Te Kōhanga Reo o Atawhai

Education institution number:
40130
Service type:
Te Kōhanga Reo
Total roll:
22
Telephone:
Address:

Tauhara School 3 Crown Road, Taupo

View on map

Te Kōhanga Reo o Atawhai

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi. 

2 Te Horopaki 

“Ko te mokopuna he taonga tino whakahirahira 
ahakoa ōna tau, tōna whakapapa, 
tōna ira tangata me ōna pūmanawatanga”

E tū pā tata ana Te Kōhanga Reo o Atawhai ki te moana o Taupō-nui-a-Tia, ki te pūtake o te maunga o Tauhara. E tata ana te kōhanga reo ki te kura tuatahi me te kura tuarua o Tauhara, me te kura takawaenga o Taupō. He tino hononga ō ngā whānau me ngā mokopuna ki ngā hapū me te iwi o Ngāti Tūwharetoa. 

3 Te Aronga o te Aromātai

He pēhea rawa te whakapuaki mai a ngā mokopuna i tō rātou māramatanga ki te tuakiritanga? 

E whanake ana ngā mokopuna i tō rātou māramatanga ki te tuakiritanga.

4 Ngā Whakaaturanga

E ako ana ngā mokopuna ki tētahi taiao e rumakina ana ki te reo Māori me ngā tikanga Māori. Ka toro atu ngā kaimahi ki te tangongitanga o ngā rautaki e hāpai ana i te whakawhanaketanga o te reo Māori o ngā mokopuna. Ka whakatauira rātou i ngā tikanga e pā ana ki ngā karakia Māori, ki te whakatau manuhiri, me ngā waiata kīnaki hei poipoi i te māramatanga o ngā mokopuna ki ngā tikanga o te marae, me ngā uara o te iwi me ngā hapū. He ngākau titikaha ō ngā tuākana ki te taki i ō rātou pepeha me te iti noa o te āwhina o ngā kaimahi. Ka whakapuaki māhorahora rātou i ō rātou mōhiotanga ki ngā waiata koroua ki te taha o ō rātou tēina, me ngā kaiako, ngā manuhiri hoki. Ka kitea ki ngā pēpi tō rātou māramatanga mā te āhua o ō rātou kanohi, mā te kori o te tinana, me tā rātou tāwhai i ngā oro. Kei te whakapuakihia e ngā kaimahi te wairua atawhai, te wairua harikoakoa, mā ngā waiata, te whakangahau, me te katakata. Kei te mārama ngā mokopuna i te reo Māori, ā, e whakawhanake ana tō rātou mōhiotanga ki ngā tikanga. 

Ko te whanaungatanga kei te pūtake o ngā taunekeneke me ngā hononga papai i te kōhanga reo. Kei te tino mōhio ngā kaimahi ki ngā mokopuna, ā, ka kitea anō hoki te tau pai a ngā mokopuna ki te tākaro me te mahi ki te taha o ētahi atu, i a rātou e ako ana. Ka manaaki ngā tuākana, ā, ka pupū ake tō rātou atawhai ki ētahi atu. Ka aroha, ka whakakoia hoki ngā kaimahi, ā, kei te mārama ō rātou tūmanako mō ngā mokopuna i ngā taumahi ako me ngā taunekeneke. Ka tito waiata rātou mā ngā mokopuna hei akiaki i te whai wāhi nui ki ngā kaupapa. E tautokona ana ngā pēpi e ō rātou tuākana me ngā kaimahi, puta noa i te ōkawa me te ōpaki o ngā horopaki ako. Ka whai wāhi atu ngā mokopuna ki ngā hononga e manaaki ana, e tautoko ana. 

Ka mahi ngātahi ngā kaimahi me ngā whānau ki te whakamahere i te hōtaka akoranga, ki te aromatawai i te ako a ngā mokopuna, me te aromātai i te whai huatanga o te hōtaka akoranga. E hāngai ana ngā mahere ki ngā wāhanga e whā o Te Whāriki a Te Kōhanga Reo me Te Korowai. Kua āta tuhia ngā aromatawai, ā, ka aroturuki i te ahu whakamua a ngā mokopuna i roto i te roanga o te wā. Ka kapo atu ngā kōnae a ngā mokopuna i ngā wā ako e whakatakoto ana i ngā tirohanga ki te whakawhanaketanga o ngā mokopuna. E noho wātea ana aua tuhinga hei tirohanga mā ngā whānau, ā, ka whakapuakihia i ia te wā. E whakamahi ana ngā kaimahi i tētahi tauira hou mō te tuhi haere i ngā aromātai o te hōtaka akoranga me ā rātou whakawhitinga kōrero e pā ana ki ngā mokopuna, ngā mahere ako, me ngā whakaritenga mō ngā haerenga. E whai hua ana ngā mokopuna nā te papai o ngā whakaritenga e pā ana ki te whakamahere, te aromatawai, me te aromātai, me te aro pū tonu o aua tūāhuatanga ki ō rātou matea. 

Kua pou herea ngā mahi whakahaere a te whānau ki te manaakitanga me te kaitiakitanga. Taetae ai ngā whānau ki ngā hui i ia marama, ka whai wāhi atu ki ngā tūāhuatanga whakahaere katoa ki te kōhanga reo, ā, ka whakatau ngātahi i ngā whakaritenga hei whānau. Ka whai wāhi ki ērā tūāhuatanga, ko te marau, ko te arotake kaupapa here, ko ngā take pūtea, ko ngā whāinga rautaki, me ngā kaupapa e pā ana ki te hapori. E whakarato ana te mahere ā-tau i te tino ārahitanga o ngā kawenga whakahaere katoa i te tari. E whakatakoto ana te tūtohinga i te ārahitanga me ngā tohutohu o ngā whakahaeretanga katoa. Kei te riterite te whakahaere i ngā whakaritenga e pā ana ki te hauora me te haumaru, ā, ka aro pū ki te waiora o ngā mokopuna. He pai te tuhi haere i ngā akoako ohotata, ā, ka whakatutukihia i ia te wā kia haumaru, kia rite. Ka whai hua ngā mokopuna i te wā e noho ana tā rātou ako, tō rātou hauora, tō rātou haumaru, me tō rātou waiora ki te pūtake o ngā mahi whakahaere papai. 

Ngā Whakaritenga Matua ka whai ake

Kāhore anō kia whakatutukihia te whakamahere rautaki. Ahakoa kei te mārama te mahere rautaki, kua tae ki te wā ki te whakarite i tētahi mahere mahi e ārahi ai, e aroturuki ai i te whakatutukitanga o aua whāinga. Kua tae hoki ki te wā ki te whakaōkawa i aua tūmanako hei mahere mahi e tohu ai te hunga kawe, ngā wā o ngā mahi, me te huarahi ka whāia ki te whakatutuki i aua whāinga. Ka whai hua ngā mokopuna i te wā e toitū ana te anamata o te kōhanga reo.

5 Te Whakatau a te Whānau o te Kōhanga Reo ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki: 

  • te haumaru ā-whatumanawa, tae atu ki te ārahi mauritau me te ārai tamariki
  • te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā, me ngā kaupapa here, ngā tukanga hoki mō ngā haerenga whakawaho
  • te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaimahi me ngā tamariki
  • ngā whakaritenga ohotata me ngā tikanga ohotata e pā ana ki te rū whenua te ahi, te waipuke, te tai āniwhaniwha, me te urutā. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture. 

6 Te Taunakitanga

Kia mahi te whānau ki te taha o te tari ā-rohe o Te Poari Matua o Ngā Kōhanga Reo ki te whakawhanake i tētahi mahere mahi ka hāpai i te whakatutukitanga o ngā whāinga i tautuhia ai ki tā rātou mahere rautaki. 

Tiwana Hibbs
Toka ā Nuku 
Te Uepū ā-Motu – Māori Review Services

24 Pipiri, 2025

7 Ngā kōrero e pā ana ki te Kōhanga Reo 

Te tūwāhiKei Taupō
Te tau a te Tāhuhu o te Mātauranga40130
Te tau tohu o Te Kōhanga Reo11-002
Te tūmomo whareTe Kōhanga Reo
Te raihanaNgā Ture Mātauranga (Ratonga Kōhungahunga) 2008
Te tokomaha mō te raihana35 ngā tamariki, kia tokoiwa ki raro i te rua o ngā tau
Te tokomaha kei runga i te rārangi ingoa23 ngā tamariki, tokowaru kei raro i te rua o ngā tau
Ngā hononga ā-iwiMāori 23 
Te wā i te kōhanga reo te rōpū arotakePaenga-whāwhā 2025 
Te wā o tēnei pūrongo24 Pipiri 2025
Ngā pūrongo o mua a Te Tari Arotake MātaurangaMana Mokopuna, Pipiri 2022; Mana Whakahaere, Haratua 2022; Arotake Mātauranga, Haratua 2018

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.

2 Context 

Ko te mokopuna he taonga tino whakahirahira 
ahakoa ōna tau, tōna whakapapa, 
tōna ira tangata me ōna pūmanawatanga” 

Te Kōhanga Reo o Atawhai is located near Lake Taupō, below Mount Tauhara. The kōhanga reo is close to Tauhara School and College, and Taupō Intermediate. Whānau and mokopuna have close connections to the hapū and iwi of Ngāti Tūwharetoa.

3 Evaluation Focus

How well do mokopuna demonstrate an understanding of tuakiritanga?

Mokopuna are developing their understanding of tuakiritanga

4 Findings 

Mokopuna learn in an environment immersed in te reo Māori and tikanga Māori. Kaimahi draw on a range of strategies to support te reo Māori development for the mokopuna. They role model traditional practices of karakia Māori, whakatau manuhiri and waiata kīnaki to foster mokopuna understanding of marae protocol, iwi and hapū values. Tuākana are confident to recite pepeha with little support from kaimahi. Their knowledge of waiata koroua is shared freely with their tēina, kaiako and manuhiri. Pēpi show their understanding through facial expressions, body movements and mimicking sounds. Kaimahi create a warm and joyful atmosphere with waiata, fun and laughter. Mokopuna understand te reo Māori and are developing in their knowledge of tikanga

Whanaungatanga is core to the interactions and positive relationships within the kōhanga reo. Kaimahi know their mokopuna well, who in return show they are comfortable to play and work alongside others as they learn. Tuākana are caring and spontaneously show affection towards others. Kaimahi are loving and affirming with clear expectations for mokopuna during learning activities and interactions. They compose waiata for mokopuna to encourage participation and engagement. Pēpi are supported by their tuākana and kaimahi throughout formal and informal learning settings. Mokopuna engage in caring supportive relationships.

Kaimahi and whānau collaborate to plan the learning programme, assess mokopuna learning and evaluate the effectiveness of the learning programme. Planning aligns to key areas of Te Whāriki a Te Kōhanga Reo and Te Korowai. Assessment is well-documented and monitors mokopuna progress over time. Mokopuna konae capture learning moments that provide insights into mokopuna development. These are readily available for whānau to view and are shared regularly. Kaimahi have adopted a new template to record learning programme evaluations and their discussions around mokopuna, mahere ako and preparations for haerenga. Mokopuna benefit from effective planning, assessment and evaluation practices that continue to focus on their needs.

Whānau whakahaere practices are underpinned by manaakitanga and kaitiakitanga. Whānau regularly attend monthly hui, are involved in all managerial aspects of the kōhanga reo and collectively make decisions as a whānau. These include curriculum, policy review, personnel and financial matters, strategic objectives and community related kaupapa. The annual plan provides clear guidance for all administrative responsibilities. The tūtohinga provides guidance and direction for all operations. Health and safety practices are consistent and prioritise the wellbeing of mokopuna. Emergency drills are well-recorded and regularly completed for safety and preparedness. Mokopuna benefit when their learning, health, safety, and wellbeing are at the heart of effective whānau management.

Key Next Steps

Strategic planning is incomplete. While the whānau have a clear strategic plan, it is time to establish an action plan to guide and monitor the achievement of goals. It is time to formalise these aspirations into an action plan to show who, when and how these goals will be attained. Mokopuna benefit when the future of the kōhanga reo is sustainable.

5 Kōhanga Whānau Assurance on Legal Requirements

During the evaluation, ERO looked at the kōhanga reo systems for managing the following areas that have a potentially high impact on children’s wellbeing: 

  • emotional safety including positive guidance and child protection
  • physical safety including supervision, sleep procedures, accidents, medication, excursion policy and procedures
  • suitable staffing including appropriate qualifications, police vetting, ratios
  • emergency procedures and practices for earthquakes, fire, flood, tsunami and pandemic.

All kōhanga reo are required to promote children’s health and safety and to regularly review their compliance with legal requirements.

6 Recommendation

Whānau work alongside the Tari-ā-Rohe to develop an action plan to support the realisation of objectives as identified in their strategic plan.

Tiwana Hibbs 
Toka ā Nuku - Director
Te Uepū ā-MotuMāori Review Services

24 June 2025

7 Information about the Kōhanga Reo 

LocationTaupō
Ministry of Education profile number40130
Kōhanga Reo Identification Number11-002
Licence typeTe Kōhanga Reo
Licensed underEducation (Early Childhood Services) Regulations 2008
Number licensed for35 children, including up to 9 aged under 2
Service roll23 children, including 8 aged under 2
Ethnic compositionMāori 23
Review team on siteApril 2025
Date of this report24 June 2025
Most recent ERO report(s) Mana Mokopuna, June 2022; Mana Whakahaere, May 2022; Education Review, May 2018 

Te Kōhanga Reo o Atawhai

1. He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2. Te Horopaki

E tū pā tata ana Te Kōhanga Reo o Atawhai ki te moana o Taupō, ki te pūtake o te maunga o Tauhara. Kua raihanatia te kōhanga reo mō ngā mokopuna 35, me te tokoiwa o rātou kei raro i te rua o ngā tau te pakeke i te wā kotahi. E tū pā tata ana te kōhanga reo ki te kura tuatahi me te kura tuarua o Tauhara, me te kura takawaenga o Taupō. He tino hononga ō ngā whānau me ngā tamariki ki ngā hapū me te iwi o Ngāti Tūwharetoa.

I kitea ki te aromātai Mana Whakahaere a Te Tari Arotake Mātauranga i te Haratua o te tau 2022, he pai te whakahaeretanga o ngā whakaritenga ki te kōhanga reo, ā, i te tautokona te whakatutukitanga o ngā kaimahi i ō rātou tūranga. Ko te ako a ngā mokopuna, me te tupu tonu mā te whanaungatanga i āta whakawhāriki i te tūāpapa mō te āhua o ngā mahi whakahaere i te kōhanga reo.  

3. Te Aronga o te Aromātai

He pēhea rawa te whakaatu mai o ngā mokopuna i tō rātou ngākau nuitanga ki te ako?

Ka kitea ki ngā mokopuna tō rātou harikoa, tō rātou ngākau nuitanga hoki, nā ā rātou wheako ako.  

4. Ngā Whakaaturanga – Mana Mokopuna

He whai wāhitanga mō ngā mokopuna ki te uru atu ki te tangongitanga o ngā wheako ako pārekareka. Ka kitea e rātou ngā tikanga me ngā kawa, i a rātou e whai wāhi atu ana ki ngā karakia, ngā mihi whakatau, me ngā mōteatea. Ka akiaki ngā kaimahi i ngā mokopuna ki te ārahi i ngā taumahi, pērā i ngā mihimihi, ngā waiata, me ngā karakia. Ka whakapuaki māhorahora ngā tuākana i te reo Māori, ā, ka kitea tō rātou māramatanga ki ngā kupu me ngā rerenga kōrero māmā. Ka kitea te māramatanga o ngā pēpi mā te āhua tonu o ō rātou kanohi, mā ō rātou reo ā-tinana hoki. Ka whai wāhi mātātoa atu ngā mokopuna ki ngā akoranga.

Ka waihanga ngā kaimahi i tētahi taiao ako e whakatairanga ana i te manaaki, te aroha, me te tiaki. Ka pou here aua uara i te iho o te whanaungatanga. Ka whakapuakihia e ngā tuākana te whakaute me te manaaki, i a rātou e taunekeneke ana ki ngā tēina. He maha ngā wā ka whakamihi, ka whakanui, ka whakakoia hoki ngā kaimahi i ngā whakatutukitanga o ngā mokopuna. Kei te harikoa, kei te mauritau hoki ngā mokopuna.

E ākina ana te tūhura haere o ngā mokopuna i tō rātou taiao ako. Ka poipoi ngā taumahi ako i te mahi ngātahi, i te mahi takitahi, i te ngohengohe hoki, ā, ka hāpai i te āheinga ki te whiriwhiri. E hāpaitia ana ngā whakaaro pohewa o ngā mokopuna, i a rātou e tūhura ana, e mahi auaha ana hoki. Kua whakaritea e ngā kaimahi ngā mahinga o ia rā, ā, e mōhiotia ana ngā whakawhitinga ngāwari. E whai painga ana, he pākiki hoki ngā mokopuna hei ākonga.  

Ngā Whakaritenga Matua ka whai ake 

Ko ngā take i tautuhia ai ki te pūrongo o mua mō te whakahaeretanga o ngā kaimahi, i whakatūturuhia i te haerenga ki te kōhanga reo. He rawaka ngā pūnaha a te whānau, kia pai ai te whakahaeretanga o ngā whakaritenga ki te kōhanga reo.  

5. Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

  • te haumaru ā-whatumanawa, tae atu ki te ārahi mauritau me te ārai tamariki

  • te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho

  • te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti

  • ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6. Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā: 

  • kia haere tonu ngā mahi a te whānau ki te whakatairanga ngātahi i ngā whakaritenga pakari, hei whakapūmau tonu i ngā putanga e whai hua ana ki ngā mokopuna.

Darcy Te Hau
Toka ā Nuku
Te Uepū-a-Motu – Māori Services

20 Pipiri, 2022

7. Ngā kōrero e pā ana ki te Kōhanga Reo

Te tūwāhi

Kei Taupō

Te tau a te Tāhuhu o te Mātauranga

40130

Te tau tohu o Te Kōhanga Reo

11-002

Te tūmomo whare

He kōhanga reo

Te raihana

Ngā Ture Mātauranga (Ratonga Kōhungahunga) 2008

Te tokomaha mō te raihana

35, kia tokoiwa ki raro i te rua o ngā tau

Te tokomaha kei runga i te rārangi ingoa

30, tokowaru kei raro i te rua o ngā tau

Ngā hononga ā-iwi

Māori 30

Te wā i te kōhanga reo te rōpū arotake

Haratua 2022

Te wā o tēnei pūrongo

20 Piripi 2022

Ngā pūrongo o mua a
Te Tari Arotake Mātauranga 

 

Arotake Mātauranga – Mana Whakahaere, Haratua 2022; Arotake Mātauranga, Haratua 2018; Arotake Mātauranga, Poutū-te-rangi 2015

1. Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.

2. Context

Te Kōhanga Reo o Atawhai is located near Lake Taupō, below Mount Tauhara. It is licensed to cater for 35 mokopuna including nine aged under two years of age at any one time. The kōhanga reo is located close to Tauhara School and College, and Taupō Intermediate. Whānau and children have close connections to the hapū and iwi of Ngāti Tūwharetoa.

The ERO May 2022 evaluation of Mana Whakahaere practices found the kōhanga reo operations were managed well and kaimahi were supported to carry out their roles. Mokopuna learning and continual growth through whanaungatanga provided the foundation for the way in which the kōhanga reo is managed.

3. Evaluation Focus

How well do mokopuna show they enjoy learning?

Mokopuna demonstrate happiness and enjoyment of their learning experiences.

4. Findings - Mana Mokopuna

 Mokopuna have opportunities to participate in a range of enjoyable learning experiences. They are exposed to tikanga and kawa as they participate in karakia, mihi whakatau and mōteatea. Kaimahi encourage mokopuna to lead activities such as mihimihi, waiata and karakia. Tuākana independently use te reo Māori, demonstrating their understanding of kupu and simple sentences. Pēpi show their understanding through their facial expressions and body language. Mokopuna are actively engaged in learning.

Kaimahi create a learning environment that promotes manaaki, aroha and tiaki. These values underpin the essence of whanaungatanga. Tuākana display respect and care as they interact with tēina. Kaimahi frequently praise, acknowledge, and affirm mokopuna achievements. Mokopuna appear happy and settled.

Mokopuna are encouraged to explore their learning environment. Learning activities foster co-operation, independence, flexibility and encourage freedom to make choices. Mokopuna are supported to use their imagination as they explore and be creative. Kaimahi have established daily routines and transitions are familiar and smooth. Mokopuna are positive and curious learners.

Key Next Steps

Matters identified in the previous report relating to personnel management were verified during the onsite visit. The whānau have sufficient systems in place to manage kōhanga reo operations well.

5. Assurance on Legal Requirement

During the evaluation, ERO looked at systems for managing the following areas:

  • emotional safety including positive guidance and child protection

  • physical safety including supervision, sleep procedures, accidents, medication, excursion policy and procedures

  • suitable staffing including appropriate qualifications, police vetting, ratios

  • emergency procedures and practices for earthquakes, fire, flood, tsunami and pandemic.

6. Recommendations

ERO and the kōhanga reo whānau developed the following recommendation:

  • that whānau continue to collectively enhance sound practises to maintain positive outcomes for mokopuna.

Darcy Te Hau
Toka-ā-Nuku – Director
Te Uepū ā-Motu – Māori Review Services

20 June 2022

7. Information about the Kōhanga Reo

Location

Taupō

Ministry of Education profile number

40130

Kōhanga Reo Identification Number

11-002

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

35 children, including up to 9 aged under 2

Kōhanga Reo roll

30 children, including 8 aged under 2

Ethnic composition

Māori 30

Review team on site

May 2022

Date of this report

20 June 2022

Most recent ERO report(s) 

Education Review - Mana Whakahaere, May 2022; Education Review, May 2018; Education Review, March 2015 

Te Kōhanga Reo o Atawhai

1 He Kupu Arataki

Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.

2 Te Horopaki

E tū pā tata ana Te Kōhanga Reo o Atawhai ki te moana o Taupō, ki te pūtake o te maunga o Tauhara. Kua raihanatia te kōhanga reo mō ngā mokopuna 35, me te tokoiwa o rātou kei raro i te rua tau te pakeke i te wā kotahi. E tū pā tata ana te kōhanga reo ki te kura tuatahi me te kura tuarua o Tauhara, me te kura takawaenga o Taupō. He tino hononga ō ngā whānau me ngā tamariki ki ngā hapū me te iwi o Ngāti Tūwharetoa.  

3 Te Aronga o te Aromātai

He pēhea rawa te whakaatu mai o ngā mokopuna i tō rātou māramatanga ki te reo Māori?

Kua waihangatia e Te Kōhanga Reo o Atawhai tētahi taiao e rumaki ana i ngā mokopuna ki te reo Māori.  

4 Ngā Whakaaturanga – Mana Whakahaere

Ko te whanaungatanga te tūāpapa mō te āhua o ngā mahi whakahaere ki te kōhanga reo. He tukanga ā te whānau mō te whakahaeretanga o ngā whakaritenga. Tū ai ngā hui ā-whānau i ia te wā, ā, he kaha hoki te taetae atu. Hui ai te whānau i ia marama ki te whakawhiti kōrero mō ngā take e whai pānga ana, me te whakatau i ngā whakaritenga mā ngā whakamōhiotanga. Arotake ai rātou i ngā kaupapa here me ngā tukanga i ia te wā hei āta whakatau i te hāngaitanga o ērā ki ngā herenga ā-ture o te wā. Ko te ako a ngā mokopuna me tō rātou waiora kei te aronga o ngā whakataunga.

Ka whakatinanahia te mahere rautaki ki ngā mātāpono o Te Ara Tūāpae, ā, ka whai wāhi hoki ki tēnā, ko te tirohanga me ngā wawata o te whānau. Ka whai wāhi ki ngā whāinga rautaki, ko te whakamana i te reo, te whakamana i te whānau me te mokopuna, me te whakamana i te kaupapa. Ka tautuhi te mahere mahi i ngā rauemi e tika ana, ngā rārangi wā, me te pūrongo hei āta whakatau i te rōnakitanga ā te pae tawhiti. Ka āta whakaarohia te eke angitu me ngā matea o ngā mokopuna mō meāke nei.

Kua pou herea ngā mahere, te aromatawai, me te aromātai hōtaka ki ngā uara o te whanaungatanga. E hono pū ana ngā mahere ki Te Whāriki a Te Kōhanga Reo, ā, ka whakatakoto hoki i te kiko o te hōtaka me ngā rauemi e hāpai ai i te whakatinanatanga o te mahere ako. Ka kapo atu ngā mahi aromatawai i te ako a ngā mokopuna me tā rātou ahu whakamua. Ka hāngai tēnei ki te āhua o te tamaiti, me ngā poutama ako. Hui ai ngā kaimahi i ia te wā ki te whakawhiti kōrero me te arotake i ā rātou whakaritenga, hei panoni i ngā tūāhuatanga e aro nui ai ki ngā matea o ngā mokopuna. Kua āta whakatōngia te aromātai hōtaka, ā, he riterite te whakatutuki haere o taua mahi i te kōhanga reo. Ka whai hua ngā mokopuna nā tētahi hōtaka akoranga i āta whakaritea ai, i āta whakahaerehia ai.  

Ngā Whakaritenga Matua ka whai ake 

Ko ngā take e hāngai ana ki ngā tuhinga kaimahi, kāhore i whakaratohia. Kua whakaaetia e te whānau me Te Tari Arotake Mātauranga, ka whakaratohia ngā tuhinga hei te wā o te aromātai ki te kōhanga reo.  

5 Te Whakatau ki ngā Wāhanga Tautukunga

I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:

  • te haumaru ā-whatumanawa, tae atu ki te ārahi mauritau me te ārai tamariki
  • te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
  • te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti 
  • ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.

6 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga kia whakaratohia mai ngā tuhinga e pā ana ki ngā kaimahi, ā, ka manatoko hei te wā o te haerenga ki te kōhanga reo.  

Darcy Te Hau
Toka ā Nuku
Te Uepū-a-Motu – Māori Services

24 Haratua, 2022

Ngā kōrero e pā ana ki te Kōhanga Reo

Te tūwāhi

Kei Taupō  

Te tau a te Tāhuhu o te Mātauranga

40130

Te tau tohu o Te Kōhanga Reo

11-002

Te tūmomo whare

He kōhanga reo

Te raihana

Ngā Ture Mātauranga (Ratonga Kōhungahunga) 2008

Te tokomaha mō te raihana

35, kia tokoiwa ki raro i te rua o ngā tau

Te tokomaha kei runga i te rārangi ingoa

31, tokoiwa kei raro i te rua o ngā tau

Ngā hononga ā-iwi

Māori 31

Te wā i te kōhanga reo te rōpū arotake

Paenga-whāwhā 2022

Te wā o tēnei pūrongo

24 Haratua 2022

Ngā pūrongo o mua a
Te Tari Arotake Mātauranga

Arotake Mātauranga, Haratua 2018; Arotake Mātauranga, Poutū-te-rangi 2015; Arotake Tāpiri,   Haratua 2012

1 Introduction

The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.

2 Context

Te Kōhanga Reo o Atawhai is located near Lake Taupō, below Mount Tauhara. It is licensed to cater for 35 mokopuna including nine aged under two years of age at any one time. The kōhanga reo is located close to Tauhara School and College, and Taupō Intermediate. Whānau and children have close connections to the hapū and iwi of Ngāti Tūwharetoa.

3 Evaluation Focus

How well do mokopuna show their understanding of te reo Māori?

Te Kōhanga Reo o Atawhai has created an environment that immerses mokopuna in te reo Māori.

4 Findings - Mana Whakahaere

Whanaungatanga provides the foundation for the way in which the kōhanga reo is managed. Whānau have processes in place for the administration of operations. Whānau hui are held regularly and well attended.  Whānau meet monthly to discuss matters of interest and to make informed decisions. They regularly review policies and procedures to ensure these align to current legislation. Mokopuna learning and wellbeing is the focus of decision making. 

The strategic plan is informed by the principles of Te Ara Tuapae and includes the vision and aspirations of the whānau. Strategic objectives include whakamana i te reo, whakamana i te whānau me te mokopuna, and whakamana i te kaupapa. The action plan identifies resource requirements, timeframes and reporting to ensure sustainability for the future. Mokopuna future success and needs are considered.

Planning, assessment, and programme evaluation are underpinned by values of whanaungatanga. Planning is clearly linked to Te Whāriki ā Te Kōhanga Reo and includes programme content and resourcing to support the implementation of the mahere ako. Assessment methods captures mokopuna learning and progress. These include te āhua o te tamaiti, and poutama ako. Kaimahi regularly hui to discuss and review their practices to make changes that responds to the needs of the mokopuna. Programme evaluation is an embedded and consistent practice within the kōhanga reo. Mokopuna benefit from a learning programme that is well organised and managed. 

Key Next Steps

Matters related to personnel documentation were not provided. Whānau and ERO have agreed that documentation will be available during the onsite visit.

5 Assurance on Legal Requirement

During the evaluation, ERO looked at systems for managing the following areas:

  • emotional safety including positive guidance and child protection
  • physical safety including supervision, sleep procedures, accidents, medication, excursion policy and procedures
  • suitable staffing including appropriate qualifications, police vetting, ratios
  • emergency procedures and practices for earthquakes, fire, flood, tsunami and pandemic.

6 Recommendation

ERO and the kōhanga reo whānau, developed the following recommendation that relevant personnel information be made available for verification during onsite visit. 

Darcy Te Hau
Toka-ā-Nuku – Director
Te Uepū ā-Motu – Māori Review Services

24 May 2022

7 Information about the Kōhanga Reo

Location

Taupō

Ministry of Education profile number

40130

Kōhanga Reo Identification Number

11-002

Licence type

Te Kōhanga Reo

Licensed under

Education (Early Childhood Services) Regulations 2008

Number licensed for

35 children, including up to 9 aged under 2

Kōhanga Reo roll

31 children, including up to 9 aged under 2

Ethnic composition

Māori 31

Review team on site

April 2022

Date of this report

24 May 2022

Most recent ERO report(s) 

Education Review, May 2018; Education Review, March 2015; Supplementary Review, May 2012;