Stack Road, RD5, Port Waikato
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
E tū ana Te Kōhanga Reo o Te Pūaha ki Te Pūaha o Waikato. E tū ana te whare ki ngā papa o te marae o Ōraeroa, e pā tata atu ana hoki ki Te Kura Kaupapa Māori o Te Pūaha o Waikato. I noho mai tētahi kuia ki te arotakenga, hei tautoko i te whānau, i ngā kaimahi, me ngā mokopuna.
He pai te taunekeneke a ngā mokopuna ki ō rātou hoa, ki ētahi atu hoki, i a rātou e whai wāhi atu ana ki te tangongitanga o ngā wheako ako.
Ko ngā uara o te aroha, te manaakitanga, me te whanaungatanga e whakapūmautia ana i ia te wā mā ngā taunekeneke ki ngā mokopuna me ētahi atu. Ka arotahi ngā kaimahi ki te poipoi i te pitomata o ngā mokopuna. Ko ngā hononga ki waenga i te tuakana me te teina, he whakakoia, he manaakitanga hoki. E hāpaitia ana te whai wāhi atu a ngā mokopuna ki ngā tikanga o te takiwā, puta noa i te tangongitanga o ngā wheako ako, pērā i ngā karakia Pai Mārire, i ngā pao, me te karanga. Kei te hōtaka ngā whai wāhitanga auau mō ngā mokopuna tuākana ki te ārahi me te hāpai i ngā karakia, ngā waiata, ngā haka, me ngā pao. Ka whai wāhi nui ngā tēina, ā, ka tohu ā-ringa, ā-kanohi hoki, hei whakaatu i tō rātou māramatanga ki tēnā e mahi ana rātou. He papai te taunekeneke a ngā mokopuna ki ō rātou hoa, ā, ki ētahi atu hoki.
E ako ana ngā mokopuna ki tētahi taiao e puta māhorahora ai te reo Māori, ā, he ngahau anō hoki te ako. Ka whakamahi ngā kaimahi i ngā rautaki hopu reo nahanaha e whai pūtake ana ki te whakapiki ake i te whakawhanaketanga reo Māori o ngā mokopuna. Ko ētahi atu o ngā rautaki e tika ana, ko te tāruarua, te patapatai, te whāngai kupu, ngā hanganga reo, me te whakamihi. E tino tautokona ana te whakapuaki a ngā mokopuna i ō rātou tuakiri me ō rātou tūrangawaewae mā ngā mihimihi me ngā pepeha. E whakatairangatia ana te ako a ngā mokopuna mā ngā rauemi pērā i ngā pukapuka, ngā pānga, me ngā tūmomo hangarau. Kei te tino mōhio ngā kaimahi ki ngā mokopuna, ā, ka mahi ngātahi rātou ki te whakarato i ngā whai wāhitanga mō rātou ki te tūhura i tēnā e hiahiatia ana e rātou. Kei te hihiri te wāhi o roto, ā, e hāpai ana i te ako ngātahi a ngā mokopuna. He ākonga harikoa ngā mokopuna, ā, e tupu ana tō rātou ngākau titikaha ki te kōrero i te reo Māori.
Kua whakatakotohia te nuinga o ngā mahi whakahaere a te whānau. He mahere rautaki tā te whānau e whakaraupapa ana i tā rātou tirohanga me ō rātou wawata mō te kōhanga reo mō meāke nei. E whakaatuhia ana te mahere mahi ki te whare, kia āhei ai te whānau ki te aru me te aroturuki i te ahu whakamua ki te whakatutuki i ō rātou whāinga rautaki. He momo ārahitanga hoki te mahere ā-tau mō ngā mahi whakahaere ki te kōhanga reo me te tari, kia whakatutukihia. He pai te whakahaeretanga i ngā take kaimahi. Kei ngā tuhinga mahi, ko ngā kirimina tuku mahi takitahi, me ngā tuhinga tūranga mahi e tika ana mō ngā tūmomo tūranga ki te kōhanga reo. Ka whakatutukihia ngā mahi arowhai a ngā kaimahi, tae atu hoki ki ngā mahi arowhai a ngā pirihimana. E tautoko ana te whānau i te whai atu a ngā kaimahi i te ako ngaio me te whakawhanaketanga ngaio. E whakahaere ana te whānau i te kōhanga reo hei tino painga mō ngā mokopuna.
Me titiro ki te aromātai o roto. He maha ngā whakaritenga ka whai hua mā tētahi tukanga aromātai ka āta whakaritea, ka āta whakahaerehia hoki. Me titiro hoki ki te whakamahere, te aromatawai, me te aromātai hōtaka. I tēnei wā, ka whakatutuki takitahi ia kaimahi i aua mahi, kāhore rātou e mahi ngātahi ana. Nā tēnā, he mahi tēnei e noho tāwēwē tonu ana. Kua tae ki te wā kia toro atu te whānau ki te tautoko ka hāpai i te whai māramatanga o ngā kaimahi ki te pūtake me ngā tukanga e tika ana mō te whakatutukitanga me te whakatinanatanga o ngā mahere hōtaka, te aromatawai mokopuna, me te aromātai i te hōtaka akoranga mō ngā whakapaitanga. He tūāhuatanga e pā tōraro ana ki te ako a ngā mokopuna.
Kāhore he tino tukanga mō te arotake kaupapa here. Kāhore i te whānau tētahi rārangi mahi mō te arotake auau i ngā kaupapa here me ngā tukanga o te kōhanga reo. I ētahi wā, he maha ngā tūmomo whakatakotoranga a te whānau i te kaupapa here kotahi, me te rerekē o ngā tuhinga o roto. Kāhore e āta māramahia, ko ēhea o ngā kaupapa here ngā mea i whakatakotohia ai, i manatokotia ai rānei, i arotakengia ai rānei. He mea nui kia toro atu te whānau ki te āwhina o te tari ā-rohe o Te Poari Matua o Ngā Kōhanga Reo, kia riro i a rātou te tautoko me te ārahitanga i roto i te whakawhanaketanga o ngā tukanga aromātai o roto. Tē taea te noho haumaru o ngā mokopuna te whakatūturu.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
Hei whakatutuki i ngā herenga ā-ture, me tahuri te whānau ki te:
E taunaki ana Te Tari Arotake Mātauranga kia mahi te whānau ki te taha o te tari ā-rohe o Te Poari Matua o Ngā Kōhanga Reo ki te whakawhanake i tētahi mahere mahi, hei whakatutuki i ngā wāhanga i whakaraupapahia ai ki tēnei pūrongo.
Rita Walker
Toka ā Nuku Whakakapi
Te Uepū-a-Motu – Māori Services
23 Mahuru 2024
| Te tūwāhi | Kei Te Pūaha o Waikato |
| Te tau a te Tāhuhu o te Mātauranga | 25273 |
| Te tau tohu o Te Kōhanga Reo | 03J044 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 20 ngā tamariki, kia tokowhā ki raro i te rua o ngā tau |
| Te tokomaha kei runga i te rārangi ingoa | 11 ngā tamariki, kāhore he tamaiti kei raro i te rua o ngā tau |
| Ngā hononga ā-iwi | Māori 10, Iwi kē 1 |
| Te wā i te kōhanga reo te rōpū arotake | Hōngongoi 2024 |
| Te wā o tēnei pūrongo | 23 Mahuru 2024 |
| Ngā pūrongo o mua a Te Tari Arotake Mātauranga | Arotake Mātauranga, Poutū-te-rangi 2021; Arotake Mātauranga, Paenga-whāwhā 2018; Arotake Mātauranga, Haratua 2016 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. The ERO reports provide important information for whānau, hapū and iwi.
Te Kōhanga Reo o Te Puaha is in Port Waikato. The whare is situated on the grounds of Te Marae o Ōraeroa and is close to Te Kura Kaupapa Māori o Te Puaha o Waikato. A kuia attended the review to support whānau, kaimahi and mokopuna.
Mokopuna interact positively with their peers and others as they participate in a range of learning experiences.
The values of aroha, manaakitanga and whanaungatanga are consistently reinforced thought interactions with mokopuna and others. Kaimahi focus on nurturing mokopuna potential. Tuākana, taina relationships and interactions are affirming and caring. Mokopuna are supported to participate in local tikanga across a range of learning experiences such as karakia Paimārire, pao and karanga. The programme offers regular opportunities for the older mokopuna to lead and participate in karakia, waiata, haka and pao. Teina participate happily and use gestures and facial expressions to show their understanding of what is happening. Mokopuna interact positively with peers and others.
Mokopuna learn in an environment where te reo Māori is natural and learning is fun. Kaimahi use deliberate and relevant language acquisition strategies to increase mokopuna te reo Māori development. Further appropriate strategies include repetition, questioning, prompting, language structures and praise. Mokopuna are well supported to express who they are and where they come from through mihimihi and pēpeha. Mokopuna learning is enhanced through resources such as pukapuka, puzzles and through different forms of technology. Kaimahi know mokopuna well and work collaboratively to provide important opportunities for them to explore their curiosities. The indoor area is vibrant and promotes cooperative learning amongst mokopuna. Mokopuna are happy learners and are growing confidence in speaking te reo Māori.
Most aspects of whānau whakahaere practices are in place. Whānau have a strategic plan that outlines the vision and aspirations they have for the future of the kōhanga reo. An action plan is displayed in the whare for whānau to track and monitor progress made towards achieving their strategic aims. The annual plan provides some guidance for operational and administrative tasks through to completion. Personnel matters are managed well. Employment documentation includes individual employment agreements with job descriptions appropriate for roles within the kōhanga reo. Kaimahi safety checks, including police vetting are undertaken. Whānau are supportive of kaimahi pursuing professional learning and development. Whānau manage the kōhanga reo in the best interests of mokopuna.
Internal evaluation requires attention. There are several practices that would benefit from a well organised and well managed evaluation process. Planning, assessment and programme evaluation requires attention. Currently kaimahi complete these tasks separately and do not work together as collaboratively as they could. As a result, this work is incomplete. It is timely for whānau to seek support for kaimahi to understand the purpose and processes required to complete and implement programme planning, mokopuna assessment and evaluating the learning programme for improvement. Mokopuna learning is compromised.
There is no clear process for policy review. Whānau do not have a schedule in place for the regular review of kōhanga reo policies and procedures. There are instances where whānau have several versions of a policy with varied information documented. It is unclear at times which policies they have adopted, ratified, or reviewed. It is critical that whānau seek the assistance of the District Office to provide support and guidance in the development of internal evaluation processes. Mokopuna safety cannot be guaranteed.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
To meet compliance requirements they must:
ERO recommend whānau work alongside the Tari ā rohe to develop an action plan to address the areas concerns outlined in this report
Rita Walker
Toka-ā-Nuku – Acting Director
Te Uepū ā-Motu – Māori Review Services
23 September 2024
| Location | Port Waikato |
| Ministry of Education profile number | 25273 |
| Kōhanga Reo Identification Number | 03J044 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 20 children, including up to 4 aged under 2 |
| Service roll | 11 children, including (0) aged under 2 |
| Ethnic composition | Māori 10, Other 1 |
| Review team on site | July 2024 |
| Date of this report | 23 September 2024 |
| Most recent ERO reports | Education Review, March 2021; Education Review, April 2018; Education Review, May 2016. |
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E tū ana Te Kōhanga Reo o Te Pūaha ki te taha o te marae o Ōraeroa, ki Te Pūaha o Waikato. E ākina ana te whai wāhi atu a te whānau ki te kōhanga reo me tōna kaupapa. E whai wāhi nui ana tētahi kuia ki te hāpai me te atawhai i ngā mokopuna me te whānau.
Kei te harikoakoa te ako a ngā mokopuna ki te taiao haumaru, taiao whai oranga tonu.
E mōhio ana ngā mokopuna ki te tikanga kia mihia te tangata, ā, ka whai wāhi atu hoki ki ngā mahi ā-ringa e hāpai ai i tā rātou ako me tā rātou kōrero i te reo Māori. Ka tūmāia ngā mokopuna ki te taki i ō rātou whakapapa me ō rātou pepeha. Ka whai wāhi atu ki ā rātou wheako ako, ko ngā horopaki a te iwi me te Kīngitanga. E whanake ana ngā mokopuna i tō rātou māramatanga ki ngā mihi me ngā tikanga e pā ana ki te whakatau manuhiri.
He mātātoa te whai wāhi atu a ngā mokopuna ki te whānuitanga o ngā tūmomo horopaki tākaro me ngā horopaki ako. Ka whai wā, ka whai wāhi hoki rātou ki te tūhura i ā rātou ake whai wāhitanga ako, me te hoki atu ki aua whai wāhitanga ako i ngā wā e hiahiatia ana, ā, he harikoa, he ngana hoki ō rātou āhua i te hōtaka i whakamaheretia ai. Ka kapohia atu, ka tuhia hoki ngā akoranga me te ahu whakamua ki ā rātou ake puka ako.
Me whakapakari ake i ngā mahi ki te whakamahere i te hōtaka. He ōpaki kē te nuinga o ngā whakawhitinga kōrero a ngā kaimahi mō te whakamaheretanga o te hōtaka, ā, kāhore e āta tuhia ana. Ka mimiti pea taua āhuatanga i te whakatutukitanga rawa o ngā matea ake me ngā pūmanawa ake o ia mokopuna. Ko te whakapakari ake i taua āhuatanga o ngā whakaritenga kaimahi, ka āta whakapūmau i te whiwhinga o ngā mokopuna i ngā whai wāhitanga ako o te kounga kairangi.
Kua whakatakotohia ki te mahere rautaki, ko ngā wawata me ngā tūmanako mō te whakawhanaketanga o te reo Māori. Engari, kāhore anō tētahi mahere mahi kia whakawhanakehia hei whakatutuki i aua wawata. Ko te whakawhanake i tētahi mahere tonu e āta whakatakoto ai i ngā mahi, ngā whāinga, me ngā huarahi, tērā ka hāpai i te tirohanga a te whānau kia pakari ngā mokopuna me ngā whānau ki te kōrero i te reo Māori ki ngā kāinga.
Ko tētahi whakaritenga matua hei whai ake, ko te whakahaeretanga o ngā mahi i ia rā i te kōhanga reo, kia whai hua ai. Ko te taratahi, ko te tawhiti hoki o te haere, ētahi āhuatanga e pā tōraro ana ki te whānau mō tō rātou āheinga ki te whakatutuki i ngā haepapa ā-kaupapa tonu o te kōhanga reo. Ko ētahi o aua haepapa, ko te whai wāhi atu i ia te wā ki te whakawhanaketanga ngaio, ko te whakaoti i ngā arotakenga kaupapa here, ko te whakahaere i ngā mahi i te tari, ko te āta whakatau i ngā rauemi e tika ana kia tutuki ai ngā mahi nui, ā, ko te tautoko tonu i ngā kaimahi i ia te wā. Ko tētahi aronga matua i tēnei wā, ko te wetewete i ngā here o te noho taratahi, me te whakapakaritanga ake i te māramatanga o te whānau ki ō rātou tūranga mahi me ā rātou kawenga.
I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:
Kia tutuki i te whānau ngā herenga ā-ture katoa, me tahuri rātou ki te:
I whakaae ngātahi Te Tari Arotake Mātauranga me te whānau o te kōhanga reo, e tika ana kia:
Darcy Te Hau
Toka ā Nuku
Te Uepū ā-Motu - Māori Review Services
11 Poutūterangi, 2021
| Te tūwāhi | Kei Waikato | |
| Te tau a te Tāhuhu o te Mātauranga | 25273 | |
| Te tau tohu o Te Kōhanga Reo | 03J044 | |
| Te tūmomo whare | He kōhanga reo | |
| Te raihana | Ngā Ture Mātauranga (Ratonga Kōhungahunga) 2008 | |
| Te tokomaha mō te raihana | 20, kia tokowhā ki raro i te rua o ngā tau | |
| Te tokomaha kei runga i te rārangi ingoa | 16, tokotoru kei raro i te rua o ngā tau | |
| Te ira tangata | Kōtiro 10 Tama 6 | |
| Ngā hononga ā-iwi | Māori | 100% |
| Te wā i te kōhanga reo te rōpū arotake | Hakihea 2020 | |
| Te wā o tēnei pūrongo | 11 Poutūterangi 2021 | |
| Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Mātauranga | Paenga-whāwhā 2018 Haratua 2016 Hakihea 2012 |
The Education Review Office, whānau, leaders and communities provide evaluation insights that foster improvement, identify progress and build evaluation capability.
Te Kōhanga Reo o Te Pūaha is situated on Ōraeroa marae, Port Waikato. Whānau are encouraged to be involved in the kōhanga reo and its kaupapa. A kuia provides hands-on support and care to mokopuna and whānau.
Mokopuna happily learn in a safe and healthy environment.
Mokopuna are familiar with the tikanga of mihi ki te tangata and engage in mahi-a-ringa, that supports their learning and speaking of te reo Māori. Mokopuna confidently recite their whakapapa and pepehā. Their learning experiences include iwi and Kingitanga contexts. Mokopuna are developing an awareness of mihi and tikanga associated with welcoming manuhiri.
Mokopuna actively participate in a range of play and learning situations. They enjoy time and space to explore and revisit independent learning opportunities and appear happy and engaged in the planned programme. Learning and progress is captured and recorded in their individual learning folders.
Programme planning needs strengthening. Kaimahi discussions about programme planning are largely informal and not clearly documented. This reduces the likelihood that their individual needs and strengths of mokopuna will be met. Strengthening this aspect of kaimahi practice should ensure mokopuna consistently receive high quality learning opportunities.
The aspirations and expectations for te reo Māori development are set within the strategic plan. However, an action plan has yet to been developed to meet these aspirations. The development of a specific plan with clear tasks, goals and actions is likely to support the whānau vision of mokopuna and whānau confidently speaking te reo Māori at home.
A priority next step is the effective management of the day to day operations of the kōhanga. Isolation and long-distance travel are obstacles for whānau which impact on their ability to meet kōhanga kaupapa commitments. These include, engaging in regular ongoing professional development, completing policy reviews, managing administration tasks and duties, ensuring suitable resources are available to complete important tasks, and providing regular support for kaimahi. Overcoming the geographical isolation and building whānau understanding of their roles and responsibilities is a priority.
During the evaluation, ERO looked at systems for managing the following areas:
To meet compliance requirements, the whānau must ensure:
ERO and the kōhanga reo whānau agreed on the need to:
Darcy Te Hau
Toka-ā-Nuku - Director
Te Uepū ā-Motu - Māori Review Services
11 March 2021
| Location | Waikato | |
| Ministry of Education profile number | 25273 | |
| Kōhanga Reo Identification Number | 03J044 | |
| Licence type | Te Kōhanga Reo | |
| Licensed under | Education (Early Childhood Services) Regulations 2008 | |
| Number licensed for | 20 children, including up to 4 aged under 2 | |
| Kōhanga Reo roll | 16 children, including up to 3 aged under 2 | |
| Gender composition | Girls 10 Boys 6 | |
| Ethnic composition | Māori | 100% |
| Review team on site | December 2020 | |
| Date of this report | 11 March 2021 | |
| Most recent ERO report(s) | Education Review Education Review Education Review | April 2018 May 2016 December 2012 |
Ka whakahaeretia tētahi aromātai tāpiri i runga o te whakataunga ā te Toihau Arotake i Te Tari Arotake Mātauranga.
E aromātai ana Te Tari Arotake Mātauranga i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te pūrongo aromātai mātauranga o mua atu i tēnei, me ētahi atu wāhanga rānei i tāutuhia ai whai muri o taua aromātai.
Ko tēnei aromātai tāpiri i whakaritea i runga i te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua aromātai. Ko ngā whakataunga mō ngā whakapuakitanga e pā ana ki tēnei aromātai, ko te titiro ki:
E tū ana Te Kōhanga Reo o Te Pūaha o Waikato ki te marae o Ōraeroa, ki Te Pūaha o Waikato.
I te wā o te arotake o mua a Te Tari Arotake Mātauranga, tokorua ngā kaimahi tūao i te mahi ki te kōhanga reo, ā, he whāiti noa ā rāua whakangungu me ō rāua mōhiotanga ki te mahi a te kaimahi. He ōpaki ngā hui ā-whānau i aua wā, ā, kāhore rānei i te tū auau. I whakarewahia hoki e Te Tari Arotake Mātauranga ō rātou āwangawanga mō te whakahaeretanga o te kōhanga reo. I taua wā, he maha ngā āhuatanga matua o te whakahaeretanga me ngā whakaritenga hei tirohanga wawe.
Whai muri i te arotake o mua a Te Tari Arotake Mātauranga i te tau 2016, kua whakatūngia e te whānau tētahi kaiwhakahaere me tētahi kaiako ki ngā tūranga tūturu. E noho pūmau ana te heamana o tēnei wā ki te mahi ki te taha o te whānau ki te whakapai ake i ngā whakaritenga e pā ana ki te whakahaeretanga o te kōhanga reo. Kei te tīmatanga noa tonu te whānau ki te whakatutuki haere i ngā wāhanga i te tāutuhia ai ki te pūrongo o mua, hei wāhanga e āwangawangatia ana.
E hāpaitia ana te ako a ngā tamariki i te reo Māori. Ahakoa e kōrero ana ngā tamariki i te reo Pākehā i te nuinga o te wā, e whakamahi ana te kaiako i ngā tino rautaki ka hāpai i te whakawhanaketanga reo o ngā tamariki. Ko ētahi o aua rautaki, ko te tāruarua, ko te whakatauira i ngā hanganga reo e tika ana, ā, ko te whakarato i ngā tohutohu, ngā pātai, me ngā kupu whakamihi e tino mārama ana. Kei te wāhanga ōkawa o te rā ngā whai wāhitanga mō ngā tamariki ki te mārama haere ki ngā tauira reo o ngā karakia, ngā mihimihi, me ngā pepeha. E tīmata noa ana ngā tamariki ki te mārama, me te whakamahi i te reo Māori.
Kua whakaritea e te kaiako tētahi tukanga whakamahere. E whakaraupapa ana ngā tuhinga whakamahere i ngā tirohanga, ngā wawata, ngā putanga mō ngā akoranga a ngā tamariki, me ngā whakamārama e pā ana ki Ngā Taumata Whakahirahira. Kua whakatakotohia anō hoki tētahi wātaka hei ārahi i ngā mahinga. He whāiti noa ngā mōhiohio i roto i ngā mahere mō te kiko o te hōtaka, ngā rautaki, me ngā tūmomo rauemi ka whai pānga ki ngā mahi. E tīmata ana te kaiako ki te ako i ngā āhuatanga e pā ana ki te aromatawai me te aromātai i te hōtaka. Ka whakapakarihia te ako a ngā tamariki mā te āta whakatakoto i ngā hononga ki waenga i ngā mahere, te aromatawai, me te aromātai anō hoki i te hōtaka.
Kei waenga i te whānau tētahi rōpū iti e noho ngākau nui ana ki te whakarite i ngā tukanga ka whakahaere i ngā whakaritenga o tō rātou kōhanga reo. E noho pūmau ana te komiti hou ki te whakapai ake i ngā whakaritenga o te whakahaeretanga. E arotakengia ana te tūtohinga, ngā kaupapa here, me ngā tukanga. Engari, he mea nui kia noho mārama te whānau ki ngā herenga ā-ture o te wā, hei āta whakarite i te whai pānga o ēnei ki ngā kaupapa here me ngā tukanga. Me whakarite i ngā pūnaha tari nahanaha, kia āhei ai te kaiwhakahaere ki te whakatutuki i ngā kawenga e pā ana ki te whakahaeretanga o te tari. I tēnei wā, e aro matua ana ia ki te whakatutuki i ngā take whakahaere tari – tae atu ki te whakahaeretanga o ngā pūtea – me te mahi anō hoki ki te taha o ngā tamariki. Nā tēnei tūāhuatanga, kāhore ngā mahi matua, ngā pūnaha matua hoki e whakatutukihia ana i te wā e tika ana, mā te huarahi rānei e whai hua ake ai.
Kāhore te whānau e mōhio ana ki ō rātou tūranga, ki ā rātou kawenga mahi rānei ki te kōhanga reo. Kāhore he tukanga nahanaha mō te whakaurutanga mai o ngā whānau hou. Hei whakapakari ake i te noho pūmau o te whānau, e tika ana kia whakaotihia te mahere rautaki. I tēnei wā, e whakaraupapa ana te mahere i te tirohanga, ngā whāinga, me ngā kaupapa matua mō meāke nei. Engari, kāhore e whakatakotohia ana hei aronga matua, ko te whakapakari ake i te āheinga o te whānau ki te whakamahi i te reo Māori, me te whai wāhi mai anō hoki o te whānau ki te kaupapa o te kōhanga reo. Hei whakapakari ake i te āheinga o te whānau, me whakawhanake i tētahi mahere mahi hei ārahi i te whakatinanatanga o te mahere rautaki. Mā tēnā, ka whakatūturuhia te rōnakitanga o te kōhanga reo mō meāke nei, hei painga mō ngā tamariki.
I tāutuhia e Te Tari Arotake Mātauranga ētahi wāhanga kāhore e tutuki ana e ai ki te ture. Kia tutukihia ai e te whānau o te kōhanga reo ā rātou herenga ā-ture, me tahuri rātou ki te:
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā, kia:
Ka whakahaere anō Te Tari Arotake Mātauranga i te aromātai whai muri o Te Kōhanga Reo o Te Pūaha o Waikato i roto ngā tau e rua.
Lynda Pura-Watson
Kaiurungi Whakaturuki Arotake Māori
03 Paengawhāwhā, 2018
| Te tūwāhi | Kei Te Pūaha o Waikato | ||
| Te tau a te Tāhuhu o te Mātauranga | 25273 | ||
| Te tau tohu o te kōhanga reo | 03J044 | ||
| Te tūmomo raihana | Te kōhanga reo | ||
| Kua raihanatia ki te ture | Ngā Ture Mātauranga (Ratonga Kōhungahunga) 2008 | ||
| Te tokomaha mō te raihana | 20 ngā tamariki, kia tokowhā ki raro i te rua o ngā tau | ||
| Te tokomaha kei te rārangi ingoa | Tokowhitu, ā, tokorua kei raro i te rua o ngā tau | ||
| Te ira tangata | Kōtiro 4 Tama 3 | ||
| Ngā hononga ā-iwi | Māori | 100% | |
| Te wā i te kōhanga reo te rōpū arotake | 7 Hui-tanguru 2018 | ||
| Te wā o tēnei pūrongo | 03 Paengawhāwhā, 2018 | ||
| Ngā pūrongo o mua a Te Tari Arotake Mātauranga | Arotake Mātauranga Arotake Mātauranga Arotake Mātauranga | Haratua 2016 Hakihea 2012 Mahuru 2008 | |
A supplementary evaluation is undertaken at the discretion of the Chief Review Officer of the Education Review Office (ERO).
ERO evaluates the extent and effectiveness of actions a kōhanga reo has taken towards addressing issues specified in its previous ERO evaluation and/or any additional areas identified since that evaluation.
This supplementary evaluation is based on an evaluation of the performance of the kōhanga reo governing body and management in relation to areas identified in the previous ERO report or issues identified since that evaluation. The terms of reference for this evaluation area to investigate:
Te Kōhanga Reo o Te Pūaha o Waikato is situated on Ōraeroa Marae, Port Waikato.
At the time of the previous ERO review, the kōhanga reo was staffed by two voluntary kaimahi who had limited training and experience. Whānau hui were informal and irregular. ERO also raised concerns about the management of the kōhanga reo. There were many key areas around operations and practice that required attention.
Since the previous ERO report, 2016, the whānau has appointed a kaiwhakahaere and kaiako to permanent positions. The current chairperson is committed to working with whānau to improve the management practices. The whānau is still in the very early stages of addressing the areas of concerns identified in the previous report.
Children are supported to learn te reo Māori. While children speak English most of the time, the kaiako uses sound strategies to support children’s language development. These include repetition, modelling correct language structures, providing clear instructions, questions and praise. The formal part of the day provides children with opportunities to understand language patterns associated with karakia, mihimihi and pepeha. Children are in the very early stages of understanding and using te reo Māori.
The kaiako has in place a process for planning. The planning documents outline the visions, aspirations, outcomes for children’s learning, and explanations about Ngā Taumata Whakahirahira. There is a daily timetable to guide routines. There is limited information in planning about programme content, strategies and resource requirements. The kaiako is in the early stages of learning about assessment and programme evaluation. Children’s learning will be strengthened when there are connections are made between planning, assessment and programmer evaluation. 2
A small group of dedicated whānau are establishing processes to manage the operations of their kōhanga reo. The new committee are committed to improving management practices. The charter, policies and procedures are being reviewed. However, it is important that whānau understand current legislative requirements to ensure these are reflected in policies and procedures. There is a need to establish efficient office systems for the kaiwhakahaere to fulfil administrative responsibilities. Her time is spent attending to administration matters including financial mangement and working with children. As a result, key tasks and systems are not completed in a timely or efficient way.
The whānau is not aware of their roles and responsibility to the kōhanga reo. There is no a clear induction process for new whānau. To strengthen whānau commitment, it is important that the strategic plan is completed. Currently the plan outlines the vision, goals and future priorities. However, growing whānau capacity to use te reo Māori and whānau contribution to the kaupapa of te kōhanga reo do not appear to be priorities. In order to increase whānau capability, an action plan needs to be developed to guide the implementation of the strategic plan. Children can then be assured that the future of the kōhanga reo is sustainable.
ERO identified areas of non-compliance. In order for the kōhanga reo whānau to meet compliance requirements, they need to:
ERO and the kōhanga reo whānau developed the following recommendations:
The next ERO evaluation of Te Kōhanga Reo o Te Pūaha o Waikato will be within two years.
Lynda Pura-Watson
Deputy Chief Review Officer Māori
3 April 2018
| Location | Port Waikato | ||
| Ministry of Education profile number | 25273 | ||
| Kōhanga Reo Identification Number | 03J044 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 20 children, including up to 4 aged under 2 | ||
| Kōhanga Reo roll | 7 children, including 2 aged under 2 | ||
| Gender composition | Girls 4 Boys 3 | ||
| Ethnic composition | Māori | 100% | |
| Review team on site | 7 February 2018 | ||
| Date of this report | 3 April 2018 | ||
| Most recent ERO report(s) | Education Review Education Review Education Review | May 2016 December 2012 September 2008 | |