Te Kōhanga Reo o Tuhikaramea Inc

1 Te Horopaki

E tū ana Te Kōhanga Reo o Tuhikaramea ki te hapori o Temple View, ki Kirikiriroa. Neke atu i te rua tekau tau ētahi mema o te whānau e whai wāhi ana ki te kōhanga reo nei. E whai pānga nui ana te hāhi Moromona ki ngā uaratanga me ngā whakaakoranga i te kōhanga reo.

2 Ngā Whakaaturanga o te Aromātai

He pēhea rawa ngā tamariki e whakaatu i tō rātou māramatanga ki te reo Māori?

Ka kitea ki ngā tamariki tō rātou māramatanga ki te reo Māori i roto i ētahi tūmomo horopaki. E āhei ana rātou ki te whakamahi i ngā kupu māmā me ngā kīanga māmā, ā, ka noho mārama hoki rātou ki ngā tohutohu me ngā pātai māmā.

Ngā Taumata Whakahirahira  

E ako ana ngā tamariki ki tētahi taiao e akiaki ana i tā rātou whakamahinga o te reo Māori. Ka karakia, ka hīmene, ka mihimihi hoki rātou i ngā wā ako ōkawa. Ka whai wāhi ngā tamriki i aua wā ki te ako i ngā tūmomo hanganga reo. Ahakoa he nui te reo Pākehā ka kōrerohia e ngā tamariki puta noa i te rā, e whakapuaki tonu ana te kaiako i ia te wā i ngā kupu me ngā kīanga o te reo Māori. Kei te mārama ngā tamariki ki te reo Māori, ā, he tika tā rātou whakahoki kōrero i ngā wā e hiahiatia ana. E āta whanake haere ngā tamariki ki te kōrero i te reo Māori.

Ka rongo ngā tamariki i te whanaungatanga i roto i ā rātou akoranga. He pai te mahi ngātahi a ngā kaimahi, ā, ka whakatauira hoki rātou i te whanaungatanga. He whakaute, he mauritau hoki te āhua o ngā taunekeneke me ngā hononga o ngā tamariki ki waenga i a rātou anō, ā, ki ngā pākeke hoki. E ākina ana te hāpai me te manaaki o ngā tuākana i ngā tēina. E tino hāngai pū ana te atawhai i ngā pēpi ki ō rātou matea, hei āta poipoi i a rātou. Ka āta whakarite ngā kaimahi i ngā whai wāhitanga maha mō ngā tamariki ki te whakapuaki i ō rātou hononga ki ngā tāngata me ngā wāhi, i a rātou e taki ana, e whakahua ana hoki i ō rātou ake whakapapa. Ka āta rongo ngā tamariki i te tino whanaungatanga ki ētahi atu.

He whai wāhitanga mō ngā tamariki ki te āta tūhura haere i tō rātou taiao. Kua whakatakotohia ngā whakaritenga kia wātea ai ngā tamariki ki te haereere ki ngā wāhi o roto, o waho hoki, puta noa i  tō rātou kōhanga reo. Ka noho ngā kaimahi ki te taha o ngā tamariki i a rātou e mahi ana, ā, ka whakamārama, ka whakapuaki hoki i ngā hanganga reo e whai pānga ana ki ngā kaupapa mahi e whakatutukihia ana e rātou. He haerenga anō hoki ki waho atu i te kōhanga reo, kia āhei ai ngā tamariki ki te taunekeneke ki ētahi atu tāngata, me te tūhura haere i ō rātou hapori. He ngākau titikaha tō ngā tamariki ki te whakawhanaunga ki ngā manuhiri. E whanake ana ngā tamariki hei ākonga pākiki.

Ngā Whakaritenga Matua ka Whai Ake

E whāia tonuhia ana e te whānau, ngā kaimahi, me ngā tamariki te huarahi ki te whakawhanake i tō rātou reo Māori. E ai ki ngā mema o te whānau, he tokomaha o rātou e noho pūmau ana ki te ako i te reo Māori, hei hāpai ake i ā rātou tamariki.

Te Whakamahere me te Aromātai 

He pai te whakatakotoranga, he nui hoki te kiko o ngā mahere hōtaka. Kua tāutuhia ngā mahi, ngā rautaki, me ngā rauemi e tika ana mō te hōtaka. He pai te noho mōhio o te whānau ki ngā mahi e ākona ana e ā rātou tamariki. E whiwhi ana ngā tamariki i ngā akoranga i āta whakamaheretia ai, i āta whakaritea ai hoki.

Ka aroturukitia te ako a ngā tamariki, ā, he pai anō hoki te tuhi haere i ēnei. Kei ia tamaiti tētahi pūkete e mau nei i te pai o ngā pārongo mā ngā whānau, tae atu ki ngā rārangi arowhai whanaketanga, me ngā tino aroturukitanga e pā ana ki te ahu whakamua me ngā whakatutukitanga a ia tamaiti. Ko te reo Māori tētahi tino aronga o ngā aromatawai.

He kaha ngā kaimahi i ia te wā, ki te āta whakatakoto haere i te whai huatanga o ā rātou hōtaka akoranga. Tū ai ngā hui i ia te wā, ā, e hāpai ana tēnei tūāhuatanga i te ahu whakamua o ngā akoranga a ngā tamariki. Tuhia ai ngā tauāki aromātai i ia wiki. Ka whakaemihia aua tuhinga ki ngā pūrongo a ngā kaimahi, ā, ka whakatakotohia ki ngā hui ā-whānau. E whiwhi ana ngā tamariki i ngā painga ka ahu mai i ngā mahi whakamahere, i te aromatawai, ā, i te aromātai i te hōtaka.

Kua whakaritea e te kōhanga reo te hanganga whakahaere e noho mārama ana. Ka āta whakarite te kaiwhakahaere i te whakatutukitanga tika, te whakatutukitanga wawe anō hoki o ngā mahi katoa e pā ana ki te tari. Tū ai ngā hui ā-whānau i ia te wā. E tino tautokona ana ngā kaimahi kia whai wāhi atu rātou ki ngā mahi whakangungu a te Poari Matua o Ngā Kōhanga Reo, hei āta whakarite i te aro nui o ā rātou whakaritenga ki ngā matea tonu o ngā tamariki. Ko ngā tamariki kei te pūtake o ngā whakataunga i te kōhanga reo.

Ngā Whakaritenga Matua ka Whai Ake

Kāhore ngā mahere hōtaka e āta tohu mārika ana i ngā hononga ki Te Whāriki me Te Korowai. E mōhio ana ngā kaiako, he āhuatanga tonu tēnei hei whakawhanaketanga ake mā rātou.

E whanake tonu ana ngā mahere mō meāke nei. Ahakoa he mahere rautaki tā te whānau, kāhore tā rātou mahere ā-tau mō tēnei wā e āta hāngai ana ki tā rātou tirohanga pae tawhiti. Mā te āta tūhonohono, ka puta ngā tino aronga mārama mō te whakawhanaketanga o te kōhanga reo ā meāke nei. 

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti) 
• ngā whakaritenga, tikanga hōneatanga e pā ana ki te ahi me te rū whenua. 

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. 

4 Ngā Taunakitanga

I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:

• whakawhanake tonuhia te reo Māori o te whānau
• whakaritea ngā tino hononga ki Te Whāriki me Te Korowai i roto i ngā mahere hōtaka
• whakahāngaitia te mahere ā-tau a te whānau ki te mahere rautaki.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Tuhikaramea Inc i roto i te toru o ngā tau.

Lynda Pura-Watson

Kaiurungi Whakaturuki Arotake Māori 

03 Paengawhāwhā, 2018 

Ngā kōrero e pā ana ki te kōhanga reo 

1 Context

Te Kōhanga Reo o Tuhikaramea is in Temple View, Hamilton. Some whānau members have been a part of the kōhanga reo for over 20 years. The Mormon faith is an important part of the values and teachings of the kōhanga reo.

2 The Evaluation Findings

How well do children demonstrate their understanding of te reo Māori?

Children demonstrate an understanding of te reo Māori in different situations. They are able to use basic words and phrases and understand instructions and questions.

Ngā Taumata Whakahirahira

Children learn in an environment where their use of te reo Māori is encouraged. The formal learning times include karakia, hīmene and mihimihi. This provides children with opportunities to learn about language structure. While children speak a lot of English during the day, the kaiako constantly offer te reo Māori words and phrases. Children understand te reo Māori and respond appropriately when required. Children are slowly developing as speakers of te reo Māori.

Children experience whanaungatanga in their learning. Kaimahi work well together and model whanaungatanga. Children’s interactions and relationships with each other and adults are respectful and positive. Tuakana are encouraged to support and care for teina. Babies receive focused and nurturing care and attention. Kaimahi ensure children have regular opportunities to express their relationships with people and places as they recite and recall their own whakapapa. Children engage in meaningful relationships with others.

Children are provided opportunities to actively explore their environment. Boundaries are in place for the children to move around both the indoor and outdoor spaces of their kōhanga reo. Kaimahi sit alongside children as they work to describe and introduce sentence structures that is linked to the work they are involved with. There are trips outside the kōhanga reo to allow children to interact with other people and explore their communities. Children confidently approach visitors. Children are developing as curious learners.

Key Next Steps

Te reo Māori continues to be a journey of development for the whānau, kaimahi and tamariki. Whānau members acknowledge that many of them are committed to learn te reo Māori to better support their tamariki.

Planning and Evaluation

Programme planning is well presented and detailed. Programme content, strategies and resource requirements are identified. Whānau are well informed of what their children are learning. Children enjoy learning that is well planned and organised.

Children’s learning is monitored and well documented. Individual profile books contain good information for whānau including developmental checklists and detailed monitoring of children’s progress and achievement. Te reo Māori is a strong focus for assessment.

Kaimahi consistently note the effectiveness of their learning programmes. Regular meetings contribute to progressing children’s learning. Evaluative statements are documented weekly. These are collated into kaimahi reports that are tabled at hui whānau. Children benefit from planning, assessment and programme evaluation.

The kōhanga reo has established a clear management structure. The kaiwhakahaere ensures that all administrative tasks are dealt with effectively and efficiently. Whānau hui are regular. Kaimahi are well supported to participate in training offered by the Te Kōhanga Reo National Trust to ensure that their practice responds to children’s needs. Children are central to decision making in the kōhanga reo.

Key Next Steps

Programme planning does not show clear links to Te Whāriki and Te Korowai. Kaiako acknowledge that this is still an area of development for them.

Future planning is still developing. While the whānau has a strategic plan, their current annual plan does not align clearly to their long term vision. This would provide clear directions for the future development of the kōhanga reo.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendations

ERO and the Kōhanga Reo whānau developed the following recommendations:

• Continue to develop te reo Māori within the whānau
• Establish clear links to Te Whāriki and Te Korowai in programme planning
• Align the whānau annual plan to the strategic plan.

When is ERO likely to evaluate the kōhanga reo again?

The next ERO evaluation of Te Kōhanga Reo o Tuhikaramea Inc will be in three years.

Lynda Pura-Watson

Deputy Chief Review Officer Māori 

3 April 2018 

Information about the Kōhanga Reo 

1 Te Aromātai a te Tari Arotake Mātauranga

Ko Te Kōhanga Reo o Tuhikaramea tētahi kōhanga reo noho tāone, ki te hapori o Temple View, i Kirikiriroa. Haere mai ai ngā whānau o tēnei kōhanga reo, i ngā hapori e pā tata atu ana ki konei, tae atu ki Temple View, ki Dinsdale, me Melville.

I whakaritea e te whānau ko Mana Atua te kaupapa arotahi mō tēnei arotake. He hiahia tō rātou ki te mōhio:

He pēhea rawa te tautoko i ngā tamariki, kia ako ia tamaiti i te haumaru me te waiora o tōna katoa?

E tino tautokona ana ngā tamariki kia ako ia tamaiti i te haumaru me te waiora o tōna katoa. He pārekareka ki ngā tamariki te ako i te reo Māori mā te hōtaka akoranga whakahihiri e pāhekoheko ana. Ka ako rātou i ō rātou whakapapa, ō rātou pepeha, me ā rātou waiata anō hoki, mā te taunekeneke ki ngā kaimahi me ētahi atu. E wātea ana ki a rātou te whānuitanga o ngā tūmomo rauemi. Kua whakawhanakehia e ngā tamariki ngā tino hononga ki ō rātou hoa, te whānau, ngā kaimahi, me te whānau whānui. He harikoa ngā tamariki, ā, e whakaongaongatia ana rātou ki te ako. Ka whakatutuki te whānau i ngā mahi katoa kia haumaru ai te noho o ngā tamariki.

Ka whiwhi ngā tamariki i ngā wheako akoranga kua āta maheretia,ā, kua āta aromātaitia ai hoki. Ka whakamahi ngā kaimahi i tētahi tauira whakamahere e whai hua ana ki te ārahi i te whakapuakitanga o ngā hōtaka ki ngā tamariki. Ka mārama rātou ki te pūtake me te hua o te aromātai. Nā tēnei, ka wheako ngā tamariki i ngā hōtaka akoranga e tino whakaongaongatia ana. e noho wātea ana ngā mōhiohio a ngā tamariki hei tirohanga mā te whānau. Ko te ahunga whakamua a ngā tamariki, me ā rātou wheako akoranga e tino tuhia ana.

Ko te waiora o ngā tamariki me tā rātou ako, e whakahihiri ana i te whānau i roto i ā rātou mahi whakahaere ki te kōhanga reo. Ka tino whai hua te āhua o ngā whakahaeretanga ki te kōhanga reo. He mārama, he pakari anō hoki ngā pūnaha me ngā tukanga e pā ana ki ngā kaimahi, ngā pūtea, te hauora me te haumaru, te whakahaere tari, te whakahaere rawa, me te whakamahere rautaki. Kei te haere tonu te whakawhanaketanga o te arotake whaiaro, ā, ka whai pānga anō hoki ki ngā whakapaitanga mā ngā tamariki.

Ko te haumaru me ngā painga o ngā tamariki, kei te pūtake o ngā mahi whakahaere a te whānau, me ngā whakaritenga anō hoki ki te kōhanga reo. He pakari ngā pūnaha me ngā whakaritenga e pā ana ki te whakamahere rautaki, te whakahaere pūtea, ngā take kaimahi, te whakahaere rawa, me te hauora, te haumaru hoki. Kei te pakari haere tonu te arotake whaiaro. Ka aroturuki, ka pūrongo hoki i ia te wā, i te nuinga o ngā āhuatanga e pā ana ki te whakahaeretanga o te kōhanga reo.

2 Ngā Kaupapa Motuhake o te Arotake

Te Arotahi o te Arotake

I mua o te arotake, i īnoitia te whānau kia whai whakaaro ki ā rātou kaupapa motuhake mō te arotake.

Kātahi ka whakaritea ngā tino kaupapa motuhake mō te arotake, whai muri o te whakawhitinga kōrero i waenga o te rōpū arotake o te Tari Arotake Mātauranga Māori me te whānau.

I whakaritea e te whānau ko āna kaupapa arotahi mō tēnei arotake, ko:

• Mana Atua.

Ko te katoa o ngā arotake mātauranga ā te Tari Arotake Mātauranga Māori i roto i ngā kōhanga reo e arotahi ana ki te kounga o te mātauranga. Ki tā te Tari Arotake Mātauranga Māori, kei roto i tēnei ko te kounga o te:

• arotake whaiaro a te whānau me te whakamahere rautaki
• whakamahere hōtaka, te aromatawai, me te aromātai.

Ko ngā kitenga ā te Tari Arotake Mātauranga Māori i roto i ēnei wāhanga, kei raro iho nei.

3 Ngā Whakaaturanga

Mana Atua

He pēhea rawa te tautoko i ngā tamariki, kia ako ia tamaiti i te haumaru me te waiora o tōna katoa?

E tino tautokona ana ngā tamariki kia ako ia tamaiti i te haumaru me te waiora o tōna katoa.

Ngā wāhanga e pai ana te whakahaere

He harikoa, he tau hoki ngā tamariki ki te taiao o tō rātou kōhanga reo. He wāteatea, he mahana hoki te wāhi ako matua. Ka whakanuia ngā mahi a ngā tamariki, ā, he ātaahua anō hoki te whakaatu ki ngā pakitara, puta noa i te kōhanga reo. He rerekē ia pokapū mahi e mau nei i te whānuitanga anō hoki o ngā tūmomo rauemi e wātea ana mā ngā tamariki. He pai te mātakitaki i ngā tamariki. Ka whakaratohia ki ngā tamariki tētahi taiao ako whakahihiri, muramura anō hoki e hāpai ana i te whakawhanaketanga o ia tamaiti.

E āhei ana ngā tamariki ki te whai i ō rātou ake ngākau nuitanga, me te ako ki te taha o ō rātou hoa. Ka tino whakaongaonga, ka tino whakawero anō hoki te hōtaka akoranga i ngā tamariki. He whai wāhitanga mā ngā tamariki ki te uru atu ki te whānuitanga o ngā tūmomo kaupapa ako, ngā tikanga Māori, ngā taumahi e kōkirihia ana e ngā pākeke, me ērā hoki ka kōkirihia e rātou. He pai te rere o ngā mahinga me ngā whakawhitinga, ā, e tino māramahia ana hoki. Ka ako ngā tamariki i runga anō i te wā e tika ana mō rātou, ā, ka whai wā anō hoki ki te tākaro takitahi mō te wā roa. He angitu ngā kaimahi ki te hāpai i ngā akoranga. He pai te whanake o ngā tamariki hei ākonga māia, hei ākonga pākiki anō hoki.

Kua whakawhanakehia e ngā tamariki ngā tino hononga ki ō rātou hoa, tō rātou whānau, ngā kaimahi, me ngā tāngata hoki o te hapori whānui. Ka tautoko te whānau i ngā tamariki ki te ako i te whenua, te moana, me ngā maunga, tae atu ki ngā atua o aua wāhi. E noho pūmau ana ngā kaimahi ki te whakapakari i ngā tino hononga e arotahi ana ki ngā matea ako. Ko ngā haerenga i whakaritea ai he whai wāhitanga mō ngā tamariki ki te tūhura haere, tua atu i te kōhanga reo, me te whakatairanga i ā rātou akoranga e hāngai pū ana ki tētahi kaupapa mahi.

Ka whakaratohia ki ngā tamariki te whānuitanga o ngā wheako e whakawhānui ake ana i tō rātou āheinga i roto i te reo Māori. Ka aro atu ki ngā whakawhitinga kōrero me ngā akiaki, i a rātou e noho ana ki te taha o ngā kaimahi me ō rātou hoa. Ka whakamahi ngā kaimahi i tēnā e mōhiotia ana e rātou hei whakapūmau i te ritenga o ngā taunekeneke reo katoa ki ngā tamariki. Ka whakapuakihia ngā kupu ki ngā tamariki mā te tākaro me ngā mahinga. Ka hāpai tēnei i te whakawhānuitanga ake o ngā kupu a ngā tamariki. Ka whakamahi ngā tamariki i te reo ā-waha me te reo ā-tinana hei whakawhiti kōrero, hei whakapuaki hoki i ō rātou māramatanga ki ētahi tūmomo akoranga rerekē.

Ngā wāhanga hei whakawhanake

E mōhio ana ngā kaimahi, ko te whakawhanake tonu i ngā pūkenga reo Māori o ngā tamariki tētahi kaupapa matua tonu. E mōhio ana ngā kaimahi, me haere tonu tā rātou whakapai ake i ia te wā, i ō rātou ake pūkenga reo Māori, tae atu ki te tika o te reo me tō rātou matatau ki te kōrero.

Te Whakamāherehere me te Aromātai

Ngā wāhanga e pai ana te whakahaere

He pakari te whai hua o te whānau ki te whakahaere i ngā whakaritenga o te kōhanga reo. He pai te tae ā-tinana atu ki ngā hui ā-whānau. Nā te pūrongo i ia te wā, ka noho mōhio te whānau, ā, ka whakatau ngātahi hoki rātou i ngā whakaritenga. Kua whakaritea ngā tino kaupapa here, tukanga anō hoki e pā ana ki te hauora me te haumaru, hei ārahi i ngā mahi. He mārama ngā pūrongo e pā ana ki te pūtea me ngā whakawhitinga moni. Kua whakawhanakehia e te whānau ngā tino hononga mahi, hononga tangata anō hoki, ā, he pārekareka ki a rātou te noho ngātahi ki te kōhanga reo, ki ngā kaupapa anō hoki o waho atu. Ka tautoko mārika te whānau i tō rātou kōhanga reo.

Ka whakamahia te arotake whaiaro kia tāutuhia ai e rātou ngā wāhanga ki te kōhanga reo hei whakapai ake. Ka whiwhi te whānau i ngā pūrongo e whakapuakihia ana i ia te wā ki ngā hui o ia marama, ā, ka whakatutuki anō hoki i ngā āhuatanga o roto. Ka whai hua te arotake whaiaro o ia te wā, ā, he painga anō hoki mō ngā tamariki. Ka whakamahi te whānau i tētahi tukanga arotake whaiaro, hei ārahi i a rātou i ngā wā ka pupū ake ētahi kaupapa, ētahi take hoki. Kei te mārama ngā mema o te whānau ā rātou kaupapa matua o tēnei wā, me ērā anō hoki kei te heke mai. Ka whakamōhio atu Te Ara Tūāpae i ngā whāinga rautaki me te āhua o te whakamahi.

Ka kitea ki te whānau ngā āhuatanga o te kaituku mahi pai. He pūnaha kei ā rātou hei tautoko i ngā kawenga a nga kaimahi. Kei reira katoa ngā pepa whai mana e hāngai ana ki te kataoa o ngā kaimahi. Ka ārahi ngā arohaehae i te āhua mahi o ngā kaimahi me tō rātou whakawhanaketanga. Ko te āhua mahi o ngā kaimahi e whai pānga pai ana ki ngā akoranga a ngā tamariki.

Ka whakamahi ngā kaimahi i tētahi tauira whakamahere e whai hua ana ki te ārahi i te whakapuakitanga o ngā hōtaka ki ngā tamariki. He mārama ki a rātou te pūtake me te hua o te aromātai. Nā tēnei, ka whai wheako ai ngā tamariki mai ngā hōtaka akoranga e tino whakaongaongatia ana i a rātou. He wātea ki te whānau ngā mōhiohio e pā ana ki ngā tamariki. Ka āta tuhia anō hoki te ahunga whakamua me ngā wheako akoranga a ngā tamariki.

Ka whakaemihia ngā mahi a ngā tamariki ki te pūkete a ia tamaiti. Ko ngā kōrero i whakaemihia ai, e āta tonu ana i ngā akoranga o ngā tamariki i runga i tēnā e mōhiotia ana e rātou. Ko te whai huatanga o ngā kōrerorero e pā ana ki te whakatutukitanga o ngā whāinga kaupapa, e hāpai ana i ngā mātua ki te noho mārama ki te ahunga whakamua o ā rātou tamariki.

Ngā wāhanga hei whakawhanake

E mōhio ana ngā kaimahi, ko te whakawhanake tonu i ngā pūkenga reo Māori o ngā tamariki tētahi kaupapa matua tonu. E mōhio ana ngā kaimahi, me haere tonu tā rātou whakapai ake i ia te wā, i ō rātou ake pūkenga reo Māori, tae atu ki te tika o te reo me tō rātou matatau ki te kōrero.

4 Te Whakatau a te Whānau ki ngā Wāhanga Tautukunga

Te Tirohanga Whānui

I mua o te arotake, i whakakīia e te kaipupuri raihana, te whānau, me ngā kaimahi o te kōhanga reo tētahi Tauāki Kupu Tūturu a te Kōhanga Reo kua Raihanatia, o Pipiri 2013, me tētahi Rārangi Tātari Whaiaro mā te Tari Arotake Mātauranga. I roto i ēnei tuhinga i oati rātou, i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaeretanga ā te whānau
• te hauora, te waiora, me te whai oranga
• ngā whakahaerenga kaimahi
• ngā whakahaerenga pūtea me ngā whakahaerenga rawa.

I te wā o te arotake, i whakamātauhia e te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā hua ka puta ki ngā tamariki:

• te haumaru whatumanawa (tāpiri atu ko te whakatau tamariki, ko te ārai i ngā mahi whakaweti, mahi tūkino)
• te haumaru ā-tinana (tāpiri atu ko te whakatau tamariki; ko ngā whakaritenga whakamoe, tiaki tamariki; ko ngā aituā me te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• ngā tohu mātauranga me ngā whakaritenga kaimahi
• ngā whakaritenga, tikanga hōneatanga e pā ana ki te ahi me te rū whenua.

5 Ngā Taunakitanga

E taunaki ana Te Tari Arotake Mātauranga kia tahuri te whānau me ngā kaimahi ki te:

• whakawhanake tonu, te whakawhānui tonu anō hoki i ngā pūkenga reo Māori o ngā tamariki
• whakawhanake tonu, te whakawhānui tonu anō hoki i ngā pūkenga reo Māori o ngā kaimahi katoa.

Hei ā hea te Tari Arotake Mātauranga arotake anō a i te kōhanga reo?

Tērā ka whakahaeretia e te Tari Arotake Mātauranga te arotake whai muri, i roto i ngā tau e toru.

Lynda Pura-Watson

Kaiurungi Whakatūruki Arotake Māori Māori (Te Uepū-ā-Motu)

28 Kohitātea 2015

1 The Education Review Office (ERO) Evaluation

Te Kōhanga Reo o Tuhikaramea is an urban kōhanga reo situated in the Hamilton suburb of Temple View. The whānau attending this kōhanga reo come from surrounding areas including Temple View, Dinsdale and Melville.

The whānau chose Mana Atua as their focus area for this Education review. They were interested to know:

How well are children supported to learn about holistic safety and wellbeing?

Children are well supported to learn about holistic safety and wellbeing. Children enjoy learning te reo Māori in an interesting and interactive learning programme. They learn about their whakapapa, pepeha and waiata through interaction with kaimahi and others. They have access to a range of resources that are readily accessible. Children have developed meaningful relationships with their peers, whānau, kaimahi and the wider whānau. Children are happy and stimulated in their learning. The whānau takes all reasonable steps to keep children safe.

Children receive well planned and evaluated learning experiences. Kaimahi use an effective planning model to guide the delivery of programmes to children. They understand the purpose and value of evaluation. This leads to children experiencing highly stimulating learning programmes. Whānau have easy access to children’s information. Children’s progress and learning experiences are well recorded.

Children’s wellbeing and learning motivates whānau when they manage the kōhanga reo operations. The kōhanga reo is managed in a highly effective manner. There are clear and robust systems and processes for personnel, finances, health and safety, administration, property management and strategic planning. Self review continues to develop and leads to improvements for children.

Children’s safety and interests are central to whānau management practices and the kōhanga reo operations. There are robust systems and practices for strategic planning, financial management, personnel matters, property management and health and safety. Self review continues to strengthen. There is regular monitoring and reporting on most parts of the kōhanga reo operations.

2 Review Priorities

The Focus of the Review

Before the review, the whānau were invited to consider its priorities for review.

The priorities for review were then determined following a discussion between the ERO review team and whānau.

The whānau chose as its focus area:

• Mana Atua

All ERO education reviews in kōhanga reo focus on the quality of education. For ERO this includes the quality of:

• whānau self review and strategic planning
• programme planning, assessment and evaluation.

ERO’s findings in these areas are set out in the report findings.

3 Findings

Mana Atua

How well are our children supported to learn about holistic safety and well being?

Children are well supported to learn about holistic safety and wellbeing.

Areas of good performance

Children are happy and relaxed in their kōhanga reo environment. The main learning area is spacious and warm. Children’s work is valued and attractively displayed on walls throughout the kōhanga reo. Work stations are varied and include a range of accessible resources. Children are well supervised. Children are provided with an exciting, inviting learning environment that supports their individual development.

Children are able to follow their interests and learn alongside their peers. The learning programme is highly stimulating and challenging for children. Children have opportunities to participate in a range of learning topics, tikanga Māori, adult led activities and independent learning. Routines and transitions flow smoothly and are well understood. Children learn at their own pace and play uninterrupted for long periods of time. Kaimahi skilfully support learning. Children are developing well as confident, curious learners.

Children have developed meaningful relationships with their peers, whānau, kaimahi and people from the wider community. Whānau support children to learn about the land, sea, and mountains including the atua that oversee these areas. Kaimahi are committed to building positive relationships focused on learning needs. Planned outings provide opportunities for children to explore outside the kōhanga reo and to enhance their learning about particular kaupapa mahi.

Children are provided with a variety of experiences that extends their te reo Māori capability. They respond to conversations and prompts when they are with kaimahi and peers. Kaimahi use what they know to maintain consistent language interactions with children. New words are introduced to children through play and routines. This helps to extend children’s vocabulary. Children use verbal and non-verbal body movements to communicate and express their understanding when in different learning situations.

Areas for development

Kaimahi acknowledge the ongoing development of children’s te reo Māori skills continues to be a priority. Kaimahi are aware they need to continually improve their own te reo Māori skills including its accuracy and proficiency.

Planning and Evaluation

Areas of good performance

Whānau are efficient and effectively manage the kōhanga reo operations. There is good attendance at whānau hui. Regular reporting keeps the whānau informed and decision making is shared. They have important health and safety policies and procedures in place to guide practice. Financial reporting is clear, transactions are transparent. Whānau have developed strong working and personal relationships and enjoy time together both at the kōhanga reo and outside events. Whānau provide good support for their kōhanga reo.

Self review is used to determine areas for improvement in the kōhanga reo. Whānau receive and act on reports that are shared regularly at monthly hui. Regular self review is effective and benefits children. Whānau use a process of self review to guide them when unplanned events and issues arise. Whānau members understand their current priorities and those of the future. Te Ara Tūāpae informs strategic objectives and actions.

Whānau reflect good employer practice. They have systems to support staff in their work. Personnel documentation is in place. Appraisals guide staff performance and development. Staff performance impacts positively on children’s learning.

Kaimahi use an effective planning model to guide the delivery of programmes to children. They understand the purpose and value of evaluation. This leads to children experiencing highly stimulating learning programmes. Whānau have easy access to children’s information. Children’s progress and learning experiences are well recorded.

Children’s work is collated in individual profile books. The material collated clearly identifies children’s learning in terms of what they know. Useful comments about achievement against kaupapa goals help parents to see children’s progress.

4 Whānau Management Assurance on Compliance Areas

Overview

Before the review, the licensee, whānau and staff of the kōhanga reo completed an ERO Kōhanga Assurance Statement and Self-Audit Checklist. In these documents they have attested that they had taken all reasonable steps to meet their legislative obligations related to:

• administration
• health, safety and welfare
• personnel management
• financial and property management.

During the review, ERO checked the following items because they have a potentially high impact on outcomes for children:

• emotional safety (including behaviour management, prevention of bullying and abuse)
• physical safety (including behaviour management, sleeping and supervision practices; accidents and medication; hygiene and routines; travel and excursion policies and procedures)
• staff qualifications and organisation
• evacuation procedures and practices for fire and earthquake.

5 Recommendations

ERO recommends that whānau and kaimahi:

• continue to develop and extend the children’s te reo Māori skills
• continue to develop and extend all employee’s te reo Māori skills.

When is ERO likely to review the kōhanga reo again?

ERO is likely to carry out the next review in three years.

Lynda Pura Watson

Deputy Chief Review Officer Māori (Te Uepū-ā-Motu)

28 January 2015

About the Kōhanga Reo