mokopuna are learning how to respond to a variety of emergency situations.
Haerenga documentation needs further development. These would benefit by identifying the potential risks to mokopuna. Risks posed at specific locations are not clearly defined and neither are ways of lessening the risks for mokopuna. All other required documentation is completed and filed.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami and pandemic.
ERO and whanau agree there is a need to:
ensure there is an ongoing process of internal evaluation to help the kōhanga reo to maintain and improve the quality of its education and care
[R46 Education (Early Childhood Services) Regulations 2008; GMA6 Licensing Criteria for Kōhanga Reo affiliated with Te Kōhanga Reo National Trust 2008]
ERO recommends that the whānau continue to work together to address the key next steps of this report.
Darcy Te Hau
Toka-ā-Nuku – Director
Te Uepū ā-Motu – Māori Review Services
20 September 2023
|
Location |
Whakatane |
|
Ministry of Education profile number |
40199 |
|
Kōhanga Reo Identification Number |
12D012 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
47 children, including up to 20 aged under 2 |
|
Kōhanga Reo roll |
25 children, including up to 7 aged under 2 |
|
Ethnic composition |
Māori 24, Other 1 |
|
Review team pre on site |
May 2023 |
|
Date of this report |
20 September 2023 |
|
Most recent ERO report(s) |
Education Review, August 2017; Education Review, November 2014; Education Review, July 2011 |
E tū ana Te Kōhanga Reo o Te Pāroa ki te taha o te marae o Taiwhakaea, ki Whakatāne. Ka ārahi, ka tautoko hoki ngā kaumātua i te whānau o te kōhanga reo. He hononga ā-whakapapa tō te whānau ki a Taiwhakaea. Ko te reo me ngā tikanga Māori te aronga matua o te whānau, ā, e whakapakari ana rātou i tō rātou āheinga ki te whakahaere i ngā whakaritenga, me te whakarato anō hoki i ngā hōtaka akoranga mā ngā tamariki.
Ka whakaatu ngā tamariki i te aroha me te whanaungatanga i ō rātou hononga ki ngā tāngata me tō rātou taiao.
Ka kōkiri, ka whakapūmau, ka whakatinana hoki ngā tamariki i te whakaute mō ētahi atu. E akiaki ana ngā kaimahi i te āta taunekeneke a ngā tamariki hei tuakana, hei teina, me tā rātou whai i ngā mahinga o te wā kai, ā, ka hāpai anō hoki i te kōkiri a ngā tamariki i ētahi āhuatanga ake o tō rātou atawhai. Ka whakatauira rātou i te whanonga e tika ana mō te wā karakia me te wā mihimihi. Ko te aroha, te manaaki, me te tiaki ngā uaratanga e whakatauirahia ana mā ngā tamariki, i a rātou e taunekeneke ana ki ētahi atu. Ka tautāwhi, ka hāpai hoki ngā kaimahi i ngā pēpi ki te kai me te moe, i runga anō i ngā wā e tika ana mō rātou. He wā harikoa, he wā mārie hoki i te hōtaka o ia rā. Ka ngākau nui ngā tamariki ki te ako ki te taha o ētahi atu.
E ako ana ngā tamariki i te reo Māori. Ka whakamahi ngā kaimahi i te whānuitanga o ngā tūmomo rautaki e whakawhanake ana i te reo o ngā tamariki. Ka whakatauira rātou i ngā hanganga reo papai, ka whakamahi anō hoki i te tāruarua hei hāpai i te whakawhitiwhiti whakaaro, ā, ka whakamahi hoki i ngā waiata, ngā karakia, me ngā mihimihi kia āta rangona ai te reo Māori e ngā tamariki. E ākina ana te tāwhai a ngā tamariki i ngā kupu me ngā kīanga māmā. Ka whakamahi ngā pēpi i te reo ā-tinana hei whakaatu i ō rātou whakaaro me tō rātou māramatanga. E whakawhanake ana ngā tamariki i ngā pūkenga ki te whakamahi i te reo Māori.
E whanake ana te māramatanga o ngā tamariki ki tō rātou tūrangawaewae. Ka ārahi ngā kaumātua i ngā tikanga me ngā kawa ki te whakatau i te manuhiri. Ka whai wāhi nui te marae ki te hōtaka akoranga, kia āhei ai ngā tamariki ki te uru atu ki te whānuitanga o ngā huihuinga ki te taha o te whānau. Ka rongo ngā tamariki i ngā kōrero, ngā waiata, me ngā karakia o te hapū me te iwi. He pakari te taki o ngā tamariki tuākana i ō rātou pepeha, ā, ka hāpaitia anō hoki te tū o ngā tēina. He hononga ā-whakapapa ki waenga i te nuinga o ngā tamariki me ngā kaimahi. E ako ana ngā tamariki i tō rātou whai wāhi nui ki te whānau o te kōhanga reo.
Ko te ako a ngā tamariki tētahi kaupapa matua. E whai ana ngā kaimahi i ngā tukanga mārama ki te whakamahere me te aromatawai. Ka ārahi te kaiako i te whakawhanaketanga o ngā kaimahi i ngā mahere o te pae tawhiti me te pae tata, tae atu hoki ki ngā whāinga ako, ngā mahinga, ngā taumahi, ngā rauemi, me ngā kupu hou. Ka whakamahi ngā kaimahi i te whānuitanga o ngā mōhiohio hei tāutu i tēnā e ākona ana e ngā tamariki. E kapo atu ana te pūkete a ia tamaiti i tēnā e whakatutukihia ana e ngā tamariki i te hōtaka o ia rā. E mōhio ana ngā kaimahi, kei te whanake tonuhia ngā whakaritenga e pā ana ki te aromatawai. He pai te whakamōhio i te whānau mō tēnā e ākona ana e ā rātou tamariki, me te āhua anō hoki o tā rātou ahu whakamua.
He pai te whakahaeretanga a te whānau i ngā whakaritenga i te kōhanga reo. Kua whakatakotohia ngā pūnaha whakahaere tari, ā, he ngāwari hoki te whakapā atu ki ngā mōhiohio. Ka hui te whānau ki te arotake i ngā kaupapa here e pā ana ki te tūtohinga, me te tāutu i ngā whāinga rautaki. Ka tuhia, ka aroturukitia ēnei e te whānau, kia kōrerohia te ahu whakamua. He pai te whakahaeretanga me te māramatanga o ngā pūnaha e pā ana ki te pūtea me te whakahaeretanga o ngā kaimahi. Kei te harikoa ngā kaimahi, ā, e noho pūmau ana rātou ki te tautoko i te kōhanga reo, me te whakapakari ake hoki i āna whakaritenga. E whai hua ana ngā tamariki, nā te āta whakahaeretanga, te āta whakaritenga hoki o tō rātou kōhanga reo.
Kāhore anō kia whakaritea te aromātai hōtaka. E whanake ana te māramatanga o ngā kaimahi ki te pūtake o aua whakaritenga. Me hāpai rātou ki te whakawhanake me te whakatinana i ngā tukanga ka whakapai ake i te whakapuakitanga o ngā hōtaka akoranga.
E whanake ana te arotake whaiaro. Ahakoa e arotake ana, e aroturuki ana hoki te whānau i te ahu whakamua ki ngā whāinga rautaki, ka whai wāhi tonu te arotake whaiaro hei hāpai i te whakapai tonutanga.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Te Pāroa i roto i te toru o ngā tau.
Lynda Pura-Watson
Kaiurungi Whakaturuki Arotake Māori
03 Whiringa ā-nuku, 2017
|
Te tūwāhi |
Kei Whakatāne |
|
|
Te tau a te Tāhuhu o te Mātauranga |
40199 |
|
|
Te tau tohu o Te Kōhanga Reo |
12D012 |
|
|
Te tūmomo raihana |
He Kōhanga Reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
47, kia 20 ki raro i te rua o ngā tau |
|
|
Te tokomaha kei te rārangi ingoa |
20, 11 kei raro i te rua o ngā tau |
|
|
Te ira tangata |
Kōtiro 12 Tama 8 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Here-turi-kōkā 2017 |
|
|
Te wā o tēnei pūrongo |
03 Whiringa ā-nuku, 2017 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Mātauranga |
Whiringa-ā-rangi 2014 Hōngongoi 2011 Haratua 2008 |
Te Kōhanga Reo o Te Pāroa is next to Te Marae o Taiwhakaea, Whakatāne. Kaumātua guide and support the whānau in the kōhanga reo. Whānau have whakapapa links to Taiwhakaea. Te reo and tikanga Māori is a priority for whānau, who are building their capability to manage the operations and provide learning programmes for children.
Children show aroha and whanaungatanga in their relationships with people and their environment.
Children initiate, maintain and show respect for others. Kaimahi encourage children to interact positively as tuakana and teina, follow routines for kai and support them to manage parts of their care. They model appropriate behaviour for karakia and mihimihi. Aroha, manaaki and tiaki are values that are modelled for children when they interact with others. Kaimahi respond and support babies to eat and sleep according to their needs. There are times of happiness and calm in the daily programme. Children enjoy learning with others.
Children are learners of te reo Māori. Kaimahi use a range of strategies to develop children’s language. They model good language structures, use repetition to support communication and use waiata, karakia and mihimihi for children to hear te reo Māori. Children are encouraged to mimic words and simple phrases. Babies use body language to convey messages and display their understanding. Children are developing skills to use te reo Māori.
Children are developing an understanding about where they are from. Kaumātua guide tikanga and kawa to welcome visitors. The marae is integrated into the learning programme to allow children participate in a variety of activities with whānau. Children hear about stories, waiata and karakia related to the local hapū and iwi. Older children confidently recite their pepehā, while younger children and babies are supported to share this practice. There are whakapapa links between most children and kaimahi. Children learning about their place in the kōhanga reo whānau.
Children’s learning is a priority. Kaimahi follow clear processes for planning and assessment. The kaiako guides kaimahi to develop long term and short term plans, which includes learning objectives, routines, activities, resources and new vocabulary. Kaimahi use a range of information to identify what children are learning. Individual profile books captures what children’s are doing in the daily programme. Kaimahi acknowledge assessment practices is developing. Whānau are well informed about what their children are learning and the progress they are making.
Whānau manage the operations of the kōhanga reo well. The administrative systems are in place with easy access to information. The whānau meet to review charter policies and identify strategic goals. These are documented and monitored by the whānau to discuss progress. Financial and personnel management systems are clear and well managed. The kaimahi are positive and committed to supporting the kōhanga reo and strengthening its practices. Children benefit from a kōhanga reo that is well managed and organised.
Programme evaluation is not in place. Kaimahi are developing an understanding about the purpose of this practice. They need support to develop and implement processes to improve the delivery of learning programmes.
Internal review is developing. While whānau review and monitor progress towards strategic goals internal evaluation will support ongoing improvement.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the whānau agreed to the following recommendation:
That whānau and kaimahi use internal evaluation to inform ongoing improvement of the learning programme and management of the kōhanga reo.
The next ERO evaluation of Te Kōhanga Reo o Te Pāroa will be in three years.
Lynda Pura-Watson
Deputy Chief Review Officer Māori
3 October 2017
|
Location |
Whakatāne |
||
|
Ministry of Education profile number |
40199 |
||
|
Kōhanga Reo Identification Number |
12D012 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
47 children, including up to 20 aged under 2 |
||
|
Kōhanga Reo roll |
20 children, including up to 11 aged under 2 |
||
|
Gender composition |
Girls 12 Boys 8 |
||
|
Ethnic composition |
Māori |
100% |
|
|
Review team on site |
August 2017 |
||
|
Date of this report |
3 October 2017 |
||
|
Most recent ERO report(s) |
Education Report Education Report Education Report |
November 2014 July 2011 May 2008 |
|
E tū ana Te Kōhanga Reo o Te Paroa ki te taha o te marae o Taiwhakaea, ki Paroa. Ka ahu mai ētahi o ngā tamariki o te kōhanga reo i tēnei takiwā tonu, ā, ko ētahi ka haere mai i Whakatāne, i waho atu kē rānei. Ka whai wāhi whakahirahira te marae hei horopaki mō ngā akoranga a ngā tamariki.
Ko te heke o te tatauranga tamariki ki te kōhanga reo tētahi āhuatanga uaua mō te whānau, ā, e pēnei ana nā ētahi atu o ngā tūmomo ratonga mātauranga kōhungahunga i te hapori. Engari, kei te arotahi tonu te whānau ki tētahi taiao e whakarato ana i ngā akoranga o te reo Māori, ā, e whakatairanga ana hoki i te whai wāhitanga mai o te whānau. Ka tino atawhaitia ngā tamariki, ā, he harikoa hoki rātou ki te kōhanga reo. He pai te tiaki i ngā whare, ā, ka hāpai te hōtaka i ngā akoranga a ngā tamariki i te reo Māori.
I whakaritea e te whānau ko Mana Aotūroa te kaupapa arotahi mō tēnei arotake. He pakari ngā tamariki ki te wāhi tākaro o waho, tō rātou hapori, ā, ki tō rātou marae tonu. He kaha ngā tamariki ki te tūhura haere i tō rātou taiao māori, tūturu hoki mā te tautoko mai o te whānau.
Hui ai te whānau i ia te wā ki te whakawhiti kōrero mō ngā pūtea, ngā rautaki hei hāpai i te tatauranga tamariki, me te whai pānga o taua āhuatanga ki ngā tūranga mahi. Kua āta tuhia ngā mahi pūrongo, te whakatau whakaritenga hoki. He pai te whānau ki te tautoko, tētahi i tētahi.
Kua roa nei te whānau e hono atu ana ki ngā kōhanga reo o tō rātou purapura, ā, whai wāhi atu ai rātou i ia te wā ki ngā kaupapa whakawhanaketanga ngaio mā te katoa.
I mua o te arotake, i īnoitia te whānau kia whai whakaaro ki ā rātou kaupapa motuhake mō te arotake, ā, kia whakamahia ngā aratohu me ngā rauemi i whakaratohia e te Tari Arotake Mātauranga.
Kātahi ka whakaritea ngā tino kaupapa motuhake mō te arotake, whai muri o te whakawhitiwhitinga kōrero i waenga o te rōpū arotake o te Tari Arotake Mātauranga me te whānau. I arotahi tēnei whakawhitiwhitinga ki ngā kōrero i te puritia e te kōhanga reo (tāpiri atu ki ngā kōrero arotake whaiaro) ā, me te whānui o te pānga o ngā take mō te arotake ki ngā hua ka puta ki ngā tamariki o te kōhanga reo.
I whakaritea e te whānau ko Mana Aotūroa te kaupapa arotahi mō tēnei arotake.
Ko te katoa o ngā arotake mātauranga ā te Tari Arotake Mātauranga i roto o ngā kōhanga reo e arotahi ana ki te kounga o te mātauranga. Ki tā te Tari Arotake Mātauranga, kei roto i tēnei ko te kounga o te:
Ko ngā kitenga ā te Tari Arotake Mātauranga i roto i ēnei wāhanga, kei raro iho nei.
Ka pēhea te tūhura a ngā tamariki i tō rātou taiao māori, tūturu hoki?
He pakari ngā tamariki ki te tūhura haere i tō rātou taiao māori, tūturu hoki, mā te tautoko o te whānau.
E tino hāpaitia ana ngā tamariki kia tūhura i tō rātou taiao. He ātaahua, he whakaongaonga hoki ngā whakaaturanga o roto i te kōhanga reo. Ka akiaki aua whakaaturanga i ngā tamariki ki te hoki anō ki tēnā i ako kētia ai e rātou i mua. E tino whakaatuhia ana hoki te kaupapa ako o tēnei wā, arā, ko ngā rākau. Ka whai wā ngā tamariki ki te mātakitaki me te ako i te rerekē haere o ngā rākau ki tō rātou taiao.
Ka tino hono ngā tamariki ki ngā wāhi o ngā tūpuna e whai pānga nui ana ki a rātou, ō rātou whānau, tō rātou iwi hoki. Ka kite ngā tamariki i ngā pou whenua o mua ki te taiao o tō rātou wāhi tākaro. Ko tētahi āhuatanga matua o te papa tākaro ko tētahi tauira e tohu ana i te awa o Orini me tōna taiao, mai i te maunga o Pūtauaki, tae atu ki te moana. He hihiri te wai i roto i taua whakaaturanga, ā, ka whakaongaonga tēnei i ngā whakaaro me te taha pohewa hoki o ngā tamariki. E āhei ana ngā tamariki ki te tūhura i ngā āhuatanga whakahirahira ki a rātou. E ako ana ngā tamariki i tō rātou reo, te ahurea, me te tuakiri, mā te tūhura haere i tō rātou taiao.
Ka tino mōhio ngā tamariki ki te taiao o tō rātou kōhanga reo. He pai te whakatakotoranga o ngā wāhi ki te kōhanga reo mō ngā tamariki. E wāteatea ana mō ngā tamariki rima tekau. He wāteatea ngā rūma, ā, ka tino tiakina hoki. He wāhi whakaruruhau, he rūma kaimahi, he tari wāteatea anō hoki ki konei. Ka hāngai ngā whakaaturanga ātaahua ki te takiwā me ngā kaupapa e akohia ana e ngā tamariki. He mahau ki te wāhi o waho, ā, he pai hoki te tiaki i te papa tākaro.
He whakamārama
He pēhea te whakahaeretanga a te whānau i te kōhanga reo hei painga mō ngā tamariki?
He pai te whakahaeretanga a te whānau i te kōhanga reo hei painga mō ngā tamariki.
He kaha te whānau ki te tautoko i a rātou anō. Ka whakatutuki ngātahi ngā kaimahi me te whānau i ngā tūranga me ngā kawenga mahi. Ka noho pūmau, ka noho ngākau nui hoki rātou ki te kōhanga reo. Kua roa nei ētahi o rātou kua whai wāhi ki te kōhanga reo nei. Ka whai wāhi nui hoki rātou ki te marae, ā, ka tautoko hoki i ngā karakia Ringatū. He tika te whakatinanatanga o te whānau i te whanaungatanga mō ngā tamariki.
Ko te heke o te tatauranga tamariki ki te kōhanga reo tētahi āhuatanga uaua mō te whānau, ā, e pēnei ana nā ētahi atu o ngā tūmomo ratonga mātauranga kōhungahunga i te hapori. Engari, kei te arotahi tonu te whānau ki tētahi taiao e whakarato ana i ngā akoranga o te reo Māori, ā, e whakatairanga ana hoki i te whai wāhitanga mai o te whānau, e whakapūmau ana hoki i tō rātou tū motuhake.
Hui ai te whānau i ia te wā ki te whakawhiti kōrero, te whakamahere hoki mō te aronga whakamua o te kōhanga reo ā meāke nei. Kei te mahere ā-tau ngā kaupapa huihuinga ki te taha o ētahi atu o ngā kōhanga reo o tō rātou purapura. Ka āta kitea te noho whakahirahira o te whanaungatanga ki te whānau, ngā kaimahi, me ngā tamariki.
Ka whakahoungia ake ki te wā, te tūtohinga, ngā kaupapa here me ngā tukanga. Ahakoa te tokoiti o ngā tamariki ka arotahi tonu te whānau ki ngā whakahaeretanga papai e hāpai ana i ā rātou tamariki.
Ka whai hua ngā mahi ki te whakamahere i ngā akoranga a ngā tamariki. He pai te kiko o ngā mahere ā-tau, ā-wāhanga, ā-wiki hoki hei ārahi i ngā kaimahi. Kua āta tuhia ngā kaupeka o te tau, ngā atua, ngā kaupapa, me ngā hononga hoki ki Ngā Taumata Whakahirahira. Kua tāutuhia ki ngā mahere ngā whāinga mō ngā tamariki, ngā rauemi, ngā kupu hou, ngā pakiwaitara, ngā waiata, me ngā haerenga. He pārekareka ki ngā tamariki te pai o tētahi hōtaka riterite e hāpai ana i ā rātou akoranga, i ō rātou whakawhanaketanga hoki.
He pai te aroturuki i te ahunga whakamua me ngā paetae hoki o ngā tamariki. Whakatutukihia ai ngā mahi i ia te wā, hei aromatawai i ngā akoranga a ngā tamariki. Ka whakaemihia, ka whakaatuhia hoki ngā tauira mahi toi ki ngā pūkete a ia tamaiti. E wātea ana ēnei ki ngā mātua. E tohu ana ngā aromatawai ā-kaupapa i te ahunga whakamua a ngā tamariki i roto i te roanga o te wā me ngā taumata ako ka whāia tonuhia.
Te aromātai hōtaka. Hui ōkawa ai ngā kaimahi i ia marama, ki te whakawhiti whakaaro e pā ana ki tā rātou hōtaka, engari kāhore anō rātou kia tuhi i aua whakawhitinga kōrero. Ko te tuhi haere i ngā rerekētanga ki te hōtaka i roto i te roanga o te wā, ka tohu i te whakatutukitanga o ngā matea me ngā ngākau nuitanga o ngā tamariki, me ngā whakapaitanga ki te hōtaka.
I mua o te arotake, i whakakīia e te kaipupuri raihana, te whānau, me ngā kaimahi o te kōhanga reo tētahi Tauāki Kupu Tūturu a te Kōhanga Reo kua Raihanatia, o Pipiri 2013, me tētahi Rārangi Tātari Whaiaro mā te Tari Arotake Mātauranga. I roto i ēnei tuhinga i oati rātou, i whāia e rātou ngā huarahi whai take hei whakatutuki i ā rātou herenga ā-ture e pā ana ki:
I te wā o te arotake, i whakamātauhia e te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā hua ka puta ki ngā tamariki:
I tāutuhia e te Tari Arotake Mātauranga tēnei wāhanga kāhore e tutuki ana e ai ki te ture, arā:
4.1 Me whakarite te whānau, inā ka wehe ngā tamariki i te kōhanga reo mō tētahi haerenga, me arowhai, me whakahaere anō hoki i ngā tūmomo āhuatanga mōrearea, ā, me ū hoki ki te tatauranga e tika ana ki waenga i te pakeke me ngā tamariki.
[R46 (1) (a) Ture Mātauranga (Kōhungahunga) 2008]
E taunaki ana te Tari Arotake Mātauranga:
Tērā ka whakahaeretia e te Tari Arotake Mātauranga te arotake whai muri, i roto i ngā tau e toru.
Lynda Pura Watson
National Manager Review Services Māori (Te Uepū-ā-Motu)
17 Whiringa-ā-Rangi 2014
Te Kōhanga Reo o Paroa is in Paroa next to Taiwhakaea Marae. Some of the children who attend are from the local area and others travel from Whakatane and further afield. The marae is an important context for children’s learning.
The whānau are challenged by a falling roll due to competition from other providers of early childhood education in the community. However, the whānau remain focussed on an environment at provides for te reo Māori learning and promotes whānau participation. Children are well cared for and happy at the kōhanga reo. The premises are well maintained and the programme supports children’s learning of te reo Māori.
The whānau chose Mana Aotūroa as a focus for this review. Children are confident in the outdoor play area, their community and particularly their marae. Children confidently explore their natural and physical environments with support from the whānau.
The whānau meet regularly to discuss finance, strategies for improving roll numbers and the impact on staffing. Reporting and decision making is well documented. The whānau provide good support for each other.
The whānau have long established relationships with kōhanga reo in their purapura and they regularly participate in shared professional development.
Before the review, the whānau were invited to consider its priorities for review using guidelines and resources provided by ERO.
The detailed priorities for review were then determined following a discussion between the ERO review team and whānau. This discussion focused on existing information held by the kōhanga reo (including self-review information) and the extent to which potential issues for review contributed to positive outcomes for children at the kōhanga reo.
The whānau chose Mana Aotūroa as a focus for this review.
All ERO education reviews in kōhanga reo focus on the quality of education. For ERO this includes the quality of:
ERO’s findings in these areas are set out below.
How well do the children explore their natural and physical environment?
Children confidently explore their natural and physical environment with the support of whānau.
Children are well supported to explore their environment. The kōhanga reo indoor displays are attractive and stimulating. They prompt children to revisit their prior experiences. The current learning topic about trees is also prominently displayed. Children spend time observing and learning about how the trees in their environment change.
Children are strongly connected to the ancestral places that are significant to them, their whānau and iwi. Children see their historical landmarks depicted in their play environment. A model depicting the Orini river and its surrounds, from the mountain Pūtauaki to the sea is a prominent feature in the playground. A water feature in this display is interesting and stimulates children’s thinking and imagination. The children are able to identify areas of special interest to them. Children are learning about their language, culture and identity by exploring their environment.
Children know their kōhanga reo environment well. The kōhanga reo premises are well designed for children. It has the capacity to accommodate up to fifty children. The rooms are spacious and well maintained. There is an attached self contained space, staff room and ample office area. Attractive displays reflect the local area and the kaupapa children have been learning about. The outdoor area has covered verandas and a well maintained playground.
How well does the whānau manage the kōhanga reo for their children?
The whānau manage their kōhanga reo well for their children.
Whānau support each other well. Kaimahi and whānau share roles and responsibilities. They are loyal and committed to the kōhanga reo. Many have been members for many years. They are also key members of the marae and they support Ringatū karakia practices. The whānau appropriately model whanaungatanga for children.
The whānau are challenged by a falling roll due to competition from other providers of early childhood education in the community. However, the whānau remain focussed on an environment at provides for te reo Māori learning and promotes whānau participation and maintains their unique character.
The whānau meet regularly to discuss and plan for the future direction of their kōhanga reo. The annual plan includes shared events with other kōhanga reo in their purapura. The importance of whanaungatanga for the whānau, kaimahi and children is highlighted.
The charter and policies and procedures are kept current. Despite low roll numbers whānau continue to focus on good management that supports their children.
Planning for children’s learning is effective. Annual, term and weekly plans have good detail to guide kaimahi. The seasons, ngā atua, kaupapa and links to Ngā Taumata Whakahirahira are clearly documented. Goals for children, resources, new vocabulary, stories, waiata and excursions are identified in plans. Children enjoy a well balanced programme that supports their learning and development.
Children’s progress and achievement is monitored well. Assessment of children’s learning are conducted regularly. Art samples are gathered and presented in individual profiles. Parents have access to these. Kaupapa assessments show how children are progressing over time and what the next steps for learning will be.
Programme evaluation. Kaimahi formally meet each month to discuss their programme but they have not documented these conversations. Documenting changes to the programme over time demonstrates how children’s needs and interests are being addressed and the improvements that are being made to the programme.
Before the review, the licensee, whānau and staff of the kōhanga reo completed an ERO LicensedKōhanga Reo Assurance Statement June 2013 and Self-Audit Checklist. In these documents they have attested that they had taken all reasonable steps to meet their legislative obligations related to:
During the review, ERO checked the following items because they have a potentially high impact on outcomes for children:
ERO identified the following area of non-compliance:
Whānau must ensure that when children leave the premises on an outing or excursion an assessment and management of risk is undertaken and adult: child ratios are appropriate.[R46 (1) (a) Education (ECC) Regulations 2008].
ERO recommends:
ERO is likely to carry out the next review in three years.
Lynda Pura Watson National Manager Review Services Māori (Te Uepū-ā-Motu)
17 November 2014
|
Location |
Whakatane |
|
|
Ministry of Education profile number |
40199 |
|
|
Type |
Kōhanga Reo |
|
|
Number licensed for |
47 including 11 under 2 years old |
|
|
Roll number |
7 including 1 under 2 years old |
|
|
Gender composition |
Girls 1 Boys 6 |
|
|
Ethnic composition |
Māori |
100% |
|
Review team on site |
26 June 2014 |
|
|
Date of this report |
17 November 2014 |
|
|
Most recent ERO reports |
Education Review Education Review |
July 2011 May 2008 |