Te Kōhanga Reo o Reporoa

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū ana Te Kōhanga Reo o Reporoa ki te marae o Te Mātārae ki Reporoa. Koia nei te kōhanga reo tuatahi i te whakatūngia ai ki te rohe o Tūwharetoa, ā, e hono ana ki a Ngāti Tahu rāua ko Ngāti Whaoa. Kua raihanatia te kōhanga reo mō ngā mokopuna 15, me te tokoono o rātou ki raro i te rua o ngā tau.

3 Te Aronga o te Aromātai

He pēhea rawa te poipoi mātātoa o ngā pūnaha me ngā tukanga a te whānau i te whai wāhi atu a ngā mokopuna ki ā rātou akoranga?

E whakapūmau ana ngā pūnaha me ngā tukanga a te whānau i te whai wāhi atu a ngā mokopuna ki ā rātou akoranga, me tā rātou ngana ki te ako.  

4 Mana Whakahaere

He mārama ngā pūnaha i whakatakotohia ai e te whānau mō te whakahaeretanga o ngā whakaritenga. He pai te taetae atu ki ngā hui ā-whānau, ā, ka tuhia hoki ngā kōrero, ka whai pūtake hoki. Hui ai rātou i ia te wā ki te whakawhiti kōrero mō ngā take whai pānga, me te āta whakarite i ngā whakataunga. I tēnei wā, e arotake ana te whānau i te whakatutukitanga o ngā kaupapa here me ngā tukanga i ngā herenga ā-ture. Ka whakaemihia ngā mōhiohio māramarama, ka tuhia hoki ki ngā rēhita e pā ana ki te hauora me te haumaru. Whakamātauhia i ia te wā, ko ngā akoako e pā ana ki te ahi. I ia te wā, ka whakapuaki ngā kaimahi ki ngā whānau i tēnā e mahia ana, e ākona ana hoki e ngā mokopuna, ā, ka akiaki hoki i ngā kōrero urupare a te whānau mō te whakawhanaketanga o ngā mokopuna. Ka whakaarotau te whānau i te waiora o ngā mokopuna me tā rātou whai wāhi atu, mā te aroturuki me te ū ki te tuku pūrongo.

Ka whakatinanahia te mahere rautaki ki Te Ara Tūāpae. Ka whai wāhi ki aua tuhinga, ko te tirohanga me ngā wawata o te whānau mō ngā mokopuna. E tautuhi ana te mahere mahi i ngā kaupapa matua me ngā whāinga i tautuhia ai, hei āta whakatau i te rōnakitanga mō meāke nei. E tautuhi ana te mahere ā-tau i te whānuitanga tonu o ngā mahi whakahaere i te kōhanga reo me te tari, i ngā wā hoki e tika ana kia whakatutukihia. Ka whai hua ngā mokopuna nā ngā whakataunga matawhānui e whakatairanga ana i te rōnakitanga.

Ka whakamahere ngātahi ngā kaimahi i te hōtaka akoranga. He whai wāhitanga mō ngā whānau ki te whai wāhi atu hoki ki ngā mahi whakamahere. E whai kiko ana te mahere ako, ā, e whakatakoto ana i ngā mahere ā-tau, ā-wāhanga, ā-wiki hoki, hei ārahi i ngā kaimahi, ā, hei āta whakatau hoki i te whai aronga o te hōtaka akoranga. Ka kapohia atu te ako me te ahu whakamua a ngā mokopuna ki ngā pūkete. E whakanui ana aua pūkete i te ako a ngā mokopuna, i tō rātou whakawhanaketanga anō hoki i roto i te roanga o te wā. Ka whakatairangatia te ako a ngā mokopuna ki te tōpūtanga o ngā whakaritenga a ngā kaimahi.  

Ngā Whakaritenga Matua ka whai ake 

Me whakapakari ake i te aromātai hōtaka. E whakawhanake ana ngā kaimahi i tō rātou māramatanga ki te aromātai hōtaka. Ko ngā whakaritenga ka whai ake, ko te tuhi i tēnā i whai hua ai, me ngā mahere e tika ana ki te whakapai ake me te aroturuki i te kounga o te hōtaka akoranga. Ka whai hua ngā mokopuna mā te whakahāngaitanga o ngā aronga.

Kāhore anō kia whakatutukihia ngā akoako e pā ana ki te rū whenua. Me whakatau te whānau i te whakatutukitanga me te tuhi haere o ngā tikanga katoa e pā ana ki ngā akoako rū whenua. Ko te haumaru o ngā mokopuna te mea nui.

Kāhore anō kia kitea ētahi atu o ngā kaupapa e pā ana ki ngā tuhinga kaimahi. Kua whakatau ngātahi te whānau me Te Tari Arotake Mātauranga, ka whakatakotohia aua tuhinga i te wā ka tae atu Te Tari Arotake Mātauranga ki te kōhanga reo.  

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

• te haumaru ā-whatumanawa, tae atu ki te ārahi mauritau me te ārai tamariki

• te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

• te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 

• ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

Kia tutuki i te whānau ngā herenga ā-ture, me tahuri rātou ki te:

• āta whakatau i te noho mōhio o rātou ngā pakeke e whakarato ana i te mātauranga me te atawhai, ki ngā akoako hōneatanga rū whenua e tika ana, ā, kia whakatutukihia aua mahi ki te taha o ngā tamariki i ia toru marama noa te putuputu, koni atu rānei.

[R46 Ture Mātauranga (Kōhungahunga) 2008; HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]  

6 Te Taunakitanga

E taunaki tahi ana Te Tari Arotake Mātauranga me te whānau o te kōhanga reo, kia whakatakotohia e te whānau ngā tuhinga katoa e tika ana mō ngā take kaimahi, hei tirohanga i te wā ka tae atu Te Tari Arotake Mātauranga ki te kōhanga reo, ā, kia whakatutukihia ngā akoako rū whenua i ia toru marama noa te putuputu, koni atu rānei.

Darcy Te Hau
Toka ā Nuku
Te Uepū-a-Motu – Māori Services

19 Mahuru, 2023

7 Ngā kōrero e pā ana ki te Kōhanga Reo

Te tūwāhi	Kei Remora
Te tau a te Tāhuhu o te Mātauranga	40141
Te tau tohu o Te Kōhanga Reo	11-001
Te tūmomo whare	He kōhanga reo
Te raihana	Ngā Ture Mātauranga (Ratonga Kōhungahunga) 2008
Te tokomaha mō te raihana	15, kia tokoono ki raro i te rua o ngā tau
Te tokomaha kei runga i te rārangi ingoa	Tekau, tokotoru kei raro i te rua o ngā tau
Ngā hononga ā-iwi	Māori 10
Te wā arotake i mua i te taenga atu ki te kōhanga reo	Here-turi-kōkā 2023
Te wā o tēnei pūrongo	19 Mahuru 2023
Ngā pūrongo o mua	Arotake Mātauranga, Kohi-tātea 2019; Arotake Mātauranga, Hakihea 2017; Arotake Tāpiri, Hakihea 2014

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provides important information for hapū and iwi.

2 Context

Te Kōhanga Reo o Reporoa is located within Te Marae o Mātārae in Reporoa. It was the first kōhanga reo to be established in the Tūwharetoa region, and affiliates to both Ngāti Tahu and Ngāti Whaoa. The kōhanga reo is licensed for up to 15 mokopuna including up to six under two years.

3 Evaluation Focus

How well do whānau systems and processes actively foster the engagement of mokopuna in their learning?

Whānau systems and processes reinforce mokopuna participation and engagement in their learning.

4 Findings - Mana Whakahaere

Whānau have clear systems in place to manage operations. Whānau hui are well attended, recorded and purposeful. They meet regularly to discuss matters of interest and to make informed decisions. Whānau are currently reviewing policies and procedures to ensure they meet legislation. Clear information is gathered and documented in health and safety registers. Fire drills are practised regularly. Kaimahi regularly share what mokopuna are doing and learning with whānau and are encouraged to comment on mokopuna development. Whānau prioritise the wellbeing and engagement of mokopuna through monitoring and dedicated reporting.

The strategic plan is informed by Te Ara Tūāpae. This includes the vision and aspirations whānau hold for mokopuna. An action plan defines identified priorities and goals to ensure sustainability for the future. An annual plan identifies overall operational and administrative tasks and when these are to be completed. Mokopuna benefit from informed decision making that promotes sustainability.

Kaimahi collaboratively engage in the planning of the learning programme. Whānau are provided opportunities to contribute to planning. The māhere ako is detailed and includes annual, term and weekly plans to guide kaimahi and ensure the learning programme is focused. Mokopuna learning and progress is captured in portfolios. These acknowledge individual mokopuna learning and development overtime. Mokopuna learning is enhanced through collective kaimahi practices. 

Key Next Steps

Programme evaluation requires strengthening. Kaimahi are developing their understanding of programme evaluation. Next steps are to document what worked well and what planning is required to improve and monitor the quality of the learning programme. Mokopuna would benefit from focussed approaches.

Earthquake drills have not been carried out. Whānau must ensure all requirements for earthquake drills are completed and recorded. Mokopuna safety is paramount.

Other matters related to personnel documentation are yet to be sighted. Whānau and ERO have agreed that documentation will be available during the onsite visit.

5 Assurance on Legal Requirement

During the evaluation, ERO looked at systems for managing the following areas:

• emotional safety including positive guidance and child protection

• physical safety including supervision, sleep procedures, accidents, medication, excursion policy and procedures

• suitable staffing including appropriate qualifications, police vetting, ratios

• emergency procedures and practices for earthquakes, fire, flood, tsunami and pandemic.

To meet compliance requirements, they must: 

• ensure adults providing education and care are familiar with relevant emergency earthquake drills and carry these out with children on an at least three-monthly basis.

[Regulation 46 Education (Early Childhood Services) Regulations 2008, (HS8) Licensing criteria for Kōhanga Reo affiliated with the Te Kōhanga Reo National Trust 2008]

6 Recommendation

ERO and the kōhanga reo whānau recommends that whānau provide all relevant documentation for personnel matters be made available during the onsite visit and ensure earthquake drills are carried out on at least three-monthly basis.

Darcy Te Hau
Toka-ā-Nuku – Director
Te Uepū ā-Motu – Māori Review Services

19 September 2023

7 Information about the Kōhanga Reo

Location	Reporoa
Ministry of Education profile number	40141
Kōhanga Reo Identification Number	11-001
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	15 children, including up to 6 aged under 2
Kōhanga Reo roll	10 children, including up to 3 aged under 2
Ethnic composition	Māori 10
Review team on site	August 2023
Date of this report	19 September 2023
Most recent ERO report(s)	Education Review, January 2019; Education Review, December 2017; Supplementary Review, December 2014;

1 He Whakamārama

He Kupu Whakataki

Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.

E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.

Ngā Whakataunga mō ngā Whakapuakitanga

Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:

• te whakamahere me te aromātai – tae atu ki te whakamahere, te whakatinanatanga me te aromātai, ngā whakaritenga e pā ana ki te arotake whaiaro, te arohaehae i ngā kaimahi, te whakamahere rautaki, te mahere ā-tau, ngā take kaimahi, me te hauora, te haumaru hoki
• ngā wāhanga kāhore e tutuki ana e ai ki te ture – tae atu ki te whakamahere me te whakatinana i te marautanga, te aromātai hōtaka, ngā whakaritenga e pā ana ki te arotake whaiaro, te whakahaeretanga o ngā kaimahi, te arohaehae kaimahi, te whakamahere rautaki me te whakamahere ā-tau, ngā tukanga kia arowhaingia e ngā pirihimana, me ngā tukanga ki te mātakitaki i ngā tamariki i ngā wā moe, me
• ētahi atu take i tāutuhia ai whai muri i te arotake o mua.

2 Te Horopaki

E tū ana Te Kōhanga Reo o Reporoa ki te marae o Mātārae, ki Reporoa. Kua whakatakotohia e te whānau tētahi mahere mahi hei whakatutuki i ngā take i tāutuhia ai ki te pūrongo a Te Tari Arotake Mātauranga i te Whiringa-ā-nuku o 2017. Mai i taua arotake a Te Tari Arotake Mātauranga kua pā mai ētahi rerekētanga ki ngā tūnga kaimahi. I rīhaina te kaiako o mua, ā, tokorua ngā kaiāwhina hou i nāianei. E noho pūmau ana te whānau ki te hāpai i ngā whakapai tonutanga ki te kōhanga reo, ā, kua whakatutukihia e rātou ngā āhuatanga maha o ngā take i whakatakotohia ai ki te pūrongo o mua a Te Tari Arotake Mātauranga.

3 Ngā Whakaaturanga

Kua whakatakotohia ngā tukanga e pā ana ki te whakamahere me te aromātai i te hōtaka. Ka āta whakarite te whānau i te whakamaheretanga o te hōtaka akoranga, me te whakapuakitanga o tēnei kia pai ai te whakamōhio i ngā kaimahi me te whānau. He auau ngā whakawhitinga kōrero e pā ana ki te hōtaka akoranga me te whai huatanga o te hōtaka, ā, he pai anō hoki te whakatakoto ā-tuhi nei i aua kōrerotanga. E whai wāhi atu ana ngā tamariki ki tētahi marautanga i whakamaheretia ai.

Kei te pai haere ngā whakaritenga e pā ana ki te arotake whaiaro. He pai te ahu whakamua a te whānau, whai muri i te arotake o mua a Te Tari Arotake Mātauranga. He pai te tae ā-tinana atu ki ngā hui ā-whānau. Ka hoki atu te whānau ki tā rātou mahere ā-tau i aua hui, ā, ka aroturuki i tā rātou ahu whakamua mā ngā āhuatanga matua o ngā whakahaeretanga. E arotahi ana te whānau ki te whakatairanga ake i te kounga o te atawhai e whakaratohia ana mā ā rātou tamariki.

Kua whakatinanahia e te whānau tētahi mahere rautaki e whakatakoto ana i ngā whāinga whakawhanake o te paetawhiti. Ka ārahi, ka aroturuki hoki tā rātou mahere ā-tau i te ahu whakamua o ngā kaupapa o ia tau. E arotahi ana te whānau ki te whakapai tonutanga, mā te whai whakaaro nui anō hoki ki te rōnakitanga o te pae tata me te pae tawhiti.

Kua whakatutukihia e te whānau te nuinga o ngā wāhanga i tāutuhia ai ki te pūrongo o mua mō te whakahaeretanga o ngā kaimahi. Kua oti i a rātou ngā tukanga kia arowhaingia ngā kaimahi katoa e ngā pirihimana, tae atu hoki ki ngā mema o te whānau e whai wāhi mātātoa ana ki te kōhanga reo. Kua whakatinanahia e te whānau ngā tukanga e hāpai ana i a rātou ki te whakapūmau i ā rātou kawenga mahi hei kaituku mahi pai.

Kua whakatinanahia e te whānau ngā tukanga e tika ana mō ngā wā moe me ngā wā tīni kope. Ko te hauora me te haumaru o ngā tamariki e noho matua ana.

Ngā Whakaritenga Matua ka Whai Ake

Ko te arohaehae i ngā kaimahi tētahi āhuatanga hei whakawhanake tonu. Kāhore te whānau e noho mārama ana ki te pūtake o te arohaehae. Kua tae ki te wā kia toro atu te whānau ki te tautoko e tika ana mō te whakatinanatanga o tētahi tukanga arohaehae e whakamana ai i ngā pūmanawa o ia kaimahi, ā, e tāutu ana hoki i ētahi atu whai wāhitanga mō te tupu ngaiotanga.

He mahi anō hei whai atu, kia mōhio ai ngā tamariki ki ngā mahinga i te hōtaka akoranga, ā, kia taea ai e rātou te āta whakawhiti haere ki ngā tūmomo taumahi, puta noa i te rā. I ētahi wā, he rangirua te āhua o ngā tamariki ki tēnā ka whai ake hei mā rātou i roto i te hōtaka akoranga. He mea nui kia noho mārama ngā tamariki ki tēnā e hiahiatia ana ki te hōtaka akoranga, ā, kia tino rite anō hoki ngā kaimahi ki te hāpai i te whakawhiti ngāwari tonu o ngā tamariki ki ngā tūmomo taumahi.

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• arotake, kia whakapai ake hoki i te tukanga arohaehae a ngā kaimahi
• whakamahere mō te rere ngāwari o ngā whakawhitinga mahi o ngā tamariki, puta noa i te hōtaka akoranga.

Hei ā hea Te Tari Arotake Mātauranga aromātai anō ai i te kōhanga reo?

Ka whakahaere anō Te Tari Arotake Mātauranga i te aromātai whai muri o Te Kōhanga Reo o Reporoa i roto i te toru o ngā tau.

Charles Rolleston Toka ā-nuku

24 Kohitātea, 2019

Ngā kōrero e pā ana ki te kōhanga reo

Te tūwāhi	Kei Reporoa
Te tau a te Tāhuhu o te Mātauranga	40141
Te tau tohu o te kōhanga reo	11-001
Te tūmomo raihana	Te Kōhanga Reo
Kua raihanatia ki te ture	Ngā Ture Mātauranga (Ratonga Kōhungahunga) 2008
Te tokomaha mō te raihana	15 ngā tamariki, kia tokoono ki raro i te rua o ngā tau
Te tokomaha kei te rārangi ingoa	Tokorima ngā tamariki, kotahi kei raro i te rua o ngā tau
Te ira tangata	Kōtiro 2 Tama 3
Ngā hononga ā-iwi	Māori		100%
Te wā i te kōhanga reo te rōpū arotake	5 Hakihea 2018
Te wā o tēnei pūrongo	24 Kohitātea, 2019
Ngā pūrongo o mua a Te Tari Arotake Mātauranga	Arotake Mātauranga Arotake Tāpiri Arotake Mātauranga	Hakihea 2017 Hakihea 2014 Haratua 2013

1 Background

Introduction

A supplementary evaluation is undertaken at the discretion of the Chief Review Officer of the Education Review Office (ERO).

ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.

Terms of Reference

This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation area to investigate:

• planning and evaluation – including planning, implementation and evaluation, self-review practices, staff appraisals, strategic planning, annual plan, personnel matters and health and safety

• areas of non-compliance – including curriculum planning and implementation, programme evaluation, self-review practices, personnel management and staff appraisals, strategic and annual planning, police vetting processes, and procedures to monitor children at sleep times.

• and any issues identified since the previous review.

2 Context

Te Kōhanga Reo o Reporoa is located on Mātārae marae in Reporoa. The whānau have put an action plan in place to address the concerns identified in the October 2017 ERO report. Since that ERO review, there have been changes in staff. The former kaiako resigned and there are two new kaiāwhina. The whānau is committed to supporting ongoing improvements in the kōhanga reo and have addressed many of the issues in their previous ERO report.

3 Findings

Programme planning and evaluation processes are in place. The whānau ensure that the learning programme is planned and shared so that kaimahi and whānau are well informed. Discussions about the learning programme and its effectiveness are regular and well documented. Children’s experience a planned curriculum.

Self-review practices are improving. The whānau have made good progress since the previous ERO review. There is good attendance at whānau hui. The whānau refer to their annual plan during these hui and monitor their progress against key aspects of operations. The whānau are focussed on raising the quality of care for their children.

The whānau have implemented a strategic plan with long-term developmental goals. Their annual plan guides and monitors progress of annual activities. The whānau are focused on continual improvement with short-term and long-term sustainability in mind.

The whānau have addressed most areas of personnel management identified in the previous report. They have completed police vetting processes on all kaimahi as well as whānau members who are actively involved with the kōhanga reo. The whānau have implemented processes that support them to uphold their responsibilities as good employers.

The whānau have implemented correct sleeping and nappy changing procedures. The health and safety of children is paramount.

Key Next Steps

The appraisal of kaimahi remains an area for development. The whānau are not clear about the purpose of appraisal. It is time for the whānau to seek support to implement an appraisal process which affirms the strengths of each kaimahi and identifies further opportunities for professional growth and development.

Further work is required to ensure that children know the routines in the learning programme and can confidently move between activities during the day. At times children appeared uncertain about what they needed to do next in the learning programme. It is important that children are clear about what is required in the learning programme and that kaimahi are well prepared to support children to transition smoothly.

4 Recommendation

ERO and the kōhanga reo whānau developed the following recommendations:

• review and improve the appraisal process for kaimahi
• plan for smooth transitions for children across the learning programme.

5 When is ERO likely to evaluate the kōhanga reo again?

The next ERO evaluation of Te Kōhanga Reo o Reporoa will be in three years.

Charles Rolleston Toka ā-nuku

24 January 2019

Information about the Kōhanga Reo

Location	Reporoa
Ministry of Education profile number	40141
Kōhanga Reo Identification Number	11-001
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	15 children, including up to 6 aged under 2
Kōhanga Reo roll	5 children, including 1 aged under 2
Gender composition	Girls 2 Boys 3
Ethnic composition	Māori		100%
Review team on site	5 December 2018
Date of this report	24 January 2019
Most recent ERO report(s)	Education Review Supplementary Review Education Review	December 2017 December 2014 May 2013