1. He Kupu Arataki
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
2. Te Horopaki
“Ko tōku rangatiratanga
Ko tōku Pukemirotanga,
Ka tū ahau hei raukura mō te iwi”
E tū ana Te Kura Kaupapa Māori o Pukemiro ki Kaitāia. E whakarato ana te kura i te mātauranga rumaki reo Māori e hāngai ana ki ngā mātāpono me ngā tikanga whakaaro o Te Aho Matua, mō ngā ākonga o ngā tau 1 ki te 15. Nō ngā hapū me ngā iwi o Muriwhenua te nuinga o ngā whānau me ngā kaimahi. He maha ngā whakarerekētanga nui i pā ai ki te kura, whai muri i te arotake o mua a Te Tari Arotake Mātauranga, ā, i te tau 2019 tētahi tumuaki hou me tētahi poari kaitiaki i whakatūngia ai. E ū ana te whānau ki te whakatō ake i Te Aho Matua ki ngā whakahaeretanga katoa, me te waihanga i ngā wheako ako ka ahu mai i te Muriwhenuatanga.
3. Te Aronga o te Aromātai
He pēhea rawa te whakaatu mai o ngā ākonga i tā rātou ū tika, i tā rātou piripono hoki ki ō rātou ake ngākau pono, i a rātou e manaaki ana, e whai whakaaro nui ana, e mahi ngātahi ana hoki ki ētahi atu?
E whakarato ana Te Kura Kaupapa Māori o Pukemiro i tētahi taiao e poipoi ana i ngā ākonga ki te whakawhanake i te aronga o ō rātou ake ngākau pono.
4. Ngā Whakaaturanga – Mana Whakahaere
E hāpaitia ana te kōkiri a ngā ākonga i ā rātou akoranga. E whakatairangatia ana te mātauranga Māori mā ngā haerenga ki ngā marae, mā ngā manu kōrero, mā te kapa haka, ā, mā te tūhonohono hoki ki ētahi atu kura o Te Aho Matua puta noa i te rohe whānui o te Tai Tokerau. I te wharekura, ka toro atu ngā ākonga ki te whānuitanga o ngā tūmomo huarahi ako, mā te Waharoa, mā ngā pātuitanga whānui, me ngā kaiwhakarato o te mātauranga mātāmuri. Tāpiri atu ki tēnā, he mātātoa te tautoko i ngā ākonga o te Tau 14 me te Tau 15 ki te ako tonu mā ngā umanga me ngā whakangungu huarahi mahi. Ka āta kitea te aronga matua o te kura ki te whakatutuki i te tangongitanga o ngā pūmanawa me ngā matea o ngā ākonga.
Ka kitea te aronga nui ki te whakatairanga i ngā putanga ki ngā ākonga. Ka aroturukitia, ka pūrongotia hoki ngā paetae ākonga me te ahu whakamua i roto i te roanga o te wā. Ka tautuhia ngā ākonga e noho mōrearea ana, ā, ka whakatinanahia ngā mahere whakahaere, hei hāpai mārika i aua rōpū ākonga. He mārama ngā huarahi pūrongo, hei āta whakatau i te whakatutukitanga o ngā mahi aroturuki, ki ngā reanga katoa o te kura. Whai wāhi ai ngā kaiako i ia te wā, ki te ako ngaio e whai pānga ana ki ō rātou matea, ki ngā kaupapa matua i tautuhia ai ki te kura, ā, ki ngā matea hoki o ngā ākonga. Kua whakawhanakehia te whānuitanga o ngā tūmomo rautaki, hei hāpai i te waiora o ngā ākonga. Ko te māramatanga, ko te whai pūtaketanga hoki o ngā pūnaha me ngā whakaritenga, e whakatairanga ake ana i te ako a ngā ākonga, me tō rātou waiora.
He mahi whakakotahi, he mahi whakatōpū hoki te ārahitanga. He mārama ngā tūranga me ngā kawenga mahi o te hanganga ārahi. Ka tohatoha taua tauira i ngā kawenga, ā, ko te whakatupu i te ārahitanga ngaio o ngā kaiako katoa te whāinga. Ko tā te tumuaki, he whakatairanga i te aronga ngātahi ki ngā whakataunga, ā, ka pērā hoki te poari, te whānau, me ngā kaiārahi matua. Ka whakamahi ngā pūrongo i tētahi angamahi o Te Aho Matua. He tino aronga ki te whakahāngai i te tikanga whakaaro o te kura, i te whakaako me te ako, i ngā whāinga rautaki, i ngā angamahi kaupapa here, i te aronga whakamua hoki, ki ngā mātāpono o Te Aho Matua. Ko te whai kawenga ake a te tangata, ko te whakatōpūtanga, ko te mahi ngātahi hoki, e whakatauira katoatia ana e ngā kaiārahi o te kura.
Ka kitea ngā whakaritenga kāwana e whai hua ana. He tautōhito, he hou hoki ngā kaitiaki i te poari, ā, he hononga ā-whakapapa tō te katoa ki Muriwhenua. He whānui ngā pūkenga o ngā kaitiaki. He tino māramatanga ō rātou ki ō rātou tūranga me ā rātou kawenga mahi, ā, e wātea ana ki a rātou ngā whakangungu o roto, o waho hoki, me te tautoko e whai hua ana. He tino pātuitanga ā ētahi ki te hapori, tae atu hoki ki ngā iwi, ngā marae, me ngā umanga, ngā ratonga hoki o te takiwā. He mātātoa ngā kaitiaki ki te hapori whānui, ā, ka akiaki rātou i te whai wāhi mai o te whānau. Ka hāngai pū tā rātou titiro ki te whai rongoā mā te whanaungatanga, ā, ko ngā ākonga kei te pūtake o ngā whakataunga. Ka whakamōhiotia ngā whakataunga a ngā kaitiaki e ngā pūrongo o ia wā ka ahu mai i ngā kaiārahi matua me te tumuaki. He auau te mahi arotake, ā, ka whai pūtake hoki. He aronga tā ngā whakaritenga kāwana, ā, ka hāpai ake, ka whakatairanga ake hoki i ngā putanga e whai hua ana ki ngā ākonga.
He auau te arotake i ngā kaupapa here me ngā tukanga, ā, kua whakaritea ngā wā. E whai kiko ana ngā mahere rautaki, ā, kua whakahāngaitia hoki te mahere ā-tau. Kua tautuhia ngā kaupapa matua o te pae tawhiti me ngā whāinga o te pae tata, ā, ka pūrongotia te ahu whakamua i ia te wā. Kua whakatakotohia tētahi rārangi wā mō te arotake whaiaro, hei ārahi i ngā mahi a ngā kaitiaki. Ka whakamōhio te aromātai o roto i ngā whakataunga.
Ngā Whakaritenga Matua ka whai ake
Kua whakapuakihia te maha o ngā kōkiritanga hou. Ko ētahi o ngā kaupapa matua o tēnei wā, ko te whakawhanaketanga tonu me te whakatinanatanga tonu o tētahi marau ā-kura e āta whakatō ana i te Muriwhenuatanga me Te Aho Matua ki ngā whakaakoranga me ngā akoranga. He mātātoa hoki te whakapā atu a te whānau ki ngā akoranga ngaio o te reo Māori mō ngā kaiako me te whānau whānui, hei hāpai i te whakawhanaketanga o te reo Māori. Ki tā te kura, e tika ana kia aroturuki tonuhia, kia pūrongo tonuhia hoki te ahu whakamua o aua kōkiritanga i roto i te roanga o te wā.
5. Te Whakatau ki ngā Wāhanga Tautukunga
I te wā o te aromātai, i whakamātauhia e Te Tari Arotake Mātauranga ngā āhuatanga i raro iho nei:
-
te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito);
-
te haumaru ā-tinana o ngā ākonga;
-
te rēhitatanga o ngā kaiako;
-
ngā tukanga ki te whakatū kaimahi;
-
te whakaunu, te aukati, te pana me te whakarerenga
-
te tae ā-tinana atu o ngā ākonga ki te kura
-
ngā kaupapa here a te kura kia tutuki ngā herenga o te Children’s Act 2014.
6. Te Taunakitanga
I whakawhanakehia e Te Tari Arotake Mātauranga me te whānau te taunakitanga, kia aroturuki tonu, kia pūrongo tonu i te ahu whakamua, i te whai pānga hoki o te marau ā-kura me te rautaki mō te reo Māori.
Darcy Te Hau
Toka ā Nuku
Te Uepū-a-Motu – Māori Services
22 Pipiri, 2022
7. Ngā kōrero e pā ana ki te Kura
|
Te tūwāhi
|
Kei Kaitāia
|
|
Te tau a te Tāhuhu o te Mātauranga
|
3114
|
|
Te tūmomo kura
|
He kura hiato Tau 1 ki te 15
|
|
Te tokomaha o ngā ākonga o te kura
|
158
|
|
Ngā hononga ā-iwi
|
Māori 98%, Iwi kē 2%
|
|
Ngā āhuatanga motuhake
|
Te Aho Matua
|
|
Te wā i te kura te rōpū arotake
|
Paenga-whāwhā 2022
|
|
Te wā o tēnei pūrongo
|
22 Pipiri 2022
|
|
Ngā pūrongo o mua a
Te Tari Arotake Mātauranga
|
Arotake Mātauranga, Whiringa-ā-rangi 2013; Arotake Mātauranga, Whiringa-ā-nuku 2010
|
1. Introduction
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for hapū and iwi.
2. Context
“Ko tōku rangatiratanga
Ko tōku Pukemirotanga,
Ka tū ahau hei raukura mō te iwi”
Te Kura Kaupapa Māori o Pukemiro is located in Kaitāia. The kura provides Māori medium education that aligns to the principles and philosophies of Te Aho Matua for Years 1 – 15. Most whānau and kaimahi affiliate to the hapū and iwi of Muriwhenua. A number of significant changes have occurred since the last ERO review, including the appointment of a new tumuaki and establishment of a Board of Trustees in 2019. The current whānau are committed to further embedding Te Aho Matua in all operations and creating learning experiences that are based on Muriwhenuatanga.
3. Evaluation Focus
How well do students demonstrate they are true and faithful to their own sense of personal integrity while being caring, considerate and co-operative with others?
Te Kura Kaupapa Māori o Pukemiro provides an environment that nurtures students to develop a sense of personal integrity.
4. Findings - Mana Whakahaere
Students are supported to lead their learning. Mātauranga Māori is promoted through marae visits, manu kōrero, kapa haka and connecting with other Te Aho Matua Kura in the wider Te Taitokerau region. In the wharekura, students access a range of learning pathways through Gateway, wider networks and tertiary providers. In addition, Years 14 and 15 students are actively supported to continue learning through careers and vocational pathway courses. Catering for the diverse strengths and needs of students is a clear priority for the kura.
A responsive approach to lifting outcomes for students is evident. Student achievement and progress is monitored and reported on over time. Students at risk are identified and management plans are implemented to support target cohorts. Clear lines of reporting are in place to ensure monitoring occurs at all levels of the kura. Kaiako regularly participate in professional learning aligned to their needs, identified kura priorities, and the needs of students. A range of strategies have been developed to support student wellbeing. Clear and purposeful systems and practices promote student learning and well-being.
Leadership is inclusive and collaborative. The leadership structure has clear roles and responsibilities. The model is distributive and seeks to grow professional leadership amongst all aiako. The tumuaki, along with the board of trustees, whānau and senior leaders promote a cohesive approach to decision making. Reports use a Te Aho Matua framework. There is a strong focus on aligning the kura philosophy, teaching and learning, strategic goals, policy frameworks and future direction to the principles of Te Aho Matua. Personal responsibility, collaboration and cooperation is modelled by kura leadership.
Effective governance practices are evident. The board of trustees comprise a mix of experienced and newly appointed members all of whom have whakapapa links to Muriwhenua. Trustees have a range of skills. They have a clear understanding of their roles and responsibilities and have good access to internal and external training and support. Many have strong networks to the local community, including iwi, marae, local agencies and providers. Trustees are active in the wider community and encourage whānau participation. They are focused on solutions through whanaungatanga and students are at the centre of decision making. Trustee decisions are informed by regular reporting from senior leadership and the tumuaki. Review is regular and intentional. Responsive governance practices further support and promote positive outcomes for students.
Policy and procedure review is regular and scheduled. Strategic planning is detailed and the annual plan aligns. Long-term priorities and short-term goals are identified and reporting on progress is regular. A self-review schedule is in place to guide trustee actions. Internal evaluation informs decision making.
Key Next Steps
A number of new initiatives have been introduced. Current priorities include further development and implementation of a kura curriculum that embeds both Muriwhenuatanga and Te Aho Matua in teaching and learning practices. The whānau are also actively accessing te reo Māori professional learning for all aiako and the wider whānau to support te reo Māori development. The kura acknowledge the need to continue to monitor and report on the progress of these initiatives over time.
5. Assurance on Legal Requirements
During the evaluation, ERO checked at the following areas:
-
emotional safety of students (including prevention of bullying and sexual harassment)
-
physical safety of students
-
teacher registration
-
processes for appointing staff
-
stand-downs, suspensions, expulsions and exclusions
-
attendance
-
school policies in relation to meeting the requirements of the Children’s Act 2014.
6. Recommendation
ERO and the whānau developed recommends to continue to monitor and report on the progress and impact of the kura curriculum and te reo Māori strategy.
Darcy Te Hau
Toka-ā-Nuku – Director
Te Uepū ā-Motu – Māori Review Services
22 June 2022
7. Information about the Kura
|
Location
|
Kaitāia
|
|
Ministry of Education profile number
|
3114
|
|
Kura type
|
Composite Years 1-15
|
|
Kura roll
|
158
|
|
Ethnic composition
|
Māori 98%, other ethnic groups 2%
|
|
Special features
|
Te Aho Matua
|
|
Review team pre on-site
|
April 2022
|
|
Date of this report
|
22 June 2022
|
|
Most recent ERO report(s)
|
Education Review, November 2013; Education Review, October 2010; Education Review, 2007
|