Victoria Street, Waihi
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka hāngai tēnei pūrongo ki ā rātou pūnaha, ā rātou whakaritenga, me ā rātou whakahaeretanga. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Pukewa ki Waihī, ki te rohe o Hauraki. Kua ahu mai tōna ingoa i te maunga o te iwi, i a Pukewa. Kua tīmata ngā mema o te whānau ki te whai māramatanga ki ō rātou tūranga me ā rātou kawenga mahi. Ko tō rātou wawata, kia rumakina katoatia ngā mokopuna ki te reo Māori, ki ngā tikanga Māori, me te ao Māori.
I kitea ki te aromātai Mana Whakahaere a Te Tari Arotake Mātauranga i te Whiringa-ā-nuku o te tau 2023, ko ngā tukanga me ngā pūnaha a te whānau ētahi tūāhuatanga kia āta tirohia, hei āta whakatau i ngā putanga papai ki ngā mokopuna. Ko te whānuitanga tonu o te whakawhanaketanga o ngā mokopuna, ko te atawhai hoki i a rātou, e ārahi ana i ngā whakataunga a te whānau.
Ka whakapuakihia e ngā mokopuna tō rātou māramatanga ki tō rātou tuakiri ā-ahurea mā roto mai i te tangongitanga o ngā wheako ako.
E whanake ana te mōhiotanga o ngā mokopuna ki ngā taonga tuku iho ā-ahurea. Ka whakarato ngā kaimahi i ngā whai wāhitanga mō ngā mokopuna ki te tū hei tangata whenua i ngā pōwhiri. Mā roto mai i taua kaupapa, ka ako ngā mokopuna i ngā tikanga me ngā kawa o te marae. Ka arahina aua wā e ngā kaumātua, e ngā kuia, e ngā ākonga hoki o te wharekura. Ka rongo ngā mokopuna i ngā tauira reo tūturu, i a rātou e mātakitaki ana, e rongo ana hoki ngā karanga, ngā pao, ngā tauparapara, me ngā whaikōrero. Kei te tākare te whai wāhi atu a ngā mokopuna ki ngā tikanga pērā i te harirū, i ngā mōteatea, me ngā waiata. Ka toro atu ngā kaimahi ki te tangongitanga o ngā rautaki hei hāpai i te whakawhanaketanga reo o ngā mokopuna, pērā i te whāngai kupu, te tāruarua, me te āta ārahi, heoi, ka kitea ki ngā mokopuna tō rātou aronga ake ki te whakawhitiwhiti kōrero mā te reo Pākehā. Ka aro matua te hōtaka akoranga ki te ako mā te tākaro, ā, he maha ngā wā ka tahuri nui ngā mokopuna ki ngā taumahi e whai pānga ana ki ō rātou ngākau nuitanga. Tāpiri atu ki tēnā, ka hāpai ngā kaimahi i ngā mokopuna ki te tūhura haere i te taiao o te marae, me te whakakoia i ō rātou hononga ki te whenua, ki te taiao, ā, ki tō rātou tūrangawaewae hoki. E tupu ana te māramatanga o ngā mokopuna ki a rātou anō, ki ō rātou hononga anō hoki.
Kua whakaritea e ngā kaimahi ngā tukanga whai hua e pā ana ki te aromatawai. Ko ētahi o aua huarahi, ko te Mātai i te katoa o te Mokopuna, ko te Mātai Tamaiti, me ngā kōnae mokopuna. Ka arotahi ngā mōhiohio aromatawai ki te whakawhanaketanga o ia mokopuna, ki tāna ahu whakamua anō hoki, ā, ka kitea ngā hononga pū ki te mahere ako. Ka whai hua ngā mokopuna nā ngā whakaritenga aromatawai e whakatutuki ngātahitia ana e ngā kaimahi.
Ahakoa ka kitea ngā kaupapa here me ngā tukanga, me arotake i ētahi hei āta whakatau i te hāngaitanga o ērā ki ngā herenga ā-ture o tēnei wā. Ko te huringa arotake i whakaritea ai tētahi tukanga ka whāia tonuhia, hei āta whakatau i te aroturukitanga i ia te wā, i te katoa o ngā kaupapa here me ngā tukanga. Ka whai hua ngā mokopuna nā te hāngaitanga o ngā aronga ngātahi.
Me titiro ki ngā take kaimahi. Ahakoa kua whakatakotohia te nuinga o ngā tuhinga, me arotake, me whakahou ake tonu i ngā kirimana a ngā kaimahi, kia hāngai ai ērā ki ngā herenga ā-ture o tēnei wā, ā, me whakatinana hoki i ngā whakaritenga e arohaehae ana i te āhua mahi. Hei whakatutuki i te Employment Relations Act 2000, me whakawhanake, me whakahaere hoki te whānau i ngā take kaimahi mā ngā huarahi e tika ana. Ka whai hua ngā mokopuna i te wā e whakaaro nuitia ana tō rātou waiora me tō rātou whakawhanaketanga.
Me titiro wawe ki te āhua o te mātakitaki i ngā mokopuna, kia rawaka. He maha ngā tāuru kōrero ki te rēhita aituā o tēnei wā e tohu ana i te ngoikore o te mataara me te mātakitaki mokopuna, hei āta whakatau i te noho haumaru o ngā mokopuna i roto i ngā akoranga. He tūāhuatanga e whakamōrearea ana pea i te haumaru o ngā mokopuna.
Ko te aromātai hōtaka tētahi tūāhuatanga hei whakapakari tonu. He mea nui kia whakaritea e ngā kaimahi tētahi tukanga mō te aroturukitanga o te kounga o te hōtaka akoranga. Ka whai hua ngā mokopuna mā te whakapiki ake i te mōhiotanga o ngā kaimahi ki te aromātai hōtaka mō te whakapai tonutanga.
Me whakapakari i te reo Māori. Ahakoa ka whakamahi ngā kaimahi i te reo Māori i te nuinga o te wā, he kaha kē atu te hiahia o ngā mokopuna ki te kōrero i te reo Pākehā. He mea nui te poipoi i ngā pūkenga reo Māori, puta noa i ngā āhuatanga katoa. Ka ako ngā mokopuna i te reo Māori i te wā e rumakina ana tō rātou taiao ki te reo Māori.
Ahakoa he kaupapa here tā te whānau mō te ārai tamariki, e mōhio ana rātou e tika ana kia hakune ā rātou mahi ki te whakatairanga ake i tō rātou mōhiotanga me tō rātou māramatanga ki te Children's Act 2014. E takune ana te whānau me ngā kaimahi ki te whai wāhi atu ki ētahi atu wānanga me ētahi atu whakangungu, kia mārama ake ai rātou ki ā rātou kawenga e whakatutuki ai i ngā takohanga o te ture. E whakatau ana hoki Te Tari Arotake Mātauranga i taua aronga, ā, e tautoko ana i te aronga pū ki te haumaru me te waiora o ngā mokopuna.
E kapo katoa ana te mahere rautaki i te tirohanga me ngā wawata o te whānau mō ngā mokopuna. Kua tae ki te wā kia whakawhanakehia e te whānau tētahi mahere mahi e aroturuki ai i te ahu whakamua o ngā whāinga rautaki. Ka whai hua ngā mokopuna nā te aronga nahanaha ki te toitūtanga mō meāke nei.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
Hei whakatutuki i ngā herenga ā-ture, me tahuri te whānau ki te:
E taunaki ana Te Tari Arotake Mātauranga kia mahi te whānau ki te taha o te tari ā-rohe o Te Poari Matua o Ngā Kōhanga Reo ki te whakawhanake i tētahi mahere mahi ka whakatutuki wawe i ngā take i tautuhia ai ki tēnei pūrongo.
Darcy Te Hau
Toka ā Nuku
Te Uepū-a-Motu – Māori Services
10 Pipiri 2024
| Te tūwāhi | Kei Waihī, ki Hauraki |
| Te tau a te Tāhuhu o te Mātauranga | 35021 |
| Te tau tohu o Te Kōhanga Reo | 04B027 |
| Te tūmomo whare | He kōhanga reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 24 ngā tamariki, kia 12 ki raro i te rua o ngā tau |
| Te tokomaha kei runga i te rārangi ingoa | 24 ngā tamariki, 12 kei raro i te rua o ngā tau |
| Ngā hononga ā-iwi | Māori 24 |
| Te wā i te kōhanga reo te rōpū arotake | Haratua 2024 |
| Te wā o tēnei pūrongo | 10 Pipiri 2024 |
| Ngā pūrongo o mua a Te Tari Arotake Mātauranga | Arotake Mātauranga – Mana Whakahaere, Poutū-te-rangi 2024; Arotake Mātauranga, Pipiri 2018; Arotake Mātauranga, Paenga-whāwhā 2015 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.
Te Kōhanga Reo o Pukewa is situated in Waihi, within the Hauraki District. The name is derived from the tribal mountain Pukewa. Whānau members are in the early stages of understanding their roles and responsibilities. They aspire for mokopuna to be fully immersed in te reo Māori, tikanga Māori and te ao Māori.
The ERO Mana Whakahaere review in October 2023 found that whānau processes and systems needed attention to ensure positive outcomes for mokopuna. Mokopuna overall development and care guided whānau decision making.
Mokopuna express understanding of their cultural identity through a variety of learning experiences.
Mokopuna are developing an awareness of their cultural heritage. Kaimahi offer opportunities for mokopuna to engage as tangata whenua during pōwhiri. Through this, mokopuna learn ngā tikanga and kawa of the marae. Kaumātua, kūia and wharekura students provide leadership during these times. Mokopuna are exposed to authentic language models as they observe and hear karanga, pao, tauparapara and whaikōrero. Mokopuna eagerly participate in the formalities of harirū, mōteatea and waiata. Kaimahi use various strategies such as prompts, repetition and gentle guidance to support mokopuna language development, however, mokopuna exhibit a preference for communicating in English. The learning programme primarily focuses on play-based learning, with many instances of mokopuna willingly engaging in activities that supports their interests. Additionally, kaimahi assist mokopuna as they explore the marae environment affirming their connections with the whenua, te taiao and their tūrangawaewae. Mokopuna are growing their understanding of who they are and how they belong.
Kaimahi have established efficient processes for assessment. This includes mātai i te katoa o te mokopuna, mātai tamaiti and kōnae mokopuna. Assessment information is focused on the development and progress of individual mokopuna and displays clear links to the mahere ako. Mokopuna benefit from collaborative kaimahi assessment practices.
While policies and procedures are evident, some require reviewing to ensure alignment with current legislation. A planned review cycle remains a next step to ensure that all policies and procedures are regularly monitored. Mokopuna would benefit from collective focussed approaches.
Personnel matters require attention. Although most documentation is in place, kaimahi contracts require reviewing and updating to align to current legislation, and performance appraisals require implementation. In order to observe the Employment Relations Act 2000, whānau must develop and manage personnel matters in an appropriate manner. Mokopuna benefit when their overall wellbeing and development is prioritised.
Adequate supervision of mokopuna demands attention. There are many entries in the current accident register indicating insufficient vigilance and supervision to ensure mokopuna are kept safe during learning. Mokopuna safety is potentially compromised.
Programme evaluation continues to be an area requiring strengthening. It is important that kaimahi establish a process for monitoring the quality of the learning programme. Mokopuna would benefit from increasing kaimahi knowledge of programme evaluation for ongoing improvement.
Te reo Māori needs strengthening. Although kaimahi use te reo Māori most of the time, mokopuna often tend to prefer speaking in English. Fostering te reo Māori capability across all aspects is imperative. Mokopuna learn te reo Māori when their environment is totally immersed in the Māori language.
While whānau have a Child Protection Policy in place, they acknowledge the need to be intentional in their ongoing efforts to enhance awareness and understanding of the Children’s Act 2014. The whānau and kaimahi intend to engage in further wananga and training to better understand their commitment in fulfilling the obligations of the Act. ERO agrees with this and acknowledges the emphasis on prioritising mokopuna safety and wellbeing.
The strategic plan encapsulates the vision and aspirations whānau hold for mokopuna. It is time for whānau to develop an action plan to monitor the progress of the strategic objectives. Mokopuna benefit from a planned approach to future sustainability.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
To meet compliance requirements, they must:
ERO recommends whānau work alongside the Tari-a-Rohe to develop an action plan to address the concerns identified in this report with urgency.
Darcy Te Hau
Toka-ā-Nuku – Director
Te Uepū ā-Motu – Māori Review Services
10 June 2024
| Location | Waihi, Hauraki |
| Ministry of Education profile number | 35021 |
| Kōhanga Reo Identification Number | 04B027 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 24 children, including up to 12 aged under 2 |
| Kōhanga Reo roll | 24 children, including up to 12 aged under 2 |
| Ethnic composition | Māori 24 |
| Review team on site | May 2024 |
| Date of this report | 10 June 2024 |
| Most recent ERO report(s) | Education Review – Mana Whakahaere, March 2024; Education Review, June 2018; Education Review, April 2015 |
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Pukewa ki te taha o te marae ā-hapori o Waihī, ki Hauraki. Kua ahu mai te ingoa o te kōhanga reo i te maunga o Pukewa. He tokomaha ngā mema o te whānau kua tīmata ki te whai māramatanga ki ō rātou tūranga me ā rātou kawenga mahi. E wawata ana rātou kia rumakina ngā mokopuna ki te reo Māori, ki ngā tikanga Māori, ki te ao Māori, me te mātauranga Māori.
Me titiro ki ngā pūnaha me ngā tukanga a te whānau, kia whai wāhi mātātoa atu ai ērā ki ngā putanga papai mō ngā mokopuna.
Kei te whānau ētahi o ngā tukanga me ngā pūnaha ki te whakahaere i ngā ētahi tūāhuatanga o ngā whakahaeretanga ki te kōhanga reo. Tū ai ngā hui i ia marama, ā, he pai te taetae atu. Ka kitea te pūrongo atu i te nuinga o ngā take whakahaere. Ka whakahou ake ngā pūrongo pūtea i ia te wā, ā, he mārama hoki. Whakapuaki ai ngā kaimahi ki ngā whānau i ia te wā, i ngā taumahi me ngā akoranga a ngā mokopuna, tae atu hoki ki ō rātou wheako. Whakamātauhia ai, tuhia ai hoki ngā akoako ohotata ahi i ia te wā. Ko ngā mokopuna kei te pūtake o ngā mahi whakahaere a te whānau.
He tukanga ā ngā kaimahi mō te whakamahere hōtaka. Ka mahi ngātahi rātou ki te whakawhanake me te whakatinana i ngā kaupapa mahi. Ka whakamahere ngā kaimahi i ngā taumahi pāhekoheko e hāpai ana i te ako a ngā mokopuna ki tō rātou taiao. Ka whai wāhi ngā wāhanga o te tau, ā, kua pou herea ki Te Whāriki a Te Kōhanga Reo. E whai hua ana ngā mokopuna nā ngā mahi a ngā kaimahi ki te whakamahere ngātahi.
Kua tae ki te wā kia arotakengia e te whānau tā rātou tukanga aromātai o roto e aroturuki ai i te kounga o ngā whakahaeretanga me ngā whakaritenga.
E whakahoungia ana ngā kaupapa here i tēnei wā, heoi, ka āta whakatau tētahi huringa arotake i te aroturukitanga o ngā kaupapa here katoa me ngā tukanga katoa, kia hāngai ai ērā ki ngā herenga ā-ture hou. Kāhore anō ngā akoako ohotata rū whenua kia whakatutukihia. Me āta whakatau te whānau i te whakatutukitanga o ngā akoako rū whenua, i runga anō i ngā whakaritenga o ngā herenga o tēnei wā. He tūāhuatanga e whakamōrea ana pea i te noho haumaru o ngā mokopuna.
E mōhio ana te whānau me ngā kaimahi, e tika ana kia hakune ā rātou mahi ki te whakatairanga ake i tō rātou mōhiotanga me tō rātou māramatanga ki te Children's Act 2014. E whakatau ana hoki Te Tari Arotake Mātauranga, e tika ana kia whai wāhi atu te whānau ki ētahi atu wānanga me ētahi atu whakangungu, kia mōhio ai, kia mārama ai rātou ki ā rātou kawenga e whakatutuki ai i ngā takohanga o te ture, i te aronga pū hoki ki te haumaru me te waiora o ngā mokopuna.
Me whai tautoko ngā kaimahi kia mārama ai rātou ki te pūtake me ngā tukanga e pā ana ki te aromātai hōtaka me ngā mahi aromatawai. Kei te ōpaki kē ngā tukanga o tēnei wā. He uaua ki te aroturuki i ngā whakapaitanga ki te hōtaka. Kāhore ngā mahi aromatawai e āta whai pānga ana ki ngā akoranga me te ahu whakamua i roto i te roanga o te wā. Kua tae ki te wā kia rapu tautoko te whānau mō ngā kaimahi, kia āhei ai rātou ki te whakapakari ake i ō rātou pūkenga e pā ana ki te aromātai me te aromatawai. Ka whai hua ngā mokopuna nā tētahi hōtaka e aro nui ana ki ō rātou matea.
Ahakoa he whāinga ō te whānau mō te kōhanga reo mō meāke nei, kāhore anō rātou kia whakaōkawa i tētahi mahere rautaki ka ārahi i tā rātou ahu whakamua me tā rātou whakatutuki haere i ā rātou kaupapa matua o te pae tawhiti. Tē taea te whakatūturu te whakawhanaketanga o kōhanga reo ki anamata.
Kāhore anō kia kitea ētahi o ngā kaupapa e pā ana ki ngā tuhinga kaimahi me te mahere ā-tau. Kua whakatau te whānau me Te Tari Arotake Mātauranga, ka whakawāteahia aua tuhinga hei tirohanga i te taenga atu a Te Tari Arotake Mātauranga ki te kōhanga reo.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
Hei whakatutuki i ngā herenga ā-ture, me tahuri te whānau ki te:
E taunaki ana Te Tari Arotake Mātauranga kia mahi te whānau ki te taha o te tari ā-rohe o Te Poari Matua o Ngā Kōhanga Reo kia whai tautoko mō te whakatutuki haere i ngā take i tautuhia ai ki tēnei pūrongo.
Darcy Te Hau
Toka ā Nuku
Te Uepū-a-Motu – Māori Services
04 Poutūterangi, 2024
| Te tūwāhi | Kei Waihī, ki Waikato |
| Te tau a te Tāhuhu o te Mātauranga | 35021 |
| Te tau tohu o Te Kōhanga Reo | 04B027 |
| Te tūmomo whare | He kōhanga reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 24, kia 12 ki raro i te rua o ngā tau |
| Te tokomaha kei runga i te rārangi ingoa | 14, tokowhā kei raro i te rua o ngā tau |
| Ngā hononga ā-iwi | Māori 14 |
| Te wā arotake i mua i te taenga atu ki te kōhanga reo | Whiringa-ā-rangi 2023 |
| Te wā o tēnei pūrongo | 4 Poutūterangi 2024 |
| Ngā pūrongo o mua a Te Tari Arotake Mātauranga | Arotake Mātauranga, Pipiri 2018; Arotake Mātauranga, Paenga-whāwhā 2015; Arotake Mātauranga, Pipiri 2012 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO’s reports provides important information for hapū and iwi.
Te Kōhanga Reo o Pukewa is situated beside the community marae in Waihi, the Coromandel District. The kōhanga reo takes its name from the tribal mountain of Pukewa. Several whānau members are in the early stages of understanding their roles and responsibilities. They aspire for mokopuna to be fully immersed in te reo Māori, tikanga Māori, te ao Māori and mātauranga Māori.
Whānau systems and processes require attention to actively contribute to positive outcomes for mokopuna.
Whānau have some processes and systems in place to manage aspects of the kōhanga reo operations. Monthly hui are regularly held and attended. Reporting is evident across most operational matters. Financial reports are updated with regularity and transparency. Kaimahi frequently share mokopuna activities, learning and experiences with whānau. Emergency fire drills are regularly conducted and recorded. Mokopuna are the focus of whānau management.
Kaimahi have processes in place for programme planning. They work together to contribute to the development and implementation of kaupapa mahi. Kaimahi plan engaging activities to support mokopuna learning in their environment. This includes ngā wahanga o te tau and is underpinned by Te Whāriki ā Te Kōhanga Reo. Mokopuna benefit from collaborative kaimahi planning practices.
It is time for the whānau to review their internal evaluation process to monitor the quality of operations and practices.
While policies are currently being updated, a planned review cycle would ensure that all policies and procedures are regularly monitored to align with new legislation. Earthquake emergency drills have not been carried out. Whānau must ensure to conduct earthquake drills in accordance with the current legislation. Mokopuna safety is potentially compromised.
Whānau and kaimahi acknowledge the need to be intentional in their ongoing efforts to enhance awareness and understanding of the Children’s Act 2014. ERO agree that it is essential the whānau engage in further wananga and training to recognise and understand their commitment in fulfilling the obligations of the Act and prioritise mokopuna safety and wellbeing.
Kaimahi require support to understand the purpose and processes for programme evaluation and assessment practices. Currently processes are informal. It is difficult to monitor any improvements made to the programme. Assessment practices do not clearly reflect learning and progress over time. It is time for whānau to seek support for kaimahi to build their capability around evaluation and assessment. Mokopuna would benefit from a programme that responds to their needs.
While the whānau have goals for the future of the kōhanga reo, they are yet to formalise a strategic plan that will guide them in working towards and accomplishing their long-term priorities. The future development of the kōhanga reo cannot be guaranteed.
Other matters relating to personnel documentation and annual plan are yet to be sighted. Whānau and ERO agree the documentation will be available during the onsite visit.
During the evaluation, ERO looked at systems for managing the following areas:
To meet compliance requirements, they must:
ERO recommends that whānau work alongside the district office for support to address the areas of concern identified in this report.
Darcy Te Hau
Toka-ā-Nuku – Director
Te Uepū ā-Motu – Māori Review Services
4 March 2024
| Location | Waihi, Waikato |
| Ministry of Education profile number | 35021 |
| Kōhanga Reo Identification Number | 04B027 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 24 children, including up to 12 aged under 2 |
| Kōhanga Reo roll | 14 children, including up to 4 aged under 2 |
| Ethnic composition | Māori 14 |
| Review team on site | November 2023 |
| Date of this report | 4 March 2024 |
| Most recent ERO report(s) | Education Review, June 2018; Education Review, April 2015; Education Review, June 2012 |
E tū ana Te Kōhanga Reo o Pukewa ki te taha o te marae ā-hapori o Waihī. E ahu mai ana te ingoa o te kōhanga reo i te maunga o Pukewa, ā, kāhore te maunga e kitea ana hei pou whenua i te rohe i tēnei wā. He mātātoa te whai wāhi atu a te whānau ki ngā kaupapa a te purapura, hei hāpai i ngā tamariki me ā rātou akoranga.
Ka kitea ki ngā tamariki tō rātou aroha, tō rātou manaaki, me tō rātou pārekareka i roto i ngā akoranga.
E arohaina ana, e whakamanahia ana hoki ngā tamariki i tō rātou kōhanga reo. Ka tautāwhi, ka whakatau hoki ngā kaimahi me te whānau i ngā tamariki i ngā wā e tika ana. He mātātoa te whai wāhi atu a ngā tamariki ki te hōtaka ōkawa o ngā karakia, ngā hīmene, me ngā mōteatea. Kua whakaritea e ngā kaimahi ngā mahinga i ahu mai ai i ngā tikanga, hei hāpai i ngā tamariki ki te whakawhiti ki waenga i ngā mahinga o ia rā me ngā taumahi ako. Ka kitea te manaaki o ngā tamariki i ētahi atu, i te taiao hoki, nā tā rātou whakahoki atu i ngā rauemi, me tā rātou whakapaipai hoki i ia rā. He pai ngā hononga o ngā kaimahi ki ngā tamariki, ā, ki waenga hoki i a rātou anō. Ka kitea te wanea o ngā tamariki i roto i ā rātou tākaro me ā rātou akoranga.
E rumakina ana ngā tamariki ki ngā tikanga, ā, e poipoia ana hoki tō rātou tuakiri. Ka whakarato ngā kaimahi i ngā whai wāhitanga mō ngā tamariki ki te ako i ngā mōteatea o te takiwā, hei whakahōhonu ake i ō rātou māramatanga ki ō rātou pepeha me ngā hītori tuku iho o te hapū me te iwi. He ngākau titikaha tō ngā tamariki tuākana i a rātou e taki ana i ō rātou pepeha me ngā hononga ā-whānau. E hāpaitia ana te ako a ngā tamariki tēina me ngā pēpi i ō rātou pepeha me ō rātou tātai whakapapa mā te tāwhai, te whakaari, me te whakamahi anō hoki i ngā mahi ā-ringa. E akiaki ana ngā kaimahi i ngā tamariki ki te whakawhanake i ngā pūkenga ki te ārahi i ngā karakia me ngā waiata. Ka whakatauira te whānau me ngā kaimahi i ngā tūnga me ngā kawenga hei tangata whenua, mā te whai wāhi atu ki te whakatau i ngā manuhiri. He aronga toi whenuatanga tō ngā tamariki.
E rongo ana ngā tamariki i te pai o te whakawhanaungatanga. Ka whakatauira te whānau me ngā kaimahi i te whakaute, te manaaki, me te aroha i roto i te hōtaka o ia rā, hei poipoi i te taha whatumanawa o ia tamaiti. Ka whakapuakihia e ngā kaimahi te āhua o ngā matea ako o ngā tamariki, hei hāpai tonu i te hōtaka o ia rā. Ko ngā tamariki e mau nei i ngā matea ako ake, e hāpaitia ana e te whānau i te kōhanga reo, ki te nui o te atawhai me te poipoi e tika ana mō rātou. He whai wāhitanga mō ngā tamariki ki te taunekeneke hei tuakana, hei teina i roto i ngā kaupapa kori tinana. Ka hāpai ngā kaimahi i te whakawhanaketanga o ngā tamariki i ngā pūkenga ki te tiaki i a rātou anō, ā, ki te kōkiri anō hoki i tāna ake ako. E whanake ana te ngākau titikaha o ngā tamariki tuākana ki te whakahaere i ētahi o ngā āhuatanga o tō rātou atawhai. Ka whakapuaki rātou i ā rātou akoranga ki te taha o ngā pēpi i ngā taumahi tākaro. He pārekareka ki ngā tamariki te taunekeneke ki waenga i a rātou anō.
E tino tautokona ana te ako a ngā tamariki i te reo Māori. Ka whakatauira ngā kaimahi i te reo Māori ki ngā tamariki me te whānau i roto i te hōtaka akoranga. Ka whakamahia te whānuitanga o ngā tūmomo taumahi ako hei hāpai i te whanaketanga reo o ngā tamariki. Ka rongo ngā tamariki i te whānuitanga o ngā tūmomo whakamahinga o te reo Māori, pērā i ngā waiata, ngā karakia, te whāngai kōrero, te patapatai, ngā tohutohu, me te whakapuakitanga o ngā kōrero paki. Ka whakamahi ngā tamariki tuākana i ngā rerenga kōrero māmā hei whakapuaki i ō rātou whakaaro. Ka kōrero, ka waiata hoki ngā kaimahi ki ngā pēpi, ā, ka kitea tō rātou aro nui mā ō rātou kanohi me tō rātou reo ā-tinana. Ka whakamahia ngā rautaki whakatika reo kōrero ki te taha o ngā tamariki e mau ana i ngā matea ako ake. E ngākau nui ana te whānau ki te ako i te reo Māori hei hāpai i ngā tamariki me te kaupapa o te kōhanga reo. E whanake ana ngā tamariki ki te kōrero i te reo Māori.
Kei te mārama te whānau i ō rātou tūranga me ā rātou kawenga mahi, hei tautoko i te whakatau ngātahi i ngā whakaritenga. He pakari ā rātou pūnaha e hāpai ana i te whakatutukitanga o ngā herenga ā-ture me te aroturukitanga o ngā whakahaeretanga o ia rā. Ko te waiora ā-whatumanawa, ā-tinana o ngā tamariki, ko tō rātou atawhai anō hoki, e noho matua ana. E whakarato ana, e whakatauira ana hoki tētahi rōpū matua o ngā mema o te whānau i te ārahitanga pai. Arohaehaengia ai ngā kaimahi i ia te wā, ā, kua whakaritea hoki tētahi hōtaka whakangungu hei hāpai i tō rātou whakawhanaketanga. Ka whai pānga nui te āhua o ngā putanga ki ngā tamariki.
Kua tāutuhia e te whānau ngā kaupapa matua mā te angamahi o Te Ara Tūāpae. E ārahi ana aua kaupapa matua i ngā mahi ki te whakamahere mō meāke nei, mā te arotahi anō hoki ki ngā tino painga mō ngā tamariki, me te whakapai tonutanga i ia te wā. Kua whakamahia e te whānau ngā hononga ki Ngā Taumata Whakahirahira, hei hāpai i te ahu whakamua ki te whakatutuki i ngā whāinga ake o te whānau. Whakapuakihia ai ngā pūrongo i ia te wā ki te taha o te whānau, puta noa i te tau. Ka whakamahi te whānau i aua mōhiohio hei hāpai i ngā mahi ki te aroturuki, te pūrongo, me te haere tonu anō hoki i te arotake whaiaro.
E whai wāhi atu ana ngā matea ako o ngā tamariki ki te kounga o te whakapuakitanga. Kua whakatinanahia e ngā kaimahi ngā pūnaha ka ārahi i te whakamaheretanga o te hōtaka, te aromatawai, me ngā whakaritenga aromātai hōtaka. Ka whakamahi rātou i Te Whāriki a Te Kōhanga Reo hei ārahi i te whakamaheretanga o te hōtaka me ngā mahi aromatawai. Hui ai ngā kaimahi i ia te wā ki te whakawhiti whakaaro me te whakapuaki anō hoki i ngā rautaki, hei whakapai tonu i te kounga o te whakapuakitanga. E tāutu ana ngā mōhiohio aromatawai i ngā taumata ako ka whai ake, me ngā ngākau nuitanga o ia tamaiti. Ka mahi ngātahi ngā kaimahi ki te whakarato i te kounga o ngā whai wāhitanga ako mō ngā tamariki. Kei te harikoa ngā tamariki i te hōtaka akoranga.
Ka taea te whānuitanga o ngā tūmomo wheako ako o ngā tamariki te whakawhānui tonu. Ahakoa e whakarato ana ngā kaimahi i ngā taumahi e poipoi ai i ngā matea whakawhanaketanga o ia tamaiti, he whai wāhitanga anō hoki ki te whakatairanga ake i te kounga o ngā akoranga a ngā tamariki, mā te hāpai ake i te kōkiri a te tamaiti i tāna ake tākaro, mā te whakarato i ngā whai wāhitanga mō rātou ki te whakatau i ā rātou ake whiringa ako, ā, mā te poipoi anō hoki i te tākaro auaha.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture. I te wā o te arotake, kāhore he take i tāutuhia ai i roto i ngā āhuatanga e whai pānga ana ki ngā herenga ā-ture.
Ka aromātai anō Te Tari Arotake Mātauranga i Te Kōhanga Reo o Pukewa i roto i te toru o ngā tau.
Lynda Pura-Watson
Kaiurungi Whakaturuki Arotake Māori
28 Pipiri, 2018
|
Te tūwāhi |
Kei Waihī |
|
|
Te tau a te Tāhuhu o te Mātauranga |
35021 |
|
|
Te tau tohu o Te Kōhanga Reo |
04B027 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
50, kia 15 ki raro i te rua o ngā tau |
|
|
Te tokomaha kei te rārangi ingoa |
20, tokowaru kei raro i te rua o ngā tau |
|
|
Te ira tangata |
Kōtiro 11 Tama 9 |
|
|
Ngā hononga ā-iwi |
Māori Pākehā |
16 4 |
|
Te wā i te kōhanga reo te rōpū arotake |
Haratua 2018 |
|
|
Te wā o tēnei pūrongo |
28 Pipiri, 2018 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Tāpiri |
Paenga-whāwhā 2015 Pipiri 2012 Hōngongoi 2008 |
Te Kōhanga Reo o Pukewa is situated beside the Waihi community marae. The kōhanga reo takes its name from the tribal mountain of Pukewa, which is no longer recognisable as a landmark in the area. The whānau actively participate in the local purapura activities to support children and their learning.
Children show love, care and enjoyment in learning.
Children learn in an environment where they are loved and valued. Kaimahi and whānau comfort and reassure children as needed. Children actively participate in formal programme of karakia, hīmene and mōteatea. Kaimahi have established routines based on tikanga to help children transition between daily practices and learning activities. Care for others and the environment is displayed by children returning resources and tidying up each day. Kaimahi have positive relationships with children and each other. Children show they have a sense of satisfaction in their play and in their learning.
Children are immersed in tikanga and their identity is nurtured. Kaimahi provide children with opportunities to learn mōteatea from the local area to add meaning to pepeha and histories of the hapū and iwi. Older children confidently recite their pepeha and whānau links. Young children and babies are supported to learn their pepeha and whakapapa links through mimicking, role modelling and using hand actions. Kaimahi encourage children to develop skills of leadership for karakia and waiata. The whānau and kaimahi model the roles and responsibilities as tangata whenua by participating in welcoming manuhiri. Children have a sense of belonging.
Children experience positive relationships. The whānau and kaimahi model respect, care and aroha in the daily programme to respond to emotional needs of individual children. Specific learning needs are shared with kaimahi to help with the daily programme. Children with additional learning needs are supported in the kōhanga reo by the whānau because of the level of care and attention they require. There are opportunities for children to interact with each other as tuakana and teina in physical activities. Kaimahi support children to develop the skills of self-care to become independent learners. Older children are developing confidence to manage aspects of their own care. They share their learning with babies during play activities. Children enjoy interacting with each other.
Children are well supported learn te reo Māori. Kaimahi model te reo Māori for children and whānau in the learning programme. A range of language activities are used to support children with their language development. Children hear te reo Māori use a variety of ways such as in waiata, karakia, prompts, questions, instructions and sharing stories. Older children use simple sentences to express themselves. Kaimahi talk and sing to babies who respond using facial expressions and body language. Speech therapy techniques are used to children with additional learning needs. The whānau is committed to learning te reo Māori to support children and the kaupapa of kōhanga reo. Children are developing as speakers of te reo Māori.
The whānau understand their roles and responsibilities to support collective decision making. They have robust systems in place to assist with fulfilling legislative requirements and monitoring daily operations. Children’s emotional and physical wellbeing, and care is a priority. A core group of whānau members provide and model positive leadership. Kaimahi are regularly appraised and a programme of training is in place to support their development. Outcomes for children are important.
The whānau have identified priorities based on the framework of Te Ara Tūāpae. These priorities guide forward planning with a focus on positive outcomes for children and ongoing improvement. The whānau have used links to Ngā Taumata Whakahirahira to support progress towards meeting whānau specific goals. Regular reports are shared with the whānau throughout the year. The whānau use this information to assist monitoring, reporting and ongoing self-review practices.
Children’s learning needs informs the quality of delivery. Kaimahi have implemented systems to guide programme planning, assessment and programme evaluation practices. They use Te Whāriki a Te Kōhanga Reo to guide programme planning and assessment. Kaimahi regularly meet to discuss and share strategies to improve the quality of delivery. Assessment information identifies next learning steps and interests for individual children. Kaimahi work collaboratively to provide children with quality learning opportunities. Children are happy in the learning programme.
The range of learning experiences for children can be extended. Although kaimahi provide activities to cater to individual developmental needs, there are opportunities to enhance the quality of learning for children by enabling more independent play, offering opportunities to make choices in their learning, and fostering creative play.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements. There were no issues of non-compliance identified during the review.
The next ERO evaluation of Te Kōhanga Reo o Pukewa will be in three years.
Lynda Pura-Watson
Deputy Chief Review Officer Māori
28 June 2018
|
Location |
Waihi |
||
|
Ministry of Education profile number |
35021 |
||
|
Kōhanga Reo Identification Number |
04B027 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
50 children, including up to 15 aged under 2 |
||
|
Kōhanga Reo roll |
20 children, including up to 8 aged under 2 |
||
|
Gender composition |
Girls 11 Boys 9 |
||
|
Ethnic composition |
Māori Pākehā |
16 4 |
|
|
Review team on site |
May 2018 |
||
|
Date of this report |
28 June 2018 |
||
|
Most recent ERO report(s) |
Education Review Education Review Supplementary Review |
April 2015 June 2012 July 2008 |
|