Te Kōhanga Reo o Ngā Puāwai o Wikitoria

1 Te Horopaki

E tū ana Te Kōhanga Reo o Ngā Puāwai o Wikitōria ki Papakura, i Tāmaki-makau-rau ki te tonga. E tū ana te kōhanga reo ki tētahi hapori o ngā ahurea kanorau. E noho pūmau ana te whānau ki te whakatupu ake i ngā kaimahi rangatahi tonu, hei whakariterite i tā rātou kawe ake i ngā whakahaeretanga o te kōhanga reo me te hōtaka akoranga.

2 Ngā Whakaaturanga o te Aromātai

He pēhea rawa ngā tamariki e whakaatu i te whakaute ki ētahi atu?

Ka whakapuakihia e ngā tamariki tō rātou tino whakaute ki ngā tamariki nō iwi kē, nō ahurea kē hoki, i a rātou e mahi ngātahi ana, ā, e mahi ana hoki ki ō rātou taha.

Ngā Taumata Whakahirahira

E hāpaitia ana te ako a ngā tamariki i te reo Māori. Ka whakarato ngā kaimahi i te whānuitanga o ngā tūmomo rautaki e whakawhānui ana i ngā puna kupu a ngā tamariki. Ko ētahi o aua rautaki, ko ngā karakia o te ao tawhito me te ao hou, tae atu hoki ki ngā mihi, ki ngā pao, ki ngā mōteatea, ki ngā whakataukī, ki ngā waiata. Ka whakarato anō hoki ngā kaimahi i ngā whai wāhitanga mō ngā tamariki ki te uru atu ki te whānuitanga o ngā tūmomo whakawhitinga kōrero. Ka kōkiri ngā tamariki tuākana i ngā whakawhitinga kōrero, ā, ka patapatai mā ngā rerenga kōrero whānui. Ka aro nui, ka rata hoki ngā pēpi ki ngā pātai. Ka whakamahi rātou i te kupu kotahi, i te reo ā-tinana, ā, i ō rātou kanohi hei whakaatu i tō rātou māramatanga. Ka rongo ngā tamariki i ētahi atu reo e kōrerohia ana, pērā i te reo Māori Kuki Airani, me ngā reo o Hāmoa, o Tonga, o Niue, o Whitināma. Ka whakaaro nui ngā tamariki ki te reo Māori me ngā reo anō hoki o ētahi atu.

E whanake ana ngā tamariki i ngā hononga pakari, whakaute hoki ki ētahi atu, pērā ki ō rātou hoa, ngā kuia, ngā koroua, ngā mātua, me ngā kaimahi. Mihi ai rātou ki a rātou anō, ki ētahi atu hoki i ia te wā, tae atu hoki ki ngā manuhiri. Ka whakatauira ngā kaimahi i tō rātou noho whakaute ki ngā tamariki, ā, ki waenga hoki i a rātou anō. He pakari tā rātou ārahitanga, puta noa i te hōtaka. Ka kite ngā tamariki i taua tūāhuatanga, ā, ka tū māia anō hoki rātou ki te kawe ake i ngā wā ārahi e pupū ai. E mōhio ana ngā tamariki tuākana ki te āhua o tō rātou tū hei tuākana mō ō rātou tēina. Ka whakamahara ngā kaimahi i ngā tamariki kia whakaaro nuitia ngā pēpi i ngā wā e noho ngātahi ana rātou. He tau te āhua o ngā tamariki hei ākonga.

Ka whai wāhi atu ngā tamariki ki ngā akoranga e hāpai ana i a rātou ki te whakahono ā-whakapapa ki ētahi atu. Ka whakatairanga ngā kaimahi i te ako ā-iwi, kia āhei ai ngā tamariki ki te ako i ō rātou ake iwi me ngā iwi, ngā waka anō hoki o ētahi atu, mā ngā kōrero tuku iho me ngā waiata. Ka whai wāhi atu ngā tamariki ki ngā taumahi a te katoa, me ngā kaupapa ā-hapori hoki, mā reira rātou ako ai i ngā tāngata taketake o te Moana-nui-a-Kiwa. E ākina ana te whakapuaki a ngā tamariki i ō rātou tātai hononga me ō rātou tūrangawaewae. He nui tā rātou whai wāhi atu ki te taha o ō rātou hoa, ā, ka mōhio haere rātou ki ngā whakapapa o ētahi atu. Kei te mārama haere ngā tamariki i tō rātou whai wāhi atu ki te ao whānui me ōna tū ahurea kanorau.

He mātātoa te whai wāhi atu o ngā tamariki ki tō rātou taiao ako, ā, he pakari anō hoki tā rātou tūhura haere. Ka whakangahau rātou i a rātou e whakamahi ngātahi ana i ngā rauemi ki te wāhi o waho. Kei taua wāhi tonu tētahi ngahere māoriori i whakatupuria ai, tētahi wharenui, me tētahi papa tākaro i āraingia ai. Ka akiaki ngā kaimahi i te whakaaro takitahi me te whakamātau a te tamaiti i a ia anō. Ka whakapuaki rātou i te hangarau hei akiaki i te taha whakatewhatewha me te hīraurau hopanga. Ka whai wāhi atu ngā tamariki ki ngā akoranga mō ngā wā roroa. Ka hihiri ake anō rātou ki ngā akoranga i tō rātou āheinga ki te whiriwhiri me te kōkiri i ngā akoranga e ngākau nuitia ana e rātou. He harikoakoa te āhua o ngā pēpi i a rātou e whai wāhi atu ana ki te hōtaka akoranga. Ka ngākau nui ake rātou ki te taunekeneke me te whai wāhi atu ki te taha o ō rātou hoa me ngā kaimahi. He mauritau ngā tamariki ki ā rātou akoranga.

Te Whakamahere me te Aromātai

He tukanga ā ngā kaimahi me te whānau mō te whakamahere, te aromatawai, me te aromātai i te hōtaka. Ka akiaki rātou i te whai wāhi mai o ngā mātua ki ngā mahi ki te whakamahere i te hōtaka me ngā taumahi. Ka whakamahi rātou i te angamahi o Te Whāriki a Te Kōhanga Reo. He pai te whakaritenga o ngā mahere matawhānui e āta whai kiko ana. Ka arotahi ngā mahere ki ngā hononga ā-whakapapa ō ngā tamariki. Ka āta aro nui anō hoki ki ngā wheako ako e hāngai pū ana ki te ao Māori me te ao whānui. He mārama ngā aromatawai e pā ana ki ngā akoranga a ngā tamariki, ā, he pai anō hoki te aroturukitanga o aua aromatawai. Ka whakamōhio i ngā kaimahi me ngā mātua, ki tēnā e ākona ana e ngā tamariki, me tā rātou ahu whakamua i ia te wā. Ka whai hua ngā tamariki nā tētahi hōtaka i āta whakaritea ai, nā te aroturuki anō hoki i ia te wā i tā rātou ahu whakamua.

Ko ngā mahi whakahaere a te whānau e pou here ana i te ako a ngā tamariki me tō rātou waiora. Nō nā tata tonu nei te kōhanga reo i whakatū ai i tētahi kaiwhakahaere hou e noho ngākau nui ana ki te ako tonu. Ka whakanuia ia e te whānau mō tōna āheinga ki te whakapai ake i ngā tukanga whakahaere tari me ngā pūnaha whakahaere anō hoki o te kōhanga reo. Kua oti i te whānau tā rātou mahere rautaki, ā, kua whakahāngaitia ki tā rātou tirohanga kia whakamanahia te reo, te kaupapa o te kōhanga reo, ngā mokopuna, me te whānau. Ka aroturukitia, ka pūrongotia hoki ngā whāinga me ngā kaupapa matua ki ngā hui ā-whānau. Kua whakaritea ngā rēhita herenga ā-ture, ā, he rawaka tonu mō tēnei wā hei ārahi i ngā whakaritenga e pā ana ki te hauora me te haumaru. E whakaaro nuitia ana te ako a ngā tamariki ki tō rātou taiao.

Ngā Whakaritenga Matua ka Whai Ake

Me titiro ki te aromātai o roto. Me whakapakari ake i te aromātai hōtaka. Kua tae ki te wā kia hāpai te whānau i ngā kaimahi ki te whakarite i te tukanga ka āta whakapūmau i te whakapai tonutanga o te hōtaka akoranga. Ko te whakahaeretanga o te tari, me ngā putu, ngā tuhinga mauhanga hoki – tae atu ki ngā tuhinga tūranga mahi, te tūtohinga, ngā kaupapa here me ngā tukanga e pā ana ki te hauora me te haumaru – ka whai hua katoa mā te arotake tonutanga i ia te wā.

3 Te Whakatau a te Whānau ki ngā Wāhanga Tautukunga

I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:

• te haumaru whatumanawa (tāpiri atu ko te ārahi mauritau, ko te ārai tamariki)
• te haumaru ā-tinana (tāpiri atu ko te mātakitaki tamariki; ko ngā whakaritenga whakamoe; ko ngā aituā; ko te whāngai rongoā; ko ngā whakaritenga akuaku; ko ngā kaupapa here me ngā tikanga haerenga whakawaho)
• te tū tika o ngā kaimahi (tae atu ki ngā taumata tohu mātauranga; te arowhai a ngā pirihimana; ngā rēhitatanga kaiako; me te tatauranga ki waenga i te kaiako me te tamaiti)
• ngā whakaritenga, tikanga hōneatanga e pā ana ki te ahi me te rū whenua.

Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.

4 Te Taunakitanga

I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:

• whakapakarihia ngā tukanga e pā ana ki te aromātai o roto.

Hei ā hea Te Tari Arotake Mātauranga aromātai anō ai i te kōhanga reo?

Ka aromātai anō Te Tari Arotake Mātauranga i Te Kōhanga Reo o Ngā Puāwai o Wikitōria i roto i te toru o ngā tau.

Lynda Pura-Watson

Kaiurungi Whakaturuki Arotake Māori

16 Whiringa ā-rangi, 2018

Ngā kōrero e pā ana ki te kōhanga reo

Te tūwāhi	Kei Papakura, ki Tāmaki-makau-rau ki te tonga
Te tau a te Tāhuhu o te Mātauranga	25161
Te tau tohu o Te Kōhanga Reo	03I012
Te tūmomo raihana	He kōhanga reo
Kua raihanatia ki te ture	Ngā Ture Mātauranga (Ratonga Kōhungahunga) 2008
Te tokomaha mō te raihana	35, kia tokowaru ki raro i te rua o ngā tau
Te tokomaha kei te rārangi ingoa	18, kotahi te tamaiti kei raro i te rua o ngā tau
Te ira tangata	Kōtiro 12 Tama 6
Ngā hononga ā-iwi	Māori Whitināma	17 1
Te wā i te kōhanga reo te rōpū arotake	26 - 27 Mahuru 2018
Te wā o tēnei pūrongo	16 Whiringa ā-rangi, 2018
Ngā pūrongo o mua a Te Tari Arotake Mātauranga	Arotake Mātauranga Arotake Mātauranga Arotake Mātauranga	Pipiri 2015 Whiringa-ā-nuku 2012 Paenga-whāwhā 2009

1 Context

Te Kōhanga Reo o Ngā Puāwai o Wikitōria is located in Papakura, South Auckland. The kōhanga reo is based in a community that is culturally diverse. The whānau are committed to growing younger kaimahi in preparation for them to manage the kōhanga reo operations and the learning programme.

2 The Evaluation Findings

How well do children show respect for others?

Children show genuine respect for children from other iwi and cultures as they work with and alongside them.

Ngā Taumata Whakahirahira

Children are supported to learn te reo Māori. Kaimahi provide a variety of strategies to extend children’s vocabulary. These include karakia, both ancient and modern, mihi, pao, mōteatea, whakataukī and waiata. Kaimahi also provide opportunities for children to engage in a range of conversations. The older children initiate conversations and ask questions using extended sentences. Babies respond to questions in an open and friendly manner. They use single kupu, body language and facial expressions to show their understanding. Children hear other languages spoken such as Cook Islands Māori, Samoan, Tongan, Niue and Vietnamese. Children show respect for te reo Māori as well as the languages of others.

Children are developing strong and respectful relationships with others. This includes their peers, kuia, koroua, mātua and kaimahi. They mihi constantly to each other and to others including manuhiri. Kaimahi model respect for the children and each other. They provide strong leadership throughout the programme. Children observe this and are confident to take leadership roles as the opportunities present themselves. The older children are aware of their role as tuākana to their tēina. Kaimahi remind the children to be mindful of the babies during their time together. Children appear to be secure as learners.

Children experience learning where they are able to make whakapapa connections with others. Kaimahi promote iwi based learning where children are able to learn about their own and other children’s iwi and waka through stories and waiata. Children participate in shared activities and local events where they learn about other indigenous peoples from the Pacific. Children are encouraged to express who they are and where they come from. They participate willingly with their peers and become familiar with other whakapapa. Children are coming to know how they fit in the wider world of different cultures.

Children actively engage and confidently explore their learning environment. They have fun sharing resources in the outdoor area. This space includes a developed native bush area, wharenui and covered playground. Kaimahi encourage independent thinking and risk taking. They introduce technology to encourage investigation and problem solving. Children are engaged for long periods of time. Their interest level rises as they are free to choose and initiate learning that is of interest to them. Babies happily engage in the learning programme. They are more interested to interact and be involved with their peers and kaimahi. Children are settled in their learning.

Planning and Evaluation

Kaimahi and whānau have processes in place for planning, assessment and programme evaluation. They encourage parents’ participation in programme and activity planning. They use the kōhanga reo Te Whāriki framework. Planning is well organised, comprehensive and detailed. Planning focuses on whakapapa links to children. It also concentrates on learning experiences that centre on both te ao Māori and the wider world. Assessments of children’s learning are clear and well monitored. These inform kaimahi and parents of what children are learning and their ongoing progress. Children benefit by a programme that is well organised and their progress regularly monitored.

Whānau management underpins children’s learning and well-being. The kōhanga reo has recently employed a new kaiwhakahaere who is open to learning. He is valued by the whānau for his ability to improve the kōhanga administration processes and management systems. Whānau have completed their strateglc plan which aligns with their vision for empowerment of te reo, the kaupapa of kōhanga reo, mokopuna and whānau. Goals and priorities are monitored and reported to whānau hui. Compliance registers are in place and sufficiently guide health and safety practices for the time being. Children learn in an environment where their learning is a priority.

Key Next Steps

Internal evaluation needs attention. Programme evaluation requires strengthening. It is time for whānau to support kaimahi to establish a process to ensure that ongoing improvements are made to the learning programme. Administration, filing and record keeping, including employment documents, the tūtohinga, health and safety policies and procedures would benefit from ongoing review.

3 Whānau Management Assurance on Compliance Areas

During the evaluation, ERO looked at the kōhanga reo systems for managing the following areas that have a potentially high impact on children's wellbeing:

• emotional safety (including positive guidance and child protection)
• physical safety (including supervision; sleep procedures; accidents; medication; hygiene; excursion policies and procedures)
• suitable staffing (including qualification levels; police vetting; teacher registration; ratios)
• evacuation procedures and practices for fire and earthquake.

All kōhanga reo are required to promote children's health and safety and to regularly review their compliance with legal requirements.

4 Recommendation

ERO and the Kōhanga Reo whānau developed the following recommendations which are that:

• Internal evaluation processes be strengthened.

When is ERO likely to evaluate the kōhanga reo again?

The next ERO evaluation of Te Kōhanga Reo o Ngā Puāwai o Wikitōria will be in three years.

Lynda Pura-Watson

Deputy Chief Review Officer Māori

16 November 2018

Information about the Kōhanga Reo

Location	Papakura, South Auckland
Ministry of Education profile number	25161
Kōhanga Reo Identification Number	03I012
Licence type	Te Kōhanga Reo
Licensed under	Education (Early Childhood Services) Regulations 2008
Number licensed for	35 children, including up to 8 aged under 2
Kōhanga Reo roll	18 children, including up to 1 aged under 2
Gender composition	Girls 12 Boys 6
Ethnic composition	Māori Vietnamese		17 1
Review team on site	26 - 27 September 2018
Date of this report	16 November 2018
Most recent ERO report(s)	Education Review Education Review Education Review	June 2015 October 2012 April 2009