18 A Bates Street, Papakura
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
“Ka tipu ake, ka puāwai i te reo rangatira mā ngā tamariki mokopuna ki ngā rā kei te heke mai”
E tū ana Te Kōhanga Reo o Te Maunga Kōhungahunga ki te taha o Edmund Hillary School, ki Papakura, i Tāmaki-makau-rau ki te tonga. E āta whakapiki haere ana ngā whānau i ngā tatauranga whakauru, i a rātou e kōkiri tonu ana i ngā whakahaeretanga matua. E arotahi ana ki te whakarato i ngā whai wāhitanga mō ngā mokopuna ki te toro atu ki te reo Māori, ki ngā tikanga Māori, me te whai wāhi atu hoki ki ngā tikanga ahurea.
Ka kitea ki ngā mokopuna tō rātou māramatanga ki te whanaungatanga mā te whai pūtaketanga o ngā hononga me te papai o te toro atu ki ō rātou whānau me ō rātou hoa.
E ahu mai ana te ako a ngā mokopuna i ngā uara matua o te whanaungatanga. Ka whakatauira ngā kaimahi i te aroha, te manaaki, me te tiaki i roto i ā rātou taunekeneke. Ka whakaratohia ngā whai wāhitanga mō ngā mokopuna ki te toro atu ki ngā tikanga me ngā kawa e pā ana ki te whakatau. Ka mātakitaki rātou i ngā whaikōrero, ā, ka whai wāhi mātātoa atu ki ngā waiata tautoko. Ka whakamahi ngā kaimahi i te tangongitanga o ngā rautaki e akiaki ana i ngā mokopuna ki te whakamahi i te reo Māori, tae atu ki te tautāwhi, te whāngai kupu, me te āta whakapūmau i te ako, hei poipoi i ngā mokopuna ki te kawe atu i ngā tūranga ārahi. He pai te whakapuaki ōkawa, te whakapuaki māhorahora hoki a ngā tuākana i ō rātou whakaaro, ā, he whai wāhitanga mō rātou ki te toro atu ki ngā tūmomo horopaki reo. Hei hāpai i te whakawhanaketanga reo me te whakapakari i ngā hononga ā-whakapapa, ka whai wāhi atu ngā mokopuna ki te tangongitanga o ngā waiata, ngā pātai, me te tāruarua. He tūāhuatanga ēnei e tautoko ana i ngā pūkenga reo o ngā mokopuna, ā, e whakapakari ana i tō rātou tuakiritanga. Kei te harikoa, kei te mauritau hoki ngā mokopuna i roto i ō rātou hononga ki ētahi atu, ā, ka poipoi i te tino aronga toi whenuatanga hōhonu.
He ngāwari ki ngā mokopuna te whakawhitiwhiti haere i tō rātou kōhanga reo, ā, he ngākau titikaha ō rātou ki te haereere ki ngā wāhi rāhiri o roto, o waho hoki i waihangatia ai hei hāpai i tā rātou ako. Nō nā noa nei ngā wāhi o waho i whakawhanakehia ai, ā, ka akiaki i te tūhura haere ā-rōpū, ā-tangata takitahi hoki mā ngā whai wāhitanga anō hoki mō ngā tuākana me ngā tēina ki te ako ngātahi. Ka whai pānga matua te māra kai ki te hōtaka akoranga, ā, ka whai wāhi mātātoa ngā mokopuna ki te whakatō, te tiaki, me te hauhake i te māra. Ko te mahi ā-ringa nei e whakapakari ana i tō rātou hononga ki te whenua, ā, ka whakahōhonu i tō rātou māramatanga ki te kai. Ka whakanui ngā kaimahi i ngā whakatutukitanga a ngā mokopuna puta noa i tā rātou ako, ā, ka tuitui i ngā tino hononga me te ngātahitanga o ngā uara. Kei te mauritau ngā mokopuna ki tō rātou taiao o te ao Māori.
Ka whai pānga matua te whanaungatanga ki ngā mahi a te whānau mō te whakahaere i ngā whakaritenga ki te kōhanga reo. Kei te whai hua ngā pūnaha a te whānau mō te aroturuki me te pūrongo i ngā tūāhuatanga matua o ngā whakahaeretanga. Hui ai rātou i ia te wā ki te whakawhiti kōrero mō ngā take, ā, kei te whai mōhiohio ngā meneti. Ka whakaū i ngā whakaritenga e pā ana ki te whakahaere pūtea. Kua whakahāngaitia te mahere whakahaere ā-tau ki Ngā Pou e Whā, ā, e whakatakoto ana i tētahi angamahi mārama mō ngā mahi whakahaere matua, ngā mahi i whakamaheretia ai, ngā kawenga mahi i tohaina ai, ngā rārangi wā, me te tuku rauemi, hei āta whakatau i te whai huatanga o te whakatinanatanga me te mahi ngātahi. Ko ngā kaupapa here matua me ngā tukanga matua mō te hauora, te haumaru, me ngā kaimahi e hāngai katoa ana ki ngā herenga ā-ture o te wā, hei āta whakatau i te aronga nui ki te waiora o ngā mokopuna. Whakatutukihia ai ngā akoako ohotata e ngā kaimahi i ia te wā, ā, ka āta tuhi haere, ka pupuri hoki i aua tuhinga hei āta whakatau i te noho rite kei pā mai ngā wā ohotata. E whakatakoto ana te mahere rautaki matawhānui i te tirohanga me ngā wawata o ngā whānau mō ngā mokopuna. Ka aro pū te mahere ki te reo Māori, ki te whakatinana me te poipoi i ngā whakatutukitanga, ki te whakatupu i te ārahitanga, ki te ine i te angitu, me te tautāwhi i ngā uara o te ao Māori. Ka hāngai te mahere mahi ki te māramatanga ngātahi o ngā whānau me tō rātou ngākau nuitanga hoki ki te toitūtanga mō meāke nei. Ko ngā mokopuna kei te pūtake o ngā whakataunga i whakarite ngātahitia ai e ngā whānau.
Kei te tika te whakahaere i ngā take kaimahi. Kei ngā tuhinga tūranga mahi, ko ngā kirimana takitahi, ko ngā tuhinga arowhai i manatokotia ai mō te haumaru o ngā kaimahi, me ngā tuhinga tūranga mahi. Kei te hou ngā kaimahi ki ō rātou tūranga, ā, ka hāngai pū te tukanga arotake whaiaro ki te tupu, te whakawhanaketanga o ngā pūkenga, me te whakatairanga i ngā whakaritenga. Ko te waiora o ngā mokopuna me tā rātou ako e whakatairangatia ana ki te whai huatanga o ngā mahi whakahaere a te whānau.
Me whakapakari i te whakamahere hōtaka, te aromatawai, me te aromātai. Kāhore e tino māramahia ana te āhua o te hononga o te aromātai hōtaka me te aromatawai mokopuna ki te whakamaheretanga o te hōtaka. E mōhio ana ngā kaimahi, koia nei tētahi wāhanga hei whakapai ake, ā, e tautokona ana rātou i tēnei wā e te tari ā-rohe o Te Poari Matua o Ngā Kōhanga Reo ki te whakapakari i ō rātou pūkenga me tō rātou āheinga ki te whakapuaki i tētahi hōtaka e whai hua ana mā ngā mokopuna.
He whāiti rawa te mōhiotanga o ngā kaimahi ki te Children's Act 2014. Ahakoa he kaupapa here i whakatakotohia ai mō te ārai tamariki, e tika ana kia hōhonu ake te māramatanga ki ngā tukanga. E whakatau ana Te Tari Arotake Mātauranga, e tika ana kia whai wāhi atu ngā kaimahi ki ētahi atu wānanga me ētahi atu whakangungu, kia mōhio ai, kia mārama ai rātou ki ā rātou kawenga e whakatutuki ai i ngā takohanga o te ture, ā, e aro pū ana ki te haumaru me te waiora o ngā mokopuna.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
E taunaki ana Te Tari Arotake Mātauranga kia mahi ngātahi tonu ngā whānau me ngā kaimahi ki te taha o te tari ā-rohe o Te Poari Matua o Ngā Kōhanga Reo ki te:
Tiwana Hibbs
Toka ā Nuku
Te Uepū ā-Motu – Māori Review Services
27 Haratua, 2025
| Te tūwāhi | Kei Papakura, ki Tāmaki-makau-rau ki te tonga |
| Te tau a te Tāhuhu o te Mātauranga | 25261 |
| Te tau tohu o Te Kōhanga Reo | 03I051 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 20 ngā tamariki, kia tokorima ki raro i te rua o ngā tau |
| Te tokomaha kei runga i te rārangi ingoa | Tokorima ngā tamariki, kotahi te tamaiti kei raro i te rua o ngā tau |
| Ngā hononga ā-iwi | Māori 5 |
| Te wā i te kōhanga reo te rōpū arotake | Hui-tanguru 2025 |
| Te wā o tēnei pūrongo | 27 Haratua 2025 |
| Ngā pūrongo o mua a Te Tari Arotake Mātauranga | Arotake Mātauranga, Paenga-whāwhā 2021; Arotake Mātauranga, Kohi-tātea 2017; Arotake Mātauranga, Whiringa-ā-rangi 2015 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
“Ka tipu ake, ka puāwai i te reo rangatira mā nga tamariki mokopuna ki ngā rā kei te heke mai”
Te Kōhanga Reo o Te Maunga Kōhungahunga is located next to Edmund Hilary School in Papakura, South Auckland. Whānau are gradually increasing enrolments while continuing core operations. The focus is on providing opportunities for mokopuna to engage with te reo Māori, tikanga Māori and participation in cultural practices.
Mokopuna demonstrate their understanding of whanaungatanga through meaningful connections and positive engagement with their whānau and peers.
Mokopuna learning is grounded in the core values of whanaungatanga. Kaimahi model aroha, manaaki and tiaki in their interactions. Mokopuna are provided opportunities to participate in tikanga and kawa related to whakatau. They observe the practices of whaikōrero and actively participate in waiata tautoko. Kaimahi use a range of strategies to encourage mokopuna to use te reo Māori, including providing gentle support, prompts and positive reinforcement to nurture mokopuna in taking on leadership roles. Tuākana express themselves well both formally and spontaneously, which provides opportunities to experience different types of language contexts. To support language development and strengthen connections to whakapapa, mokopuna engage in a range of waiata, questions, and repetition. These support building mokopuna language skills and strengthen their sense of identity. Mokopuna are happy and secure in their connections with others fostering a deep sense of belonging.
Mokopuna navigate their whare kōhanga reo with ease, moving confidently through inviting indoor and outdoor spaces designed to accommodate their learning. The newly developed outdoor areas encourage both group and individual exploration, providing opportunities for tuākana and teina to learn together. Maara kai is an integral part of the learning programme, where mokopuna actively engage in planting, tending and harvesting. The hands-on experience strengthens their connection to the whenua and deepens their understanding of kai. Kaimahi celebrate mokopuna achievements throughout their learning, fostering strong relationships and shared values. Mokopuna are settled in their te ao Māori environment.
Whanaungatanga is central to whānau for managing the kōhanga reo operations. The whānau have efficient systems for monitoring and reporting on key aspects of the operations. They meet regularly to discuss matters, and minutes are informative. Financial management practices are maintained. The annual management plan is structured around Nga Pou e Wha, providing a clear framework of key operational tasks, planned actions, assigned responsibilities, timeframes and resource allocation to ensure effective and collective implementation. Core health, safety and personnel policies and procedures align to current legislation to ensure mokopuna wellness is prioritised. Kaimahi undertake regular emergency drills, these are well documented and kept on file to ensure preparedness for emergencies. The comprehensive strategic plan includes the vision and aspirations whānau hold for mokopuna. The plan is dedicated to te reo Maori, implementing and nurturing achievement, growing leadership, measuring success and embracing te ao Māori values. The māhere mahi reflects the shared understanding of whānau and their commitment to sustainability for the future. Mokopuna are the centre of collective whānau decision making.
Personnel matters are managed appropriately. Employment documentation includes individual contracts, verified kaimahi safety checks and position descriptions. Kaimahi are new to their roles, and the self-review process is centered on growth, skill development and improving practice. Mokopuna wellbeing and learning are promoted through effective whānau whakahaere practices.
Programme planning, assessment and evaluation require strengthening. It is not clear how programme evaluation and mokopuna assessment are linked to programme planning. Kaimahi recognise this as an area for improvement and are currently receiving support from the Tari ā Rohe to build their capability and capacity to deliver an effective programme for mokopuna.
Kaimahi understanding of the Children’s Act 2014 is limited. While there is a policy for Child Protection in place, a more in depth understanding of the procedures is needed. ERO agree that kaimahi engage in further wānanga and training to recognise and understand their commitment in fulfilling the obligations of the act and prioritising mokopuna safety and wellbeing.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
ERO recommends that whānau and kaimahi continue to work collaboratively with the Tari ā Rohe to:
Tiwana Hibbs
Toka ā Nuku - Director
Te Uepū ā-Motu – Māori Review Services
27 May 2025
| Location | Papakura, South Auckland |
| Ministry of Education profile number | 25261 |
| Kōhanga Reo Identification Number | 01H007 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 20 children, including up to 5 aged under 2 |
| Service roll | 5 children, including up to 1 aged under 2 |
| Ethnic composition | Māori 5 |
| Review team on site | February 2025 |
| Date of this report | 27 May 2025 |
| Most recent ERO reports | Education Review, April 2021; Education Review, January 2017; Education Review, November 2015 |
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E tū ana Te Kōhanga Reo o Te Maunga Kōhungahunga ki Papakura, ki Tāmaki-makau-rau ki te tonga. E noho pūmau ana te whānau ki te whakapakari ake i ngā mōhiotanga ki te reo Māori. Ka ārahi, ka tautoko hoki te kuia i ia rā. Nō te tau 2019 te kōhanga reo i whakahoungia ake ai. E pou here ana te whanaungatanga i ngā mahi whakahaere a te whānau.
Kei te harikoa te āhua o ngā mokopuna, he mātātoa tā rātou whai wāhi atu ki ngā whai wāhitanga ako.
E hāpaitia ana te tūhura haere a ngā mokopuna i te reo Māori, mā roto mai i tētahi taiao papai. Ka rongo rātou i te reo Māori e whakapuakihia ana mā ngā huarahi ōkawa me ngā huarahi ōpaki. Ka whakamahi ngā kaimahi i te whānuitanga o ngā tūmomo rautaki pērā i te mihimihi, te patapatai, te whāngai kupu, me te waiata hei hāpai i te whakawhanaketanga o te reo o ngā mokopuna. Ka taea e ngā pēpi tō rātou māramatanga ki te reo Māori te whakaatu mā te reo ā-tinana, ā, mā te tawhai i ngā kaimahi. E whanake ana ngā mokopuna kia puāwai tō rātou reo Māori.
Ka rongo ngā mokopuna i ngā taunekeneke papai ki te taha o ētahi atu. Ka whakatauira ngā kaimahi i te awhi, te manaaki, te tautoko, me te aroha. Ka hāpai rātou i ngā pēpi ki te whai wāhi atu ki ngā tākaro, ā, ka whakanui rātou i ngā whakamātau me ngā whakatutukitanga a ngā mokopuna. Ka aro nui ngā mokopuna ki ā rātou taunekeneke ki te taha o ngā kaimahi. Ka ako ngātahi rātou hei tuakana, hei teina. Ka kitea te whakaute o ngā mokopuna ki waenga i a rātou anō, ā, ki ngā pakeke hoki. Kei te mauritau te āhua o ngā mokopuna.
E ako ana ngā mokopuna ki tētahi taiao e poipoi ana i tō rātou tuakiri. Ka mārama rātou, ā, he tika anō hoki ō rātou āhua i a rātou e whakatau manuhiri ana. Ka whakatauira ngā kaimahi me te whānau i ngā tikanga. E ako ana ngā mokopuna i tō rātou tū hei tangata whenua. He māhorahora te pupū ake o ā rātou haka me ā rātou waiata, puta noa i te rā. Ka kitea te pakari o ngā mokopuna hei ākonga.
E ako ana ngā mokopuna ki te tūhura i tō rātou taiao. Ka whakarato ngā kaimahi i ngā whai wāhitanga ako e whai pūtake ana, kia āhei ai ngā mokopuna ki te whai i ō rātou ake ngākau nuitanga, me te toro atu ki ō rātou whakaaro pohewa mā ngā huarahi auaha. He ākonga pākiki ngā mokopuna.
He mātātoa te whai wāhi a te whānau ki ngā mahi whakahaere i te kōhanga reo. He pakari te aronga rautaki o te tūtohinga mō te whakawhanaketanga o te kōhanga reo. He mārama ngā tūmanako e pā ana ki te whakatau i ngā whakaritenga, te whakahaeretanga, ngā kawenga, me ngā takohanga. Ka tū auau ngā hui ā-whānau, ā, he kaha anō hoki te taetae atu. Ka whiwhi te whānau i ngā pūrongo auau i ā rātou hui. Kua whakatakotohia ngā tuhinga e pā ana ki ngā kaimahi me ngā arohaehae. Kua āta tāutuhia ngā kaupapa here me ngā tukanga e pā ana ki te hauora me te haumaru. Ko ngā mokopuna kei te pūtake o ngā mahi whakahaere me ngā whakaritenga a te whānau.
He ōpaki te nuinga o ngā mahi aromātai hōtaka. Ko te tuhi haere i ngā aromātai hōtaka ka hāpai i ngā kaimahi ki te kapo atu i ngā whakawhitinga kōrero e tū ana i ia te wā mō ngā akoranga a ngā mokopuna.
Kāhore anō te whānau kia whakawhanake i tētahi mahere ā-tau hei ārahi i te whakatinanatanga o te tūtohinga. Ka hāpai te mahere ā-tau i te whakatutukitanga o ngā mahi whakahaere mā te huarahi e whai hua ai. Ka whai hua ngā mokopuna i te wā e āta whakahaerehia ana ngā pūnaha whakahaere.
Ahakoa kua tāutuhia e te whānau ā rātou whāinga me ō rātou wawata ki tā rātou mahere rautaki, he mea nui kia tuhi, kia aroturuki hoki te whānau i te ahu whakamua ki te whakatutuki haere i ō rātou wawata. Ka whai hua ngā mokopuna ina he pakari te aronga atu ki te aroturuki i te whai huatanga o ngā mahi ki te whakatutuki i ngā whāinga a te whānau.
I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:
Kia tutuki i a rātou ngā herenga ā-ture, me tahuri te whānau ki te:
[R46 Ture Mātauranga (Kōhungahunga) 2008; GMA8 Ngā Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
[R46 Ture Mātauranga (Kōhungahunga) 2008; HS8 Paearu Raihana mō ngā Kōhanga Reo kei raro i te maru o Te Poari Matua o Ngā Kōhanga Reo 2008]
I whakawhanakehia e Te Tari Arotake Mātauranga me te whānau te taunakitanga e whai ake nei, arā, kia:
Darcy Te Hau
Toka-ā-Nuku
Te Uepū ā-Motu - Māori Review Services
21 Paengawhāwhā, 2021
|
Te tūwāhi |
Kei Tāmaki-makau-rau |
|
|
Te tau a te Tāhuhu o te Mātauranga |
25261 |
|
|
Te tau tohu o Te Kōhanga Reo |
03I051 |
|
|
Te tūmomo whare |
He kōhanga reo |
|
|
Te raihana |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
20, kia tokorima ki raro i te rua o ngā tau |
|
|
Te tokomaha kei runga i te rārangi ingoa |
17, tokorima kei raro i te rua o ngā tau |
|
|
Te ira tangata |
Kōtiro 4 Tama 13 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Hui-tanguru 2021 |
|
|
Te wā o tēnei pūrongo |
21 Paengawhāwhā, 2021 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Tāpiri |
Kohi-tātea 2017 Whiringa-ā-rangi 2015 Paenga-whāwhā 2011 |
The Education Review Office, whānau, leaders and communities provide evaluation insights that foster improvement, identify progress and build evaluation capability.
Te Kōhanga Reo o Te Maunga Kōhungahunga is in Papakura, South Auckland. The whānau are committed to increasing capability of te reo Māori. The kuia provides guidance and support on a daily basis. In 2019 the kōhanga reo underwent renovations. Whanaungatanga underpins whānau whakahaere.
Mokopuna appear happy and actively engage in learning opportunities.
Mokopuna are supported to explore te reo Māori in a positive environment. They hear te reo Māori used around them in formal and informal ways. Kaimahi use a variety of strategies such as mihimihi, questions, prompts and waiata to support mokopuna language development. Babies are able to express their understanding of te reo Māori through body language and mimicking kaimahi. Mokopuna are developing as early speakers of te reo Māori.
Mokopuna experience positive interactions with others. Kaimahi model awhi, manaaki, tautoko and aroha. They support pēpi to participate in play and praise efforts and achievements. Mokopuna respond positively to kaimahi interactions. They learn from each other as tuakana teina. Mokopuna show respect to one another and adults. Mokopuna appear settled and content.
Mokopuna learn in an environment where their identity is nurtured. They understand and behave appropriately when welcoming manuhiri. Kaimahi and whānau role model tikanga. Mokopuna are learning about their role as tangata whenua. They spontaneously haka and waiata throughout the day. Mokopuna show they are secure learners.
Mokopuna are learning to explore their environment. Kaimahi provide meaningful learning opportunities that allow mokopuna to follow their interests and use their imagination in creative ways. Mokopuna are curious learners.
Whānau members actively participate in the management of the kōhanga reo operations. The tūtohinga provides sound strategic direction for the development of the kōhanga. There are clear expectations for decision making, management, responsibility and accountability. There are regular whānau hui that are well attended. The whānau receive regular reports at their hui. Personnel documentation and appraisals are in place. Health and safety policies and procedures clearly defined. Mokopuna are at the centre of whānau management and operations.
Programme evaluation is largely informal. Documenting programme evaluations would allow kaimahi to capture the regular discussions that take place about mokopuna learning.
Whānau have yet to develop an annual plan to guide the implementation of the tūtohinga. An annual plan would allow operational tasks to be accomplished in an efficient manner. Mokopuna benefit when effective operational systems are well managed.
While whānau have identified their goals and aspirations in their strategic plan, it’s important that whānau record and monitor progress in relation to their aspirations. Mokopuna will benefit from a sound approach to monitoring how well whānau goals are being achieved.
During the evaluation, ERO looked at systems for managing the following areas:
To meet compliance requirements, whānau must:
[R46 Education (Early Childhood Services] Regulations 2008; GMA 8 Licensing Criteria for Kōhanga Reo affiliated with Te Kōhanga Reo National Trust 2008
ERO and the kōhanga reo whānau developed the following recommendation:
Darcy Te Hau
Toka-ā-Nuku - Director
Te Uepū ā-Motu - Māori Review Services
21 April 2021
|
Location |
Kei Tāmaki-makau-rau |
|
|
Ministry of Education profile number |
25261 |
|
|
Kōhanga Reo Identification Number |
03I051 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
20 children, including up to 5 aged under 2 |
|
|
Kōhanga Reo roll |
17 children, including up to 5 aged under 2 |
|
|
Gender composition |
Girls 4 |
|
|
Ethnic composition |
Māori |
100% |
|
Review team on site |
February 2021 |
|
|
Date of this report |
21 April 2021 |
|
|
Most recent ERO report(s) |
Education Review Education Review Education Review |
January 2017 November 2015 April 2011 |
Ka whakahaeretia tētahi arotake tāpiri i runga o te whakataunga ā te Kaitiriwā Toihau Arotake Māori i Te Tari Arotake Mātauranga.
E aromātai ana te arotake tāpiri i te whānuitanga me te whai hua o ngā mahi ā te kōhanga reo ki te whakatutuki i ngā take i whakatakotohia ai i roto i te arotake mātauranga o mua atu i tēnei, me ētahi atu wāhanga rānei kua tāutuhia whai muri o taua arotake.
Ko tēnei arotake tāpiri i whakaritea i runga o te aromātai o te whakatutukitanga a te whānau i te whakahaeretanga o te kōhanga reo, ki ngā wāhanga i tāutuhia ai e te pūrongo a Te Tari Arotake Mātauranga, i mua atu, me ngā take rānei kua tāutuhia whai muri o taua arotake. Ko ngā whakataunga mō ngā whakapuakitanga e pā ana ki tēnei arotake, ko te titiro ki:
E tū ana Te Kōhanga Reo o Te Maunga Kōhungahunga ki Papakura, i Tāmaki-makau-rau ki te tonga. Kua mahi ngātahi tonu te Poari Matua o Ngā Kōhanga Reo ki te taha o te whānau, whai muri i te arotake o mua a Te Tari Arotake Mātauranga i te tau 2015, hei hāpai i te whakatutukitanga o ngā rerekētanga me ngā whakapaitanga e tika ana ki te whakahaeretanga o te kōhanga reo.
E pūrongo ana tēnei arotake i te whānuitanga o te ahu whakamua a te whānau ki te whakatutuki i aua āhuatanga.
Kīhai ngā whakaritenga ki te whakamahere i te hōtaka i āta whakawhanakehia, puta noa i te kōhanga reo. Ko te ngoikore o te whakahaeretanga a te whānau i te kōhanga reo, i te pā tōraro ki ngā akoranga a ngā tamariki. I te ngoikore ngā pūnaha whakahaere o te tari. Kīhai te tūtohinga i te mārama, i te whai hua rānei. Kīhai te nuinga o ngā kaupapa here me ngā tukanga i hāngai ai ki te rā, ā, kāhore i te rawaka te ārahitanga o ēnei hei hāpai i te hauora me te haumaru. Kīhai i te rawaka te whakahaere i ngā kaimahi. I te āwangawanga ngā wāhanga kāhore e tutuki ana, i ngā herenga ā-ture, me te haumaru ā-tinana hoki o ngā tamariki.
I tāutuhia ki te pūrongo o mua, kīhai te whakamaheretanga i te hōtaka i āta whakawhanakehia, puta noa i te kōhanga reo. He nui te whakapaitanga ake i roto i tēnei āhuatanga. Ka whai wāhi atu ngā tamariki ki te whānuitanga o ngā tūmomo wheako akoranga i āta whakamaheretia ai. Ka whai hua ngā mahere ki te ārahi i ngā whakaritenga a ngā kaimahi. Ka whakapuaki te whānau i ō rātou whakaaro ki ngā mahere. Ka whai hua ngā tamariki nā tētahi hōtaka e āta whakaritea ana, ā, e āta whakahaerehia ana hoki.
Kua pai ake te whakahaeretanga me te whai wāhi a te whānau, whai muri i te arotake o mua. Kei te mārama te whānau i te kaupapa o te kōhanga reo i ō rātou tūranga me ā rātou kawenga mahi hoki. Ka arotake te whānau i ā rātou whakahaeretanga me ā rātou whakaritenga, puta noa i ngā wāhanga katoa o te kōhanga reo. He rōpū tūao tō te whānau, ā, ka whakahaere rātou i ngā mahi tari me te whakahaeretanga o te kōhanga reo i ia rā. Kua whakaritea ngā tukanga ki te whakahaere i ngā kaimahi. Kua whakaritea ngā tuhinga e pā ana ki ngā kaimahi, ā, e hāngai ana hoki ēnei ki te wā. Kua uru katoa rātou ki ngā hōtaka whakangungu a te Poari Matua o Ngā Kōhanga Reo, ā, ka whai wāhi atu hoki rātou ki ngā tūmomo awheawhe, ngā tūmomo wānanga hoki e whakahaerehia ana e ngā kaimahi o te Poari Matua o Ngā Kōhanga Reo. Nā te whanaungatanga me ngā hononga papai, kua whakakotahi te whānau hei painga mō ā rātou tamariki. He tau te tūnga o te kōhanga reo. He harikoa ngā tamariki.
Kei te whanake tonu te reo Māori, puta noa i te kōhanga reo. Mō te nuinga o ngā tamariki, ko te reo Pākehā te reo o te kāinga. Hei whakapakari ake i te whakawhanaketanga reo o ngā tamariki, he mea nui kia rapua e te whānau ngā rautaki ka whakapakari ake i tō rātou āheinga ki te kōrero i te reo Māori.
Ko ngā wāhanga katoa kīhai i te tutuki ngā herenga ā-ture, ā, i tāutuhia ai hoki ki te pūrongo o mua, kua whakatutuki kētia i nāianei.
I whakawhanakehia e Te Tari Arotake Mātauranga me te whānau o te kōhanga reo ngā taunakitanga e whai ake nei, arā:
E tū ana Te Kōhanga Reo o Te Maunga Kōhungahunga ki Papakura, ki Tāmaki-makau-rau ki te tonga. Ka whai wāhi atu ngā tamariki ki te whānuitanga o ngā tūmomo wheako akoranga e āta whakamaheretia ana. Kua whakaritea ngā tukanga me ngā huarahi e pā ana ki te arotake whaiaro. Ka whakahaere te whānau i te kōhanga reo hei painga mō ā rātou tamariki.
Ka arotake anō Te Tari Arotake Mātauranga i Te Kōhanga Reo o Te Maunga Kōhungahunga i roto i te toru o ngā tau.
Lynda Pura-Watson
Kaiurungi Whakaturuki Arotake Māori
12 Kohitātea, 2017
|
Te tūwāhi |
Kei Papakura |
|
|
Te tau a te Tāhuhu o te Mātauranga |
25261 |
|
|
Te tau tohu o te kōhanga reo |
03I051 |
|
|
Te tūmomo whare |
He kōhanga reo |
|
|
Te raihana |
Ngā Ture Mātauranga (Ratōnga Kohungahunga 2008) |
|
|
Te tokomaha mō te raihana |
20, kia tokorima ki raro i te rua o ngā tau |
|
|
Te tokomaha kei runga i te rārangi ingoa |
13, tokorima kei raro i te rua o ngā tau |
|
|
Te ira tangata |
Kōtiro 4 Tama tāne 9 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
17 Whiringa-ā-rangi 2016 |
|
|
Te wā o tēnei pūrongo |
12 Kohitātea, 2017 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Tāpiri Arotake Mātauranga |
Whiringa-ā-rangi 2015 Paenga-whāwhā 2011 Hui-tanguru 2010 |
A supplementary review is undertaken at the discretion of the Deputy Chief Review Officer Māori in the Education Review Office (ERO).
A supplementary review evaluates the extent and effectiveness of actions a kōhanga reo has taken towards addressing issues specified in its previous ERO review and/or any additional areas identified since that review.
This supplementary review is based on an evaluation of the performance of the kōhanga reo governing body and management in relation to areas identified in the previous ERO report or issues identified since that review. The terms of reference for this review are to investigate:
planning and evaluation
areas of non-compliance
and any issues identified since the previous review.
Te Kōhanga Reo o Te Maunga Kōhungahunga is in Papakura, South Auckland. Te Kōhanga Reo National Trust (TKRNT) have continued to work with the whānau since the ERO review of 2015 to help bring about the necessary change and improvement to the kōhanga reo operations.
This review reports on the extent of the progress the whānau has made in addressing these areas.
Programme planning practices across the kōhanga reo are not well developed. Poor whānau management of the kōhanga reo has hindered children’s learning. Administration systems are poor. The charter is not clear or useful. Most policies and procedures are outdated and do not provide sufficient guidance to support health and safety. Personnel management is inadequate. Areas of non-compliance, children’s physical safety is a concern.
The previous report identified that programme planning across the kōhanga reo was not well developed. There has been a marked improvement in this area. Children participate in a variety of well-planned learning experiences. Plans effectively guide kaimahi practice. Whānau contribute their ideas to planning. Children benefit from a programme that is well organised and managed.
Whānau management and participation has improved since the last review. Whānau understand the kaupapa of the kōhanga reo and their roles and responsibilities. Whānau review their operations and practices across all areas of the kōhanga reo. A core group of whānau volunteers run the day to day administration and operational tasks of the kōhanga reo. Personnel management processes are in place. Kaimahi employee documentation is in place and current. They are all enrolled in TKNT training programmes and participate in workshops and wananga run by TKNT staff. Whānaungatanga and positive relationships has brought the whānau together to work for the betterment of their children. The kōhanga reo is in a stable position. Children are happy.
Te reo Māori is still developing across the kōhanga reo. Most children come from English speaking homes. In order to strengthen children’s language development it is important that whānau seek strategies to build their capacity to speak Māori.
All areas of non-compliance identified in the previous report have been addressed.
ERO and the kōhanga reo whānau developed the following recommendations:
New whānau to seek opportunities to learn te reo Māori
Kaimahi to complete appraisals.
Te Kōhanga Reo o Te Maunga Kōhungahunga is in Papakura, South Auckland. Children participate in a variety of well-planned learning experiences. Self-review processes and procedures are in place. The whānau manage the kōhanga reo in the interests of their children.
The next ERO review of Te Kōhanga Reo o Te Maunga Kōhungahunga will be in three years.
Lynda Pura-Watson
Deputy Chief Review Officer Māori
12 January 2017
|
Location |
Papakura |
||
|
Ministry of Education profile number |
25261 |
||
|
Kōhanga Reo Identification Number |
03I051 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
20 children, including up to 5 aged under 2 |
||
|
Kōhanga Reo roll |
13 children, including up to 5 aged under 2 |
||
|
Gender composition |
Girls 4 Boys 9 |
||
|
Ethnic composition |
Māori |
100% |
|
|
Review team on site |
17 November 2016 |
||
|
Date of this report |
12 January 2017 |
||
|
Most recent ERO report(s) |
Education Review Supplementary Review Education Review |
November 2015 April 2011 February 2010 |
|