Parry Street Complex Parry Street, Huntly
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Kōhanga Reo o Te Whaanui ki Rāhui Pōkeka. E whai wāhi atu ana te kōhanga reo ki te purapura o Ngā Kōhanga Reo o Rāhui Pōkeka, ā, ka kāwanatia, ka whakahaerehia e te komiti matua, e Takitini. Ka whai pānga matua Te Kīngitanga ki te iho o te kōhanga reo, ā, koia nei te tūāpapa o ngā whakaakoranga me ngā akoranga katoa.
Kei te ngākau titikaha ngā mokopuna ki tō rātou tuakiri me tō rātou tūnga ki te ao.
E rumakina ana ngā mokopuna ki te taiao e whakatairanga ana, e poipoi ana i tō rātou tuakiri. E pou here ana te manaakitanga me te aroha i ngā taunekeneke katoa. He mātau ngā kaimahi ki te ārahi, te hautū, me te whakatauira i ngā tikanga, ngā kawa, me te mita o Waikato, puta noa i te rā. Ka toro atu ki te tangongitanga o ngā rautaki reo hei hāpai i te whakawhanaketanga reo o ngā mokopuna. Ko ētahi o aua rautaki, ko te whāngai kupu, te tāruarua, te ārahi, me ngā karakia, ngā kīpeha me ngā pao. E hāpaitia ana te whai wāhi atu me te ārahi a ngā mokopuna i ngā karakia me ngā waiata. Ka ngākau nui ngā mokopuna tuākana ki te toro atu ki tēnā e mōhiotia ana e rātou, ā, ka kitea hoki te māramatanga o ngā pēpi mā te kori o ō rātou tinana me tā rātou tāwhai kōrero. Whakamihia ai ngā mokopuna i ia te wā, ā, ka whakanuia ā rātou whakatutukitanga. Kua āta whakaritea ngā mahinga, ā, ka hāpai i ngā mokopuna ki te whakawhiti haere puta noa i te hōtaka o ia rā. Ka aro nui te taiao ki te hanganga, te whai whiringa, me te riterite. Kei te mauritau ngā mokopuna, ā, ka whai wāhi mātātoa atu ki ō rātou wheako ako.
E hāpaitia ana ngā mokopuna ki te tūhura me te mahi auaha. Ka toro atu te hōtaka akoranga ki te whai māramatanga o ngā mokopuna ki ngā kōrero me ngā hītori o te takiwā, me ō rātou tūpuna. Ka āta whakatau ngā kaimahi kia rumakina ngā mokopuna ki te hōhonutanga o ngā wheako tūturu i pou herea ai ki ngā uara me ngā mātāpono o Te Kīngitanga, o ngā Poukai, o te Koroneihana, me Te Tumu Kōrero. Kei te harikoa, kei te mauritau hoki ngā mokopuna ki tō rātou kōhanga reo, ā, ka āta whakatinana rātou i te manaakitanga me te aroha e ūhia ana ki runga anō hoki i a rātou e ō rātou kaimahi atawhai, ō rātou kaimahi manaaki. Ka tūhura haere ngā mokopuna, ā, ka ngākau nui ki te mahi auaha me te mahi pākiki mā te tangongitanga o ngā rauemi me ngā taputapu. Ka wero ngā taumahi me ngā rauemi ako i te ako a ngā mokopuna me ō rātou whakaaro. He ngākau titikaha ō ngā mokopuna hei ākonga.
Kua whakatakotohia ngā tukanga whakamahere. Ka mahi ngātahi ngā kaimahi me Ngā Kōhanga Reo o Rāhui Pōkeka ki te whakamahere me te whakarite i ngā hōtaka akoranga. Ko ngā hītori o Te Kīngitanga te tūāpapa o ngā akoranga katoa, ā, ka hāpai i ngā mokopuna ki te whai māramatanga ki tō rātou tuakiri. Ka whakahāngaitia ngā mahere ki te Koroneihana, ki Te Tongikura, ki ngā Poukai, ki Te Paki o Matariki, ā, he hononga anō hoki ki Te Whāriki a Te Kōhanga Reo. Kei te tino mōhio ngā kaimahi ki ngā mokopuna, ā, ka āta whakamahere kia whai wāhi nui ai ngā mokopuna nā runga anō i te āhua o ō rātou ngākau nuitanga. He ngākau titikaha ō ngā mokopuna ki te whai wāhi nui ki tētahi hōtaka i āta whakamaheretia ai.
Kei te matawhānui ngā pūnaha me ngā tukanga a te whānau whakahaere. Kei te hanganga kāwana o Takitini ngā māngai nō ngā kōhanga reo e whā. E hāngai ana te tūtohinga ki ngā wawata o te whānau, ā, ka āta whakaraupapa te tuhinga i te ārahitanga me te huarahi mō te whānau. Kei te mahere rautaki matawhānui a Takitini te tirohanga me ngā wawata o ngā whānau mō ngā mokopuna. Aroturukitia ai te rautaki mahi i ia te wā, ā, ka tautuhi i ngā kaupapa matua me ngā whāinga hei āta whakatau i te toitūtanga mō meāke nei. He auaha, ā, e ū ana ki te poipoi i ngā whakatutukitanga, i te ārahitanga hoki, me te whakatō i ngā uara o Te Kīngitanga, hei hāpai i ngā mokopuna ki te eke angitu ki tua atu i te kōhanga reo. E ārahi ana te mahere ā-tau i ngā mahi whakahaere i te kōhanga reo me te tari, me ngā wā hoki e tika ana kia whakatutukihia. He pai te taetae atu, te tuhi haere, me te whai pūtaketanga o ngā hui e tū ana i ia te wā. Whakahaerehia ai, pūrongohia ai hoki ngā take whakahaere i ia te wā. Ka arotahi ngā arohaehae ki te whakawhanake i ngā pūkenga me ngā āheinga o ngā kaimahi. E whakarato ana a Takitini i te tino ārahitanga, me te aronga nahanaha atu ki ngā whakahaeretanga kia tū ai ngā mokopuna ki te pūtake o ngā mahi katoa. Ka aro nui ki ngā mokopuna i roto i ngā mahi whakahaere ngātahi katoa.
E whanake ana ngā whakaritenga aromatawai. Ahakoa he kōnae mokopuna ā ngā mokopuna e arotahi ana ki tō rātou tupu me tō rātou whakawhanaketanga, me āta titiro kia ū ai te riterite o ngā kōrerorero o roto. E hāpaitia ana ngā kaimahi e ngā tautōhito o tō rātou purapura, kia whakapakarihia ngā mahi aromatawai mā ngā mokopuna. Ka taea te ako a ngā mokopuna te whakatairanga ake mā te aromatawai e riterite ana, ā, e arotahi ana ki te ahu whakamua a ngā mokopuna.
Me whakaōkawa i te aromātai hōtaka. Ahakoa ka hui ngā kaimahi i ia te wā ki te whakawhiti kōrero me te whakaaro huritao mō te hōtaka akoranga, e tika ana kia tuhia aua kōrerotanga, kia aroturukitia ai ngā whakapaitanga ki te hōtaka akoranga. Ka whai hua ngā mokopuna mā te āta aromātai i te hōtaka akoranga.
E mōhio ana te whānau me ngā kaimahi, e tika ana kia hakune ā rātou mahi ki te whakatairanga ake i tō rātou mōhiotanga me tō rātou māramatanga ki te Children's Act 2014. Ahakoa he kaupapa here mō te ārai tamariki, e mōhio ana te whānau, ko te whakaritenga ka whai ake, ko te whakapai ake i te māramatanga ki te ture. E whakatau ana hoki Te Tari Arotake Mātauranga, e tika ana kia whai wāhi atu te whānau me ngā kaimahi ki ētahi atu wānanga me ētahi atu whakangungu hei whakatutuki i ngā takohanga o te ture, ā, mā tēnā, hei aro pū anō hoki ki te haumaru me te waiora o ngā mokopuna.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me Te Kōhanga Reo o Te Whaanui ngā taunakitanga e whai ake nei, arā, kia:
Rita Walker
Toka ā Nuku Whakakapi
Te Uepū-a-Motu – Māori Services
20 Whiringa-ā-rangi 2024
| Te tūwāhi | Kei Rāhui Pōkeka |
| Te tau a te Tāhuhu o te Mātauranga | 35047 |
| Te tau tohu o Te Kōhanga Reo | 04A041 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 17 ngā tamariki, kia tokowhā ki raro i te rua o ngā tau |
| Te tokomaha kei runga i te rārangi ingoa | Tekau ngā tamariki, tokowhā kei raro i te rua o ngā tau |
| Ngā hononga ā-iwi | Māori 10 |
| Te wā i te kōhanga reo te rōpū arotake | Here-turi-kōkā 2024 |
| Te wā o tēnei pūrongo | 20 Whiringa-ā-rangi 2024 |
| Ngā pūrongo o mua a Te Tari Arotake Mātauranga | Kaupapa Motuhake 2020; Arotake Mātauranga, 2018; Arotake Mātauranga, 2015 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Te Kōhanga Reo o Te Whaanui is in Huntly. The kōhanga reo is part of Ngaa Koohanga Reo o Raahui Pookeka Purapura and is governed and managed by the executive committee, Takitini. Kiingitanga is a fundamental part of the kōhanga ethos and builds the foundation for all teaching and learning.
Mokopuna are confident in who they are and their place in the world.
Mokopuna are immersed in an environment that promotes and nurtures their identity. Manaakitanga and aroha underpin all interactions. Kaimahi competently provide guidance, leadership, and model tikanga, kawa and the Waikato dialect throughout the day. A range of language strategies are utilised to support mokopuna language development. These include prompting, repetition, guidance, karakia, kīpeha and pao. Mokopuna are supported to participate in and lead karakia and waiata. Older mokopuna use what they know willingly, and babies show their understanding through body movements and mimicking. Mokopuna are praised frequently and acknowledged for their achievements. Routines are well established and allow mokopuna to smoothly transition across the programme throughout the day. The environment emphasises structure, choice, and consistency. Mokopuna are settled and actively engage in their learning experiences.
Mokopuna are supported to be explorers and creators. The learning programme extends mokopuna understanding of local stories, history, and their tuupuna. Kaimahi ensure mokopuna are immersed in rich authentic experiences underpinned by the values and principles of Te Kiingitanga, Te Poukai, Koroneihana and Te Tumu Kōrero. Mokopuna are happy and settled in their kōhanga and they emulate the manaakitanga and aroha that is shown to them by their kind, caring kaimahi. Mokopuna explore and enjoy being creative and curious with a variety of different resources and equipment. Activities, and learning resources challenge mokopuna learning and ideas. Mokopuna are confident learners.
Planning processes are in place. Kaimahi work in collaboration with Ngaa Koohanga Reo o Raahui Pookeka to plan and prepare learning programmes. The Kiingitanga history builds the foundation for all learning, allowing mokopuna to build an understanding of who they are. Planning is aligned to the Koroneihana, Te Tongikura, Poukai, Te Paki o Matariki and links to Te Whāriki a Te Kōhanga Reo. Kaimahi know mokopuna well, and purposely plan for participation based on mokopuna interests. Mokopuna confidently engage in a well-planned programme.
Whānau whakahaere systems and processes are thorough. Takitini, is made up of representative members from each koohanga reo. The tūtohinga aligns to whānau aspirations and the document sets out clear guidance and direction for whānau. A comprehensive Takitini collective strategic plan includes the vision and aspirations whānau hold for mokopuna. The rautaki mahi is monitored regularly and defines identified priorities and goals to ensure sustainability for the future. It is innovative and commits to nurturing achievement, fostering leadership, and embedding the values of Te Kiingitanga to support mokopuna to be successful beyond kōhanga reo. The annual plan guides operational and administrative tasks and when these are to be completed. Regular hui are attended, recorded and purposeful. Operational matters are consistently managed and reported. Appraisals focus on developing kaimahi skills and capability. Takitini provide effective leadership with a considered approach to operations that place mokopuna at the centre of all activities. Mokopuna are prioritised in collective whakahaere practices.
Assessment practices are developing. While mokopuna have kōnae mokopuna that focus on their growth and development, the consistency of entries needs to be addressed. Kaimahi are supported by the expertise in their purapura to strengthen assessment practices for mokopuna. Mokopuna learning can be enhanced through assessment that is consistent and focused on mokopuna progress.
Programme evaluation requires formalising. Whilst kaimahi meet regularly to discuss and reflect on the learning programme, there is a need to record these discussions so improvements to the learning programme are monitored. Mokopuna benefit from considered evaluation of the learning programme.
Whānau acknowledge the need to intentionally enhance awareness and understanding of the Children’s Act 2014. While there is a Child Protection policy in place, whānau are aware that their next steps are to improve understanding of the act. ERO agree that whānau and kaimahi engage in further waananga and training to fulfil obligations of the act and in turn, prioritise mokopuna safety and wellbeing.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO and Te Kōhanga Reo o Te Whaanui developed the following recommendations:
Rita Walker
Toka-ā-Nuku – Acting Director
Te Uepū ā-Motu – Māori Review Services
20 November 2024
| Location | Huntly |
| Ministry of Education profile number | 35047 |
| Kōhanga Reo Identification Number | 04A041 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 17 children, including up to 4 aged under 2 |
| Service roll | 10 children, including up to 4 aged under 2 |
| Ethnic composition | Māori 10 |
| Review team on site | August 2024 |
| Date of this report | 20 November 2024 |
| Most recent ERO report(s) | Special Project report, 2020; Education Review, 2018; Education Review, 2015 |
|
Te Kōhanga Reo |
Te Kōhanga Reo o Te Whaanui |
|
Te tau a te Tāhuhu o te Mātauranga |
35047 |
|
Te tūwāhi |
Kei Rāhui Pōkeka |
E mahi ngātahi ana Te Tari Arotake Mātauranga me Ngā Kura ā-Iwi o Aotearoa ki te kapo atu mā te kaupapa nei a Whāia ngā ara painga kia angitu ai, i te huarahi mātauranga o ngā ākonga i tīmata ai ki te kōhanga reo, ā, i poipoia tonuhia ki te mātauranga o Ngā Kura ā-Iwi.
E tū ana Te Kōhanga Reo o Te Whaanui ki Rāhui Pōkeka. He wāhanga o te pātuitanga o Te Waahi Whaanui. Kua whakatūngia tētahi komiti matua (arā, ko Takitini) hei ringa hāpai mō te purapura o ngā kōhanga reo o tēnei takiwā. He uri o te Kīngitanga ngā tamariki tokomaha o tēnei kōhanga reo. Ka whai wāhi atu te kōhanga reo ki ngā kaupapa e pā ana ki ngā poukai, te Koroneihana, te rīketa, me ētahi atu tino huihuinga.
Taane i ahua i te poo uriuri, i te poo tangotango, i te poo kerekere, i te poo i oti atu.
Teenei te toki a Rata ka uu, ka mau, ka ranga ki te puutahitanga, te taahuuhuunui o Rehua
Kia ara ake ana ia ko ngaa koohanga reo e tuu nei
Ko te Kiingitanga te koruuruu o te whare.
Ko ngaa maihi ko te Reo me ngaa tikanga.
Ko ngaa pou he mahoe, he patete, he hinau
Ko te tuuaapapa ko te whaanau.
Katoa enei ka whakatuu i te ahurutanga maa te tamaiti.
e ko koia e ara e.
Ki ahau nei, nōku te maringanui ki te tupu ake ki konei. Inā i haere ahau ki tētahi atu kura, ka kotiti atu ahau i te huarahi e tika ana. Tokowhitu pea o mātou i nāianei i kuraina ai ki konei, ā, kua hoki mai hei pouako. I haere tahi mātou ki te kura me te whare wānanga, kātahi mātou ka hoki mai hei pouako.
E mōhio ana rātou, ka tiaki, ka poipoi tēnei wāhi i a rātou – ka tiakina rātou e ngā pouako, e ngā kaiāwhina, e ētahi atu hoki i a rātou e noho ana ki konei. Ko te tino hua, te tino taonga o tēnei kura, ko te whānau. I tupu ake mātou hei whānau.
Kāore ahau i te mataku, nā te mea i tupu ake ahau i roto i te ao Māori, i roto i te whānau. I rongo mātou i te aroha. I pā mai, i rongo, i kite hoki mātou i te manaaki. I kite, i pā, i rongo hoki i te whanaungatanga. He tūturu mārika. He tino taonga aua tūāhuatanga katoa hei kawe atu i a koe e para ana i tō ake huarahi.
| Te Tauāki | I tāutuhia e Te Tari Arotake Mātauranga ngā wāhanga arotahinga me ngā whai pānga matua. |
|
Ngā Wāhanga Arotahinga |
Ngā Whai Pānga |
|
Mana Whenua |
|
|
Mana Tangata |
|
|
Mana Reo |
|
|
Ngā whakawhitinga |
|
|
Te Whānau |
|
|
Te Ārahitanga |
|
I kitea e Te Tari Arotake Mātauranga:
Tērā ka whakatōpūngia e Te Tari Arotake Mātauranga te arotake whai muri o Te Kōhanga Reo o Te Whaanui, ki te arotake i Te Wharekura o Rākaumangamanga, ā, koia rā te aromātai e kīia nei ko Te Wai-pūau nui.
|
Wai-hōpua |
Wai-kāuru |
Wai-kōmiro |
Wai-pūau nui |
I te wā o te aromātai, i whakamātauhia e te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Gloria Takuira
Toka ā-nuku Whakakapi
Te Uepū ā-Motu
30 Kohitātea, 2020
|
Te Kōhanga Reo |
Te Kōhanga Reo o Te Whaanui |
|
Ministry of Education Profile Number |
35047 |
|
Location |
Kei Rāhui Pōkeka |
The Education Review Office (ERO) and Ngā Kura ā-Iwi are working together to capture the journey of learners beginning with kōhanga reo, who have experienced Ngā Kura ā-Iwi education, Whaia ngā ara painga kia angitu ai.
Te Kōhanga Reo o Te Whaanui is in Huntly. It is in the network of Te Waahi Whaanui. An executive committee (Takitini) has been established to oversee the purapura that consists of Te Kōhanga Reo within the area. Many of the children are descendants of the Kīngitanga. The kōhanga participates in events related to poukai, koroneihana, regatta and other significant events.
Taane i ahua i te poo uriuri, i te poo tangotango, i te poo kerekere, i te poo i oti atu.
Teenei te toki a Rata ka uu, ka mau, ka ranga ki te puutahitanga, te taahuuhuunui o Rehua
Kia ara ake ana ia ko ngaa koohanga reo e tuu nei
Ko te Kiingitanga te koruuruu o te whare.
Ko ngaa maihi ko te Reo me ngaa tikanga.
Ko ngaa pou he mahoe, he patete, he hinau
Ko te tuuaapapa ko te whaanau.
Katoa enei ka whakatuu i te ahurutanga maa te tamaiti.
e ko koia e ara e.
I think I am fortunate to have grown up here. If I went to another kura, I would have strayed from the correct path. There are about seven of us ex-students who are now pouako. We went to kura together, then university then came back as teachers.
This is a place that they know will look after and nurture them – pouako, kaiāwhina and more who will care for them while they are here. The biggest benefit and attribute of this kura was the whānau. We grew up as a whānau.
I wasn’t scared because I grew up in te ao Māori, in a whānau environment. We felt aroha. We felt, heard and saw manaaki. We saw, felt and heard whanaungatanga. We could touch it. Those are valuable treasures as you make your way in the world.
| Statement | The Education Review Office identified areas of focus and key elements of influence. |
|
Areas of Focus |
Elements of Influence These core components were identified during the review. |
| Mana Whenua Sense of belonging, environmental awareness and care |
|
|
Mana Tangata Value and respect for and of oneself, whānau, hapū, iwi and others |
|
| Mana Reo Immersed in te reo Māori me ngā tikanga |
|
| Transition Progress naturally |
|
| Whānau Committed to te reo Māori education. |
|
| Leadership Effective |
|
The Education Review Office found that:
The next ERO review of Te Kōhanga Reo o Te Whaanui will be as part of Te Wharekura o Rakaumangamanga and their Wai-pūaunui - Enrichment Evaluation.
|
Wai-hōpua |
Wai-kāuru |
Wai-kōmiro |
Wai-pūaunui |
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
emotional safety (including positive guidance and child protection)
physical safety (including supervision; sleep procedures; accidents; medication; hygiene; excursion policies and procedures)
suitable staffing (including qualification levels; police vetting; teacher registration; ratios)
evacuation procedures and practices for fire and earthquake.
Gloria Takuira
Acting Toka ā Nuku
Te Uepū-ā-Motu – Māori Review Services
30 January 2020
E tū ana Te Kōhanga Reo o Te Whaanui ki Rāhui Pōkeka. Kei roto Te Kōhanga Reo o Te Whaanui i te kāhui o Te Waahi Whaanui. Whai muri i te pūrongo o mua a Te Tari Arotake Mātauranga, kua piki ake te tatauranga tamariki ki te kōhanga reo. Nō nā tata tonu nei te whānau i tūhono atu ai ki Takitini, he kāhui tēnei o ētahi kōhanga reo e mahi ngātahi ana ki te whakahiato i ā rātou rauemi, hei āta whakatau i ngā painga mō ngā tamariki. E ākina ana te whakawhiti atu a ngā tamariki ki Te Wharekura o Rākaumangamanga.
Ka kitea ki ngā tamariki ō rātou ngākau titikaha ki ō rātou whakapapa.
E rumakina ana ngā tamariki ki te reo Māori e tautuhi ana i te whakapapa. He whai wāhitanga mō rātou ki te whakapuaki i ō rātou pepeha i ia rā. Ka whāngai kupu ngā kaimahi, ka mahi ā-ringa hoki rātou hei hāpai i te ako a ngā tamariki i ō rātou ake whakapapa, me te whakapapa anō hoki o te Kāhui Ariki. Kei ngā pakitara anō hoki ngā tohu e hāpai ana i te ako a ngā tamariki i ō rātou whakapapa. E tīmata ana ngā tamariki ki te kōrero i te reo Māori.
E ako ana ngā tamariki i ō rātou hononga ā-iwi ki ētahi atu. E whakarato ana ngā kaimahi i te hōhonutanga o ngā wheako akoranga e whai pānga ana ki ngā hītori o Waikato. Ka whakamahi rātou i ngā aronga e āta ārahi ana i ngā tamariki hei rōpū kotahi, ā, i ia tamaiti hoki. Ka whakamahi ngā tamariki tuākana i ngā pao, ā, ka ārahi hoki rātou i ngā karakia o te Pai Mārire. E tupu ana te mōhiotanga o ngā tamariki ki ō rātou hononga ki a Waikato. E ako ana ngā tamariki ki te whakamahi i ngā tikanga o Waikato, puta noa i ā rātou mahinga o ia rā.
Kua whakahonohono ngā tamariki ki ētahi atu mā te whakaute me te tauutuutu. Ka whakamahi ngā kaimahi i ō rātou mōhiotanga ki ia tamaiti, ki ō rātou whānau hoki, ki te āta tūhonohono whakawhirinaki atu ki ngā tamariki. E whakanuia ngā tamariki tuākana mō ā rātou taonga pūmanawa, ā, he kaiārahi rātou i ngā wā ōkawa o te hōtaka akoranga. Ka whakamihia hoki te whanonga pai. Ka awhitia, ka arohaina hoki ngā pēpi. He mauritau te āhua o ngā tamariki ki tō rātou kōhanga reo.
E uru atu ana ngā tamariki ki ngā tūmomo kaupapa e whakatairanga ana i tā rātou whai wāhi atu ki Waikato whānui. Ka āta whakarite ngā kaimahi, kia tae atu ngā tamariki ki ngā tino kaupapa whakahirahira o Waikato, pērā i ngā poukai, te Koroneihana, me ētahi atu tūmomo huihuinga. Ka tae atu hoki ngā tamariki ki ngā marae me ngā kōhanga reo o te takiwā, hei āhuatanga tonu o te whakawhanaungatanga. E ākina ana te tuku mihi a ngā tamariki ki ō rātou whanaunga i a rātou e whakawhiti atu ana i te taha o te urupā. E tupu ana te mōhiotanga o ngā tamariki ki ō rātou hononga ki a Waikato.
Ka tūhura ngā tamariki i ngā taiao o roto, o waho hoki. Ka whakarato ngā kaimahi i ngā whai wāhitanga mō ngā tamariki ki te mahi takitahi, takirōpū hoki. He maha ngā tūmomo taumahi e hāpai ana i ngā pūkenga kōiri whāiti me ngā pūkenga kōiri whānui o ngā tamariki. He whai wāhitanga mō ngā tamariki ki te whiriwhiri i ā rātou ake taumahi me te whai i ō rātou ake ngākau nuitanga. Ka whakamahi rātou i ngā rauemi i whakaritea ai e ngā kaimahi hei whakatairanga ake i tā rātou ako. Ka whai whakaaro ngā tamariki ki a rātou anō, ki ētahi atu hoki i tō rātou taiao.
E whai hua ana ngā tamariki nā ngā hōtaka akoranga i āta whakamaheretia ai. Ka whakamahere ngātahi ngā kaiako mō te pae tawhiti me ngā wāhanga, ki te taha o ngā kōhanga reo o Takitini. Ka waihanga rātou i ngā mahere e hāngai pū ana ki ngā tamariki tonu o tō rātou kōhanga reo. Ka tāutuhia ngā putanga ako ake i runga anō i te āhua o ngā tūmomo rōpū tamariki. Ka tāutu ngā kaimahi i ngā tamariki e mau ana i ngā matea ake, ā, ka whakarato i ngā wheako akoranga e tika ana mō rātou.
E whakahaere ana te whānau i te kōhanga reo hei painga mō ngā tamariki. E whakatakoto ana te tūtohinga i te aronga o ngā akoranga a ngā tamariki. Ko te nuinga o ngā tukanga mō te waiora o ngā tamariki me tō rātou atawhai, e hāngai pū ana ki ngā herenga ā-ture. Kei roto i ngā tuhinga e pā ana ki ngā kaimahi, ko ngā kirimana, ngā tuhinga tūranga mahi, ngā mahi arowhai a ngā pirihimana, me ngā mahi ki te arohaehae i ngā kaimahi. E whakaaro nuitia ana te waiora o ngā tamariki.
Kua whakatakotohia e te whānau ngā whāinga me ngā kaupapa matua o meāke nei, ki te taha o tō rātou kāhui kōhanga reo. Kua oti ngā tuhinga e pā ana ki Te Ara Tūāpae me te mahere rautaki. Pūrongotia ai i ia te wā ki ngā hui ā-whānau, kō ngā āhuatanga katoa e whai pānga ana ki ngā mahi whakahaere a te whānau. E mōhio ana te whānau, e tika ana kia āta whakatau rātou i te rōnaki o ngā mahi whakahaere ki te kōhanga reo, ā, ko te hono atu ki te kāhui o Takitini tētahi āhuatanga e hāpai ake ana i taua tūāhuatanga. Ka taea e ngā tamariki me ō rātou whānau te whakatūturu te whakaaro mō te rōnakitanga o tō rātou kōhanga reo i roto i te wā kei te heke tonu mai.
E whanake ana ngā whakaritenga e pā ana ki te aromatawai me te aromātai. Kāhore te aromatawai me ngā pūkete a ngā tamariki e arotahi ana ki ngā tamariki me tā rātou ahu whakamua. He iti noa te ārahi i ngā kaimahi mō te pūtake o te aromatawai me ngā pūkete a ia tamaiti. Ahakoa ka whakawhiti kōrero ngā kaimahi mō te hōtaka akoranga, ā, ka tuhi hoki i aua whakaaturanga, kāhore rātou e āta arotahi pū ana ki te arotake i te kounga o ngā taumahi ako me ngā wheako ako a ngā tamariki.
Tērā ētahi take whakahaere a te whānau hei whakawhanake ake. Me arotake, me whakahou ake te whānau i ngā kaupapa here, hei āta whakarite i te hāngaitanga o te katoa ki ngā herenga ā-ture o tēnei wā. Ko te whakatutuki haere i aua herenga ka whakapakari ake anō hoki i ngā tukanga whakahaere i te kōhanga reo.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Te Whaanui i roto i te toru o ngā tau.
Lynda Pura-Watson
Kaiurungi Whakaturuki Arotake Māori
28 Pipiri, 2018
|
Te tūwāhi |
Kei Rāhui Pōkeka |
|
|
Te tau a te Tāhuhu o te Mātauranga |
25321 |
|
|
Te tau tohu o Te Kōhanga Reo |
04A041 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
17, kia tokowhā ki raro i te rua o ngā tau |
|
|
Te tokomaha kei te rārangi ingoa |
16, tokotoru kei raro i te rua o ngā tau |
|
|
Te ira tangata |
Kōtiro 9 Tama 7 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Haratua 2018 |
|
|
Te wā o tēnei pūrongo |
28 Pipiri, 2018 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Mātauranga |
Hui-tanguru 2012 Paenga-whāwhā 2009 Pipiri 2014 |
Te Kōhanga Reo o Te Whaanui is in Huntly. Te Kōhanga Reo o Te Whaanui is in the network of Te Waahi Whaanui. Since the previous ERO report, the kōhanga reo roll has increased. The whānau has recently joined with Takitini, a group of kōhanga reo working together to pool resources and ensure outcomes for children. Children are encouraged to attend Te Wharekura o Rākaumangamanga.
Children show confidence in their whakapapa.
Children are immersed in te reo Māori that defines whakapapa. They are given opportunities to share their pepeha every day. Kaimahi use word and hand prompts to support children’s learning about their own whakapapa and that of the Kāhui Ariki. The walls provide visual cues to support children’s learning about their whakapapa. Children are beginning speakers of te reo Māori.
Children learn about their iwi connections to others. Kaimahi provide rich learning experiences based on knowledge of Waikato history. They use approaches that positively guide children as a group and as individuals. Older children use pao and lead Pai Mārire karakia. Children are growing an awareness of their connections to Waikato. Children are learning to use tikanga specific to Waikato throughout their daily routines.
Children have established respectful and reciprocal relationships with others. Kaimahi use their knowledge of the child and their whānau to build trusting connections with children. Older children are acknowledged for the taonga they bring, and are leaders during the formal times of the learning programme. Positive behaviour is recognised. Babies are cuddled and loved. Children appear settled in their kōhanga reo.
Children experience opportunities that enhance their their contribution to Waikato whānui. Kaimahi ensure children attend important kaupapa in Waikato such as poukai, koroneihana and other celebrations. Children visit local marae and other kōhanga reo as part of whakawhanaungatanga. Children are encouraged to mihi to their whanaunga as they walk past their urupā. Children are growing an awareness of their connections to Waikato.
Children explore the indoor and outdoor environments. Kaimahi provide opportunities for children to work independently and in groups. There is a range of activities that support children with their fine motor and large motor skills. Children have opportunities to choose their own activities and follow their interests. They use resources prepared by kaimahi to enhance their learning. Children are aware of themselves and others in their environment.
Children benefit from well-planned learning programmes. Kaiako collectively plan long term and termly plans with the other kōhanga reo in Takitini. They craft planning to suit the children in their individual kōhanga reo. Specific learning outcomes are determined according to the different groups of children. Kaimahi identify children with additional needs and provide appropriate learning experiences for them.
The whānau manage the kōhanga reo in the best interests of the children. The charter sets the direction for children’s learning. Most procedures for the wellbeing and care of children are aligned with regulations. Kaimahi employment documentation includes employment contracts, job descriptions, police vetting and staff appraisal. Children’s wellbeing is well considered.
The whānau has set goals and future priorities with their collective of kōhanga reo. Te Ara Tūāpae and the strategic plan are complete. There is regular reporting to whānau hui on all aspects of whānau operations. The whānau is aware of the need to ensure the management of the kōhanga reo is sustainable, and joining with the Takitini collective is a step to support this. Children and their whānau can be assured that the future of their kōhanga reo is secure.
Assessment and evaluation practices are developing. Assessment and children’s profile books do not focus on children and their progress. There is little guidance for kaimahi about the purpose of assessment and individual profiles. While kaimahi discuss the learning programme and record these findings, they do not adequately focus on reviewing the quality of children’s learning activities and experiences.
There are whānau management matters that need further development. The whānau must review and update policies to ensure these are all aligned to current legislative requirements. Addressing these requirements will strengthen the kōhanga reo management processes.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendations:
The next ERO evaluation of Te Kōhanga Reo o Te Whaanui will be in three years.
Lynda Pura-Watson
Deputy Chief Review Officer Māori
28 June 2018
|
Location |
Huntly |
||
|
Ministry of Education profile number |
25321 |
||
|
Kōhanga Reo Identification Number |
04A041 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
17 children, including up to 4 aged under 2 |
||
|
Kōhanga Reo roll |
16 children, including up to 3 aged under 2 |
||
|
Gender composition |
Girls 9 Boys 7 |
||
|
Ethnic composition |
Māori |
100% |
|
|
Review team on site |
May 2018 |
||
|
Date of this report |
28 June 2018 |
||
|
Most recent ERO report(s) |
Education Review Education Review Education Review |
May 2015 February 2012 April 2009 |
|