TKKM o Otepoti

Education institution number:
2351
School type:
Composite
School gender:
Co-Educational
Definition:
Kura Kaupapa Maori
Total roll:
51
Telephone:
Address:

378 Main South Road, Fairfield, Dunedin

View on map

Te Kura Kaupapa Māori o Otepoti - 27/11/2020

Te Pūtake

Ka whai whakaaro te tukanga arotake a Te Tari Arotake Mātauranga ki te horopaki, te āhua o ngā mahi, me te āheinga arotake whaiaro hoki o ia kura. Ka tītore Te Tari Arotake Mātauranga i ngā kura kei te pēhia e te uauatanga, i ngā kura kei te pakari, ā, i ngā kura kua tino whanakehia te taha arotake whaiaro. Kua waihangatia ngā arotake o Te Pupuketanga hei hāpai i ngā kura me whai atu i te tautoko tonutanga e whakahāngaitia ai. Ka hāngai ēnei tūmomo arotake ki te whakaratonga a Te Tari Arotake Mātauranga i te aromātai e haere tonu ana, i te roanga o te kotahi tau ki te rua tau, ā, i taua wā e whai ana te kura ki te whakapakari i te whānuitanga o āna mahi, me te whakapakari i tōna āheinga arotake whaiaro.

E tāutu ana tēnei pūrongo arotake o Te Pupuketanga i te whakamāramatanga me te horopaki o te kura mō tēnei arotake. Ka whakarato hoki te pūrongo i te aromātai e pā ana ki te whai huatanga o te kura ki te whakatutuki i ngā wāhanga i tāutuhia ai hei arotake, hei whanake hoki, me te kounga o āna whakaritenga, āna pūnaha hei rōnaki i āna mahi, me te whai tonu kia pakari ake ēnei.

Ngā Whakaaturanga

E noho ngākau nui ana te whānau me te poari ki te whakarato ki ngā ākonga, ko te mātauranga e pou herea ana ki Te Aho Matua. E arotahi ana te whānau ki te waihanga i tētahi taiao ako e poipoi ana i te ākonga, ā, ki te whakatairanga ake hoki i ngā painga mō ngā ākonga. 

1 Ko ngā Whakamāramatanga me te Horopaki

E whakarato ana Te Kura Kaupapa Māori o Ōtepoti i te mātauranga ki ngā ākonga o ngā tau 1 ki te 11. Koia nei anake te kura o Te Aho Matua e tū ana ki Ōtepoti. Mai i te tau 2015, kua pā ki te whānau whakahaere ngā tino take nui i roto i te ārahitanga, te noho pūmau o ngā ākonga, ngā kaiako, me te whānau, tae atu ki te ahu whakamua me ngā whakatutukitanga o ngā ākonga.

Kua tono atu te poari ki Te Tāhuhu o te Mātauranga, kia tīni te tūnga o te kura, kia āhei ai hoki ki te whakapuaki i te mātauranga o te wharekura.

2 Te Whanaketanga

He pēhea rawa ngā whai wāhitanga mō ngā ākonga ki te ako mā roto mai i tētahi taiao papai?

E arotahi ana te poari, te whānau, me te tumuaki ki te whakarato i te kounga o ngā whai wāhitanga ako me te atawhai i āta whakahāngaitia ai hoki ki ngā mātāpono o Te Aho Matua.

Ngā Wāhanga o Te Aho Matua

Te Ira Tangata

Ka kitea ki ngā ākonga tō rātou whakaute, tō rātou whai whakaaro nui ki ō rātou hoa, ā, ki ētahi atu hoki. E whakapūmau ana te whānau, te tumuaki, me ngā kaiako i ngā uara o te kura me Te Aho Matua, ā, ka whakatauira hoki rātou i aua whakaritenga mā ngā ākonga. E tino māramahia ana ngā tūmanako o te kura, ā, e akiaki ana ēnei i ngā ākonga ki te taunekeneke me te whakatauira anō hoki ki waenga i a rātou, ērā o ngā uara e hāngai ana ki te noho tahi o te tuakana me te teina. E ākina ana te tautoko o ngā tuākana i ngā tēina i ngā wā o te hōtaka akoranga e tika ana, ā, i te ārahitanga hoki o ngā kaupapa ā-kura i ngā huihuinga ōkawa. E poipoia ana ngā ākonga, kia tautoko tētahi i tētahi mā te tauutuutu tonu o te whakawhanaungatanga.

Te Reo

He ngākau titikaha ō ngā ākonga ki te whakapuaki i ō rātou ake whakaaro mā te reo Māori. Ka whakarato ngā kaiako i te whānuitanga o ngā tūmomo taumahi ako ki ngā ākonga, hei whakawhanake, hei whakawhānui hoki i ō rātou reo. Ka whai wāhi mai ētahi o ngā whānau hei kaiāwhina, ā, ka hāpai rātou i ngā hōtaka akoranga. Kei te harikoa te āhua o ngā ākonga ki te whakawhitiwhiti kōrero mā te reo Māori.

He akoranga reo ā te whānau, mō rātou katoa e ako ana i te reo Māori. Ka whai wāhi atu ngā kaiako me ngā ākonga ki te whakariterite me te whakapuaki i aua akoranga mā te whānau. He mārama te aronga ki te whakapakari ake i te āheinga o ngā whānau ki te whakamahi i te reo Māori.

Āhuatanga Ako

Ko tētahi aronga ā-kura, ko te whai wāhi atu a ngā ākonga ki te ako. E mahi ngātahi ana te tumuaki me ngā kaiako ki te whakamahere i ngā hōtaka, te whakapakari ake i ngā mahi aromatawai, me te aroturuki i te ahu whakamua o ngā ākonga, me ā rātou paetae. Ka tātari ngā kaiako i ngā hōtuku hei whakatinana i ngā hōtaka ā-akomanga e whakatutuki ai i ngā matea ake o ia ākonga. Ko tētahi aronga matua o ngā kaiako, ko te whakatutuki i tangongitanga o ngā matea ako o ngā ākonga.

Te mātauranga o te wharekura

Ka kitea te ngākau nui o ngā ākonga ki ō rātou whai wāhitanga ako. Ka whai wāhi atu rātou ki ngā hōtaka e pā ana ki te reo matatini, te pāngarau, te pūtaiao, tae atu hoki ki ngā akoranga taiao, ngā mahi a te rēhia, me ngā toi. Ko te whakapuaki i aua hōtaka mā ngā wānanga me ngā hui ki te taha o ētahi atu kura o Te Aho Matua i Te Waipounamu, e whakatairanga ake ana anō i ngā whai wāhitanga mō ngā ākonga.

Kua whakatakotohia te marau hei poipoi i ngā ngākau nuitanga o ngā ākonga, me ngā huarahi hoki ka whāia e rātou ā meāke nei. Kua waihangatia e te tumuaki tētahi mahere rautaki e kīia nei ko, ‘Ngā Ara e Rua’, ā, e arotahi ana tēnei ki ngā matea reo matatini, matea pāngarau hoki o ngā ākonga o te Tau 9 me te Tau 10. Ka whai wāhi nui ngā ākonga ki ngā akoranga e pā ana ki Te Taumata Mātauranga ā-Motu kua Taea. E āhei ana hoki ngā ākonga o te Tau 11 ki te uru atu ki ngā kaupapa akoranga i Te Wānanga o Raukawa. Ka taea hoki e ngā ākonga ētahi atu huarahi mātauranga matua te whai atu, ina e whakaaro nuitia ana e rātou ngā mahi ā-rehe hei huarahi umanga ā tōna wā. E aro pūmau ana te kura tuakana ki te hāpai i tēnei huarahi ako, ā, ka ārahi hoki i te whakatutukitanga o Te Taumata Mātauranga ā-Motu kua Taea, me te whānuitanga tonu o ngā whai wāhitanga kei te anga arataki a Te Mana Tohu Mātauranga o Aotearoa.

Te ārahitanga me te whakahaeretanga

Nō te tau 2019 te tumuaki i whakatūngia ai, ā, i taua wā he maha hoki ngā take nui o mua hei tirohanga wawe māna. Mai i tōna whai wāhi atu ki te tūranga o te tumuaki, kua mahi ngātahi ia ki te taha o ngā kaiako, te poari, me te whānau, ki te whakatakoto haere i ngā pūnaha e whakapai ai i ngā whakaritenga, puta noa i te kura. Kua hono atu te tumuaki ki ngā umanga mātauranga me ngā umanga hapori. He hua nui kua puta i aua hononga.

Ka ārahi ngā mahere rautaki i ngā whakataunga a te whānau. Ahakoa kua tae ki te wā kia arotakengia te mahere rautaki, kei te whakatutuki tonu te whānau me te poari i ngā whāinga o te kura mō te whakapai tonutanga. Kua whakatakotohia ngā pūnaha e pā ana ki ngā rawa, ngā kaimahi, me te whakahaeretanga o ngā pūtea. Kua aro nui te poari ki ngā tohutohu o waho mō te whakapaitanga ake o ngā kaupapa here me ngā whakaritenga e pā ana ki te kāwana o te kura. E whai kiko ana ngā pūrongo, ā, ka whakatutukihia i ia te wā, he matawhānui hoki.

Kua tono atu te whānau ki te whakarerekē i te tūnga o te kura, kia āhei ai rātou ki te whakapuaki i te mātauranga o te wharekura. Kua whai rātou i ngā tukanga, ā, kua riro hoki i a rātou te tautoko o tō rātou kura tuakana, o ngā tumuaki o te hapori tonu, me ngā umanga mātauranga hoki o Ōtepoti. Tāpiri atu ki tēnei, e noho ngākau nui ana te kura tuakana ki te tautoko tonu, me te ārahi tonu.

Te kāwanatanga / Te whakahaere a te whānau

Ko te ako a ngā ākonga, ko tō rātou waiora hoki tētahi aronga nui a te poari me te whānau. Kua āta mahi ngātahi te poari ki te whānau me te tumuaki, hei hāpai i ngā whakawhanaketanga puta noa i te kura. He mātātoa te whai wāhi atu a te whānau, te poari, me ngā kaiako ki ngā wānanga e pā ana ki Te Aho Matua, hei āta whakapūmau i aua whakaritenga ki ngā whakahaeretanga me te kāwanatanga hoki o te kura. Kua whai wāhi atu aua wānanga ki te whakapiki ake i ō rātou mōhiotanga me ō rātou māramatanga ki ā rātou kawenga, kia whai wāhi atu ai rātou ki ngā whakataunga e hāpai ana i ngā putanga ki ngā ākonga. Kua toro atu hoki ki ētahi atu tūmomo huarahi e tautoko ana i te whānau, te poari, me te tumuaki ki te whakapakari i te kāwanatanga, mā ō rātou hononga tonu ki ngā umanga mātauranga o te hapori.

Te Rūnanga Nui o Ngā Kura Kaupapa Māori o Aotearoa

Kua whai wāhi atu Te Rūnanga Nui o Ngā Kura Kaupapa Māori o Aotearoa me ngā Kura Kaupapa Māori o Te Waipounamu ki te hāpai i ngā whakapaitanga. Kua whakatū rātou i ētahi wānanga e pā ana ki Te Aho Matua, hei whakapiki ake i te mōhio me te whai māramatanga o te whānau ki ngā huarahi e whakatinana ai taua tikanga whakaaro. He mātātoa te whai wāhi atu a te tumuaki ki Te Rūnanga Nui o Ngā Kura Kaupapa Māori o Aotearoa, ā, he hōhonu hoki ōna māramatanga ki ngā mātāpono o Te Aho Matua i roto i te kura.

Ngā Whakaritenga ka whai ake

  • Whakapūmautia te hōtaka o te whakawhanaketanga ngaio, hei whakapai ake i ngā whakaritenga e hāpai ana, e whakatairanga ana hoki i te waiora o ngā ākonga me ā rātou whakatutukitanga
  • Whakamahia te aromātai o roto hei whakapūmau i ngā whakapaitanga, ā, hei whakatinana hoki i ngā mahere mō te rōnaki tonutanga ki te paetawhiti.

3 Te Whakatau a te Whānau ki ngā Wāhanga Tautukunga

I mua o te arotake i whakatutukitia e te whānau me te tumuaki te Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ō rātou herenga ā-ture e pā ana ki:

  • ngā whakahaerenga ā te poari
  • te marautanga
  • ngā whakahaerenga e pā ana ki te hauora, te haumaru me te oranga tinana
  • ngā whakahaerenga e pā ana ki ngā kaimahi
  • ngā whakahaerenga pūtea
  • ngā whakahaerenga e pā ana ki ngā rawa.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito);
  • te haumaru ā-tinana o ngā ākonga;
  • te rēhitatanga o ngā kaiako;
  • ngā tukanga mō te whakatū kaimahi;
  • te whakaunu, te aukati, te pana me te whakarerenga;
  • te tae ā-tinana atu o ngā ākonga ki te kura.

4 Ngā Taunakitanga

E taunaki ana Te Tari Arotake Mātauranga, kia tahuri te poari me te whānau ki te:

  • whakarato i te tautoko tonutanga ki te tumuaki, kia whakatutukihia e ia āna kawenga ngaio hei kaiārahi o te marau, hei mātanga ako hoki i te akomanga
  • kōkiri tonu i te ahu whakamua o ngā kaupapa matua a te kura, me te whakamahi i te aromātai o roto ki te whakapai ake i ngā putanga ki ngā ākonga.

Te Whakarāpopototanga

E noho ngākau nui ana te whānau me te poari ki te whakarato ki ngā ākonga, ko te mātauranga e pou herea ana ki Te Aho Matua. E arotahi ana te whānau ki te waihanga i tētahi taiao ako e poipoi ana i te ākonga, ā, ki te whakatairanga ake hoki i ngā painga mō ngā ākonga.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Ōtepoti i roto i ngā tau e toru, arā, mā Te Rākeitanga.

Darcy Te Hau

Toka ā-nuku

27 Whiringa ā-rangi, 2020

Ngā kōrero e pā ana ki te kura

Te tūwāhi

Ōtepoti

Te tau a te Tāhuhu o te Mātauranga

2351

Te tūmomo kura

He kura tuatahi

Te tokomaha o ngā ākonga o te kura

46

Te ira tangata

Kōtiro 22

Tama 24

Ngā hononga ā-iwi

Māori

100%

Ngā āhuatanga motuhake

Te Aho Matua

Te wā i te kura te rōpū arotake

Mahuru 2020

Te wā o tēnei pūrongo

27 Whiringa ā-rangi, 2020

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Hakihea 2018

Pipiri 2015

Purpose

ERO’s review process considers each kura context, performance and self-review capacity. ERO differentiates between kura that are having difficulties, kura that are performing well, and kura that are high performing and have well-developed internal evaluation. Te Pūpuketanga reviews support kura that require focused ongoing support. These reviews involve ERO providing ongoing evaluation over the course of one-to-two years as the kura works to develop overall performance and build its self-review capability.

This Te Pūpuketanga review report defines the kura background and the context for the review. The report also provides an evaluation about how well the kura is addressing areas identified for review and development, the quality of its practices and systems for sustaining performance and ongoing improvement.

Findings

The whānau and board of trustees are committed to providing students with an education underpinned by Te Aho Matua. The whānau are focused on creating a nurturing learning environment and improving outcomes for students. 

1 Background and Context

Te Kura Kaupapa Māori o Otepoti provides education for students Years 1 – 11. It is the only Te Aho Matua kura in Dunedin. Since 2015, the whānau whakahaere has faced significant issues related to leadership, retention of students, kaiako, whānau, and student progress and achievement.

The board has applied to the Ministry of Education (MoE) for a change status to deliver wharekura education.

2 Development

To what extent do students have opportunities to learn within a positive environment?

The board of trustees, whānau and tumuaki are focused on providing quality learning opportunities and care aligned to the principles of Te Aho Matua (TAM).

Ngā Wāhanga o Te Aho Matua

Te Ira Tangata

Students show respect and care for their peers and others. Whānau, tumuaki and kaiako uphold the values of the kura and TAM and model these practices for students. School wide expectations are well understood and encourage students to interact and model with each other the values aligned to tuakana teina concepts. Tuakana are encouraged to support teina as needed in the learning programme and leading whole school activities in formal settings. Students are nurtured to support each other through reciprocal relationships.

Te Reo

Students are confident to express themselves in te reo Māori. Kaiako provide students with a range of learning activities to develop and extend their language. Individual whānau support learning programmes as kaiāwhina. Students appear happy to communicate in te reo Māori.

Whānau language classes are in place for all learners of te reo Māori. Kaiako and students participate in the organising and delivery of these classes for whānau. There is a clear focus on building whānau capability in the use of te reo Māori.

Āhuatanga Ako

Students’ engagement in learning is a kura wide focus. The tumuaki and kaiako are working collaboratively to plan programmes, build assessment practices, and monitor students’ progress and achievement. Kaiako analyse data to inform classroom programmes in response to individual needs. Meeting the differentiated learning needs of students is a priority for kaiako.

Wharekura education

Students display an interest in their learning opportunities. They participate in literacy and numeracy programmes, science, including environmental studies, performing arts, and ngā toi. Delivery of these programmes through wānanga and collaboration with other Aho Matua Kura in Te Waipounamu, further enhance opportunities for students.

The curriculum is designed to cater for learner interests and future pathways. The tumuaki has created a strategic plan ‘Ngā Ara e Rua’ focused on the literacy and numeracy needs of students in Years 9 and 10. Students readily participate in NCEA qualifications. There are also options for Year 11 to enrol in courses offered at Te Wānanga o Raukawa. Students can also access other tertiary pathways for those considering trades as future careers. The kura tuakana is committed to supporting this direction including guidance to meet National Certificate of Education Achievement (NCEA) and the breath of opportunities on the New Zealand Qualifications Authority (NZQA) framework.

Leadership and management

In 2019 the newly appointed tumuaki inherited several significant issues that required immediate attention. Since her appointment she has worked with kaiako, the board and whānau to set in place systems to improve practices school wide. The tumuaki has established relationships with educational and community organisations. These relationships have led to positive outcomes

Strategic planning guides whānau decision making. Although the strategic plan is due for review, the whānau and board continue to fulfil the kura goals for ongoing improvement. Property, personnel and financial management systems are in place. The board of trustees has responded well to external advice for improvement in governance policies and practices. Detailed reporting is regular and well documented.

The whānau has applied for a change of status to deliver wharekura education. They have followed processes and obtained support from their kura tuakana, principals in the local community and educational organisations in Dunedin. In addition, the kura tuakana is committed to this relationship through ongoing support and guidance.

Governance / Whānau Whakahaere

Students’ learning and wellbeing is a priority for the board and whānau. The board has been working closely with the whānau and tumuaki to support school wide developments. Whānau, board and kaiako actively participate in wānanga TAM to embed these practices in kura operations and governance. This has increased their knowledge, understanding of their responsibilities to contribute to decision making to improve outcomes for students. Further support for whānau, board and tumuaki has been accessed through relationships with local educational organisations to strengthen governance.

Te Rūnanganui o Ngā Kura Kaupapa Māori o Aotearoa

Te Rūnanganui o Ngā Kura Kaupapa Māori o Aotearoa (TRN) and Te Waipounamu Kura Kaupapa have contributed to supporting improvement. They have provided wānanga TAM to increase whānau knowledge and understanding related to implementing the philosophy into practice. The tumuaki is an active member of TRN, with a deep understanding of the Te Aho Matua principles in a kura context.

Next steps

  • Maintain the programme of professional development to improve practices that support and promote student well-being and achievement
  • Use internal evaluation to embed improvements and inform planning for long term sustainability.

3 Whānau assurance on legal requirements

Before the review, the whānau and Tumuaki completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

4 Recommendations

ERO recommends the board and whānau:

  • provide ongoing support for the tumuaki to fulfil her professional responsibilities as the curriculum leader and classroom practitioner
  • continue to progress kura priorities and use internal evaluation to improve outcomes for students.

Conclusion

The whānau and board of trustees are committed to providing students with an education underpinned by Te Aho Matua. The whānau are focused on creating a nurturing learning environment and improving outcomes for students.

When is ERO likely to review the kura again?

The next ERO review of Te Kura Kaupapa Māori o Ōtepoti will be in three years – Te Rākeitanga – Expansive Evaluation.

Darcy Te Hau

Toka ā-nuku

27 November 2020

Information about the Kura

Location

Ōtepoti

Ministry of Education profile number

2351

Kura type

Full Primary

Kura roll

46

Gender composition

Girls 22

Boys 24

Ethnic composition

Māori

100%

Special features

Te Aho Matua

Review team on site

September 2020

Date of this report

27 November 2020

Most recent ERO report(s)

Education Review

Education Review

December 2018

June 2015

Te Kura Kaupapa Māori o Otepoti - 03/12/2018

Ngā Whakaaturanga

Kei Ōtepoti Te Kura Kaupapa Māori o Ōtepoti e tū ana. E taunekeneke ana ngā ākonga ki ō rātou hoa, ki ētahi atu hoki mā te whakaaro pai me te whakaute. Kei te harikoa, kei te mauritau, kei te tūmāia hoki rātou hei ākonga. Kua tīmata te whānau ki te tono atu kia tū kē hei wharekura. He aronga nui ki te āta whakarite i ngā tino painga mō ngā ākonga, puta noa i te kura.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Ōtepoti i roto i te kotahi ki te rua o ngā tau, arā, ko Te Pupuketanga. 

1 Te Horopaki

Kei Ōtepoti Te Kura Kaupapa Māori o Ōtepoti e tū ana. E 35 ngā ākonga o te kura, ā, ko te nuinga o rātou nō ngā mātāwaka, ā, nō Ngāi Tahu anō hoki. E puritia ana e te whānau ngā ākonga o ngā tau 9 me te 10, ā, e whāngai tonu ana i te mātauranga ki a rātou mā te tautoko anō hoki o Te Wharekura o Arowhenua, i Waihōpai.

Nō te tīmatanga o tēnei tau i whakatūngia ai te tumuaki hōu, ā, koia nei tōna tūnga tuatahi hei tumuaki. Kua toro atu ia kia tautokona tana tū hei kaiārahi, ā, e whakawhanake ana ia i te aronga ngātahi ki te whakaako me te ako. E noho ngākau nui ana te whānau kia rongo ai ā rātou tamariki i te angitu, ā, kia ō rātouako i tētahi taiao haumaru, i te taiao harikoakoa hoki.

2 Te Tino Uaratanga

He pēhea rawa ngā ākonga e whakaatu i te manaakitanga, te whakaaro nui, me te āheinga ki te mahi tahi ki ētahi atu?

Ka taunekeneke ngā ākonga ki ō rātou hoa, , ā, ki ētahi atu hoki mā te whakaaro pai me te whakaute.

Te Ira Tangata

E whakaatu ana ngā ākonga i tō rātou manaakitanga me tō rātou whakaute. E pou herea ana ngā hononga i te kura ki ngā uara o te manaaki, te tiaki, me te aroha. Ka āta whakataungia ngā ākonga ki ngā karakia i te tīmatanga o ia rā. Kua whai wāhi te rautaki ārahi whanonga ki te whakawhanaketanga o te ahurea akoako ki te kura. Ka whakamanahia, ka whakanuia, ka whakamihia hoki e ngā kaiako ngā ākonga mō ā rātou whakapeto ngoi. Ka whai whakaaro rātou ki ngā matea ake o ia ākonga i te hōtaka akoranga, ā, ka whakarato anō hoki i ngā whai wāhitanga mō ngā ākonga ki te whakawhanake i ō rātou pūkenga hei kaiārahi. Ko ngā ākonga, hei āta hāpai ake, e tino tautokona ana kia eke angitu ai rātou, i runga anō i te āhua o ō rātou pūmanawa. Kua kitea e te whānau te pikitanga ake o te whakawhanaungatanga ki waenga i ngā ākonga. Kei te harikoa, kei te mauritau, kei te tūmāia hoki ngā ākonga ki te ako.

Te Reo

E whanake ana ngā ākonga i ngā pūkenga ki te whakawhiti whakaaro mā te reo Māori. E whakatauira ana ngā kaimahi i te reo Māori ki ngā ākonga me ngā whānau. Ko tā te kura aronga, he whakapakari i te ngākau titikaha o ngā ākonga ki te kōrero i te reo, me te kōrero Māori anō hoki i ngā horopaki ako huhua. Ka rongo ngā ākonga i te reo Māori i ngā horopaki ōkawa me ngā horopaki ōpaki. Ka whai wāhitanga mō rātou ki te whakapuaki i tō rātou reo ki ētahi atu o te hapori. E mōhio ana te whānau ki te ahu whakamua o te whanaketanga reo o ā rātou tamariki. Ka whakaemihia ngā hōtuku e pā ana ki te ahu whakamua o ngā ākonga i roto i te pānui, i te tuhituhi, i te reo ā-waha, engari e tika ana kia hōhonu ake te tātari i aua hōtuku, kia whai pānga aua mōhiohio ki ngā whakapaitanga i whakaraupapahia ai. E whai whakaaro ana ngā kaiako, me pēhea te whakawhānui ake tonu i te whakawhanaketanga o te reo Māori, puta noa i te kura. Kei te māia haere ngā ākonga ki te kōrero i te reo Māori.

Ngā Iwi

Ka kitea ki ngā ākonga tō rātou tākare i a rātou e taunekeneke ana ki ētahi atu. Kua whakaritea e ngā kaiako ngā tino hononga ki ngā ākonga, ki ō rātou whānau, ā, ki te hapori whānui hoki. Ka kitea taua tūāhuatanga ki te kounga o ngā taunekeneke a ngā ākonga ki waenga i a rātou anō. He mātātoa te whai wāhi atu a ngā ākonga ki te whakatau i ngā manuhiri ki te taha o te whānau. E whakatairanga ana ngā tikanga o aua kaupapa i te whakawhanaungatanga o ngā ākonga ki rōpū kē. E whakawhanake ana ngā ākonga i tō rātou mōhiotanga me tō rātou māramatanga ki ō rātou ake hononga ā-iwi. He pakari ngā ākonga tuākana ki te whakapuaki i ō rātou mōhiotanga ki ō rātou pepeha me ō rātou whakapapa. Ka ngākau nui ngā ākonga ki te pai o ngā hononga me ngā taunekeneke ki ētahi atu.

Te Ao

E ako ana ngā ākonga i ō rātou hononga me tō rātou tū ki te ao whānui. He whānui ngā tūmomo whai wāhitanga mō ngā ākonga ki te whakawhanake i ō rātou mōhiotanga ki te pūtaiao, ki te kaipakihi, ki te rangahau, ki ngā akoranga taiao, mā ngā tikanga Māori tuku iho me ērā atu o te ao hurihuri nei. Ko ngā māra kai tētahi āhuatanga matua ki te hōtaka akoranga, e hāpai ana i te ako i te ao tūroa. Ka mahi ngā ākonga ki te taha o ngā mātanga o te hapori hei ako i ngā pūkenga hou. Ka whakarato te whānau i ngā whai wāhitanga mō ngā ākonga ki te uru atu, ki te whakaatu kōrero anō hoki ki te whānuitanga o ngā tūmomo kaupapa e pā ana ki ngā iwi taketake. E whakawhānui ana aua wheako i ngā whakaaro me te māramatanga o ngā ākonga ki ngā take e whai pānga ana ki te hapori me te ao whānui. E whakawhanake ana ngā ākonga i ngā pūkenga me ngā kawenga hei kaitiaki.

Āhuatanga Ako

E whai wāhi atu ana ngā ākonga ki te whānuitanga o ngā tūmomo taumahi whakahihiri. Ka whakarato ngā kaiako i ngā hōtaka akoranga e arotahi ana ki ngā tino painga mō ngā ākonga. Ka mahi ngātahi rātou ki te whakamahere i ngā hōtaka akoranga mā ngā ākonga. Kua waihangatia ngā taumahi hei hāpai i te ako a ia ākonga, a ngā rōpū iti, ngā rōpū nui hoki o ngā ākonga. Ka whakawhānui tonu te whānau i ngā akoranga o ngā ākonga o ngā tau 7 ki te 9, mā te tautoko mai o tētahi atu kura kaupapa Māori i Te Waipounamu. Kua aro atu ā rātou mahi ki te whakawhanake i ngā hōtaka akoranga hei whakatutuki i ngāmatea o aua ākonga. Ka ngākau nui ngā ākonga ki te uru atu ki te katoa o ngā whai wāhitanga ako me ngā wheako ako.

Ngā wāhanga i tāutuhia ai e te kura hei whakawhanake ake

He whāiti noa te māramatanga o te whānau ki ngā mātāpono o Te Aho Matua me ngā huarahi e whai hua ai ki te āta whakatō i aua mātāpono ki ngā whakaritenga a te whānau. Mā te ārahi pūmau o Te Rūnanga Nui o Ngā Kura Kaupapa Māori o Aotearoa, me ā rātou hononga anō hoki ki ētahi atu kura o Te Aho Matua i Te Waipounamu, e pakari ake ai te mōhiotanga o te whānau me ngā kaimahi ki te kaupapa. Ka whai pānga anō hoki aua mahi ki te whakapakari ake i te āheinga o te whānau ki te ako me te whakamahi ake i te reo Māori ki ō rātou kāinga.

Ko ngā mōhiohio e pā ana ki te ahu whakamua o ngā ākonga, kāhore e āta whakamahia ana hei whakahāngai i te tino tautoko ki ngā wāhi e tika ana. Ahakoa ka kohia ngā mōhiohio aromatawai, kāhore anō kia tātarihia e ngā kaimahi, ā, kāhore anō hoki aua tātari kia whakamahia hei whakamōhio i ngā mahere ka whai ake. Kāhore anō tētahi hōtaka kia whakawhanakehia e aro nui ai ki ngā ākonga e mau ana i ngā matea ako ake.

3 Te Arotake Whaiaro me te Ārahitanga

E ārahi ana ngā mahere rautaki i ngā whakataunga a te whānau. Kua tae ki te wā kia arotakengia te tūtohinga. Kua tāutuhia e te whānau te ahu whakamua o te kura mō meāke nei. E kōkiri ana rātou i ngā mahi kia tū kē ai hei wharekura, ā, kua tīmata ngā whakawhitinga whakaaro tuatahi. Kua whakaritea ngā pūnaha e pā ana ki ngā rawa, ngā kaimahi, me te whakahaeretanga o ngā pūtea. Kua āta aro atu te poari ki ngā tohutohu o waho e whakapai ake ana i ngā kaupapa here me ngā whakaritenga e pā ana ki ngā mahi kāwana i te kura. He auau ngā pūrongo, e whai kiko ana, ā, he pai anō hoki te whakatakoto ā-tuhi. E whakahaerehia ana te kura hei painga mō ngā ākonga.

Kua toro atu te tumuaki ki te tautoko ngaio me te ārahitanga ngaio mō tōna tūnga hei kaiārahi. Kua tāutuhia ngā kaupapa matua, hei āta whakarite i te whakarato tonutanga o te kounga o te mātauranga ki ngā ākonga. Ka hāngai tēnei ki te whakapūmautanga o te ahurea ngaio e poipoi ana, e whakaute ana hoki i te tangata. He aronga ki te ārahi i ngā whakapaitanga, puta noa i ngā wāhanga katoa o te kura, hei whakatairanga ake i ngā putanga ki ngā ākonga, ā, hei whakapakari hoki i ngā hononga papai ki ngā ākonga me ngā whānau. Kua aro pū ki te whai i tētahi tauira e tohatoha ana i ngā kawenga ārahi, ā, e āta toro atu taua whakaritenga ki ngā pūkenga, ngā mōhiotanga, me ngā pūmanawa o roto i te rōpū. Kua whakatakotohia ngā mahere hei whakatairanga ake i te āheinga ngaio o ngā kaimahi katoa.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauākī Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

I te wā o te arotake, kāhore he take i tāutuhia ai i roto i ngā āhuatanga e whai pānga ana ki ngā herenga ā-ture.

5 Ngā Taunakitanga

E taunaki ana Te Tari Arotake Mātauranga kia tahuri te whānau ki te:

  • mahi ki te taha o Te Rūnanga Nui o Ngā Kura Kaupapa Māori o Aotearoa ki te whakapakari i ngā mōhiotanga me ngā māramatanga o te whānau ki Te Aho Matua
  • whakamahi i ngā mōhiohio aromatawai i tātarihia ai, hei whakarato i te tautoko e hāngai pū ana ki ia ākonga, ki ia ākonga me ngā hanga ako motuhake e matea ana.

Te Whakarāpopototanga

Kei Ōtepoti Te Kura Kaupapa Māori o Ōtepoti e tū ana. E taunekeneke ana ngā ākonga ki ō rātou hoa, ki ētahi atu hoki mā te whakaaro pai me te whakaute. Kei te harikoa, kei te mauritau, kei te tūmāia hoki rātou hei ākonga. Kua tīmata te whānau ki te tono atu kia tū kē hei wharekura. He aronga nui ki te āta whakarite i ngā tino painga mō ngā ākonga, puta noa i te kura.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Ōtepoti i roto i te kotahi ki te rua o ngā tau, arā, ko Te Pupuketanga.

Lynda Pura-Watson

Kaiurungi Whakaturuki Arotake Māori

03 Hakihea, 2018

Ngā Kōrero e pā ana ki te kura

Te tūwāhi

Kei Ōtepoti

Te tau a te Tāhuhu o te Mātauranga

2351

Te tūmomo kura

He kura tuatahi (Tau 1 ki te 8)

Te tokomaha o ngā ākonga o te kura

35

Te ira tangata

Kōtiro 17

Tama tāne 18

Ngā hononga ā-iwi

Māori

100%

Ngā āhuatanga motuhake

Te Aho Matua

He wāhi akoranga anō mō ngā ākonga o ngā tau 9 me te 10, nā ngā whakaritenga ki waenga i a rātou ko Te Wharekura o Arowhenua.

Te wā i te kura te rōpū arotake

17 Mahuru 2018

Te rā o tēnei pūrongo

03 Hakihea, 2018

Ngā pūrongo o mua a Te Tari Arotake Mātauranga

Arotake Mātauranga Te Aho Matua

Arotake Mātauranga Te Aho Matua

Arotake Mātauranga Te Aho Matua

Pipiri 2015

Hui-tanguru 2014

Hakihea 2013

Findings

Te Kura Kaupapa Māori o Ōtepoti is located in Dunedin. Students interact positively and respectfully with their peers and with others. They are happy, secure and confident learners. The whānau are in the initial stages of applying for wharekura status. There is a strong focus on ensuring good outcomes for students across the kura.

The next ERO review of Te Kura Kaupapa Māori o Ōtepoti will be over the course of one-to-two years - Te Pūpuketanga – Development Evaluation. 

1 Context

Te Kura Kaupapa Māori o Ōtepoti is located in Dunedin. There are 35 students at the kura, most of whom have tribal affiliations to many iwi, including Ngāi Tahu. The whānau is able to retain Year 9 and 10 students and provide ongoing education for them with support from Te Wharekura o Arowhenua in Invercargill.

A first-time tumuaki was appointed earlier this year. She has sought support for her leadership role and is developing a team approach to teaching and learning. The whānau are committed to their children experiencing success and learning in a safe and happy environment.

2 Te Tino Uaratanga

To what extent do students show caring, consideration and cooperation with others?

Students interact positively and respectfully with their peers and with others.

Te Ira Tangata

Students show they are caring and respectful. The values of manaaki, tiaki and aroha underpin relationships within the kura. Karakia is used well to settle students at the beginning of the day. The behaviour guidance strategy has contributed to developing a positive learning culture in the kura. Kaiako recognise, acknowledge and praise students for their efforts. They consider the needs of individual students within the learning programme and provide opportunities for students to develop leadership skills. Students with additional needs are well supported to achieve at the level of their potential. Whānau have noticed the improvements in how well students relate to each other. Students are happy, secure and confident learners.

Te Reo

Students are developing skills to communicate in te reo Māori. Kaimahi are role models of te reo Māori for students and whānau. The kura-wide focus is to build students’ confidence and use of te reo Māori in a range of learning contexts. Students hear te reo Māori used in formal and informal settings. They have opportunities to share their language with others in the local community. Whānau acknowledge the progress in their children’s language development. Data about student’s progress in pānui, tuhituhi and reo ā-waha is gathered but requires deeper analysis to inform targeted improvements. Kaiako are considering how to further extend te reo Māori development across the kura. Students are growing in confidence to be speakers of te reo Māori.

Ngā Iwi

Students show enthusiasm in their interactions with others. Kaiako have established strong relationships with students, their whānau and wider community. This is reflected in the quality of student interactions with each other. Students actively participate in welcoming visitors alongside the whānau. The tikanga established for these types of occasions promote positive interactions with different groups. Students are developing their knowledge and understanding of their own tribal connections. Senior students confidently share their knowledge of their pepeha and whakapapa. Students enjoy positive relationships and interactions with others.

Te Ao

Students learn about their connections and place in the wider world. There are a range of opportunities for students to develop their knowledge in science, business, research and environmental learning using traditional and contemporary Māori practices. Māra kai is a prominent feature of the learning programme that enable learning about the natural environment. Students work alongside local community experts to learn new skills. Whānau provide opportunities for students to present and participate in a range of indigenous forums. These experiences extend student’s thinking and understanding of local and global issues. Students are developing skills and responsibilities as kaitiaki.

Āhuatanga Ako

Students participate in a range of interesting activities. Kaiako provide learning programmes that focus on positive outcomes for students. They work collaboratively to plan learning programmes for students. Activities are designed to support individual, small group and large group learning. The whānau continue to extend learning for students in Years 7 to 9 with support from another kura kaupapa Māori in the South Island. They have worked to develop learning programmes to meet the needs of these students. Students willingly engage in all learning opportunities and experiences.

Kura-identified areas of development

Whānau have limited understanding about the principles of Te Aho Matua and how to effectively embed these into whānau practices. Ongoing guidance from Te Rūnanga Nui o Ngā Kura Kaupapa Māori o Aotearoa, and through their network, other Te Aho Matua kura in Te Waipounamu will strengthen whānau and kaimahi knowledge of the kaupapa. This should include building whānau capability to learn and use te reo Māori more in their homes.

Student progress information is not used well to provide targeted support where required. Although assessment information is collected, kaimahi are yet to analyse it and use their analysis to inform future planning. A responsive programme for students with specific learning needs is yet to be developed.

3 Self Review and leadership

Strategic plans guide whānau decision making. The current document is due for review. The whānau have identified the future direction of the kura. They are working towards gaining wharekura status and have begun initial consultation. Property, personnel and financial management systems are in place. The board of trustees has responded well to external advice for improvement in governance policies and practices. Detailed reporting is regular and well documented. The kura is managed in the interests of the students.

The tumuaki has engaged with professional support and guidance for her leadership role. Priorities have been identified to ensure ongoing provision of quality education for students. This includes maintaining a nurturing, respectful and professional culture. There is a focus on leading improvements across all areas of the kura to enhance outcomes for students and build positive relationships with students and whānau. An intentional distributive leadership model utilises the skills, knowledge and strengths of the team. Planning is in place to enhance the professional capability of all staff.

4 Whānau assurance on legal requirements

Before the review, the board of trustees and tumuaki completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

There were no issues of non-compliance identified during the review.

5 Recommendations

ERO recommends the whānau:

  • work with Te Rūnanga Nui o Ngā Kura Kaupapa Māori o Aotearoa to build whānau knowledge and understanding of Te Aho Matua
  • use analysed assessment information to provide targeted support for students with specific learning needs.

Conclusion

Te Kura Kaupapa Māori o Ōtepoti is located in Dunedin. Students interact positively and respectfully with their peers and with others. They are happy, secure and confident learners. The whānau are in the initial stages of applying for wharekura status. There is a strong focus on ensuring good outcomes for students across the kura.

When is ERO likely to review the kura again?

The next ERO review of Te Kura Kaupapa Māori o Ōtepoti will be over the course of one-to-two years - Te Pūpuketanga – Development Evaluation.

Lynda Pura-Watson

Deputy Chief Review Officer Māori

3 December 2018

Information about the Kura

Location

Dunedin

Ministry of Education profile number

2351

Kura type

Full Primary (Year 1 to 8)

Kura roll

35

Gender composition

Girls 17

Boys 18

Ethnic composition

Māori

100%

Special features

Te Aho Matua

Off-site location for Year 9 to 10 students as agreed with Te Wharekura o Arowhenua

Review team on site

17 September 2018

Date of this report

3 December 2018

Most recent ERO report(s)

Te Aho Matua Review

Te Aho Matua Review

Te Aho Matua Review

June 2015

February 2014

December 2013