Te Kōhanga Reo ki Aorangi

1 Te Horopaki

Ko Te Kōhanga Reo ki Aorangi e tū ana ki Kaitao, ki Rotorua. Whai muri i te arotake o mua a Te Tari Arotake Mātauranga, kua uru mai ētahi mema hou ki te whānau o te kōhanga reo. Kei te tākare, kei te noho pūmau hoki aua mema o te whānau ki te hāpai i te whakawhanake tonutanga o te kōhanga reo. Kua whakarerekēhia e te whānau te hanganga o te kōhanga reo, ā, he pai tō rātou tūnga i nāianei ki te kōkiri whakamua tonu i ngā whakawhanaketanga.

2 Ngā Whakaaturanga o te Aromātai

He pēhea rawa te whai wāhi atu a ngā tamariki ki ā rātou akoranga?

He ngākau titikaha ō ngā tamariki ki te whai wāhi atu ki ngā āhuatanga katoa o te hōtaka akoranga.

Ngā Taumata Whakahirahira

E whai wāhi atu ana ngā tamariki ki ngā akoranga e aro matua ana ki te reo Māori. Kei te mātau ngā kaimahi ki te kōrero i te reo Māori. Kei te kuia te kawenga ki te hāpai i te whakawhanaketanga o te reo Māori ki te kōhanga reo. Kei te tūmāia te nuinga o ngā tamariki tuākana ki te kōrero i te reo Māori. Ka whakamahi ngā kaimahi i te whānuitanga o ngā tūmomo rautaki e hāpai ana i te whakamahinga o ngā tamariki i te reo Māori. He tino aronga atu ki ngā waiata me te mahi rotarota. Ko ētahi atu o ngā rautaki e whakamahia ana e te kuia me ngā kaimahi, ko te patapatai, ko te whāngai kupu, ko te tāruarua, ko ngā tohutohu. E whanake ana ngā tamariki ki te kōrero i te reo Māori.

E whai pūtake ana, e whai tautoko ana hoki ngā hononga kua whakapūmautia e ngā tamariki. Ka ū ngā kaimahi ki te riterite o te hōtaka me ngā mahinga kia noho mōhio ai, kia noho mauritau ai hoki ngā tamariki ki ngā nekehanga o ia rā, hei āhuatanga tonu o ā rātou akoranga. Ka hiki ake ngā tamariki i ētahi o ngā kawenga e pā ana ki te hōtaka akoranga. Ka whai whakaaro nui ngā tuākana ki ngā pēpi. E ākina ana te noho tahi o te tuakana me te teina e ngā kaimahi. Ka rongo ngā pēpi i te awhi, i te manaaki, i te aroha o ētahi atu. Kei te pakari te āhua o ngā tamariki hei ākonga.

Ka whakamahi ngā tamariki i ngā taonga māoriori me ngā rauemi tūturu hoki i roto i ā rātou akoranga. Ko ngā atua Māori te aronga o te hōtaka akoranga. Ka hāpai ngā kaimahi i ngā tamariki ki te ako i ngā ao o ngā atua Māori mā te waiata, mā te taki rotarota, ā, mā te rongo anō hoki i ngā kōrero tuku iho. Ko te whakawhanake i te pitomata o ngā pūkenga reo matatini me ngā pūkenga pāngarau tētahi āhuatanga nui o te hōtaka akoranga o ngā tamariki tuākana. Ka whai wāhi atu hoki ngā pēpi ki ngā wāhanga o ngā ata e whakatau haere ana i ngā tamariki, otirā, i te whakapuakitanga hoki o ngā mihimihi, o ngā karakia, o ngā waiata. Ka whai wāhi nui ngā tuākana me ngā tēina ki te hōtaka akoranga. Ka kitea te ngākau nuitanga o ngā tamariki ki ā rātou akoranga.

Te Whakamahere me te Aromātai

Kua whakaritea ngā tukanga e pā ana ki te whakamahere hōtaka me te aromatawai. E hono ana ngā aromatawai o ngā tamariki tuākana ki ngā mahere, ā, e aroturukitia ana te ako mā ngā mōhiohio e whakaemihia ai ki te pūkete a ia tamaiti. Nō nā tata tonu nei ētahi rerekētanga ki ngā tūnga mahi i whakatutukihia ai, heoi anō rā, e rua ngā tūnga mahi hou: ko tētahi e aro nui ana ki te whakapakari ake i te reo Māori, ko tērā atu e ārahi ana, e whakahaere ana hoki i te whakawhanaketanga o te hōtaka akoranga. I tēnei wā, kei te whakahou ake ngā wāhi ako i waihangatia ai, hei whakatutuki ake i ngā matea ako o ngā tamariki. Ka whai hua ngā tamariki nā ngā mahi a ngā kaimahi ki te whakarato i te kounga o te atawhai me te ako, hei painga mō ngā tamariki.

Kei te mātātoa, kei te tākare hoki te kōkiri a te whānau i ō rātou tūnga me ā rātou whakapuakitanga. He whakaute ō rātou hononga ki a rātou anō, ā, he nui ō rātou pūkenga e whakatōpū ngātahitia ana. Ka kōkirihia te tautoko hei āta whakarite i te noho mōhio, i te whai wāhi nui mai anō hoki o ngā mema katoa o te whānau ki ngā whakataunga e pā ana ki te whakahaeretanga o tō rātou kōhanga reo. Kātahi anō tētahi rōpū whakahaere ka whakatūngia, ā, he rōpū tēnei o ngā mema o te whānau e hāpai ana i ngā whakawhanaketanga. Whakatakotohia ai ngā pūrongo ki ngā hui ā-whānau i ia te wā.

Kua kawe atu te whānau i tētahi arotake matawhānui o tā rātou mahere rautaki. I whakatū rātou i ētahi wānanga, ā, i whai wāhi ngātahi rātou ki te tuhinga hukihuki o Te Ara Tūāpae. He nui te kiko o roto i taua mahere rautaki hukihuki, e whakatakoto ana i ngā whāinga rautaki me ngā tūmanako rautaki mō te whānau me ā rātou tamariki. Kua whakatakotohia anō hoki tētahi mahere ā-tau, ā, e ārahi ana tēnei i ngā mahi whakahaere a te whānau. Ka whakamanahia, ka whakautehia hoki ngā kaimahi e te whānau. Kua whakaritea ngā arohaehae, ā, kua whakahoungia, kua whakahāngaitia hoki ngā tuhinga tūranga mahi. He pai te aroturukitanga o ngā akoako me ngā rēhita. He pai te whakahaere i te nuinga o ngā āhuatanga e pā ana ki te aromātai o roto.

Ngā Whakaritenga Matua ka Whai Ake

Me whakawhanake ake i te hōtaka akoranga a ngā pēpi. Ahakoa kei te rawaka ngā wāhi me ngā rauemi e tika ana mā ngā pēpi, kāhore ngā kaimahi e tino mārama pū ana me pēhea te whakamahere me te whakarato i ngā whai wāhitanga ako me ngā taumahi e tika ana mā ngā tamariki nohinohi. Ko ngā mōhiohio e pā ana ki ngā matea, ki te whakawhanaketanga, ki ngā tohu reanga o ngā pēpi, kāhore e āta tuhia ana ki ngā mahi aromatawai. He mea nui kia arotake ngā kaimahi i te āhua o ā rātou mahi e whāia ana e rātou i tēnei wā ki te whakamahere i te hōtaka akoranga mā ngā pēpi, hei āta whakatau i te hāpai e tika ana mō tō rātou whakawhanaketanga me ā rātou akoranga.

Me whakawhanake ake i te aromātai hōtaka. Me whai whakaaro ngā kaimahi ki ngā huarahi ka whakatūturu ai i te tuhi haere o ā rātou whakawhitinga kōrero e pā ana ki te whai huatanga o te hōtaka akoranga. I tēnei wā, he uaua ki ngā kaimahi te tohu i te whai wāhi atu o ā rātou whakarerekētanga, ki te whakapai ake i te kounga o ngā akoranga a ngā tamariki ki te kōhanga reo.

Tērā ētahi āhuatanga o ngā mahi whakahaere a te whānau hei whakapakari ake. Me whakatūturu te whānau i nāianei i tā rātou mahere rautaki, ā, me whakawhanake i ngā mahi matua kia āhei ai rātou ki te whakatutuki i ā rātou whāinga i tāutuhia ai, ā, ki te aroturuki anō hoki i tā rātou ahu whakamua. Kua tae ki te wā ki te arotake i ngā tuhinga matua pērā i te tūtohinga, ngā kaupapa here, me ngā tukanga. He mea nui kia āta whakarite te whānau i te whakatutukitanga o ngā kaupapa here me ngā tukanga i ngā herenga ā-ture o te wā, ā, kia toro tonu atu rātou ki ngā whai wāhitanga ki te ako tonu i ō rātou tūranga e hāpai ai i ngā mahi whakahaere a te whānau, ā, e tautoko ake ai hoki i te hauora me te waiora o ngā tamariki ki te kōhanga reo.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakapūmau tonu te whānau me ngā kaimahi i ngā whakarerekētanga ki te kōhanga reo nō nā tata tonu nei i whakatakotohia ai, ā, kia whakatutuki anō hoki rātou i ngā whakaritenga matua i tāutuhia ai ki tēnei pūrongo hei whai ake.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo ki Aorangi i roto i te toru o ngā tau.

Charles Rolleston

Toka ā-nuku

04 Pipiri, 2019

Ngā kōrero e pā ana ki te kōhanga reo

1 Context

Te Kōhanga Reo ki Aorangi is located in Western Heights, Rotorua. Since the previous ERO review, there is a new group of whānau members who have joined the kōhanga reo. These whānau members are enthusiastic and committed to supporting the ongoing development of the kōhanga reo. The whānau have made changes to the structure of the kōhanga reo and are now in a good position to move forward with developments.

2 The Evaluation Findings

How well do children participate in their learning?

Children confidently participate in all aspects of the learning programme.

Ngā Taumata Whakahirahira

Children participate in learning where te reo Māori is a priority. Kaimahi are competent speakers. The kuia has the responsibility to support the development of te reo Māori in the kōhanga reo. Most of the older children are confident speakers of te reo Māori. Kaimahi use a range of strategies to support children’s use of te reo Māori. There is a strong emphasis on waiata and mahi rotarota. Other strategies used by the kuia and kaimahi include questioning, prompts, repetition and instructions. Children are developing as speakers of te reo Māori.

Children have established meaningful and supportive relationships. Kaimahi maintain a consistent programme and routines so that children can be certain and confidence about what they will do each day as part of their learning. Children volunteer to take responsibility for aspects of the learning programme. The older children are mindful around the babies. Tuākana tēina roles are encouraged by kaimahi. Babies experience awhi, manaaki and aroha from others. Children appear to be secure learners.

Children use natural and physical resources in their learning. Atua Māori are the focus of the learning programme. Kaimahi support children to learn about the domains of atua Māori through singing waiata, reciting rotarota and hearing stories. Developing early literacy and numeracy skills is an important part of the learning programme for older children. Babies are included in the settling morning session of greetings, karakia and waiata. Tuākana and tēina are engaged in the learning programme. Children show enjoyment in their learning.

Planning and Evaluation

Programme planning and assessment processes are in place. Assessments for older children are linked to planning and learning is monitored through information gathered for individual profiles. Recent staffing changes have implemented two new staffing roles: one to focus on strengthening te reo Maori, and another to lead and supervise the development of the learning programme. Designated learning spaces are currently being upgraded and renovated to better suit learning needs of children. Children benefit from kaimahi who provide quality care and learning for children.

The whānau of the kōhanga reo are proactive and enthusiastic about their roles and contribution. They have respectful relationships with each other and bring many different skills. Support is initiated to ensure all whānau members are well informed and can be involved in decisions relating to the management of their kōhanga reo. A newly established management group comprised of whānau members assists with developments. Regular reports are provided at whānau hui.

The whānau have engaged in an extensive review of their strategic plan. They held wānanga and collectively contributed to the draft Te Ara Tūāpae. This draft strategic plan is well detailed and provides strategic goals and objectives for whānau and their children. An annual plan is in place and provides guidance for whānau management. Kaimahi are valued and respected by whānau. Appraisals are in place and job descriptions are updated and aligned. Drills and registers are well monitored. Most aspects of internal evaluation are well managed.

Key Next Steps

The learning programme for babies needs further development. Although there is adequate space and suitable resources in place for babies, kaimahi do not have sufficient understanding of how to plan and provide appropriate learning opportunities and activities for younger children. Information about the needs, development and milestones of the babies is not well document in assessment practices. It is important for kaimahi to review how they currently plan the learning programme for babies to ensure they are well supported in their development and learning.

Programme evaluation requires further development. Kaimahi must look at practical ways to document the discussions they have about the effectiveness of the learning programme. At this time, it is difficult for kaimahi to show the impact of the changes they are making to improve the quality of learning for children in the kōhanga reo.

There are aspects of whānau management that require strengthening. The whānau now need to finalise their strategic plan and develop key actions to enable them to achieve their identified goals and to monitor their progress. Key documents including the charter, policies and procedures are due for review. It is important that the whānau ensure policies and procedures meet current legislative requirements, and that they continue to seek opportunities to learn more about their roles in whānau management and supporting the health and wellbeing of children while at kōhanga reo.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendation:

• the whānau and kaimahi continue to embed the recent changes in their kōhanga reo and address the key next steps identified in this report.

When is ERO likely to evaluate the kōhanga reo again?

The next ERO evaluation of Te Kōhanga Reo ki Aorangi will be in three years.

Charles Rolleston

Toka ā-nuku

4 June 2019

Information about the Kōhanga Reo