22 A Smythe Road, Henderson, Auckland
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka hāngai tēnei pūrongo ki ā rātou pūnaha, ā rātou whakaritenga, me ā rātou whakahaeretanga. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Te Ngākau Mahana ki Ōpanuku, ki Tāmaki-makau-rau ki te uru. He hononga ō te whānau ki te iwi o te takiwā nei, ki Te Kawerau ā-Maki, ā, he wawata tahi ō rātou kia ngākau titikaha ngā mokopuna i roto i te reo Māori, i ngā tikanga Māori, me te ao Māori.
I kitea ki te aromātai Mana Whakahaere a Te Tari Arotake Mātauranga i te Poutū-te-rangi o te tau 2024, kua whakaritea e te whānau te nuinga o ngā tukanga me ngā pūnaha e hāpai ai i ngā putanga papai ki ngā mokopuna. Ko te whānuitanga tonu o te whakawhanaketanga me te atawhai o ngā mokopuna e ārahi ana i ngā whakataunga.
He pēhea rawa te whakaatu mai a ngā mokopuna i tō rātou mauritau ki tō rātou taiao ako?
Ka kitea ki ngā mokopuna tō rātou māramatanga ki te mauritau mā tō rātou ngākau nuitanga me tā rātou whai wāhi mātātoa atu ki te tangongitanga o ngā wheako ako.
E whai wāhi nui ana ngā mokopuna ki tētahi taiao e āta tautokona ana rātou. Ko ngā tikanga o te manaakitanga me te aroha kei te tūāpapa o ngā taunekeneke katoa ki te kōhanga reo. Kei te mārama ngā kaimahi i ngā mokopuna, ā, ka poipoi i ngā matea o tēnā me tēnā. Ka kitea te whai whakaaro nuitanga o ngā tuākana i a rātou e taunekeneke ana ki ō rātou tēina. Ka āta whakatau ngā kaimahi kia whai wāhi mātātoa ngā mokopuna ki ngā tikanga, pērā i ngā mihi whakatau ki ngā manuhiri ka tae ki tō rātou kōhanga reo. Mā roto mai i aua wheako, ka whai mōhiotanga ngā mokopuna ki ngā tikanga me ngā kawa, ā, ka whakawhanake anō hoki i ō rātou māramatanga ki tō rātou tū hei tangata whenua. Ka rongo ngā mokopuna i te kounga o ngā puna reo tūturu, pērā i ō rātou kuia e whakatauira ana i te matatau ki te reo Māori. Ka whakamahi ngā kaimahi i ngā rautaki whai hua hei poipoi i te whakawhanaketanga reo o ngā mokopuna, pērā i te reo āwhina, te reo tohutohu, te reo kākā, ngā waiata, me ngā pūrākau. Ka kitea te ngākau titikaha o ngā tuākana ki ō rātou pūkenga, i a rātou e kawe ngākau nui ana i ngā whakatau, i te mihi wairua, i ngā karakia, i ngā waiata me ngā mihi. Ka whai wāhi māhorahora atu ngā tēina me ngā pēpi, ā, ka whakamahi i te reo ā-tinana, i te āhua hoki o ō rātou kanohi ki te whakapuaki i ō rātou māramatanga me te whakawhitiwhiti whakaaro. I ngā wā katoa ka whakamihi, ka whakanui, ā, ka whakakoia hoki i te angitu o ngā mokopuna. E puāwai ana ngā mokopuna ki tō rātou kōhanga reo.
Kei te hihiri ngā wāhi ako o roto, o waho, ā, kua āta whakaritea hoki hei hāpai i te ako ā-rōpū me te ako takitahi. He ngāwari te whakawhitiwhiti a ngā mokopuna ki waenga i ngā taumahi, ā, ka toro atu rātou ki te tangongitanga o ngā rauemi e whakaongaonga ai i tō rātou whakawhanaketanga me ō rātou ngākau nuitanga. Kei te ngana, kei te harikoa, kei te mauritau hoki ngā mokopuna ki tō rātou taiao Māori.
He pai te whakahaeretanga o ngā take kaimahi. Kei ngā tuhinga tuku mahi, ko ngā kirimina mahi matawhānui. He mārama ngā tuhinga tūranga mahi e āta whakaatu ana i tēnā e tūmanakohia ana ki ngā kaimahi, ā, kua whakatutukihia, kua manatokotia hoki te arowhai i te haumaru o ngā kaimahi. Whakamātauhia ai ngā akoako ohotata e āta whakatau ana i te haumaru me te noho rite. Kua whakatakotohia e ngā kaimahi ngā tukanga papai mō te aromātai hōtaka. Whakaaro huritao ai rātou ki ā rātou whakaritenga, ā, he pai ā rātou whakarerekētanga e aro nui ana ki te whakatairanga ake i ngā putanga. Ko te ako a ngā mokopuna, ko tō rātou waiora whānui tonu kei te pūtake o ngā mahi whakahaere ngātahi a te whānau.
I tēnei wā kāhore anō ngā mahi arohaehae kaimahi kia whakatutukihia, heoi, he tohu mō te whānau ki te whakatinana i ngā tukanga e hāpai ai i te tupu me te whakawhanaketanga o ngā kaimahi. Ka whakatairangatia ngā whakaritenga a ngā kaimahi mā te haere tonutanga o ngā mahi arohaehae. Ka whai hua ngā mokopuna mā te whakapaitanga ake o ngā whakaritenga a ngā kaimahi.
I te wā o te arotake, i tirohia e Te Tari Arotake Mātauranga ngā pūnaha a te kōhanga reo ki te whakahaere i ngā wāhanga e whai pānga nui ai ki te waiora o ngā tamariki, arā, ki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake i ia te wā i tā rātou whakatutukitanga i ngā herenga ā-ture.
Hei whakatutuki i ngā herenga ā-ture, me tahuri te whānau ki te:
E taunaki ana Te Tari Arotake Mātauranga kia whakaritea e te whānau tētahi tukanga arohaehae e hāpai ai i te whakawhanake tonutanga o ngā kaimahi.
Darcy Te Hau
Toka ā Nuku
Te Uepū-a-Motu – Māori Services
18 Pipiri 2024
| Te tūwāhi | Kei Ōpanuku, ki Tāmaki-makau-rau |
| Te tau a te Tāhuhu o te Mātauranga | 20481 |
| Te tau tohu o Te Kōhanga Reo | 02C026 |
| Te tūmomo whare | He kōhanga reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 30 ngā tamariki, kia tokorima ki raro i te rua o ngā tau |
| Te tokomaha kei runga i te rārangi ingoa | 22 ngā tamariki, tokotoru kei raro i te rua o ngā tau |
| Ngā hononga ā-iwi | Māori 22 |
| Te wā i te kōhanga reo te rōpū arotake | Haratua 2024 |
| Te wā o tēnei pūrongo | 18 Pipiri 2024 |
| Ngā pūrongo o mua a Te Tari Arotake Mātauranga | Arotake Mātauranga – Mana Whakahaere, Poutū-te-rangi 2024; Arotake Mātauranga, Pipiri 2018; Arotake Mātauranga, Haratua 2015 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress, and build evaluation capability. This report reflects their systems, operations, and management practices. ERO reports provide important information for hapū and iwi.
Te Kōhanga Reo o Te Ngākau Mahana is in Henderson, West Auckland. Whānau have links to the local iwi of Te Kawerau ā Maki and share aspirations for mokopuna to grow confidence in te reo Māori, tikanga Māori and Te Ao Māori.
The ERO Mana Whakahaere review in March 2024 found that whānau had established most processes and systems to support positive outcomes for mokopuna. Mokopuna overall development and care guided whānau decision making.
Mokopuna demonstrate their understanding of mauri tau through active engagement and enjoyment of various learning experiences.
Mokopuna experience an environment where they are well supported. The tikanga of manaakitanga and aroha form the foundation of all interactions within the kōhanga reo. Kaimahi understand their mokopuna well and cater to their individual needs. Tuākana demonstrate consideration when interacting with their tēina. Kaimahi ensure that mokopuna actively participate in formalities such as mihi whakatau and welcoming visitors to their kōhanga reo. Through these experiences, mokopuna gain knowledge of tikanga and kawa while also developing an understanding of their role as tangata whenua. Mokopuna are exposed to quality authentic speakers such as their kuia who exemplify proficiency in te reo Māori. Kaimahi utilise effective strategies to nurture language development in mokopuna including te reo āwhina, te reo tohutohu, te reo kākā, waiata and pūrākau. Tuākana display confidence in their abilities as they willingly lead whakatau, mihi wairua, karakia, waiata and mihi. Tēina and pēpi engage spontaneously using body language and facial expressions to express their understanding and convey messages. Kaimahi consistently praise, acknowledge, and affirm the success of mokopuna. Mokopuna thrive in their kōhanga reo.
Indoor and outdoor learning spaces are vibrant and organised, supporting both group and individual learning. Mokopuna transition smoothly between activities and access a variety of resources to stimulate their development and interests. Mokopuna are engaged, happy and settled in their taiao Maori.
Personnel matters are managed well. Employment documentation encompasses detailed individual employment agreements. Clear position descriptions provide clarity of kaimahi expectations and verified kaimahi safety checks are complete. Emergency drills are regularly practiced ensuring safety and preparedness. Kaimahi have established suitable processes for programme evaluation. They regularly reflect on their practices and make positive changes aimed at enhancing outcomes. Mokopuna learning and overall wellbeing is the centre of collective whānau whakahaere practices.
Kaimahi appraisals are currently incomplete highlighting the need for whānau to implement processes to support kaimahi growth and development. Kaimahi practice would be enhanced through ongoing appraisals. Mokopuna will benefit from improved kaimahi practice.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
To meet compliance requirements, they must:
ERO recommends that whānau establish an appraisal process to support the continuous development of kaimahi.
Darcy Te Hau
Toka-ā-Nuku – Director
Te Uepū ā-Motu – Māori Review Services
18 June 2024
| Location | Henderson, Auckland |
| Ministry of Education profile number | 20481 |
| Kōhanga Reo Identification Number | 02C026 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 30 children, including up to 5 aged under 2 |
| Kōhanga Reo roll | 22 children, including up to 3 aged under 2 |
| Ethnic composition | Māori 22 |
| Review team on site | May 2024 |
| Date of this report | 18 June 2024 |
| Most recent ERO reports | Education Review – Mana Whakahaere, March 2024; Education Review, June 2018; Education Review, May 2015 |
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Te Ngākau Mahana ki Ōpanuku, ki Tāmaki-makau-rau ki te uru. He tino hononga ō te whānau ki te iwi o Te Kawerau ā Maki, ā, he tino wawata ngātahi ō rātou kia tupu te ngākau titikaha o ngā mokopuna i roto i te reo Māori, i ngā tikanga Māori, me te ao Māori.
Kua whakatakotohia e te whānau ētahi tukanga me ētahi pūnaha e whakatairanga ana i te ako a ngā mokopuna me tō rātou waiora.
E whakahaere ana ngā pūnaha me ngā tukanga a te whānau i te nuinga o ngā mahi whakarite ki te kōhanga reo. He pai te taetae atu ki ngā hui ā-whānau, ā, he matawhānui ngā tūmomo whakawhitinga kōrero i aua wā. He tino tirohanga i whakatakotohia ai ki ngā meneti. Kua whakatakotohia te nuinga o ngā kaupapa here me ngā tukanga e pā ana ki te hauora me te haumaru, ā, ka ārahi i ngā whakaritenga a te whānau me ngā kaimahi. E miramira ana te mahere rautaki i ngā wawata pae tawhiti o te whānau mō ngā mokopuna. Ka whakaaweawetia taua aronga ki ngā mōhiohio i Te Ara Tūāpae. E whakaraupapa ana te mahere mahi i ngā rautaki ki te whai me te aru i te ahu whakamua, kia whakatutukihia ai ngā whāinga rautaki me ngā tūmanako. E āta whakatakoto ana te mahere ā-tau i te kiko o ngā mahi whakahaere matua i te tari me te kōhanga reo, ā, i te wā anō hoki e tika ana kia whakatutukihia. Ko ngā mokopuna kei te pūtake o ngā mahi whakahaere a te whānau.
He tukanga ā ngā kaimahi i āta whakaritea ai mō te whakamahere me te aromatawai. Ka mahi ngātahi rātou ko te whānau ki te waihanga i te mahere ako. E hono ana ngā mahere ki Te Whāriki a Te Kōhanga Reo, ā, e tautuhi ana i ngā whāinga matua me ngā putanga ako a ngā mokopuna. Kua tuituia ki ngā mahere ā-tau, ā-wāhanga, ā-wiki hoki, ko ngā tūmomo taumahi me ngā haerenga e whakatairanga ai i te ako. Ka kapo atu ngā kōpaki i ngā huarahi ako motuhake me ngā wheako o ia mokopuna, ā, ka whakapuakihia hei tirohanga mā ngā whānau. Ka whakamahi ngā kaimahi i te Mātai Mokopuna ki te tautuhi me te aroturuki i te tupu o ngā mokopuna, i tā rātou ahu whakamua hoki, i roto i te roanga o te wā. Ka whai hua ngā mokopuna nā te noho ngātahi o ngā tukanga a ngā kaimahi.
E mōhio ana te whānau, e tika ana kia whakapakari ō rātou māramatanga ki ō rātou tūranga me ā rātou kawenga mahi. He mea nui kia whakawhanakehia, kia whakatinanahia hoki tētahi rautaki e āta whakatau ai i te whai wāhi atu a te whānau ki te whakawhanaketanga me te arotakenga o ngā mahi whakahaere ki te kōhanga reo. Ka whai hua ngā mokopuna i te wā e whakahaerehia ana ngā whakaritenga, hei tino painga mō rātou.
Ko te aromātai hōtaka tētahi āhuatanga hoki hei tirohanga ake. Ahakoa hui ai ngā kaimahi i ia te wā ki te whakawhiti kōrero mō te hōtaka akoranga, e tika ana kia whakaōkawatia aua kōrerorero. Kua tae ki te wā kia whakaritea e ngā kaimahi tētahi tukanga e tautuhi ai i tēnā i whai hua ai, i tēnā kīhai i whai hua ai, ā, i ngā tūāhuatanga anō hoki ka whai ake ki te whakapakari ake i te kounga o hōtaka akoranga.
Kāhore anō ngā akoako ohotata o te ahi me te rū whenua kia whakamātauhia, kia tuhia. Me āta whakatau te whānau i te whakatutukitanga me te tuhi haere o ngā whakaritenga katoa e pā ana ki ngā akoako hōneatanga ohotata.
Kāhore anō kia kitea ētahi o ngā kaupapa e pā ana ki ngā tuhinga kaimahi. Kua whakatau te whānau me Te Tari Arotake Mātauranga, ka whakawāteahia aua tuhinga hei tirohanga i te taenga atu a Te Tari Arotake Mātauranga ki te kōhanga reo.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
Hei whakatutuki i ngā herenga ā-ture, me tahuri te whānau ki te:
E taunaki ana Te Tari Arotake Mātauranga kia haere tonu ngā mahi a te whānau o te kōhanga reo ki te taha o te tari ā-rohe o Te Poari Matua o Ngā Kōhanga Reo, kia tautokona ngā take i tautuhia ai ki tēnei pūrongo, ā, hei āta whakatau anō hoki i te noho wātea mai o ngā tuhinga kaimahi i te wā ka tae atu Te Tari Arotake Mātauranga ki te kōhanga reo.
Darcy Te Hau
Toka ā Nuku
Te Uepū-a-Motu – Māori Services
5 Poutūterangi, 2024
| Te tūwāhi | Kei Ōpanuku |
| Te tau a te Tāhuhu o te Mātauranga | 20481 |
| Te tau tohu o Te Kōhanga Reo | 02C026 |
| Te tūmomo whare | He kōhanga reo |
| Te raihana | Ngā Ture Mātauranga (Ratonga Kōhungahunga) 2008 |
| Te tokomaha mō te raihana | 30, kia tokorima ki raro i te rua o ngā tau |
| Te tokomaha kei runga i te rārangi ingoa | 22, tokotoru kei raro i te rua o ngā tau |
| Ngā hononga ā-iwi | Māori 22 |
| Te wā arotake i mua i te taenga atu ki te kōhanga reo | Whiringa-ā-rangi 2023 |
| Te wā o tēnei pūrongo | 5 Poutūterangi 2024 |
| Ngā pūrongo o mua a Te Tari Arotake Mātauranga | Arotake Mātauranga, Pipiri 2018; Arotake Mātauranga, Haratua 2015; Arotake Tāpiri, Whiringa-ā-nuku 2012 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provides important information for hapū and iwi.
Te Kōhanga Reo o Te Ngākau Mahana is in Henderson, West Auckland. Whānau have strong links to the local iwi of Te Kawerau ā Maki and share strong aspirations for mokopuna to grow confidence in te reo Māori, tikanga Māori and Te Ao Māori.
Whānau have some processes and systems in place that promote mokopuna learning and wellbeing.
Whānau systems and processes manage most aspects of the kōhanga reo operations. Hui ā whānau are well attended and encompass a variety of discussions. Minutes document valuable insights. Most health and safety policies and procedures are evident and provide guidance for whānau and kaimahi practices. A strategic plan highlights long term aspirations whānau hold for mokopuna. This approach is influenced by information from Te Ara Tuāpae. An action plan outlines strategies to pursuing and tracking progress towards strategic goals and objectives. The annual plan details key administrative and operational tasks and when these are to be completed. Mokopuna are at the center of whānau whakahaere.
Kaimahi have established processes for planning and assessment. They work together with whānau to design the māhere ako. Planning is linked to Te Whāriki a Te Kōhanga Reo and defines key objectives and learning outcomes for mokopuna. Year, term and weekly plans incorporate various activities and excursions to enhance learning. Kōpaki capture and share the unique learning journeys and experiences of individual mokopuna with their whānau. Kaimahi utilise Mātai Mokopuna to identify and monitor mokopuna growth and progress overtime. Mokopuna benefit from collective kaimahi processes.
Whānau acknowledge the need to strengthen understanding of their roles and responsibilities. It is important that a strategy is developed and implemented to ensure whānau engage and contribute to the development and review of kōhanga reo operations. Mokopuna benefit when operations are managed in their best interests.
Programme evaluation remains as an area that requires attention. While kaimahi meet regularly to discuss the learning programme, these discussions require formalising. It is time for kaimahi establish a process to identify what worked, what did not and what needs to improve to strengthen the quality of the learning programme.
Emergency drills for fire and earthquake have not been practiced and documented. Whānau must ensure requirements for emergency evacuation drills are carried out and recorded.
Other matters related to personnel documentation are still yet to be sighted, whānau and ERO agree that these will be made available during the onsite visit.
During the evaluation, ERO looked at systems for managing the following areas:
To meet compliance requirements they must:
ERO recommends that kōhanga reo whānau continue working alongside the district office for support with the concerns identified in this report and to ensure personnel documentation are made available during onsite visit.
Darcy Te Hau
Toka-ā-Nuku – Director
Te Uepū ā-Motu – Māori Review Services
5 March 2024
| Location | Henderson |
| Ministry of Education profile number | 20481 |
| Kōhanga Reo Identification Number | 02C026 |
| Licence type | Te Kōhanga Reo |
| Licensed under | Education (Early Childhood Services) Regulations 2008 |
| Number licensed for | 30 children, including up to 5 aged under 2 |
| Kōhanga Reo roll | 22 children, including up to 3 aged under 2 |
| Ethnic composition | Māori 22 |
| Review online process | November 2023 |
| Date of this report | 5 March 2024 |
| Most recent ERO report(s) | Education Review, June 2018; Education Review, 2015; Supplementary Review, October 2012 |
E tū ana Te Kōhanga Reo o Te Ngākau Mahana ki Waitākere, ki Tāmaki-makau-rau ki te uru. E whakahaerehia ana te kōhanga reo i tētahi whare me tētahi papa i āta whakawhanakehia ai hei kōhanga reo ki te kura tuarua o Henderson, ā, ka toro atu anō hoki ngā tamariki ki te marae me ngā whare i te kura. He hononga anō tō te kōhanga reo ki Te Kawerau a Maki, tētahi o ngā iwi i te rohe o Waitākere.
Ka kitea ki ngā tamariki ō rātou ngākau titikaha i roto i ā rātou akoranga me ō rātou hononga anō hoki ki ētahi atu i te kōhanga reo.
E tino tautokona ana te ako a ngā tamariki i te reo Māori. Ka whakamahi ngā kaimahi i te whānuitanga o ngā tūmomo rautaki hei whakapūmau i te whakawhanaketanga reo o ngā tamariki, pērā i te tāruarua, ngā mahi ā-ringa, me te patapatai. Ka ārahi ngā kuia o te hapori nei i te whakawhanaketanga o ngā tamariki me te whānau i tō rātou mōhiotanga ki te reo Māori me ngā tikanga. He pakari te whakamahinga a ētahi o ngā kaimahi me ngā mema o te whānau i te reo Māori ki te taha o ngā tamariki. Ka kitea ki ngā tamariki tō rātou māramatanga ki te reo Māori i a rātou e taki ana i ngā karakia me ngā pepeha, ā, e waiata ana hoki i ngā hīmene me ngā wai. Ka kōrero ētahi o ngā tamariki i te reo Māori ki ō rātou hoa me ngā pākeke. He tika tā rātou aro atu ki ngā pātai, me tā rātou kōkiri i ngā whakawhitinga kōrero ki te taha o ētahi atu. Ka aro atu ngā pēpi ki te reo Māori mā ngā tohu ā-tinana, pērā i te kōrerorero me te menemene. E whanake ana te ako a ngā tamariki i te reo Māori.
E ako ana ngā tamariki i ngā tikanga e whai pānga ana ki tō rātou kōhanga reo. Ka whai wāhi atu rātou ki ngā mihi whakatau, ā, e mōhio ana rātou ki ā rātou kawenga hei whakatau i ngā manuhiri ki te kōhanga reo. Kua waia ngā tamariki ki ngā mahinga, ā, e mōhio ana rātou ki tēnā e tūmanakohia ana i ngā wā ōkawa o te hōtaka akoranga. He whai wāhitanga mō rātou ki te tū manawa whakahī me te taki i ā rātou mihi, te ārahi anō hoki i ngā karakia i ngā wā kai. He pakari te haereere a ngā tamariki i tō rātou taiao, ā, he tika anō hoki ā rātou taunekeneke.
He pai te taunekeneke a ngā tamariki ki ētahi atu i tō rātou kōhanga reo. Ka whai wāhi nui te whanaungatanga ki te kōhanga reo. Ka whakatauira ngā pākeke i te aroha, te manaakitanga, te atawhai, me te āwhina, ā, ka poipoi aua tūāhuatanga i te pai o ngā taunekeneke ki waenga i ngā tamariki. Ka whai pūtake ngā hononga o ngā tamariki ki ngā kuia, ngā kaimahi, me te whānau. He pārekareka ki a rātou te whakahoahoa ki ētahi atu o ngā tamariki me ngā pākeke. Ka taea e ngā tamariki tuākana ō rātou tuakiri te whakapuaki mā ō rātou pepeha. E ako ana ngā tamariki i ō rātou tuakiri me ō rātou hononga ki ētahi atu.
Ka poipoia ngā tamariki ki te aroha me te manaakitanga. Ka rongo, ka kite hoki rātou i te tākare o ngā kaimahi me te whānau i te kōhanga reo. Ka kitea te ngākau titikaha, te ngākau nui anō hoki o ngā tamariki i a rātou e waiata ana. He tino hononga hoki hei tuakana, hei teina e kitea ai ki te papai o ngā taunekeneke i waenga i ngā tamariki. Ka whakatauria ngā tamariki hou ki te atawhai, kia noho mauritau ai rātou ki tō rātou kōhanga reo. He hāneanea, he mauritau tonu ngā tamariki ki te kōhanga reo.
He pārekareka ki ngā tamariki te tūhura i tō rātou kōhanga reo me ngā tūmomo taiao o waho atu. He whai wāhitanga mō rātou ki te ako me te tākaro ki roto, ki waho. He tākare te whai wāhi atu a ngā tamariki ki te korikori tinana, ā, e whanake ana tō rātou ngākau titikaha ki te ako mā te whānuitanga o ngā tūmomo taumahi e kōkiri ai rātou, e whai wāhi atu ai rānei. He pakari ngā tamariki ki te tūhura haere i ō rātou taiao ako ake, hei āhuatanga tonu o tā rātou ako.
E whai pūtake ana te whakamaheretanga o te hōtaka. E hāngai ana te kaupapa ako ki te ao Māori me te ao whānui. Kua ārahi te kuia i ngā kaimahi me ngā mema o te whānau ki te whai i te tukanga whakamahere, i runga anō i te āhua o Te Whāriki me Te Korowai. Ko ngā wheako ako me ngā taumahi a ngā tamariki e poipoi ana i ō rātou ngākau nuitanga, e whakatutuki ana i ō rātou matea, ā, e whakangahau ana i te ako. E whiwhi ana ngā tamariki i ngā painga o ngā wheako akoranga i whakamaheretia ai.
He pakari ngā mahi whakahaere a te whānau. E tūmanakohia ana kia whai wāhi mai te whānau ki ngā whakataunga. E hāngai ana ngā mahere rautaki ki ngā whāinga o te whānau mō tēnei wā tonu, me ērā hoki mō meāke nei. E whai hua ana te mahere ā-tau hei tirohanga whānui e ārahi ai i ngā mahi whakahaere a te whānau. Ka whakamahia aua mōhiohio hei pūrongo i te ahu whakamua o ngā whakatutukitanga. E whai kawenga ana te whānau hei kaituku mahi, ā, ka āta whakarite rātou kia hāngai ai ngā tuhinga kaimahi ki te wā, ā, ka whakapūmautia hoki. Whakatutukihia ai ngā mahi ki te arohaehae i ngā kaimahi i ia te wā. E whakahaerehia ana te kōhanga reo hei hāpai i te ako a ngā tamariki me tō rātou whakawhanaketanga.
He rawaka te arotake whaiaro. He auau te whakatakoto i ngā pūrongo ki ngā hui ā-whānau, mō ngā āhuatanga katoa e whai pānga ana ki ngā mahi whakahaere a te whānau. E ahu whakamua ana te whānau ki te arotake i ā rātou kaupapa here me ā rātou tukanga, ā, e ako ana anō hoki rātou i te whai pānga ake o aua tūāhuatanga. Kua whakaritea te nuinga o ngā kaupapa here me ngā tukanga o te hauora me te haumaru, ā, e hāngai ana hoki ki te wā. Ka whakaarohia te waiora o ngā tamariki, ngā painga hoki mō rātou, hei āhuatanga tonu o ngā whakaritenga e pā ana ki te arotake whaiaro.
E whanake ana ngā whakaritenga e pā ana ki te aromatawai. E hāpaitia ana te ako a ngā kaimahi i te whānuitanga ake o ngā huarahi ki te aroturuki me te aromatawai i te ako a ngā tamariki i roto i te roanga o te wā. Kāhore te ako a ia tamaiti e tino aroturuki rawatia ana. Nā taua tūāhuatanga, kāhore e taea e ngā kaimahi me te whānau ngā matea me ngā ngākau nuitanga o ngā tamariki katoa te whakatutuki.
Kāhore te arotake hōtaka e āta whakatinanahia ana. He mōhiotanga tō ngā kaimahi mō te āhua o te arotake hōtaka, engari me hāpai ake i a rātou ki te whakapiki ake i tō rātou āheinga ki te tātari i te kounga o te hōtaka akoranga. Kāhore te hōtaka akoranga e āta aromātai rawatia ana i ia te wā kia ū ai ngā whakapai tonutanga mō ngā tamariki.
Ahakoa ka whāia te nuinga o ngā tukanga e pā ana ki te hauora me te haumaru, he mea nui tonu kia whāia, kia whakapūmautia anō hoki ngā kaupapa here e pā ana ki te whāngai i ngā rongoā me te arowhai i ngā āhuatanga mōrearea.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
I tāutuhia e Te Tari Arotake Mātauranga ngā wāhanga kāhore e tutuki ana e ai ki te ture. Kia tutuki i te whānau o te kōhanga reo ngā herenga ā-ture, me tahuri rātou ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Ka aromātai anō Te Tari Arotake Mātauranga i Te Kōhanga Reo o Te Ngākau Mahana i roto i te toru o ngā tau.
Lynda Pura-Watson
Kaiurungi Whakaturuki Arotake Māori
19 Pipiri, 2018
Te tūwāhi | Kei Waitākere, ki Tāmaki-makau-rau | |
Te tau a te Tāhuhu o te Mātauranga | 20481 | |
Te tau tohu o Te Kōhanga Reo | 02C026 | |
Te tūmomo raihana | He kōhanga reo | |
Kua raihanatia ki te ture | Ngā Ture Mātauranga (Ratonga Kōhungahunga) 2008 | |
Te tokomaha mō te raihana | 30, kia tokorima ki raro i te rua o ngā tau | |
Te tokomaha kei te rārangi ingoa | 19, tokotoru kei raro i te rua o ngā tau | |
Te ira tangata | Kōtiro 8 Tama 11 | |
Ngā hononga ā-iwi | Māori | 100% |
Te wā i te kōhanga reo te rōpū arotake | Paenga-whāwhā 2018 | |
Te wā o tēnei pūrongo | 19 Pipiri, 2018 | |
Ngā pūrongo o mua a Te Tari Arotake Mātauranga | Arotake Mātauranga Arotake Tāpiri Arotake Mātauranga | Haratua 2015 Whiringa-ā-nuku 2012 Poutū-te-rangi 2011 |
Te Kōhanga Reo o Te Ngākau Mahana is located in Henderson, West Auckland. The kōhanga reo operates in a well-developed building and designated section at Henderson High School where children also have links to the marae and whare on the school site. The kōhanga reo has connections to Te Kawerau ā Maki, a local iwi in the Waitakere area.
Children show confidence in their learning and relationships with others at the kōhanga reo.
Children are well supported to learn te reo Māori. Kaimahi use a range of techniques such as repetition, hand gestures, and questioning to reinforce children’s language development. Local kuia guide children and whānau to develop their knowledge of te reo Māori and tikanga. Some kaimahi and whānau members confidently use te reo Māori alongside children. Children show their understanding of te reo Māori as they recite karakia and pepeha, and sing hīmene and other waiata. Some children speak te reo Māori to other children and adults. They respond appropriately to questions, and initiate conversations with others. Babies respond to te reo Māori using non-verbal gestures, such as babbling and smiling. Children are developing as learners of te reo Māori.
Children learn about tikanga that is relevant to their kōhanga reo. They participate in mihi whakatau and are aware of their role to welcome visitors to the kōhanga reo. Children are familiar with routines and know what is expected of them during formal parts of the learning programme. They have opportunities to stand proudly when they recite their mihi, and lead karakia at meal times. Children move confidently and interact appropriately in their environment.
Children interact well with others in their kōhanga reo. Whanaungatanga is important in the kōhanga reo. Adults model aroha, manaakitanga, ataawhai and āwhina, which fosters positive interactions between children. Children have meaningful relationships with kuia, kaimahi and whānau. They enjoy socialising with other children and adults. Older children can express who they are through their pepeha. Children learn about who they are and their connections to others.
Children are nurtured in a loving and caring environment. They hear and see the enthusiasm of kaimahi and whānau in the kōhanga reo. Children express confidence and enjoyment when singing waiata. Tuakana teina relationships are evident in the positive ways that children interact with each other. New children are settled with affection, and made to feel secure in their kōhanga reo. Children are comfortable and settled in the kōhanga reo.
Children enjoy exploring their kōhanga reo and nearby environments. They have opportunities to learn and play indoors and outdoors. Children participate in korikori tinana with enthusiasm and are developing confidence in their learning through the range of activities they initiate or participate in. Children confidently explore their immediate learning environments as part of their learning.
Programme planning is purposeful. Kaupapa ako are based on te ao Māori and te ao whanui. The kuia has guided kaimahi and whānau members through the process of planning in line with Te Whāriki and Te Korowai. Learning experiences and activities for children cater for their interests, meet their needs and make learning fun. Children benefit from planned learning experiences.
Whānau management practices are sound. There are expectations of whānau to participate in decision making. Strategic planning reflects the current and future goals of the whānau. The annual plan provides a useful overview to guide whānau management. This information is used to report progress towards achievement. The whānau are responsible employers who ensure personnel documentation is current and maintained. Kaimahi appraisals are carried out. The kōhanga reo is managed to support children’s learning and development.
Self-review is adequate. There is regular reporting to whānau hui on all aspects of whānau operations. The whānau is making progress to review their policies and procedures, and are learning more about the importance of these. Most of health and safety policies and procedures are current and in place. Children’s wellbeing and interests are considered as part of self-review practices.
Assessment practices are developing. Kaimahi are being supported to learn more about how to monitor and assess children’s learning over time. Individual children’s learning is not monitored very well. Because of this, kaimahi and whānau are unable to meet needs and interests of all children.
Programme evaluation is not well implemented. Kaimahi have some knowledge of programme evaluation, however they require further support to increase their capability to determine the quality of the learning programme. The learning programme is not consistently evaluated to maintain ongoing improvements for children.
While most health and safety procedures are followed, it is important to ensure that policies for administering medicines and for hazard checks are followed and maintained.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
ERO identified areas of non-compliance. In order for the kōhanga reo whānau to meet compliance requirements, they need to:
ERO and the Kōhanga Reo whānau developed the following recommendation:
The next ERO evaluation of Te Kōhanga Reo o Te Ngākau Mahana will be in three years.
Lynda Pura-Watson
Deputy Chief Review Officer Māori
19 June 2018
| Location | Henderson, Auckland | ||
| Ministry of Education profile number | 20481 | ||
| Kōhanga Reo Identification Number | 02C026 | ||
| Licence type | Te Kōhanga Reo | ||
| Licensed under | Education (Early Childhood Services) Regulations 2008 | ||
| Number licensed for | 30 children, including up to 5 aged under 2 | ||
| Kōhanga Reo roll | 19 children, including up to 3aged under 2 | ||
| Gender composition | Girls 8 Boys 11 | ||
| Ethnic composition | Māori | 100% | |
| Review team on site | April 2018 | ||
| Date of this report | 19 June 2018 | ||
| Most recent ERO report(s) | Education Review Supplementary Review Education Review | May 2015 October 2012 March 2011 | |
E whakahaerehia ana Te Kōhanga Reo o Te Ngākau Mahana i tētahi whare i āta whakawhanakehia ai ki tētahi wāhanga o te kura tuarua o Henderson, ki Tāmaki-makau-rau ki te Hauāuru. Ko te nuinga o ngā tamariki ki te kōhanga reo e rua tau te pakeke, kei raro iho rānei i te rua tau. Kāhore te nuinga o rātou e mōhio ana ki te reo Māori i tā rātou tīmatanga, ā, ko te kōhanga reo anake te wāhi ka rongo rātou i te reo Māori. He pai te noho pūmau o Te Ngākau Mahana ki te kaupapa o te kōhanga reo.
Ka whakaatu te whānau me ngā kaimahi i te tino ngākau nui ki te poipoi i ngā tamariki ki tētahi taiao o te reo Māori. He pai te whakawhanake haere a ngā tamariki ki te kōrero i te reo Māori. Ka manaakitia ngā tamariki, ā, ka ako ki tētahi taiao pai. He harikoa, he tau hoki ngā tamariki.
He pēhea rawa te hāpai i ngā tamariki ki te ako i te reo Māori?
He pai te hāpai i ngā tamariki ki te ako i te reo Māori.
Ka ako ngā tamariki ki tētahi taiao o te reo Māori. Kōrero ai ngā kaimahi i te reo Māori ki ngā tamariki, puta noa i te rā. Ka whakamahi rātou i te reo Māori ki ngā wā ako ōkawa, ā, he whai wāhitanga mō ngā tamariki ki te kawe i te ārahitanga. Ka tono ngā kaiako i ngā tamariki ki te ārahi me te taki i ngā karakia. Ka hāpai aua taumahi i ngā tamariki ki te whakawhanake i tō rātou māia. He pārekareka ki ngā tamariki te waiata me te mahi i ngā waiata ā-ringa. Ka whakamahi ngā kaimahi i te whānuitanga o ngā tūmomo taumahi hihiri, rautaki hoki, ka kapo atu, ka hāpai anō hoki i te whakawhanaketanga reo Māori o ngā tamariki. He pai te aro atu a ngā tamariki ki te reo Māori, i a rātou e tautokona ana e ngā kaimahi. Kei te whakawhanake ngā tamariki i ngā tūāpapa papai mō te ako i te reo Māori.
Ka ako ngā tamariki i te ao Māori. Ka whakamahi ngā kaimahi i te whānuitanga o ngā tūmomo rautaki kia arotahi ai ngā tamariki ki ngā karakia i te tīmatanga o te rā. E whakawhanake ana ngā mōhiotanga o ngā tamariki ki ō rātou ake pepeha me ō rātou ake whakapapa. Ka rongo rātou i ngā pepeha ki tō rātou kōhanga reo. Ka whakatutuki ngā tuākana i ō rātou tūranga, ā rātou kawenga hoki hei tangata whenua. He tau ngā tamariki ki ngā horopaki Māori.
He pārekareka ki ngā tamariki te haere ki te kōhanga reo. Ka whakahihiri ngā kaimahi i ngā tamariki ki te ako. Ka whakamahi rātou i ō rātou pūkenga mā ngā huarahi auaha, hei hāpai i ngā akoranga a ngā tamariki. He harikoa, he tau hoki ngā tamariki ki tō rātou taiao.
Ka wheako ngā tamariki i ngā hononga papai i te kōhanga reo. Ka ākina rātou kia ako ngātahi ki te taha o ētahi atu. Ka kitea te atawhai me te aroha o ngā kaimahi ki ngā tamariki. Ka manaaki ngā tuākana me ngā tēina i ngā pēpi, ā, ka hāpai i tā rātou whai wāhi mai ki ā rātou tākaro. He mārie, he harikoa, he tau hoki ngā tamariki.
He ākonga whakaongaongatia, he ākonga whakahihiri hoki ngā tamariki. He whai wāhitanga mā rātou ki te whai i ō rātou ake ngākau nuitanga. Ka akiaki ngā kaimahi i ngā tamariki ki te mahi auaha, me te whakaaro pohewa. He pākiki ngā tamariki, ā, ka patapatai. He pakari ngā tamariki ki tō rātou taiao.
Ka whai hua ngā tamariki nā te whai pūtaketanga o ngā mahere marautanga e whakatairanga ake i ō rātou ngākau nuitanga. Ka whakamahi ngā kaimahi i tētahi tauira whakamahere e whai hua ana ki te hāpai i ngā matea ako o ngā tamariki. Ka ārahi te hōtaka o ia rā i te whakaako o te reo me ngā tikanga Māori. Ka mōhio haere, ka pakari haere hoki ngā tamariki nā ngā wheako akoranga i āta whakamaheretia ai.
E tino tautokona ngā tamariki e te whānau. He mātātoa te whai wāhi atu a ētahi mema o te whānau ki ngā whakahaeretanga o te kōhanga reo. Ka whakareri rātou i ngā kai hauora mā ngā tamariki, ā, ka mahi hoki rātou i te whānau awhi i ia te wā. Ka noho pūmau te whānau ki te kaupapa o te kōhanga reo. He kaha te manaaki me te aroha puta noa i te whānau o te kōhanga reo.
He mārama ngā whakaritenga me ngā tukanga e pā ana ki te whakahaeretanga a te whānau. Kua āta whakawhanakehia te tūtohinga me ngā kaupapa here, ā, kua whakaritea hoki ngā mahi matua e pā ana ki te hauora me te haumaru. Kua whakaritea ngā arohaehae, ā, ko ngā akoranga ngaio me ngā whakangungu ngaio e hāpai ana i ngā kaimahi i roto i ā rātou mahi. E mōhio ana te whānau ki ā rātou kaupapa matua me ngā whāinga mō te ahunga whakamua tonu o te kōhanga reo. Whiwhi ai te whānau i ngā pūrongo i ia te wā mō ngā whakahaeretanga o ia rā me te hōtaka hoki mā ngā tamariki ki te kōhanga reo. Ka whakatutuki wawe te whānau i ngā take me ngā āwangawanga ka pupū ake. He pai ngā pūnaha whakahaere pūtea a te whānau. Ko ngā painga mō ngā tamariki me tō rātou waiora hoki kei te pūtake o ngā mahi whakamahere, whakariterite hoki o te whānau.
Kāhore ngā aromatawai e tohu ana i te ahu whakamua e whakatutukihia ana e ngā tamariki. He whāiti noa ngā mōhiohio a te whānau mō te ako a ā rātou tamariki. He iti noa te tautoko, ngā whakangungu hoki a ngā kaimahi, hei hāpai i a rātou ki te whakapai ake i ā rātou mahi aromatawai.
He whāiti te aromātai hōtaka. Kāhore te aromātai hōtaka e tāutu ana i ngā whakapaitanga ki te hōtaka akoranga, e arotahi ana rānei ki te aronga toi whenuatanga me te tuakiri o ngā tamariki.
Ahakoa e mōhio ana te whānau ki ā rātou kaupapa matua, ā rātou whāinga hoki mō meāke nei, kāhore anō kia oti i a rātou tētahi mahere ā-tau. Kāhore rātou e pūrongo ana, e aroturuki ana, e whakatakoto ana hoki i te ahunga whakamua ki te whakatutuki i ā rātou whāinga.
I te wā o te arotake, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
Hei whakapai i ngā whakaritenga, me tahuri te whānau ki te:
E taunaki ana Te Tari Arotake Mātauranga kia whakapai te whānau i te arotake whaiaro.
E tū ana Te Kōhanga Reo o Te Ngākau Mahana ki te kura tuarua o Henderson, ki Henderson i Tāmaki-makau-rau ki te Hauāuru. E tino tautokona ana ngā tamariki ki te ako i te reo Māori. He pakari rātou ki tō rātou taiao ako, ā, he pārekareka ki a rātou te pai o ngā taunekeneke.
Ka arotake anō Te Tari Arotake Mātauranga i Te Kōhanga Reo o Te Kōhanga Reo o Te Ngākau Mahanai roto i te toru o ngā tau.
Lynda Pura-Watson
Kaiurungi Whakaturuki Arotake Māori
18 Haratua, 2015
Te Kōhanga Reo o Te Ngākau Mahana operates from a well developed building and designated section at Henderson High School, West Auckland. The majority of children who attend kōhanga reo are two years old or younger. Most have little prior knowledge of te reo Māori when they begin and the kōhanga reo is the only place they are exposed to te reo Māori. Te Ngākau Mahana maintains the kaupapa of kōhanga reo well.
The whānau and kaimahi demonstrate a strong commitment to nurturing children in a te reo Māori environment. Children are developing well as beginning speakers of te reo Māori. Children are cared for and learn in a positive environment. Children are happy and settled.
How well are children supported to learn te reo Māori?
Children are well supported to learn te reo Māori.
Children learn in a te reo Māori environment. Kaimahi speak te reo Māori to children throughout the day. They use te reo Māori in formal learning sessions where children have opportunities to take lead roles. Kaiako ask children to lead and recite karakia. These activities help children to develop confidence. Children enjoy singing waiata and performing waiata-ā-ringa. Kaimahi use a range of exciting activities and strategies to captivate and support children’s te reo Māori development. Children respond well in te reo Māori when supported by kaimahi. Children are developing positive foundations for learning te reo Māori.
Children learn about te ao Māori. Kaimahi use a range of strategies to focus children on karakia at the beginning of the day. Children are developing knowledge of their individual pepeha and whakapapa. They hear the pepeha of their kōhanga reo. Tuakana fulfil their role and responsibility as tangata whenua. Children are comfortable in Māori settings.
Children enjoy going to kōhanga reo. Kaimahi inspire children to learn. They use their skills in creative ways to support children’s learning. Children are happy and comfortable in their surroundings.
Children experience positive relationships while at the kōhanga reo. They are encouraged to learn with and alongside others. Kaimahi are warm and loving towards children. Tuakana and teina are caring towards babies and include them in their play. Children are calm, happy and settled.
Children are stimulated and motivated learners. They have opportunities to follow their own interests. Kaimahi encourage children to be creative and imaginative. Children are curious and ask questions. Children are confident in their environment.
Children benefit from purposeful curriculum planning that builds on their interests. Kaimahi use an effective planning model to support children’s learning needs. The daily programme guides the teaching of te reo and tikanga Māori. Children gain knowledge and confidence from well planned learning experiences.
Children are well supported by whānau. Some whānau members take an active role in the kōhanga reo operations. They prepare healthy food for children and provide whānau awhi regularly.
Whānau are committed to the kaupapa of Te Kōhanga Reo. There is a strong sense of care and love throughout the kōhanga reo whānau.
Whānau management practices and processes are clear. The charter and policies are well developed and core health and safety practices are in place. Appraisals are in place and agreed professional learning and training support kaimahi in their work. Whānau know their priorities and goals for the future direction of the kōhanga reo. Whānau receive regular reports the day to day operations of the kōhanga reo and the programme for children. Whānau attend to emerging issues and concerns promptly. The whānau has good financial management systems. Children’s interests and wellbeing are central to whānau planning and organisation.
Assessment does not show what progress children are making. Whānau have limited information about their child’s learning. Kaimahi have had little support and training to help them improve their assessment practices.
Programme evaluation is limited. Programme evaluation does not identify improvements to the learning programme or focus on children’s belonging and identity.
While whānau know their priorities and goals for the future they have not completed an annual plan. They do not report, monitor and record progress towards achieving their goals.
During the review, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
To improve practice the whānau must:
ERO recommends that whānau improve self review.
Te Kōhanga Reo o Te Ngākau Mahana is located at Henderson High School in Henderson, West Auckland. Children are well supported to learn te reo Māori. They are confident in their learning environment and enjoy positive interactions.
The next ERO review of Te Kōhanga Reo o Te Ngākau Mahana will be in three years.
Lynda Pura-Watson
Deputy Chief Review Officer Māori
18 May 2015
| Location | Henderson, Auckland | |
| Ministry of Education profile number | 20481 | |
| Kōhanga Reo Identification Number | 02C026 | |
| Licence type | Te Kōhanga Reo | |
| Licensed under | Education (Early Childhood Services) Regulations 2008 | |
| Number licensed for | 30 children, including up to 5 aged under 2 | |
| Kōhanga Reo roll | 25 children, including up to 5 aged under 2 | |
| Gender composition | Girls 13 Boys 12 | |
| Ethnic composition | Māori 100% | |
| Review team on site | March 2015 | |
| Date of this report | 18 May 2015 | |
| Most recent ERO report(s) | Supplementary Review Education Review Education Review | October 2012 March 2011 February 2008 |