Te Kōhanga Reo o Waitahanui

1 Te Horopaki

E tū ana Te Kōhanga Reo o Waitahanui ki te hapori iti o Waitahanui, ki waenga i ngā tāone o Taupō me Tūrangi. E tino whai pānga ana te tirohanga o te kōhanga reo ki te aronga nui ki tō rātou tū hei uri o te hapū o Ngāti Tutemohuta. Kua tāutuhia ngā uaratanga o te kōhanga reo, pērā i te whakapapa, te ūkaipōtanga, te manaakitanga, te whanaungatanga, me te kaitiakitanga. E noho pūmau ana te whānau ki te whakarato ki ngā tamariki ngā wheako e whakapūmau ai i ō rātou tuakiri, i tō rātou reo, i ō rātou whānau, ā, i tō rātou marae hoki. Ka whai wāhi nui ngā tamariki o te kōhanga reo ki te noho pūmau o te reo, ngā tikanga, me te marae o Ngāti Tutemohuta ā tōna wā. I tēnei wā, kua kī te tatauranga o te rārangi ingoa ki tēnā i whakatakotohia ai ki te raihana, heoi, kua eke ki te 20 tamariki, ā, he rārangi tatari hoki mō ngā tamariki me ngā whānau e hiahia ana ki te uru mai.

2 Ngā Whakaaturanga o te Aromātai

He pēhea rawa te ako a ngā tamariki i te Tutemohutatanga?

He pai te tūnga o ngā tamariki ki te ako i tō rātou tuakiri me ō rātou hononga ki a Ngāti Tutemohuta.

Ngā Taumata Whakahirahira

E ako ana ngā tamariki i tō rātou tuakiri hei uri o Ngāti Tutemohuta. Ka kitea e rātou ngā kōrero tuku iho e pā ana ki a Ngāti Tutemohuta ki ngā pakitara o tō rātou kōhanga reo, ā, ka whakamāharatia rātou i ia te wā ō rātou hononga ki te hapū, ki te moana a Taupō-nui-a-Tia, me ētahi atu wāhi whakahirahira o te hapori. Ka whakapūmautia anō hoki tō rātou tuakiri mā te ako i ngā waiata o te hapū, me te whakaatu i ō rātou pepeha ki te kōhanga reo. He whai wāhitanga i ia te wā mō ngā tamariki ki te noho ki te marae, ā, ka āwhina rātou ki te hora i ngā tēpu kai, ka whai wāhi atu ki ngā pōwhiri, ā, ka ako hoki i tō rātou tū hei tangata whenua ki Waitahanui. Nā tō rātou noho ki te taha o ngā pākeke i te marae, ka rongo ngā tamariki i ngā whakapapa, ā, ka whanake anō hoki tō rātou mōhiotanga ki ngā tātai whakapapa ki waenga i a rātou anō. E mōhio ana ngā tamariki, he whakahirahira tō rātou whai wāhi nui ki te kōhanga reo me te marae.

E rumakina ana ngā tamariki ki tētahi taiao e whakamana ana i te reo Māori. Ko tō te whānau wawata, kia ako ā rātou tamariki i te reo Māori ki tētahi taiao e whakanui ana i a Tutemohuta. E noho pūmau ana ngā kaimahi ki te whakamahi i te reo Māori ki te kōhanga reo, me te hāpai i te rongo o ngā tamariki i te reo Māori e whakamahia ana ki te whānuitanga o ngā tūmomo horopaki, pērā i te marae. Ka hāpai, ka akiaki hoki rātou i ngā tamariki ki ngā wā e tika ana, hei hāpai i te whakamahinga o te reo. E whai wāhi atu ana ngā tamariki ki te hōtaka o ia rā, ā, ka ārahi rātou i ngā waiata, ka taki i ngā mihimihi, ā, ka hāpaitia tā rātou whakamahinga i te reo Māori. Ahakoa kei te mārama, kei te whakamahi hoki ngā tamariki i ngā kupu māmā me ngā kīanga māmā i roto i ngā horopaki tika, he nui anō hoki ngā wā ka whakawhitiwhiti kōrero rātou mā te reo Pākehā. E whanake ana ngā pūkenga reo Māori o ngā tamariki.

E whakawhanake ana ngā tamariki i tō rātou mōhiotanga ki te taiao māoriori o Ngāti Tutemohuta. Ka whai wāhi atu ngā tamariki ki ngā kaupapa i te hapori, hei uri o Ngāti Tutemohuta. Haere ai ngā tuākana i ia te wā ki ngā wāhi e pā tata ana ki te kōhanga reo, ki te ako, ā, ki te tūhonohono hoki ki ngā kōrero e pā ana ki a Ngāti Tutemohuta me Waitahanui. Ka whai wāhi atu ngā tamariki ki te whāngai i ngā kararehe, te tiaki me te hauhake i te māra, te kohikohi i ngā huarākau i te uru rākau, me te titiro ki ngā kauranga koura me ngā kauranga ika. E whakawhānui ana aua wheako i te ako a ngā tamariki i te noho whakahirahira o te kaitiakitanga me te manaakitanga, me ngā huarahi ka taea e rātou te whai ki te manaaki me te whāngai i te iwi me ngā manuhiri. He ngākau titikaha tō ngā tamariki i tō rātou taiao ake, i tō rātou hapori ake.

E whai wāhi atu ana ngā tamariki ki tētahi hōtaka akoranga e ahu mai ana i ngā kaupapa i tāutuhia ai, ā, i whakahonotia ai ki ngā atua Māori. He māhorahora tā rātou haereere ki ngā tūmomo taumahi i whakaritea ai e ngā pākeke i te kōhanga reo. Tērā anō ētahi whai wāhitanga mō ngā tamariki ki te kōkiri i ā rātou ake tākaro. He wāteatea te wāhi ako o waho, ā, e āta whakamahia ana hei āhuatanga tonu o ngā akoranga o ngā tamariki. Ka whakamahi ngā tēina i te mahau me te wāhi whāriki hoki o roto, i ngā tuākana e haereere ana i ia rā ki ngā wāhi o tō rātou hapori. He pai te whakahaere i ngā mahinga. He pai anō hoki te whai wāhi nui mai o te whānau ki te hōtaka akoranga. Ka āta whakaritea te ako a ngā tamariki.

Ngā Whakaritenga Matua ka Whai Ake

E tika ana kia ākina ake te whakamahinga a ngā tamariki i te reo Māori i ia te wā, puta noa i te rā. Kei ngā kaimahi te ngākau titikaha me te āheinga ki te whakapūmau i tētahi taiao ako rumaki reo Māori. Me tahuri rātou i nāianei ki te tāutu i ngā rautaki me ngā huarahi ka hāpai i ngā tamariki ki te whakamahi ake i te reo Māori ki waenga i a rātou anō, ā, ki ngā kaimahi hoki. Kua tae hoki ki te wā kia whai whakaaro ngā kaimahi me te whānau ki te whakawhānui ake i ngā tūmomo taumahi ako hei whiringa mā ngā tamariki, ā, kia whai wāhi mai pea ko te tākaro wai, te mahi toi, tētahi tēpu hanganga, me ngā tūmomo tākaro auaha. Mā aua wheako, ka nui ake anō hoki ngā whai wāhitanga ako reo e whakawhānui ai i te whakamahinga o ngā tamariki i te reo Māori.

Te Whakamahere me te Aromātai

E tino whakaarohia ana te ako a ngā tamariki, hei āhuatanga tonu o ngā tukanga e pā ana ki te whakamahere, te aromatawai, me te aromātai ki te kōhanga reo. He tūmāia, he tākare hoki te rōpū kaimahi e whakarato ngātahi ana i ngā mahere ako e whakapūmau ana i te aronga ki a Ngāti Tutemohuta. Ka ū hoki ki ngā whakaritenga e pā ana ki te aromatawai me te aromātai. E noho ngākau nui ana ngā kaimahi ki te tupu me te ako i ngā huarahi hou ka hāpai i te ako a ngā tamariki me ō rātou whanaketanga. Kua toro atu rātou ki te tautoko ka ahu mai i tā rātou kāhui kōhanga reo, hei hāpai ake i te āhua o ā rātou mahi ki te whakamahere i te hōtaka akoranga. Kua tino whai hua tēnei mahi ki ngā kaimahi, ā, kua tīmata rātou i nāianei ki te whakatinana ake i aua whakapaitanga. Ka taea hoki e ngā mema o te whānau ngā whakaaro te whakapuaki mō te hōtaka akoranga. E whakatairangatia ana te ako a ngā tamariki nā ngā pūmanawa o ngā kaimahi.

Kua tāutuhia e te whānau tā rātou aronga rautaki, ā rātou uaratanga, me ā rātou kaupapa matua mō te kōhanga reo ā meāke nei. E tino hono katoa ana aua tūāhuatanga ki tō rātou tuakiri hei uri o Ngāti Tutemohuta, me tō rātou whai wāhi nui ki a Waitahanui me tō rātou iwi. Ko ētahi o ngā kaupapa matua a te whānau, ko te whakawhānui i ngā whare o te kōhanga reo, ko tētahi mahere tauatanga kia tū ai ngā kaimahi ki ngā tūranga ārahi o te kōhanga reo, ā, ko te hāpai hoki i te whakawhitinga o ngā tamariki i te kōhanga reo ki te kura. E mōhio ana ngā mema o te whānau ki ngā whakaritenga o te mahere rautaki ka whai ake, ā, he tukanga hoki ā rātou ki te whakatutuki i aua whakaritenga. Ko te whakapau kaha o te whānau i te kōhanga reo e kōkirihia ana ki ō rātou wawata kia whai oranga ake ā rātou tamariki ā meāke nei.

He pakari ngā mahi whakahaere a te whānau ki te kōhanga reo. He pai te tautoko o te whānau i ngā whakahaeretanga o ia rā, inarā, i te taetae mai o ngā māmā awhi hei tautoko i te hōtaka akoranga i ia wiki. Tū ai ngā hui ā-whānau i ia te wā, ā, he pai hoki ngā tuhinga kōrero e pā ana ki aua hui me ngā whakawhitinga whakaaro. Ka whakapūmautia ngā wāhanga matua o ngā whakahaeretanga me ngā pūrongo. Kei ngā aromātai o roto, ko te auau o te arotake i ngā kaupapa here, me te āta whakarite kia noho matua tonu ai ngā whakaritenga e pā ana ki hauora me te haumaru. E tino tautokona ana ngā tamariki o te kōhanga reo e tō rātou whānau.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• toro atu tonu rātou ki ngā whakaaro me te tautoko o ētahi atu kōhanga reo, o te Poari Matua o Ngā Kōhanga Reo hoki, hei whakatairanga i ngā whakaritenga o tēnei wā, inarā, hei whakatairanga ake i te whakamahinga a ngā tamariki i ia te wā i te reo Māori, ā, hei whakawhānui hoki i ngā tūmomo taumahi ako.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Waitahanui i roto i te toru o ngā tau.

Lynda Pura-Watson

Kaiurungi Whakaturuki Arotake Māori

18 Haratua, 2018

Ngā kōrero e pā ana ki te kōhanga reo

1 Context

Te Kōhanga Reo o Waitahanui is located in Waitahanui, a small community between Taupō and Tūrangi. The vision for the kōhanga reo is strongly linked to embracing their identity as the hapū of Tutemohuta. There are defined values for the kōhanga reo including whakapapa, ūkaipōtanga, manaakitanga, whanaungatanga, and kaitiakitanga. The whānau is committed to providing experiences for children that reinforce who they are, their language, their whānau and their marae. Children in the kōhanga reo will play a critical role in the future to maintain the language, tikanga and marae of Tutemohuta. The kōhanga roll is currently operating at its maximum licensed roll of 20 children and has a waiting list of children and whānau.

2 The Evaluation Findings

How well do children learn about Tutemohutatanga?

Children are well placed to learn about their identity and their links to Tutemohuta.

Ngā Taumata Whakahirahira

Children learn about who they are as uri of Tutemohuta. They see the story of Tutemohuta on their wall at kōhanga reo and are regularly reminded of their connections to the hapū, Lake Taupō and other local places of significance. Their identity is also reinforced through learning waiata from the hapū and having their pepeha displayed in the kōhanga reo. Children have regular opportunities to spend time at the marae where they help to set the tables for kai, participate in pōwhiri, and learn about their roles as tangata whenua in Waitahanui. While around the adults on the marae, children hear the language of whakapapa and develop an awareness of how they are related to others. Children know the importance of their place in the kōhanga reo and marae.

Children are immersed in an environment that values te reo Māori. The whānau aspires for their children to learn te reo Māori in an environment that reflects Tutemohuta. Kaimahi are committed to using te reo Māori at the kōhanga reo and allowing children to hear te reo Māori being used in different settings such as the marae. They support and prompt children as needed to support language use. Children participate in the daily programme where they lead waiata, recite mihimihi, and are supported to use te reo Māori. Although children understand and use simple words and phrases in the correct context, their language of communication is often English. Children’s language skills in te reo Māori are developing.

Children are developing their knowledge about the physical environment of Tutemohuta. Children take part in community events as uri of Tutemohuta. Tuākana regularly visit places near the kōhanga reo to learn and connect with stories about Tutemohuta and Waitahanui. Children help to feed the animals, maintain and harvest the garden, gathering fruit from the trees in the orchard, and visiting the koura and fish pods. These experiences extend children’s learning about the importance of kaitiakitanga and manaakitanga, and how they can help to care for and feed the iwi and manuhiri. Children are confident in their local environment and community.

Children participate in a learning programme that is based on the identified kaupapa and linked to atua Māori. They move freely between activities which are prepared by the adults in the kōhanga reo. There are some opportunities for children to initiate their own play. The outdoors learning environment is spacious and well utilised as part of children’s learning. Tēina use the deck area and indoor mat area while tuakana are on their daily visits to areas of the village. Routines are well managed. There is a good level of whānau involvement in the learning programme. Children’s learning is well organised.

Key Next Steps

Children can be encouraged to use te reo Māori more consistently throughout the day. Kaimahi have the confidence and ability to maintain an immersion learning environment. They should now identify strategies and approaches that will enable children to use te reo Māori more with each other and with kaimahi. It is also timely for kaimahi and whānau to consider extending the variety of learning activities for children to choose from such as water play, arts and crafts, construction table, and creative play. These experiences will provide more language learning opportunities to extend children’s use of te reo Māori.

Planning and Evaluation

Children’s learning is well considered as part of planning, assessment and evaluation processes in the kōhanga reo. There is a team of confident and enthusiastic kaimahi who provide work together for plan learning that reinforces that focus on Tutemohuta. Assessment and evaluation practices are maintained. Kaimahi are open to growing and learning new ways to support children’s learning and development. They have sought support from within their kōhanga reo network to improve how they plan the learning programme. This has been a positive experience for kaimahi who are now implementing those improvements. Whānau members can also contribute ideas towards the learning programme. Children’s learning is enhanced by the capability of kaimahi.

The whānau has identified their strategic direction, values and priorities for the future of the kōhanga reo. These are all strongly linked to their identity as Tutemohuta and place within Waitahanui and the iwi. Priorities for the whānau include extending the kōhanga reo facilities, a succession plan for kaimahi into leadership roles in the kōhanga reo, and supporting the transition of kōhanga reo graduates into kura. Whānau members are aware of their next steps on the strategic plan and have processes in place to meet these. Efforts of whānau in the kōhanga reo are driven by aspirations of a better future for children.

Whānau management practices in the kōhanga reo are sound. There is good whānau support for day to day operations, in particular the māmā awhi who are present to help with the learning programme during the week. Whānau hui are held regularly and there are good records kept of these meetings and discussions. Key areas of operation and reporting are maintained. Internal evaluation includes regular policy review, and ensuring health and safety practices are prioritised. Children in the kōhanga reo are well supported by their whānau.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendation:

• Continue to seek ideas and support from other kōhanga reo and Te Kōhanga Reo National Trust to enhance current practices, in particular promoting consistent use of te reo Māori by children and extending the range of learning activities.

When is ERO likely to evaluate the kōhanga reo again?

The next ERO evaluation of Te Kōhanga Reo o Waitahanui will be in three years.

Lynda Pura-Watson

Deputy Chief Review Officer Māori

18 May 2018

Information about the Kōhanga Reo

Te Aromātai

E pā tata atu ana Te Kōhanga Reo o Waitahanui ki te Roto o Taupō, ki Waitahanui. Kei te āta tautokona ngā tamariki ki te ako i te reo Māori me ōna tikanga. He ākonga tākare, he ākonga pakari hoki rātou, ā, ka poipoia mā ngā manaakitanga o te whānau. Ka whai hua ngā tamariki nā tētahi rōpū matua o te whānau e āta whakahaere ana i te kōhanga reo. Tērā ka whakahaerehia e Te Tari Arotake Mātauranga te arotake whai muri i roto i ngā tau e toru.

Ka arotake anō Te Tari Arotake Mātauranga i Te Kōhanga Reo o Te Kōhanga Reo o Waitahanui i roto i te toru o ngā tau.

1 Te Horopaki

E pā tata atu ana te kōhanga reo ki te moana o Taupō, ki Waitahanui. Ko te tirohanga a te whānau o Te Kōhanga Reo o Waitahanui, ko te para o tētahi tino huarahi mō ngā rangatahi, ngā tamariki, me ngā mokopuna o tō rātou hapori. Ka arahina rātou e ngā uaratanga matua me te aronga nui ki te reo Māori me ōna tikanga. Ka whakarato rātou i tētahi taiao e manaaki ana, e poipoi ana hoki i ngā tamariki.

He maha ngā whai wāhitanga mō ngā tamariki ki te ako i tō rātou tuakiri, tō rātou reo, me tō rātou ahurea hoki mā te horopaki e whai pānga ana ki te marae o Pakira, Te Kura o Waitahanui, tae atu hoki ki ngā hapori o Ngāti Tūtemohuta me Ngāti Tūwharetoa.

Ko ngā kaimahi katoa, he pia o te kōhanga reo. He tākare, he ngākau nui hoki rātou ki te kaupapa o te kōhanga reo. He pai te whakahaeretanga a tētahi rōpū matua o te whānau i te kōhanga reo. Ko ngā matea me ngā ngākau nuitanga o ngā tamariki kei te pūtake o ngā whakaritenga o ia rā me ngā whakawhanaketanga mō te wā roa.

2 Ngā Whakaaturanga o te Arotake

He pēhea rawa te whakaatu mai o ngā tamariki i tō rātou mōhiotanga ki te reo Māori me ōna tikanga?

Ka kitea te māramatanga pai o ngā tamariki ki te reo Māori me ōna tikanga.

Ngā Taumata Whakahirahira

He tākare, he pakari hoki ngā tamariki hei ākonga. He muramura, he karakara hoki ō rātou wāhi ako. Ka rumakina ngā tamariki ki tētahi taiao reo Māori, ā, he pai tā rātou whai wāhi atu, tā rātou whakawhiti kōrero hoki ki ō rātou hoa, ngā kaimahi, me te whānau. Ka hāngai te hanganga ako reo ki ngā karakia o ia rā, ngā hīmene, ngā waiata, ngā mihimihi, ngā pepeha, me ngā kaupapa ako. Ka aro atu ngā tamariki ki ngā akiaki, ngā patapatai, me te whakamihi. E mōhio ana ngā tamariki ko te reo Māori te reo whakawhitiwhiti kōrero ki tō rātou kōhanga reo.

Ka kitea te aroha, te manaaki, te atawhai, me te whakaaro nui o ngā tamariki mō ētahi atu. Ka whai pānga nui te whanaungatanga ki ngā akoranga me te whakawhanaketanga o ngā tamariki. Ka ngākau nui rātou ki te pai o ngā taunekeneke me ngā hononga ki waenga i a rātou anō, ngā kaimahi, me ētahi atu. Ka whai wāhi atu ngā tamariki ki ō rātou hoa hei tuakana, hei teina. He tino tauira hoki ki ō rātou taha. He pai hoki tā rātou aro atu ki ngā mihi me te tautoko i a rātou e ako ana. He harikoa, he tau hoki ngā tamariki, ā, ka whakaongaongatia hoki ki tō rātou taiao.

He māhorahora te ū tonu o ngā tamariki ki ngā tikanga Māori, huri noa i te rā. Kua āta whakaritea ā rātou mahinga, me ā rātou whakaritenga o ia rā.

He pārekareka ki ngā tamariki te ako i te ao e noho nei rātou. Ka tūhura, ka whakatewhatewha hoki rātou i te whānui o ngā tūmomo taumahi e ngākau nuitia ana e rātou. E wātea ana ki a rātou ngā rauemi whakahihiri, tae atu ki ngā matū māori. He pakari, he hihiri hoki ngā tamariki ki te tūhura me te ako.

Ngā Whakaritenga Matua ka Whai Ake

He whāiti ngā whakawhitinga kōrero ki ngā tamariki, i a rātou e tūhura ana, e tākaro ana hoki. E mōhio ana te whānau, ko te whakapakari ake i tō rātou āheinga ki te whai wāhi atu ki ngā tamariki me ngā whakawhitinga kōrero e whai pūtake ana ki ā rātou tākaro, ka āta whai hua ake anō hoki te whakawhanaketanga o te reo Māori o ngā tamariki.

Te Whakamahere me te Aromātai

Ka ako ngā tamariki ki tētahi taiao o te ao Māori, ā, e hāpaitia ana e tō rātou whānau. Ka whai hua ngā mahi a ngā mema o te whānau ki te whakahaere i te kōhanga reo. E pou here ana te whanaungatanga me te whakapapa i te huarahi mahi ngātahi a te whānau. E wātea ana ki a rātou te whānuitanga o ngā tūmomo rauemi o te hapori, ngā mātanga anō hoki, hei hāpai i ā rātou mahi. He matawhānui ngā mahere mō te wā roa me te wā poto. Ka aroturuki, ka pūrongo hoki i ia te wā i ngā taumata rautaki me ngā whāinga. He pai te whakahaeretanga a te whānau i ngā rawa hei āta whakarite i te hauora me te haumaru o ngā kaimahi me ngā tamariki. a whai hua te whakahaeretanga o ngā kaimahi me te āhua o ngā mahi.

Ka whai hua ngā tamariki nā te kōrero a ngā kaimahi i te reo Māori. He pai te mahi ngātahi a ngā kaimahi ki te whakarato i ngā hōtaka akoranga e tino hihiri ana mō ngā tamariki. Ka whakamahi ngātahi rātou i ō rātou pūkenga, ō rātou mātanga hoki ki te whakamahere, te whakapuaki, me te aroturuki i te hōtaka akoranga. Ka whakaaro huritao rātou, ā, me te mārama hoki o tā rātou aro ki ngā putanga hua mō ngā tamariki. Kei ngā pūkete te whānuitanga o ngā tūmomo mōhiohio papai e pā ana ki te ako me te atawhai o ā rātou tamariki, me te atawhai i a rātou. Ka whakamanahia, ka whakanuia hoki ngā akoranga a ngā tamariki.

He mārama te tirohanga a te whānau mō te kōhanga reo me ā rātou tamariki. He tino tauāki ki te tūtohinga mō te tūnga o te reo Māori me ōna tikanga. He mahere tā te whānau mō te tuku ā-whakatupuranga nei i te kōhanga reo, hei āta whakarite i te noho pūmau o te reo Māori me ngā tikanga Māori i ngā wā katoa.

Ngā Whakaritenga Matua ka Whai Ake

E mōhio ana te whānau, ko te whakapiki ake i te whai wāhi atu a te whānau tētahi kaupapa matua.

Kei te arotake whaiaro a te whānau ētahi wāhanga hei whakapakari ake, ki te whakamōhio i te whakapai tonutanga mō ngā tamariki. Ko ētahi o aua āhuatanga, ko te whakapūmau i ngā rehita e pā ana ki te hauora me te haumaru, te arotake me te whakamahine i ngā mahere rautaki me ngā kaupapa here i tāutuhia ai, me te whakamahi i ngā mōhiohio aromatawai hei whakamōhio i te whakamaheretanga me te whakapuakitanga o te hōtaka.

3 Te Whakatau a te Whānau ki ngā Wāhanga Tautukunga

I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Whakarāpopototanga

E pā tata atu ana Te Kōhanga Reo o Waitahanui ki te Roto o Taupō, ki Waitahanui. Kei te āta tautokona ngā tamariki ki te ako i te reo Māori me ōna tikanga. He ākonga tākare, he ākonga pakari hoki rātou, ā, ka poipoia mā ngā manaakitanga o te whānau. Ka whai hua ngā tamariki nā tētahi rōpū matua o te whānau e āta whakahaere ana i te kōhanga reo. Tērā ka whakahaerehia e Te Tari Arotake Mātauranga te arotake whai muri i roto i ngā tau e toru.

Hei ā hea Te Tari Arotake Mātauranga arotake anō ai i te kōhanga reo?

Ka arotake anō Te Tari Arotake Mātauranga i Te Kōhanga Reo o Te Kōhanga Reo o Waitahanui i roto i te toru o ngā tau.

Lynda Pura-Watson

Kaiurungi Whakaturuki Arotake Māori

11 Poutū-te-rangi, 2015

Evaluation

Te Kōhanga Reo o Waitahanui is close to Lake Taupō, in Waitahanui. Children are effectively supported in learning te reo Māori me ōna tikanga. They are enthusiastic and confident learners, and nurtured in a caring whānau environment. Children benefit from a core group of whānau members who manage kōhanga reo operations well. ERO is likely to review again in three years.

The next ERO review of Te Kōhanga Reo o Waitahanui will be in three years.

1 Context

The kōhanga reo is located near Lake Taupō, in Waitahanui. The vision for the whānau of Te Kōhanga Reo o Waitahanui is to build a brighter future for rangatahi, tamariki and mokopuna of their community. Key values and a strong focus on te reo Māori me ōna tikanga guides them. They provide a caring and nurturing environment for children.

Children have many opportunities to learn about their identity, language and culture in a context that includes Pakira Marae, Te Kura o Waitahanui and the wider communities of Ngāti Tūtemohuta and Ngāti Tūwharetoa.

Kaimahi are all graduates of kōhanga reo. They are enthusiastic and committed to the kaupapa of kōhanga reo. A core group of whānau members manage kōhanga reo operations well. The needs and interests of children are at the forefront of daily practices and long term developments.

2 The Review Findings

How effectively do children demonstrate their knowledge of te reo Māori me ōna tikanga?

Children demonstrate that they have a good understanding of te reo Māori me ōna tikanga.

Ngā Taumata Whakahirahira

Children are enthusiastic and confident learners. Their learning spaces are bright and colourful. Children are immersed in a te reo Māori environment where they engage and communicate well with peers, kaimahi and whānau. Their structured language learning is based around daily karakia, hīmene, waiata, mihimihi, pepeha and kaupapa ako. Children are responsive to prompts, questioning and praise. Children know that te reo Māori is the language of communication in their kōhanga reo.

Children demonstrate aroha, manaaki, care and concern for others. Whanaungatanga is an important part of children’s learning and development. They enjoy positive interactions and relationships with each other, with kaimahi and others. Children readily engage with each other as tuakana and teina. They have strong role models around them. Children respond positively to praise and support in their learning. Children are happy, settled and stimulated in their environment.

Children spontaneously observe tikanga Māori throughout the day. Their routines and daily practices are well established.

Children enjoy learning about the world around them. They explore and investigate a range of activities that interest them. They have access to interesting resources including natural materials. Children explore and learn with confidence and excitement.

Key Next Steps

Conversations with children as they explore and play are limited. The whānau recognise that improving their ability to engage children in meaningful conversations about their play will greatly benefit children’s development of te reo Māori.

Planning and Evaluation

Children learn in a te ao Māori environment supported by their whānau. Whānau members effectively manage kōhanga reo operations. Whanaungatanga and whakapapa underpin how whānau work together. They have access to a wide range of local resources and expertise to support their work. Long term and short term planning is comprehensive. There is regular monitoring and reporting against strategic targets and goals. Whānau manage property well to ensure the health and safety of kaimahi and children. Personnel and performance management is effective.

Children benefit from kaimahi who are all speakers of te reo Māori. They work well together to provide high interest learning programmes for children. They use their collective skills and expertise to plan, deliver and monitor the learning programme. They are reflective and have a clear focus on positive outcomes for children. Profile books contain a range of work samples and photographs that highlight children’s learning experiences. Parents and whānau receive useful information about their children’s learning, care and development. Children's learning is valued and acknowledged.

Whānau have a clear vision for the kōhanga reo and their children. The charter makes a strong statement about the status of te reo Māori me ōna tikanga. Whānau have an intergenerational succession plan in place to ensure that te reo Māori and tikanga Māori remain a constant priority.

Key Next Steps

Whānau acknowledge that increasing whānau participation is a priority.

There are aspects of whānau self review that should be strengthened to inform ongoing improvements for children. These include maintaining health and safety registers, reviewing and refining strategic planning and identified policies, and using assessment information to inform programme planning and delivery.

3 Whānau Management Assurance on Compliance Areas

During the review, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Conclusion

Te Kōhanga Reo o Waitahanui is close to Lake Taupō, in Waitahanui. Children are effectively supported in learning te reo Māori me ōna tikanga. They are enthusiastic and confident learners, and nurtured in a caring whānau environment. Children benefit from a core group of whānau members who manage kōhanga reo operations well. ERO is likely to review again in three years.

When is ERO likely to review the kōhanga reo again?

The next ERO review of Te Kōhanga Reo o Waitahanui will be in three years.

Lynda Pura-Watson

Deputy Chief Review Officer Māori

11 March 2015

Information about the Kōhanga Reo