17 Killington Crescent, Mangere, Auckland
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā whānau, ngā hapū, me ngā iwi.
Ko Te Kōhanga Reo o Mātaatua ki Māngere tētahi o ngā kōhanga reo tuatahi o roto i te takiwā o Manukau. Ko ngā whānau me ngā mema o te komiti nō nā noa nei i whakatūngia ai, e arahina ana e te tautōhito me ngā mātauranga o ō rātou kaiako matua. Ko tō te whānau wawata kia rumakina ngā mokopuna ki te reo Māori, ki ngā tikanga Māori, me ngā whakapapa. E noho ngākau nui ana rātou ki te whakapakari i te reo, i a rātou e ako ana ki te taha o ngā mokopuna.
Ka whakapuaki ngā mokopuna i tō rātou tuakiri me te aronga toi whenuatanga ki tō rātou kōhanga reo mā ā rātou taunekeneke ki ētahi atu.
E rumakina ana ngā mokopuna ki te tangongitanga o ngā wheako ako e poipoi ana i te reo me ngā tikanga Māori. He mātau ngā kaimahi ki te kōrero i te reo, ā, ka whakamahi hoki i ngā tūmomo rautaki e whakatō ai i ngā pūkenga reo hou. Ko ētahi o aua rautaki, ko te whāngai kupu, te patapatai, te tāruarua, me ngā mahi tautoko e whai wāhi katoa ai ki te whakatairanga ake a ngā mokopuna i tō rātou māramatanga me tā rātou whakamahinga i te reo Māori. He ngākau titikaha ō ngā tuākana ki te whakahua ake i ngā kīanga māmā, me te whakapuaki i ō rātou whakaaro, ā, e tīmata ana ngā pēpi ki te whakapuaki i tō rātou māramatanga mā ngā tūmomo oro. He pai ngā mokopuna tuākana ki te ārahi i ngā wāhanga ōkawa o te hōtaka akoranga, pērā i ngā karakia, ngā hīmene, ngā waiata, ngā mihimihi, me ngā pepeha, ā, ka whakatauira rātou i aua tikanga i ō rātou tēina. Whai muri i ngā mihimihi, ka ākina te tautoko o ngā mokopuna i ō rātou hoa mā ngā waiata tautoko. Ka ngākau nui ngā mokopuna ki te tangongitanga o ngā waiata pāhekoheko e hāngai ana ki ngā kaupapa ako. I ngā wā katoa ka whakamihi, ka whakanui hoki ngā kaimahi i ngā mokopuna, ā, he tūāhuatanga tēnā e hāpai ana i te whanaketanga o ō rātou ngākau titikaha mō rātou anō, me ō rātou manawa whakahī. E whanake ana te ngākau titikaha o ngā mokopuna i roto i te reo me ngā tikanga Māori.
Kei te whai wāhi mātātoa ngā mokopuna ki ngā akoranga e poipoi ana i te tū takitahi me te tupu. E whakapuaki ana te kuia i te āio me te mārie, nā tōna aronga e whakatau ana, e whakamana ana hoki, ā, ka whakatinana hoki ngā kaimahi i ngā uara o te aroha, te manaakitanga, me te kaitiakitanga. He tūāhuatanga tēnei e whakatairanga ana i ngā hononga whai pūtake ki waenga i ngā tuākana me ngā tēina, i a rātou e whakatinana ana hoki i aua uara e whakatauira ana ki a rātou. E tupu ana te mōhiotanga o ngā mokopuna ki ō rātou pūkenga, i a rātou e ako ana i ngā ariā hou me ngā whakaaro hou. Ka aro nui ngā kaimahi ki ngā matea me ngā ngākau nuitanga o ngā mokopuna, ā, koia nei te tūāpapa o te hōtaka akoranga urutau e aro nui ana ki ngā mokopuna, ā, e poipoi ana hoki i tō rātou pākiki. I ngā mokopuna e tūhura ana i tō rātou kōhanga reo, ka kitea tō rātou harikoakoa me tā rātou whai wāhi nui. Kua taunga ki a rātou te āhua o tō rātou taiao me ngā mahinga, ā, he tūāhuatanga tēnā ka whakapakari anō hoki i tō rātou aronga toi whenuatanga. Ka whakarato i te tangongitanga o ngā rauemi mō roto, mō waho hoki i te whare, ā, ka whakatairanga anō hoki i ngā whakaaro pohewa, i te tūhura, me te whakahura. Ka hāngai pū ngā akoranga ōkawa ki ngā kaupapa ako i whakamaheretia ai, ā, ka whakawhānuihia ngā whakaaro o ngā mokopuna mā ngā rautaki mō te āta patapatai. Ka ngākau nui ngā mokopuna ki te hoki anō ki ngā akoranga o mua, me te whakaatu i ō rātou mōhiotanga mā te ngākau titikaha me te manawa whakahī. E whakawhanake ana ngā mokopuna i te tino aronga whaiaro me tō rātou tūnga anō hoki ki tō rātou kōhanga reo.
Ko te whakamahere, te aromatawai, me te aromātai hōtaka, he whakaritenga ngātahi i whakatōpūngia ai. He kuia tautōhito nui ngā kaiako matua kua roa nei e whai wāhi atu ana ki te kōhanga reo, ā, ka ārahi rātou i te whakatinanatanga o Te Whāriki a Te Kōhanga Reo. Ka whakamōhiotia ngā mahere ki ngā kaupeka o te tau, ki ngā atua Māori, ā, ki ngā tūāhuatanga anō hoki ka puta i te tau, i ngā wāhanga, i ngā marama, i ia rā hoki. Ka whakatakoto nahanaha i aua tūāhuatanga ki ngā kaupapa whānui, ngā kaupapa whāiti, me ētahi atu wheako ako, ā, ka āta whakaraupapa i ngā whāinga me ngā putanga. Ka whakarato ngā kaimahi i ngā rauemi e hāpai ana i te ako a ngā mokopuna ki ngā kāinga. Kua āta tuhia te ahu whakamua me ngā paetae a ngā mokopuna ki ngā pūkete me ngā mātai mokopuna a ia tamaiti. Ka whakawhiti kōrero ā-waha, ā-tuhi hoki i ia te wā hei whakatakoto i ngā tino tirohanga, ā, hei poipoi hoki i te whakawhirinakitanga me te mahi ngātahi a te whānau. E tūhura ana ngā kaimahi i ngā pae ā-ipurangi ka whakatairanga ake anō i tā rātou tuhi haere i ngā huarahi ako o ngā mokopuna. Ka whakamahi i te tangongitanga o ngā huarahi ki te aromātai i te hōtaka akoranga, tae atu ki ngā hui o ia wiki me ngā whakaaro huritao o ia marama. Ka whakatairangatia te ako a ngā mokopuna mā ngā mahi whakamahere, ngā mahi aromatawai, me ngā whakaritenga aromātai e whai pūtake ana.
He pai te whakawhanake haere i ngā mahi whakahaere a te whānau. Kei te hou tonu ngā whānau, ā, e whakawhanake ana i tō rātou māramatanga ki ō rātou tūranga me ā rātou kawenga mahi ki te whakahaere i te kōhanga reo. He mema mātātoa rātou, ā, ka whai wāhi atu mā ngā hui o ia marama, ka tautoko hei whānau awhi, ka tae atu ki ngā haerenga, ā, ka āwhina hoki ki te tiaki i ngā rawa. E kōkiri ana ngā hui ā-whānau o ia marama i te aronga pū o ngā whakawhitinga kōrero me te whakatau ngātahi i ngā whakaritenga. Ka hāngai ngā pūrongo auau ki te hauora me te haumaru, ki ngā pūtea, ki ngā mahi i te tari, me te ako a ngā mokopuna. E whakaaweawetia ana te mahere rautaki ki Te Ara Tūāpae, ā, ka whakaraupapa i ngā kaupapa matua o te paetawhiti i whakahāngaitia ai ki ngā tūmanako matua. Kua whakatakotohia te tūtohinga, ā, ka whai kiko ngā mōhiohio o roto mō ngā mahi whakahaere i te kōhanga reo, mō ngā pūtaketanga, me ngā tikanga whakaaro. Nō nā noa nei ngā kaupapa here me ngā tukanga i arotakengia ai, kia hāngai ai ki ngā herenga ā-ture o te wā, tae atu hoki ki te Children's Act 2014. Ka whakaū i ngā rēhita e pā ana ki te hauora me te haumaru, kei te matawhānui ngā tuhinga mō te whakahaere i ngā tūāhuatanga whakamōrearea, ā, ka aro pū ki te haumaru o ngā mokopuna i te kōhanga reo, ki tua atu hoki, tae atu hoki ki ngā haerenga. Ko ngā tukanga whakahaere kaimahi e āta whakatau ana i te whiwhinga a ngā kaimahi katoa i ngā tuhinga mahi o te wā, tae atu hoki ki ngā tuhinga arowhai haumaru. E hāngai ana ngā arohaehae kaimahi ki te wā, ka tautuhi i ngā whāinga ngaio me ngā wāhanga whakawhanaketanga. Ka whai hua ngā mokopuna nā te tōpūtanga o ngā tukanga whakahaere a te whānau.
I tēnei wā, kāhore he mahere ā-tau ōkawa. Kua tae ki te wā kia whakawhanakehia e te whānau tētahi mahere ā-tau hei āta whakatau i te whakamaheretanga me te aroturukitanga o ngā mahi matua i te tari. Ka whai hua ngā mokopuna i te papai o ngā pūnaha whakahaere, pūnaha aroturuki hoki ka ārahi i te whakatutukitanga o ngā mahi whakahaere.
Kāhore anō kia oti te whakamahere rautaki. Ahakoa he whāinga, he wawata hoki ō te whānau mō te kōhanga reo mō meāke nei, kāhore he mahere e hāpai ai i te whakatutukitanga o aua whāinga. Kua tae ki te wā kia whakaritea e te whānau tētahi mahere mahi e āta whakatau ai i te whakatutukitanga o aua whāinga i roto i te wā e tika ana.
Kua tōmuri te whakahaere i ngā akoako hōneatanga ohotata. Me āta whakatau te whānau i te whakatutukitanga me te whakatakotoranga ā-tuhi hoki o ngā akoako ohotata i ia toru marama, pūputu ake noa rānei, mō te ahi, te rū whenua, te tai āniwhaniwha, me te aukatinga. Kei te whakamōrearea i te noho haumaru o ngā mokopuna i roto i ngā wā ohotata.
Me whakaōkawa i te tahua pūtea ā-tau. Ahakoa ka whiwhi te whānau i ngā pūrongo pūtea i ia te wā, ahakoa he pai hoki te whakahaeretanga o ngā pūtea, kāhore he tahua pūtea ā-tau. E ākina ana te toro atu a te whānau ki te tautoko mō te whakatutukitanga i tēnei tūāhuatanga. Ka whakatūturuhia te rōnakitanga mō ngā mokopuna me ngā whānau i te wā e whakamaheretia ana ngā pūtea.
Me whai i ētahi atu whakangungu e pā ana ki te Children's Act 2014. E whakatau tahi ana te whānau me Te Tari Arotake Mātauranga, ka hāpai ētahi atu whakangungu i te māramatanga o ngā kaimahi me te whānau ki ō rātou tūranga me te whai pānga o taua ture ki ā rātou mahi. Ka whai hua te uru atu ki ētahi atu wānanga me ētahi atu whakangungu. Ka pai ake te whakatairanga i te haumaru me te waiora o ngā mokopuna i te wā ka hāngai pū te titiro a te whānau me ngā kaimahi ki te whakangungu tonu.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
Hei whakatutuki i ngā herenga ā-ture, me tahuri te whānau ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia whakamahi tonu te whānau i ngā tukanga arotake whaiaro ki te whakapūmau i te whakapai tonutanga o ngā mahi whakahaere i te kōhanga reo.
Rita Walker
Toka ā Nuku (Whakakapi)
Te Uepū ā-Motu
24 Hakihea, 2024
| Te tūwāhi | Māngere |
| Te tau a te Tāhuhu o te Mātauranga | 25136 |
| Te tau tohu o Te Kōhanga Reo | 03G003 |
| Te tūmomo whare | Te Kōhanga Reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 50 ngā tamariki, kia tekau ki raro i te rua o ngā tau |
| Te tokomaha kei runga i te rārangi ingoa | 11 ngā tamariki, tokoono kei raro i te rua o ngā tau |
| Ngā hononga ā-iwi | Māori 11 |
| Te wā i te kōhanga reo te rōpū arotake | Whiringa-ā-rangi 2024 |
| Te wā o tēnei pūrongo | 24 Hakihea, 2024 |
| Ngā pūrongo o mua a Te Tari Arotake Mātauranga | Arotake Mātauranga, Pipiri 2021, Arotake Mātauranga, Hakihea 2017; Arotake Mātauranga, Whiringa-ā-rangi 2014 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO’s reports provide important information for whānau, hapū and iwi.
Te Kōhanga Reo o Mataatua ki Mangere is one of the first kōhanga reo established in the Manukau region. Whānau and newly appointed committee members are guided by their experienced, knowledgeable kaiako matua. Whānau aspire for mokopuna to be immersed in te reo Māori, tikanga Māori and whakapapa. They are committed to strengthening te reo as they learn alongside mokopuna.
Mokopuna express who they are and show they belong in their kōhanga reo through their engagements with others.
Mokopuna are immersed in a variety of learning experiences that fosters te reo and tikanga Māori. Kaimahi are competent speakers, utilising various strategies to embed new language skills. These include strategies such as prompts, questioning, repetition and supportive practices which help mokopuna enhance their understanding and use of te reo Māori. Tuākana confidently communicate simple phrases and express their ideas, while pēpi are beginning to articulate their understanding through sounds. Older mokopuna lead formal elements of the learning programmes well, including karakia, himene, waiata, mihimihi, and pepeha which they role model for their tēina. Following mihimihi, mokopuna are encouraged to support their peers with waiata tautoko. Mokopuna enjoy various interactive waiata related to kaupapa ako. Kaimahi consistently acknowledge and praise mokopuna which contributes to their self-confidence and pride. Mokopuna are developing confidence in te reo and tikanga Māori.
Mokopuna are actively engaged in learning that nurtures independence and growth. The kuia creates a serene and calm atmosphere by her settling, accepting approach and kaimahi practice the values of aroha, manaakitanga and kaitiakitanga. This promotes meaningful relationships between tuākana and teina as they copy the values modelled to them. Mokopuna are growing an awareness of their capabilities as they learn new concepts and ideas. Attentive kaimahi are attuned to the needs and interests of mokopuna and this forms the basis of an adaptable, responsive learning programme that caters to mokopuna curiosity. As mokopuna explore their kōhanga reo, they exhibit happiness and engagement. They are familiar with their environment and routines, contributing to an elevated sense of belonging. They are provided a range of resources for both indoor and outdoor that promotes imagination, exploration and discovery. Formal learning intentionally links to planned kaupapa ako, and mokopuna thinking is extended through deliberate questioning techniques. Mokopuna take pleasure in revisiting past learning, allowing them to demonstrate their knowledge with confidence and pride. Mokopuna are cultivating a strong sense of self and their place within their kōhanga reo.
Planning, assessment and programme evaluation are cohesive, collective practises. The kaiako matua are respected kuia with years of experience in the kōhanga reo who guides the implementation of Te Whāriki a Te Kōhanga Reo. Planning is informed by the seasons, atua Māori and reflects yearly, termly, monthly and daily aspects. This is systematically broken down into kaupapa whānui, kaupapa whāiti and additional learning experiences with clear outlines of whāinga and outcomes. Kaimahi provide resources to support mokopuna learning at home. Mokopuna progress and achievements are well documented through individual portfolios and mātai mokopuna. Regular verbal and written communication provide valuable insights and fosters trust and collaboration for whānau. Kaimahi are exploring online platforms to further enhance their documentation of mokopuna learning journeys. Various methods are employed for evaluating the learning programme, including weekly hui and monthly reflections. Mokopuna learning is enhanced through purposeful planning, assessment and evaluation practices.
Whānau whakahaere is developing well. Whānau are fairly new and are developing their understanding of their roles and responsibilities in managing the kōhanga reo. They are proactive members and engage through monthly hui, contribute as whānau āwhi, attend haerenga and assist with maintenance. Monthly whānau hui facilitates focussed discussions and collaborative decision making. Regular reporting covers health and safety, financials, administration and mokopuna learning. The strategic plan is influenced by Te Ara Tūāpae and outlines long-term priorities aligned to core objectives. The tūtohinga is in place, detailing operational information for kōhanga reo, their origins and philosophy. Policies and procedures have recently been reviewed to align with current legislation, including the Children’s Act 2014. Health and safety registers are maintained, and comprehensive risk management documentation prioritises mokopuna safety both inside and outside the kōhanga reo including haerenga. Personnel management processes ensure that all kaimahi have current employment documentation, including safety checks. Kaimahi appraisals are up to date, identifying professional goals and development areas. Mokopuna benefit from collaborative whānau whakahaere processes.
There is currently no formal annual plan. It is time for whānau to develop and annual plan to ensure key administrative tasks are planned for and monitored. Mokopuna benefit from effective management and monitoring systems to guide completion of operational tasks.
Strategic planning is incomplete. Although whānau have goals and aspirations for the future of the kōhanga reo, there is no clear plan to support the achievement of these goals. It is timely for whānau to establish an action plan to ensure that these goals are accomplished in a timely manner.
Emergency evacuation drills are overdue. Whānau must ensure that emergency drills including fire, earthquake, tsunami and lockdown are carried out and documented at least once every three months. Mokopuna safety in an emergency is compromised.
An annual budget needs to be formalised. While whānau receive regular financial reporting and manage finances well, there is no annual budget. Whānau are encouraged to seek support to complete this. Mokopuna and whānau sustainability are assured when finances are planned for.
Further training on the Children’s Act 2014 is needed. Both whānau and ERO agree that additional training will support kaimahi and whānau in understanding their roles and the impact of this legislation on their mahi. Further wānanga and training would be beneficial. Mokopuna safety and wellbeing are better promoted when further training is prioritised by whānau and kaimahi.
During the evaluation, ERO looked at the kōhanga reo systems for managing the following areas that have a potentially high impact on children’s wellbeing:
All kōhanga reo are required to promote children’s health and safety and to regularly review their compliance with legal requirements.
To meet compliance requirements they must:
ERO and the Kōhanga reo whānau recommend that whānau continue to use self-review processes to sustain ongoing improvements to kōhanga reo operations.
Rita Walker
Toka ā Nuku – Acting Director
Te Uepū ā-Motu – Māori Review Services
24 December 2024
| Location | Mangere |
| Ministry of Education profile number | 25136 |
| Kōhanga Reo Identification Number | 03G003 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 50 children, including up to 10 aged under 2 |
| Service roll | 11 children, including up to 6 aged under 2 |
| Ethnic composition | Māori 11 |
| Review team on site | November 2024 |
| Date of this report | 24 December 2024 |
| Most recent ERO report(s) | Education Review, June 2021; Education Review, December 2017; Education Review, November 2014 |
Kua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E tū ana Te Kōhanga Reo o Mātaatua ki Māngere, ki te taha o te marae o Mātaatua i te hapori o Māngere, i Tāmaki-makau-rau ki te tonga. Nō ngā iwi me ngā hapū o Mātaatua waka te nuinga o ngā whānau. He manu pīrere tonu o tēnei kōhanga reo ētahi o ngā mema, ngā pakeke o te whānau, ā, kua roa nei ētahi e whai wāhi atu ana ki tēnei kōhanga reo.
Kei te mōhio ngā mokopuna ki ō rātou tuakiri, ā, he pai tā rātou whakawhanaunga ki ētahi atu.
E rumakina ana ngā mokopuna ki ngā akoranga e pā ana ki ō rātou hononga ā-iwi. Ka āta whakarite ngā kaimahi i te ū a ngā mokopuna ki ngā tikanga me ngā kawa a ō rātou iwi, i roto i ā rātou mahi o ia rā. Mā tā rātou taetae atu ki te marae, ka kitea e ngā mokopuna ngā kaumātua me ngā kuia e tū ana hei pou o te marae. E ākina ana te tū o te mokopuna ki te whakapuaki i tōna pepeha, hei wāhanga tonu o ngā whakaritenga o ia ata. Ka whakapuakihia ngā karakia, ngā mihimihi, me ngā waiata kia āta mōhio ai ngā mokopuna ki aua āhuatanga, ā, kia riterite anō hoki ngā tikanga o ia rā. E whai māramatanga ana ngā mokopuna ki a rātou anō, ā, ki ō rātou tūrangawaewae hoki.
E ako ana ngā mokopuna ki tētahi taiao e poipoi ana i a rātou. Ka whai wāhi atu ngā kaimahi ki te whakatau haere i ngā mokopuna i a rātou e taetae mai ana ki te kōhanga reo. Kei te tino mōhio rātou ki ia mokopuna, ā, ka aro nui hoki ki ō rātou matea. Ka whakarite ngā kaimahi i ngā rauemi kia whai wāhi nui ai ngā mokopuna ki ngā akoranga. He whānui ngā tūmomo whai wāhitanga mō ngā mokopuna ki te ako i tō rātou taiao māoriori. E hono pū ana te aronga o ngā akoranga ki te whenua me te moana i ngā wā katoa. Ka whai wāhi atu te whānau ki te hōtaka mā ngā kōrero me ngā waiata o tō rātou takiwā. He tau ngā mokopuna ki te whakawhanaunga tahi me te ako tahi ki te taha o ō rātou hoa me ngā pakeke. Kei te harikoa, kei te mauritau hoki te āhua o ngā mokopuna hei ākonga.
Kāhore e tino māramahia ana ngā hononga ki waenga i te whakamahere hōtaka, i te aromatawai i ngā mokopuna, ā, i ngā aromātai hōtaka hoki. He uaua ki te āta kite, e pēhea nei te whai pānga o ngā whakaaro huritao o ngā kaimahi ki ngā whakapaitanga i te hōtaka. Kāhore ngā mahi aromatawai e āta tāutu ana i te ako me te ahu whakamua a ngā mokopuna. He mea nui kia whakarato te whānau i te tautoko ki ngā kaimahi, hei hāpai i a rātou ki te whakarite i tētahi pūnaha mō te whakamahere, te aromatawai, me te aromātai.
Kua tae ki te wā kia whakatakotohia e te whānau tētahi tūāpapa kaha ake, mō te whakahaeretanga o ngā whakaritenga ki te kōhanga reo. Me whakarite i tētahi tukanga aromātai o roto hei āta whakatau i te aroturuki auau o ngā whakahaeretanga. E kawe ngātahi ana ngā mema o te whānau i te tūranga o te kaiwhakahaere. Nā taua tūāhuatanga, he maha tonu ngā wāhanga hei tirohanga ake. Ahakoa he mahere rautaki, kāhore he mahere mahi e aroturuki ana i te ahu whakamua o ngā whakawhanaketanga o te paetawhiti. I te mea kāhore i te kōhanga reo tētahi mahere ā-tau, he uaua ki te whakatutuki i ngā mahi matua i roto i te wā e tika ana. Kāhore i te tino kaha te pūrongo i ngā akoranga a ngā mokopuna. Ko tētahi mahi matua hei whai atu, ko te arotakenga o te tūtohinga, inarā i ngā kaupapa here me ngā tukanga e pā ana ki te hauora me te haumaru. Me arotake i te whakahaeretanga o ngā kaimahi, tae atu ki te arohaehae i a rātou. Kāhore ngā arohaehae e aro nui ana ki te whakapai ake i te kounga o ngā whakaritenga a ngā kaimahi. E taunaki ana Te Tari Arotake Mātauranga kia whakatinanahia e te whānau tētahi pūnaha mō te whakahaeretanga o ngā whakaritenga i te kōhanga reo. Kāhore e taea te ako a ngā mokopuna, tō rātou waiora hoki te whakatau mārika, ki te kore ngā mahi matua me ngā kawenga mahi e whakatutukihia ana.
I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:
Kia tutuki i a rātou ngā herenga ā-ture, me tahuri te whānau ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Darcy Te Hau
Toka-ā-Nuku
Te Uepū ā-Motu - Māori Review Services
23 Pipiri, 2021
|
Te tūwāhi |
Kei Māngere |
|
|
Te tau a te Tāhuhu o te Mātauranga |
25136 |
|
|
Te tau tohu o Te Kōhanga Reo |
03G003 |
|
|
Te tūmomo whare |
He kōhanga reo |
|
|
Te raihana |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
50, kia tekau ki raro i te rua o ngā tau |
|
|
Te tokomaha kei runga i te rārangi ingoa |
10, tokorua kei raro i te rua o ngā tau |
|
|
Te ira tangata |
Kōtiro 6 Tama 4 |
|
|
Ngā hononga ā-iwi |
Māori |
10 |
|
Te wā i te kōhanga reo te rōpū arotake |
Paenga-whāwhā 2021 |
|
|
Te wā o tēnei pūrongo |
23 Pipiri 2021 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Tāpiri Arotake Mātauranga |
Hakihea 2017 Whiringa-ā-rangi 2014 Pipiri 2012 |
The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.
Te Kōhanga Reo o Mātaatua ki Māngere is located beside Te Marae o Mātaatua Marae in Māngere, South Auckland. Many of the whānau belong to the iwi and hapū of the Mātaatua waka. The current whānau includes long standing members and adults who attended kōhanga reo as children.
Mokopuna know who they are and relate positively with others.
Mokopuna are immersed in learning about their iwi connections. Kaimahi ensure mokopuna adhere to the tikanga and kawa of the iwi in everyday practices. Their visits to the marae allow them to observe kaumatua and kuia in their roles as ‘Pou’ of the marae. Mokopuna are encouraged to stand and share their pepeha as part of the morning routines. Karakia, mihimihi and waiata are used to ensure the mokopuna experience familiarity and consistency. Mokopuna are developing an understanding of who they are and where they are from.
Mokopuna learn in a supportive environment. Kaimahi help mokopuna to settle on arrival. They know each mokopuna well and are responsive to their needs. Kaimahi prepare resources to engage mokopuna in learning. Mokopuna have a range of opportunities to learn about their natural environment. The focus of learning are consistently linked to the whenua and moana. Whānau contribute to the programme with local stories and waiata. Mokopuna comfortably interact and learn alongside their peers and adults. Mokopuna appear to be happy and settled learners.
It is timely for whānau to create a more solid foundation for managing the kōhanga reo operations. An internal evaluation process should be established to ensure that operations are monitored regularly. As a result, there are several areas that require attention.
The links between programme planning, mokopuna assessment and programme evaluations are not clear. It is difficult to gauge how kaimahi reflections lead to programme improvement. Assessment practices do not clearly identify mokopuna learning and progress. It is important that whānau provide support for kaimahi to establish a system of planning, assessment and evaluation.
While there is a strategic plan in place for the future development of the kōhanga reo, there is no action plan to ensure the outcomes are monitored and reported. Mokopuna benefit when their future needs are considered.
Whānau do not have an annual plan. It’s time to establish an annual plan to ensure key administration tasks are completed in a timely manner.
Health and safety policies and procedures have not been ratified. It’s important that these align to current legislation. Whānau and kaimahi do not fully understand how this influences what happens in kōhanga reo. Mokopuna health and wellbeing cannot be guaranteed.
Personnel management requires reviewing including the appraisal of kaimahi. Appraisals are not focused on the improvement of quality practice by kaimahi.
During the evaluation, ERO looked at systems for managing the following areas:
To meet compliance requirements, they must:
ERO and the kōhanga reo whānau developed the following recommendation:
Darcy Te Hau
Toka-ā-Nuku - Director
Te Uepū ā-Motu - Māori Review Services
23 June 2021
| Te Kōhanga Reo | Te Kōhanga Reo o Mataatua ki Mangere | |
|
Location |
Māngere |
|
|
Ministry of Education profile number |
25136 |
|
|
Kōhanga Reo Identification Number |
03G003 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
50 children, including up to 10 aged under 2 |
|
|
Kōhanga Reo roll |
10 children, including up to 2 aged under 2 |
|
|
Gender composition |
Girls 6 Boys 4 |
|
|
Ethnic composition |
Māori |
10 |
|
Review team on site |
April 2021 |
|
|
Date of this report |
23 June 2021 |
|
|
Most recent ERO report(s) |
Education Review Supplementary Review Education Review |
December 2017 November 2014 June 2012 |
E tū ana Te Kōhanga Reo o Mātaatua ki Māngere ki te taha o te marae o Mātaatua, ki te tāone o Māngere, i Tāmaki-makau-rau ki te tonga. He tokomaha o te whānau nō ngā iwi me ngā hapū o te waka o Mātaatua. Kua roa nei ētahi o te whānau e whai wāhi nui ana ki te kōhanga reo, ā, ko ētahi hoki o rātou i haere ai ki te kōhanga reo i a rātou e tamariki ana. He wāteatea te taiao o te kōhanga reo, ā, e āta tiakina ana hoki.
E tino poipoia ana ngā tamariki kia mōhio ai rātou ki a rātou anō, ki ō rātou tūrangawaewae hoki.
Ka ako ngā tamariki i te whānau, te hapū, me te iwi. He tokomaha ngā tamariki nō ngā iwi o te rohe o Mātaatua. Ka hāpai ngā kaimahi i ngā tamariki ki te ako i ō rātou tuakiri mā ō rātou pepeha me ō rātou whakapapa. Ka kōrero ngā pākeke ki ngā tamariki mō ō rātou tātai whakapapa me ō rātou hononga whenua. Haereere ai ngā tamariki i ia te wā ki te marae o te hapori nei, ki te whai wāhi atu ki te whānuitanga o ngā tūmomo huihuinga, kaupapa hoki. E mōhio ana ngā tamariki ki ngā kawa me ngā tikanga o te marae. Ka taea e ngā tamariki te whakapuaki kōrero mō ō rātou whakapapa me ō rātou tūrangawaewae.
Ka rongo ngā tamariki i te aroha me te manaaki i roto i ngā tino taunekeneke e whai pūtake ana ki te taha o ētahi atu. Ko te whanaungatanga te tūāpapa o ngā taunekeneke papai me ngā tino hononga ki waenga i ngā tamariki me te whānau. Ka whakatairanga ngā kaimahi i ngā uaratanga o te manaaki, te aroha, me te tiaki. Ka kitea tēnei nā te mārie me te mauritau o te kōhanga reo. He pai ngā tamariki ki te mahi takitahi me te mahi takirōpū. Kua āta whakawhanakehia te hononga ki waenga i te tuakana me te teina, ā, he pakari ngā tuākana ki te tautoko i ō rātou tēina. He tau, he harikoa, he māia hoki ngā tamariki hei ākonga.
E ako ana ngā tamariki i te reo Māori mā ngā horopaki ako whānui e whai pūtake ana. He pai te whakatairanga i te reo Māori, ā, ka whakamahia hoki ngā rautaki, pērā i te patapatai, te akiaki, me te whakatauira. Rongo ai ngā tamariki i te reo Māori e kōrerohia ana, puta noa i te rā. Ka whakapūmau ngā kaimahi i te whai wāhi māoriori mai o te reo Māori ki ngā tini āhuatanga katoa o ia rā. He whakaongaonga, he ngahau hoki ngā wheako reo i whakamaheretia ai, me ērā anō hoki ka pupū ake. E whakawhanake ana te ngākau titikaha o ngā tamariki ki te kōrero i te reo Māori.
E tino mōhio ana ngā tamariki ki te taiao o te kōhanga reo. He mā, he wāteatea hoki te taiao ako, ā, he pai te whakatakotoranga me te tiaki hoki. He māmā noa ki ngā tamariki te whakapā atu ki te whānuitanga o ngā tūmomo rauemi o roto, o waho hoki i te kōhanga reo. Kua āta whakatakotohia e ngā kaimahi te tino āhua me ngā tūmanako e hiahiatia ana mō ngā taumahi o roto, o waho. E mōhio ana ngā tamariki ki ngā mahinga o ia rā ki tō rātou kōhanga reo. He pakari te tūhura haere o ngā tamariki i tō rātou taiao.
Ko te whakawhanaketanga o ngā tamariki, ko tā rātou ako anō hoki e noho matua ana. Ka arotake ngā kaimahi i ngā taumahi me ngā whakaritenga, hei tātari i tēnā i whai hua ai, ā, i ngā āhuatanga anō hoki hei whakapai ake. Kei roto i ngā mahere, ko ērā o ia rā me ngā mahere ā-wiki, ā-wāhanga, ā-tau hoki, hei ārahi i ngā kaimahi, ā, hei whakahāngai anō hoki i te hōtaka kia whai pūtake ai. E hāngai ana ngā mahere ki Ngā Taumata Whakahirahira me Ngā Āhuatanga. Ka āta tīpakohia ngā taumahi ako hei whakaongaonga, hei whakawero, hei whakawhānui anō hoki i ngā hinengaro o ngā tamariki. Ka ngākau nui ngā tamariki ki te ako.
Ka aroturukitia te ahu whakamua me ngā whakatutukitanga o ngā tamariki. He pai ngā mōhiohio e whakatakotohia ana, mō te huarahi ako o ia tamaiti, me tāna eke angitu, āna whakatutukitanga anō hoki i roto i te roanga o te wā. E wātea ana ki ngā whānau ngā pūkete e pā ana ki ā rātou tamariki, ā, he whakaaturanga hoki o roto e pā ana ki tā rātou ako. E tino hāpaitia ana te ako me te whakawhanaketanga o te katoa o te tamaiti.
Ka ārahi te aromātai o roto i ngā whakahaeretanga o te kōhanga reo. He riterite te whakatakoto haere me ngā mahi pūrongo, puta noa i te kōhanga reo, ā, ka whai mōhiohio, ka whai kiko anō hoki ngā meneti o ngā hui. Arotakengia ai i ia te wā, ko te tūtohinga me ngā kaupapa here, ngā tukanga hoki, kia hāngai ai ēnei ki ngā herenga ā-ture o te wā, ā, hei hāpai hoki i te whānau ki te whakatau i ngā whakaritenga mā ngā mōhiohio. Ko ētahi o ngā kaupapa matua a te whānau, ko te whakapiki ake i te tatauranga o ngā tamariki ki te kōhanga reo, ko te whakawhānui ake i ngā hononga ki te marae, ko te whakapakari ake i te āheinga reo Māori o te whānau, me te whakapūmau hoki i ngā hononga ā-whakapapa ki Mātaatua.
He pai te whakahaeretanga i te kōhanga reo. Ka ū ngā pūnaha whakahaere matua ki te taumata teitei, kia kounga ai ngā wheako akoranga, te atawhai, me te whakaaro nui ki ngā tamariki. Ka whai wāhi atu te whānau ki ngā take i te kōhanga reo, tae atu ki te whakahaeretanga me te hōtaka mā ngā tamariki i ia rā. Ka whakamahia te whānuitanga o ngā tūmomo rautaki whakawhitiwhiti reo kia noho mōhio ai te whānau ki ngā kaupapa i te kōhanga reo. E tino tautokona ana te whakawhanake o ngā tamariki kia noho ngākau titikaha, kia whai wāhi nui hoki rātou ki te whānau.
Kia whakamahi tonu te whānau i te aromātai o roto, kia aro nui tonu ai rātou ki ngā matea o ngā tamariki.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Mātaatua ki Māngere i roto i te toru o ngā tau.
Lynda Pura-Watson
Kaiurungi Whakaturuki Arotake Māori
12 Hakihea, 2017
|
Te tūwāhi |
Kei Mangere, ki Tāmaki-makau-rau ki te tonga |
|
|
Te tau a te Tāhuhu o te Mātauranga |
25136 |
|
|
Te tau tohu o Te Kōhanga Reo |
03G003 |
|
|
Te tūmomo raihana |
He Kōhanga Reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
50, kia tekau ki raro i te rua o ngā tau |
|
|
Te tokomaha kei te rārangi ingoa |
15, tokotoru kei raro i te rua o ngā tau |
|
|
Te ira tangata |
Kōtiro 5 Tama 10 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Whiringa-ā-nuku 2017 |
|
|
Te wā o tēnei pūrongo |
12 Hakihea, 2017 |
|
|
Ngā pūrongo o mua a Te Tari Arotake Mātauranga |
Arotake Tāpiri Arotake Mātauranga Arotake Tāpiri |
Whiringa-ā-rangi 2014 Pipiri 2012 Whiringa-ā-nuku 2008 |
Te Kōhanga Reo o Mātaatua ki Māngere is next to Mātaatua Marae in Māngere, South Auckland. Many of the whānau belong to the iwi and hapū of the Mātaatua waka. The current whānau includes long standing members and adults who also attended kōhanga reo as children. The kōhanga reo environment is spacious and well maintained.
Children are well supported to know who they are and where they are from.
Children learn about whānau, hapū and iwi. Many of the children belong to iwi in the Mātaatua tribal area. Kaimahi support children to learn about their identity through pepeha and whakapapa. Adults talk with children about who they are and where they are from. Children often visit the local marae for a range of events and activities. Children are familiar with the kawa and tikanga of the local marae. Children can talk about who they are and where they are from.
Children experience loving, caring and meaningful interactions with others. Whanaungatanga is the foundation for positive interactions and relationships amongst children and whānau. Kaimahi promote the values of manaaki, aroha and tiaki. This is evident in the calm and settled atmosphere of the kōhanga reo. Children work well on their own and with others. Tuakana-teina relationships are well developed as tuākana confidently support their tēina. Children are settled, happy and confident learners.
Children learn te reo Māori in meaningful and varied contexts of learning. Te reo Māori is well promoted and strategies include questioning, prompting and modelling. Children hear te reo Māori spoken throughout the day. Kaimahi reinforce te reo Māori as an everyday language. Planned and spontaneous language experiences are stimulating and fun. Children are developing confidence as speakers of te reo Māori.
Children know the kōhanga reo environment well. The learning environment is clean, tidy, spacious and well maintained. Children have easy access to a variety of resources both inside and outside the kōhanga reo. Kaimahi provide clear boundaries and expectations for indoor and outdoor activities. Children know the daily routines in their kōhanga reo. Children explore their environment with confidence.
Children’s development and learning is a priority. Kaimahi review activities and practice to determine how well they work and what can be improved. Planning includes daily, weekly, term and annual plans to guide kaimahi and ensure the programme is focussed and purposeful. Planning is based on Ngā Taumata Whakahirahira and Ngā Ahuatanga. Learning activities are carefully selected to stimulate, challenge and extend children. Children enjoy learning.
Children’s progress and achievement is monitored. There is good information kept about each child’s learning journey, their success and achievements over time. Whānau have access to their child’s profile which includes evidence about their learning. Children’s holistic learning and development is well supported.
Internal evaluation guides kōhanga reo operations. Recording and reporting across the kōhanga reo is consistent, and meeting minutes are informative and detailed. The charter including policies and procedures is regularly reviewed to align to current regulations and to support the whānau to make informed decisions. Priorities for the whānau include increasing the number of children attending the kōhanga reo, extending relationships with the local marae, building te reo Māori capacity within the whānau, and reinforcing whakapapa connections to Mātaatua.
The kōhanga reo is well managed. Key management systems are upheld to a high standard, so that children receive quality learning experiences, care and attention. Whānau participate in kōhanga reo matters, including operations and the daily programme for children. A range of communication strategies is used to keep whānau informed about kōhanga reo events. Children are well supported to develop as confident and connected members of the whānau.
The whānau continue to use internal evaluation to continue to respond to the needs of children.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO and the Kōhanga Reo whānau developed the following recommendation:
That the whānau continue to review and identify aspects of kōhanga reo that improve the quality of children’s learning experiences.
The next ERO evaluation of Te Kōhanga Reo o Mātaatua ki Māngere will be in three years.
Lynda Pura-Watson
Deputy Chief Review Officer Māori
12 December 2017
|
Location |
Māngere, South Auckland |
||
|
Ministry of Education profile number |
25136 |
||
|
Kōhanga Reo Identification Number |
03G003 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
50 children, including up to 10 aged under 2 |
||
|
Kōhanga Reo roll |
15 children, including up to 3 aged under 2 |
||
|
Gender composition |
Girls 5 Boys 10 |
||
|
Ethnic composition |
Māori |
100% |
|
|
Review team on site |
October 2017 |
||
|
Date of this report |
12 December 2017 |
||
|
Most recent ERO report(s) |
Supplementary Review Education Review Supplementary Review |
November 2014 June 2012 October 2008 |
|